ថ្លែងនៅក្នុងកិច្ចប្រជុំតំណាងក្រសួងសាធារណៈការ និងដឹកជញ្ជូន ជាមួយនិង រដ្ឋបាលខេត្តតាកែវ និងក្រុមការងារបោះ បង្គោលព្រុំព្រែកជីកហ្វូណនតេជោ នៅខេត្តតាកែវ នៅព្រឹកថ្ងៃទី ២ខែ មិថុនា ឆ្នាំ ២០២៥នេះ លោក វ៉ី សំណាង អភិបាលខេត្តតាកែវ បានបញ្ជាក់ថា វាជារឿងប្រវត្តិសាស្រ្តមួយរបស់ប្រទេសកម្ពុជា ក្រោមការដឹកនាំរបស់ សម្ដេចតេជោ ហ៊ុន សែន បន្តមកការដឹកនាំរបស់សម្ដេចមហាបវធិបតី ហ៊ុន ម៉ាណែត ដែលបានកសាងព្រែកជីក ហ្វូណនតេជោ ដែលភ្ជាប់ពីទន្លេមេគង្គទៅសមុទ្រ ដែលព្រែកជីកនេះ នឹងជួយដល់សេដ្ឋកិច្ចជាតិ ជាច្រើនតាមរយៈ ការដឹកជញ្ជូនទំនិញតាមផ្លូវទឹកដែលមានរយៈពេលខ្លីនិងការចំណាយអស់ថវិការតិច ដែលកន្លងមករាល់ទំនិញ របស់ កម្ពុជា បានដឹកជញ្ជូនទៅសមុទ្រ ឆ្លងកាត់តាមប្រទេសវៀតណាម ដែលការដឹកជញ្ជូនមានរយៈពេលវែង និងចំណាយ អស់ថវិការច្រើន។

លោក វ៉ី សំណាង បានថ្លែងបន្តថា ការរៀបចំពិធីអបអរគ្រឿងចក្រ ជីកព្រែកជីកហ្វូណនតេជោ តាមរយៈការបាញ់ កាំជ្រួច ដែលអាជ្ញាធរខេត្តនិងរៀបចំ គឺដើម្បីបង្ហាញពីមោទនៈភាពជាតិ ពីស្មារតីប្រជាពលរដ្ឋគាំទ្ររាជរដ្ឋាភិបាល ដែលប្រឹងប្រែងកសាងសមិទ្ធិផលប្រវត្តិសាស្រ្តជូនជាតិនិងប្រជាពលរដ្ឋ ហើយក៍បង្ហាញឲ្យក្រុមអគតិមួយចំនួន ឲ្យបាន ឃើញពីការរីកចម្រើនលើកសាងផ្លូវទឹកដែលមិនធ្លាប់មានក្នុងប្រវត្តិសាស្រ្តឲ្យពួកគេបានភ្លឺភ្នែកផងដែរ។

នៅក្នុងឱកាសនោះលោកអភិបាលខេត្តតាកែវ ក៍បានណែនាំដល់អភិបាលស្រុកដែលព្រែកជីកហ្វូណន បានឆ្លងកាត់ និងមន្រ្តីពាក់ព័ន្ធត្រូវចូលរួមសហការអោយបានល្អប្រសើរ ជាមួយមន្រ្តីក្រសួងសាធារណៈការ និងក្រុមការងារបោះ បង្គោល​ព្រំ ដោយធ្វើយ៉ាងណា ឲ្យកិច្ចការងារបោះបង្គោលព្រំព្រែកជីកហ្វូណនតេជោ ឲ្យបានឆាប់ដើម្បីងាយស្រួល ក្នុងការចាប់ផ្ដើមជីកព្រែកជីកហ្វូណបតេជោទៅតាមផែនការដែលបានគ្រោងទុក៕

The post អាជ្ញាធរខេត្តតាកែវ គ្រោងរៀបចំការបាញ់កាំជ្រួច​អបអរសាទរ ពេលគ្រឿង​ចក្រជីក«ព្រែកជីកហ្វូណនតេជោ» ចូលមកដល់ទឹកដីខេត្ត appeared first on .

ការលើកឡើងបែបនេះរបស់អភិបាលខេត្ដតាកែវ ធ្វើឡើងនៅក្នុងឱកាសអញ្ជើញជាអធិបតីនៅក្នុងពិធីជួបសំណេះសំណាល និងពិធីបញ្ចុះត្បូងនៅត្រង់ចំណុចឧណ្ណាលោមព្រះពុទ្ធមេត្ដា ដែលបានកសាងឡើងពីលោហៈធាតុស្ពាន់លាយមាសនិងសម្បូរសមិទ្ធផលនានា នៅក្នុងវត្តអង្គជុំហៅវត្តកំហែង ដែលស្ថិតនៅឃុំព្រៃផ្ដៅ ស្រុកអង្គរបុរី កាលពីថ្ងៃទី ១៦ ខែមីនា​ ឆ្នាំ២០២៥។

លោក វ៉ី សំណាង បានលើកឡើងបន្តថា    សន្តិភាពបានធ្វើឱ្យបងប្អូនប្រជាពលរដ្ឋអាចរស់នៅដោយគ្មានការភ័យខ្លាច មានអាហារទទួលទានគ្រប់គ្រាន់ មានជម្រកស្នាក់នៅសមរម្យ មានឱកាសទទួលបានការអប់រំ មានសិទ្ធិប្រតិបត្តិជំនឿសាសនាមានលទ្ធភាពចូលរួមសកម្មភាពសង្គមផ្សេងៗ និងអាចធ្វើដំណើរកម្សាន្តក្នុងឱកាសពិធីបុណ្យនានាទាំងក្នុងនិងក្រៅប្រទេស។

ទន្ទឹមនឹងនោះលោកគូសបញ្ជាក់ថា បើប្រទេសជាតិគ្មានសុខសន្តិភាពទេនោះ ក៏គ្មានដៃគូអភិវឌ្ឍបរទេសជាច្រើនបានមកបណ្ដាក់ទុនវិនិយោគនៅប្រទេសយើង ដោយឡែកខេត្តតាកែវផ្ទាល់ ក៏ទើបនឹងទទួលបានការបណ្ដាក់ទុនរកស៊ីជាច្រើន មកពីបណ្ដាប្រទេសអភិវឌ្ឍន៍ ដើម្បីចូលរួមចំណែកអភិវឌ្ឍប្រទេសកម្ពុជា។ ដូច្នេះសុខសន្តិភាពនេះ បានផ្តល់ឱកាសឱ្យកម្ពុជាទទួលបានការអភិវឌ្ឍ និងរីកចម្រើនលើគ្រប់វិស័យទាំងអស់ រួមទាំងហេដ្ឋារចនាសម្ព័ន្ធ រូបវ័ន្តសំខាន់ៗដូចជា ទឹក ភ្លើង ផ្លូវ ស្ពានសាលារៀន មន្ទីរពេទ្យ វត្តអារាមជាដើម ដែលត្រូវបានស្ថាបនាឡើង យ៉ាងល្អប្រសើរ ដើម្បីបម្រើឱ្យបងប្អូនប្រជាពលរដ្ឋ៕

The post អភិបាលខេត្ដតាកែវ៖ តម្លៃនៃសន្ដិភាពបានផ្ដល់ឱកាសឱ្យកម្ពុជាអភិវឌ្ឍសេដ្ឋកិច្ចសង្គមកាន់តែរីកចម្រើនខ្លាំងឡើង appeared first on .

បើតាមរដ្ឋបាលខេត្តតាកែវ បានឱ្យដឹងថា ក្នុងឱកាសនោះដែរ ឯកឧត្តមអភិបាលខេត្ត បានណែនាំដល់ អាជ្ញាធរពាក់ព័ន្ធ ជាពិសេសមន្រ្តីជំនាញ ត្រូវពន្លឿន នៃការរៀបចំទីតាំង សម្រាប់ប្រារព្ធពិធីបុណ្យទន្លេអោយបានឆាប់រហ័ស និងមានសន្តិសុខសណ្ដាប់ធ្នាប់ល្អ ស្អាត មានអនាម័យ និងមានសោភ័ណ្ឌភាពល្អស្អាត សាកសមជាមហាកិត្តិយស ដែលខេត្តតាកែវ មានភ័ព្វសំណាងបានធ្វើជា ម្ចាស់ផ្ទះ នៃការរៀបចំពិធីបុណ្យថ្នាក់ជាតិដ៏មានអត្ថន័យមួយនេះ។

ក្រសួងទេសចរណ៍ និង រដ្ឋបាលខេត្តតាកែវ ក៏បានរៀបចំកីឡា ១០ប្រភេទ សម្រាប់ឱ្យមហាជន ចូលរួមលេងកម្សាន្ត រួមមាន៖ ១/ កីឡា ជិះកង់ ចម្ងាយ ៧៥គីឡូម៉ែត្រ ភ្នំពេញ-តាកែវ, ២/ កីឡា រត់កម្សាន្តមហាជន ១២០០នាក់, ៣/ កីឡា អុកចត្រង្គ មហាជន, ៤/ កីឡា កម្សាន្ត រែក បាយខុម លោតម៉ឹក, ៥/ កីឡា បាល់ទះ មហាជន, ៦/ កីឡា ប៉ូល (បេតង់) មហាជន, ៧/ កីឡា ទូក កានូ កាយ៉ាក មហាជន, ៨/ ការបង្ហោះគោមរួមគ្នា ៥០០គោម, ៩/ កីឡា គុនខ្មែរ, ១០/ កីឡា សម្ដែង ប៉ារ៉ាប៉ូទ័រ។

សូមជម្រាបជូនដែរថា ព្រឹត្តិការណ៍បុណ្យទន្លេលើកទី០៩ នៅខេត្តតាកែវ ក្រោមប្រធានបទ «គុណតម្លៃនៃទន្លេ ផ្សារភ្ជាប់វប្បធម៌ និងទេសចរណ៍ធម្មជាតិ» នឹងរៀបចំឡើងនៅថ្ងៃ ២១ ២២ និងថ្ងៃទី២៣ ខែមីនា ឆ្នាំ២០២៥ ខាងមុខនេះ៕

The post ឯកឧត្តម វ៉ី សំណាង អភិបាលខេត្តតាកែវ ចុះពិនិត្យមើលទីតាំងរៀបចំប្រារព្ធពិធីបុណ្យទន្លេលើកទី៩ ឆ្នាំ២០២៥ នៅសួនច្បារមាត់បឹងតាកែវ appeared first on .

លោក វ៉ី សំណាង ឋានន្តរស័ក្តិ​ឧត្តមមន្ត្រី ថ្នាក់លេខ១ (ខ្ពស់ផុតលេខ) ​​ត្រូវបាន​ព្រះមហាក្សត្រ​ចេញ​ព្រះរាជក្រឹត្យ ផ្ទេរ​និង​តែងតាំង​មុខតំណែង​ ពី​អភិបាល​នៃ​គណៈអភិបាលខេត្តកំពង់ស្ពឺ មក​ជា អភិបាល​នៃ​គណៈអភិបាល​ខេត្តតាកែវ ​​កាលពី​ថ្ងៃទី២៤ ខែមិថុនា ឆ្នាំ២០២៤។ រីឯ​​លោក អ៊ួច ភា អភិបាលខេត្តតាកែវ​ ត្រូវបាន​តែងតាំង​មុខ​តំណែង​ថ្មី​​ជា រដ្ឋលេខាធិការក្រសួងមហាផ្ទៃ។

លោក វ៉ី សំណាង បច្ចុប្បន្នវ័យ ៥០ឆ្នាំ បាន​ចាប់កំណើត​​នៅ​ឆ្នាំ​ ១៩៧៤ ក្នុង​ត្រកូល​មន្ត្រីរាជការ​មួយ​ក្នុង​ភូមិ​ព្រៃ​ផ្តៅ ឃុំ​កញ្ជ្រៀច ស្រុក​កញ្ជ្រៀច ខេត្ត​ព្រៃវែង។ កាល​ពី​នៅ​តូច​ស្ថានភាព​ប្រទេស​ជាតិ​មាន​ភាព​អសន្តិសុខ លោក​ត្រូវ​ផ្លាស់​ទី​ចុះ​ឡើងៗ​ពី​ស្រុក​កំណើត​នៅ​ខេត្ត​ព្រៃវែង​ទៅ​ខេត្ត​កំពង់ធំ។ លោកបាន​បញ្ចប់​ថ្នាក់​បាក់ឌុប​នៅ​អំឡុង​ឆ្នាំ១៩៩១ នៅ​ខេត្ត​កំពង់ធំ និង​បន្ត​សិក្សានៅ​​​​សាលា​ជាតិ​កសិកម្ម​ព្រែក​លាប​​ នៅ​ឆ្នាំ​១៩៩៣-១៩៩៤។ បន្ទាប់មក លោក​បាន​សិក្សា​យក​បរិញ្ញាបត្រ​ផ្នែក​ច្បាប់​ នៅ​សាកលវិទ្យាល័យ​បៀលប្រាយ​ និង​ថ្នាក់​អនុបណ្ឌិត នៅ​សាកលវិទ្យាល័យ​ភូមិន្ទ​នីតិសាស្ត្រ និង​វិទ្យាសាស្ត្រ​សេដ្ឋកិច្ច។ លោក​ជា​​ថ្នាក់ដឹកនាំ​ខេត្ត​មួយ​រូប ដែល​បាន​បន្ត​ការសិក្សា​​ថ្នាក់​បណ្ឌិត នៅ​រាជ​បណ្ឌិត្យ​សភា​កម្ពុជា។

សម្រាប់ប្រវត្តិការងារ ដោយ​មាន​ឪពុក​ជា​មន្ត្រីរាជការ​មួយរូប លោក​ចង់​​ដើរ​តាម​គន្លង​ឪពុក ​លោកបានចូល​បម្រើការងារ​នៅ​រដ្ឋបាល​ព្រៃឈើ ហើយ​​ដែល​កាល​នោះ​គេ​ហៅថា​នាយកដ្ឋាន​រុក្ខាប្រមាញ់ អស់​រយៈពេល​ជា​ច្រើន​ឆ្នាំ មុន​នឹង​ផ្ទេរ​ទៅ​​បម្រើ​ការងារ​នៅ​នាយកដ្ឋាន​បុគ្គលិក ​ក្រសួងមហាផ្ទៃ។ ដោយសារ​តែ​មើលឃើញ​នូវ​ស្នាដៃ​នៃ​ការខិតខំ​ និង​សមត្ថភាព លោក វ៉ី សំណាង ត្រូវ​បាន​ព្រះមហាក្សត្រ​ត្រាស់បង្គាប់​តែងតាំង​ជា​អភិបាលខេត្ត​កំពង់ស្ពឺ​ នៅ​ឆ្នាំ​ ២០១៦ និង​បន្ត​កាន់តំណែង​ជា​អភិបាលខេត្ត​កំពង់ស្ពឺ អាណត្តិ​ទី​២ នៅ​ដើម​ឆ្នាំ២០២០ រហូត​មក​ដល់​បច្ចុប្បន្ន៕

The post លោក វ៉ី សំណាង នឹងចូលកាន់មុខតំណែងជា «អភិបាលខេត្តតាកែវ» ជាផ្លូវការ នៅរសៀលនេះ appeared first on .

លោក វ៉ី សំណាង គឺជា អភិបាលខេត្តដំបូងគេដែលបានបញ្ជាឱ្យទម្លាក់ស្លាកផ្សាយ ពាណិជ្ជកម្មស្រាបៀរទាំងអស់ ចេញពីក្នុង ទឹកដីខេត្តកំពង់ស្ពឺ។ យុទ្ធនាការដ៏កម្រក្នុងទីផ្សារសេរីនេះ ទទួលបានការគាំទ្រយ៉ាងពេញទំហឹងតែម្តងមិន ថាប្រជាជន ក្នុងមូលដ្ឋានខេត្តកំពង់ស្ពឺ និង មហាជនទូទាំងប្រទេសដើម្បីបញ្ញាក់ស្មារតីចូលរួមកាត់បន្ថយ គ្រោះថ្នាក់នានាដែលកើតចេញពីការទទួលទាន គ្រឿងស្រវឹង ។

មានអាយុ ៤៨ឆ្នាំ លោក វ៉ី សំណាង គឺជាកូនមន្ត្រីរាជការមួយស្ថិតក្នុង ភូមិព្រៃផ្តៅ ឃុំកញ្ជ្រៀច ស្រុកកញ្ជ្រៀច ខេត្ត ព្រៃវែង។ បើទោះបីជាកើតនៅខេត្តព្រៃវែងក៏ដោយ ក៏ប៉ុន្តែលោកបាន បញ្ចប់ ថ្នាក់បាក់ឌុប នៅអំឡុង ឆ្នាំ១៩៩១ ក្នុងខេត្តកំពង់ធំ នៅគ្រាដែលលោកផ្លាស់ទីកន្លែងទៅមកខេត្តកំពង់ធំតាមឪពុក។

លោកបានបញ្ចប់ការសិក្សាសាលាជាតិកសិកម្ម ព្រែកលាប ក្នុងឆ្នាំ ១៩៩៤ និងថ្នាក់បរិញ្ញាបត្រ ផ្នែកច្បាប់នៅ សាកលវិទ្យាល័យ បៀលប្រាយ និង ថ្នាក់អនុបណ្ឌិត នៅសាកលវិទ្យាល័យ ភូមិន្ទនីតិសាស្ត្រ និង វិទ្យាសាស្ត្រសេដ្ឋកិច្ច ។

លោក សំណាង បានឈានជើងប្រឡូកក្នុងការងារដំបូង នៅរដ្ឋបាលព្រៃឈើ ដែលកាលណោះហៅថា នាយកដ្ឋាន រុក្ខាប្រមាញ់។ ដោយសារតែមានបំណងទទួលបទពិសោធន៍ និងចំណេះដឹងថ្មីៗ ពេលនោះលោកក៏បានប្តូរមកបម្រើ ការងារនៅក្រសួងមហាផ្ទៃ វិញ ផ្នែកនាយកដ្ឋានបុគ្គលិក ។

ដោយសារតែ មើលឃើញ នូវស្នាដៃនៃការខិតខំ និង សមត្ថភាពពេញលេញលោក វ៉ី សំណាង ត្រូវ បាន រដ្ឋាភិបាលស្នើ ព្រះមហាក្សត្រ តែងតាំងជា អភិបាលខេត្តកំពង់ស្ពឺ នៅ ឆ្នាំ ២០១៦ ខណៈលោកជាអភិបាលរងខេត្តកំពង់ស្ពឺជាង ១ឆ្នាំ។ បច្ចុប្បន្នលោកកំពុងកាន់តំណែង ជា អភិបាលខេត្ត កំពង់ស្ពឺ អាណត្តិ ទី ២ កាលពីដើម ឆ្នាំ ២០២០។

គួររម្លឹកថា មុនឡើងមកកាន់ ការងារ ថ្មី ជា អភិបាលខេត្ត កំពតកំពង់ស្ពឺ លោក សំណាង មានបទពិសោធន៍ជិត ២០ឆ្នាំ នៅផ្នែករដ្ឋបាលព្រៃឈើហើយជាមន្ត្រីដែលចូលចិត្តធ្វើការតំបន់ព្រៃភ្នំផងដែរ។

សម្រាប់ លោក វ៉ី សំណាង ទោះបីជា លោក បាន ក្លាយជា ថ្នាក់ដឹកនាំ ខេត្ត ១ ក៏ដោយ ក៏ បច្ចុប្បន្ន លោក នៅតែ បន្តការសិក្សា ផងដែរ នៅរាជបណ្ឌិត្យ សភាកម្ពុជា ផ្នែកបណ្ឌិតដែលអាចនឹង បញ្ចប់ការសិក្សា នាពេលឆាប់ៗ ខាងមុខ ។ មិនត្រឹមតែប៉ុណ្ណោះ នៅពេល ដែលមាន ការបណ្តុះបណ្តាលវគ្គខ្លីៗ គឺ អភិបាលខេត្ត រូបនេះ តែងតែ មានវត្តមានជានិច្ច ដោយសារលោកជាមនុស្សចូលចិត្ត រៀនសូត្រ ។

លោក វ៉ី សំណាង ចង់ឱ្យម្នាក់ៗត្រូវតែជឿជាក់លើខ្លួនឯង និងខិតខំរៀនសូត្រ ដែលវានឹងជួយក្នុងការអភិវឌ្ឍខ្លួនឯងផងជួយគ្រួសារឱ្យរីកចម្រើន និងជួយដល់សង្គមជាតិទាំងមូលផង ដែលសង្គមជាតិត្រូវការនូវទំពាំងល្អៗសម្រាប់ស្នងទៅថ្ងៃអនាគត៕

The post អភិបាលខេត្តកំពង់ស្ពឺ ទទួលបានសញ្ញាបត្របណ្ឌិតកិត្តិយសពីប្រទេសម៉ាឡេស៊ី appeared first on .

ថ្លែងក្នុងសន្និសីទ​សារព័ត៌មាន​ស្ដីពី «​វឌ្ឍនភាព និង​ទិសដៅ​ការងារ​បន្ត​របស់​រដ្ឋ​បាល​ខេត្តកំពង់ស្ពឺ​» ពេលកន្លងទៅ លោក វ៉ី សំណាង អភិបាលខេត្តកំពង់ស្ពឺ បានបញ្ជាក់ថា ខេត្តកំពង់ស្ពឺ ស្ថិតនៅ​ចន្លោះ​ប៉ូល​សេដ្ឋកិច្ច​ធំ​ពីរ គឺ​រាជធានី​ភ្នំពេញ និង​ខេត្ត​ព្រះសីហនុ​ ហើយនឹងមាន​តំបន់​ទេសចរណ៍ធម្មជាតិ វប្បធម៌ និង​ប្រវត្តិសាស្ត្រ​ និង​តំបន់​ទេសចរណ៍​បែប​ផ្សងព្រេង​ជាច្រើនកន្លែង​។

យ៉ាងណា ប្រធាន​មន្ទីរទេសចរណ៍ខេត្តកំពង់ស្ពឺ លោក សៅ សារ៉ន បានឲ្យដឹងថា ខេត្ដកំពង់ស្ពឺមានរមណីយដ្ឋានទេសចរណ៍សរុបចំនួន ១៨កន្លែង រួមទាំងសហគមន៍ទេសចរណ៍ផងដែរ បន្ទាប់ពីមានការអភិវឌ្ឍ រីកចម្រើនលើហេដ្ឋា​រចនាសម្ព័ន្ធនានាក្នុងខេត្ដ ភ្ញៀវទេសចរដែលធ្វើដំណើរឆ្លងកាត់ខេត្ដកំពង់ស្ពឺពីរាជធានីភ្នំពេញ ទៅកាន់ខេត្ដព្រះសីហនុ តែងតែឆ្លៀតពេលចូលកម្សាន្ដនៅតាមរមណីយដ្ឋានមួយចំនួនដែល នៅជិតផ្លូវជាតិលេខ៤ ជាពិសេសសេវាកម្មផ្នែកម្ហូបអាហារ ដែលមានរសជាតិឆ្ងាញ់ ក្នុងការ ទាក់ទាញខុសប្លែកពីមុខម្ហូបរបស់ខេត្ដផ្សេងទៀត។

​បើតាមលោក សៅ សារ៉ន រមណីយដ្ឋានទេសចរណ៍ទាំង​ ១៨ កន្លែង​​​នៅខេត្តកំពង់ស្ពឺ​ រួមមាន៖ រមណីយដ្ឋានអំពែភ្នំ-រមណីយដ្ឋាន គីរីរម្យក្រោម (អូររំចត)-រមណីយដ្ឋាន ផាគរីសត-រមណីយដ្ឋានកសិទេសចរណ៍ ម៉ុង ឬទ្ធីសែនជ័យ-រមណីយដ្ឋានកសិទេសចរណ៍ ភ្នំស្លឹកបុស្សស្លែង-រមណីយដ្ឋានកសិទេសចរណ៍ទឹកធ្លាក់ចំការក្រូច-រមណីយដ្ឋានបុរាណវិទ្យាភ្នំចាស់-រមណីយដ្ឋានបុរាណវិទ្យាភ្នំព្រះ-រមណីយដ្ឋានប្រវត្តិសាស្ត្រតេទឹកពុះ-សហគមន៍អេ-កូទេសចរណ៍ទឹកធ្លាក់ចំបក់-សហគមន៍ទេសចរណ៍គោកមានទី (ជ្រាវ)-សហគមន៍ទេសចរណ៍រងបំពង់ (ខ្នងផ្សារ)-សហគមន៍រស្មីសាមគ្គី (ល្ហឹម)-សហគមន៍ស្រែកិនឧិរ៉ាល់-សហគមន៍ព្រៃឈើនិងសត្វព្រៃប្រើបីមិន-សហគមន៍ទេសចរណ៍ទំនប់ស្លា-កីឡាដ្ឋានវាយកូនហ្គោល -ឧទ្យានជាតិសុរាម្រឹតគីរីរម្យ និង​មានតំបន់គោលដៅទេសចរណជាច្រើនកន្លែងទៀត។

លោកប្រធានមន្ទីរទេសចរណ៍បានបញ្ជាក់ថា ជុំវិញការកម្សាន្តរបស់ភ្ញៀវទេសចរណ៍ក្នុងខេត្តកំពង់ស្ពឺ គេសង្កេតឃើញមានរមណីយដ្ឋានទេសចរណ៍បែបកែច្នៃទទួលបានការចាប់អារម្មណ៍ខ្លាំង និងមានភ្ញៀវទៅលេងច្រើន ខណៈរមណីយដ្ឋានបែបធម្មជាតិមានភាពស្មុគស្មាញ ពិបាកធ្វើដំណើរ និងជួបឧបសគ្គច្រើនដោយសារសត្វល្អិតទិច ឬខាំ និងស្របពេលភ្លៀងធ្លាក់ជោគជាំរអិលឡើងមិនរួចជាដើម៕ 

The post បង្ហាញតំបន់ទេសចរដ៏ទាក់ទាញទាំង ១៨កន្លែងនៅខេត្តកំពង់ស្ពឺ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

កាលពី​ថ្ងៃទី​១៩ ខែឧសភានេះ លោក ឡាក់ ប៊ុន​ធី​ម ​នាយករង រដ្ឋបាល​ក្រុង​ច្បារមន ទទួលបន្ទុក​រៀបចំ​សណ្តាប់ធ្នាប់​ផ្សារ​កំពង់ស្ពឺ បាន​ប្រើ​ហិង្សា​លើ​ក្មេងស្រី​ម្នាក់​ដែល​លក់​ព្រីង និង​ខ្នុរ​ត្រង់​ចំណុច​ជិត​គល់​ស្ពានថ្ម​ចាស់​បណ្តាល​ឲ្យ​រង​ការ​ខួច​ខាត ធ្វើឱ្យមានការ​រិះគន់​យ៉ាងខ្លាំង​តាម​បណ្តាញ​ទំនាក់ទំនង​សង្គម​នានា​រហូត​ថ្នាក់ដឹកនាំ​ខេត្តកំពង់ស្ពឺ។

ជាមួយគ្នានោះ លោក វ៉ី សំណាង អភិបាលខេត្តកំពង់ស្ពឺ ក៏បានសម្តែងនូវការរន្ធត់និងសោកស្ដាយយ៉ាងខ្លាំងចំពោះទង្វើអសីលធម៌បែបរបស់សន្តិសុខផ្សារកំពង់ស្ពឺម្នាក់ បានទាត់កញ្ច្រែងក្មេងស្រីលក់ព្រីង និងខ្នុរ បណ្ដាលឲ្យកំពប់ទៅលើដី។

លោកថា ខ្ញុំពិតជាមានការរន្ធត់និងសោកស្ដាយយ៉ាងខ្លាំងចំពោះទង្វើអសីលធម៌បែបនេះ។ ចំពោះទង្វើអសីលធម៌របស់សន្តិសុខផ្សារកំពង់ស្ពឺបែបនេះគឺមិនអាចលើកលែងបានឡើយ៕

The post នាយករងរដ្ឋបាលក្រុងច្បារមនម្នាក់ត្រូវបានបញ្ចប់មុខដំណែង ក្រោយទាត់​កញ្ច្រែង​ព្រីងអាជីវករ បណ្តាលឲ្យ​ធ្លាក់កំពប់លើដី appeared first on .