បើតាមការចុះផ្សាយដោយ CNA បានបង្ហាញឱ្យដឹងទៀតថា សម្លៀកបំពាក់ គឺជាទំនិញឧស្សាហកម្មនាំចេញដ៏ធំបំផុតរបស់ស្រីលង្កា ដោយកាលពីឆ្នាំ ២០២២ កន្លងទៅ ទំនិញនេះបានផ្តល់ប្រាក់ចំណូលដល់រដ្ឋ បានចំនួន ៥,៩៥ពាន់លានដុល្លារ ។

ប៉ុន្តែទោះជាយ៉ាងណាក៏ដោយ ទិន្នន័យពីធនាគារកណ្តាលរបស់ស្រីលង្កា បានបង្ហាញថា លទ្ធផលសម្រាប់ត្រីមាសទី ១ របស់ឧស្សាកម្ម នៅឆ្នាំ ២០២៣ ហាក់បានជួបប្រទះនឹងផលវិបាកយ៉ាងខ្លាំង ជាមួយនឹងការនាំចេញវាយនភណ្ឌ និងសម្លៀកបំពាក់ បានធ្លាក់ចុះ ១៣,៨% មកនៅត្រឹមចំនួន ១,៣ពាន់លានដុល្លារប៉ុណ្ណោះ ។

មិនតែប៉ុណ្ណោះ លោក Yohan Lawrence អគ្គលេខាធិការនៃវេទិកាសមាគមកាត់ដេររួម (JAAF) ដែលជាស្ថាប័នកំពូលរបស់ឧស្សាហកម្មប្រភេទនេះ បាននិយាយថា ការនាំចេញក្នុងខែមីនា បានធ្លាក់ចុះដល់កម្រិតទាបបំផុតមិនធ្លាប់មាន ក្នុងរយៈពេលបីឆ្នាំចុងក្រោយ។

គួរឱ្យដឹងថាការនាំចេញសម្លៀកបំពាក់របស់ស្រីលង្កា ទៅកាន់សហរដ្ឋអាមេរិក ដែលជាអ្នកទិញចូលដ៏ធំបំផុត បានធ្លាក់ចុះ ២២% មកនៅត្រឹមចំនួន ៤៧០លានដុល្លារប៉ុណ្ណោះ គិតនៅក្នុងត្រីមាសទី១ ឆ្នាំនេះ ។

លើសពីនេះ សម្រាប់ការនាំចេញទៅកាន់សហភាពអឺរ៉ុបវិញ បានធ្លាក់ចុះ ១៣% មកនៅត្រឹម ៣៤៤លានដុល្លារ ខណៈការនាំចេញនៅត្រីមាសទី១ ទៅកាន់ចក្រភពអង់គ្លេស បានធ្លាក់ចុះ ១០% មកនៅត្រឹម ១៦៧,៧លានដុល្លារ។ នេះបើយោងតាមទិន្នន័យចុងក្រោយរបស់ JAAF ៕

The post ការនាំចេញសម្លៀកបំពាក់របស់ស្រីលង្កា អាចនឹងធ្លាក់ចុះដល់ ១ពាន់លានដុល្លារ នៅឆ្នាំនេះ appeared first on .

ក្នុងចំណោមកក្រុមហ៊ុនផលិតធំៗរបស់ពិភពលោក សម្រាប់ម៉ាកយីហោល្បីៗដូចជា Nike , Zara និង H&M ថ្មីៗនេះ ប្រទេសវៀតណាម បានលុបចោលជុំវិញច្បាប់ទប់ស្កាត់ជំងឺកូវីដ ១៩ មួយចំនួនធំ ដែលកាលពីឆ្នាំមុន បានបង្អាក់ទៅដល់ផលិតកម្ម និងរំខានដល់ខ្សែសង្វាក់ផ្គត់ផ្គង់ជាសកល ។

ដោយឡែក បើតាមអនុប្រធាសមាគមវាយនភណ្ឌ និងកាត់ដេរវៀតណាម លោក Troung Van Cam បាននិយាយនៅក្នុងបទសម្ភាសមួយ នៅសប្តាហ៍នេះថា “ជំងឺរាតត្បាត នឹងជះឥទ្ធិពលតិចតួច ទៅលើឧស្សាហកម្មកាត់ដេរ និងវាយនភណ្ឌរបស់វៀតណាម នៅឆ្នាំនេះ ដោយសារតែអត្រានៃការចាក់វ៉ាក់សាំង មានចំនួនខ្ពស់ ” ។

គួរឱ្យដឹងផងដែរថា ការឆ្លងថ្មីនៃជំងឺកូវីដ ១៩ ប្រចាំថ្ងៃនៅវៀតណាម បានឈានដល់កម្រិតខ្ពស់បំផុត កាលពីថ្ងៃអង្គារ ប៉ុន្តែយ៉ាងណា អាជីវកម្ម និងអ្នកជំនាញជាច្រើន បាននិយាយថា ហានិភ័យនៃការបិទខ្ទប់ប្រទេសឡើងវិញដូចកាលពីឆ្នាំមុន គឺមានភាគរយតិចជាងក្នុងពេលឥឡូវ ព្រោះថាកម្មកររោងចក្ររាប់លាននាក់បានចាក់វ៉ាក់សាំង ហើយជាមួយនឹងវីរុសបម្លែងខ្លួនថ្មីអូមីក្រុង គឺមិនសូវធ្ងន់ធ្ងរនោះឡើយ ៕

ប្រភព: CNA

The post វៀតណាម រំពឹងខ្ពស់ការនាំចេញសម្លៀកបំពាក់របស់ខ្លួន នឹងកើនឡើងដល់ជាង ៤៣ ពាន់លានដុល្លារនៅឆ្នាំនេះ appeared first on .