លិខិតតែងតាំងចំនួនពីរទំព័រចុះហត្ថលេខាដោយលោក ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ សម្រេចតែងតាំងលោកផ្ទាល់ជាប្រធាន ព្រមទាំំងតែងតាំងជាសមាជិកចំនួន៦រូប រួមមាន៖ លោក ដាវ អានសាន រដ្ឋលេខាធិការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍, លោក ជា កុកហុង អគ្គនាយករងនៃអគ្គនាយកដ្ឋានគោលនយោបាយក្រសួងសេដ្ឋកិច្ច និងហិរញ្ញវត្ថុ,  អ្នកឧកញ៉ា សៀ ឬទ្ធី ស្ថាបនិក និងជាប្រធានក្រុមប្រឹក្សាភិបាលនៃក្រុមហ៊ុន វើលដ៏ប្រ៊ីដគ្រុប, ឧកញ៉ា សុខ ពិសិដ្ឋ សហស្ថាបនិក និងនាយកប្រតិបត្តិក្រុមហ៊ុន ជីហ្គៀ​គ្រុប, លោក ហោ សេរីវឌ្ឍន៍ ប្រធានក្រុមប្រឹក្សាភិបាលសមាគមវិនិយោគ នវានុវត្តន៍ និងអភិវឌ្ឍន៍ និងលោក ឈៀង វណ្ណមុនិណ្ឌ នាយកប្រតិបត្តិសហគ្រិនខ្មែរ​ ។

កាលពីថ្ងៃទី៣០ ខែតុលា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី បានចេញអនុក្រឹត្យស្តីពីការបង្កើតសហគ្រិនខ្មែរ ជាបរធនបាលកិច្ច ដើម្បីកៀរគរ គ្រប់គ្រង និងចាត់ចែងបរធនពីប្រភពស្របច្បាប់នានាសម្រាប់គាំទ្រដំណើរការអភិវឌ្ឍន៍ប្រព័ន្ធអេកូឡូស៊ីសហគ្រិន សហគ្រាសធុនមីក្រូតូច និងមធ្យម និងធុរកិច្ចថ្មីនានា ដែលឆ្លើយតបនឹងតម្រូវការនៃវិស័យឯកជនប្រកបដោយប្រសិទ្ធភាព​ និងចីរភាព។

នៅក្នុងអនុក្រឹត្យរបស់រាជរដ្ឋាភិបាល មាត្រា ៤ បានបញ្ជាក់ថា ប្រភពបរធននៃ ស.គ.ខ បានពីថវិកាជាតិ ដៃគូរអភិវឌ្ឍន៍ វិស័យឯកជន និងប្រភពស្របច្បាប់ផ្សេងទៀត៕

The post អ្នកឧកញ៉ា ឧកញ៉ា ២រូបតែងតាំងឲ្យស្ថិតក្នុងសមាសភាពដឹកនាំក្រុមប្រឹក្សាបរធនបាលសហគ្រិនខ្មែរ appeared first on .

យោងតាមសុន្ទរកថាតាមប្រព័ន្ធអនឡាញជូនអង្គសន្និសីទនៅថ្ងៃទី២៩ ខែសីហា ឆ្នំា២០២៣ លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ មានប្រសាសន៍ថា «មាត្រាសាស្ត្រ ដែលជាវិទ្យាសាស្ត្រនៃការវាស់វែង មានសារៈសំខាន់ណាស់សម្រាប់សង្គមសម័យទំនើបរបស់យើង។ វាគាំទ្រការធ្វើពាណិជ្ជកម្មដោយយុត្តិធម៌ លើកកម្ពស់ស្តង់ដារឧស្សាហកម្ម និងការពារសុវត្ថិភាព និងសុខភាពសាធារណៈ។ ដោយទទួលស្គាល់នូវសារៈសំខាន់នេះ កម្ពុជា និងចិនបានបោះជំហានយ៉ាងសំខាន់ក្នុងកិច្ចសហប្រតិបត្តិការ និងផ្លាស់ប្តូរជំនាញក្នុងវិស័យមាត្រាសាស្ត្រ»។

លោករដ្ឋមន្ត្រីលើកឡើងថា ក្នុងរយៈពេល ៦៥ ឆ្នាំកន្លងមកនេះកម្ពុជា និងចិនបានកសាងទំនាក់ទំនងការទូតដ៏រឹងមាំ និងស្វាហាប់។ ក្រោមកិច្ចសហប្រតិបត្តិការក្នុងវិស័យជាច្រើន ប្រទេសទាំងពីរបានបង្កើនការយោគយល់គ្នាទៅវិញទៅមក ទំនុកចិត្ត និងមិត្តភាព។ ដោយឡែកក្នុងវិស័យមាត្រាសាស្ត្រ អ្នកជំនាញចិនបានផ្តល់ជំនួយបច្ចេកទេសដ៏មានតម្លៃ និងបានផ្ទេរចំណេះដឹងជាច្រើនដល់កម្ពុជា។ កិច្ចសហប្រតិបត្តិការនេះមិនត្រឹមតែធ្វើឱ្យប្រសើរឡើងនូវស្តង់ដារវាស់វែងប៉ុណ្ណោះទេ ប៉ុន្តែថែមទាំងបានរួមចំណែកដល់ការអភិវឌ្ឍនៃប្រទេសទាំងពីរ។

លើសពីនេះ គំនិតផ្តួចផ្តើមខ្សែក្រវាត់ និងផ្លូវបានជំរុញកិច្ចសហប្រតិបត្តិការ និងភាពជាដៃគូនៅក្នុងវិស័យជាច្រើន។ តាមរយៈការពង្រីកការតភ្ជាប់ និងកិច្ចសហការរវាងប្រទេសនៅតាមបណ្តោយខ្សែក្រវាត់សេដ្ឋកិច្ចផ្លូវសូត្រ និងផ្លូវសូត្រសមុទ្រសតវត្សរ៍ទី ២១ គំនិតផ្តួចផ្តើមនេះបានបង្កើតឱកាសដ៏ធំសម្បើមសម្រាប់កិច្ចសហប្រតិបត្តិការផ្នែកវិទ្យាសាស្ត្រ និងបច្ចេកវិទ្យា រួមទាំងក្នុងវិស័យមាត្រាសាស្ត្រ។

កម្ពុជា និងចិនបានប្រើប្រាស់គំនិតផ្តួចផ្តើមខ្សែក្រវាត់ និងផ្លូវ ដើម្បីពង្រឹងកិច្ចសហប្រតិបត្តិការផ្នែកមាត្រាសាស្រ្តនៃប្រទេសទាំងពីរ។ តាមរយៈការសិក្សាស្រាវជ្រាវរួមគ្នា កម្មវិធីបណ្តុះបណ្តាល និងការផ្លាស់ប្តូរឧត្តមានុវត្តនានា យើងបានពង្រឹងប្រព័ន្ធ និងបច្ចេកទេសវាស់វែងរបស់យើងប្រកបដោយប្រសិទ្ធភាព។

លោករដ្ឋមន្ត្រី ហែម វណ្ណឌី មានប្រសាសន៍ថា «កិច្ចសហប្រតិបត្តិការនេះមិនត្រឹមតែផ្តល់ផលប្រយោជន៍ដល់រដ្ឋាភិបាលរបស់យើងប៉ុណ្ណោះទេ ប៉ុន្តែថែមទាំងមានឥទ្ធិពលវិជ្ជមានទៅលើឧស្សាហកម្ម ដែលនាំឱ្យមានការវាស់វែងច្បាស់លាស់ និងបង្កើនផលិតភាព។យើងសូមថ្លែងអំណរគុណដល់ប្រទេសចិនចំពោះការគាំទ្រ និងមិត្តភាពដែលមិនផ្លាស់ប្តូរនេះ។ ខ្ញុំមានទំនុកចិត្តថា កិច្ចសហប្រតិបត្តិការផ្នែកមាត្រាសាស្ត្ររបស់យើងនឹងបន្តរីកចម្រើន ដោយនាំមកនូវផលប្រយោជន៍ទៅវិញទៅមក សម្រាប់ប្រជាជនរបស់យើង និងរួមចំណែកដល់សន្តិភាព ស្ថិរភាព និងវិបុលភាពក្នុងតំបន់»៕ អត្ថបទ៖សារេត

The post កម្ពុជា-ចិន បានបោះជំហានយ៉ាងសំខាន់ក្នុងកិច្ចសហប្រតិបត្តិការ និងផ្លាស់ប្តូរជំនាញក្នុងវិស័យមាត្រាសាស្ត្រ appeared first on .