ក្រុមហ៊ុនចំនួន២ មានផែនការនិយោគលើវិស័យកសិ-ឧស្សាហកម្មនៅក្នុងប្រទេសកម្ពុជា

រ៉េត សុកធា — Mon, 25 May 2026 08:00:09 +0000

ក្រុមហ៊ុនចំនួន២ បានបង្ហាញពីចក្ខុវិស័យ និងមានផែនការយុទ្ធសាស្ត្រក្នុងការវិនិយោគលើវិស័យកសិ-ឧស្សាហកម្មនៅកម្ពុជា ខណៈបច្ចុប្បន្នក្រុមហ៊ុនទាំងពីរនេះ បានមកជួបពិភាក្សាជាមួយក្រសួងពាណិជ្ជកម្មអំពីរឿងនេះរួចរាល់ហើយ។

នេះបើយោងតាមជំនួបពិភាក្សារវាងលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម ជាមួយគណៈប្រតិភូក្រុមហ៊ុន Guansheng Group, Mainland Group ដែលជាក្រុមហ៊ុនមេរបស់ក្រុមហ៊ុន KIMS Rubber (Cambodia) Co., Ltd និង Zhisheng Energy ព្រមទាំងសហការី ថ្ងៃទី២៥ ខែឧសភា ឆ្នាំ២០២៦ ។

ក្នុងឱកាសនោះ តំណាងក្រុមហ៊ុនទាំងពីរបានជម្រាបជូន លោកស្រីរដ្ឋមន្ត្រី អំពីចក្ខុវិស័យវែងឆ្ងាយ និងផែនការយុទ្ធសាស្ត្រក្នុងការវិនិយោគលើវិស័យកសិ-ឧស្សាហកម្ម ជាពិសេសការផ្តោតលើការកែច្នៃកសិផលសក្តានុពលរបស់កម្ពុជា រួមមាន៖ គ្រាប់ស្វាយចន្ទី និងដំឡូងមីជាដើម ដើម្បីនាំចេញទៅកាន់ទីផ្សារអន្តរជាតិ។

ជាកិច្ចឆ្លើយតប លោកស្រីរដ្ឋមន្ត្រី បានគូសបញ្ជាក់ពីកិច្ចខិតខំរបស់រាជរដ្ឋាភិបាល ក្នុងការធ្វើឱ្យកាន់តែប្រសើរឡើងនូវបរិយាកាសធុរកិច្ច និងការវិនិយោគ ប្រកបដោយសក្កដានុពល និងមានភាពប្រកួតប្រជែងខ្ពស់ ព្រមទាំងបានសង្កត់ធ្ងន់ពីតួនាទីដ៏សំខាន់មិនអាចខ្វះបានរបស់វិស័យឯកជន ដែលជាក្បាលម៉ាស៊ីនរុញច្រានកំណើនសេដ្ឋកិច្ច និងចូលរួមចំណែកយ៉ាងសកម្មក្នុងការអភិវឌ្ឍសេដ្ឋកិច្ច-សង្គមជាតិ។

សូមជម្រាបដែរថា តាមរយៈជំនួបខាងលើ ក្រសួងពណិជ្ជកម្ម ក៏បានសម្តែងនូវការអបអរសាទរ និងថ្លែងអំណរគុណចំពោះក្រុមហ៊ុន Mainland Group (ដែលជាក្រុមហ៊ុនមេនៃក្រុមហ៊ុន KIMS Rubber Cambodia Co., Ltd) ចំពោះការសម្រេចចិត្តជាយុទ្ធសាស្ត្រក្នុងការបោះទុនវិនិយោគបង្កើតរោងចក្រផលិត និងកែច្នៃនៅកម្ពុជា ដែលនេះជាសក្ខីភាពមួយស្តែងឱ្យឃើញពីទំនុកចិត្តខ្ពស់របស់វិនិយោគិនបរទេសមកលើស្ថិរភាពនយោបាយ និងសេដ្ឋកិច្ចរបស់កម្ពុជា៕ អត្ថបទ៖ហ្សាលីន

The post ក្រុមហ៊ុនចំនួន២ មានផែនការនិយោគលើវិស័យកសិ-ឧស្សាហកម្មនៅក្នុងប្រទេសកម្ពុជា appeared first on .

ពាណិជ្ជករចិន ស្វែងរកការវិនិយោគវិស័យកសិ-ឧស្សាហកម្ម នៅកម្ពុជា

Kem sinath — Tue, 08 Aug 2023 12:30:00 +0000

នៅថ្ងៃទី០៨ ខែសីហានេះ ពាណិជ្ជករចិន នៃក្រុមហ៊ុន Danong Development បានជួបពិភ្សាការងារជាមួយលោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ពីការងារវិនិយោគលើវិស័យកសិ-ឧស្សាហកម្ម នៅកម្ពុជា លើការជម្រុញបង្កើតកសិដ្ឋានបណ្តុះគ្រាប់ពូជ ការដាំស្មៅចំណីសត្វ ការចិញ្ចឹមសត្វគោ និងជ្រូក ការសាងសង់ឃ្លាំងស្តុកចំណី និងកំពង់ផែដឹកជញ្ជូន សម្រាប់ការនាំចេញទៅប្រទេសចិន ព្រមទាំងហេដ្ឋារចនាសម្ព័ន្ធនានា។

ក្នុងឱកាសនោះ លោក ឌិត ទីណា បានណែនាំដល់ពាណិជ្ជករចិន ត្រូវសិក្សាអំពីសក្តានុពលនៃវិស័យកសិ-ឧស្សាហកម្មកម្ពុជា ខ្សែច្រវាក់នៃការផ្គត់ផ្គង់ និងខ្សែច្រវាក់តម្លៃឱ្យបានច្បាស់លាស់ ដើម្បីជម្រុញទីផ្សារ តម្រង់ទិសការវិនិយោគឱ្យត្រូវទិសដៅ មានប្រសិទ្ធភាព និងនិរន្តភាព។

លើសពីនោះ ភាគីចិនត្រូវបន្តធ្វើការជាមួយអង្គភាពជំនាញរបស់ក្រសួង សហការធ្វើការឱ្យល្អិតល្អន់ជាមួយគ្នា ហើយសំខាន់ជាងនេះទៀត ត្រូវបង្កើនទំនុកចិត្តជាមុនសិនផងដែរ៕

The post ពាណិជ្ជករចិន ស្វែងរកការវិនិយោគវិស័យកសិ-ឧស្សាហកម្ម នៅកម្ពុជា appeared first on .