លោក ច្រឹក សុខនីម អគ្គនាយក្រុមហ៊ុន Century 21 Mekong បានឱ្យដឹងថា នៅពេលបច្ចុប្បន្ននេះស្ថានភាពដីឡូត៌ភាគច្រើនភាគច្រើននៃទីផ្សារនៅទ្រឹងដោយសារទិដ្ឋភាពនៃបញ្ហាប្រឈមនៃសេដ្ឋកិច្ច ហើយប្រជាជនសព្វថ្ងៃនេះគាត់ប្រើប្រាស់ធនធានរបស់ពួកគាត់ទៅលើរបស់ណាដែលចំាបាច់ ហើយសំខាន់បំផុត។ដូចនេះការទិញដីឡូត៌នៅពេលខ្លះសម្រាប់ការវិនិយោគហាក់មានការថមថយបន្តិច ដោយសារតែប្រជាពលរដ្ឋផ្តល់អាទិភាពទៅឱ្យការប្រើប្រាស់ឬ ការរស់នៅប្រចំាថ្ងៃ ខណៈបញ្ហាប្រឈមមួយចំនួនផ្សេងទៀត ធ្វើឱ្យពលរដ្ឋនៅមានភាពស្ទាក់ស្ទើក្នុងការវិនិយោគ។

លោក ច្រឹក សុខនីម មានប្រសាសន៍ថា «តាមទស្សនៈរបស់ខ្ញុំ គឺត្រូវការពេលនៅពេលស្ថានភាពសេដ្ឋកិច្ចគាប់ប្រសើបានត្រឡប់មកវិញ ដល់ពេលនោះដីឡូត៌នឹងរីកចម្រើនឡើងកាន់តែខ្លំាងតទៅទៀត។តែស្ថានភាពឥលូវយើងមានការលំបាកទំាងអស់គ្នា»។

បើតាមអ្នកជំនាញខាងអចលនទ្រព្យនិងសំណង់ខាងលើរូបនេះ ដីឡូត៌មានសកម្មភាពដោះដូរខ្លះៗ តែមានច្រើនដូចកាលពីពេលមុន ព្រោះពីមុនភ្ញៀវ និងអ្នកវិនិយោគគាត់ទិញដីឡូត៌ច្រើន តែនៅពេលសព្វថ្ងៃនេះ គាត់បង្វែរទិសដៅនៃការវិនិយោគរបស់ពួកគាត់ទៅរកកន្លែងណាដែលមានភាពចំាប៉ុណ្ណោះ។

លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជាយល់ឃើញថា« ទាក់ទងនិងការស្ងប់ស្ងាត់ឬការធ្លាក់ចុះចរន្តទិញលក់ដីឡូត៌នេះ យើងបានដឹងគ្រប់គ្នាហើយថា ជាទូទៅនៅក្នុងប្រទេសរបស់យើង មិនថានៅក្រុងភ្នំពេញនិងតាមបណ្តាខេត្តផ្សេងៗមានការថយចុះច្រើនគួរឱ្យកត់សម្គាល់។

ការស្ងប់ស្ងាត់នៃការទិញលក់ដីឡូត៌ វាឆ្លុះបញ្ចំាងឱ្យឃើញអំពីសកម្មភាពសេដ្ឋកិច្ច ប្រាក់ចំណូល ការប្រកបមុខរបរផ្សេងៗរបស់ប្រជាពលរដ្ឋ ម្លោះហើយបានជំរុញឱ្យប្រជាពលរដ្ឋនឹកមិនឃើញចង់ទៅទិញដីឡូត៌ឬ ទិញផ្ទះជាដើម»។
បើតាមអ្នកជំនាញសេដ្ឋកិច្ច យល់ឃើញថាលុះណាតែសង្គ្រាមរុស្ស៊ីអ៊ុក្រែនរួមទំាងសង្គ្រាមកំពុងតែកើតឡើងថ្មីៗនេះរវាងប៉ាលីស្ទិននិងអ៊ីស្រាអែល ស្ងប់ស្ងាត់ឬបិទបញ្ចប់ ហើយសង្គ្រាមពាណិជ្ជកម្មរវាងប្រទេសមហាអំណាច ឬការដាក់ទណ្ឌកម្មផ្សេងៗរបស់សហរដ្ឋអាមេរិកទៅសហព័ន្ធរុស្ស៊ីនិងសម្ព័ន្ធមិត្តនេះមានការថមថយ ទើបធ្វើឱ្យសណ្តាប់ធ្នប់សកលឬការផ្គត់ផ្គង់សកលវិលត្រឡប់មករកភាពល្អឡើងវិញ។

លោកបណ្ឌិត ហុង វណ្ណៈ មានប្រសាសន៍ថា «មុខរបរដីឡូត៌ឬលំនៅឋាន វាកម្រើកបានលុះណាវិស័យសំខាន់ៗជាច្រើនដែលជាបេះដូងនៃសេដ្ឋកិច្ចជាតិកម្រើកឬរីកចម្រើន តែបើវិស័យទំាងនោះមិនមានការកម្រើកខ្លំាងនោះទេ ការលក់ទិញលក់ដីឡូត៌វាមិនសូវស្ទុះទេ។ក្រៅពីនេះបើមានការវិនិយោគច្រើន ពលរដ្ឋមានការងារធ្វើ អាចរកប្រាក់ចំណូលទៀងទាត់ ហើយជំរុញវិស័យដទៃផ្សេងទៀតរបស់សង្គម រស់រវើកឡើង ទើបការលក់ដីឡូត៌ឬការលក់លំនៅឋានជាដើមនេះអាចកម្រើកត្រឡប់ទៅដូចកាលពីមុនបាន»៕

អត្ថបទ៖ សារេត

The post ការទិញ-លក់ដីឡូត៌ក្នុងស្រុកស្ងប់ស្ងាត់អាចអូសបន្លាយយូរថែមទៀតបើពិភពលោកបន្តជួបបញ្ហា appeared first on .

លោកច្រឹក សុខនីម អគ្គនាយកក្រុមហ៊ុន Century 21 Mekong យល់ឃើញថា យោងតាមសេចក្តីប្រកាសរបស់ក្រសួងសេដ្ឋកិច្ចនិងហិរញ្ញវត្ថុ និងក្រសួងរៀបចំដែនដីនិងនគរូបនីយកម្មនិងសំណង់ប្រកាសលើកលែងបង់សេវាសាធារណៈថ្មីៗនេះ ភាគច្រើនផ្តល់ការលើកទឹកចិត្តទៅដល់អ្នកអភិវឌ្ឍ ដើម្បីជួយសម្រួលបែបបទរដ្ឋបាលឱ្យមានដំណើរការរលូន។

លោក ច្រឹក សុខនីម សង្កត់ធ្ងន់ថា«ទំាងអស់នេះវាគ្រាន់តែជាផ្នែកមួយជ្រុងគំាំទ្រទៅលើវិស័យនេះទេ ទោះបីជួយសម្រួលប៉ុណ្ណឹង ក៏ឱ្យវិស័យនឹងងើបឬរីកចម្រើនបានលឿន ខ្ញុំមើលទៅក៏មិនបានច្រើនពេកដែរ។អ្វីដែលជាគន្លឹះសំខាន់នោះគឺរាជរដ្ឋាភិបាលតាមរយៈក្រសួងសេដ្ឋកិច្ចនិងហិរញ្ញវត្ថុគួរជំរុញនិងផ្តល់ការលើកទឹកចិត្តច្រើនទៅលើការផ្តល់ប្រាក់កម្ចីសម្រាប់អតិថិជន ។ដូច្នេះឥទ្ធិពលនៅក្នុងការដោះដូរនៅក្នុងវិស័យអចលនទ្រព្យវាមានភាពប្រសើរឡើងវិញហើយ»។

បើតាមលោក ច្រឹក សុខនីម ថាឥឡូវខាងធនាគារក៏មានការរឹតត្បិត ក្នុងការកាត់បន្ថយការបញ្ចេញឥណទាន អ៊ីចឹងវាធ្វើឱ្យបញ្ហាប្រឈមនៅក្នុងទីផ្សារនេះជួបឧបស័គ្គធំរួម ទោះបីជាការលើកលែងបង់ថ្លៃសេវាសាធារណៈពីក្រសួង តែមិនអាចដោះស្រាយបញ្ហាទំាងអស់បានទេ។

លោកលើកឡើងថា មកដល់បច្ចុប្បន្ននេះ ភាគច្រើនតម្លៃនៃការដោះដូរមានភាពទ្រឹង ហើយចំនួននៃការដោះដូរក៏មិនសូវបានច្រើនដែរនៅក្នុងរយៈពេល៦ខែចុងក្រោយនៃឆ្នំា២០២៣ ។នេះយន្តការដែលយើងមានការព្រួយបារម្ភសម្រាប់រយៈពេលខាងមុខ ។

លោក ច្រឹក សុខនីម មានប្រសាសន៍ថា«ជាទស្សនៈរបស់ខ្ញុំ រាជរដ្ឋាភិបាលគួរតែលើកទឹកចិត្តខ្លះទៅលើប្រព័ន្ធធនាគារដើម្បីជួយជំរុញឱ្យវិស័យអចលនទ្រព្យនេះកាន់តែទទួលបាននៅភាពរឹងមាំ ធ្វើជាសរសរទ្រូងនៅក្នុងវិស័យសេដ្ឋកិច្ចនាពេលអនាគត ពីព្រោះថាបើវិស័យនេះទទួលរងផលប៉ះពាល់ខ្លំាង ដូច្នេះវិស័យសេដ្ឋកិច្ចក៏ជួបបញ្ហាប្រឈម»៕

អត្ថបទ៖សារេត

The post អ្នកជំនាញ ចង់ឃើញរាជរដ្ឋាភិបាលលើកទឹកចិត្តដល់ធនាគារផ្តល់ប្រាក់កម្ចី​ដើម្បីធ្វើឱ្យវិស័យអចលនទ្រព្យប្រសើរឡើងវិញ appeared first on .

អគ្គនាយកក្រុមហ៊ុន Century 21 Mekong សង្កេតឃើញថានៅតំបន់ផ្សារទំនើបអ៊ីអនទី៣ មានការប្រមូលផ្តុំយូររួចមកហើយតែគ្រាន់ថាពេលអ៊ីអនទី៣ចាប់ផ្តើមដំណើរការភ្លាម ធ្វើឱ្យមានលំហូរមនុស្សអ្នកដែលនៅទីប្រជុំជនក្នុងតំបន់នានាចាប់ផ្តើមមានសកម្មភាពចូលមកទស្សនាឬដាក់តំាងលក់ផលិតផលឬទិញទំនិញនៅផ្សារអ៊ីអនទី៣។

លោក ច្រឹក សុខនីម អគ្គនាយកក្រុមហ៊ុន Century 21 Mekong មានប្រសាសន៍ថាសម្រាប់តម្លៃដីធ្លីនៅតំបន់នោះខ្ញុំមើលមិនទាន់ឃើញមានការប្រែប្រួលខ្លំាងពេកនោះទេ។ ប៉ុន្តែអនាគតវានឹងមានការប្រែប្រួលច្រើន ព្រោះដីនៅតំបន់អ៊ីអនទី៣នេះ វាបានឡើងថ្លៃម្តងជាពីរដងរួចមកហើយ។ អីចឹងនៅក្នុងកំឡុងពេលនេះវាមិនទាន់វាមានការប្រែប្រួលខ្លំាងនោះទេ។

លោកបញ្ជាក់ថា «ដីនៅតំបន់អ៊ីអនទី៣ដំបូងឡើងថ្លៃចន្លោះពី៤៥០ រហូតដល់ ៨០០ដុល្លារអាមេរិកក្នុងមួយម៉ែត្រការ៉េ ហើយនៅមួយរយៈចុងក្រោយនេះបានឡើងថ្លៃពី ៨០០ទៅ១២០០ ឬដល់១៩០០ដុល្លារអាមេរិកក្នុងមួយម៉ែត្រការ៉េនៅតាមតំបន់ជាក់ស្តែង។ ប៉ុន្តែនៅរយៈពេល២ឬ៣ឆ្នំាទៀតនៅពេលស្ថានភាពមានភាពកាន់តែប្រសើរធ្វើឱ្យចរន្តនៃការដោះដូរមានច្រើននឹងធ្វើឱ្យតម្លៃដីនៅទីនោះវានិងឡើងថ្លៃបន្តទៀត»។
ស្របពេលតម្លៃដីធ្លីនៅតំបន់អ៊ីអនទី៣បានឡើងថ្លៃពីរដំណាក់រួចមកហើយថាតើនៅថ្ងៃខាងមុខដីនៅទីនោះវាសមស្របទៅនិងការវិនិយោគសម្រាប់គម្រោងបែបណា?
លោក ច្រឹក សុខនីម មានប្រសាសន៍ថា «នៅទីនោះអាចមានការសាងសង់ផ្ទះល្វែងសម្រាប់អាជីវកម្មហើយបន្តិចទៀត ខ្ញុំគិតថាការសាងសង់ផ្ទះរាងហាក់នឹងមានការថមថយព្រោះដីនៅទីនោះមានតម្លៃថ្លៃអីចឹងភាគច្រើននិងមានការសាងសង់ជាខុនដូនៅថ្ងៃអនាគត។ តែឥឡូវនេះដីនៅមានតម្លៃធូរថ្លៃគេអាចយកមកសិក្សាឬគណនាបាន តែផុតពេលពេលនេះទៅលែងទៅរួចព្រោះតម្លៃដីវាថ្លៃជ្រុលពេក។ ដូចនេះតំបន់នៅជិតអ៊ីអនទី៣ជាគោលដៅនិងមានការសាងសង់ជាខុនដូខ្ពស់ៗ»៕ អត្ថបទ៖សារេត

The post ដីធ្លីនៅប្លុកផ្សារទំនើបអុីអនទី៣ ជាគោលដៅសម្រាប់​គម្រោងវិនិយោគ សាងសង់ខុនដូខ្ពស់ៗនៅថ្ងៃខាងមុខ appeared first on .