ជំនួបពិភាក្សាការងារនេះ ធ្វើឡើងក្នុងគោលបំណង នាំយកនូវអ្នកវិនិយោគដែលមកពីបណ្ដាក្រុមហ៊ុនធំៗ នៅ ប្រទេសជប៉ុន មកស្វែងយល់ពីបរិយាកាសនិងស្ថានភាពនៃការអភិវឌ្ឍក្នុងប្រទេសកម្ពុជា ដើម្បីស្វែងរកឱកាស វិនិយោគ ជាពិសេសនៅក្នុងគម្រោងទីក្រុងរណប អ៊ឹង ស៊ីធី (ING City) ដែលជាតំបន់អភិវឌ្ឍន៍មានសក្ដានុពល ជាងគេនៅភាគខាងត្បូងរាជធានីភ្នំពេញ និងមានគម្រោងអភិវឌ្ឍន៍ធំជាច្រើន ពិសេសផ្សារទំនើបខ្នាតយក្ស របស់ជប៉ុន អ៊ីអន មានជ័យ។

ក្រោយពីជំនួបស្វែងយល់ពីឱកាសវិនិយោគនៅកម្ពុជាហើយ ប្រតិភូវិនិយោគិនទាំងអស់ បានអញ្ជើញទស្សនកិច្ច ផ្ទាល់នៅទីក្រុងរណប ING City និងបានលើកឡើងថាគម្រោងទីក្រុងរណប ING City ជាគម្រោងអភិវឌ្ឍន៍ ទីក្រុងធំ ដែលមិនធ្លាប់មាននៅប្រទេសកម្ពុជា ដោយគោរពតាមគោលការណ៍បរិស្ថាន រួមបញ្ចូលនៃការអភិវឌ្ឍ បែប បៃតង និងជាទីក្រុងឆ្លាតវៃ។

សូមជម្រាបជូនផងដែរថា ក្រុមហ៊ុន អាយអិនជី ហូលឌីង គ្រុប (I.N.G Holding Group) ជាក្រុមហ៊ុនអភិវឌ្ឍន៍ អចលនទ្រព្យដ៏ធំមួយនៅកម្ពុជា ដែលបង្កើតឡើងដោយអ្នកឧកញ៉ា ឧកញ៉ា ចំនួន៣រូប រួមមានអ្នកឧកញ៉ា អ៊ឹង ប៊ុនហូវ, អ្នកឧកញ៉ា លឹម រស់ និងឧកញ៉ា លឹម ប៊ុនសួរ។ ក្រុមហ៊ុននេះ ផ្តោតសំខាន់លើគម្រោងអភិវឌ្ឍន៍ធំៗ លើទីតាំង៤ សំខាន់ៗគឺ ភាគខាងត្បូងរាជធានីភ្នំពេញ ភាគខាងកើតរាជធានីភ្នំពេញ ខេត្តសៀមរាប និងខេត្ត ព្រះសីហនុ នៅលើផ្ទៃដីប្រមាណ ២៥៧២ ហិកតា៕

អត្ថបទ៖ សុកធា

The post អ្នកឧកញ៉ា អ៊ឹង ប៊ុនហ៊ូវ ជួបពិភាក្សាការងារជាមួយអ្នកវិនិយោគិនជប៉ុនជាង១០ក្រុមហ៊ុនក្នុងវិស័យសំណង់ និងអចលនទ្រព្យ appeared first on .

ក្នុងជំនួបនោះ លោក ហេង សួរ លើកឡើងថា ប្រទេសជប៉ុនបានចូលរួមចំណែកយ៉ាងសំខាន់ក្នុងការនាំមកសន្តិភាពនៅកម្ពុជា។ហើយរាជរដ្ឋាភិបាលប្រទេសទាំងពីរ បានបង្កើនកិច្ចសហប្រតិបត្តិការដល់កម្រិតដៃគូជាយុទ្ធសាស្ត្រគ្រប់ជ្រុងជ្រោយ។មួយវិញទៀត លំហូរពាណិជ្ជករជប៉ុនបានចូលមកវិនិយោគកាន់តែច្រើនលើគ្រប់វិស័យ ហើយក៏បានផ្តល់ឱកាសការងារជូនប្រជាពលរដ្ឋបានយ៉ាងច្រើន ដែលនេះជាការបង្ហាញពីសក្តានុពល និងភាពទាក់ទាញរបស់កម្ពុជា។ លោក យល់ឃើញថា វត្តមានរបស់អ្នកវិនិយោគជប៉ុនយ៉ាងច្រើនបែបនេះ ជាការជម្រុញទាក់ទាញអ្នកវិនិយោគប្រទេសដទៃមកកាន់កម្ពុជាកាន់តែច្រើនបន្ថែមទៀតផងដែរ។

ឆ្លៀតក្នុងឱកាសនោះ រដ្ឋមន្រ្តីក្រសួងការងារ បានស្នើដល់ភាគីជប៉ុន ជួយទាក់ទាញសហគ្រាសធុនតូច និងមធ្យម(SMEs) ពីប្រទេសជប៉ុន ដើម្បីចូលមកវិនិយោគនៅក្នុងប្រទេសកម្ពុជាឱ្យបានកាន់តែច្រើន។ដែលការណ៍នេះ បានបង្កើតឱកាសការងារសម្រាប់ប្រជាពលរដ្ឋក្នុងស្រុក និងបង្កើនទំនាក់ទំនងកិច្ចសហប្រតិបត្តិការជាមួយក្រុមហ៊ុនជប៉ុនក្នុងការជំរុញការអភិវឌ្ឍនៃប្រទេសកម្ពុជា។

លើសពីនោះ លោក ក៏បានស្នើដល់ខាងភាគីជប៉ុនសហការលើការបណ្តុះបណ្តាលធនធានមនុស្សរបស់កម្ពុជា ដើម្បីឆ្លើយតបនឹងតម្រូវការទីផ្សាការងារ និងឱកាសការងារ ដែលស្របទៅនឹងយុទ្ធសាស្រ្ដបញ្ចកោណរបស់រាជរដ្ឋាភិបាលអាណត្តិថ្មី ពិសេសគឺការផ្ដល់ការបណ្ដុះបណ្ដាលវិជ្ជាជីវៈដល់យុវជន១លាន៥សែននាក់មកពីក្រុមគ្រួសារក្រីក្រ និងងាយរងគ្រោះ តាមរយៈការបន្តគាំទ្រស្ថាប័ន TVET ដែលកំពុងសហការស្រាប់ជាមួយភាគីជប៉ុន។

ជាការឆ្លើយតប លោកTakahashi Fumiaki បានទទួលយកសំណូមពរ និងបានបញ្ជាក់ថា រថយន្តដែលផលិតនៅប្រទេសជប៉ុនបានចរាចរណ៍នៅកម្ពុជាមានចំនួនកាន់តែច្រើន ដែលជាឱកាសមួយសម្រាប់ឱ្យខាងជប៉ុនផ្តល់ការបណ្តុះបណ្តាលលើជំនាញថែទាំ និងជួសជុលរថយន្តទាំងនោះ ទៅដល់យុវជនកម្ពុជាឱ្យកាន់តែមានសមត្ថភាព។ជាមួយគ្នានេះដែរ ភាគីជប៉ុនក៏ចង់ផ្តល់ការបណ្តុះបណ្តាលជំនាញកែសម្ជស្ស ដែលជាជំនាញមួយកំពុងតែពេញនិយម និងអាចផ្តល់ចំណូលបានប្រសើរផងដែរ។

បន្ថែមពីនោះ សមាគមជប៉ុន-កម្ពុជា (JCA) បានសន្យាថានឹងទាក់ទាញអ្នកវិនិយោគ និងសហគ្រាសធុនតូចនិងមធ្យម (SMEs) ពីប្រទេសជប៉ុនចូលមកធ្វើការវិនិយោគនៅកម្ពុជាឱ្យបានច្រើនបន្ថែមទៀត ដើម្បីរួមចំណែកក្នុងការអភិវឌ្ឍសេដ្ឋកិច្ច និងធនធានមនុស្សនៅកម្ពុជាឱ្យកាន់តែមានសមត្ថភាព ដើម្បីដើរឱ្យទាន់តម្រូវការសង្គម សេដ្ឋកិច្ចដែលកំពុងមានការរីកចម្រើននាពេលបច្ចុប្បន្ន និងអនាគតផងដែរ៕

The post លោក ហេង សួរ ស្នើសមាគមជប៉ុន-កម្ពុជា ជួយទាក់ទាញសហគ្រាសធុនតូច និងមធ្យម(SMEs)មកវិនិយោគនៅកម្ពុជាឱ្យកាន់តែច្រើន appeared first on .

ក្នុងជំនួបនោះ នាយករដ្ឋមន្ត្រីជប៉ុន ក៏បានថ្លែងអំណរគុណដល់រាជរដ្ឋាភិបាលកម្ពុជាដែលកន្លងទៅទទួលនាវាជប៉ុនក្នុងការចូលចតនៅកំពង់ផែ ខេត្តព្រះសីហនុ។

ជាមួយគ្នានេះ លោក គីស៊ីដា ហ្វូមីអូ ក៏បានលើកឡើងអំពីការងារដែលធ្វើបន្តដើម្បីពង្រឹងកិច្ចសហប្រតិបត្តិការលើវិស័យសេដ្ឋកិច្ច ជាពិសេសជប៉ុន នឹងបង្កើតរោងចក្រក្រុមហ៊ុន Toyota នៅប្រទេសកម្ពុជា និងស្នើស៉ំការគាំទ្រក្រុមហ៊ុនរបស់ជប៉ុនប្រតិបត្តិការធុរកិច្ចនៅកម្ពុជា។

ទំហំពាណិជ្ជកម្មទ្វេភាគីរវាងកម្ពុជា-ជប៉ុន ឈានដល់តម្លៃទឹកប្រាក់សរុប ១,១៣ពាន់លានដុល្លារ នៅក្នុងរយៈពេល ៧ខែឆ្នាំ ២០២២ បានកើនឡើង ១៦,២ភាគរយ ពីចំនួនទឹកប្រាក់ ៩៧៩លានដុល្លារ បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា។

គិតត្រឹមដំណាច់ខែមករា ឆ្នាំ២០២២ ក្រុមប្រឹក្សាអភិវឌ្ឍន៍កម្ពុជា (CDC) បានចុះបញ្ជីគម្រោងវិនិយោគរបស់ក្រុមហ៊ុនជប៉ុនចំនួន ១៤៧គម្រោង ក្នុងតម្លៃទុនវិនិយោគសរុបប្រមាណ ២,៩ពាន់លានដុល្លារ៕

The post ចំពោះមុខសម្តេចហ៊ុនសែន លោក ស៊ីដាហ្វូមីអូ បញ្ជាក់ថា ក្រុមហ៊ុនជប៉ុន នឹងបន្តបោះទុនវិនិយោគបន្ថែមទៀត appeared first on .

ការដែលឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក គូសបញ្ជាក់យ៉ាងដូច្នេះធ្វើឡើងក្នុងពិធីទទួលរថយន្តពន្លត់អគ្គិភ័យចំនួន៣គ្រឿង ពីស្ថានកុងស៊ុលកិត្តិយសកម្ពុជាប្រចាំតំបន់សេនដៃ នៃប្រទេសជប៉ុន សម្រាប់បំពេញតម្រូវការរបស់កងទ័ពជើងគោក នៅថ្ងៃទី១៣ ខែកញ្ញា ឆ្នាំ២០២២។

នៅក្នុងឱកាសនោះ ឧត្តមសេនីយ៍ឯក ហ៊ុន ម៉ាណែត ក៏ប្រកាសស្វាគមន៍ចំពោះវិនិយោគិនជប៉ុន ដែលបានជ្រើសរើសយកប្រទេសកម្ពុជាជាគោលដៅធ្វើធុរកិច្ច ហើយលោកសង្ឃឹមថា បន្តទៅមុខនឹងមកកាន់តែច្រើនឡើងបន្ថែមទៀត ជាពិសេសការវិនិយោគផ្នែកឧស្សាហកម្ម និងបច្ចេកវិទ្យា ដើម្បីជួយជំរុញដល់ការអភិវឌ្ឍសេដ្ឋកិច្ចកម្ពុជាក្នុងរបត់សាកលភាវូបនីយកម្ម ស្របតាមគោលនយោបាយអាទិភាពរបស់រាជរដ្ឋាភិបាលកម្ពុជា ដែលកំពុងផ្តោតលើការអភិវឌ្ឍវិស័យ ឧស្សាហកម្ម និងបច្ចេកវិទ្យា។

ឧត្តមសេនីយ៍ឯក គូសបញ្ជាក់បន្ថែមថា ក្រៅពីការបង្កើតការងារ និងការផ្ទេរបច្ចេកវិទ្យា,ក្រុមហ៊ុន-សហគ្រាសជប៉ុន ក៏បាននាំមកនូវស្តង់ដារការងារ ដែលមានការយកចិត្តទុកដាក់ខ្ពស់លើសុខុមាលភាពរបស់កម្មករ-និយោជិត។

របាយការណ៍អគ្គនាយកដ្ឋានគយ និងរដ្ឋាករកម្ពុជា បានបង្ហាញថា ទំហំពាណិជ្ជកម្មទ្វេភាគីរវាងកម្ពុជានិងជប៉ុន សម្រេចបានក្នុងរង្វង់ទឹកប្រាក់ជាង ៧៧៨លានដុល្លារ នៅក្នុងរយៈពេល៥ខែ ឆ្នាំ២០២២នេះ។ ទំហំនេះ បានកើនឡើងក្នុងអត្រា ១២,៣ ភាគរយ បើធៀបនឹងរយៈពេលដូចគ្នាក្នុងឆ្នាំ២០២១ ដែលមានទឹកប្រាក់ប្រមាណ ៦៩៣លានដុល្លារ។

បើតាមស្ថិតិរបស់ ក្រុមប្រឹក្សាអភិវឌ្ឍន៍កម្ពុជា CDC ភាគហ៊ុននៃការវិនិយោគផ្ទាល់ពីបរទេសដែលហូរចូលប្រទេសកម្ពុជាពីឆ្នាំ ១៩៩៤- ២០២១ មានចំនួន ៥៤៥ពាន់លានដុល្លារ។ ក្នុងនោះជប៉ុនបានឈរនៅលំដាប់លេខ៥ ស្មើនឹង ៥,២ភាគរយនៃការវិនិយោគផ្ទាល់ពីបរទេស។

គួររំលឹកបន្តិចថា កន្លងទៅថ្មីៗនេះ កម្ពុជាបានដាក់សម្ពោធនូវមជ្ឈមណ្ឌលពាណិជ្ជកម្មឯកជនកម្ពុជា(Cambodia Private Commercial Center) មួយកន្លែងនៅប្រទេសជប៉ុន ដើម្បីពង្រីកទីផ្សារ នាំចេញនូវផលិតកម្ពុជា ហើយដើម្បីទាក់ទាញវិនិយោគគិនជប៉ុន ៕

The post ឧត្តមសេនីយ៍ឯក ហ៊ុន ម៉ាណែត៖ ការសម្រេចចិត្តរបស់វិនិយោគិនជប៉ុន ជាការពិចារណាគ្រប់ជ្រុងជ្រោយ appeared first on .

ការស្នើរដ្ឋមន្រ្តីក្រសួងរ៉ែនិងថាមពល ដូចនេះបានធ្វើឡើងនៅក្នុង ជំនួប​​សម្ដែង​ការគួរសម និងពិភាក្សាការងារជាមួយ គណៈប្រតិភូវិនិយោគិនជប៉ុន ដែលដឹកនាំដោយ លោក Fumaiki TAKAHASHI ប្រធានសមាគមជប៉ុន​កម្ពុជា​ និងជាអតីតឯកអគ្គរាជ​ទូតជប៉ុន​ប្រចាំ​ព្រះរាជាណាចក្រកម្ពុជា កាលពីថ្ងៃ​២៥ ខែមេសា ឆ្នាំ២០២២ ។

លោក ស៊ុយ សែម បានថ្លែងអំណរគុណដល់រដ្ឋាភិបាលជប៉ុន ដែលតែងតែគិតគូរ​ និងជួយ​ដល់ការអភិវឌ្ឍវិស័យក្រសួង ក្នុងនោះរួមមាន ការសិក្សាស្រាវជ្រាវសក្តានុពលរ៉ែ ការផ្តល់​ជំនួយហិរញ្ញវត្ថុក្នុងការសាងសង់រោងចក្រថាមពលអគ្គិសនី ការសាងសង់ខ្សែបណ្តាញបញ្ជូន គ្រឿងបរិក្ខាអគ្គិសនីជាដើម។

ក្រោយជំនួបសម្ដែងការគួរសម និងពិភាក្សាការងារ ភាគីជប៉ុន បានស្វែងយល់អំពីតួនាទីភារកិច្ច និងការគ្រប់គ្រងវិស័យរ៉ែ ថាមពល និងប្រេងកាត។ ហើយវិនិយោគិនជប៉ុន ក៏បង្ហាញចំណាប់​អារម្មណ៍អំពីការវឌ្ឍននៃវិស័យថាមពលនៅកម្ពុជា ជាពិសេសគឺការបង្កើនល្បឿនអន្តរកាល​ថាមពល ដែលជាការអភិវឌ្ឍថាមពលស្អាត ថាមពលដើរដោយពន្លឺព្រះអាទិត្យ អាចសន្សំសំចៃ​ថាមពលបានខ្ពស់ និងមានអព្យាក្រឹត្យកាបូន។

គួរបញ្ជាក់ថា ​ កាលពីដើមខែមេសា ឆ្នាំ២០២២ ក្រសួងរ៉ែ ​និងថាមពល ​បាន​អះអាងថា​ បច្ចុប្បន្ន​មានក្រុមហ៊ុន​មក​ពីបណ្តា​ប្រទេស​ចំនួន៥​ កំពុង​ចាប់អារម្មណ៍ ​និងសម្លឹង​មើល​អំពីលទ្ធភាព​ជីករុក​រក​ប្រេង ​និង​ឧស្ម័ន​នៅកម្ពុជាក្រោយក្រុមហ៊ុនបូមប្រេងរបស់សឹង្ហបុរីKrisEnergy បានប្រកាសក្ស័យធន់កាលពីដើមខែមិថុនា ឆ្នាំ២០២១ ។ ​ក្រសួងរ៉ែ ​និងថាមពល ចាត់ទុកថា វត្តមាន​នៃក្រុមហ៊ុន​ទាំង​អស់​​នេះ ​ជាក្តីសង្ឃឹម​ថ្មី​របស់កម្ពុជា​ក្នុង​ការបន្ត​ប្រតិបត្តិការ​បូមប្រេង​ឡើងវិញ ៕

The post រដ្ឋមន្រ្តីក្រសួងរ៉ែនិងថាមពល ស្នើឲ្យវិនិយោគិនជប៉ុន ​មក​វិនិយោគក្នុងឧស្សាហកម្មរ៉ែ និងប្រេងកាតនៅកម្ពុជា appeared first on .