លោក ម៉ឹង សំផន

លោក ម៉ឹង ពន្លក កូនប្រុសនាយឧត្តមសេនីយ៍ ម៉ឹង សំផន ឡើងជាអគ្គនាយក នៃអគ្គនាយកដ្ឋានភស្ដុភារ ហិរញ្ញវត្ថុ ក្រសួងការពារជាតិ

ឧកញ៉ាដែនដី — Thu, 03 Aug 2023 03:43:50 +0000

លោកឧត្តមសេនីយ៍ទោ ម៉ឹង ពន្លក កូនប្រុសរបស់នាយឧត្តមសេនីយ៍ ម៉ឹង សំផន រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការ ក្រសួងការពារជាតិ ត្រូវបានព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ត្រាស់បង្គាប់តែងតាំងមុខតំណែងជា អគ្គនាយក នៃអគ្គនាយកដ្ឋានភស្ដុភារ ហិរញ្ញវត្ថុ ក្រសួងការពារជាតិ នៅថ្ងៃទី០២ ខែសីហា ឆ្នាំ២០២៣។

លោកឧត្តមសេនីយ៍ទោ ម៉ឹង ពន្លក ទទួលបានការតែងតាំងមុខតំណែងខាងលើនេះ គឺជំនួសនាយឧត្តមសេនីយ៍ ស៊ុំ សំណាង ដែលត្រូវបានតែងតាំងជារដ្ឋលេខាធិការក្រសួងការពារជាតិ។ មុនទទួលបានតំណែង អគ្គនាយក លោកឧត្តមសេនីយ៍ទោ ម៉ឹង ពន្លក ជាអគ្គនាយករង នៃអគ្គនាយកដ្ឋានភស្ដុភារ ហរិញ្ញវត្ថុ ក្រសួងការពារជាតិ ដែលសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានចេញអនុក្រឹត្យតែងតាំង កាលពីថ្ងៃទី១០ ខែសីហា ឆ្នាំ២០២២។

សូមជម្រាបថា លោកឧត្តមសេនីយ៍ទោ ម៉ឹង ពន្លក ជាកូននាយឧត្តមសេនីយ៍ ម៉ឹង សំផន រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការ ទទួលបន្ទុកការងារភស្តុភារហិរញ្ញវត្ថុ ជាប្រធានក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈ និងជាប្រធានក្រុមការងារអនុវត្ដ គម្រោងប្រព័ន្ធបច្ចេកវិទ្យាព៌តមាន សម្រាប់ការគ្រប់គ្រងហិរញ្ញវត្ថុសាធារណៈ ក្រសួងការពារជាតិ ខណៈដែលបងប្រុសរបស់លោកក៏សុទ្ធសឹងជាថ្នាក់ដឹកនាំជាន់ខ្ពស់ផងដែរ ក្នុងនោះលោក ម៉ឹង មករា ជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងឧត្តមសេនីយ៍ឯក ម៉ឹង កុម្ភៈ ជាអនុរដ្ឋលេខាធិការក្រសួងការពារជាតិ៕

The post លោក ម៉ឹង ពន្លក កូនប្រុសនាយឧត្តមសេនីយ៍ ម៉ឹង សំផន ឡើងជាអគ្គនាយក នៃអគ្គនាយកដ្ឋានភស្ដុភារ ហិរញ្ញវត្ថុ ក្រសួងការពារជាតិ appeared first on .

កូនប្រសាររដ្ឋមន្រ្តីក្រសួងដែនដី និងដន្លងលោក អ៊ាង សុផល្លែត តែងតាំងជារដ្ឋលេខាធិការក្រសួងសេដ្ឋកិច្ច

ឧកញ៉ាកោះក្របី — Sat, 08 Apr 2023 11:17:43 +0000

លោក ម៉ឹង មករា និងលោក ប៉ែន សំអាត ទទួលបានការតែងតាំងមុខដំណែងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ពីព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៅថ្ងៃទី៨ ខែមេសា ឆ្នាំ២០២៣ ដោយព្រះរាជក្រឹត្យលេខ នស/រកត/០៤២៣/៦៣៧ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី។

លោក ម៉ឺង មករា បច្ចុប្បន្នជាអនុរដ្ឋលេខាធិការក្រសួងសេដ្ឋកិច្ច ជាកូនប្រុសបង្កើតនាយឧត្តមសេនីយ៍ ម៉ឹង សំផន រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងការពារជាតិ ជាកូនប្រសារឧបនាយករដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់។ លោក ម៉ឺង មករា ក៏ជាដន្លងជាមួយអ្នកឧកញ៉ា លាង ម៉េង សហស្ថាបនិក និងជាអគ្គនាយកក្រុមហ៊ុន ជីបម៉ុង គ្រុប។

ចំណែកលោក ប៉ែន សំអាត ជាទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី ជាអនុរដ្ឋលេខាធិការក្រសួងសេដ្ឋកិច្ច ដែលជាបញ្ញវន្តមានចំណេះដឹងជ្រៅជ្រះ អតីតប្រធាននាយកដ្ឋានកិច្ចការច្បាប់ សវនកម្ម និងទំនាក់ទំនងសាធារណៈ និងជាប្រធានលេខាធិការដ្ឋាននៃអគ្គនាយកដ្ឋានគយនិងរដ្ឋាករកម្ពុជា ធ្លាប់ទទួលបានការតែងតាំងជាឧកញ៉ា ដោយព្រះរាជក្រឹត្យលេខនស/រកត/០៧០៨/៩២៣ ចុះថ្ងៃទី៣០ ខែកក្កដា ឆ្នាំ២០០៨ ។

លោកទទួលបានការតែងតាំងជាអគ្គនាយករងនៃអគ្គនាយកដ្ឋានគយនិងរដ្ឋាករកម្ពុជា ដោយអនុក្រឹត្យរបស់រាជរដ្ឋាភិបាលកម្ពុជាលេខ៩៩៩អនក្រ.តត ចុះថ្ងៃទី២៣ ខែសីហា ឆ្នាំ២០១២ ។ លោកក៏៏ជាទីប្រឹក្សាឧត្តមក្រុមប្រឹក្សាសេដ្ឋកិច្ចជាតិ មានឋានៈស្មើរដ្ឋលេខាធិការ នៅថ្ងៃទី១០ ខែមិថុនា ឆ្នាំ២០១៥។

លោក ប៉ែន សំអាត ជាដន្លងជាមួយលោក អ៊ាង សុផល្លែត ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី ជារដ្ឋលេខាធិការក្រសួងបរិស្ថាន៕

The post កូនប្រសាររដ្ឋមន្រ្តីក្រសួងដែនដី និងដន្លងលោក អ៊ាង សុផល្លែត តែងតាំងជារដ្ឋលេខាធិការក្រសួងសេដ្ឋកិច្ច appeared first on .

នាយឧត្តមសេនីយ៍ ម៉ឹង សំផន តែងតាំងជារដ្ឋមន្ត្រ្តីប្រតិភូអមនាយករដ្ឋមន្ត្រី

ឧកញ៉ាកោះក្របី — Sat, 04 Mar 2023 11:29:17 +0000

នាយឧត្តមសេនីយ៍ ម៉ឹង សំផន ត្រូវបានសម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៅថ្ងៃទី០៤ ខែមីនា ឆ្នាំ២០២៣នេះ សម្រេចតែងតាំងជារដ្ឋមន្ត្រ្តីប្រតិភូអមនាយករដ្ឋមន្ត្រី បន្ថែមលើមុខងារបច្ចុប្បន្ន តាមព្រះរាជក្រឹត្យលេខ នស/រកត/០៣២៣/២៨៧។

បច្ចុប្បន្ននាយឧត្តមសេនីយ៍ ម៉ឹង សំផន រដ្ឋលេខាធិការ ក្រសួងការពារជាតិ ហើយក៏ជាមន្រ្តីជាន់ខ្ពស់របស់គណបក្សប្រជាជនកម្ពុជា។

ជាមួយគ្នានោះ ឧត្តមសេនីយ៍ ម៉ឹង សំផន មានកូនប្រុសសុទ្ធតែកំពុងជាថ្នាក់ដឹកនាំជាន់ខ្ពស់រាជរដ្ឋាភិបាល រួមមាន៖ លោក ម៉ឹង មករា អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ លោក ម៉ឹង ពន្លក ជាឧត្តមសេនីយ៍ទោ កាន់ដំណែងអគ្គនាយករង នៃអគ្គនាយកដ្ឋានភស្តុភារ ហិរញ្ញវត្ថុ ក្រសួងការពារជាតិ ជាសមាជិកយុវជនគណបក្សប្រជាជនកម្ពុជាថ្នាក់កណ្តាល និងឧត្ដមសេនីយ៍ទោ ម៉ឹង កុម្ភៈ៕

The post នាយឧត្តមសេនីយ៍ ម៉ឹង សំផន តែងតាំងជារដ្ឋមន្ត្រ្តីប្រតិភូអមនាយករដ្ឋមន្ត្រី appeared first on .