នៅក្នុងឱកាសនោះ លោក ឈាង រ៉ា បានគូសរំលេចថា អគារថ្មីនេះជាការពង្រឹងចក្ខុវិស័យរួម ដើម្បីឱ្យកុមារកម្ពុជាគ្រប់រូបទទួលបានការព្យាបាលវះកាត់ប្រកបដោយសុវត្ថិភាព និងទាន់ពេលវេលា ព្រោះ «រួមគ្នាដើម្បីសុខភាពកុមារ គឺរួមគ្នាដើម្បីអនាគតកម្ពុជា»។ ទន្ទឹមនឹងនេះ លោកក៏បានណែនាំឱ្យមន្ត្រីសុខាភិបាលទាំងអស់ ពង្រឹងគុណភាពសេវា ក្រមសីលធម៌វិជ្ជាជីវៈ បម្រើសេវាដោយមិនរើសអើង និងចេះថែទាំសមិទ្ធផលនេះឱ្យបានល្អ។

សូមបញ្ជាក់ថា អគារសល្យសាស្ត្រកុមារកម្ពស់ ៤ជាន់នេះ បំពាក់ដោយបរិក្ខារទំនើបៗ ហើយគ្រោងនឹងបញ្ចប់ការសាងសង់នៅខែសីហា ឆ្នាំ២០២៧ ខាងមុខ ដើម្បីលើកកម្ពស់សុខុមាលភាពកុមារនៅកម្ពុជា៕

The post មន្ទីរពេទ្យកុមារជាតិ បើកការដ្ឋានសាងសង់អគារវះកាត់ថ្មីតម្លៃ ៥,២លានដុល្លារ appeared first on .

ក្នុងឪកាសធ្វើបាឋកថា លោកស្រី Margaret Allison បានធ្វើបទបង្ហាញពីសារៈសំខាន់នៃភាពជាអ្នកដឹកនាំ ជាពិសេសភាពជាអ្នកដឹកនាំនៅក្នុងវិស័យសុខាភិបាល ដើម្បីបង្កើនប្រសិទ្ធភាពក្នុងការអនុវត្តការងារក្នុងវិស័យសុខាភិបាលបន្ថែមទៀត។ ក្នុងនោះ លោកស្រី ក៏បានបង្ហាញអំពីសារៈសំខាន់ និងភាពខុសគ្នារវាងអ្នកដឹកនាំ និងអ្នកគ្រប់គ្រង។

ចំណែកសាស្រ្តាចារ្យ Dr. Michael Woolcock​ បានបង្ហាញពីរបៀបនៃការដោះស្រាយបញ្ហាដោយផ្អែកលើការបំបែកជាបំណែកតូចៗ វិភាគរកមូលហេតុជាក់ស្តែងនៅនឹងកន្លែង (PDIA: Problem Drivence Iterative Adaptation) និងការត្រិះរិះរកដំណោះស្រាយឈរលើគោលការណ៍ ផ្តល់សិទ្ធអំណាចនិងគាំទ្រពីថ្នាក់ដឹកនាំ (Authority) ការស្រុះស្រួលគ្នាព្រមទទួលយកវិធីនៃការអនុវត្ត (Acceptance) និងលទ្ធភាពគាំទ្រដំណើរការ(Ability) ដើម្បីស្វែងរកលំហនៃការផ្លាស់ប្តូរដែលធ្វើអោយដំណើរនៃអង្គភាពមានការអភិវឌ្ឍន៏ទៅមុខជានិច្ច។

ជាមួយគ្នានេះដែរ លោករដ្ឋមន្រ្តី ក៏បានចូលរួមធ្វើបាឋកថា ដោយបញ្ជាក់អំពីអត្ថប្រយោជន៍នៃការអនុវត្ត PDIA ផ្សារភ្ជាប់នឹងការងារជាក់ស្តែង និងភាពជាអ្នកដឹកនាំដោយត្រូវចេះបទបែនធ្វើយ៉ាងណាអោយការអភិវឌ្ឍន៍ស្ថាបន័សុខាភិបាលមានភាពផ្លាស់ប្តូររីកចំរើនជានិរន្តន៍។ លោកបន្ថែមថា ដើម្បីឆ្លើយតបទៅនឹងស្ថានភាពតម្រូវការជាក់ស្តែង ក្នុងនាមអ្នកដឹកនាំត្រូវដើរតួជាអ្នកដឹកនាំផង និងអ្នកគ្រប់គ្រងផង ដោយត្រូវធ្វើការបែងចែកទៅតាមពេលវេលា និងកាលៈទេសៈ៕

The post លោក ឈាង រ៉ា ហៅអ្នកជំនាញជាន់ខ្ពស់ World Bank ធ្វើបាឋកថាស្តីពី«ភាពជាអ្នកដឹកនាំ និងនវានុវត្តន៍» ជូនដល់មន្រ្តីក្រសួងសុខាភិបាល appeared first on .

រដ្ឋមន្រ្តីទាំង ៣០ដែលកំពុងដឹកនាំក្រសួងស្ថាប័ននោះ ក៏សង្កេតឃើញមានឪពុកបង្កើត និងកូនប្រុសឧកញ៉ា ២រូប ជាថ្នាក់ដឹកនាំក្រសួង គឺរដ្ឋមន្រ្តីក្រសួងសុខាភិបាល និងរដ្ឋមន្រ្តីក្រសួងធម្មការ និងសាសនា។

ឪពុកបង្កើតឧកញ៉ា ឈាង សុវណ្ណរតនៈ ដែលជាម្ចាស់ស្ថានីយ៍ប្រេងឥន្ធនៈ PTT ព្រែកហូរ កាន់តំណែងរដ្ឋមន្រ្តីក្រសួងសុខាភិបាល គឺលោក ឈាង រ៉ា បន្តពីលោក ម៉ម ប៊ុនហេង។ លោកជាអតីតអគ្គនាយកមន្ទីរពេទ្យកាល់ម៉ែត ហើយក៏ជា​ក្មួយប្រសារ​របស់​សម្តេចតេជោ ហ៊ុន សែន ភរិយារបស់លោកឈ្មោះ គឹម សុខលាភ ។

ចំណែរដ្ឋមន្រ្តីក្រសួងធម្មការ និងសាសនា ដែលជាកូនប្រុសបង្កើតឧកញ៉ា ចាយ ស៊ាងអ៊ី ម្ចាស់ស្រាថ្នាំ ចាយ​ស៊ាងអ៊ី ល្បីជាច្រើនជំនាន់មកហើយនោះ គឺលោក ចាយ បូរិន បន្តពីលោក ឈិត សុខុន។

លោក ចាយ បូរិន បានបញ្ចប់ការសិក្សាថ្នាក់បណ្ឌិតទស្សនវិជ្ជា ផ្នែកអភិវឌ្ឍសេដ្ឋកិច្ច(Doctor of Philosophy in Economics Development Science) នៅសកលវិទ្យាល័យ ISLES International University សញ្ញាបត្រឯកទេសមួយទៀតនៅសាលាភូមិន្ទរដ្ឋបាល គឺវគ្គវិក្រឹត្យការមន្ត្រីជាន់ខ្ពស់។

មុនឡើងកាន់រដ្ឋមន្រ្តីក្រសួងធម្មការ និងសាសនា លោកជាកងកម្លាំងនៃនាយកដ្ឋានស្រាវជ្រាវចារកិច្ច, ជាមន្ត្រីនៅក្រសួងសេដ្ឋកិច្ច និងហិរញវត្ថុ, ជាប្រធាននាយកដ្ឋានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ(កកជ), ជាអគ្គលេខាធិការរងក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាអគ្គលេខាធិការរង អអទស (COM)៕

The post ឪពុកបង្កើត និងកូនប្រុសឧកញ៉ា ២រូបកាន់តំណែងរដ្ឋមន្រ្តីអាណត្តិទី៧ appeared first on .