អ្នកនិពន្ធ​ចម្រៀង​ដ៏​ឆ្នើម​រូប​នេះ ​​បាន​​បង្ហាញ​សារ​លើ​បណ្តាញ​សង្គម​ហ្វេសប៊ុក​ថា ​ក្នុងនាមជាកូនខ្មែរ កើតលើទឹកដី​ខ្មែរ រស់លើទឹកដីខ្មែរ ជាប្រជាពលរដ្ឋខ្មែរ មានជីវិតឈាមជ័រជាកូនខ្មែរ គឺអ្នកត្រូវមានមនសិការ ឆន្ទៈ ហើយអ្នក​ក៏​មានការព្វកិច្ចត្រូវតែចូលរួមបង្ហាញនិយាយតែរាល់គ្រប់អ្វីៗដែលជាភាពវិជ្ជមាន ដែលល្អ នាំជាប្រយោជន៍​អស្ចារ្យ មានភាពអភិវឌ្ឍន៍​រីកចម្រើនប្រសើរ​ឧត្ដុង្គឧត្ដម​របស់ខ្មែរយើង នៅក្នុងប្រព័ន្ធបណ្ដាញសង្គម និងឱ្យបរទេស​ អន្តរជាតិជាសកលបានឃើញ បានស្គាល់ បានដឹង បានឭ ពីភាពអស្ចារ្យរបស់ខ្មែរ។

លោក សួន ពិសិដ្ឋ ​​បញ្ជាក់​បន្ថែម​ថា ធ្វើ​បែប​នេះ​​គឺនឹងបាននាំជាប្រយោជន៍ដល់យើងទាំងអស់គ្នា ព្រមទាំងនាំជា​ប្រយោជន៍​ដល់បរទេសគ្រប់ជាន់ថ្នាក់ និងទាំងពាណិជ្ជករ អ្នកវិនិយោគទុន​អន្តរជាតិ​ជាសកល ​មកវិនិយោគ​ក្នុង​ប្រទេសរបស់យើង ដើម្បីបន្តបង្កើនការពង្រីកសេដ្ឋកិច្ចក្នុងស្រុកយើង ឱ្យកាន់តែមានវិសាលភាព ភាពរីកចម្រើន​ជាអតិបរិមា និងការ​អភិវឌ្ឍន៍ជាវិជ្ជមានកាន់តែខ្លាំងក្លា កាន់តែបន្តភាពរីកចម្រើនសេដ្ឋកិច្ចជាតិ ហើយ​ក៏ដើម្បី​យើង​ទាំងអស់គ្នា និងជាតិខ្មែរ។

គួរ​រំឭក​ថា លោក សួន ពិសិដ្ឋ ​​បាន​ចុះ​កិច្ចព្រមព្រៀង​ជាទូតសុឆន្ទៈជាផ្លូវការរបស់ បុរី វិមានសំណាង ​​ក្រោម​​វត្តមាន​ឧកញ៉ា​បណ្ឌិត គីម ហ៊ាង ប្រធាន​ KW Cambodia ទូទាំង​ប្រទេស និង​ជា​អគ្គនាយក បុរី វិមានសំណាង ​​កាលពី​ថ្ងៃទី​៨ ខែកុម្ភៈ ឆ្នាំ២០២៣។ ជានិច្ចកាល លោក សួន ពិសិដ្ឋ តែងតែ​​ចែក​រំលែក​នូវ​ទស្សនៈ​ល្អៗ ​​នៅ​លើ​បណ្តាញ​សង្គម ពិសេស​ទាក់ទង​នឹង​វិស័យ​អចលនទ្រព្យ​នៅ​កម្ពុជា​ផងដែរ៕​

The post លោក សួន ពិសិដ្ឋ៖ ក្នុងនាមជាកូនខ្មែរ ត្រូវតែបង្ហាញអ្វីជាភាពវិជ្ជមាន ដើម្បីជួយឱ្យសេដ្ឋកិច្ចជាតិរីកចម្រើន appeared first on .

លោក សួន ពិសិដ្ឋ លើកឡើងថា៖ “មូលហេតុមួយចំនួនដែលធ្វើឱ្យអ្នកពុះដីឡូតិ៍បរាជ័យ ដើរមិនបានវែងឆ្ងាយហើយខូចឈ្មោះនោះគឺ មកពីមានភាពលោភលន់ជ្រុលហួសដែនកំណត់ ដោយសារពុះដីខុសភូមិសាស្រ្ត ខុសតំបន់អភិវឌ្ឍន៍ ពុះខុសប្រភេទដីដែលត្រូវអភិវឌ្ឍន៍ ដើម្បីលក់ឱ្យ ឬក៏លក់ដើម្បីចងការប្រាក់ពី អ្នកភូមិ អ្នកស្រុក ពលករ ប្រជាកសិករ ប្រជារាស្រ្ត ដែលជាអ្មកទិញ នឹងធ្វើឱ្យគាត់ទាំងអស់គ្នាមានក្ដីរំពឹងថានឹងឡើងថ្លៃនៅថ្ងៃអនាគត ឬសន្យាថានឹងមានគម្រោងការអភិវឌ្ឍន៍មកដល់ ឬក៏នឹងសន្យាថានឹងអភិវឌ្ឍន៍ តែចុងក្រោយការអភិវឌ្ឍន៍អ្វីក៏គ្មាន ឬក៏គ្មានលុយដើម្បីបង្វិលឱ្យការប្រាក់ទៅឱ្យអ្នកទិញវិញ។”

ទូតសុឆន្ទៈនៃបុរី វិមានសំណាង និងជាអ្នកវិនិយោគក្នុងវិស័យអចលនទ្រព្យរូបនេះ សង្កត់ធ្ងន់បន្ថែមថា បើមិនលោភលន់ ហើយស្គាល់ភូមិសាស្រ្ត ស្គាល់ប្រជាសាស្រ្ត ស្គាល់តំបន់ ស្គាល់ប្រភេទដី ស្គាល់អំពីការកំណត់តម្លៃអចលទ្រព្យ ស្គាល់ច្បាស់អំពីគម្រោងអភិវឌ្ឍន៍របស់រដ្ឋាភិបាល ប្លង់មេរបស់ក្រសួងដែនដីនរគរូបនីយកម្ម និង សំណង់ ហើយមិនមានភាពលោភលន់ក្នុងចិត្តនោះ គឺប្រាកដជាមិនអីនោះទេ ប្រាកដជាធ្វើទៅនឹងជោគជ័យជាក់ជាមិនខាន!។ ណាស់តែលោភលន់ពេកទើបទៅជាងងឹកអ័ព្ទគំនិតប្រាជ្ញាគ្មានពន្លឺនៃគតិ នោះទើបនាំឱ្យខ្លួនបរាជ័យធ្លាក់ខ្លួនលិចលង់!។ កុំតក់ក្រហល់ កុំប្រញាប់ពេក កុំលឿនពេក វានាំឱ្យធ្លាក់អន្លុង ឬធ្លាក់ជ្រោះ! សុខចិត្តយឹត មួយៗ តែឱ្យច្បាស់ប្រាកដ និង សច្ចៈ គង់នឹងសម្រេចជោគជ័យ គង់តែដល់គោលដៅ!។

ស្របពេលដែលសកម្មភាពសង្គម-សេដ្ឋកិច្ចកម្ពុជា កំពុង វិវឌ្ឍន៍តាមគន្លងប្រក្រតីភាព ក្រោយវិបត្តិនៃការរីករាលដាលជំងឺកូវីដ១៩ ប៉ុន្តែភាពមិនប្រាកដប្រជាខ្ពស់នៃស្ថានភាពសេដ្ឋកិច្ច និងហិរញ្ញវត្ថុសកល មានជាអាថ៌៖ បញ្ហាសង្គ្រាមរវាងរុស្សុី និងអ៊ុយក្រែន, ការរឹតបន្តឹងជាបណ្ដើរនៃគោលនយោបាយរូបិយវត្ថុ(ដំឡើងអត្រាការប្រាក់) ក្នុងប្រទេសកំពុងអភិវឌ្ឍន៍, ការបន្តរអាក់រអួលនៃខ្សែច្រវាក់ផ្គត់ផ្គង់សកល និងការកើនឡើងនូវភាពតានតឹងនៃវិស័យហិរញ្ញវត្ថុសកលជាដើម បាននិងកំពុងបង្កើតជាក្ដីកង្វល់ថ្មី ជាពិសេសវិស័យអចលនទ្រព្យ។ 

មែនទែនទៅ មិនមែនមានតែក្រុមហ៊ុន រកសុីពុះដីឡូតិ៍លក់នោះទេ ដែលរងផលប៉ះពាល់ក្នុងស្ថានភាពសេដ្ឋកិច្ចសកលមិនទាន់នឹងធឹងដូច្នេះ សូម្បីតែក្រុមហ៊ុន វិនិយោគលើការសាងសង់លំនៅឋានតម្លៃថ្លៃៗ ខុនដូ ផ្ទះវីឡា ក៏រងផលប៉ះពាល់ និងមិនសូវ មានសកម្មភាពទិញលក់បានច្រើនដូចពេលមុនផងដែរ។ 

យ៉ាងណាមិញ ជាគោលនយោបាយគាំពារ និងដំណោះស្រាយចំពោះមុខ កាលពីថ្ងៃទី១២ ខែមេសា ឆ្នាំ២០២៣ គណៈកម្មធិការគោលនយោបាយសេដ្ឋកិច្ច និងហិរញ្ញវត្ថុ នៃក្រសួងសេដ្ឋកិច្ច និងហិរញ្ញវត្ថុ បានសម្រេចដាក់ចេញនូវវិធានការបន្ថែម ជាកញ្ចប់ ចំនួន ៨ចំណុច សំដៅរក្សាស្ថិរភាពនៃវិស័យសំណង់ និងអចលនទ្រព្យ ដែលជាវិស័យអាទិភាពមួយ ក្នុងការគាំទ្រដល់កំណើនសេដ្ឋកិច្ចជាតិផងដែរ។  បន្ថែមពីនេះ គណៈកម្មធិការ ក៏នឹងបន្តរៀបចំយន្តការ ការងារផ្សេងៗ ដើម្បីតាមដាន ពិនិត្យ និងវាយតម្លៃជាប្រចាំ លើស្ថានភាពនៃវិស័យសំណង់ និងអចលនទ្រព្យ សំដៅស្នើឡើងវិធានការគោលនយោបាយជាក់លាក់បន្ថែមទៀត ក្រៅពីវិធានការទាំងអស់នោះផងដែរ៕

The post លោក សួន ពិសិដ្ឋ លើកហេតុផល ៨ចំណុចនៅពីក្រោយភាពបរាជ័យលើអាជីវកម្មពុះដីឡូតិ៍ appeared first on .

បន្ទាប់ពីរៀនចប់ថ្នាក់អនុបណ្ឌិតជំនាញ តែងនិពន្ធបទភ្លេង និងតូរតន្ត្រីពីប្រទេសកាណាដា លោកក៏មាតុភូមិនិវត្តន៍ មកកម្ពុជា ហើយបន្ប្រើតចំណេះជំនាញរបស់ខ្លួន រួមចំណែកលើកស្ទួយវិថីសិល្បៈខ្មែរតាមច្រើនរូបភាព ក្នុងនាមអ្នកនៅពីក្រោយឆាកផង និងចេញមុខដោយផ្ទាល់ផង។ ឈរលើបទពិសោធន៍ជាង ២០ឆ្នាំប្លាយ លើវិថីសិល្បៈចម្រុះនេះ អ្នកនិពន្ធបទ “មោទនភាពជាតិខ្មែរ” រូបនេះ ក៏បាននឹងកំពុងបោះជំហានប្រឡូក ក្នុងវិស័យអចលនទ្រព្យកម្ពុជាផងដែរ។

តើអតីតនិស្សិតអាហារូបករណ៍ បញ្ចប់ថ្នាក់បរិញ្ញាបត្រជាន់ខ្ពស់ (Master) ផ្នែកតូរន្ត្រី និងនិពន្ធបទភ្លេង ពីប្រទេសកាណាដារូបនេះ មានប្រវត្តិយ៉ាងណាខ្លះ? សូមទស្សនាវីដេអូលម្អិត ខាងក្រោម៖

The post ជាង ២០ឆ្នាំ ក្នុងវិថីសិល្បៈ អ្នកនិពន្ធចម្រៀង “មោទនភាពជាតិខ្មែរ”​ ទម្លាយថា កំពុងដាក់ខ្លួនប្រឡូកក្នុងវិស័យដ៏លេចធ្លោមួយនៅកម្ពុជា appeared first on .