លោក វ៉ា រុតសាន រដ្ឋលេខាធិការក្រសួងពាណិជ្ជកម្ម និងជាអ្នកទទួលបន្ទុកខាងវិស័យដំឡូងមីមានប្រសាសន៍ថា ការចុះអនុស្សរណៈយោគយល់រវាងសហព័ន្ធដំឡូងមីកម្ពុជា និងសមាគមដំឡូងមីវៀតណាមចំនួន៩លានតោនក្នុងមួយឆ្នាំនេះ មានសុពលភាពរយៈពេល៥ឆ្នាំ ហើយនៅក្នុងមួយឆ្នាំៗ និងមានការបង្កើនការលក់បន្ថែមពីបរិមាណដំឡូងមីសរុបចន្លោះ៥ទៅ១០%ជារៀងរាល់ឆ្នាំ ។

បើតាមលោក វ៉ា រុតសាន អនុស្សរយៈយោគយល់រវាងសហព័ន្ធដំឡូងមីកម្ពុជា និងសមាគមដំឡូងមីវៀតណាមដែលបរិមាណ៩លានតោនក្នុងមួយឆ្នាំនេះ គឺមានសុពលភាពរយៈពេល៥ឆ្នាំ និងអាចចាប់ផ្តើមនៅចុងឆ្នាំ២០២៥នេះ។

ទាក់ទងនិងដំឡូងមីនេះដែរ បើតាមប្រធានសមាគមកសិករដំឡូងមីខ្មែរ បានយល់ឃើញថា ការនាំចេញដំឡូងមីកម្ពុជាទៅប្រទេសវៀតណាមក្នុងមួយឆ្នាំៗមានប្រហាក់ប្រហែល៩លានតោនក្នុងមួយឆ្នាំៗ ហើយការចុះកិច្ចសន្យារវាងសហព័ន្ធដំឡូងមីកម្ពុជានិងសមាគមដំឡូងមីវៀតណាមកន្លងមកនេះធ្វើឡើងដើម្បីផ្តល់ទំនុកទុកចិត្តដល់បងប្អូនកសិករដាំដុះដំឡូងមី កុំឱ្យគាត់បារម្ភនៅពេលបិទច្រកព្រំដែនជាមួយប្រទេសថៃ សម្រាប់កម្ពុជាក៏នៅតែមានទីផ្សារលក់ដំឡូងមីក្នុងមួយឆ្នាំពី៨ទៅ៩លានតោនដែរ។

លោក អិល ឈិញ ប្រធានសមាគមកសិករដំឡូងមីខ្មែរបានឱ្យដឹងថា “បើយើងមើលទៅលើកិច្ចសន្យាទិញ លក់ដំឡូងមីកម្ពុជាចំនួន៩លានតោនក្នុងមួយឆ្នាំ រវាងសហព័ន្ធដំឡូងមីកម្ពុជា និងសមាគមដំឡូងមីវៀតណានេះ គឺមានបរិមាណមួយដ៏ច្រើន។ ដូចនេះបើសិនដំឡូងមីកម្ពុជាអាចនាំចេញទៅប្រទេសវៀតណាមបាន៩លានតោន ដូចនៅក្នុងកិច្ចសន្យាពិតមែន មានន័យថាយើងទទួលបានជោគជ័យធំមែនទែន”។

ដោយឡែកពាក់ព័ន្ធនិងទីផ្សារ លោក អិល ឈិញ មើលឃើញថា បច្ចុប្បន្នកម្ពុជាមានច្រកលក់ដំឡូងមីចំនួន៣៖ ១) ការនាំចេញដំឡូងមីទៅទីផ្សារប្រទេសវៀតណាមចំនួន៩លានតោន , ២)នាំចេញដំឡូងមីស្រស់តាមកិច្ចសន្យាឆ្នាំ២០២៥ -២០២៦ទៅចិនចន្លោះពី២០ម៉ឺនតោនទៅ៥០ម៉ឺនតោន និង៣)ការប្រើប្រាស់ក្នុងស្រុកក៏មានសន្ទុះកើនឡើងគួរឱ្យកត់សម្គាល់ផងដែរ។ផ្នែកលើច្រកលក់ចេញទាំង៣នេះ បើវាដំណើរការទៅដោយរលូន គឺគ្មានដំឡូងមីនៅសល់នោះទេ៕

The post មន្ត្រីជំនាញ៖ អនុស្សរណៈយោគយល់នាំចេញដំឡូងមីកម្ពុជា៩លានតោនក្នុងមួយឆ្នាំ នឹងចាប់ផ្តើមនៅចុងឆ្នាំ២០២៥ appeared first on .

លោក វ៉ា រុតសាន ទីប្រឹក្សាសមាគមស្វាយចន្ទីកម្ពុជាបានឱ្យដឹងថា ការនាំចេញគ្រាប់ស្វាយចន្ទីសើមទៅប្រទេសវៀតណាមក្នុងរយៈពេល៣ខែដើមឆ្នំា២០២៣មានការធ្លាក់ចុះ ដោយសារហេតុផល២យ៉ាង៖១)- គ្រាប់ស្វាយចន្ទីសើមកសិករលក់បានថ្លៃនៅពេលប្រមូលផលនៅដើមរដូវ ដោយសារវៀតណាមខ្វះវត្ថុធាតុដើមនៅរោងចក្រ។ តែក្រោយមកគ្រាប់ស្វាយចន្ទីសើមវាធ្លាក់ថ្លៃដូចរាល់ឆ្នំា ធ្វើឱ្យប្រជាកសិករផ្អាកលក់ចេញ ងាកមកចាប់ផ្តើមហាលគ្រាប់ឱ្យស្ងួត រងចំាលក់ចេញនៅពេលតម្លៃងើបឡើងវិញនិង២) តាមខ្ញុំយល់អាចមកពីឆ្នាំទៅដោយសារបម្រែបម្រួលអាកាសធាតុ ធ្វើឱ្យទិន្នផលធ្លាក់ចុះខ្លំាង ជាហេតុធ្វើឱ្យកសិករនៅឆ្នំានេះគាត់អត់ដំាស្វាយចន្ទីតែបែជាកាប់ចោលមួយចំនួន រីឯអ្នកខ្លះដោយសារតែថ្នាំនិងជីឡើងថ្លៃគាត់ គាត់កាត់បន្ថយការប្រើប្រាស់ថ្នាំនិងជី ទើបធ្វើឱ្យទិន្នផលស្វាយចន្ទីធ្លាក់ចុះ។

តាមទីប្រឹក្សាសមាគមស្វាយចន្ទីកម្ពុជាទន្ទឹមនិងការនាំចេញគ្រាប់ស្វាយចន្ទីស្រស់ទៅប្រទេសវៀតណាមថមថយក្នុងរយៈពេល៣ខែដើមឆ្នំា២០២៣,តម្លៃគ្រាប់ស្វាយចន្ទីស្រស់នៅដើមរដូវប្រមូលផលមួយគីឡូក្រាមប្រជាកសិករអាចលក់បានថ្លៃប្រមាណ៦០០០រៀលតែបន្ទាប់ក្រោយមកបានធ្លាក់ថ្លៃនៅត្រឹម៤០០០រៀលនៅតាមតំបន់ខ្លះ។តែទោះជាយ៉ាងនេះក្តីតម្លៃគ្រាប់ស្វាយចន្ទីរស្ងួតរំពឹងថាកសិករអាចលក់បានថ្លៃ១៥០០ដុល្លារអាមេរិកក្នុងមួយតោនឬលើសពីនេះនៅពេលខាងមុខផ្អែកលើគុណភាពគ្រាប់ស្វាយចន្ទី។

លោក វ៉ា រុតសាន មានប្រសាសន៍ថា «ជាទូទៅតម្លៃគ្រាប់ស្វាយចន្ទីស្ងួត តម្លៃវាមិនដែលទាបជាង១៥០០ដុល្លារអាមេរិកក្នុងមួយតោនទេ ហើយកសិករកម្ពុជាគាត់និងចាប់ផ្តើមលក់នៅពេលដែលគាត់ប្រមូលផលស្វាយចន្ទីរួចបន្ទាប់ពីខែ៥ ខណៈគ្រាប់ស្វាយចន្ទីអាចឡើងថ្លៃខ្ពស់នៅខែ៨និងខែ៩ខាងមុខ»។

លោកគូសបញ្ជាក់ថាគ្រាប់ស្វាយចន្ទីមិនអាចរក្សាទុកលើសពី៦ខែបានទេបើលើសពី៦ខែហើយហាលមិនបានស្ងួតល្អធ្វើឱ្យសាច់នៅខាងក្នុងវានិងឡើងពណ៌លឿន តែបើគុណភាពអន់ថែមមួយកម្រិតទៀតជាម្ស៉ៅខូចតែម្តង។អ៊ីចឹងកសិករត្រូវតែលក់គ្រាប់ស្វាយចន្ទីនៅក្នុងឆ្នំាដែលគាត់ផលិត មានន័យថាយឺតបំផុតនៅខែតុលាកសិករត្រូវលក់ចេញគ្រាប់ស្វាយចន្ទីឱ្យអស់ បើគាត់ទុកវាមានគ្រោះថ្នាក់។

លោកលើកឡើងថា «គ្រាប់ស្វាយចន្ទីអាចលក់បានតម្លៃថ្លៃ ក្នុងករណីគ្រាប់ស្វាយចន្ទីមានគុណភាពល្អមួយតោនថ្លៃពី១៥០០ទៅ១៦០០ដុល្លារអាមេរិក ដោយសារសេដ្ឋកិច្ចសកលរងផលប៉ះពាល់ដោយសារសង្គ្រាមរវាងអ៊ុយក្រែនិងរុស្ស៊ី។ប៉ុន្តែបើមិនមានសង្គ្រាម មិនមានបញ្ហាជំងឺកូវីដ១៩ យើងអាចលក់បានរហូតដល់១៨០០ដល់២០០០ដុល្លារអាមេរិកក្នុងមួយតោន»។

បើយោងតាមទីប្រឹក្សាសមាគមស្វាយចន្ទីកម្ពុជា អាចនិងលក់បានថ្លៃនៅពេលខាងមុខអាចមកពីរោងចក្រកែច្នៃនៅវៀតណាមប្រញាប់កែច្នៃនំាចេញទៅប្រទេសចិនសម្រាប់ផ្គត់ផ្គង់ទីផ្សារក្នុងរដូវកាលចូលឆ្នំាចិន៕
អត្ថបទ៖សារេត

The post ការនាំចេញគ្រាប់ស្វាយចន្ទីស្រស់ទៅវៀតណាមធ្លាក់ចុះជាង១២%ដោយសារហេតុផល២យ៉ាង appeared first on .