នៅក្នុងឯកសារមួយដែលបានដាក់ជូនទៅកាន់ផ្សារហ៊ុនថៃ កាលពីសប្តាហ៍មុន ក្រុមហ៊ុន Berli Jucker បាននិយាយថា ការទិញយក MM Mega Market Vietnam នៅក្នុងតម្លៃ ២២,៥ពាន់លានបាត (៧២០លានដុល្លារ) ពីក្រុមហ៊ុន TCC ដែលជាកម្មសិទ្ធិរបស់លោក Charoen ត្រូវបានអនុម័តដោយម្ចាស់ភាគហ៊ុន Berli Jucker។

គួរឲ្យដឹងថា MM Mega Market គឺជាអ្នកចែកចាយលក់ដុំនៃទំនិញប្រើប្រាស់ដែលមានសាខាចំនួន ៣៣ នៅទូទាំងប្រទេសវៀតណាម ដោយផ្តោតលើការបម្រើអតិថិជនអាជីវកម្ម ដូចជាសណ្ឋាគារ ភោជនីយដ្ឋាន អាជីវកម្មផ្គត់ផ្គង់ម្ហូបអាហារ និងការិយាល័យធំៗ។

ជម្រាបជូនថា ការទិញយក MM Mega Market នេះ បានកើតឡើងនៅពេលដែលលោក Charoen ស្វែងរកការធ្វើឲ្យអាណាចក្រអាជីវកម្មរបស់លោកមានភាពប្រសើរឡើង។ នៅឆ្នាំ២០២៤ ក្រុមហ៊ុន Thai Beverage ដ៏ល្បីល្បាញរបស់លោក ដែលចុះបញ្ជីនៅសិង្ហបុរី និងជាក្រុមហ៊ុនផលិតស្រាបៀរ Chang បានលក់ភាគហ៊ុនរបស់ខ្លួន ពី Frasers Property ដើម្បីផ្តោតលើអាជីវកម្មផ្សេង៕​

The post មហាសេដ្ឋីកំពូលថៃម្នាក់ ប្រកាសលក់ក្រុមហ៊ុនវិនិយោគនៅវៀតណាម ក្នុងតម្លៃ ៧២០លានដុល្លារ appeared first on .

យោងតាមឯកសារផ្លូវការមួយដែលបានធ្វើឡើងកាលពីថ្ងៃទី២៦ ខែឧសភា បានបង្ហាញថា លោក Charoen បានលក់ភាគហ៊ុនទាំងអស់របស់ខ្លួន នៅក្នុងក្រុមហ៊ុន Sutthasup 9 ដែលជាអង្គភាពមួយក្តោបក្តាប់ភាគហ៊ុនរួម របស់ក្រុមហ៊ុន Asset World Corp និងក្រុមហ៊ុន Berli Jucker ហើយប្រគល់វាទៅឲ្យកូនៗរបស់ខ្លួន ជាអ្នកកាន់កាប់ជំនួសវិញ។

យ៉ាងណាក៏ដោយ ឯកសារ​នេះ ហាក់​មិន​បាន​បង្ហាញ​ពី​ទំហំ​ពិត​ប្រាកដ​នៃភាគហ៊ុន ដែលលោក Charoen បានកាន់កាប់នៅក្នុងក្រុមហ៊ុន Sutthasup 9 នោះឡើយ។ ទោះបីជាមានការផ្លាស់ប្តូរកម្មសិទ្ធិក៏ដោយ ក្រុមហ៊ុនទាំងនោះបានបញ្ជាក់ថា រចនាសម្ព័ន្ធនៃគ្រប់គ្រង ប្រតិបត្តិការអាជីវកម្ម និងទិសដៅយុទ្ធសាស្ត្រ នឹងនៅដដែល ដោយគ្មានការផ្លាស់ប្តូរឡើយ។

ជម្រាបជូនផងដែរថា លោក Charoen បច្ចុប្បន្ន ត្រូវបានសារព័ត៌មាន Bloomberg ប៉ាន់ស្មានថាមានទ្រព្យសម្បត្តិសរុបប្រហែល ១១,៦ពាន់លានដុល្លារ ខណ:ប្រភពចំណូលធំៗរបស់លោក ទទួលបានពីក្រុមហ៊ុន Thai Beverage Plc ដែលជាអ្នកស្រាវីស្គី និងស្រា​បៀរ​ដ៏ធំបំផុតរបស់ប្រទេសថៃ ក៏ដូចជា Fraser and Neave Ltd ដែលជាក្រុមហ៊ុនអាហារ និងភេសជ្ជៈមានមូលដ្ឋាននៅប្រទេសសិង្ហបុរី និងក្រុមហ៊ុនអចលនទ្រព្យ Frasers Property ផងដែរ៕

The post អ្នកមានដាច់គេទី២ របស់ថៃ ចាប់ផ្តើមផ្ទេរភាគហ៊ុន ទៅឲ្យកូនៗកាប់កាប់ជំនួស appeared first on .

យោងតាមការចុះផ្សាយពីសារព័ត៌មាន Bloomberg បានបង្ហាញថា ក្រុមហ៊ុន ThaiBev នឹងធ្វើការផ្ទេរភាគហ៊ុន ២៨,៨% ឬសរុបជាទឹកប្រាក់ប្រហែល ១,៦ពាន់លានដុល្លារ ទៅកាន់ក្រុមហ៊ុនអចលនទ្រព្យ TCC Assets នៅក្នុងប្រទេសថៃ។

ទន្ទឹមនឹងនោះ ក្រុមហ៊ុន TCC Assets នឹងធ្វើការផ្ទេរចំណែកភាគហ៊ុនរបស់ខ្លួន ដែលមាននៅក្នុងក្រុមហ៊ុនភេសជ្ជៈ Fraser and Neave (F&N) នៅក្នុងប្រទេសសិង្ហបុរី ទៅឲ្យក្រុមហ៊ុនមហាសេដ្ឋីថៃរូបនេះវិញ ដើម្បីបញ្ចប់កិច្ចកុងត្រារវាងភាគីទាំងសងខាង។

បច្ចុប្បន្ន តំណាងក្រុមហ៊ុន ThaiBev បានបង្ហើបថា កិច្ចព្រមព្រៀងមួយនេះ គឺកំពុងរង់ចាំការអនុញ្ញាតពីម្ចាស់ភាគហ៊ុនដទៃ ក៏ប៉ុន្តែបើសិនជាវាអាចសម្រេចទៅបាន ក្រុមហ៊ុន ThaiBev នឹងក្លាយជាម្ចាស់ភាគហ៊ុនធំក្នុងក្រុមហ៊ុន F&N ដោយនឹងមានភាគហ៊ុនក្នុងដៃប្រហែល ៧០% កើនឡើងពីភាគហ៊ុនដែលមានបច្ចុប្បន្នត្រឹម ២៨% ប៉ុណ្ណោះ៕

The post មហាសេដ្ឋីថៃ ប្រកាសចាកចេញពីវិស័យអចលនទ្រព្យ ងាកមកផ្ដោតលើវិស័យចំណីអាហារវិញ appeared first on .

ការកាន់តំណែងថ្មីនេះ នឹងអនុញ្ញាតិឲ្យ CEO វ័យ ២៧ឆ្នាំ មានសិទ្ធគ្រប់គ្រងលើក្រុមហ៊ុនទាំងមូល ស្របពេលមហាសេដ្ឋីថៃ លោក Charoen នៅតែជាប្រធានក្រុមប្រឹក្សាភិបាល និងជាអ្នកសម្រេចចិត្តចុងក្រោយនៅក្រុមហ៊ុនដដែល។

រំលឹកបន្តិចថា ក្រុមហ៊ុន ThaiBev ជាក្រុមហ៊ុនផលិតភេសជ្ជៈធំបំផុតនៅប្រទេសថៃ និងមានបណ្ដាញចែកចាយពាសពេញសកលលោក ដោយក្នុងនោះមានសាខាច្រើនជាង ២១៨ក្រុមហ៊ុន នៅច្រើនជាង ៩០ប្រទេសឯណោះ។

បន្ថែមពីនោះ ការផ្លាស់ប្ដូរក្បាលម៉ាស៊ីនថ្មីៗនេះ ធ្វើឡើងបន្ទាប់ពីក្រុមហ៊ុន ThaiBev ប្រកាសពី​មហិច្ឆតា ពង្រីកអាជីវកម្មរបស់ខ្លួនឲ្យបានពាសពេញនៅបណ្ដាប្រទេសក្នុងតំបន់អាស៊ីអាគ្នេយ៍ ជាមួយគោលដៅក្លាយជាអ្នកផ្គត់ផ្គង់ភេសជ្ជៈធំបំផុត នៅតំបន់អាស៊ានថែមទៀត៕

The post កូនប្រុសមហាសេដ្ឋីថៃ ឡើងកាន់តំណែងជាអនុប្រធានក្រុមហ៊ុនខ្នាតយក្ស ThaiBev appeared first on .

បើ​និយាយ​ពី​សេដ្ឋី​នៅ​ថៃ​មាន​រាប់​រយនាក់ តែ​មហាសេដ្ឋីទាំង ៥ ដែល​ឧកញ៉ាញូន៍​ នឹង​បង្ហាញ​នេះ ជា​មហាសេដ្ឋី​មានជាង​គេ​ប្រចាំប្រទេស​ថៃ៖

1/ បងប្អូន​ត្រកូល Chearavanont មាន​ទ្រព្យប្រមាណ​ ២៧ ពាន់លានដុល្លារ

បងប្អូន​ត្រកូល Chearavanont គឺ​ជាស្ថាបនិកក្រុមហ៊ុន​ផលិតចំណី និង​ចិញ្ចឹមសត្វ​យកសាច់​លក់​ធំបំផុត​មួយក្នុងលោក ដែលមានឈ្មោះថា Charoen Pokphand ឬប្រជាជន​យើងនិយម​ហៅថា CP។

កាលពីពេល​ថ្មីៗនេះ​ទៀតសោត​ ក្រុមហ៊ុន Tesco នៅក្នុងប្រទេសថៃ​ និងម៉ាឡេស៊ី ក៏ត្រូវបាន​គ្រួសារអ្នកមានបំផុតមួយនេះ​ ទិញយកកាលពីខែ​មីនា ២០២០ ដោយចំណាយប្រមាណ ១០.៦ ពាន់លានដុល្លារ។

2/ស្ថាបនិកក្រុមហ៊ុន​ភេសជ្ជៈ​ប៉ូវកម្លាំង Red Bull លោក Chalerm Yoovidhya មាន​ទ្រព្យប្រមាណ ២០.២ ពាន់លានដុល្លារ

បើនិយាយ​ពីភេសជ្ជៈ​ប៉ូវកម្លាំង អ្នកណាមិនស្គាល់ Red Bull ឬគេនិយម​ហៅថា គោជល់​នោះ តែប្រិយមិត្ត​ប្រហែលជា​មិនទាន់ជ្រាបទេថា​ ម្ចាស់ក្រុមហ៊ុន​មួយនេះគឺជា​បុគ្គល​មានបំផុតទី ២ ប្រចាំប្រទេសថៃលោក Chalerm Yoovidhya។

3/ ស្ថាបនិកក្រុមហ៊ុន​ Thai Berverage លោក Charoen Sirivadhanabhakdi មាន​ទ្រព្យប្រមាណ ១២.១ ពាន់លានដុល្លារ

បុគ្គលទី ៣ ដែលស្ថិត​ក្នុងបញ្ជីមួយនេះ​គឺជាសេដ្ឋី​វិវត្តខ្លួន​ផ្ដើមចេញពីចំនុចសូន្យ គឺលោក Charoen Sirivadhanabhakdi ដែលមានឪពុក​ជាអ្នកលក់ភេសជ្ជៈតាម​ចិញ្ចើមផ្លូវ​នៃទីក្រុងបាងកក។

សមត្ថភាពរបស់មហាសេដ្ឋីរូបនេះ​ គឺពិតជា​មិនសរសើរ​មិនបាន ពោលគឺលោក​ជំនាញ​ក្នុងការ​ច្របាច់ផលិតផល​បញ្ចូលគ្នា​ និងនាំចេញ​លើទីផ្សារអន្តរជាតិ​ ខណៈមុខជំនួញ​ដែលគេ​ស្គាល់លោកភាគច្រើន គឹ​ក្នុងនាមជាស្ថានិកក្រុមហ៊ុន​ Thai Beverage ដែលផលិតស្រាបៀរឆាង (Chang Beer)។

4/គ្រួសារ​ត្រកូល​Chirathivat មានទ្រព្យ​ប្រមាណ​ ៩.៥ ពាន់លានដុល្លារ

Central Group គឺជាក្រុមហ៊ុន​អភិវឌ្ឍន៍ និងលក់នូវ​គម្រោងផ្សារ​ធំបំផុត​នៅប្រទេសថៃ ហើយវា​ក៏ជាជំនួយ​បន្តជំនាន់របស់​គ្រួសារ Chirathivat ផងដែរ។

បច្ចុប្បន្ន Central Group គឺ​ស្ថិត​ក្រោមការគ្រប់គ្រង​របស់ Tos Chirathivat ដែល​ត្រូវជាចៅ​របស់ស្ថាបនិកក្រុមហ៊ុន Tiang Chirathivat  និងជាកូន​ Samrit Chirathivat ដែលជា​អ្នកបង្កើត​មជ្ឈមណ្ឌល​ទិញ​ទំនិញ​លើកដំបូង​បំផុតនៅប្រទេសថៃក្នុងឆ្នាំ ១៩៥៧។

ក្រោមការដឹកនាំ​របស់ Tos Chirathivat ក្រុមហ៊ុន​បាន​ពង្រីក​ហាងលក់ទំនិញ​របស់ខ្លួន​ទូទាំងអាស៊ីអាគ្នេយ៍ ហើយក្រោយមកទៀត​ក៏ឈានចូលដល់​ទ្វីបអឺរ៉ុប​ដោយ​បានទិញ​សាខាហាង​របស់អ៊ីតាលី​ឈ្មោះ La Rinascente ក្នុងតម្លៃ ២៩១ លានដុល្លារអាមេរិក​ក្នុងឆ្នាំ ២០១១ និងសាខាហាង​ដាណឺម៉ាក Illum ខណៈ​ចំនួនទឹកប្រាក់​មិនត្រូវបាន​បង្ហាញក្នុងឆ្នាំ ២០១៥ ។ ក្រុមហ៊ុននេះ​ក៏ជាផ្នែកមួយនៃការបណ្តាក់ទុនរួមគ្នា​ជាមួយក្រុមហ៊ុន JD.com របស់ចិន ដែលមានទឹកប្រាក់ ៥៦០ លានដុល្លារ ដើម្បីបង្កើត JD Central ដែលជា​គេហទំព័រពាណិជ្ជកម្ម​តាមប្រព័ន្ធអ៊ីនធឺណេត​ទៀតផង។

5/ លោក Sarath Ratanavadi  មាន​ទ្រព្យ​ប្រមាណ ៩.៥ ពាន់លានដុល្លារ

លោក Sarath Ratanavadi ត្រូវបាន​តែងតាំង​ជានាយក និង​ក្រោយមក​ជា CEO នៃក្រុមហ៊ុនធំបំផុត​ទី ៣ ផ្នែក​ផ្គត់ផ្គង់ថាមពល គឺក្រុមហ៊ុន​ Gulf Energy Development កាលពីខែឧសភា​ ២០១៧។

ក្នុងឆ្នាំដដែលនោះ​ CEO រូបនេះ​ បានធ្វើ​ឲ្យភាគហ៊ុនក្រុមហ៊ុន​កើនដល់ទៅជាង ៧០០ លានដុល្លារ​ដែលនេះគឺជា ចំនួន​ខ្ពស់បំផុតមួយ​ក្នុងរយៈពេល ១០ ឆ្នាំចុងក្រោយ​នៅប្រទសថៃ។ ហើយចាប់តាំងពីពេលនោះមក​ ភាគហ៊ុននៃក្រុមហ៊ុន​ក៏មានការកើនឡើង​ជាបន្តបន្ទាប់​រហូតដល់ជាង ១ ពាន់លានដុល្លារកាលពីឆ្នាំ ២០១៩។

បន្ថែមពីនោះ​ ក្រុមហ៊ុន​ដែល​មានមូលដ្ឋាននៅទីក្រុងបាងកក ក៏មាន​គម្រោង​ក្នុងការ​ផលិតថាមពល​ព្រះអាទិត្យ (ថាមពលសូឡា) ទូទាំងប្រទេសផងដែរ ដោយពួកគេ​បានសាងសង់​រោងចក្រ​ផ្គត់ផ្គង់ថាមពលសូឡា លើកដំបូង​នៅប្រទេសថៃ​ ដោយមាន​ការបណ្ដាក់ទុន​ជាមួយអ្នកវិនិយោគ​ជនជាតិជប៉ុនផងដែរ៕

ប្រភព៖ SCMP

The post មកស្គាល់សេដ្ឋីមាន​បំផុត​ទាំង ៥ នៅប្រទេសថៃ ក៏​មាន​ម្ចាស់​ក្រុមហ៊ុន​ផលិតស្រាបៀរ​ឆាង​ដ៏ល្បីដែរ appeared first on .