វណ្ណដា

វណ្ណដា ថតស្ប៉តពាណិជ្ជកម្មលើកទឹកចិត្តអ្នកគាំទ្រ ឱ្យចេះតស៊ូ និងព្យាយាម

រ៉េត សុកធា — Fri, 03 Jun 2022 10:29:46 +0000

ថ្មីៗនះ ក្រុមហ៊ុនផលិតភេសជ្ជ: ប៊ុកសីង បានបញ្ចេញនូវស្ពតពាណិជ្ជកម្មថ្មីមួយទៅលើភេសជ្ជៈប៉ូវកម្លំង ប៊ុក សុីង ដែលមានតារាចម្រៀងមានឈ្មោះ បោះសម្លេងទាំងក្នុង និងក្រៅប្រទេស វណ្ណដា បង្ហាញខ្លួនក្នុងស្ប៉តពាណិជ្ជកម្មដែលបាននាំមកនូវពាក្យពេចន៍ដ៏មានអត្ថន័យ ឆ្លុះបញ្ចំងពីការតស៊ូ ជម្នះឧបសគ្គរបស់ លោកក្នុងជីវិតពិតកំពុងទទួលបានចំណាប់អារម្មណ៍យ៉ាងខ្លាំងពីសំណាក់អ្នកគាំទ្រ។

ក្រុមហ៊ុន ភេសជ្ជៈ ប៊ុក សុីង ជាក្រុមហ៊ុនផលិតភេសជ្ជៈប៉ូវកម្លាំងជួយដល់ការបង្គើនថាមពល ជំនួយស្មារតី ដែលស្ថិតនៅក្រោមពាក្យស្លោកមួយគឺ “ ប៊ុក សុីង សម្រាប់ថាមពលអ្នកប្រយុទ្ធក្នុងខ្លួនអ្នក តើអ្នកមានវាឬទ?” ដែលគោលបំណងនាំយកពាក្យស្លោកនេះផ្ទាល់គឺចង់ផ្តោតក៏ដូចជាលើកស្ទួយទៅកាន់កីឡាករ គ្រប់វិស័យកីឡាទាំងអស់ដែលកំពុងតស៊ូប្រយុទ្ធដើម្បីនាំយកមុខមាត់ជូនប្រទេសជាតិ ហើយនេះគឺជាអត្តសញ្ញណសម្គាល់ផ្ទាល់របស់ផលិតផលភេសជ្ជៈប៊ុកសុីងផងដែរ។

កាលពីឆ្នាំ ២០២១ កន្លងទៅក្រុមហ៊ុនភេសជ្ជៈ ប៊ុក សុីង បានសម្រេចចុះកិច្ចសហការ ជាមួយសិល្បករល្បីឈ្មោះលោក វណ្ណដា ធ្វើជាទូតសុច្ឆន្ទៈក្រុមហ៊ុនភេសជ្ជៈប៊ុកសុីង ដោយក្រុមហ៊ុនផ្ទាល់ បានលើកឡើងថា “ គឺចង់បានសិល្បករមានគុណភាពដូចទៅនឹងអត្តសញ្ញាណ របស់ក្រុមហ៊ុន ហើយលោក វណ្ណដា គឺជាសិល្បករស័ក្តិសមបំផុតក្នុងការធ្វើជាទូតសុច្ឆទៈ របស់ក្រុមហ៊ុនផ្ទាល់”។

បន្ទាប់ពីទទួលបាន វណ្ណដា ធ្វើជាទូតសុច្ឆទៈរួចមក ភេសជ្ជៈប៉ូវកម្លាំង ប៊ុក សុីង ក៏ចាប់ផ្តើមបោះជំហាន បង្ហាញខ្លួនលើទីផ្សារ ហើយតឹ្រមតែរយៈពេលខ្លីប៉ុណ្ណោះផលិតផលនេះទទួលបានសន្ទុះការ គាំទ្រយ៉ាងច្រើនពីសំណាក់អតិថិជនក៏ដូចជាទទួលបានការសរសើរយ៉ាងខ្លាំងទៅលើគុណភាពផលិតផលផងដែរ។
គួររំលឹកផងដែរថា ស្ប៉តពាណិជ្ជកម្មមួយនេះ បានបង្កប់នូវអត្ដន័យយ៉ាងជ្រាលជ្រៅ និងផ្ញើសារលើកទឹកចិត្ត ដល់យុវជនកម្ពុជា អោយចេះតស៊ូកុំចុះចាញ់ជាមួយភាពបរាជ័យត្រូវ ពងឹ្រងស្មារតី និងមានភាពក្លាហានជានិច្ចដើម្បីជម្នះឧបសគ្គនៅខាងមុខឆ្ពោះទៅរកគោលដៅ របស់ខ្លួន ៕

The post វណ្ណដា ថតស្ប៉តពាណិជ្ជកម្មលើកទឹកចិត្តអ្នកគាំទ្រ ឱ្យចេះតស៊ូ និងព្យាយាម appeared first on .

ជាផ្លូវការ តារារ៉េបលំដាប់អន្តរជាតិ វណ្ណដា ក្លាយជាទូតសុច្ឆន្ទៈស្រាបៀ ហនុមាន

ឧកញ៉ាសម្រែ — Fri, 04 Feb 2022 09:21:58 +0000

ក្រុមហ៊ុនផលិតស្រាបៀ ហនុមាន បានប្រកាសជាផ្លូវការពីការជ្រើសរើសកំពូលតារាចម្រៀងរ៉េប វណ្ណដា ជាទូតសុច្ឆន្ទៈលើផលិតផលស្រាបៀរយីហោថ្មី ដែលកំពុងវាយលុកទីផ្សារក្នុងស្រុកមួយនេះ។

តាមសេចក្តីជូនដំណឹងនៅលើផេករបស់ក្រុមហ៊ុនផុសប៉ុន្មានម៉ោងមុននេះបានបញ្ជាក់ថា ក្រុមហ៊ុនមានមោទនភាពក្នុងការប្រកាសសិល្បករ Vann Da – វណ្ណដា ដែលពោរពេញដោយទេពកោសល្យ និងកំពុងតែពេញនិយមជាខ្លាំង ខាងច្រៀង និងនិពន្ធបទភ្លេងរ៉េបនៅកម្ពុជាជាទូតសុច្ឆន្ទៈដំបូងរបស់ក្រុមហ៊ុន ហនុមាន ប៊ែវើរីជីស។

ហនុមានជាក្រុមហ៊ុនផលិតស្រាបៀដែលបានទើបប្រឡូកទីផ្សារថ្មីថ្មោង។ រោងចក្រតម្លៃ ១៦០ លានដុល្លារអាមេរិករបស់ក្រុមហ៊ុន HANUMAN BEVERAGES មានទីតាំងស្ថិតនៅភូមិត្រពាំងវែង ឃុំឆក់ឈើនាង ស្រុកអង្គស្នួល ខេត្តកណ្តាល។

ប្រភពពីក្រុមហ៊ុនមិនបានបញ្ជាក់ពីតម្លៃកុងត្រាជាមួយតារារ៉េបលំដាប់អន្តរជាតិ ឬកិច្ចសន្យាចងភ្ជាប់យ៉ាងណា ទើបតារារូបនេះបានចុះកិច្ចព្រមព្រៀងក្នុងសហការគ្នាលើការងារថ្មីនេះ។

អតិថិជនចាប់ផ្តើមស្គាល់យីហោស្រាបៀ ហនុមាន តាមរយៈរសជាតិថ្មីប្លែក និងក្រោយមានការផ្សព្វផ្សាយយ៉ាងផុលផុសលើបណ្តាញសង្គម។

ក្រៅពីស្រាបៀហនុមាន រោងចក្រស្រាបៀថ្មីមួយទៀតរបស់ក្រុមហ៊ុនវឌ្ឍនៈដែលប្រើទុនវិនិយោគ ១៣៩ លានដុល្លារ មានទីតាំងនៅខណ្ឌច្បារអំពៅ ក៏បានចាប់ផ្តើមខ្សែចង្វាក់ផលិតកម្មនៅឆ្នាំ ២០២១ ជាមួយសមត្ថភាពផលិតរហូតដល់ ៧៦ លានកេស ក្នុងមួយឆ្នាំ។

ឧស្សាហកម្មផលិតស្រាបៀរនៅកម្ពុជា ត្រូវបានគេមើលឃើញថា មានការរីកចម្រើនខ្លាំង និងបានចូលរួមចំណែកមួយភាគធំក្នុងចំណូលថវិកាជាតិតាមរយៈការបង់ពន្ធ។

បើតាមប្រភពពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅកម្ពុជាបច្ចុប្បន្នមានក្រុមហ៊ុនផលិតស្រាបៀរ និងភេសជ្ជៈដែលបានចុះបញ្ជីចំនួន ១០ កំពុងដំណើរការក្នុងនោះរួមមាន ក្រុមហ៊ុន Ana Water and Smiler Beverage Co.,Ltd ក្រុមហ៊ុន Asian Sunrise Co.,Ltd ក្រុមហ៊ុន Cambodia Brewery Ltd (CBL) ក្រុមហ៊ុន Cambrew Ltd ក្រុមហ៊ុន Daun Penh Food & Beverage Co., Ltd ក្រុមហ៊ុន Khmer Beverage Co.,Ltd ក្រុមហ៊ុន Far East Import Export Co.,Ltd ក្រុមហ៊ុន Kingdom Breweries (Cambodia) Limited ក្រុមហ៊ុន Media G.B Enterprise Co.,Ltd និងក្រុមហ៊ុន Phnom Penh Beer Co., Ltd៕

The post ជាផ្លូវការ តារារ៉េបលំដាប់អន្តរជាតិ វណ្ណដា ក្លាយជាទូតសុច្ឆន្ទៈស្រាបៀ ហនុមាន appeared first on .

វណ្ណដាចេញបទថ្មីប្លែងជាមួយរសជាតិថ្មីច្នៃបញ្ចូលបទចម្រៀង Rap នឹងបទភ្លេងចាប៉ីដងវែង លោកតា គង់ ណៃ ឡើងអេម!

ឧកញ៉ាកោះក្របី — Mon, 29 Mar 2021 10:02:49 +0000

បទចម្រៀងថ្មីរបស់តារារ៉េប វណ្ណដា ជាមួយលោកព្រឹទ្ធាចារ្យ គង់ ណៃ គ្រាន់តែបង្ហោះចេញជាផ្លូវការភ្លាមទទួលការចាប់អារម្មណ៍និងមានការគាំទ្រយ៉ាងខ្លាំងត្រឹមរយៈពេលមួយថ្ងៃចំនួនអ្នកទស្សនាជាង ៨សែនដង។ បទ Time to Ries ប្លែងជាមួយរសជាតិថ្មីច្នៃបញ្ចូលបទចម្រៀង Rap ជាមួយនឹងបទភ្លេងចាប៉ីដងវែងរបស់ព្រឹទ្ធាចារ្យ គង់ ណៃ បានសហការគ្នាយ៉ាងល្អ។

លោក វណ្ណដា បានថ្លែងថា “ខ្ញុំពិតជាមានកិតិ្ដយសណាស់ដែល លោកគ្រូព្រឹទ្ធាចារ្យ គង់ ណៃ មានវត្តមានក្នុងបទចម្រៀងមួយនេះ ដែលគាត់គឺជានិមិត្តរូបម្នាក់ដែលមនុស្សជាច្រើនគោរពស្ងើចសរសើរ លើទេព្យកោសល្យតន្ត្រីចាប៉ីរបស់គាត់”។

បទចម្រៀងថ្មី Mix ជាមួយនឹងភ្លេងចាប៉ីដងវែងច្រៀង Featuring រវាង វណ្ណដា និងព្រឹទ្ធាចារ្យ គង់ ណៃស្ដាប់ហើយពិរោះ បូករួមទាំងអត្ថន័យនិងអត្ថរសប្លែក។ មួយបទនេះពិតត្រូវចិត្តយុវវ័យជាក់ជាមិនខាន ដែលវណ្ណដា និងលោកតា គង់ ណៃ បានបង្ហាញស្នាដៃរួមគ្នាដោយបញ្ចូលសិល្បៈបុរាណលាយសម័យ ជាហេតុធ្វើឱ្យមហាជនមានការកោតសរសើរនិងពេញចិត្តនូវស្នាដៃនេះគ្រប់ៗគ្នា។

វណ្ណដា ក៏សូមថ្លែងអំណរគុណជាពិសេសទៅកាន់ក្រសួង វប្បធម៌ និងវិចិត្រសិល្បៈ ក៏ដូចជាសារមន្ទីរជាតិ ដែលបានអនុញ្ញាតឲ្យពួកយើងមានឱកាសបានផលិតវីដេអូចម្រៀងមួយនេះ។

ក្នុងបទចម្រៀងថ្មីនេះ មិនត្រឹមតែភ្លេងបុរាណលាយជាមួយសម័យប៉ុណ្ណោះទេ ថែមទាំងរំលេចឈ្មោះសិល្បកររៀមច្បងដែលមានឈ្មោះបោះសំឡេងលើវិថីចម្រៀងជាច្រើនរូបផងដែរ រួមមាន៖ អធិរាជសំឡេងមាស លោកតា ស៊ិន ស៊ីសាមុត រស់សេរីសុទ្ធា ប៉ែន រ៉ន និងអ្នកចម្រៀងកំប្លែងថ្លុកមុខស្រស់ មាស សាម៉នជាដើម៕

The post វណ្ណដាចេញបទថ្មីប្លែងជាមួយរសជាតិថ្មីច្នៃបញ្ចូលបទចម្រៀង Rap នឹងបទភ្លេងចាប៉ីដងវែង លោកតា គង់ ណៃ ឡើងអេម! appeared first on .

វណ្ណដា

វណ្ណដា ថតស្ប៉តពាណិជ្ជកម្មលើកទឹកចិត្តអ្នកគាំទ្រ ឱ្យចេះតស៊ូ និងព្យាយាម

ជាផ្លូវការ តារារ៉េប​លំដាប់អន្តរជាតិ វណ្ណដា ក្លាយជា​ទូត​សុច្ឆន្ទៈ​ស្រាបៀ ហនុមាន

ជាផ្លូវការ តារារ៉េបលំដាប់អន្តរជាតិ វណ្ណដា ក្លាយជាទូតសុច្ឆន្ទៈស្រាបៀ ហនុមាន