លោក យឹម លាង ជាកូនប្រុសច្បងលោក យឹម ឆៃលី ឧបនាយករដ្ឋមន្ត្រី និងប្រធានក្រុមប្រឹក្សាស្ដារអភិវឌ្ឍន៍វិស័យកសិកម្ម និងជនបទ ភរិយារបស់លោកគឺលោកស្រី ជា សុផាម៉ាដែន ហើយក៏ជាបងថ្លៃលោក ហ៊ុន ម៉ានី អ្នកដំណាងរាស្ត្រមណ្ឌលខេត្តកំពង់ស្ពឺ។

លោក យឹម លាង បច្ចុប្បន្នជាឧត្តមសេនីយ៍ឯក ដែលកំពុងកាន់តំណែងអគ្គស្នងការរងនគរបាលជាតិ និងជានាយរងខុទ្ទកាល័យសម្តេចវិបុលសេនាភក្តី សាយ ឈុំ ប្រធានព្រឹទ្ធសភា។ កាលពីឆ្នាំ២០១១ លោកបានទទួលតំណែងជាមេបញ្ជាការកងអង្គរក្សរបស់សម្តេច ជា ស៊ីម អតីតប្រធានព្រឹទ្ធសភា។ កាលពីថ្ងៃទី៣ ខែមេសា ឆ្នាំ២០២០ សម្ដេចតេជោ ហ៊ុន សែន នាយករដ្ឋមន្រ្តី ចេញផ្ទេរក្របខណ្ឌរបស់លោក យឹម លាង ពីកងយោធពលខេមរភូមិន្ទឲ្យទៅបម្រើការងារក្នុងក្របខណ្ឌនគរបាលជាតិកម្ពុជា ក្នុងតួនាទីជាអគ្គស្នងការរងនគរបាលជាតិទទួលបន្ទុកដឹកនាំការពារ។ មុនផ្ទេរក្របខណ្ឌមកក្នុងនគរបាលជាតិនេះ លោក មានតួនាទីជានាយរងសេនាធិការចម្រុះអគ្គបញ្ជាការដ្ឋានកងយោធពលខេមរភូមិន្ទ។

ក្រៅពីនោះ លោក យឹម លាង កាលពីថ្ងៃទី១៧ ខែមិថុនា ឆ្នាំ២០២០ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ក៏បានសម្រេចតែងតាំងជាអនុប្រធានខុទ្ទកាល័យ នៃគណៈកម្មការកណ្ដាល៕

The post កូនប្រសារលោក ជា សុផារ៉ា តែងតាំងជាទីប្រឹក្សា និងនាយករងខុទ្ទកាល័យប្រធានព្រឹទ្ធសភា ឋានៈស្មើទេសរដ្ឋមន្ដ្រី appeared first on .

តាម​ប្រភព​ជិត​ស្និត​ដែល​ឧកញ៉ាញូស៍ ទទួល​បាន​ ពិធី​សន្និបាត​បូក​សរុប​លទ្ធផល​ការងារ​ប្រចាំ​ឆ្នាំ​២០២២ ​​​​និង​សម្ពោធ​​អគារ​មន្ទីរ​ពិសោធន៍​ជាតិ​សំណង់ របស់​ក្រសួងរៀបចំដែនដី ​​នឹង​មាន​ការអញ្ជើញ​ចូល​រួម​ពី​ប្រមុខ​រាជរដ្ឋាភិបាលកម្ពុជា សម្តេច​តេជោ ហ៊ុន សែន ​​រួម​ទាំង​វត្តមាន​ប្រធាន​ក្រុមប្រឹក្សា​ធម្មនុញ្ញ ឧបនាយករដ្ឋមន្ត្រី សមាជិកព្រឹទ្ធសភា រដ្ឋសភា ទេសរដ្ឋមន្ត្រី រដ្ឋមន្ត្រី ថ្នាក់ដឹកនាំ​កង​កម្លាំង​គ្រប់ប្រភេទ និង​អភិបាល​រាជធានីខេត្ត​ទាំង​២៥ ផងដែរ។

យ៉ាងណាមិញ សម្រាប់​វិស័យ​ឯកជន​វិញ ​​ក៏​​នឹង​មាន​ការ​ចូល​រួម​ពី​សំណាក់​អ្នកឧកញ៉ា និង​ឧកញ៉ា ជា​ច្រើន​រូប​ផង​ដែរ ដែល​កំពុង​កាន់​កាប់​មុខ​ជំនួញ​ធំៗ ​ក្នុង​នោះ​មាន​ដូច​ជា៖

១. អ្នកឧកញ៉ា គិត ម៉េង ៖ ប្រធានសភាពាណិជ្ជកម្មកម្ពុជា
២. អ្នកឧកញ៉ា ពុង ឃាវសែ ៖ ប្រធានសមាគមអ្នកសាងសង់កម្ពុជា
៣. អ្នកឧកញ៉ា លី ហួរ ៖ ប្រធានសមាគមអ្នកអភិវឌ្ឍន៍លំនៅឋានកម្ពុជា
៤. អ្នកឧកញ៉ា លី យ៉ុងផាត់ ៖ ប្រធានក្រុមហ៊ុន LYP Group
៥. អ្នកឧកញ៉ា ម៉ុង ឬទ្ធី ៖ អគ្គនាយកក្រុមហ៊ុន ម៉ុង ឬទ្ធីគ្រុប
៦. អ្នកឧកញ៉ា លាង ឃុន ៖ សហស្ថាបនិកក្រុមហ៊ុន ជីប ម៉ុង គ្រុប
៧. លោកឧកញ៉ា ថៃ ជាហួត ៖ អគ្គនាយកក្រុមហ៊ុន បុរី ប៉េង ហួត
៨. អ្នកឧកញ៉ា លាង ម៉េង ៖ សហស្ថាបនិកក្រុមហ៊ុន ជីប ម៉ុង គ្រុប
៩. លោកឧកញ៉ា ខូវ គីមបាក់ ៖ ប្រធានរោងចក្រម្សៅមីអាស៊ី
១០. អ្នកឧកញ៉ា សៀ ឬទ្ធី ៖ ប្រធានក្រុមហ៊ុន វើលប៊្រីដលែន
១១. លោកឧកញ៉ា ប៊ុន ជេស្ឋ ៖ សហស្ថាបនិកក្រុមហ៊ុន B&BM Development Co.,Ltd
១២. ឧកញ៉ា ផាត់ ប៊ុន ៖ សហស្ថាបនិកក្រុមហ៊ុន B&BM Development Co.,Ltd ។

សូមជម្រាបថា ពិធី​សន្និបាត​បូក​សរុប​លទ្ធផល​ការងារ​ប្រចាំ​ឆ្នាំ​២០២២ របស់ក្រសួងដែនដី ​គឺ​ធ្វើ​ឡើង​ដើម្បី​​វាយ​តម្លៃ​អំពី​សមិទ្ធផល​នានា​​ដែល​ក្រសួង​សម្រេច​បាន​ក្នុង​ឆ្នាំ​២០២២​កន្លង​ទៅ​នេះ បញ្ហា​ប្រឈម​ដែល​នៅ​សេសសល់ ​និង​​ការ​លើក​ទិសដៅ​ការងារ​សម្រាប់​ឆ្នាំ​២០២៣។ បន្ថែម​ពី​នេះ ក្រសួង​ក៏​បាន​បញ្ចូល​កម្មវិធី​សម្ពោធ​​អគារ​មន្ទីរ​ពិសោធន៍​ជាតិ​សំណង់ ផងដែរ។

អគារ​មន្ទីរ​ពិសោធន៍​ជាតិ​សំណង់ ​ត្រូវ​បាន​​បើកការដ្ឋាន​សាងសង់ កាល​ពី​ថ្ងៃទី​១៧ ខែ​កក្កដា ឆ្នាំ២០២១។ អគារ​នេះ​ ស្ថិត​នៅ​បរិវេណទីស្ដីការក្រសួងដែនដីថ្មី នៅ​ផ្លូវលេខ៣០៧ ក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ។ អគារ​មន្ទីរ​ពិសោធន៍​ជាតិ​សំណង់ ត្រូវ​បាន​សាង​សង់​លើផ្ទៃដី ១ហិកតា មានអគារកម្ពស់ ២ ជាន់ និងបែកចែកជា ៣ ផ្នែកផ្សេងៗគ្នា។ អគារនេះ នឹង​ប្រើជាទីតាំងពិសោធន៍ទូទៅ ពិសោធន៍សំណង់ បរិក្ខារសំណង់ និងផលិតផលសំណង់ជាដើម៕

The post អ្នកឧកញ៉ា ឧកញ៉ា ម្ចាស់ក្រុមហ៊ុនយក្សធំៗរូបណាខ្លះអញ្ជើញចូលរួម​សន្និបាត​បូក​សរុប​លទ្ធផល​ការងារ​ប្រចាំ​ឆ្នាំក្រសួងរៀបចំដែនដី នារសៀលនេះ? appeared first on .

ក្នុងសេចក្តីសម្រេច ដែលចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពី ថ្ងៃទី២០ ខែកក្កដា ឆ្នាំ២០២២ បានកំណត់តួនាទី និងភារកិច្ច ក្រុមការងារនេះ ដោយ​ស្របតាម​​​សេច​ក្ដីសម្រេចលេខ២៦ សសរ ចុះថ្ងៃទី១៨ ខែមេសា ឆ្នាំ២០២២ ស្តីពីការបង្កើតក្រុម​ការងារតម្រង់ទិស ដើម្បីដោះស្រាយបញ្ហាសំណង់ខុសច្បាប់ និងដីធ្លីក្នុង តំបន់​​រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ៕

The post រាជរដ្ឋាភិបាល បង្កើត​ក្រុម​ការងារ​​តម្រង់​ទិស ដើម្បី​ដោះ​ស្រាយបញ្ហា​សំណង់ខុសច្បាប់ និង​ដីធ្លី​ក្នុង​តំបន់​​រមណី​យ​ដ្ឋាន​​​អង្គរ appeared first on .

សួនរុក្ខជាតិអង្គរនឹងក្លាយជាសមិទ្ធផលទេសចរថ្មីមួយទៀត នៅក្នុងក្រុងសៀមរាប ដែលមានដាំរុក្ខជាតិចម្រុះរាប់ម៉ឺនដើមនៃពូជជាង៥០០ប្រភេទ ដូចជា ដើមផ្កា ស្មៅ ឈើហូបផ្លែដោយអាចចាត់ទុកថា ជាសួនមានលក្ខណៈពិសេសលើសសួនកម្សាន្តដទៃទៀតនៅក្នុងប្រទេសកម្ពុជា ដោយសារតែសួននេះ ស្ថិតក្នុងរចនាប័ទ្មបែបខ្មែរ មានដាំបន្លែចម្រុះជាច្រើនមុខ មានសួនរុក្ខជាតិធ្វើឱសថ សួនគ្រឿងទេស សួនអម្បូរត្នោត សួនលំនៅដ្ឋានខ្មែរ និងសួនព្រៃឈើបន្ថែមលើនេះ ក៏មានសួនសត្វជាច្រើនប្រភេទ ដូចជាអណ្តើក ក្ងោក ព្រាប ទន្សាយនិងសត្វស្លាបប្រវាំងជាដើម។

សួនរុក្ខជាតិអង្គរស្ថិតនៅក្នុងភូមិត្រពាំងសេះ សង្កាត់គោកចក ក្រុង ខេត្តសៀមរាប ដែលនៅតាមបណ្តោយរុក្ខវិថីព្រះសីហនុ ឆ្ពោះទៅប្រាសាទអង្គរវត្ត បន្ទាប់ពីបានរៀបចំកែលម្អដោយមានដាំរុក្ខជាតិរាប់ម៉ឺនដើម និងផ្កាចម្រុះជាង៥០០ប្រភេទ។

លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈនិងជាប្រធានក្រុមប្រឹក្សាភិបាលនៃអាជ្ញាធរជាតិអប្សរា បានគូសបញ្ជាក់ឲ្យដឹងថា ការបង្កើតឲ្យមានសួនរុក្ខជាតិនេះឡើង ក្នុងគោលបំណង ដើមី្បធ្វើការផ្សព្វផ្សាយជូនសាធារណជនជាតិ អន្តរជាតិ បានចូលមកទស្សនាកម្សាន្ត និង ស្វែងយល់អំពី អំបូររុក្ខជាតិគ្រប់ប្រភេទ ដែលត្រូវបានអាជ្ញាធរជាតិអប្សរា ធ្វើការអភិរក្ស សម្រាប់ឲ្យកូនចៅជំនាន់ក្រោយ បានសិក្សាស្វែងយល់ អំពីធនធានធម្មជាតិនៅកម្ពុជា ។

លោកស្រីបន្តថា នេះជាផលិតផលទេសចរណ៍ថ្មីមួយ ដែលពោពេញដោយ គុណប្រយោជន៍ផ្នែកសង្គម និង សេដ្ឋកិច្ច ក៏ដូចជាការចូលរួមលើកកម្ពស់ ការយល់ដឹងបន្ថែមដល់ប្រជាជនកម្ពុជា បានស្គាល់ពីរុក្ខជាតិដ៏សម្បូរបែបនៅក្នុងស្រុក និង ក្រៅស្រុក រួមទាំងផលិតផលទេសចរណ៍បន្ទាប់បនំ្សមួយចំនួនផ្សេងទៀត ក្នុងសួន សំដៅបង្កើនស្មារតីស្រឡាញ់ និង ចូលរួមថែរក្សា ការពារ និង អភិរក្សមរត៍កជាតិយើង ។

ជាមួយគ្នានេះលោក ជា សុផារ៉ា ក៏បានបង្ហាញនូវការគាំទ្រចំពោះក្រសួងវប្បធម៌ និងវិចិត្រសិល្បៈ រួមជាមួយអាជ្ញាធរជាតិអប្សរា ដែលបានបង្កើតជាសួនរុក្ខជាតិអង្គរដ៏មានសារសំខាន់មួយនេះឡើង។ លោកបន្តថា សួនរុក្ខជាតិអង្គរនេះ មានលក្ខណៈពិសេសណាស់ ក្នុងការអភិរក្សរុក្ខជាតិខ្មែរសំខាន់ៗ ជាពិសេស គឺរុក្ខជាតិដែលអាចយកមកផ្សំធ្វើជាឱសថព្យាបាលជំងឺផ្សេងៗ។

បើតាមលោក ជា សុផារ៉ា សួនរុក្ខជាតិអង្គរនេះ មានលក្ខណៈពិសេសណាស់ក្នុងការអភិរក្សរុក្ខជាតិខ្មែរសំខាន់ៗ ជាពិសេសគឺរុក្ខជាតិដែលអាចយកមកផ្សំធ្វើជាឱសថព្យាបាលរោគផងនោះ។ «សួនរុក្ខជាតិអង្គរនេះ ក្រៅតែពីដាំរុក្ខជាតិអាចផ្សំជាឱសថ ដែលជាគំនិតដ៏សំខាន់នោះ វាក៏មានប្រយោជន៍សំខាន់មួយទៀតគឺជួយដល់វិស័យបរិស្ថាន នៃដំណើរការប្រែប្រួលអាកាសធាតុ បានផ្ដល់ជាម្លប់និងបញ្ចេញអុកហ្ស៊ីហ្សែន Oxygen សម្រាប់ ប្រព័ន្ធដកដង្ហើមផងដែរ» ។

លោកបន្ថែមទៀតថា ការផ្ដួចផ្ដើមគំនិតបង្កើតសួនរុក្ខជាតិអង្គរ ដើម្បីជួយដល់ការប្រែប្រួលអាកាសធាតុនៅតំបន់អង្គរនេះ ចាត់ទុកថាជាការលើកស្ទួយដល់វិស័យបរិស្ថានផងនិងលើកស្ទួយដល់សុខភាពសាធារណៈនិងភ្ញៀវទេសចរផងដែរ។

ទន្ទឹមនឹងនោះលោក ជា សុផារ៉ា ក៏បានសំណូមពរឲ្យ ក្រសួងវប្បធម៌និងវិចិត្រសិល្បៈ តាមរយៈអាជ្ញាធរជាតិអប្សរា គួរធ្វើការជាមួយក្រសួងកសិកម្ម រុក្ខាប្រមាញ់និងនេសាទ ដើម្បីស្នើសុំឲ្យក្រសួងកសិកម្មជួយផ្ដល់ពូជឈើនិងរុក្ខជាតិ ព្រមទាំងអ្នកបច្ចេកទេសផង ដើម្បីធ្វើការពង្រីកនិងអភិវឌ្ឍន៍សួនរុក្ខជាតិអង្គរនេះឲ្យកាន់តែមានទំហំធំ ព្រមទាំងរុក្ខជាតិសំបូរបែប ដោយបន្ថែមរុក្ខជាតិថែមទៀត និង បានធ្វើការបំផុសដល់គ្រប់ទីវត្តអារាម និង អាជ្ញាធរ ប្រជាពលរដ្ឋគ្រប់មូលដ្ឋាន ទូទាំង១ព្រះរាជាណាចក្រកម្ពុជា ប្រកាន់ភ្ជាប់នូវប្រពៃណីដាំកូនឈើ ដើមី្បលើកកម្ពស់បរិស្ថាន និង សុខមាភាពយើងគ្រប់គ្នាផងដែរ ។

លើសពីនេះ សួនរុក្ខជាតិអង្គរនេះ អាចនឹងផ្ដល់ជាផលិតផលទេសចរណ៍ថ្មីថែមទៀត ក្នុងការទាក់ទាញភ្ញៀវទេសចរណ៍ដែលមកដល់ទឹកដីប្រវត្តិសាស្ត្រខេត្តសៀមរាប ឲ្យចាប់អារម្មណ៍និងចូលមកកម្សាន្ត ដើរលំហែរកាយ ក៏ដូចជាការដើរហាត់ប្រាណបន្ទាប់ពីគេបានទៅទស្សនាតំបន់រមណីយដ្ឋានអង្គររួចហើយនោះ៕

The post ក្រៅពីប្រាសាទបុរាណ រដ្ឋកែច្នៃដីជាង ១៥ហិកតា ធ្វើសួនរុក្ខជាតិអង្គរដើម្បីទាក់ទាញភ្ញៀវទេសចរណ៍ appeared first on .

គិតចាប់ពីថ្ងៃប្រកាសជាសាធារណៈការអភិវឌ្ឍផ្លូវតភ្ជាប់ថ្មីសន្លាងមួយខ្សែរហូតមកដល់ពេលនេះ​ គម្រោងស្ថាបនាផ្លូវតភ្ជាប់ឧទ្យានជាតិ​ព្រះមុនីវង្សបូកគោ​ មកផ្លូវជាតិលេខ៤ ត្រង់ចំណុច PK១៥៨+២០០​ អនុវត្ត​បាន៤៥ថ្ងៃ​ និងសម្រេចបាន​៦,៥គ.ម​ហើយ។ នេះបើតាមលោក ជា សុផារ៉ា នៅថ្ងៃអាទិត្យ ទី៦ កុម្ភៈ ឆ្នាំ២០២២។

លោក ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដីនគរូបនីយកម្ម និងសំណង់ បានឲ្យដឹងថា ការអនុវត្តគម្រោងសាងសង់ហេដ្ឋារចនាសម្ព័ន្ធផ្លូវថ្មីសន្លាងមួយនេះ គឺអនុវត្តតាមប្រសាសន៍របស់សម្តេចតេជោ ហ៊ុន សែន ហើយលោកបានសម្របសម្រួលជាមួយអ្នកឧកញ៉ា សុខ គង់ និងអ្នកឧកញ៉ា ម៉ុង ឬទ្ធី ធ្វើផ្លូវថ្មីមួយខ្សែប្រវែង ២៧ គីឡូម៉ែត្រ តភ្ជាប់ពីផ្លូវជាតិលេខ ៤ ត្រង់គីឡូម៉ែត្រលេខ ១៥៨+២០០ ឆ្ពោះទៅភ្នំបូកគោ ឆ្លងកាត់តាមដីសម្បទានសេដ្ឋកិច្ចចំការដូងប្រេង។

លោកឧបនាយរដ្ឋមន្រ្តី បានបញ្ជាក់ថា៖ “មុខព្រួញអ្នកឧកញ៉ា សុខ គង់ ធើ្វពីខ្នងភ្នំចុះក្រោម។ ឧកញ៉ា ម៉ុង ឬទ្ធី​ អនុវត្តការដ្ឋានបើកផ្លូវពីផ្លូវជាតិលេខ៤ទៅតភ្ជាប់គ្នា ដែលមានប្រវែងសរុប ៦១​គ.ម”។

លោក ជា សុផារ៉ា បានគូសបញ្ជាក់បន្ថែមថា នេះជាការសម្រួលដល់ការធើ្វដំណើរនិងការគាំទ្រដល់ការវិនិយោគ។ ឧទ្យានជាតិដ៏ពិសិដ្ឋ​នេះ​ រងការខូចខាតនិងខាតបង់ពេលវេលារាប់រយឆ្នាំ​ដោយ​សារសង្គ្រាម។ បច្ចុប្បន្នយើងមានសន្តិភាពពេលផ្ទៃប្រទេស ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន។

គួរជម្រាបជូនថា គម្រោងស្ថាបនាផ្លូវមួយខ្សែនេះ គឺអ្នកឧកញ៉ា សុខ គង់ អគ្គនាយកក្រុមហ៊ុន សូគីម៉ិច គ្រុប ជាអ្នកទទួលរាប់រងរាល់ការចំណាយស្ថាបនាផ្លូវ ហើយអ្នកឧកញ៉ា ម៉ុង ឬទ្ធី អគ្គនាយកក្រុមហ៊ុន ម៉ុងឬទ្ធីគ្រុប ទទួលខុសត្រូវឈូសឆាយដើមដូងប្រេង ដើម្បីបើកផ្លូវ។

តាមរយៈវីដេអូប្រមាណ ១នាទី នៅចំពោះមុខរដ្ឋមន្រ្តី ជា សុផារ៉ា លោក គួច ចំរើន អភិបាលខេត្តព្រះសីហនុ ដែលដើរតួនាទីជាអ្នកសម្របសម្រួល អ្នកឧកញ៉ា ម៉ុង ឬទ្ធី បានចាប់ដៃអ្នកឧកញ៉ា សុខ គង់ ធ្វើសច្ចាប្រណិធានទទួលយកមកអនុវត្តគម្រោងបើកផ្លូវថ្មីមួយខ្សែនេះ។

អ្នកឧកញ៉ា ម៉ុង ឬទ្ធី បញ្ជាក់បន្ថែមថា ការស្ថាបនាផ្លូវឆ្ពោះទៅកាន់ក្រុងបូកគោនេះ មួយផ្នែកធំត្រូវឆ្លងកាត់ចំការដូងប្រេងរបស់លោក ដូច្នេះត្រូវការឈួសឆាយ ហើយអ្នកឧកញ៉ា សុខ គង់ ជាអ្នកចេញថវិកា៕

The post អ្នកឧកញ៉ា សុខ គង់ ដឹកដៃឧបនាយករដ្ឋមន្រ្តី ជា សុផារ៉ា ចុះពិនិត្យការឈួសឆាយដីបើកគម្រោងសាងសង់ផ្លូវថ្មីតភ្ជាប់ពីក្រុងបូកគោទៅកាន់ផ្លូវ​ជាតិ ៤ appeared first on .

ទន្ទឹមនឹងវិធានការផ្លូវច្បាប់ ជនល្មើសត្រូវដាំដើមឈើឡើងវិញ លើផ្ទៃដីដែលបានទន្ទ្រាន ហើយកងរាជអាវុធហត្ថត្រូវចាត់កម្លាំងចុះល្បាតតាមគោលដៅ ដើម្បីទប់ស្កាត់ការទន្ទា្រនដីព្រៃលិចទឹក និងចាត់វិធានការផ្លូវច្បាប់។ នេះបើយោងតាមសេចក្តីប្រកាសព៍ត៌មានរបស់ក្រសួងរៀបចំដែនដី នគរូបនីយកម្ម និងសំណង់ នៅរសៀលថ្ងៃអាទិត្យ ទី៥ ធ្នូនេះ។

ជាមួយគ្នានេះ ប្រតិភូក្រុមការងារអន្តរក្រសួង ក៏បានចេញវិធានការឱ្យរដ្ឋបាលខេត្តពោធិ៍សាត់ ចេញលិខិតណែនាំទៅអាជ្ញាធរស្រុក ឃុំ បញ្ឈប់ការពិនិត្យ បញ្ជាក់លើលិខិតសុំកាន់កាប់ដីក្នុងដែនព្រៃលិចទឹក ព្រមទាំងចេញលិខិតបដិសេធ លើរាល់លិខិតដែលបានចេញរួចពីមុនមក។

ដោយឡែក សម្រាប់ប្រជាពលរដ្ឋដែលបានដាំដំណាំ ពិសេសដំណាំស្រូវ ត្រូវបានប្រតិភូក្រុមការងារអន្តរក្រសួង ទុកពេលឱ្យប្រមូលផលស្រូវ រួចស្នើធ្វើលិខិតទទួលកំហុស និងប្រគល់ដីព្រៃលិចទឹកជូនរដ្ឋវិញ។

សូមរម្លឹកឡើងវិញថា នៅថ្ងៃទី២៨ ខែវិច្ឆិកា ឆ្នាំ២០២១ សម្តេច ហ៊ុន សែន នាយករដ្ឋមន្រ្តីកម្ពុជា ចេញបទ​បញ្ជា​យ៉ាងម៉ឺងម៉ាត់ឱ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាប ត្រូវធ្វើ​ការ​ទប់​ស្កាត់ និងបង្រ្កាបជាបន្ទាន់ចំពោះការលួចកាប់ព្រៃលិចទឹក និងវាទទីយកដីនៅតាមបឹង​ទន្លេសាប ជាពិសេសនៅខេត្តកំពង់ឆ្នាំង។

ភ្លាមៗ រដ្ឋាភិបាល បានបង្កើតក្រុមការងារអន្តរក្រសួងដឹកនាំដោយ លោក ជា សុផារ៉ា ហើយបានដាក់ចេញវិធានការមួយចំនួន ដោយឱ្យអាជ្ញាធរខេត្ត​ និងក្រុម​ការងារចម្រុះ ត្រូវកំណត់ព្រំប្រទល់ឲ្យបានច្បាស់លាស់ និងត្រូវធ្វើការដកហូតដីព្រៃ លិចទឹកដែលរង ការកាប់ ទន្រ្ទានទាំងនោះ យកមករក្សាទុកជារបស់រដ្ឋវិញ៕

The post លោក ជា សុផារ៉ា បញ្ជាឲ្យរដ្ឋបាលខេត្តពោធិ៍សាត់ កំណត់មុខសញ្ញាអ្នកចូលទន្ទ្រានដីដែនព្រៃលិចទឹក ដើម្បីកសាងសំណុំរឿងទៅតុលាការ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

គម្រោងនេះ នឹងត្រូវសាងសង់លើផ្ទៃដី ១ហិកតា មានអគារកម្ពស់ ២ ជាន់ និងត្រូវបែកចែកជា ៣ ផ្នែកផ្សេងៗគ្នា នៅក្នុងបរិវេណទីស្ដីការក្រសួងដែនដីថ្មីនៅ ផ្លូវលេខ៣០៧ ក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ។ ខណៈដែលអគារនេះនឹងប្រើពេលសាងសង់ ៨ ខែ ដើម្បីបញ្ចប់ជាស្ថាពរ។

បើតាមមន្រ្តីជំនាញ អគារទាំងនេះនឹងប្រើជាទីតាំងពិសោធន៍ទូទៅ ពិសោធន៍សំណង់ បរិក្ខារសំណង់ និងផលិតផលសំណង់ជាដើម៕

The post អគារមន្ទីរពិសោធន៍ជាតិសំណង់ ត្រូវបានបើកការដ្ឋានសាង់សង់ជាផ្លូវការហើយ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

មុនឈានជើងចូលកាន់ដំណែងខ្ពស់សំខាន់ក្នុងជួររាជរដ្ឋាភិបាលកម្ពុជា ហើយទទួលបានការចាប់អារម្មណ៍ខ្លាំងមែនទែនពីប្រជាជន ថ្នាក់ដឹកនាំ នឹងមន្រ្តីរាជការ។ តើលោកមានប្រវត្តិយ៉ាងណាខ្លះ ? សូមតាមដានទាំងអស់ជាមួយ “គេហទំព័រឧកញ៉ាញូស៍” ។

លោក ជាសុផារ៉ា កើតនៅថ្ងៃទី​២០ ខែមីនា ឆ្នាំ១៩៥៣ នៅភូមិរការខ្នុរ ឃុំរការខ្នុរ ស្រុកក្រូចឆ្មារ ខេត្តកំពង់ចាម។ លោកប្រឡងជាប់សញ្ញាបត្រមធ្យមសិក្សាបត្រភាគ២ ក្នុងឆ្នាំ១៩៧៤ នៅវិទ្យាល័យ ១៨មីនា បន្ទាប់មកលោកបានចុះឈ្មោះចូលរៀន នៅមហាវិទ្យាល័យវេជ្ជសាស្ត្រ និងទន្តសាស្រ្ត។

ជីវិតលោកផ្ទាល់ និងក្រុមគ្រួសារមិនខុសពីបងប្អូនប្រជាពលរដ្ឋខ្មែរនោះទេ ដោយនៅក្នុងរបបប្រល័យពូជសាសន៍​ប៉ុល ពត លោកត្រូវបានជម្លៀសឲ្យទៅរស់នៅស្រុក ខ្សាច់កណ្តាល ខេត្តកណ្តាល។ ក្រោយថ្ងៃរំដោះ ៧ មករា ១៩៧៩ លោកបានឆ្លងកាត់វគ្គសិក្សានយោបាយជាច្រើន​ ដូចជា៖ វគ្គសិក្សា នយោបាយជំនាន់ទី១​នៅសាលា នយោបាយរដ្ឋធានី វគ្គសិក្សា នយោបាយ​ បច្ចេកទេស សាលារដ្ឋបាលនីតិវិធី វគ្គសិក្សាទ្រឹស្តីនយោបាយ ជំនាន់ទី៤ នៅសាលា ង្វៀងឲ្យតួក ទី៧ ទីក្រុងហូជីមិញ សាធារណរដ្ឋសង្គម និយមវៀតណាម។

ជំហ៊ានបន្ទាប់ លោក ជា សុផារ៉ា ក៏បានចូលបម្រើការងារក្នុងក្របខណ្ឌ័រដ្ឋ នៅថ្ងៃទី២៦ ខែកក្កដា ឆ្នាំ១៩៧៩ និងបានកាន់តំណែង ក្នុងរដ្ឋបាលដែនដី និងដំណែងនយោបាយដូចខាងក្រោម៖

• អនុប្រធាន តំបន់៤ ក្រុងភ្នំពេញ ( ១៩៧៩ដល់ ១៩៨១)
• ប្រធានគណៈកម្មការប្រជាជនសង្កាត់លេខ៤ ក្រុងភ្នំពេញ ( ១៩៨១ដល់ ១៩៨៥)
• ប្រធានគណៈកម្មការប្រជាជនខណ្ឌទួលគោក( ១៩៨៥ដល់ ១៩៨៨)
• អនុប្រធានគណៈកម្មាធិការប្រជាជនក្រុងភ្នំពេញ( ១៩៨៨ដល់ ១៩៩៣)
• អភិបាលរងរាជធានីភ្នំពេញ( ១៩៩៣ ដល់១៩៩៥)
• អភិបាលរងទី១ រាជធានីភ្នំពេញ( ១៩៩៥ដល់១៩៩៩)
• ប្រតិភូរាជរដ្ឋាភិបាលទទួលបានទទួលបន្ទុកអភិបាលរងទី១ រាជធានីភ្នំពេញ(១៩៩៩)
• ប្រតិភូរាជរដ្ឋាភិបាលទទួលបន្ទុកអភិបាលរាជធានីភ្នំពេញ( ១៩៩៩ដល់ ២០០៣)
• ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំនៅសហភាពមីយ៉ាន់ម៉ា(២០០៣)
• ទីប្រឹកក្សាផ្ទាល់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី នៃព្រះរាជជាណាចក្រ កម្ពុជា( ២០០៣ដល់ ២០០៤)
• រដ្ឋលេខាធិការក្រសួងរៀបចំដែនដី នគររូបនីយកម្ម និងសំណង់( ២០០៤ដល់ ២០០៨)
• រដ្ឋមន្ត្រីក្រសួងអភិវឌ្ឍន៍ជនបទ( ២០០៨ ដល់ ខែមេសាឆ្នាំ២០១៦)
• ទេសរដ្ឋមន្ត្រី រដ្ឋមន្ត្រីក្រសួងរៀបចំដែនដី នគររូបនីយកម្មនិងសំណង់
• ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ និងជាប្រានអាជ្ញាធរជាតិ ដោះស្រាយវិវាទដីធ្លីនិងជាសមាជិករដ្ឋសភា( ខែកញ្ញា ២០១៨ មកដល់បច្ចុប្បន្ន)
• លោក ជា សុផារ៉ា មានឋានន្តរសក្តិឧត្តមមន្ត្រីថ្នាក់លេខ១ ( ឆ្នាំ២០០៤) ក្នុងក្របខណ្ឌមន្ត្រីរដ្ឋបាលជាន់ខ្ពស់ និងបានទទួលគ្រឿងឥស្សរិយយសជាតូបការ( ឆ្នាំ២០១៣)។

លោក ជា សុផារ៉ា បានឲ្យតំបូន្មានទៅកាន់បងប្អូនដែលកាន់ការងារផ្នែកវិស័យសាងសង់ហេដ្ឋារចនាសម្ព័ន្ធថា៖ ត្រូវធ្វើការឱ្យមានប្រសិទ្ធិភាព កុំបណ្តោយឱ្យមានការសាងសង់សំណង់ផ្សេងៗគ្មានបទដ្ឋានបច្ចេកទេសច្បាស់លាស់ រឺគ្មានលិខិតអនុញ្ញាតសាងសង់ ដែលអាចបង្កជាវិបត្តិនានាដូចពេលកន្លងមក។

លោកថា ធ្វើយ៉ាងណាឱ្យប្រទេសកម្ពុជាមានសំណង់ប្រកបទៅដោយសុវត្ថិភាព សោភ័ណភាព មានសំណង់ដែលអាចចូលរួមចំណែកទប់ស្កាត់បំរែបំរួលអាកាសធាតុ មិនធ្វើឱ្យប៉ះពាល់ដល់សុខភាពសាធារណៈ និងបុគ្គល ហើយផ្តល់ប្រយោជន៍រួមសម្រាប់ប្រជាពលរដ្ឋ៕

The post សាវតារ ឧបនាយករដ្ឋមន្ត្រី ជា សុផារ៉ា ចូលកាន់ដំណែងខ្ពស់សំខាន់រាប់សិបឆ្នាំ ផ្ទុយស្រឡះពីអ្វីដែលបានរៀននៅមហាវិទ្យាល័យ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

តាមរយៈបណ្តាញសង្គមហ្វេសបុកកាលពីថ្ងៃទី២៨ ខែមេសាម្សិលមិញ លោក ថេង ច័ន្ទសង្វារ រដ្ឋលេខាធិការ និងជាប្រធានក្រុមការងារអភិវឌ្ឍនិងផ្សព្វផ្សាយគោលនយោបាយនិងច្បាប់នៃក្រសួងរៀបចំដែនដី​ នគរូបនីយកម្ម​ និងសំណង់ ក៏បានសំដែងនូវកតញ្ញុតាធម៌ដ៏ជ្រាលជ្រៅជាទីបំផុតចំពោះ​លោក​ ជា​ សុផារ៉ា​ ឧបនាយករដ្ឋមន្ត្រី​ រដ្ឋមន្រ្តីក្រសួង​រៀបចំដែនដី​ នគរូបនីយកម្ម​ និងសំណង់​ ដែលបានរៀបចំចែកថ្នាំពេទ្យបម្រុងដល់មន្រ្តីម្នាក់១ឈុត​ ដល់មន្រ្តីរាជការ​ថ្នាក់កណ្តាលចំនួន​ ៩៦៥នាក់​ មន្រ្តីនៃមន្ទីរ​គ្រប់រាជធានី​ ខេត្ត​ ចំនួន​ ១៤៦២នាក់​ និងមន្រ្តីនៃការិយាល័យរៀបចំដែនដី​ នគរូបនីយកម្ម​ សំណង់​ និង​ភូមិបាល​នៃរដ្ឋបាលក្រុង​ ស្រុក​ ខណ្ឌ​ទូទាំងប្រទេសចំនួន​ ១២៣៩នាក់​ ដេីម្បីទុកប្រេីប្រាស់បឋមនៅតាមផ្ទះ​ក្នុងករណីឆ្លងជំងឺកូវីដ-១៩ដែលមានរោគសញ្ញាស្រាល តាមការណែនាំរបស់ក្រសួងសុខាភិបាល។

លោក ច័ន្ទសង្វារ ក៏សូមឱ្យគុណានិសង្សនេះ​ ញាំងឱ្យវត្ថុសក្តិសិទ្ធិទាំងអស់ក្នុងលោកតាមបីបាច់ថែរក្សាលោកឧបនាយករដ្ឋមន្រ្តី​ លោកជំទាវ​ បុត្រា​បុត្រី​ ចៅ​ និងចៅទួត​ ឱ្យមានសុខភាពល្អបរិបូរ​ កម្លាំងពលំមាំមួន​ និងសម្រេច​ជោគជ័យ​គ្រប់ភារកិច្ច។

The post គិតគូដល់កូនចៅក្នុងគ្រាលំបាក ឧបនាយករដ្ឋមន្ត្រី ជា​ សុផារ៉ា​​ ឧបត្ថម្ភថ្នាំពេទ្យដល់មន្រ្តីរាជការរាប់ពាន់នាក់ appeared first on .