សិរីសួស្តីពិធីទទួលទានស្លាដក់កន្លែង រៀបចំឡើងកាលពីថ្ងៃអាទិត្យ ទី២១ ខែមករា ឆ្នាំ២០២៤ ក្នុងនោះកូនស្រីនាម ស ស៊ីណា ជាគូរនឹងកូនប្រុសនាម ស ថេត ដែលគេស្គាល់ថាជានាយឧត្តមសេនីយ៍ផ្កាយ៤ កំពុងកាន់តំណែងអគ្គស្នងការនគរបាលជាតិ។ ពិធីភ្ជាប់ពាក្យទៅតាមទម្រង់ប្រពៃណីទំនៀមទម្លាប់ខ្មែរនាពេលនេះក៏មានកាអញ្ជើញចូលរួមពីចាស់ទុំទាំងសងខាង និងភ្ញៀវកិត្តិយសជាច្រើនរូប នៅភូមិគ្រឹះសម្តេចក្រឡាហោម ស ខេង។

លោកស្រី ស ស៊ីណា ជាកូនស្រីបង្កើតទី២របស់សម្តេចក្រឡាហោម ស ខេង អតីតរដ្ឋមន្រ្តីក្រសួងមហាផ្ទៃ និងលោកស្រី ញ៉ែម សាខន សខេង។

លោកស្រី ស ស៊ីណា មានបងប្អូនបង្កើតចំនួន៣រូប រួមាន៖ ទី១ លោក ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ទី២ លោកស្រី ស ស៊ីណា មិនមានប្រភពណាបញ្ជាក់ពីតួនាទីរបស់លោកស្រីនៅក្រសួងស្ថាប័ននោះទេ និងទី៣ លោក ស រដ្ឋា កំពុងកាន់តួនាទីអគ្គស្នងការងនៃអគ្គស្នងការនគរបាលជាតិ និងស្នងការខេត្តព្រះសីហនុ៕

The post កូនស្រីអ្នកឧកញ៉ា សុខ គង់ ចូលរួមពិធីភ្ជាប់ពាក្យកូនសម្តេចក្រឡាហោម ស ខេង appeared first on .

ការប្រគល់ភារកិច្ចឲ្យឧត្តមសេនីយ៍ទោ ជួន ណារិន្ទ ជាស្នងការនគរបាលរាជធានីភ្នំពេញ ពេលនេះបន្ទាប់ពីនាយឧត្តមសេនីយ៍ ស ថេត ត្រូវបានតែងតាំងជាអគ្គស្នងការនៃស្នងការដ្ឋាននគរបាលជាតិ ក្រោយលោក នេត សាវឿន ឡើងតំណែងជាឧបនាយករដ្ឋមន្រ្តី សម្រាប់អាណត្តិទី៧។

កាលពីថ្ងៃទី២៣ ខែសីហាម្សិលមិញ ឧត្តមសេនីយ៍ទោ ជួន ណារិន្ទ ត្រូវបានផ្ទេរចេញពីស្នងការនគរបាលខេត្តព្រះសីហនុ ទៅជាអគ្គស្នងការរង នៃអគ្គស្នងការដ្ឋាននគរបាលជាតិ។

គួររម្លឹកថា លោក ជួន ណារិន្ទ ជាអតីតប្រធានការិយាល័យនគរបាលព្រហ្មទណ្ឌកំរិតធ្ងន់ រាជធានីភ្នំពេញ ត្រូវបានតែងតាំងជាស្នងការរងនគរបាលរាជធានីភ្នំពេញ ទទួលផែនព្រហ្មទណ្ឌកាលពីឆ្នាំ២០១៤ និងជាប្រធាន ក្លិប អគ្គស្នងការ រដ្ឋាន នគរបាលជាតិ។ នៅឆ្នាំ២០១៥ លោកត្រូវបានតែងតាំងជាស្នងការនគរបាលខេត្តព្រះសីហនុ អស់រយៈពេល ៩ឆ្នាំទម្រាំទទួលការតែងតាំងជាអគ្គស្នងការរងនគរបាលជាតិ៕

The post លោក ស សុខា ប្រគល់តំណែងមេប៉ូលីសក្រុងភ្នំពេញឲ្យលោក ជួន ណារិន្ទ ដឹកនាំបន្តពីលោក ស ថេត appeared first on .

ព្រះរាជក្រឹត្យរបស់អង្គព្រះមហាក្សត្រ ឡាយព្រះហត្ថលេខាបង្គាប់ឲ្យលោក ស ថេត ជាអគ្គស្នងការនៃស្នងការដ្ឋាននគរបាលជាតិ ធ្វើឡើងបន្ទាប់ពីលោក នេត សាវឿន ឡើងតំណែងជាឧបនាយករដ្ឋមន្រ្តី សម្រាប់អាណត្តិទី៧ ក្រោមការដឹកនាំដោយឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តី។

មុននឹងឡើងកាន់តំណែងជាអគ្គស្នងការនគរបាលជាតិនាពេលនេះ លោក ស ថេត ឡើងជាស្នងការនគរបាលរាជធានីភ្នំពេញ កាលពីថ្ងៃទី១១ខែកញ្ញាឆ្នាំ២០១៨ ជំនួសលោក ជួន សុវណ្ណ ដែលត្រូវបានតែងតាំងជាអនុប្រធានអាជ្ញាធរជាតិប្រយុទ្ធប្រឆាំងគ្រឿងញៀន។

លោក ស ថេត នាយ នគរបាលជាតិ ជាន់ខ្ពស់ ក្រសួងមហាផ្ទៃ អត្តលេខ ១៥៧២២ ទទួលបានការដំឡើងឋានន្តរស័ក្តិ ថ្នាក់ឧត្តមសេនីយ៍ត្រី ( ផ្កាយ ១) ដោយព្រះរាជក្រឹត្យលេខ នស / រកត /១០០៨/១០៨០ ចុះ ថ្ងៃទី ០៤ ខែតុលា ឆ្នាំ ២០០៨ និង ទទួលបាន ការដំឡើងឋានន្តរស័ក្តិ ថ្នាក់ឧត្តមសេនីយ៍ទោ ( ផ្កាយ ២) ដោយ ព្រះរាជក្រឹត្យ លេខ នស / រកត /១០១៥/១០៤៦ ចុះថ្ងៃទី ១៧ ខែតុលា ឆ្នាំ ២០១៥៕

The post លោក ស ថេត កាន់តំណែងអគ្គស្នងការនគរបាលជាតិ បន្ទាប់ពីលោក នេត សាវឿន appeared first on .