តាមការបង្ហោះលើ Facebook នៅថ្ងៃទី៥ មិថុនា អតីតសមាជិកសភាខេត្ត Nakhon Si Thammarat រូបនេះក៏បាននិយាយដែរថា លោក ថាក់ស៊ីន គឺមានទំនុកចិត្តខ្ពស់ណាស់ ថាអាចនឹងទទួលបានសិទ្ធិរស់នៅក្រៅឃុំ ដូច្នេះហើយគ្មានហេតុផលអ្វី ធ្វើឲ្យគាត់រត់គេចខ្លួនទៀតនោះទេ។

យ៉ាងណាបើនិយាយអំពីការភៀសខ្លួន លោក ថាក់ស៊ីន បែរជាមិនត្រូវបានគេប្រទះឃើញជាសាធារណៈនោះឡើយ នារយៈពេលថ្មីៗ ចាប់តាំងពីអគ្គមេធាវីបានចេញដីកាចោទប្រកាន់កាលពីថ្ងៃទី២៩ ខែឧសភា ពីបទប្រមាថព្រះមហាក្សត្រ និងបទឧក្រិដ្ឋកម្មកុំព្យូទ័រ ដែលកើតចេញពីបទសម្ភាសន៍មួយជាមួយអ្នកកាសែតបរទេសកាលពីអំឡុងខែកុម្ភៈ ឆ្នាំ២០១៥ ។ ការបាត់មុខពីទីសាធារណៈដូច្នេះ បាននាំឲ្យមានការសង្ស័យថា គាត់ប្រហែលជាបានភៀសខ្លួនចេញពីប្រទេសជាលើកទីពីរ ដូចកាលពីឆ្នាំ២០០៨ មែនទែនហើយ។

ជុំវិញរឿងរ៉ាវនេះ លោកនាយករដ្ឋមន្ត្រីកាន់តំណែងអាណត្តិថ្មី សេដ្ឋា ថាវីស៊ីន បានប្រាប់ទៅកាន់អ្នកសារព័ត៌មានថា លោក ថាក់ស៊ីន កំពុងតែស្ថិតនៅក្នុងប្រទេស ហើយនឹងមិនភៀសខ្លួនទៅណាទៀតទេ។ ការលើកឡើងដូច្នេះ បន្ទាប់ពីរូបលោកបានជួបជាមួយកូនស្រីលោកថាក់ស៊ីន គឺលោកស្រី Paetongtarn កាលពីថ្ងៃអង្គារ ដែលបានអះអាងថា ឪពុករបស់ខ្លួនមិនអីឡើយ ដ្បិតគាត់កំពុងតែស្ថិតនៅវិមាននាទីក្រុងបាំងកក។

ក្រៅពីនោះ លោក សេដ្ឋា ក៏បានលើកឡើងថា លោក ថាក់ស៊ីន នឹងត្រៀមខ្លួនរួចជាស្រេច ក្នុងការប្រឆាំងតវ៉ាចំពោះការចោទប្រកាន់ពីបទប្រមាថព្រះមហាក្សត្រ ហើយការនិរទេសអស់រយៈពេល ១៧ឆ្នាំមកនេះ ល្មមគ្រប់គ្រាន់ហើយ គាត់មិនចង់រត់ភៀសខ្លួនទៅក្រៅប្រទេសម្តងទៀតឡើយ៕

The post លោក ថាក់ស៊ីន នឹងមិនភៀសខ្លួនទៅក្រៅប្រទេសទៀតទេ ទោះបីកំពុងប្រឈមការចោទប្រកាន់ ពីបទប្រមាថព្រះមហាក្សត្រក៏ដោយ appeared first on .

ក្រោយពេលមកដល់អាកាសយានដ្ឋានអន្តរជាតិសុវណ្ណភូមិមិនទាន់បានប៉ុន្មាន លោក ផែនខែ ត្រូវបានគេបញ្ជូនខ្លួនទៅកាន់ទីស្នាក់ការកណ្ដាលនៃនាយកដ្ឋាន​ប្រឆាំង​បទល្មើស (CSD) ដែលជាកន្លែងធ្លាប់ចេញដីកាចាប់ខ្លួនលោក​ ពី​បទចោទប្រកាន់​ពាក់ព័ន្ធ​នឹង​បទ​ឧក្រិដ្ឋ និង​ការ​កាន់​កាប់​អាវុធ ក៏ប៉ុន្តែការចោទប្រកាន់ទាំងនេះ លោកបានបដិសេដមិនទទួលស្គាល់នោះទេ។

លោក ផែនខែ បានប្រាប់ទៅកាន់បណ្តាញអ្នកសារព័ត៌មានថា មុននឹងសម្រេចចិត្តត្រឡប់ចូលទឹកដីថៃវិញ លោកបានពិភាក្សាអំពីបញ្ហាទាំងឡាយជាមួយបុគ្គលមួយចំនួន ប៉ុន្តែបានបដិសេធមិនផ្តល់ព័ត៌មានលម្អិតណាមួយនោះទេ។ មិនត្រឹមតែប៉ុណ្ណោះ នៅពេលដែលលោកបានអញ្ជើញមកដល់ទីស្នាក់ការ CSD គេហាក់ឃើញមានអ្នកគាំទ្រស្លៀកពាក់ក្រហម ក្នុងដៃមានកាន់ផ្កាកុលាបក្រហម យកមកជូនលោកដើម្បីលើកទឹកចិត្ត ឲ្យបន្តឆាកនយោបាយទៅមុខទៀតកុំចុះចាញ់។

សូមជម្រាបបន្ថែមថា លោក ផែនខែ គឺជាអ្នកនយោបាយដែលមានកេរ្តិ៍ឈ្មោះបោះសំឡេងខ្លាំងមួយរូបរបស់ប្រទេសថៃ ហើយក្រៅតែពីធ្លាប់មានតួនាទីជាមេដឹកនាំក្រុមអាវក្រហម លោកក៏ធ្លាប់កាន់តួនាទីជាអ្នកនាំពាក្យរដ្ឋាភិបាលក្រោមការដឹកនាំរបស់លោក ថាក់ស៊ីន ស៊ីណាវ៉ាត្រា និងក៏ធ្លាប់ជារដ្ឋមន្ត្រីការិយាល័យនាយករដ្ឋមន្ត្រីរបស់រដ្ឋបាលលោក សាម៉ាក់ ស៊ុនដារ៉ាវេច ផងដែរ៕

The post មនុស្សជំនិតលោកថាក់ស៊ីន ត្រូវដោះលែងឲ្យនៅក្រៅឃុំ ជាថ្នូរនឹងប្រាក់ជាងមួយម៉ឺនដុល្លារ appeared first on .

សម្តេចតេជោ ហ៊ុន សែន បានថ្លែងលើបណ្តាញសង្គមហ្វេសប៊ុកផ្ទាល់ខ្លួនបែបនេះថា «ខ្ញុំបានមកសួរសុខទុក្ខបងធម៌ដល់ផ្ទះនៅទីក្រុងបាងកក។ ឯកឧត្តម ថាក់សុីន ទោះបីមានជំងឺក៏បានទទួលយើងក្នុងនាមជាបងប្អូន ដោយមានការចូលរួមរបស់ អ៊ុង អុីង កូនស្រីពៅ និងជាប្រធានគណបក្សភឿថៃផងដែរ»។

សម្តេចតេជោលើកឡើងថា ដើម្បីពង្រឺងចំណងមិត្តភាពសម្តេចបានអញ្ជើញ កូនស្រីពៅ លោក ថាក់ស៊ីន គឺលោកស្រី អ៊ុងអុីង ប្រធានគណបក្សភឿថៃទស្សនកិច្ចនៅកម្ពុជា នាថ្ងៃទី១៤-១៥ ខែមីនា ឆ្នាំ២០២៤ខាងមុខ។

សម្តេចប្រធានគណបក្សប្រជាជនកម្ពុជា បានបញ្ជាក់ថា អតីតនាយករដ្ឋមន្ត្រី២នាក់ជួបគ្នាមិនបាននិយាយរឿងនយោបាយនោះទេ តែបានរំលឹកអនុស្សារីយ៍រយៈពេល ៣២ឆ្នាំនៃមិត្តភាពរបស់យើងទាំងពីរតាំងពីឆ្នាំ១៩៩២មក។

ទន្ទឹមនឹងនេះ សម្តេចតេជោក៏បានប្រកាសអរគុណលោក ថាក់ស៊ីន ស៊ីណាវ៉ាត្រា និងកូនស្រីរបស់លោកដែលបានទទួលវត្តមានសម្តេចនៅថ្ងៃនេះ៕

The post តើសម្តេចតេជោ ហ៊ុន សែន ជជែករឿងអ្វីខ្លះជាមួយអតីតនាយករដ្ឋថៃលោក ថាក់ស៊ីន ស៊ីណាវ៉ាត្រា appeared first on .

លោក ថាក់ស៊ីន ស៊ីណាវ៉ាត្រា ជាអតីតនាយករដ្ឋមន្រ្តីថៃដែលទើបត្រឡប់មកកាន់ប្រទេសថៃវិញក្រោយភៀសខ្លួននៅក្រៅប្រទេសប្រមាណ ១៥ឆ្នាំ។ ក្នុងពេលជាន់ជើងដល់ទឹកដីថៃនាពេលថ្មីៗនេះ លោកត្រូវបានតុលារដាក់ឲ្យមន្ទីរឃុំឃាងអស់មួយរយៈ បន្ទាប់មកលោកត្រូវបានអនុញ្ញាតិឲ្យសម្រាកព្យាបាលសុខភាពនៅមន្ទីរពេទ្យវិញផងដែរ។

សូមបញ្ជាក់ថា សម្តេចតេជោ ហ៊ុន សែន និងលោក ថាក់ស៊ីន បានរាប់អានគ្នាជាបងប្អូនធម៌ ហើយមានទំនាក់ទំនងយ៉ាងជិតស្និទ្ធ តាំងពីឆ្នាំ១៩៩២ មុនលោក ថាក់ស៊ីន ធ្វើជាជានាយករដ្ឋមន្ត្រីមកម៉្លេះ។ ក្នុងពិធីខួបកំណើតសម្តេចតេជោ គម្រប់ ៧១ឆ្នាំ កាលពីថ្ងៃទី៥ ខែសីហា ឆ្នាំ២០២៣ លោក ថាក់ស៊ីន ស៊ីណាវ៉ាត្រា និងប្អូនស្រី គឺលោកស្រី យីងឡាក់ អតីតនាយករដ្ឋមន្រ្តីថៃបានបង្ហាញវត្តមាននៅក្នុងពិធីខួបកំណើតរបស់សម្តេចតេជោ ហ៊ុន សែន នាភូមិគ្រឹះទីក្រុងតាខ្មៅ ខេត្តកណ្តាល។

បច្ចុប្បន្នមានអាយុ ៧៤ឆ្នាំ លោក ថាក់ស៊ីន គឺជាមហាសេដ្ឋី និងធ្លាប់ធ្វើជានាយករដ្ឋមន្ត្រីថៃ ពីឆ្នាំ ២០០១ដល់ ឆ្នាំ ២០០៦ មុននឹងត្រូវបាន ក្រុមយោធាថៃធ្វើរដ្ឋប្រហារទំលាក់ ពីតំណែង ។ តែយ៉ាងណា លោក នៅតែបន្តមានប្រជាប្រិយភាពខ្លាំង ក្នុងចំណោមប្រជាជនថៃមួយចំនួនធំ ជាពិសេសគឺអ្នកដែលធ្លាប់គាំទ្រចលនាអាវក្រហម របស់បក្សភឿថៃ៕

The post សម្តេចតេជោ ហ៊ុន សែន ប្រកាសអបអរសាទរលោក ថាក់ស៊ីន ត្រូវបានព្រះមហាក្សត្រថៃបន្ធូបន្ថយទោស appeared first on .