វេទិកាពិភាក្សានេះរៀបចំឡើងនៅទីស្ដីការក្រសួងអភិវឌ្ឍន៍ ដោយមានការអញ្ជើញចូលរួមពីសំណាក់ ឯកឧត្តមរដ្ឋលេខាធិការប្រចាំការ, ឯកឧត្តមរដ្ឋលេខាធិការ អនុរដ្ឋលេខាធិការ អគ្គនាយក ឯកឧត្តម លោក លោកស្រីប្រធាននាយកដ្ឋានជំនាញ នៃក្រសួងអភិវឌ្ឍន៍ជនបទ ព្រមទាំងអ្នកសារព័ត៌មានមកពី ៥៧អង្គភាពសារព័ត៌មាន សរុបចំនួន ៩៧នាក់។

ក្នុងវេទិកាពិភាក្សានេះ ឯកឧត្តមរដ្ឋមន្ដ្រី បានផ្ដល់ឱកាសដល់អ្នកសារព័ត៌មានទាំងអស់ លើកឡើងជាសំណួរផ្សេងៗ ពាក់ព័ន្ធនឹងចក្ខុវិស័យ គោលបំណង យុទ្ធសាស្ដ្រ និងបេសកកម្មសម្រាប់អភិវឌ្ឍន៍ ជាពិសេសពាក់ព័ន្ធនឹងបញ្ហានានា នៃការងារអភិវឌ្ឍន៍ជនបទ។

ក្នុងឱកាសនោះដែរ ឯកឧត្តមរដ្ឋមន្ដ្រី បានជម្រាបជូនពីចក្ខុវិស័យរបស់ក្រសួអភិវឌ្ឍន៍ជនបទគឺ ការលើកកម្ពស់គុណភាព និងគុណតម្លៃនៃជីវិតរស់នៅរបស់ប្រជាជននៅតំបន់ជនបទ ប្រកបដោយបរិយាបន្ន ទាំងផ្នែកសេដ្ឋកិច្ច សង្គមកិច្ច និងវប្បធម៌ ក្នុងគោលដៅធានានូវការបង្កើនប្រាក់ចំណូលសម្រាប់គ្រួសារនៅជនបទប្រកបដោយចីរភាព និងធានាសុខុមាលភាពនៃជីវិតរស់នៅរបស់ប្រជាជន ឱ្យកាន់តែល្អប្រសើរឡើង។ ឯកឧត្តមរដ្ឋមន្ដ្រី បានបន្ដថា ក្រសួងបាននិងកំពុងយកចិត្តទុកដាក់ អនុវត្តបេសកកម្មសំខាន់ៗ របស់ខ្លួន ចំនួនបួនគឺ៖

ទី១. ការអភិវឌ្ឍហេដ្ឋារចនាសម្ព័ន្ធរូបវន្ត និងគមនាគមន៍ជនបទប្រទាក់ក្រឡា ដើម្បីឱ្យគ្រប់ភូមិទាំងអស់មានផ្លូវតភ្ជាប់ និងក្លាយជាតំបន់ជនបទសមាហរណកម្ម ជាពិសេសតំបន់ដែលមានសក្តានុពលសេដ្ឋកិច្ចខ្ពស់។

ទី២. ការកែលម្អលក្ខខណ្ឌនៃការរស់នៅរបស់សហគមន៍ជនបទតាមរយៈ ការផ្គត់ផ្គង់ទឹកស្អាត ការផ្ដល់បង្គន់អនាម័យ ការអប់រំផ្នត់គំនិត ដើម្បីឱ្យប្រជាជនជនបទកែប្រែឥរិយាបថ និងរស់នៅប្រកបដោយអនាម័យល្អ និងមានផាសុកភាព។

ទី៣. ការធ្វើពិពិធកម្មសកម្មភាពសេដ្ឋកិច្ចជនបទ តាមរយៈការបណ្តុះបណ្តាលជំនាញមូលដ្ឋាន បំណិនជីវិត ដើម្បីបង្កើតការងារ និងមុខរបរ ដើម្បីបង្កើនប្រាក់ចំណូល។ បន្ថែមពីនេះ ក្រសួងបានផ្ដោតទៅលើការបង្កើត ភូមិគំរូ ដោយផ្អែកទៅលើសក្តានុពល និងអំណោយផលផ្នែកសេដ្ឋកិច្ច ទេសចរណ៍ ឬកសិកម្មនៅតាមសហគមន៍ជនបទ។

ទី៤. ការពង្រឹងស្ថាប័នទាំងថ្នាក់ជាតិ និងថ្នាក់ក្រោមជាតិ ដើម្បីពង្រឹងសមត្ថភាពមន្ត្រីរាជការក្នុងគោលបំណងបម្រើប្រជាជននៅតំបន់ជនបទប្រកបដោយសុចរិតភាព និងការទទួលខុសត្រូវខ្ពស់។

នៅក្នុងនីតិកាលទី៧ នៃរដ្ឋសភា ឯកឧត្តមរដ្ឋមន្ដ្រី បានសង្កត់ធ្ងន់លើ ការអនុវត្តតាមអនុសាសន៍ដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជា គឺការពង្រឹងគុណភាព ៧០% និងពង្រីកវិសាលភាព ៣០% សំដៅឈានឆ្ពោះទៅសម្រេចចក្ខុវិស័យកម្ពុជាជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលកម្រិតខ្ពស់នៅឆ្នាំ២០៥០៕

The post ក្រសួងអភិវឌ្ឍន៍ជនបទ និងក្លឹបអ្នកកាសែតកម្ពុជា រៀបចំវេទិកាពិភាក្សាលើប្រធានបទ “អ្វីទៅជាកិច្ចការអភិវឌ្ឍន៍ជនបទនៅកម្ពុជា” appeared first on .

លោក ពុយ គា ប្រធានអ្នកឆ្លើយឆ្លងឱ្យទីភ្នាក់ងារព័ត៌មានក្យូដូ ដែលបានជាប់ជាប្រធានក្លិបអ្នកសែតកម្ពុជា សម្រាប់អាណត្តិទី៧ បានបញ្ជាក់ថា សម្រាប់អាណត្តិថ្មីទៅ៣ឆ្នាំខាងមុខនេះ ក្លិបអ្នកសែតកម្ពុជា នឹងយកការបណ្តុះបណ្តាល និងការបញ្ច្រៀបក្រមសីលធម៌វិជ្ជាជីវៈ ជាការងារអាទិភាព។
លោក ពុយ គា ក៏បានប្តេជ្ញាចិត្ត ដឹកនាំក្លិបអ្នកកាសែតកម្ពុជា និងខិតខំធ្វើអ្វីដែលជាប្រយោជន៍ដល់អ្នកសារព័ត៌មាន ក្នុងគោលដៅដើម្បីឲ្យវិជ្ជាជីវៈនិងក្រមសីលធម៌ សារព័ត៌មានមានភាពប្រសើរឡើង។ ហើយសម្រាប់ការបណ្តុះបណ្តាល លោក ក៏បានទំនាក់ទំនងក្រសួង ស្ថាប័ន មួយចំនួន ដូចជា ក្រសួងប្រៃសណីយ៍និងទូរគមនាគមន៍ និងអ្នកជំនាញខាងផ្នែកឌីជីថលនានា នឹងមកចែករំលឹកចំណេះដឹង ដល់អ្នកសារព័ត៌មានផងដែរ។

នៅក្នុងឳកាសអញ្ជើញជាអធិបតីក្នុងពិធីបោះឆ្នោតជ្រើសរើសគណៈកម្មាធិការនាយកនេះ ឯកឧត្តម ខៀវ កាញារិទ្ធ រដ្ឋមន្ដ្រីក្រសួងព័ត៌មាន ក៏បានជំរុញដល់អ្នកសារព័ត៌មាន ត្រូវចាំបាច់រក្សាក្រមសីល ធម៌វិជ្ជាជីវៈ ពីព្រោះក្រមសីលធម៌ គឺជាអាវក្រោះរបស់អ្នកកាសែត ហើយក្រសួងក៏ត្រៀមរៀបចំវគ្គ បណ្តុះបណ្តាល សម្រាប់អ្នកសារព័ត៌មានអនឡាញ ដើម្បីពង្រឹងក្រមសីលធម៌វិជ្ជាជីវៈ។
គួរបញ្ជាក់ថា សមាជិកគណៈកម្មាធិការនាកយកក្លិបអ្នកកាសែតកម្ពុជា សម្រាប់អណត្តិទី៧ មានចំនួន ៩រូប រួមមាន ១. លោក ខៀវ កូឡា ស្ថាបនិកក្លិបអ្នកកាសែតកម្ពុជា ២. លោក ជេត សន ស្ថាបនិកក្លិបអ្នកកាសែតកម្ពុជ ៣. លោកស្រី ថុង សុវណ្ណរង្សី អគ្គនាយិកាសារព័ត៌មានកោះសន្តិភាព ៤. លោក ទាវ សារៈមុនី និពន្ធនាយកសារព័ត៌មានរស្មីកម្ពុជា ៥. លោក នៅ សុភ័ស្ស នាយកសារព័ត៌មាន CLICK NEWS CBS ៦. លោក ពុយ គា ប្រធានអ្នកឆ្លើយឆ្លងឱ្យទីភ្នាក់ងារព័ត៌មានក្យូដូ ៧. កញ្ញា យ៉ាន់ លីណា នាយិកាវិទ្យុវាយោ FM ៨លោក លាង ដឺលុច សហស្ថាបនិកសារព័ត៌មានថ្មីៗ និង៩. លោក សៅ ភិរុណ អគ្គនាយករង ស្ថានីយវិទ្យុ និងទូរទ្សន៍ BTV។
ជាលទ្ធផលក្នុងចំណោមសន្លឹកបោះឆ្នោតសរុបចំនួន២៨១ មានសន្លឹកបោះឆ្នោត ២៧៧សន្លឹក បានយល់ព្រមគាំទ្រលើការជ្រើសរើសសមាជិកគណៈ កម្មាធិការ នាយក សម្រាប់ អាណត្តិទី៧ ដែលមានចំនួន ៩រូប រីឯសន្លឹកឆ្នោតមិនបានការ មាន២សន្លឹក និងអនុប្បវាទមាន ២សន្លឹក។
គិតមកដល់ឆ្នាំ២០២៣នេះ ក្លឹបអ្នកកាសែតកម្ពុជា (ក.អ.ក) មានអាយុ២៣ឆ្នាំហើយ បន្ទាប់ពីបង្កើតឡើងនៅឆ្នាំ២០០០ ដែលសមាជិកត្រឹមតែ៣០រូបប៉ុណ្ណោះ។ បច្ចុប្បន្ន ក្លឹបអ្នកកាសែតកម្ពុជា មានសមាជិក៥១៥រូប មកពី១៥៧ សា្ថប័នសារព័ត៌មាននានា។ ការបោះឆ្នោតជ្រើសរើសប្រធានក្លឹប និងគណៈកម្មាធិការនាយក នៃក្លឹបអ្នកការសែតកម្ពុជា តែងធ្វើឡើងរៀងរាល់៣ឆ្នាំម្តង៕

The post ប្រធានក្លឹបអ្នកកាសែតកម្ពុជា៖ ការងារអាទិភាពក្នុងអាណត្តិថ្មី គឺបណ្តុះបណ្តាលនិងបញ្ច្រៀប ក្រមសីលធម៌វិជ្ជាជីវៈដល់អ្នកសារព័ត៌មាន appeared first on .

ការលាងលែងដំណែងពីប្រធានក្លឹបអ្នកកាសែតកម្ពុជា ក្រោយលោក ប៉ែន បូណា ទទួលបានការតែងតាំងជារដ្ឋលេខាធិការក្រសួងព័ត៌មាន ដោយព្រះរាជក្រឹត្យលេខ នស/រកត/១២២២/១៥២៤ ចុះថ្ងៃទី៣ ខែធ្នូ ឆ្នាំ២០២២។

សូមជម្រាបជូនថា លោក ពុយ គា ជាប្រធានឆ្លើយឆ្លងនៃទីភ្នាក់ងារព័ត៌មានជប៉ុន Kydo ជាអ្នកកាសែតជើងចាស់ប្រកបដោយវិជ្ជាជីវៈច្រើនឆ្នាំមកហើយ នៅម្ចាស់ស្នាដៃនិពន្ធសៀវភៅ អាថ៍កំបាំងក្រៅឆាក ក្រោយវាំងននរបស់មេដឹកនាំអាស៊ាន និងពិភពលេាក។

ចំណែកឯលោក ខៀវ កូឡា ជាអ្នកអធិប្បាយព័ត៌មាននៅទូរទស្សន៍ CNC ជាឱពុកលោកស្រី ខៀវ សានសាណា ពិធីការិនីដ៏ល្បីឈ្មោះមួយរូបនៅកម្ពុជា៕

The post លោក ពុយ គា ឡើងប្រធានក្លឹបអ្នកកាសែតកម្ពុជា ខណៈឱពុកពិធីការិនី ខៀវ សានសាណា ជាអគ្គលេខាធិការ appeared first on .

ថ្លែងក្នុងកម្មវិធីសម្ភោធសៀវភៅថ្មី និងសន្និសីទសារព័ត៌មានស្តីពីស្នាដៃនិពន្ធរបស់ខ្លួន កាលពីថ្ងៃទី២៩ កក្កដា ឆ្នាំ២០២២ លោក ពុយ គា បានដឹងថា លោកបានចំណាយពេល១០ឆ្នាំ ដើម្បីតាក់តែងសៀវភៅមានកម្រាស់ជាង២០០ទំព័រនេះទ្បើង ដែលមានលក្ខណៈពិសេស និងខុសប្លែកពីសៀវភៅដែលបានបោះពុម្ពផ្សាយកន្លងមកនៅក្នុងប្រទេស។

លោកបានបញ្ជាក់ថា «ចំណុចដែលប្លែកនោះ គឺចំណងជើង និងក្របសៀវភៅដែលបង្កប់នូវអត្ថន័យអ្វីមួយរហូតដល់អ្នកអានបានបើកមើល ឬបានអានរួចទើបដឹងថាមានអ្វីនៅខាងក្នុង។ អ្នកនិពន្ធរូបនេះបានថ្លែងថា៖ “មានរឿងច្រើនណាស់ដែលត្រូវបានទម្លាយពីកិច្ចប្រជុំអន្តរជាតិធំៗ ទាំងក្នុងស្រុក តំបន់ និងបណ្តាប្រទេសដទៃទៀត ក្នុងនោះមានរឿងរ៉ាវទាក់ទងនឹងមេដឹកនាំល្បីៗរបស់អាស៊ាន និងពិភពលោក ជាពិសេសជីវិតស្នេហា ទម្លាប់ការងារ ឥរិយាបថរបស់មេដឹកនាំ និងភាពមិនចុះសម្រុងគ្នាលើបញ្ហាខ្លះនៅក្នុងតំបន់ ក៏ដូចជាជម្លោះទឹកដីជាដើម”។

អ្នកសារព័ត៌មានវិជ្ជាជីវៈរូបនេះ ក៏បានបន្តថា ក្រៅពីផ្តល់ពុទ្ធិបន្ថែមដល់អ្នកអាន ស្នាដៃនិពន្ធថ្មីនេះរបស់លោកក៏អាចប្រើប្រាស់ជាឯកសារជំនួយស្មារតី ឬឯកសារយោងដ៏មានតម្លៃផងដែរ ពីព្រោះព័ត៌មានដែលលោកប្រមូល និងសម្រិតសម្រាំង គឺបានមកពីប្រភពពាក់ព័ន្ធ និងតាមរយៈការសង្កេតផ្ទាល់របស់លោកនៅនឹងកន្លែងផងដែរ។

លោកបញ្ជាក់ទៀតថា សៀវភៅ “អាថ៌កំបាំងក្រៅឆាក” គឺជាការចម្រាញ់និងច្បិចចេញពីរឿងរ៉ាវជាច្រើនស្ទើររាប់មិនអស់ពីកិច្ចប្រជុំអន្តរជាតិធំៗដែលសុទ្ធតែជារឿងចាប់អារម្មណ៍របស់អ្នកតាមដាននយោបាយ អ្នកសិក្សា និងអ្នកស្រាវជ្រាវ ក៏ដូចជានិស្សិតដែលត្រូវឈ្វែងយល់ពីមេដឹកនាំធំៗរបស់ពិភពលោក។

គួរបញ្ជាក់ដែរថាសៀវភៅ “អាថ៌កំបាំងក្រៅឆាក” ជាស្នាដៃនិពន្ធថ្មីរបស់លោក ពុយ គា អ្នកសារព័ត៌មានជើងចាស់មួយរូបរបស់កម្ពុជាដែលបានចំណាយពេលអស់១០ឆ្នាំ ទម្រាំអាចប្រសូត្រចេញជាសៀវភៅមួយក្បាលនេះឡើង។ ក្នុងចំណោមរឿងក្រៅឆាកទាំងនោះ ក៏មានការអត្ថាធិប្បាយដល់វគ្គមួយដែលនិយាយអំពីថាត់អតីតប្រធានាធិបតីអាម៉េរិក លោក Barack Obama ប្រើពាក្យអ្វីពេលជួបសម្ដេចតេជោ ហ៊ុន សែន លើកដំបូងក្នុងប្រទេសកម្ពុជាកាលពីឆ្នាំ ២០១២? ហេតុអ្វីគ្រាន់តែលោកអូបាម៉ា “ស្ងាប” នៅកម្ពុជា ល្បីពេញពិភពលោក? និងហេតុអ្វីបានជាសម្ដេចតេជោ សម្រក់ទឹកភ្នែក ក្រោយកិច្ចប្រជុំកំពូលអាស៊ានចប់?។

សៀវភៅនេះ មានកម្រាស់ជាង២០០ទំព័រ ដែលទើបចរាចរនៅប៉ុន្មានថ្ងៃនេះកំពុងកក្រើកទីផ្សារនៅកម្ពុជា ដោយមានការគាំទ្រយ៉ាងច្រើនពីមិត្តអ្នកអាន។តែក្នុងរយៈពេល១សប្តាហ៍ សៀវភៅចំនួនជាង៣ពាន់ក្បាលត្រូវបានលក់អស់ដែលតម្រូវឱ្យមានការបោះពុម្ពជាបន្ទាន់និងបន្តទៀតដើម្បីឆ្លើយតបទៅនឹងទីផ្សារដែលកំពុងមានតម្រូវការខ្ពស់។

លោក ពុយ គា អ្នកនិពន្ធសៀវភៅ ក៏បានឲ្យដឹងថា លោកគ្រោងបោះពុម្ពបឋមចំនួន៥ពាន់ច្បាប់ ប៉ុន្តែដោយសារមានការចាប់អារម្មណ៍ច្រើនពីមហាជនលោកត្រូវបោះពុម្ពបន្ថែមទៀតប្រហែលរហូតដល់២ឬ៣ម៉ឺនច្បាប់ថែមទៀត៕ អត្ថបទ៖ ពិសី

The post អ្នកសារព័ត៌មានជើងចាស់ម្នាក់ សុខចិត្តប្រើពេល១០ឆ្នាំ ដើម្បីនិពន្ធសៀវភៅ «អាថ៌កំបាំងក្រៅឆាក» appeared first on .