ថ្លែងក្នុងពិធីបើកសិក្ខាសាលា ស្តីពី«ការពង្រឹងសមត្ថភាពមន្រ្តីជំនាញ និងស្ថិតិទេសចរណ៍» កាលពីថ្ងៃទី២៥​ ខែកក្កដា ឆ្នាំ២០២៤ លោក ហោ សារុន រដ្ឋលេខាធិការ ក្រសួងទេសចរណ៍ បានឱ្យដឹងថា វិស័យទេសចរណ៍ បានរួមចំណែកក្នុងផលិតផលក្នុងស្រុកសរុបប្រមាណ ៧,៥%។ ដោយលោកបញ្ជាក់ថា ជើងហោះហើរអន្តរជាតិចូលមកកម្ពុជា កាលពីឆ្នាំ២០២៣ សរុប ២២ ១៨២ជើង ប្រមាណជា៤៧០ជើងក្នុងមួយសប្តាហ៍ ខណៈពេលជំងឺកូវីដ-១៩ ឆ្នាំ២០២១ មានជើងហោះហើរអន្តរជាតិចូលសរុប ២ ១៣៩ជើង តែប៉ុណ្ណោះ។

លោកបន្តថា ដោយឡែក សម្រាប់ឆមាសទី១ ឆ្នាំ២០២៤ កម្ពុជាមានជើងហោះហើរអន្តរជាតិចូលសរុបប្រមាណ ១២ ៣៨៦ជើង ប្រមាណជា៥០០ជើង ក្នុងមួយសប្តាហ៍ និងមានក្រុមហ៊ុនអាកាសចរណ៍ចំនួន ៣១ក្រុមហ៊ុន កំពុងដំណើរការ។

បើតាមលោក ហោ សារុន វិស័យទេសចរណ៍មិនត្រឹមតែបង្កើតនូវកាលានុវត្តភាពការងារ លើកកម្ពស់ជីវភាពរស់នៅរបស់ប្រជាពលរដ្ឋ បង្កើនប្រាក់ចំណូលជាតិ និងបានជួយទប់លំនឹងផ្នែកជញ្ជីងទូទាត់ពាណិជ្ជកម្ម (Balance of Payment – BOP) ប៉ុណ្ណោះទេ ប៉ុន្តែថែមទាំងទាក់ទាញការវិនិយោគផ្ទាល់ពីបរទេសនិងក្នុងស្រុក និងលំហូរចូលនូវរូបិយបណ្ណអន្តរជាតិផងដែរ។

យោងតាមរបាយការណ៍ក្រសួងទេសចរណ៍ បានឱ្យដឹងផងដែរថា នៅក្នុងឆមាសទី១ ឆ្នាំ ២០២៤ កម្ពុជាទទួលបានជើងហោះហើរអន្តរជាតិសរុប ១២ ៣៨៦ ជើង ដែលមានមនុស្សជាង ១,១៥ លាននាក់  កើនឡើង ២៦ ភាគរយ ​ក្នុង​នោះ​​អាកាសយានដ្ឋាន​អន្តរ​ជាតិភ្នំពេញមាន ៨៩៦០ ជើង អាកាសយានដ្ឋានសៀមរាបអង្គរ ៣ ២១៤ ជើង និងអា​កាស​យាន​ដ្ឋានអន្តរជាតិព្រះសីហនុមាន ២១២ ជើង។

នៅក្នុងឆមាសទី១ ឆ្នាំ ២០២៤ នេះផងដែរ កម្ពុជាក៏ទទួលបានភ្ញៀវអន្តរជាតិសរុបចំនួនជាង ៣,១៦ លាន​​​នាក់ (៣ ១៦៦ ៤៩៧) មានការកើនឡើង ២២,៧% ធៀបនឹង​រយៈពេល​ដូច​គ្នានៅឆ្នាំ​២០២៣។ក្នុងនោះ ទេសចរថៃឈរនៅ​លំដាប់​លេខរៀងទី ១ មានចំនួន ៩៥៥ ២៥០ នាក់ កើន ៩,៧% វៀតណាមចំនួន ៦៣៩ ៥៤៩ នាក់ កើន ៣៨% ចិន ៣៨៩ ៣៦០ នាក់ កើន ៤៥,២% ឡាវ ១៨៨ ៧២៦ កើន​៣៤,៤% អាមេរិក ១១២ ០៤៣ កើន ១៥,៧%៕

The post ឆមាសទី១ ឆ្នាំ២០២៤ ជើងហោះហើរអន្តរជាតិចូលមកកម្ពុជាសរុបប្រមាណជាង ១ ២០០០ជើង appeared first on .

បើតាមលោក ហោ សារុន បានបញ្ចាក់ថា « ក្នុងរយៈពេល៣ខែដើមឆ្នាំ២០២៣នេះ យើងទទួលបានភ្ញៀវទេសចរអន្តរជាតិចំនួន១.២៩១.៥៣៩នាក់ កើនឡើងជាង ៧០៩,៥% ធៀបនឹងឆ្នាំ២០២២ ក្នុងនោះទេសចរជនជាតិថៃ វៀតណាម និងចិន កំពុងនាំមុខគេ»។

គួរបញ្ចាក់ថា រដ្ឋមន្រ្តីក្រសួងទេសចរណ៍កន្លងទៅ បានបញ្ជាក់ផងដែរថា សម្រាប់ឆ្នាំ២០២៣ កម្ពុជារំពឹងទទួលបានភ្ញៀវទេសចរអន្តរជាតិយ៉ាងហោចណាស់៤លាននាក់ ដែលក្នុងនោះ មានទេសចរជនជាតិចិនប្រមាណ១លាននាក់។ស្របពេលការរំពឹងនេះ ក្រសួងទេសចរណ៍បានសម្រេចដាក់ចេញនូវផែនការសកម្មភាពចំនួន ៥ចំណុច។ ដោយក្នុងនោះរួមមាន ការរៀបចំសេចក្តីព្រាងវិធានការអនុវត្តយុទ្ធនាការ «ឆ្នាំទស្សនាកម្ពុជា ២០២៣» ដើម្បីបង្កើនការផ្សព្វផ្សាយទេសចរណ៍កម្ពុជា ការលើកកម្ពស់កិត្តិនាមទេសចរណ៍ ការផ្សារភ្ជាប់រវាងព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ជាមួយនិងយុទ្ធនាការ «ឆ្នាំទស្សនាកម្ពុជា ២០២៣» និងការបង្កើតព្រឹត្តិការណ៍ទេសចរណ៍ «មួយខែ យ៉ាងតិចមួយព្រឹត្តិការណ៍» ដើម្បីបង្កើនភ្ញៀវទេសចរណ៍ជាតិ និងអន្តរជាតិ។

គួររម្លឹកផងដែរថា នៅក្នុងឆ្នាំ២០២២ កម្ពុជាទទួលបានភ្ញៀវទេសចរណ៍អន្តរជាតិប្រមាណ ២លាន២សែននាក់៕

The post លោក ហោ សារុន៖ កម្ពុជាទទួលបានភ្ញៀវអន្តរជាតិជាង១លាននាក់ ក្នុងរយៈពេល៣ខែឆ្នាំនេះ appeared first on .