ថ្លែងនៅក្នុងពិធីសំណេះសំណាលជាមួយមន្ត្រីរាជការនៅក្នុងរចនាសម្ព័ន្ធរដ្ឋបាលខេត្ត ក្នុងឱកាសបុណ្យចូលឆ្នាំថ្មីប្រពៃណីជាតិ នាថ្ងៃទី៦ ខែមេសា ឆ្នាំ២០២៦ លោក ម៉ៅ ធនិន អភិបាលខេត្តកំពត បានមានប្រសាសន៍ថា មន្ត្រីរាជការមានកិត្តិយស និងសេចក្តីថ្លៃថ្នូរខ្ពស់ នៅក្នុងសង្គម ដូច្នេះត្រូវខិតខំបំពេញភារកិច្ចរបស់ខ្លួនឲ្យបានត្រឹមត្រូវ និងមានប្រសិទ្ធភាព ក្នុងការបម្រើសេវាសាធារណៈជូនប្រជាពលរដ្ឋ។

អភិបាលខេត្ដរូបនេះបានបញ្ជាក់ថា មន្ត្រីគ្រប់រូប ត្រូវមានគុណធម៌ សីលធម៌ និងឥរិយាបថល្អ ព្រមទាំងក្លាយជាមន្ត្រីគំរូ មានសមត្ថភាព និងការទទួលខុសត្រូវខ្ពស់។ ជាពិសេស មន្ត្រីបម្រើការនៅ “ច្រកចេញចូលតែមួយ” ត្រូវអនុវត្តការងារឲ្យបានច្បាស់លាស់ រហ័ស និងត្រឹមត្រូវ ដោយមិនអនុញ្ញាតឲ្យមានអ្នករត់ការឯកសារខុសច្បាប់ ឬសកម្មភាពដែលប៉ះពាល់ដល់ភាពជឿជាក់របស់ប្រជាពលរដ្ឋឡើយ។

ជាមួយគ្នានេះ លោកអភិបាលខេត្ត ក៏បានណែនាំដល់ថ្នាក់ដឹកនាំមន្ទីរ និងអង្គភាពនានា ត្រូវបន្តរក្សា និងលើកកម្ពស់វប្បធម៌កត្តញ្ញូ ការចែករំលែក និងការជួយគ្នាទៅវិញទៅមក ព្រមទាំងចេះទទួលយកមតិរិះគន់ ដើម្បីកែលម្អការងារឲ្យកាន់តែល្អប្រសើរ ក្នុងគោលបំណងបម្រើផលប្រយោជន៍ប្រទេសជាតិ និងប្រជាពលរដ្ឋ៕

The post អភិបាលខេត្តកំពត ណែនាំមន្ត្រីបន្តពង្រឹងការផ្តល់សេវាជូនពលរដ្ឋ ឱ្យកាន់តែមានប្រសិទ្ធភាព តម្លាភាព និងទាន់ពេលវេលា appeared first on .

ថ្លែងក្នុងសន្និសីទសារព័ត៌មាន ស្ដីពី “ភាពជោគជ័យក្នុងរយៈពេល ៥ឆ្នាំកន្លងមក” របស់រដ្ឋបាល ខេត្តកំពត នៅថ្ងៃទី១៦ ខែកុម្ភៈ ឆ្នាំ២០២៣នេះ លោក ម៉ៅ ធនិន អភិបាលខេត្តកំពត បានឱ្យដឹងថា កន្លងមកបញ្ហាការដោះស្រាយទំនាស់ក្រៅប្រព័ន្ធតុលាការ ក្នុងខេត្តកំពត បានធ្វើការសម្របសម្រួល បញ្ចប់នូវវិវាទក្រៅ ប្រព័ន្ធតុលាការ ជូនប្រជាពលរដ្ឋបានរហូតដល់ ១ ១៥៨ករណី ដោយគិតចាប់ ពីថ្ងៃទី ១៨ តុលា ឆ្នាំ២០២១ ដល់ថ្ងៃទី៣១ ខែធ្នូ ឆ្នាំ២០២២។

អភិបាលខេត្តកំពត បានលើកឡើងបន្តថា ការដោះស្រាយបញ្ហានេះ ជាការធ្វើឱ្យពុកម៉ែ បងប្អូនប្រជាពលរដ្ឋ មានភាពត្រេកអរ រីករាយជាមួយនឹងការសម្របសម្រួល ក្រោមយន្តការច្បាប់ របស់រាជ រដ្ឋាភិបាលបានដាក់ចុះសម្រាប់ឱ្យអាជ្ញាធរខេត្ត ធ្វើការដោះស្រាយ។

គួរឱ្យដឹងថា ក្រៅពីការដោះស្រាយទំនាស់ក្រៅប្រព័ន្ធតុលាការ ក្នុងនោះ ក៏បានឧបត្ថម្ភថវិកា និងអង្ករជូនប្រជាពលរដ្ឋក្រីក្របានចំនួន ១៥.៧៨០នាក់ ស្មើនឹង ១.៥៧៥ គ្រួសារ ផងដែរ៕

The post ក្នុងរយៈពេលជាងមួយឆ្នាំ លោក ម៉ៅ ធនិន ដោះស្រាយទំនាស់ក្រៅប្រព័ន្ធតុលាការ បានជាង១ពាន់ករណី appeared first on .

បើ​តាម​ប្រមុខ​រដ្ឋាភិបាល ថ្នាក់​ដឹកនាំ​ជា​ចៅហ្វាយ​ខេត្ត​ដែល​ឆ្លង​កូវីដ​មាន​អភិបាល​ខេត្ត​កំពង់ចាម លោក អ៊ុន ចាន់ដា អភិបាល​ខេត្ត​កំពត​ លោក ម៉ៅ ធនិន និង​អភិបាល​ខេត្ត​កំពង់ស្ពឺ​ លោក វ៉ី សំណាង។

ប្រមុខ​រដ្ឋាភិបាល​ក៏​ផ្ញើ​សារ​ដល់​ពលរដ្ឋ​ត្រូវ​បន្ត​អនុវត្ត​វិធានការ​ការពារ​ ដើម្បី​ទប់ស្កាត់​ការ​ឆ្លង​រាលដាល ដោយ​ជំងឺ​នេះ​ឆ្លង​មិន​រើស​មុខ​មិន​ថា​អ្នក​តូច ឬ​អ្នក​ធំ​នោះ​ទេ៕

The post ប្រមុខ​រដ្ឋាភិបាល​បង្ហើប មាន​អភិបាល​ខេត្ត ៣ នាក់ ​ឆ្លង​កូវីដ appeared first on .

ក្រឡែកមក អ្នកឧកញ៉ា ឡេង ណាវ៉ាត្រា នៅប៉ុន្មានឆ្នាំចុងក្រោយនេះ លោកបានធ្វើឲ្យកក្រើកផ្អើលនៅប្រទេសកម្ពុជា ទាំងសកម្មភាពវិនិយោគ និងកិច្ចការមនុស្សធម៌ ដោយបានបរិច្ចាគធនធានគិតជាទឹកប្រាក់ច្រើនជាង ១០លានដុល្លារ ខណៈ សកម្មភាពរបស់លោកត្រូវបានមហាជន និងថ្នាក់ដឹកនាំកំពូលៗកោតសរសើរស្ងប់ស្ងែងក្នុងការចូលរួមអភិវឌ្ឍន៍សង្គម សេដ្ឋកិច្ច សង្គមកិច្ច និងវិស័យសុខាភិបាល។

មែនទែនទៅអ្នកជំនួញល្បីឈ្មោះ និងឥស្សរជនឆ្នើមក្នុងអាណត្តិក្រោមដឹកនាំរបស់សម្តេចតេជោ ហ៊ុន សែន នាយករដ្ឋមន្រ្តីទាំងពីររូប ត្រូវបានចាត់ថា ជាគ្រាប់ពូជដ៏ល្អឯក ដែលតែងតែមានឆន្ទៈបំផុសជំរុញស្មារតីសាមគ្គី ខ្មែរជួយខ្មែរលើគ្រប់វិស័យ។ អ្វីដែលកាន់តែចាប់អារម្មណ៍ទៀតនោះ លោក ម៉ៅ ធនិន និងអ្នកឧកញ៉ា ឡេង ណាវ៉ាត្រា មានឈាមជ័រជាកូនអ្នកខេត្តព្រៃវែងដូចគ្នា ខណៈលោកទាំងពីរមានបេះដូងស្រឡាញ់ពលរដ្ឋ និងលះបង់គ្រប់បែបយ៉ាងក្នុងកិច្ចការមនុស្សធម៌។

ជាក់ស្តែង នៅថ្ងៃពុធ ទី៣ ខែវិច្ឆិកា អ្នកឧកញ៉ា ឡេង ណាវ៉ាត្រា បានធ្វើដំណើរទៅកាន់ខេត្តកំពត ដើម្បីហូបតែក្តៅជាមួយលោក ម៉ៅ ធនិន ក្រោយចូលកាន់ដំណែងអភិបាលខេត្តនាពេលថ្មីៗនេះ។ មិនតែប៉ុណ្ណោះ អ្នកជំនួញវ័យក្មេង ក៏បានចូលរួមក្នុងវេទិកាសមាជដោះស្រាយបញ្ហាជូនបងប្អូនប្រជាពលរដ្ឋក្នុងមូលដ្ឋានខេត្តកំពតផងដែរ។

ជាមួយគ្នានេះ អ្នកឧកញ៉ា ដោយឃើញពីសកម្មភាពមនុស្សធម៌របស់លោកអភិបាលខេត្តក្នុងការផ្ដល់ស្បៀងជូនប្រជាពលរដ្ឋ ដែលមានជីវភាពខ្វះខាត មកពីបណ្តាស្រុក ក្រុង ក្នុងខេត្តកំពត ៥៨៥​ គ្រួសារ​។

ជាការឆ្លើយតប អ្នកឧកញ៉ា ឡេង ណាវ៉ាត់ត្រា ជាអគ្គនាយកក្រុមហ៊ុន កាឡាក់ស៊ី ណាវ៉ាត់ត្រា មានកិត្តិយសពាំនាំមកនូវថវិកា គ្រឿងឧបភោគបរិភោគ ជូនដល់រដ្ឋបាលខេត្តកំពត មានដូចជា៖ ថវិកា ១០០ លានរៀល, ត្រីខ ៣០០ កេស, ឣង្ករ ២០ តោន, មី 1000កេះ, ១០ មុឺនម៉ាស, ឣាកុល ១០០០ លីតខណៈកន្លងមកលោកបានផ្តល់ជាបន្តបន្ទាប់៕

The post ទម្លាយសាវតាអ្នកឧកញ៉ា ឡេង ណាវ៉ាត្រា ស្កាត់ជួបប៉ាវចិនខ្មែរ លោក ម៉ៅ ធនិន appeared first on .

រដ្ឋបាលខេត្តកំព​ត បានឲ្យដឹងថា នៅថ្ងៃទី១៨ ខែតុលានេះ លោក ម៉ៅ ធនិន បានជួបជាមួយបងប្អូនប្រជាពលរដ្ឋក្នុងខេត្ត ដើម្បីស្វែងយល់ និងចូលរួមដោះស្រាយបញ្ហាប្រឈមមួយចំនួន ដែលជាតម្រូវការចាំបាច់ តាមការស្នើសុំរបស់ប្រជាពលរដ្ឋ នៅវេទិកាក្នុងសាលាខេត្តកំពត។

សូមជម្រាបថានេះជាលើកទីមួយហើយ ក្រោយលោកចូលកាន់ដំណែងបានធ្វើវេទិកាដោះស្រាយបញ្ហាជូនបងប្អូនប្រជាពលរដ្ឋក្នុងខេត្ត បន្ទាប់ពីលោកត្រូវបានប្រកាសតែងតាំងជាអភិបាលខេត្តកំពត កាលពីថ្ងៃទី១៣ ខែតុលា ឆ្នាំ២០២១ កន្លងទៅថ្មីៗនេះ។

គួររម្លឹកជូនឡើងវិញដែរថា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ថ្លែងពេលជាអធិបតីក្នុងពិធីប្រកាសចូលកាន់មុខតំណែងអភិបាលខេត្តកំពត ក៏មានជំនឿជឿជាក់យ៉ាងមុតមាំថា លោក ម៉ៅ ធនិន អភិបាលខេត្តថ្មីនឹងប្រើប្រាស់សមត្ថភាព និងបទពិសោធន៍របស់ខ្លួនបន្តដឹកនាំ សម្របសម្រួល គ្រប់គ្រងរដ្ឋបាល និងការអភិវឌ្ឍខេត្តកំពតឱ្យកាន់តែមានការអភិវឌ្ឍរីកចម្រើនបន្ថែមទៀត។

សម្តេចក្រឡាហោម បញ្ជាក់ថា ក្នុងស្មារតីនេះ សូមស្នើដល់ក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំមន្ទីរ អង្គភាពជុំវិញខេត្ត ថ្នាក់ដឹកនាំក្រុង ស្រុក និងឃុំ សង្កាត់ មន្ត្រីរាជការ កងកម្លាំងប្រដាប់អាវុធ ព្រមទាំងប្រជាពលរដ្ឋទូទាំងខេត្តកំពត ផ្តល់ការគាំទ្រដល់ លោក ម៉ៅ ធនិន ដើម្បីលោកមានលទ្ធភាពច្រើនថែមទៀតក្នុងការបន្តថែរក្សា ពង្រឹងសន្តិភាព ស្ថិរភាពនយោបាយ សន្តិសុខ សណ្តាប់ធ្នាប់សាធារណៈ និងការអភិវឌ្ឍខេត្តកំពតឱ្យកាន់តែមានការរីកចម្រើនលើគ្រប់វិស័យជាបន្តទៀត៕

The post ៦ថ្ងៃក្រោយចូលកាន់ដំណែង លោក ម៉ៅ ធនិន បើកសមាជដោះស្រាយបញ្ហាប្រឈម តាមការស្នើសុំរបស់ពលរដ្ឋ appeared first on .

បន្ទាប់ពីការកាន់ជាអភិបាលខេត្តពោធិ៍សាត់ អស់រយៈពេលប្រមាណ ៧ ឆ្នាំ លោក ម៉ៅ ធនិន បានបន្សល់ទុកនូវស្នាដៃជាច្រើនលើការកសាង និងអភិវឌ្ឍន៍ហេដ្ឋារចនាសម្ព័ន្ធនានានៅក្នុងខេត្ត ជាពិសេសអភិបាលខេត្តរូបនេះបានឆក់យកទឹកចិត្តបេះដូង និងធ្វើឲ្យប្រជាពលរដ្ឋមានភាពកក់ក្តៅបំផុត ជាមួយនឹងការជឿជាក់របស់លោកក្នុងការដឹកនាំ។

គួររម្លឹកជូនថា មុនពេលលោក ម៉ៅ ធនិន ចូលទៅកាន់ការងារជាអភិបាលខេត្តពោធិ៍សាត់ ខេត្តមួយនេះមានករណីជម្លោះដីធ្លីរាំរ៉ៃជាច្រើនកន្លែង ស្របពេលជាមួយគ្នានេះដែរ លោកតែងតែព្យាយាមចូលខ្លួនទៅដោះដោយផ្ទាល់លើបញ្ហាជម្លោះរហូតឈានទៅបញ្ចប់បញ្ហាវិវាទជាបន្តបន្ទាប់។

បន្ថែមពីលើនេះ លោក ម៉ៅ ធនិន ក៏ការបង្កើតសមាជក្នុងការដោះស្រាយបញ្ហានានាជូនប្រជាពលរដ្ឋនៅក្នុងខេត្ត ខណៈសមាជដោះស្រាយជម្លោះប្រជាពលរដ្ឋនេះ ត្រូវបានប្រជាពលរដ្ឋអ្នកនៅខេត្តពោធិ៍សាត់ទាំងមូល រួមនឹងបណ្តាខេត្តមួយចំនួនទៀត សម្តែងនូវការអបអរសាទរ ដែលជាហេតុជំរុញកេរ្តិ៍ឈ្មោះរបស់លោកឲ្យល្បីល្បាញឡើងថែម។ លោក ម៉ៅ ធនិន ធ្លាប់បានលើកឡើងថា កម្មវិធីសមាជដោះស្រាយបញ្ហាជម្លោះនេះ គឺដើម្បីយោគយល់គ្នា និងបញ្ចៀសបាននៃការប្រើយន្តការតុលាការផងដែរ។

ដំណឹងថ្មីបន្ទាប់ពីរាជរដ្ឋាភិបាល ផ្តល់សេចក្តីទុកចិត្តឲ្យលោកកាន់ជាអភិបាលខេត្តកំពតវិញនោះ បានធ្វើឲ្យប្រជាពលរដ្ឋខេត្តពោធិ៍សាត់ទាំងមូលសម្តែងការសោកស្តាយអាឡោះអាល័យជាពន់ពេក។

ជាមួយគ្នានេះ ប្រជាពលរដ្ឋនៅក្នុងខេត្តកំពត ក៏បានសាទរផងដែរ នៅពេលដែលលោក ម៉ៅ ធនិន ទៅកាន់តំណែងជាអភិបាលខេត្ត។ ពលរដ្ឋក្នុងខេត្តសង្ឃឹមយ៉ាងមុតមាំថា ពួកគាត់ទន្ទឹងរងចាំយ៉ាងអន្ទះសារក្នុងការបើកកិច្ចពិភាក្សាសំណេះសំណាល និងជួយដោះស្រាយជូនពួកគាត់ ខណៈខេត្តមួយនេះក៏មានរឿងរ៉ាវត្រូវដោះស្រាយជាច្រើនករណី។

លោកអភិបាលខេត្តកំពតថ្មីល្បីឈ្មោះដូចម្ចាស់ប៉ាវចិនក្នុងរឿងភាគចិនរូបនេះ បានផ្តល់អនុសាសន៍ថា «ជម្លោះគ្រប់យ៉ាងទាំងអស់ បើយើងសន្សំទុកក្នុងខ្លួន វាហាក់បីដូចជាជំងឺមួយដែលគ្មានថ្នាំព្យាបាល ហើយយើងមានតែបាត់បង់នូវសុខភាព ភាពវ័យឆ្លាត និងសុភមង្គលគ្រប់បែបយ៉ាងនៅក្នុងខ្លួន និងនៅក្នុងជីវភាពរស់នៅប្រចាំថ្ងៃ»។

លោកបន្តថា លោកមិនចង់ឱ្យបងប្អូនប្រើប្រាស់ពេលវេលាដែលអត់ប្រយោជន៍ ពាក់ព័ន្ធទៅនឹងទំនាស់ព្រំដី រឿងជំពាក់លុយ និងរឿងក្តីក្តាំបន្តិចបន្តួច រហូតទៅដល់បាត់បង់ពេលវេលា បាត់បង់ឱកាស និងបាត់បង់ថវិកាក្នុងគ្រួសារនោះឡើយ។

លោកអភិបាលខេត្តបន្ថែមថា យន្តការដែលលោកមកដឹកនាំខេត្តបានជាង ៧ឆ្នាំមកនេះ លោកបានបញ្ចូលខ្លួនជាសមាជិកគ្រួសារម្នាក់ទៀត ជាមួយនឹងបងប្អូនពុកម៉ែប្រជាពលរដ្ឋទូទាំងខេត្ត ក្នុងឋានជាកូន ជាក្មួយ ជាបង និងជាប្អូន ហើយលោកនឹងប្រើប្រាស់តួនាទីនេះ ទៅលើសុខទុក្ខពួកគាត់គ្រប់ពេលវេលា។ លោកថា «អ្នកយកដីគេត្រូវឱ្យគេវិញ អ្នកជំពាក់លុយគេត្រូវសងគេ បើអត់ឬឃ្លានត្រូវសុំគេ និងត្រូវសណ្តោសប្រណីគ្នាទៅវិញទៅមក ព្រោះនេះគឺជាតម្លៃពិតដែលមនុស្សទូទៅគេត្រូវការ»៕

The post បំរើអស់ពេល ៧ឆ្នាំ លោក ម៉ៅ ធនិន ត្រូវលាអ្នកពោធិ៍សាត់ ខណៈការដើរចេញស្របនឹងពាក្យស្លោកថា «នៅឱ្យគេអាណិតស្រឡាញ់ ទៅឱ្យគេស្រណោះ» appeared first on .