ក្នុងឱកាសបំពេញទស្សនកិច្ចផ្លូវរដ្ឋ២ថ្ងៃនៅកម្ពុជា(ថ្ងៃទី១៧ដល់១៨ ខែមសា) ឆ្នាំ២០២៥ លោក ស៊ី ជីនពីង បានចូលគាល់ ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជ មាតាជាតិខ្មែរ នៅព្រះបរមរាជវាំង។ លោកក៏បានជួបពិភាក្សាជាមួយសម្តេចតេជោ ហ៊ុន សែន ប្រធានព្រឹទ្ធសភា និងជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ស្តីពីការពង្រឹងពង្រីកទំនាក់ទំនងទ្វេភាគី និងផ្លាស់ប្តូរយោបល់ អំពីបញ្ហាតំបន់ និងអន្តរជាតិ ដែលមានការចាប់អារម្មណ៍ដូចគ្នា។

ក្នុងជំនួបជាមួយសម្តេចតេជោ ហ៊ុន សែន លោក ស៊ី ជីនពីង បានបង្ហាញក្តីរំភើបចំពោះដំណើរទស្សនកិច្ចរបស់លោក ជាពិសេសបានជួបមិត្តចាស់គឺសម្តេចតេជោ និងបានប្រកាសគាំទ្ររាល់កិច្ចអភិវឌ្ឍន៍កម្ពុជា ជាពិសេសគម្រោងព្រែកជីកហ្វូណនតេជោ ដែលកម្ពុជាកំពុងដំណើរការសាងសង់។

មេដឹកនាំចិនកំពូលរូបនេះបានអះអាងថា ភាគីចិន នឹងពង្រឹងទំនាក់ទំនងបន្ថែមទៀតជាមួយកម្ពុជា ទាំងក្របខណ្ឌបក្ស រដ្ឋាភិបាល ហើយរដ្ឋាភិបាលចិន នឹងជួយបណ្តុះបណ្តាលធនធានមនុស្សទាំងធនធានមនុស្សនៅក្នុងបក្សប្រជាជនកម្ពុជា និងធនធានមនុស្សនៅក្នុងរាជរដ្ឋាភិបាល ដើម្បីជាចំណែកចូលរួមកិច្ចអភិវឌ្ឍន៍នៅកម្ពុជា។

ក្នុងជំនួបជាមួយសម្តេចធិបតី ហ៊ុន ម៉ាណែត លោក ស៊ី ជីនពីង រួមជាមួយសម្តេចធិបតី ក៏បានអញ្ជើញជាអធិបតីចុះហត្ថលេខាលើឯកសារចំនួន៣៧រវាងកម្ពុជា-ចិន បន្ទាប់ពីមេដឹកនាំទាំងពីរ បានជួបពិភាក្សាទ្វេភាគី ក្នុងនោះគឺមានឯកសារពាក់ព័ន្ធនឹងការវិនិយោគ, វិស័យពាណិជ្ជកម្ម, វិស័យអប់រំ, វិស័យហិរញ្ញវត្ថុ, វិស័យព័ត៌មាន, ការងារយុវជន, វិស័យកសិកម្ម, វិស័យសុខាភិបាល, វិស័យធនធានទឹក, វិស័យទេសចរណ៍, វិស័យកិច្ចការនារី និងវិស័យផ្សេងទៀត។

យោងតាមសេចក្តីប្រកាសព័ត៌មានលទ្ធផលទស្សនកិច្ចផ្លូវរដ្ឋ របស់ក្រសួងការបរទេសកម្ពុជា បានចាត់ទុកថាដំណើរទស្សនកិច្ចរបស់លោកប្រធានាធិបតីចិន មិនត្រឹមតែបានបញ្ជាក់សាជាថ្មីពីការប្តេជ្ញាចិត្តឥត ងាករចំពោះទំនាក់ទំនងមិត្តភាពដែកថែបរវាងកម្ពុជា និងចិនប៉ុណ្ណោះទេ ប៉ុន្តែថែមទាំងបានពង្រឹង និងធ្វើឱ្យស៊ីជម្រៅថែមទៀតនូវភាពជាដៃគូយុទ្ធសាស្ត្រគ្រប់ជ្រុងជ្រោយ និងកិច្ចសហប្រតិបត្តិការឈ្នះ-ឈ្នះ រវាងប្រទេសទាំងពីរផងដែរ។

ដំណើរទស្សនកិច្ចនេះ ក៏បានបន្ថែមសន្ទុះថ្មីដល់ការកសាងសហគមន៍ វាសនារួមកម្ពុជា-ចិន គ្រប់រដូវកាល ក្នុងយុគសម័យថ្មី ប្រកបដោយគុណភាពខ្ពស់ កម្រិតខ្ពស់ និងស្តង់ដាខ្ពស់។ ក្នុងបរិការណ៍នេះ ភាគីទាំងពីរបានសម្តែងការប្តេជ្ញាចិត្តក្នុងការធានាការអនុវត្តប្រកបដោយប្រសិទ្ធភាព នៃក្របខណ្ឌកិច្ចសហប្រតិបត្តិការត្បូងពេជ្រ និងពន្លឿនការកសាង «ច្រករបៀង ឧស្សាហកម្ម និងបច្ចេកវិទ្យា» និង «ច្រករបៀងមច្ឆា និងអង្ករ»។

ក្នុងដំណើរទស្សនកិច្ចរបស់លោកប្រធានាធិបតីចិន កម្ពុជា និងចិន បានពិភាក្សាគ្នាលើបញ្ហាជាច្រើនរួមមាន៖ កិច្ចសហប្រតិបត្តិការនយោបាយ, កិច្ចសហប្រតិបត្តិការអភិវឌ្ឍន៍ ពាណិជ្ជកម្ម និងវិនិយោគ, កិច្ចសហប្រតិបត្តិការលើវិស័យការពារជាតិ និងសន្តិសុខ, សន្តិសុខមនុស្សជាតិ, ការផ្លាស់ប្តូរប្រជាជន និងប្រជាជន និងវប្បធម៌ និងកិច្ចសហប្រតិបត្តិការអន្តរជាតិផងដែរ៕

The post ក្រោយទស្សនកិច្ចផ្លូវរដ្ឋរយៈពេល២ថ្ងៃ របស់មេដឹកនាំកំពូលចិននៅកម្ពុជា បន្សល់នូវលទ្ធផលសំខាន់ៗអ្វីខ្លះជាមួយកម្ពុជា? appeared first on .

លោកលើកឡើងបែបនេះ ត្រូវបានបង្ហាញឡើងតាមរយៈសេចក្តីប្រកាសលទ្ធផល នៃដំណើរទស្សនកិច្ចផ្លូវរដ្ឋរបស់លោក នៅព្រះរាជាណាចក្រកម្ពុជា ដែលបានប្រព្រឹត្តិទៅពីថ្ងៃទី១៧ ដល់១៨ ខែមេសា ឆ្នាំ២០២៥។

នាឱកាសនោះ លោក ស៊ី ជីនពីង ប្រធានាធិបតី នៃសាធារណរដ្ឋប្រជាមានិតចិន បានបញ្ជាក់ជាថ្មីនូវការគាំទ្រការអភិវឌ្ឍតំបន់សេដ្ឋកិច្ចពិសេសក្រុង ដើម្បីជំរុញការអភិវឌ្ឍខេត្តព្រះសីហនុ និងបានសន្យាលើកទឹកចិត្តសហគ្រាសចិនដែលមានសមត្ថភាពកាន់តែច្រើនមកបណ្តាក់ទុននៅកម្ពុជា។លើសពីនេះ ភាគីចិនក៏បានសម្តែងការគាំទ្រយ៉ាងពេញទំហឹង ចំពោះកិច្ចខិតខំប្រឹងប្រែងរបស់កម្ពុជា ក្នុងការជំរុញគម្រោងគ្រប់គ្រងធនធានទឹកចម្រុះហ្វូណនតេជោផងដែរ។

ជាងនេះទៀត ចិន ក៏បានប្តេជ្ញាយ៉ាងម៉ឺងម៉ាត់ក្នុងការគាំទ្រប្រព័ន្ធពាណិជ្ជកម្មពហុភាគី ផ្អែកលើច្បាប់ បើកចំហ តម្លាភាព បរិយាប័ន្ន និងគ្មានការរើសអើង ខណៈរួមគ្នាលើកកម្ពស់ការរីកចម្រើនជាបន្ត បន្ទាប់ នៃច្បាប់របស់អង្គការពាណិជ្ជកម្មពិភពលោក ក៏ដូចជាសេរីភាវូបនីយកម្មពាណិជ្ជកម្ម ការ វិនិយោគ និងការសម្របសម្រួល។

ក្រៅពីនេះ ភាគីចិន ក៏បានឯកភាពជាមួយកម្ពុជា ថានឹងបន្តផ្តល់តួនាទីដល់កិច្ចព្រមព្រៀង ពាណិជ្ជកម្មសេរីកម្ពុជា-ចិន កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ តំបន់ ពាណិជ្ជកម្មសេរីអាស៊ាន-ចិន និងជំរុញយ៉ាងសកម្មឱ្យមានការចុះហត្ថលេខាលើពិធីសារដំឡើងកម្រិត កិច្ចព្រមព្រៀងតំបន់ពាណិជ្ជកម្មសេរីអាស៊ាន-ចិន ៣.០។

សូមរម្លឹកដែរថា ក្រោមកិច្ចសហការទ្វេភាគីរវាងកម្ពុជា-ចិន ក៏បានជំរុញដល់ការរីកចំរើនយ៉ាងខ្លាំងលើការវិនិយោគឯកជន ដែលនាំមកនូវផ្លែផ្កាជាផលប្រយោជន៍យ៉ាងច្រើនសន្លឹកសន្ធាប់ ក្នុងនោះទុនវិនិយោគរបស់ចិននៅកម្ពុជា បើគិតចាប់ពីទសវត្សឆ្នាំ១៩៩០ មកទល់ដើមឆ្នាំ២០២៥នេះ មានទំហំប្រមាណ ៣៦ ពាន់លានដុល្លារអាម៉េរិកផងដែរ៕ អត្ថបទ៖ ហ្សាលីន

The post លោក ស៊ី ជីនពីង ប្រកាសជំហរគាំទ្រការអភិវឌ្ឍតំបន់សេដ្ឋកិច្ចពិសេសក្រុងព្រះសីហនុឱ្យខ្លាំងថែមទៀត appeared first on .

សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានឱ្យដឹងនាល្ងាចថ្ងៃទី១៧នេះថា ឯកសារដែលត្រូវបានផ្លាស់ប្តូររវាងកម្ពុជា-ចិន រួមមាន ការវិនិយោគ, វិស័យពាណិជ្ជកម្ម, វិស័យអប់រំ, វិស័យហិរញ្ញវត្ថុ, វិស័យព័ត៌មាន, ការងារយុវជន, វិស័យកសិកម្ម, វិស័យសុខាភិបាល, វិស័យធនធានទឹក, វិស័យទេសចរណ៍, វិស័យកិច្ចការនារី និងវិស័យផ្សេងទៀត សរុបចំនួន ៣៧ ឯកសារ។

សូមជម្រាបជូនថា លោកប្រធានាធិបតី ស៊ី ជីនពីង អញ្ជើញមកបំពេញទស្សនកិច្ចផ្លូវរដ្ឋនៅកម្ពុជារយៈពេល២ថ្ងៃ គឺចាប់ពីថ្ងៃទី១៧ ដល់ថ្ងៃទី ១៨ ខែមេសា ឆ្នាំ២០២៥។ ដំណើរទស្សនកិច្ចផ្លូវរដ្ឋនេះ ជាព្រឹត្តិការណ៍ដ៏សំខាន់ ដែលនឹងធ្វើឱ្យកាន់តែរឹងមាំថែមទៀតនូវចំណងមិត្តភាពជាប្រពៃណី នៃប្រទេសទាំងពីរ៕

The post មេដឹកនាំកម្ពុជា-ចិន ចូលរួមជាអធិបតីផ្លាស់ប្តូរឯកសារពាក់ព័ន្ធលើវិស័យសំខាន់ៗជាច្រើន appeared first on .

ការអញ្ជើញមកដល់របស់លោក ស៊ី ជីនពីង ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានយាងទទួលស្វាគមន៍ប្រធានាធិបតីចិន នៅព្រលានយន្តហោះអន្តរជាតិភ្នំពេញ ដើម្បីជាការផ្តល់កិត្តិយសដ៏ធំធេងដល់មហាមិត្តរបស់កម្ពុជា។ជាមួយគ្នានេះ ក៏មានការអមដំណើរដោយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងថ្នាក់ដឹកនាំជាន់ខ្ពស់រាជរដ្ឋាភិបាល និងប្រជាជនកម្ពុជាផងដែរ។

សម្តេចតេជោ ហ៊ុន សែន ប្រធានព្រឹទ្ធសភា បានឱ្យដឹងថា ពិធីទទួលបដិសណ្ឋារកិច្ចស្វាគមន៍លោកប្រធានាធិបតីចិន មានរៀបចំជាក្បួនត្រែទ័ព ហើយអមសងខាងផ្លូវពីអាកាសយានដ្ឋានអន្តរជាតិភ្នំពេញមកដល់កន្លែងស្នាក់នៅរបស់លោក ស៊ី ជិនពីង ក៏មានបងប្អូនប្រជាពលរដ្ឋ សិស្សានុសិស្ស ឈរអមសងខាងផ្លូវប្រមាណ៣ម៉ឺននាក់ផងដែរ។

ក្នុងដំណើរទស្សនកិច្ចនេះ លោក ស៊ី ជីនពីង នឹងចូលគាល់ ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជ មាតាជាតិខ្មែរ នៅព្រះបរមរាជវាំង។ លោកប្រធានាធិបតីចិន នឹងជួបពិភាក្សាជាមួយសម្តេចតេជោ ហ៊ុន សែន ប្រធានព្រឹទ្ធសភា និងជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ស្តីពីការពង្រឹងពង្រីកទំនាក់ទំនងទ្វេភាគី និងផ្លាស់ប្តូរយោបល់ អំពីបញ្ហាតំបន់ និងអន្តរជាតិ ដែលមានការចាប់អារម្មណ៍ដូចគ្នា។

សូមបញ្ជាក់ថា ដំណើរទស្សនកិច្ចផ្លូវរដ្ឋនេះ ជាព្រឹត្តិការណ៍ដ៏សំខាន់ ដែលនឹងធ្វើឱ្យកាន់តែរឹងមាំថែមទៀតនូវចំណងមិត្តភាពជាប្រពៃណី នៃប្រទេសទាំងពីរ៕

The post ប្រជាពលរដ្ឋ សិស្សានុសិស្ស ប្រមាណ៣ម៉ឺននាក់ ឈរអមសងខាងផ្លូវស្វាគមន៍ការមកដល់របស់លោក ស៊ី ជីនពីង appeared first on .

ក្នុងដំណើរទស្សនកិច្ចនេះ លោកប្រធានាធិបតី ស៊ី ជីនពីង នឹងចូលគាល់ ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជ មាតាជាតិខ្មែរ នៅព្រះបរមរាជវាំង។ បន្ថែមពីនេះ លោកនឹងជួបពិភាក្សាជាមួយ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្តីពីការពង្រឹងពង្រីកទំនាក់ទំនងទ្វេភាគី និងផ្លាស់ប្តូរយោបល់ អំពីបញ្ហា តំបន់ និងអន្តរជាតិ ដែលមានការចាប់អារម្មណ៍ដូចគ្នា។

សូមជម្រាបថា លោកប្រធានាធិបតីចិន ស៊ី ជីនពីង នឹងមកបំពេញទស្សនកិច្ចផ្លូវរដ្ឋនៅកម្ពុជា រយៈពេលពីរថ្ងៃ ចាប់ពីថ្ងៃទី១៧ ដល់ថ្ងៃទី១៨ ខែមេសា ឆ្នាំ២០២៥។

ប្រភពរូបថត៖ AKP & STPM

The post ទិដ្ឋភាពមហាជនស្វាគមន៍យ៉ាងកក់ក្ដៅដំណើរទស្សនកិច្ចផ្លូវរដ្ឋរបស់លោកប្រធានាធិបតីចិន ស៊ី ជីនពីង នៅកម្ពុជា appeared first on .

កាលពីថ្ងៃទី១៩ ខែមីនា សារព័ត៌មាន Reuters បានរាយការណ៍មកថា លោក ពូទីន នឹងធ្វើដំណើរទៅកាន់ប្រទេសចិននាខែឧសភាខាងមុខ ដើម្បីជួបពិភាក្សាជាមួយលោក ស៊ី ជីនពីង ខណៈដែលវាអាចហៅបានថា ជាដំណើរទៅខាងក្រៅប្រទេសលើកដំបូងរបស់ប្រមុខវិមានក្រឹមឡាំង នៃអាណត្តិថ្មីជាប្រធានាធិបតី។

ជាមួយគ្នា ទីភ្នាក់ងារសារព័ត៌មានរដ្ឋ TASS របស់រុស្ស៊ីបានរាយការណ៍ផងដែរថា នៅអំឡុងកិច្ចប្រជុំជាមួយក្រុមសមាជិកសភា មេដឹកនាំបក្សកុម្មុយនិស្តលោក Gennady Zyuganov បានស្នើសុំឲ្យលោក ពូទីន ជ្រើសយកទីក្រុងប៉េកាំងក្នុងការជួបប្រជុំគ្នា។

“ខ្ញុំសង្ឃឹមថាដំណើរទស្សនកិច្ចលើកដំបូងរបស់លោក ពូទីន គឺទៅកាន់ទិសបូព៌ា មិនមែនទៅទិសខាងលិចនោះទេ។ សមមិត្ត ស៊ី ជីនពីង កំពុងតែរង់ចាំ ពូទីន ទៅលេង គាត់ស្រឡាញ់ប្រទេសរបស់យើងខ្លាំងណាស់”។ នេះបើតាមសម្តីរបស់លោក Zyuganov បានលើកឡើង។

គួរជម្រាបថា បន្ទាប់ពីការបោះឆ្នោតជ្រើសរើសប្រធានាធិបតីរុស្ស៊ីបានចប់រួចរាល់មក រដ្ឋាភិបាលនៃបណ្តាប្រទេសលោកខាងលិច បានរួមគ្នាមិនទទួលស្គាល់អំពីការបោះឆ្នោតនោះទេ ដោយចោទថាជារឿងអយុត្តិធម៌ ហើយមិនមែនជាសេររីភាពនៃការបោះឆ្នោតឡើយ តែយ៉ាងណាប្រទេសធំៗមួយចំនួនដូចជាចិន ឥណ្ឌា ក៏ដូចជាកូរ៉េខាងជើងជាដើម បានផ្ញើសារអបអរសាទរទៅកាន់មេដឹកនាំរុស្ស៊ីលោក វ្ល៉ាឌីមៀ ពូទីន ដែលមានឳកាសបន្តអាណត្តិថ្មី ក្នុងនាមជាប្រធានាធិបតីរុស្ស៊ីរយៈពេលប្រាំមួយឆ្នាំបន្ថែមទៀត៕

The post បោះឆ្នោតរួចភ្លាម លោកពូទីន ពិចារណាធ្វើដំណើរទស្សនកិច្ចទៅកាន់ប្រទេសមួយនៅអាស៊ី appeared first on .

សារលិខិតផ្ញើជូនលោក ស៊ី ជិនពីង ក្នុងឱកាសជាប់ឆ្នោតជាប្រធានាធិបតីចិនអាណត្តិទី៣ នៅថ្ងៃទី១១ ខែមីនានេះ សម្តេចតេជោ ហ៊ុន សែន បានគូសបញ្ជាក់ថា ក្រោមការដឹកនាំប្រកបដោយគតិបណ្ឌិតរបស់ លោក ស៊ីជិនពីង ប្រទេសចិនសម្រេចបាននូវសមិទ្ធផលធំធេងជាច្រើន ក្នុងការលើកកម្ពស់ជីវភាពរស់នៅរបស់ប្រជាជនចិន ព្រមទាំងសម្រេចបាននូវការអភិវឌ្ឍជាប្រវត្តិសាស្ត្រលើគ្រប់វិស័យ ក្នុងរយៈពេលប៉ុន្មានឆ្នាំនេះ។ ក្នុងន័យនេះ សម្តេចតេជោនាយករដ្ឋមន្ត្រីជឿជាក់យ៉ាងមុតមាំថា លោក ស៊ីជិនពីង នឹងបន្ត ជំរុញឱ្យប្រទេសចិនសម្រេចនូវសមិទ្ធផលដ៏វិសេសវិសាលកាន់តែច្រើនថែមទៀត និងបោះជំហានទៅមុខប្រកបដោយទំនុកចិត្ត ឆ្ពោះទៅសម្រេចគោលដៅ១០០ឆ្នាំ ទី២ ដើម្បីក្លាយជាប្រទេសសង្គមនិយម ទំនើបដ៏អស្ចារ្យ នៅឆ្នាំ២០៤៩ ខណៈដែលដើរតួនាទីកាន់តែសំខាន់លើឆាកអន្តរជាតិ ដើម្បីសន្តិភាព និងវិបុលភាពពិភពលោក។

សម្តេចតេជោ ហ៊ុន សែន បានគូសបញ្ជាក់បន្ថែមថា កម្ពុជា និងចិន បាន និងកំពុងទទួលបានការរីកចម្រើនគួរឱ្យកត់សម្គាល់នូវកិច្ចសហប្រតិបត្តិការលើគ្រប់វិស័យ និងរក្សាបានការផ្លាស់ប្តូរទស្សនកិច្ចកម្រិតខ្ពស់ជាញឹកញាប់។ សម្តេចតេជោបន្ថែមទៀតថា “ការឯកភាពគ្នា ដែលសម្រេចបានក្នុងអំឡុងកិច្ចប្រជុំរបស់យើង បានបន្ថែមនូវកម្លាំងចលករថ្មីទៀត ដើម្បីលើកកម្ពស់កិច្ច សហប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយរបស់យើង”។

សម្តេចតេជោថ្លែងអះអាងថា ក្នុងនាមជាមិត្តដែកថែប កម្ពុជា ត្រៀមខ្លួនរួចជាស្រេចក្នុងការធ្វើការយ៉ាងជិតស្និទ្ធជាមួយចិន ដើម្បីអភិវឌ្ឍ “ក្របខណ្ឌកិច្ចសហប្រតិបត្តិការ ត្បូងពេជ្រ» និងធ្វើឱ្យស៊ីជម្រៅនូវការកសាងសហគមន៍វាសនារួមកម្ពុជា-ចិន ដើម្បីប្រយោជន៍រួមរបស់ ប្រទេស និងប្រជាជនយើងទាំងពីរ ក៏ដូចជាដើម្បីស្ថិរភាព សន្តិភាព និងការអភិវឌ្ឍនៅក្នុងតំបន់ និង ពិភពលោក៕

The post កម្ពុជា ត្រៀមខ្លួនរួចជាស្រេចធ្វើការយ៉ាងជិតស្និទ្ធជាមួយចិនក្រោយលោក ស៊ីជិនពីង ជាប់ឆ្នោតជាប្រធានាធិបតី appeared first on .

ត្រឹមឆ្នាំ២០២២នេះ ប្រធានាធិបតី​ចិន លោក ស៊ី ជីន​ពីង ជា​ប្រមុខរ​ដ្ឋចិន​ទី​៤ ដែលបាន​មកកាន់​កម្ពុជា​បន្តភ្ជាប់ទំនាក់ទំនងដ៏រឹងមាំ ដោយឡែកសម្រាប់កម្ពុជា មានសម្តេចតេជោ ហ៊ុន សែន ជានាយករដ្ឋមន្រ្តី។

• តើក្នុងនាមប្រធានាធិបតីចិន លោក ស៊ី ជីនពីង មកកាន់កម្ពុជាលើកដំបូងនៅឆ្នាំណា?

លោក ស៊ី ជីន​ពីង ​ក្លាយជា​ប្រធានាធិបតី​ចិន​ទី​៤ ដែល​មកកាន់ប្រទេសកម្ពុជា​ ក្នុង​ឆ្នាំ​២០១៣ នេះ​ក៏​មិនមែនជា​លើកទីមួយ​ឡើយដែល​លោក​មកកាន់​រាជធានី​ភ្នំពេញ​នោះ​។ កាលពី​ឆ្នាំ​២០០៩ លោក ស៊ី ធ្លាប់​ទស្សនកិច្ច​កម្ពុជា​ម្ដង​ដែរ ​ពេលនោះ​លោក​នៅ​ជា​អនុ​ប្រធានាធិបតី​នៅឡើយ​។​

កាលណោះប្រធានាធិបតី​ចិន​ ស៊ី​ ជី​ន​ពីង​ មិនមែន​មក​ទស្សនកិច្ច​នៅ​ប្រទេស​កម្ពុជា​ដោយ​ដៃទទេ​នោះ​ទេ​។​ នៅ​ក្នុង​ដំណើរ​ទស្សនកិច្ច​លើក​ដំបូងក្នុង​ឋានៈ​ជា​ប្រមុខរដ្ឋ​​ ​លោក​បាន​សន្យា​ផ្ដល់​ជំនួយ​ប្រមាណ ​២៣៧​លាន​ដុល្លារ​ ​លុប​ចោល​បំណុល​រដ្ឋ​ជិត ​៩០​លាន​ដុល្លារ​ ​ផ្ដល់​ជំនួយ​គាំទ្រ​យោធា​ជិត​១៥​លាន​ដុល្លារ​ និង​ចុះ​កិច្ចព្រមព្រៀង​ថ្មីៗ​ជា​ច្រើន​។​

បន្ទាប់​ពី​ធ្វើ​ដំណើរ​មក​ដល់​ប្រទេស​កម្ពុជា​ ​លោក​ ស៊ី​ បាន​ចូល​គាល់​ព្រះមហាក្សត្រ សម្តេចព្រះបរមនាថ​ នរោត្តម​ សីហ​មុនី​ និង​សម្ដេចម៉ែ​ នរោត្តម​ មុនីនាថ​ បន្ទាប់​មក​ជួប​ជាមួយនាយក​រដ្ឋមន្ត្រី សម្តេចតេជោ​ ហ៊ុន​ សែន​ នៅ​វិមាន​សន្តិភាព​​ ដើម្បី​ចុះ​កិច្ចព្រមព្រៀង​ពាណិជ្ជកម្ម​ កិច្ចព្រមព្រៀង​អភិវឌ្ឍន៍​ និង​កិច្ចព្រមព្រៀង​អប់រំ​ថ្មីៗ​ជា​ច្រើនផងដែរ។

រហូត​មក​ទល់ឥឡូវ បើ​និយាយ​ពីទំនាក់ទំនង​ក្នុង​វិស័យ​សេដ្ឋកិច្ច​និង​ហិរញ្ញវត្ថុ​ជាមួយ​កម្ពុជា ប្រទេស​ចិន​ឈរ​នៅ​លំដាប់​ទី​១ លើ​វិស័យ​ជា​ច្រើន ដូច​ជា ការ​វិនិយោគ ទំហំ​ពាណិជ្ជកម្មទ្វេ​ភាគី និង​ទេសចរណ៍​ជា​ដើម​។

តាមពិតទៅ មិន​ត្រឹមតែ​ប្រធានាធិបតី​ចិន ថ្នាក់ដឹកនាំ​ចិន​កំពូលៗ​ស្ទើរ​គ្រប់​ជំនាន់ សុទ្ធតែ​ធ្លាប់បានមក​បំពេញ​ទស្សនកិច្ច​នៅ​កម្ពុជា រួមទាំង​នាយករដ្ឋមន្ត្រី ប្រធានរដ្ឋសភា និង​មន្ត្រីជាន់ខ្ពស់​ជាច្រើន​ទៀតផងដែរ​៕

The post ក្នុងនាមប្រធានាធិបតីចិន លោក ស៊ី ជីនពីង មកកាន់កម្ពុជាលើកដំបូងនៅឆ្នាំណា? appeared first on .

ការផ្ដល់សេចក្ដីទុកចិត្តដល់លោក ស៊ី ជីនពីង នាពេលនេះ គឺជាដំណើរឆ្ពោះទៅបន្តតំណែងប្រធានាធិបតីមួយអាណត្តិទៀតរបស់លោក ស៊ី នៅខែមីនា ឆ្នាំ២០២៣ ខាងមុខ។

ស្ថិតនៅ​ក្រោម​ការ​គ្រប់គ្រង​របស់​មេដឹកនាំ​ដ៏​មាន​ឥទ្ធិពល​បំផុត​ប្រចាំ​សតវត្ស​ទី​២១​មួយ​រូបនេះ ប្រទេស​ចិន​បាន​ក្លាយ​ជា​មហាអំណាច​សេដ្ឋកិច្ច​ពិភពលោក​ដ៏​ធំ​មួយ។ លោក ស៊ី ជិនពីង បាន​ឡើង​កាន់​ដំណែង​របស់​ខ្លួន​ជា​លើក​ដំបូង​ក្នុង​ការ​ជាប់​ឆ្នោត​ឆ្នាំ​២០១២។

ក្នុង​ឆ្នាំ​២០០៨ លោក ស៊ី ជីនពីង បាន​ក្លាយ​ជា​អគ្គ​នាយករដ្ឋមន្ត្រី ហើយ​ក្នុង​ឆ្នាំ​២០១២​ត្រូវ​បាន​បោះឆ្នោត​ជាប់​ជា​លេខាធិការ​ទូទៅ​របស់​គណបក្ស​កុំមុយនិស និង​ជា​ប្រធាន​គណៈកម្មាធិការ​យោធា​កណ្ដាល​ផង​ដែរ។

ដើម្បី​ជំរុញ​ដំណើរការណ៍​សេដ្ឋកិច្ចចិន ក្នុង​ឆ្នាំ​២០១៤​ លោក ស៊ី បាន​ផ្ដួចផ្ដើម​គំនិត​គម្រោង “ខ្សែ​ក្រវាត់​មួយ ផ្លូវ​មួយ” ហើយ​ក្នុង​ឆ្នាំ​២០១៥ លោកក៏​បាន​បញ្ចប់​គោលនយោបាយ​យក​កូន​១​ជា​ផ្លូវការ៕

The post លោក ស៊ី ជាប់ជាប្រធានគណបក្សកុម្មុយនិស្តចិន ដែលជាឱកាសបន្តឆ្ពោះកាន់ប្រធានាធិបតី appeared first on .

ពាណិជ្ជកម្មរវាងចិន និងអាស៊ានបានកើនឡើងដល់ទៅ ៨៥ ដង ចាប់តាំងពីភាគីទាំងពីរបានបង្កើតទំនាក់ទំនងការសន្ទនាក្នុងឆ្នាំ ១៩៩១ និងនៅឆ្នាំ ២០០៩ មក ប្រទេសចិននៅតែជាដៃគូពាណិជ្ជកម្មដ៏ធំបំផុតរបស់អាស៊ានសម្រាប់រយៈពេល ១២ ឆ្នាំជាប់ៗគ្នា ខណៈនៅឆ្នាំ២០២០កន្លងទៅ អាស៊ានក៏បានក្លាយជាដៃគូពាណិជ្ជកម្មដ៏ធំរបស់ប្រទេសចិន។

ពាក់ព័ន្ធនឹងភាពប្រសើរឡើងនូវទំនាក់ទំនងនេះ ប្រធានាធិបតីចិនលោក ស៊ី ជីនពីង បានប្រកាសពីការបង្កើតភាពជាដៃគូយុទ្ធសាស្ត្រគ្រប់ជ្រុងជ្រោយចិន-អាស៊ាន ។ ការប្រកាសបែបនេះរបស់លោក ស៊ី នៅពេលធ្វើជាប្រធានកិច្ចប្រជុំកំពូលពិសេសដើម្បីរំលឹកខួបលើកទី ៣០ នៃទំនាក់ទំនងចិន-អាស៊ាន តាមរយៈវីដេអូអនឡាយ នៅថ្ងៃចន្ទ ម្សិលមិញ។

លោក ស៊ី ជីនពីង បានបញ្ជាក់ថា “ប្រទេសចិនតែងតែជាអ្នកជិតខាងល្អ មិត្តភ័ក្តិ និងដៃគូរបស់អាស៊ាន ហើយប្រទេសចិននឹងយកអាស៊ានជាអាទិភាពខ្ពស់ក្នុងទំនាក់ទំនងការទូតអ្នកជិតខាងរបស់ខ្លួន ។ ទាក់ទងនឹងទំនាក់ទំនងនាពេលអនាគតរវាងចិន និងអាស៊ាន ប្រធានាធិបតីចិនបានដាក់សំណើចំនួន ៥ ដោយជំរុញឲ្យមានការខិតខំប្រឹងប្រែងឆ្ពោះទៅរកសហគមន៍ចិន-អាស៊ានកាន់តែជិតស្និទ្ធជាមួយនឹងអនាគតរួមគ្នា ក៏ដូចជាធ្វើឲ្យតំបន់ និងពិភពលោកកាន់តែរីកចម្រើន។

ស្របពេលជាមួយគ្នានោះ លោកប្រធានាធិបតី ស៊ី ក៏បានប្រកាសនូវវិធានការជាបន្តបន្ទាប់ក្នុងការកសាងវិបុលភាពជាមួយបណ្តាប្រទេសអាស៊ាន រួមទាំងការផ្តល់ជំនួយអភិវឌ្ឍន៍ចំនួន ១.៥ ពាន់លានដុល្លារដល់អាស៊ាន ក្នុងរយៈពេល ៣ ឆ្នាំខាងមុខ ដើម្បីគាំទ្រដល់ការប្រយុទ្ធប្រឆាំងនឹងជំងឺកូវីដ ១៩ និងការស្តារសេដ្ឋកិច្ចឡើងវិញ ទិញផលិតផលកសិកម្មពីអាស៊ានក្នុងរយៈពេល ៥ ឆ្នាំខាងមុខក្នុងតម្លៃរហូតដល់ ១៥៩ ពាន់លានដុល្លារ ការផ្តល់ទំនិញនៃបច្ចេកវិទ្យាជឿនលឿន ១,០០០ មុខដល់អាស៊ាន និងគាំទ្រកម្មវិធីសម្រាប់អ្នកវិទ្យាសាស្ត្រវ័យក្មេង ៣០០ នាក់មកពីអាស៊ានដើម្បីមកប្រទេសចិនសម្រាប់ការផ្លាស់ប្តូរក្នុងរយៈពេល ៥ ឆ្នាំខាងមុខ៕

The post ក្នុងឆមាសទីមួយឆ្នាំនេះ ការវិនិយោគទៅវិញទៅមករវាងចិន-អាស៊ាន បានជាង ៣១០ ពាន់លានដុល្លារ appeared first on .