ថ្លែងក្នុងឱកាសជំនួបពិភាក្សាការងារជាមួយគណៈប្រតិភូចិន កាលថ្ងៃទី០៦ ខែមិថុនា ឆ្នាំ២០២៣ លោក ព្រាប កុល រដ្ឋមន្ត្រីប្រតិភូអមនាយករដ្ឋមន្ត្រី ទទួលភារ:កិច្ចជួយលើផ្នែកវិនិយោគបរទេស ទំនាក់ទំនងអន្តរជាតិ និងកំណែទម្រង់អភិបាលកិច្ច បានជួបជាមួយនឹងប្រតិភូសហគ្រាសចិន ដែលមានសមាសភាពអ្នកគ្រប់គ្រង និងសមាជិក តំណាងដោយលោក ដាយ យូមីង (Dai Youming) នៃក្រុមហ៊ុន Power China International Group ដែលមានទីស្នាក់ការកណ្តាលនៅទីក្រុងប៉េកាំង ប្រទេសចិន។

ក្នុងជំនួបនោះ លោក ព្រាប កុល បានផ្តល់ការណែនាំអំពីចក្ខុវិស័យនៃរាជរដ្ឋាភិបាលកម្ពុជា ច្បាប់ នីតិវិធី និងស្ថាប័នពាក់ព័ន្ធ ដែលសហគ្រាស ឬក្រុមហ៊ុនបរទេសត្រូវបំពេញ និងអនុវត្តន៍ ក៏ដូចជាអត្ថប្រយោជន៍ផ្សេងៗ ដែលសហគ្រាស និងក្រុមហ៊ុនបរទេសទទួលបានពីការវិនិយោគនៅកម្ពុជា ជាពិសេសកត្តាអំណោយផល និងបរិយាកាសល្អសម្រាប់ការធ្វើពាណិជ្ចកម្ម ដោយសាកម្ពុជាធានាបាននូវស្ថេរភាពនយោបាយ មានហេត្ថារចនាសម្ពន័្ធសមរម្យ និងមានគុណសម្បត្តិសម្រាប់ការប្រកួតប្រជែង។ល។

ក្នុងឱកាសជំនួបពិភាក្សាការងារគណ:ប្រតិភូសហគ្រាសចិន បានសង្ឃឹមថា រាជរដ្ឋាភិបាលកម្ពុជានឹងបន្តជួយគាំទ្រ និងសហការជាមួយក្រុមហ៊ុន ដើម្បីធ្វើការសិក្សាពីឱកាសវិនិយោគនៅកម្ពុជា រហូតដល់ក្រុមហ៊ុនអាចបោះទុនវិនិយោគដ៏ធំនៅពេលខាងមុខ ដើម្បីចូលរួមចំណែកជួយដល់កំណើនសេដ្ឋកិច្ចនៅកម្ពុជានាពេលអនាគត៕ អត្ថបទ៖ ពិសី

The post ក្រុមវិនិយោគិនសង្ឃឹមកម្ពុជានឹងបន្តជួយគាំទ្រក្រុមហ៊ុនចិន ដើម្បីសិក្សាពីឱកាសវិនិយោគនៅកម្ពុជា appeared first on .

លោក ព្រាប កុល បានលើកឡើងលើបណ្តាញហ្វេសប៊ុក កាលថ្ងៃទី១៣ ខែឧសភាម្សិលមិញដោយបង្ហាញអារម្មណ៍រីករាយ និងកិត្តិយសដែលបានទទួលការអនុញ្ញាតពីសម្តេចឱ្យលោកបានចូលជួបសម្តែងការគួរសម និងបានពិភាក្សាអំពីកិច្ចការមួយចំនួន និងជាពិសេសបានស្តាប់នូវការចែករំលែកគតិបណ្ឌិត បទពិសោធន៍ ក៏ដូចជាចក្ខុវិស័យសម្រាប់កម្ពុជានាពេលអនាគត។

លោកបានសរសេរក្នុងន័យដើមបែបនេះថា៖ «រយ:ពេលជាង៤ម៉ោងដែលខ្ញុំបានជែកពិភាក្សា និងស្តាប់ប្រសាសន៍សម្តេចតេជោ នាយករដ្ឋមន្ត្រីនៃព្រះរាជាណាចក្រកម្ពុជាគឺបានផ្តល់នូវចំណេះដឹងដែលមានតម្លៃមិនអាចកាត់ថ្លៃបាន និងដែលមិនមានបង្រៀននៅគ្រិះស្ថានអប់រំណាមួយឡើយ»។

ទន្ទឹមនឹងនោះ លោក ព្រាប កុល បានធ្វើការប្តេជ្ញាចិត្តថានឹងខិតខំធ្វើការបម្រើជាតិ មាតុភូមិឱ្យអស់ពីលទ្ធភាព និងសមត្ថភាព ប្រកបដោយវិជ្ជាជីវ: និងទំនួលខុសត្រូវខ្ពស់។

លោកព្រាប កុល បានបញ្ចប់អាណត្តិជានាយកប្រតិបត្តិ អង្គការតម្លាភាពកម្ពុជា ត្រឹមថ្ងៃទី១២មេសា ឆ្នាំ២០២០ បន្ទាប់ ពីដឹកនាំស្ថាប័នមួយនេះអស់រយៈពេល៨ឆ្នាំឬ២អាណត្តិ ជិត ១០ឆ្នាំ។

កាលនៅកាន់ដំណែងនាយកប្រតិបត្តិអង្គការតម្លាភាព លោកក៏ធ្លាប់ត្រូវបានស្ថានប័នអន្តរជាតិប្រចាំនៅសាកលវិទ្យាល័យ British Columbia ស្ថិតនៅប្រទេសកាណាដា បាន ប្រកាសជាសាធារណ : អំពីសមាសភាពរបស់លោកជា សមាជិកក្រុមប្រឹក្សាភិបាលនៃពានរង្វាន់ Allard Prize សម្រាប់សុចរិតភាពអន្តរជាតិ។ ពានរង្វាន់នេះគឺមានទឹកប្រាក់ 100,000$ សម្រាប់ផ្តល់ជូនដល់សកម្មជនប្រឆាំងអំពើពុករលួយនិងសកម្មជនសិទ្ធិមនុស្ស ដែលប្រថុយជីវិត និង ការគ្រោះថ្នាក់នានាដើម្បីបុព្វហេតុពិភពលោកមានភាពស្អាតស្អំ និងការគោរពសិទ្ធិមនុស្ស ។

ក្រោយចាកចេញពីអង្គការសង្គមសុីវិល លោក ព្រាប កុល ចាប់ផ្តើមហក់ចូលប្រឡូកក្នុងវិស័យជំនួញអចលនទ្រព្យវិញម្តង ជាប្រធានក្រុមប្រឹក្សាភិបាលក្រុមហ៊ុន Century 21 Zillion Holding ។

បទពិសោធន៍ការងារ

• ២០១២ ៖ នាយក ប្រតិបត្តិ នៃ អង្គការតម្លភាព កម្ពុជា[១] (TI Cambodia)
• ២០១០ ៖ អគ្គរដ្ឋទូត សន្តិភាព នៃ សហព័ន្ធ សន្តិភាព សាកល
• ២០១០ ៖ អ្នក បណ្ដុះបណ្ដាល ដែល ទទួល បាន សញ្ញាបត្រ បញ្ជាក់ ពី មជ្ឈមណ្ឌល Oxford សម្រាប់ ភាព ជា អ្នក ដឹក នាំ, ប្រទេស អង់គ្លេស
• ២០១០ ៖ ស្ថាបនិក YESWECAN
• ២០០៩ ៖ នាយកប្រតិបត្តិ នៅ ក្រុមហ៊ុន AngkorOne.com
• ២០០៨ ៖ ទីប្រឹក្សា កម្មវិធី នៅ ធនាគារពិភពលោក
• ២០០៧ ៖ អនុប្រធាន សម្របសម្រួល កម្មវិធី នៅ ធនាគារ ពិភពលោក
• ២០០៦ ៖ អ្នក គ្រប់គ្រង កម្មវិធី ជាន់ ខ្ពស់ នៅ វិទ្យាស្ថាន ជាតិ ប្រជាធិបតេយ្យ (NDI)
• ២០០៥ ៖ អ្នក គ្រប់គ្រង កម្មវិធីនៅ វិទ្យាស្ថាន ជាតិ ប្រជាធិបតេយ្យ (NDI)
• ២០០៣ ៖ មន្ត្រី កម្មវិធី ជាន់ ខ្ពស់ នៅ វិទ្យាស្ថាន ជាតិ ប្រជាធិបតេយ្យ (NDI)
• ២០០២ ៖ មន្ត្រី កម្មវិធី នៅ វិទ្យាស្ថាន ជាតិ ប្រជាធិបតេយ្យ (NDI)
• ២០០២ ៖ អ្នក បក ប្រែ / ជំនួយ ការ នៅ សហព័ន្ធ សហភាព អឺរ៉ុប (EU)
• ២០០០ ៖ អភិបាល នៅ Church World Service (CWS)
• ១៩៩៧ ៖ ជំនួយការ ការិយាល័យនៅ Chruch World Service (CWS)
• ១៩៩៣ ៖ គ្រូ បង្រៀន អង់គ្លេស
• ១៩៨៩ ៖ អ្នកចម្រៀង

The post មុនទទួលដំណែងរដ្ឋមន្រ្តីប្រតិភូអមនាយករដ្ឋមន្រ្តី លោក ព្រាប កុល ស្តាប់ប្រសាសន៍សម្តេចតេជោជាង ៤ម៉ោង appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បើប្រៀបធៀបជំរឿនក្នុងឆ្នាំ២០១៩ និងឆ្នាំ២០០៨ ប្រជាជនវ័យក្មេង ដែលមានអាយុពី០ឆ្នាំ​ ទៅ៤ឆ្នាំ មានការធ្លាក់ចុះពី៣៣% ទៅ២៩.៤% ហើយប្រជាជនវ័យកណ្តាល(១៥-៥៩ឆ្នាំ) បានកើនឡើង ពី៦០% ទៅ៦១.៧%  និងមនុស្សចាស់ចាប់ពី៦០ឆ្នាំឡើង បានកើនឡើងពី៦.៣% ទៅ៨.៩%។

លោក ព្រាប កុល អតីតនាយកប្រតិបត្តិអង្គការតម្លាភាពកម្ពុជា និងបច្ចុប្បន្នជាគ្រូបង្វឹកប្រចាំក្រុមហ៊ុន Century 21 Zillion Holding បានចោទជាសំណួរថា តើពលរដ្ឋជាទ្រព្យ ឬជាបំណុល? លោកគូសបញ្ជាក់ថា ពលរដ្ឋខ្មែរ ដែលមានអាយុតិចជាង ៣៥ឆ្នាំ មានចំនួនរហូតដល់ទៅ ៧២% នៃប្រជាពលរដ្ឋសរុប។ កម្រមានប្រទេសណានៅក្រោមមេឃ ដែលមានពលរដ្ឋវ័យក្មេងច្រើនដល់ម្លឹង។

លោក ព្រាប កុល បានលើកឡើងថា ពលរដ្ឋអាចជាទ្រព្យផង និងអាចជាបំណុលផងរួមមាន៖
១. ពលរដ្ឋដែលជាទ្រព្យ មានលក្ខណសម្បត្តិដូចខាងក្រោម ៖
– មានចំណេះវិជ្ជា និងជំនាញច្បាស់លាស់ អាចធ្វើការ ឬបង្កើតអាជីវកម្ម ដែលទទួលបានចំណូលសមរម្យ។
– មានគុណធម៌ និងសីលធម៌ ក្នុងការរស់នៅ
– មានសុខភាពល្អ ទាំងផ្នែករាងកាយ និងសុខភាពផ្លូវចិត្ត
– ឧស្សាព្យាយាម និងចេះច្នៃប្រឌិត
– មានឧត្តមគតិ និងមន:សិកាស្នេហាជាតិ និងបម្រើផលប្រយោជន៍ខ្លួនឯងផង និងផលប្រយោជន៍សង្គមផង

២. ពលរដ្ឋដែលជាបំណុល មានលក្ខណដូចខាងក្រោម ៖
– អវិជ្ជា គ្មានចំណេះដឹង ឬជំនាញពិតប្រាកដ
– មានចរិតពាល ធ្វើសកម្មភាពពាលា អសីលធម៌ និងប្រព្រឹត្តិអំពើទុច្ចរិតផ្សេងៗ
– មានបញ្ហាសុខភាព ផ្នែករាងកាយ និងផ្លូវវចិត្ត
– ញៀនគ្រឿងស្រវឹង ឬថ្នាំញៀន និងល្បែងពាលា
– ខ្ជឹលច្រអូស
– អាត្មានិយម (គិតតែពីប្រយោជន៍ផ្ទាល់ខ្លួន)
*អ្នកដឹកនាំប្រទេសត្រូវមានគោលនយោបាយធ្វើឱ្យពលរដ្ឋក្លាយជាទ្រព្យ និងទប់ស្កាត់ពលរដ្ឋមិនឱ្យក្លាយទៅជាបំណុល។
*ឪពុកម្តាយ ឬអាណាព្យាបាលមានកាតព្វកិច្ចធ្វើឱ្យកូន ឬសមាជិកក្នុងបន្ទុករបស់ខ្លួនក្លាយជាទ្រព្យ និងទប់ស្កាត់ពួកគាត់កុំឱ្យក្លាយជាបំណុល។
*ពលរដ្ឋម្នាក់ៗ ត្រូវធ្វើខ្លួនឱ្យក្លាយជាទ្រព្យ និងទប់ស្កាត់ខ្លួនឯងកុំឱ្យក្លាយជាបំណុល៕

The post លោក ព្រាប កុល៖ កម្រមានប្រទេសណានៅក្រោមមេឃ ដែលមានពលរដ្ឋវ័យក្មេងច្រើនដល់ម្លឹង appeared first on .