នេះបើតាមការថ្លែងរបស់ លោក ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋាន អាកាសចរណ៍ស៊ីវិល ក្នុងសន្និបាតបូកសរុបលទ្ឋផលការងារឆ្នាំ២០២៤ និងលើកទិសដៅការងារឆ្នាំ២០២៥ កាលពីថ្ងៃទី១២ ខែមីនា ឆ្នាំ២០២៥។

លោករដ្ឋមន្ត្រី បានឱ្យដឹងថា នៅឆ្នាំ២០២៤ អ្នកដំណើរតាមផ្លូវអាកាសមានចំនួនសរុបចំនួន៦,២៤ លាននាក់ ដែលមានកំណើនប្រមាណ២២% បើប្រៀបធៀបទៅនឹងរយៈពេលដូចគ្នា នៅក្នុងឆ្នាំ២០២៣ មានចំនួនអ្នកដំណើរសរុបចំនួន៥,១១ លាននាក់។

ចំពោះការដឹកជញ្ជូនតាមផ្លូវអាកាសវិញ លោក ម៉ៅ ហាវណ្ណាល់ បានឱ្យដឹងផងដែរថា ការដឹកជញ្ជូនទំនិញតាមផ្លូវអាកាសមានចំនួន ៧៧,៨ ពាន់តោន ដែលមានកំណើនវិជ្ជមានប្រមាណ៤០% បើប្រៀបធៀបទៅនឹងរយៈពេលដូចគ្នានៅក្នុងឆ្នាំ២០២៣ ដែលការដឹកជញ្ជូនទំនិញតាមផ្លូវអាកាសមានចំនួន ៥៥,៧ ពាន់តោន។ អាកាសចរណ៍ស៊ីវិល បានដាក់ទិសដៅការងារឆ្នាំ២០២៥ សម្រេចឱ្យបាននូវការដឹកជញ្ជូនអ្នកដំណើរតាមផ្លូវអាកាស ចំនួន៧,៥ លាន នាក់ និងទំនិញចំនួន ៨០ ពាន់តោននៅក្នុងឆ្នាំ២០២៥។

គួរជម្រាបថាក្នុងឆ្នាំ២០២៤ កម្ពុជាមានជើងហោះហើរសរុបចំនួន ៥៨ ៣៥៤ ជើង ដែលមានកំណើន១៤% បើប្រៀបធៀបទៅនឹងរយៈពេលដូចគ្នានៅក្នុងឆ្នាំ២០២៣ សរុបចំនួន ៥១ ១៤៩ ជើង។ ចំណែកជើងហោះហើររំលងមានសរុបចំនួន ៧១ ៦១៣ ជើង មានកំណើន ១៤% បើប្រៀប ធៀបទៅនឹងរយៈពេលដូចគ្នានៅក្នុងឆ្នាំ២០២៣ ដែលទទួលបានជើងហោះហើរសរុបចំនួន ៦៣ ០៨៧ ជើង៕

The post ឆ្នាំ២០២៤ អ្នកដំណើរតាមជើងយន្តហោះមានជាង៦លាននាក់ និងទំនិញតាមផ្លូវអាកាសជាង៧៧ពាន់តោន appeared first on .

នេះបើតាមការលើកឡើងរបស់លោក ម៉ៅ ហាវណ្ណាល់ រដ្ឋមន្ដ្រីទទួលបន្ទុករដ្ឋលេខាធិការដ្នានអាកាសចរណ៍ស៊ីវិល ក្នុងពិធីសម្ពោធជើងហោះហើរត្រង់ រវាងរាជធានីភ្នំពេញ និងរដ្ឋធានីហាណូយ កាលពីថ្ងៃទី២៧ ខែតុលា ឆ្នាំ២០២៤។

លោក ម៉ៅ ហាវណ្ណាល់ បានឱ្យដឹងថា ការដឹកជញ្ជូនតាមផ្លូវអាកាស ក្នុងរយៈពេល៩ខែ នៃឆ្នាំ២០២៤នេះ កម្ពុជាមានក្រុមហ៊ុនអាកាសចរណ៍ក្នុងស្រុក និងបរទេសចំនួន៣១ ដែលកំពុងតភ្ជាប់ជើងហោះហើរ ក្នុងតំបន់ និងសកលលោក។ ជើងហោះហើរដែលកំពុងតភ្ជាប់នោះ រួមមានមកពី៨ប្រទេស ក្នុងតំបន់អាស៊ាន ចិន កូរ៉េខាងត្បូង ហុងកុង កោះតៃវ៉ាន់ ឥណ្ឌា រដ្ឋកាតា និងអេមីរ៉ាតអារ៉ាប់រួម។

លោកបន្តថា ចាប់ពីពេលនេះតទៅ កម្ពុជាបានសម្រេចរៀបចំ ឱ្យមានការហោះហើរត្រង់ ផ្សារភ្ជាប់ពីរាជធានី និងរដ្ឋធានី នៃបណ្តា ប្រទេសអាស៊ានចំនួន៨ គឺបាងកក កូឡាឡាំពួ សិង្ហបូរី ហ្សាការតា ម៉ានីល វៀងចន្ទន៍ រ៉ងហ្គូន និងហាណូយ ដោយនៅខ្វះតែរាជធានី បានដាស៊េរីបេហ្គាវ៉ាន់ ប្រទេសព្រុយណេ។

សូមបញ្ជាក់ថា កាលពីថ្ងៃទី២៧​ខែតុលា កម្ពុជាបានបើកដំណើរការជើងហោះហើរទី១ របស់ក្រុមហ៊ុនអាកាសចរណ៍ Vietnam Airline រវាងរាជធានីភ្នំពេញ និងរដ្ឋធានីហាណូយ នៃប្រទេសវៀតណាម ជាផ្លូវការ ខណៈលោក ម៉ៅ ហាវណ្ណាល់ថា ការបើកដំណើរការនេះ នឹងរួមចំណែកសម្រួលការធ្វើដំណើរតាមផ្លូវអាកាស រវាងប្រទេសទាំងពីរ តាមរយៈការផ្តល់នូវជម្រើសកាន់តែប្រសើរឡើងថែមទៀត ជូនអ្នកដំណើរតាមផ្លូវអាកាស ជាពិសេសធុរៈជន និងភ្ញៀវទេសចរជាតិ និងអន្តរជាតិ។

សូមបញ្ជាក់ផងដែរថា រយៈពេល៩ខែ ឆ្នាំ២០២៤នេះ កម្ពុជាទទួលបានអ្នកធ្វើដំណើរតាមផ្លូវអាកាសជាង៤លាន ៥សែននាក់ កើនឡើង២២% ធៀបនឹងរយៈពេលដូចគ្នានៅឆ្នាំ២០២៣ ដែលមានចំនួនត្រឹមតែជាង ៣លាន ៧សែននាក់ ប៉ុណ្ណោះ៕

The post ចាប់ពីពេលនេះតទៅ កម្ពុជាបានសម្រេចរៀបចំឱ្យមានការហោះហើរត្រង់ ផ្សារភ្ជាប់ពីរាជធានី និងរដ្ឋធានីនៃបណ្តាប្រទេសអាស៊ានចំនួន៨ appeared first on .

ក្នុងពិធីអបអរសាទរគម្រប់ខួប១ឆ្នាំនៃការបើកដំណើរការជាផ្លូវការអាកាសយានដ្ឋានអន្តរជាតិសៀមរាបអង្គរ(SAI) កាលពីថ្ងៃទី១៦ ខែតុលា ឆ្នាំ២០២៤ លោក ម៉ៅ ហាវណ្ណាល់  រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងថា អាកាសយានដ្ឋានអន្តរជាតិសៀមរាបអង្គរ ជាសមិទ្ធផលមួយ ដែលកើតចេញពី «គំនិតផ្ដួចផ្ដើមខ្សែក្រវ៉ាត់ និងផ្លូវ» ក្រោមកិច្ចសហប្រតិបត្តិការកម្ពុជា-ចិន បានកំពុងលើកកម្ពស់កិច្ចសហប្រតិបត្តិការរវាងប្រទេសទាំងពីរ ជាពិសេសបានពង្រីកយ៉ាងលឿន នូវកិច្ចសហការទៅលើវិស័យសំខាន់ៗ សម្រាប់ជាប្រយោជន៍ ដល់ការកែលម្អការអភិវឌ្ឍសេដ្ឋកិច្ច នៃប្រទេសទាំងពីររួមមានការពង្រឹងផលិតភាពសេដ្ឋកិច្ច, ការបង្កើនពាណិជ្ជកម្មឧស្សាហកម្ម, ទេសចរណ៍, ការវិនិយោគវិស័យកសិកម្ម និងវិស័យដឹកជញ្ជូនទំនាក់ទំនងគ្នាទៅវិញទៅមករវាងប្រជាជន និងប្រជាជន។

ជាមួយគ្នានោះ រដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងថា ចាប់តាំងពីបើកដំណើរការបានជិត ១ឆ្នាំកន្លងមកនេះ  អាកាសយានដ្ឋានអន្តរជាតិសៀមរាបអង្គរ ទទួលបានជើងហោះហើរ ចេញ-ចូល (ទ្វេទិស) មានចំនួនជាង ១៤,៥៥៦ជើង, អ្នកដំណើរ ចេញ-ចូល (ទ្វេទិស) មានចំនួនជាង ១,៣០០,០៤៨នាក់ និងទំនិញតាមផ្លូវអាកាស ចេញ-ចូល (ទ្វេទិស) មានចំនួនជាង ៨២តោន ខណៈរដ្ឋលេខាធិការដ្ឋានអាកាសចរណ៍ស៊ីវិលរំពឹងថា នឹងមានអ្នកដំណើរ (ចេញ-ចូល) កើនដល់១លាន៥០ម៉ឺននាក់ នៅដំណាច់ឆ្នាំ២០២៤ (ប្រភពALAI)។

ដោយឡែកសម្រាប់រយៈពេល ៩ខែ (មករា-កញ្ញា) ឆ្នាំ២០២៤ ស្ថានភាពដឹកជញ្ជូនតាមផ្លូវអាកាសនៅអាកាសយានដ្ឋានអន្តរជាតិសៀមរាបអង្អរ (SAI) មានជើងហោះហើរ ចេញ-ចូល (ទ្វេទិស)  ១០,៩៨៩ ជើង មានការកើនឡើងប្រមាណ ២៤% បើធៀបរយៈពេលទៅនឹងរយៈពេលដូចគ្នា នៅឆ្នាំ២០២៣។

ក្នុងនោះ អ្នកដំណើរ ចេញ-ចូល (ទ្វេទិស) មានចំនួន ៩៧៤,២០៣ នាក់មានការកើនឡើងប្រមាណ ៣១% បើធៀបរយៈពេលទៅនឹងរយៈពេលដូចគ្នា នៅឆ្នាំ២០២៣ និងទំនិញតាមផ្លូវអាកាស ចេញ-ចូល (ទ្វេទិស) មានចំនួនជាង ៧៦តោន (៧៦,០០០គីឡូក្រាម) មានការថយចុះប្រមាណ ៤៦% បើធៀបរយៈពេលទៅនឹងរយៈពេលដូចគ្នា នៅឆ្នាំ២០២៣៕

The post ៩ខែមកនេះ អាកាសយានដ្ឋានអន្តរជាតិសៀមរាបអង្គរ ទទួលបានជើងហោះហើរ ចេញ-ចូល ជាង ១ម៉ឺនជើង កើនឡើងប្រមាណ ២៤% appeared first on .

ថ្លែងក្នុងកម្មវិធី ដឹកនាំតំណាងក្រុមហ៊ុនអាកាសចរណ៍ជាតិ និងអន្តរជាតិ តំណាងក្រុមហ៊ុនផ្តល់សេវាកម្ម គាំទ្រការដឹកជញ្ជូនតាមផ្លូវអាកាស មកធ្វើទស្សនកិច្ចស្វែងយល់លើការងារសាងសង់ អាកាសយានដ្ឋានអន្តរជាតិតេជោ នៅថ្ងៃទី០៦ ខែមិថុនា ឆ្នាំ២០២៤នេះ លោក ម៉ៅ ហាវណ្ណាល់ បានឲ្យដឹងថា ក្រុមហ៊ុន CAIC បានខិតខំប្រឹងប្រែង និងព្យាយាមអស់ពីលទ្ធភាព ដើម្បីសម្រេចការសាងសង់ ឲ្យបានឆាប់តាមផែនការដូចបានគ្រោងទុក។ដោយគិតត្រឹមថ្ងៃទី០១ ខែមិថុនា ឆ្នាំ២០២៤ នេះ ការសាងសង់អាកាសយានដ្ឋានអន្តរជាតិតេជោ លំដាប់ថ្នាក់ 4F ដំណាក់កាលទីមួយ សម្រេចបានប្រមាណ ៧៥.៨% ហើយគ្រោងនឹងចាប់ផ្តើមប្រតិបត្តិការ នៅឆមាសទី១ ឆ្នាំ២០២៥។

លោកបន្តថា ដំណើរទស្សនកិច្ចសិក្សាស្វែងយល់នេះ គឺអនុញ្ញាតឱ្យ ក្រុមហ៊ុនប្រតិបត្តិករទាំងអស់ ត្រៀមលក្ខណៈរបស់ខ្លួន មកបម្រើការងារ និងផ្តល់សេវាកម្មពាក់ព័ន្ធ នៅពេលអាកាសយានដ្ឋានអន្តរជាតិតេជោ ក្រោយបញ្ចប់ការសាងសង់ និងចាប់ផ្តើមប្រតិបត្តិការ។ដំណើរទស្សនកិច្ចសិក្សានេះ ក៏មានបំណងផ្តល់ការស្វែងយល់អំពីការវិវឌ្ឍន៍ចុងក្រោយ នៃការសាងសង់សំណង់ដ៏មហិមា និងលំដាប់អន្តរជាតិនៃអាកាសយានដ្ឋានអន្តរជាតិតេជោ ដែលកើតចេញពីគតិបណ្ឌិត និងការដឹកនាំដ៏ឈ្លាសវៃរបស់ សម្តេចតេជោ ហ៊ុន សែន អតីតនាយករដ្ឋមន្ត្រី និងការបន្តអនុវត្តគតិបណ្ឌិត ប្រកបដោយស្មារតីប្រុងប្រយ័ត្នខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

សូមបញ្ជាក់ថា គម្រោងអាកាសយាន្តដ្ឋានអន្តរជាតិតេជោ ត្រូវបានរាជរដ្ឋាភិបាលបានផ្តល់សិទ្ធិឱ្យក្រុមហ៊ុន CAIC ដែលជាក្រុមហ៊ុនបណ្តាក់ទុនរួមគ្នារវាងរាជរដ្ឋាភិបាលកម្ពុជា និងក្រុមហ៊ុន OCIC សាងសង់ និងអភិវឌ្ឍអាកាសយានដ្ឋានអន្តរជាតិតេជោ (ភ្នំពេញថ្មី) នៅខេត្តកណ្តាល និងខេត្តតាកែវ លើផ្ទៃដីទំហំ ២ ៦០០ហិចតា ស្ថិតនៅចម្ងាយប្រមាណជាង ២០គីឡូម៉ែត្រពីភាគខាងត្បូងភ្នំពេញ។

អាកាសយានដ្ឋានអន្តរជាតិតេជោ ជាប្រភេទ 4Fនេះដែរ គឺប្រភេទព្រលានយន្តហោះធំ ដែលអាចនឹងស្រូបយក និងទទួលបានការហោះហើរពីឆ្ងាយឆ្លងទ្វីប ដែលអាចឲ្យប្រភេទយន្តហោះ ធុនយក្ស រហូតដល់ Airbus A380-800 និង យន្តហោះ Boeing 747-800 ចុះចតបាន។គម្រោងសាងសង់អាកាសយានដ្ឋាន អន្តរជាតិតេជោនៅទីនេះ ក្រោមទឹកប្រាក់វិនិយោគ ១៥០០ លានដុល្លារ។ក្រុមហ៊ុនវិនិយោគ មានមហិច្ឆិតាអភិវឌ្ឍន៍ ជាព្រលានយន្តហោះថ្មីនេះ ឱ្យធំ និងទំនើបជាងគេនៅតំបន់អាស៊ីផងដែរ៕

The post អាកាសយានដ្ឋានអន្តរជាតិតេជោ តម្លៃ១៥០០លានដុល្លារ សាងសង់បានជាង៧៥% ហើយ appeared first on .

តាមការចុះផ្សាយរបស់គេហទំព័រ Fresh News បានឲ្យដឹងថា លោក ណាល់ ស្ទីវិនដាប្ញទ្ធិ គឺជាកូនបង្កើតរបស់លោក ម៉ៅ ហាវាណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល។ ការបញ្ចប់ការហ្វឹកហាត់ នៅរាជបណ្ឌិតសភាយោធា សានហឺស្ត៍ នៃចក្រភពអង់គ្លេស គឺដោយសារមានការក្រោមការជ្រោមជ្រែងដ៏ពេញទំហឹងពីសំណាក់សម្តេចធិបតី ហ៊ុន ម៉ាណែត នាយករដ្ឋមន្រ្តី អតីតជាអគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងទ័ពជើងគោកកម្ពុជា និងតាមរយៈឧត្តមភាពដ៏ថ្លៃថ្លារបស់លោក ម៉ៅ ហាវាណ្ណាល់។

សារព័ត៌មាន Fresh News បានដកស្រង់សម្តីលោក ណាល់ ស្ទីវិនដាប្ញទ្ធិ យ៉ាងដូច្នេះថា៖ «ក្នុងអំឡុងពេល៤៤អាទិត្យនេះ ជាវេលាដ៏លំបាកបំផុតដែលគ្រប់កម្មាភិបាលទាំងអស់ បានឆ្លងកាត់ពួកយើង ត្រូវបានលត់ដំទាំងផ្លូវកាយ និងផ្លូវចិត្តព្រមទាំងតម្រង់ នៅចក្ខុវិស័យ ដើម្បីអភិវឌ្ឍន៍ប្រទេសជាតិនៃថ្ងៃខាងមុខ»។

ក្នុងឱកាសបិទវគ្គសិក្សាយុវជន ណាល់ ស្ទីវិនដាប្ញទ្ធិ បានបង្ហាញពីក្តីរីករាយ និងកិត្តិយសណាស់ដែលទង់ជាតិរបស់កម្ពុជាត្រូវបានដោតបង្ហាញដល់មហាជន នៅក្នុងរាជបណ្ឌិត្យសភាយោធា Sandhurst ជាលើកដំបូង ដែលកន្លងទៅជាង២០០ឆ្នាំមិនធ្លាប់មាន។ យុវជន ដាប្ញទ្ធិ បានសន្យាថា នឹងបម្រើជាតិកម្ពុជា ដោយមិនគិតពីប្រយោជន៍ផ្ទាល់ខ្លួន ដើម្បីការពារជាតិ សាសនា និងព្រះមហាក្សត្រ និងសន្តិភាព នៃព្រះរាជាណាចក្រកម្ពុជា។

សូមជម្រាបជូនថា សាលារាជបណ្ឌិតសភាយោធាសេន្តហឺស្ត៍ (The Royal Military Academy Sandhurst) គឺជាសាលាសភាយោធាមួយដ៏តឹងរឹង និងល្បីល្បាញនៃចក្រភពអង់គ្លេស ដែលបានទទួលស្គាល់ដោយមជ្ឈមណ្ឌលឈានមុខ ក្នុងការបណ្ដុះបណ្ដាលថ្នាក់ដឹកនាំ និងនាយទាហានទូទាំងសកលលោក។

សាលារាជបណ្ឌិតសភាយោធានេះ បានធ្វើការបណ្តុះបណ្តាយនាយទាហានជាន់ខ្ពស់ជាច្រើនក្នុងពិភពលោក ដូចជា៖ លោក Sir Winston Churchill អតីតនាយករដ្ឋមន្រី្តចក្រភពអង់គ្លេស, ព្រះរាជបុត្រ Prince William ។ បើក្រឡែកមកមើលក្នុងតំបន់អាស៊ានឯណេះវិញក៏មានថ្នាក់ដឹកនាំជាច្រើនរូបបានបញ្ចប់ការសិក្សារាជបណ្ឌិតសភាយោធាសេន្តហឺស្ត៍ផងដែរ រួមមាន៖ ស្តេចព្រុយណេ ស៊ុលតង់ Hassanal Bolkiah of Brunei និងព្រះរាជបុត្រ ព្រះអង្គម្ចាស់ Abdul Mateen និង ព្រះអង្គម្ចាស់ Vajiravudh នៃប្រទេសថៃ ព្រមទាំងខ្សែររាជវង្សម៉ាឡេស៊ី។ ចំណែកឯនិស្សិតនាយទាហាន ណាល់ ស្ទីវិនដាប្ញទ្ធិ នឹងត្រូវបញ្ចប់កម្មសិក្សានាពេលខាងមុខនេះ ដែលជាកូនខ្មែរប្រសូត្រចេញពីកូនចៅឥស្សរជនជាន់ខ្ពស់រាជរដ្ឋាភិបាលកម្ពុជា៕

The post កូនរដ្ឋមន្រ្តីអាកាសចរណ៍ស៊ីវិលនឹងក្លាយជាយុវជនដំបូងបង្អស់ បញ្ចប់ការហ្វឹកហាត់នៅរាជបណ្ឌិតសភាយោធាសានហឺស្ត៍ នៃចក្រភពអង់គ្លេស appeared first on .

បន្ថែមទៀតនោះ កម្ពុជាក៏កំពុងអភិវឌ្ឍន៍គម្រោងលើកកម្រិតស្តង់ដាអាកាសយានដ្ឋានអន្តរជាតិចំនួន១ គឺអាកាសយានដ្ឋានអន្តរជាតិខេត្តព្រះសីហនុ។

លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល ក្នុងពិធីសម្ពោធដាក់ឱ្យប្រើប្រាស់ជាផ្លូវការអាកាសយានដ្ឋានអន្តរជាតិសៀមរាបអង្គរ បានឲ្យដឹងថា យើងក៏មានគម្រោងអភិវឌ្ឍអាកាសយានដ្ឋានមណ្ឌលគិរីថ្មី និងអាកាសយានដ្ឋានកោះរុង ក៏ស្ថិតនៅក្នុងរបៀបវារៈផែនការអភិវឌ្ឍរបស់រាជរដ្ឋាភិបាល ក្នុងការរួមចំណែកអភិវឌ្ឍន៍វិស័យទេសចរណ៍។

បើតាមលោកម៉ៅ ហាវណ្ណាល់ កម្ពុជាក៏បានធ្វើទំនើបកម្មលើប្រព័ន្ធគ្រប់គ្រង ត្រួតពិនិត្យ និងបញ្ហាចរាចរណ៍ដែនអាកាសដោយធ្វើការផ្លាស់ប្តូរពីប្រព័ន្ធ AIS (ធម្មតា)ទៅ AIM (ឌីជីថល) ព្រមទាំងសមិទ្ធផលផ្សេងៗជាច្រើនទៀតក្នុងវិស័យអាកាសចរណ៍ស៊ីវិលនៅកម្ពុជា។

សូមជម្រាបថា គម្រោងសាងសង់អាកាស យានដ្ឋានអន្តរជាតិតេជោភ្នំពេញថ្មី បានចាប់ផ្តើមដំណើរការសាងសង់នៅឆ្នាំ២០១៩ ហើយគ្រោងនឹងបញ្ចប់នៅពាក់កណ្តាលឆ្នាំ២០២៤ (ដំណាក់កាលទី១)។ គម្រោងនេះគ្រោងចំណាយថវិកា ប្រមាណ ៦១៧លានដុល្លារ ស្ថិតនៅក្រុងតាខ្មៅ ខេត្តកណ្តាល ត្រូវបានរាជរដ្ឋាភិបាលផ្តល់សិទ្ធិឱ្យក្រុមហ៊ុន CAIC ដែលជាក្រុមហ៊ុនបណ្តាក់ទុនរួម គ្នា រវាងរាជរដ្ឋាភិបាលកម្ពុជា និងក្រុមហ៊ុន OCIC របស់អ្នកឧកញ៉ា ពុង ឃាវសែ។

ដោយឡែក គម្រោងសាងសង់អាកាសយានដ្ឋានអន្តរជាតិតារាសាគរ បានអភិវឌ្ឍន៍ឡើងលើទំហំផ្ទៃដី២១៨ហិកតា និងមានដីបម្រុងទំហំ១ពាន់ហិកតាបន្ថែម ដែលគ្រោងបញ្ចេញថវិកាប្រមាណ២០០លានដុល្លារ ស្ថិតក្នុងខេត្តកោះកុង។ មែនទែនទៅគម្រោងនេះត្រៀមបើកឱ្យដំណើរការនៅពាក់កណ្តាលឆ្នាំ២០២៣នេះ ប៉ុន្តែត្រូវលើកពេលចំនួន២ដងរួចមកហើយ។ គម្រោងនេះសាងសង់ដោយក្រុមហ៊ុនចិន Union Development Group ៕

The post សមិទ្ធផលធំ២ទៀត នឹងលេចរូបរាងឡើងឆាប់ៗខាងមុខបន្ទាប់ពីព្រលានយន្តហោះសៀមរាបអង្គរដាក់ឲ្យប្រើប្រាស់ appeared first on .

លោក ម៉ៅ ហាវណ្ណាល់ រដ្ឋមន្ត្រីរដ្ឋលេខាធិការដ្ឋានអាកាសចរណ៍ស៊ីវិល បានលើកឡើងថា វិស័យអាកាសចរណ៍ស៊ីវិលបានដើរតួនាទី និងចូលរួមចំណែកយ៉ាងសំខាន់ក្នុងការអភិវឌ្ឍន៍សង្គម និងសេដ្ឋកិច្ចជាតិ តាមរយៈការបង្កើតការងារដោយផ្ទាល់ និងដោយប្រយោល ការគាំទ្រ និងជំរុញវិស័យទេសចរណ៍ ពាណិជ្ជកម្ម ការទាក់ទាញ និងជំរុញដល់ការវិនិយោគផ្ទាល់ពីបរទេស និងធុរកិច្ចក្នុងស្រុក ប្រកបដោយទំនុកចិត្ត និងមានលក្ខណៈសេដ្ឋកិច្ច។ ក្រៅពីនេះ វិស័យអាកាសចរណ៍ស៊ីវិលបានជួយសម្រួលដល់ការតភ្ជាប់រវាងប្រជាជន និងប្រជាជន ប្រទេសនិងប្រទេស និងការផ្លាស់ប្តូរវប្បធម៌នៃពិភពលោកទៀតផង។

លោកបន្តថា វិស័យអាកាសចរណ៍សុីវិលកម្ពុជា បានឆ្លងកាត់ការវិវត្តរីកចម្រើនជាច្រើនដំណាក់កាលដូចប្រទេសនានាក្នុងពិភពលោកដែរ ជាពិសេសនៅពេលដែលរាជរដ្ឋាភិបាលក្រោមការដឹកនាំដ៏ឈ្លាសវៃ ប៉ិនប្រសប់ និងប្រកបដោយគតិបណ្ឌិតរបស់ សម្តេចតេជោ ហ៊ុន សែន អតីតនាយករដ្ឋមន្ត្រី បានដាក់ចេញនូវគោលនយោបាយបើកចំហរជើងមេឃក្នុងឆ្នាំ១៩៩៩ បានធ្វើឲ្យវិស័យអាកាសចរណ៍ស៊ីវិល «ការដឹកជញ្ជូនតាមផ្លូវអាកាស» នៅកម្ពុជា ទទួលបានការរីកចម្រើនយ៉ាងឆាប់រហ័ស ) និងមានកំណើនខ្ពស់ ជាពិសេសដំណាក់កាលមុនវិបត្តិនៃជំងឺកូវីដ១៩។

តាមរយៈការដាក់ចេញគោលនយោបាយត្រឹមត្រូវ និងគ្រប់គ្រងបានល្អនូវជំងឺកូវីដ១៩ វិស័យអាកាសចរណ៍ស៊ីវិលបានបន្តងើបឡើងវិញប្រកបដោយសក្តានុពល ជាក់ស្ដែងនៅពេលកន្លងមកនេះ កម្ពុជាទទួលបានការវិនិយោគលើផ្នែកហេដ្ឋារចនាសម្ព័ន្ធអាកាសយានដ្ឋានអន្តរជាតិថ្មីៗចំនួន៤ រួមមាន៖ ១-អាកាសយានដ្ឋានអន្តរជាតិសៀមរាបអង្គរលំដាប់ថ្នាក់4E ២-អាកាសយានដ្ឋានអន្តរជាតិតារាសាគរលំដាប់ថ្នាក់4E ៣-អាកាសយានដ្ឋានអន្តរជាតិតេជោលំដាប់ថ្នាក់4F និង៤-អាកាសយានដ្ឋានអន្តរជាតិខេត្តព្រះសីហនុកំពុងតែដំណើរការកែលម្អទៅលំដាប់ថ្នាក់4E។ លោក ម៉ៅ ហាវណ្ណាល់ បញ្ជាក់បន្ថែម។

លោករដ្ឋមន្ត្រីបានគូសបញ្ជាក់ថា រដ្ឋលេខាធិការដ្ឋានអាកាសចរណ៍ស៊ីវិលត្រូវបានបង្កើតឡើងនៅថ្ងៃទី២៤ ខែមករា ឆ្នាំ១៩៩៦ ដឹកនាំដោយអនុរដ្ឋលេខាធិការមួយរូប ដែលមិនស្របនឹងស្ថានភាពជាក់ស្ដែង នាពេលបច្ចុប្បន្ន ដែលដឹកនាំដោយរដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិលមួយរូប អមដោយរដ្ឋលេខាធិការ និងអនុរដ្ឋលនាធិការមួយចំនួន។ ម៉្យាងទៀត អង្គការអាកាសចរណ៍ស៊ីវិលអន្តរជាតិដែលកម្ពុជាបានចូលជាសមាជិកចាប់តាំងពីឆ្នាំ១៩៥៦ ក៏បានរកឃើញនូវចំណុចខ្វះចន្លោះដូចគ្នាផងដែរពាក់ព័ន្ធទៅនឹងគោលការណ៍គ្រប់គ្រង និងចាត់ចែងការងារអាកាសចរណ៍ស៊ីវិលកម្ពុជា តាមរយៈការធ្វើសវនកម្មចំនួន៣លើករួចមកហើយកាលពីឆ្នាំ២០០៧ ឆ្នាំ២០១៦ និងឆ្នាំ២០១៨។ ហេតុដូច្នេះ រដ្ឋលេខាធិការដ្ឋានអាកាសចរណ៍ស៊ីវិល បានរៀបចំតាក់តែងសេចក្តីព្រាងច្បាប់ស្តីពីការបង្កើតរដ្ឋលេខាធិការដ្ឋានអាកាសចរណ៍ស៊ីវិល ជំនួសច្បាប់ស្តីពីការបង្កើតរដ្ឋលខាធិការដ្ឋានអាកាសចរណ៍ស៊ីវិល ឆ្នាំ១៩៩៦ ក្នុងគោលបំណងដើម្បីលើកកម្ពស់និងធានាដល់ដំណើរការគ្រប់គ្រង ចាត់ចែង និងអភិវឌ្ឍន៍វិស័យអាកាសចរណ៍ស៊ីវិលកម្ពុជា ស្របតាមស្ថានភាពជាក់ស្ដែងនៅពេលបច្ចុប្បន្ន ពិសេសឆ្លើយតបទៅនឹងតម្រូវការ និងចំណុចខ្វះចន្លោះដែលបានតម្រូវ និងរកឃើញដោយអង្គការអាកាសចរណ៍ស៊ីវិលជាតិ៕

The post លោក ម៉ៅ ហាវណ្ណាល់៖ វិស័យអាកាសចរណ៍ស៊ីវិលបានដើរតួនាទី និងចូលរួមចំណែកយ៉ាងសំខាន់ក្នុងការអភិវឌ្ឍន៍សង្គម និងសេដ្ឋកិច្ចជាតិ appeared first on .

មជ្ឈមណ្ឌលហោះហើរអាកាសយានហាត់ត្រាប់អន្តរជាតិ នេះបានចំណាយទឹកប្រាក់អស់ ១២លានដុល្លារអាមេរិក ដើម្បីនាំចូលអាកាសយានហាត់ត្រាប់ចលនាពេញលេញ ស៊េរីទំនើបលំដាប់ពិភពលោក។

នាយកប្រតិបត្តិនៃមជ្ឈមណ្ឌលហោះហើរ អាកាសយានហាត់ត្រាប់អន្តរជាតិ លោក Chan Chee Seng បានឲ្យដឹងថា មជ្ឈមណ្ឌលក៏នឹងដើរតួដ៏សំខាន់ក្នុងការផ្តល់នូវការបណ្តុះបណ្តាលដ៏ទូលំទូលាយ សម្រាប់អាកាសយានិកនៃក្រុមហ៊ុនអាកាសចរណ៍អាស៊ាន និងអន្តរជាតិលើមុខវិជ្ជា ការបណ្តុះបណ្តាលដំបូង ការផ្ទេរការបណ្តុះបណ្តាលអាកាសយាន ការបណ្តុះបណ្តាល upgrade និងការហ្វឹកហាត់ឡើងវិញជាប្រចាំ។

ក្នុងឱកាសដាក់ឲ្យដំណើរការមជ្ឈមណ្ឌលហោះហើរអាកាសយានហាត់ត្រាប់អន្តរជាតិ លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល ថ្លែងថា «ការបើកដំណើរការនៃមជ្ឈមណ្ឌលនេះ មានអត្ថន័យចំនួន៣៖ ទី១ វាបានបង្កើតប្រវត្តិសាស្ត្រ និងបំពេញចន្លោះនៃការបណ្តុះបណ្តាល អាកាសយានហាត់ត្រាប់នៅអាកាសចរណ៍ស៊ីវិលកម្ពុជា។ ទី២ វានឹងជួយជំរុញទឹកចិត្តបុគ្គលិកក្នុងស្រុក ក្នុងការជ្រើសរើសការងារនៅវិស័យអាកាសចរណ៍ស៊ីវិល ហើយនឹងបណ្តុះបណ្តាលអ្នកធ្វើការងារអាកាសចរណ៍ស៊ីវិលបន្ថែមទៀត ដើម្បីអភិវឌ្ឍសង្គមប្រទេសកម្ពុជា ក៏នឹងធ្វើឱ្យប្រសើរឡើងយ៉ាងខ្លាំងផងដែរ នូវសុវត្ថិភាពនៃការហោះហើរអាកាសចរណ៍ស៊ីវិលកម្ពុជា។ ទី៣ គឺសង្ឃឹមថាមជ្ឈមណ្ឌលហោះហើរអាកាសយានហាត់ត្រាប់អន្តរជាតិ អាចអភិវឌ្ឍល្អ និងឆាប់រហ័សក្លាយជាស្តង់ដារនៅកម្ពុជា និងតំបន់អាស៊ាន និងរួមចំណែកកាន់តែច្រើនក្នុងការស្តារឡើងវិញនូវអាកាសចរណ៍ស៊ីវិល របស់ពិភពលោក ក្នុងយុគសម័យក្រោយកូវីដ១៩»។

ទន្ទឹមនឹងនោះ លោក ម៉ៅ ហាវណ្ណាល់ បានលើកឡើងពីកង្វល់ចំនួន៣ អំពីការប្រើប្រាស់អាកាសយានហាត់ត្រាប់ ទី១ គឺលក្ខណៈសម្បត្តិមនុស្ស ទី២ គឺការថែទាំ ឧបករណ៍ និងសម្ភារៈបរិក្ខារ និងទី៣ គឺការការពារគ្រោះថ្នាក់ពេលប្រើប្រាស់ផងដែរ៕

The post មជ្ឈមណ្ឌលតម្លៃ១២លានដុល្លារនេះ នឹងជំរុញអភិវឌ្ឍន៍វិស័យអាកាសចរណ៍ស៊ីវិលនៅកម្ពុជា appeared first on .

ក្លឹបបាល់ទាត់បុរី ប៉េងហួត ដឹកនាំដោយផ្ទាល់ពីនាយឧត្តមសេនីយ៍ ម៉ៅ ហាវណ្ណាល់ រដ្ឋមន្ត្រី ទទួលបន្ទុករដ្ឋលេខាធិការដ្ឋានអាកាសចរស៊ីវិល ដដោយឈលេីគោលការណ៍កីឡានាំមកនូវ​សសុខភាព មិត្តភាព​​ វិន័យ​ និង ការទទួលខុសត្រូវ។

នៅឆ្នាំ២០២២នេះ ជាឆ្នាំទី៧ហើយ នាយឧត្តមសេនីយ៍ ម៉ៅ ហាវណ្ណាល់ ដែលបានចូលរួមប្រកួតមិត្តភាជាច្រើនប្រកួត។ ប្រភពច្បាស់ការ បានបង្ហើបប្រាប់ឧកញ៉ាញូស៍ថា ក្លឹបបាល់ទាត់បុរី ប៉េងហួត ក្រោមការដឹកនាំដោយលោក ម៉ៅ ហាវណ្ណាល់ ក្រៅពីរៀបចំការប្រកួតហើយនោះ ក៏តែងតែរៀបចំចាត់ថវិកា និងសម្ភារៈជូនដល់អតីតកីឡារករចាស់ៗ ចាប់តាំងពីសម័យសង្គមរាស្រ្តនិយម រហូតមកដល់សម័យរដ្ឋកម្ពុជា រួមទាំងកីឡាករចាស់ៗបច្ចុប្បន្នផងដែរ។

សូមជម្រាបថា ក្លឹបបាល់ទាត់បុរី ប៉េងហួត នៅថ្ងៃសៅរ៍ ទី៣ កញ្ញានេះ បានរៀបចំការប្រកួត ដណ្តើមពានរង្វាន់ និងបើករដូវកាលថ្មី រវាងក្រុម «ឯកសណ្ឋានពណ៌ លឿងទុំ» និង «ឯកសណ្ឋានពណ៌ ស្វាយ» ដែលមានការចូលរួមពីមន្ត្រីជាន់ខ្ពស់រាជរដ្ឋាភិបាល ឧកញ៉ា និងកីឡាករជាច្រើនរូបទៀត មានជាអាថ៌៖ លោក ម៉ៅ ហាវណ្ណាល់ រដ្ឋមន្ត្រី រដ្ឋលេខាធិការដ្ឋានអាកាសចរស៊ីវិល លោក កែប ជុតិមា អតីតអភិបាលក្រុងភ្នំពេញ លោក សាយ សំអាល់ រដ្ឋមន្ត្រីក្រសួងបរិស្ថាន លោក ហ៊ុន ម៉ានី សមាជិករដ្ឋសភា ព្រមទាំងអ្នកឧកញ៉ា លាង ឃុន សហស្ថាបនិក ក្រុមហ៊ុន ជីបម៉ុង គ្រុប ឧកញ៉ា ថៃ ជាហួត និងកីឡាករជាច្រើនរូបទៀត៕

The post តើនរណាជាប្រធានក្លឹបបាល់ទាត់បុរី ប៉េង ហួត? appeared first on .

ទន្ទឹមនឹងនោះ នៅក្នុងព្រះរាជក្រឹត្យ ក៏តែងតាំងនិងផ្តល់ឋានៈ លោក ពិ ម៉ារី ជាជំនួយការរដ្ឋលេខាធិការដ្ឋានអាកាសចរស៉ីវិល ១រូប មានឋានៈស្មើ អគ្គនាយក បន្ថែមលើមុខងារបច្ចុប្បន្ន។

ព្រះរាជក្រឹត្យតែងតាំង និងផ្តល់ឋានៈមន្រ្តីរាជការទាំង ៥រូបនេះ ធ្វើឡើងតាមសេចក្តីក្រាបទូលថ្វាយពីប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី។

សូមជម្រាបថា រដ្ឋលេខាធិការដ្ឋានអាកាសចរណ៍ស៊ីវិល ត្រូវបានបង្កើតឡើងនៅឆ្នាំ១៩៩៦ ចំណុះទីស្តីការគណៈរដ្ឋមន្ត្រី ក្រោមការគ្រប់គ្រងដោយនាយករដ្ឋមន្ត្រី។ ការងារនិងភារកិច្ចរបស់រដ្ឋលេខាធិការដ្ឋានអាកាសចរស៊ីវិល គឺដឹកនាំ និងគ្រប់គ្រងលើវិស័យអាកាសចរណ៍ស៊ីវិលនៅកម្ពុជា។ បច្ចុប្បន្ន លោក ម៉ៅ ហាវណ្ណាល់ ជារដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល ដឹកនាំដោយផ្ទាល់លើការងារអាកាសចរស៊ីវិល៕

The post ព្រះមហាក្សត្រ តែងតាំងមន្ត្រីរាជការ ៤រូបជា រដ្ឋលេខាធិការ អនុរដ្ឋលេខាធិការ នៃរដ្ឋលេខាធិការដ្ឋានអាកាសចរស៉ីវិល appeared first on .