លោក ប៉េង ពោធិ៍នា ស្នើដូច្នេះ នៅក្នុងឱកាសចូលរួមកិច្ចប្រជុំក្រុមប្រឹក្សារដ្ឋមន្ត្រីដឹកជញ្ជូនលើកទី១៦ ក្នុងកិច្ចប្រជុំកំពូលឆ្នាំ២០២៤ នៃវេទិកាដឹកជញ្ជូនអន្តរជាតិ (ITF) នៅទីក្រុង ឡែបហ្សិក ប្រទេសអាល្លឺម៉ង់ កាលថ្ងៃទី២៣ ខែឧសភា ឆ្នាំ២០២៤។

នាឱកាសនោះ រដ្ឋមន្រ្តីដឹកជញ្ជួនកម្ពុជា បានលើកឡើងថា ថ្វីត្បិតតែការបញ្ចេញឧស្ម័នកាបូនិកក្នុងវិស័យដឹកជញ្ជូនរបស់កម្ពុជាមិនទាន់ដល់កម្រិតធ្ងន់ធ្ងរ តែរាជរដ្ឋាភិបាលកម្ពុជាមានការតាំងចិត្តខ្ពស់ ក្នុងការចូលរួមកាត់បន្ថយការបញ្ចេញឧស្ម័នកាបូនិកក្នុងវិស័យដឹកជញ្ជូន។

លោកថា ៖”រដ្ឋាភិបាលបានប្តេជ្ញាចិត្តខ្ពស់លើរឿងនេះ តាមរយៈការដាក់ចេញនូវយុទ្ធសាស្រ្តអភិវឌ្ឍន៍រយៈពេលវែង និងឯកសារផ្សេងៗទៀតដើម្បីសម្រេចគោលដៅអព្យាក្រិត្យកាបូននៅឆ្នាំ២០៥០  តាមរយៈការជំរុញការប្រើប្រាស់យានយន្តអគ្គិសនី សិក្សាគម្រោងដឹកជញ្ជូនសាធារណៈ ដែលនឹងរួមចំណែកក្នុងការកាត់បន្ថយប្រេងឥន្ទនៈ លើកកម្ពស់សុខភាពរស់នៅរបស់ប្រជាពលរដ្ឋ”។

បន្ថែមពីនេះ លោករដ្ឋមន្រ្តី ក៏បានសង្តត់ធ្ងន់ថា ជាមួយនឹងការតាំងចិត្តខ្ពស់ កម្ពុជា ក៏ត្រូវការកិច្ចសហប្រតិបត្តិការជាមួយបណ្តាប្រទេសនានា ពិសេសជាមួយប្រទេសជាសមាជិក ITF ខណៈលោកក៏បានស្នើដល់បណ្តាប្រទេសជាសមាជិក ដៃគូអភិវឌ្ឍន៍ អង្គការអន្តរជាតិ ជួយគាំទ្រដល់កម្ពុជាក្នុងការបំពេញបេសកកម្មដ៏មានសារៈសំខាន់មួយនេះផងដែរ។

គូរបញ្ជាក់ថា កិច្ចប្រជុំក្រុមប្រឹក្សារដ្ឋមន្ត្រីដឹកជញ្ជូន គឺជាកិច្ចប្រជុំដ៏សំខាន់ នៃវេទិកាដឹកជញ្ជូនអន្តរជាតិដែលប្រព្រឹត្តទៅមួយឆ្នាំម្តង ដើម្បីពិនិត្យទៅលើការវិវត្តិនៃវិស័យដឹកជញ្ជូននៅក្នុងសាកលលោក។ កិច្ចប្រជុំឆ្នាំ២០២៤ នេះ បានប្រព្រឹត្តទៅក្រោមប្រធានបទ  ការដឹកជញ្ជូនបៃតង   និងមានរបៀបវារៈ ចំនួន ៥៖ ១. ពិនិត្យវឌ្ឍនភាពការងាររបស់ ITF ដែលបានអនុវត្តនាឆ្នាំកន្លងមក, ២. រៀបចំ និងអនុម័តផែនការសកម្មភាពសម្រាប់អនុវត្តបន្ត, ៣. កំណត់ទិសដៅ និងយុទ្ធសាស្រ្តក្នុងកែលម្អវិស័យដឹកជញ្ជូន និងគំនិតផ្តួចផ្តើមថ្មីៗសំដៅកែលម្អបម្លាស់ទី (Mobility) , ៤.កៀរគរការគាំទ្រពីសំណាក់ដៃគូអភិវឌ្ឍន៍, អង្គការអន្តរជាតិ និងវិស័យឯកជន និង ៥.អនុម័តសមាជិកភាពថ្មី របស់ ITF។

អង្គប្រជុំនេះដែរ ក៏បានផ្តោតការពិភាក្សាលើការរួមចំណែករបស់វិស័យដឹកជញ្ជូនក្នុងការរក្សានិរន្តរភាពបរិសា្ថន និងផលប៉ះពាល់លើអាកាសធាតុ សុខភាព និងភូមិសាស្រ្តនយោបាយ។ ជាការកត់សម្គាល់ ប្រទេសជាសមាជិកទាំងអស់ទទួលស្គាល់ថាសុវត្ថិភាពចរាចរណ៍គីជាប្រធានបទដ៏សំខាន់ ហើយរដ្ឋាភិបាលនៃប្រទេសទាំងអស់កំពុងបន្តរួមគ្នាធ្វើយ៉ាងណាកាត់បន្ថយអត្រាគ្រោះថា្នក់ចរាចរណ៍នៅក្នុងប្រទេសឱ្យបានជាអតិបរមា៕ អត្ថបទ៖ រង្សី

The post កម្ពុជា ស្នើបណ្តារប្រទេសនានា គាំទ្របេសកកម្មកាត់បន្ថយការបញ្ចេញឧស្ម័នកាបូនិកក្នុងវិស័យដឹកជញ្ជូន appeared first on .

ថ្លែងក្នុងកិច្ចសម្ភាសន៍ពិសេសជាមួយឧកញ៉ាញូស៍ កាលពីពេលថ្មីនេះៗ ឧកញ៉ា ស៊ិន ចន្ធី បានឱ្យដឹងថា កម្ពុជានៅតែមាន តម្លៃដឹកជញ្ជូន និងឡូជីស្ទិកខ្ពស់ជាងគេ បើធៀបជាមួយបណ្តាប្រទេសអាស៊ាន ហើយតម្លៃខ្ពស់នេះមិនមែន នៅលើតម្លៃដឹក ជញ្ជូន មួយនោះទេ នៅមានកត្តាផ្សេងៗទៀត ដែលធ្វើឱ្យយើងមានផលប៉ះពាល់ ក៏ដូចជាតម្លៃដឹកជញ្ជូន នៅកម្ពុជាខ្ពស់ជាង គេ។

កត្តាតម្លៃដឹកជញ្ជូន ខ្ពស់ នេះ លោកឧកញ៉ា យល់ ថា មក ពី កត្តាសំខាន់ៗមួយចំនួនរួមមាន៖ ទី១) ទាក់ទងនឹងហេដ្ឋា រចនា សម្ព័ន្ធ៖ មធ្យោបាយនៃការដឹកជញ្ជូនតាមផ្លូវរថភ្លើងមិនទាន់បានគ្រប់ទៅនឹងតម្រូវការរបស់យើងទេ។ ម្យ៉ាង ទៀត យើងនៅ មាន ការ ប្រើ ប្រាស់បានតិចតួចបំផុត បើធៀបនិងការដឹកជញ្ជូនតាមផ្លូវរថយន្ត (នេះជាការធ្វើឱ្យថ្លៃដើមយើងខ្ពស់ជាងគេ) ទី២) ការធ្វើបែបបទផ្សេងៗ(បែបបទនៃការនាំចេញ) ក៏យើងនៅមិនទាន់ល្អ ១០០%ដែរ ទោះបីជាពេលនេះរាជរដ្ឋាភិបាល ក្រសួងសេដ្ឋកិច្ច និងហិរញ្ញវត្ថុ គយ និងរដ្ឋាករខិតខំធ្វើដាក់ចេញឱ្យដំណើរការហើយ កន្លងមកយើងមិនទាន់ បានប្រើប្រាស់ បាន ១០០%ទេ បានប្រហែល៥០ទៅ៦០%ប៉ុណោះ ហេតុនេះហើយយើងនៅតែមិនទាន់បានកាត់បន្ថយដល់កម្រិតទេ មានន័យថាការប្រើប្រាស់ របស់យើងនៅមានកម្រិតនៅឡើយ។ ទី៣) ការដឹកជញ្ជូនមិនទាន់មាន ទៅនិងមកនៅឡើយ គឺមាន តែមួយផ្លូវ មានន័យថាមានតែដឹកទៅតែមិនមានដឹកមក ដូច្នេះការយកតម្លៃថោកមិនទាន់បានទេ។

លើសពីនេះ លោកឧកញ៉ា គិតថា នៅមានកត្តាផ្សេងៗដែលយើងនៅមានកម្រិតខ្ពស់ជាងគេនៅឡើយ ទាក់ទងការធ្វើឡូ ជីស្ទិក នេះ ក៏ដូចជាការប្រើប្រាស់អគ្គិសនីក៏នៅតែមានការខ្ពស់ជាងគេ។ ប៉ុន្តែកិច្ចការនេះ នៅក្នុងយុទ្ធសាស្រ្តរបស់ រាជរដ្ឋាភិបាល គឺខិតខំពង្រឹងបញ្ហានេះ ដើម្បីធ្វើឱ្យមានការប្រកួតប្រជែងនឹងប្រទេសជិតខាងផងដែរ។

លោកឧកញ៉ាបន្តថា នៅប្រទេសថៃថ្លែដឹកជញ្ជូនរបស់គេនៅកម្រិតតែ ១៤,៦៥% ប៉ុណ្ណោះទេ សម្រាប់នៅវៀតណាម ប្រហែល មិនដល់ ២០%ទេ នៅកម្ពុជា ២៦,៤៦% ខណៈដែលប្រទេសសាំងហ្គាពួរ មានត្រឹមតែ ៨% ប៉ុណ្ណោះ។

ទាក់ទងនឹងបញ្ហានេះ លោកឧកញ៉ាប្រធានសមាគម ក៏បានលើកឡើងពីដំណោះស្រាយ ដើម្បី ឱ្យ ក្រុមហ៊ុន អាច ដំណើរការ ប្រក្រតីបាន គឺមានតែយើងសម្រប ខ្លួន វិញ មានន័យថាក្រុមហ៊ុននីមួយៗមានការកាត់បន្ថយតាំងពីថ្លៃដើម តាំងពីបុគ្គលិក តាំងពីការប្រើប្រាស់ធនធាន ផ្សេងៗតាម របៀបស្ងប់ស្ងាត់ មិនមែនធ្លាក់ចុះហើយផ្អើលនោះទេ។ នេះជាយុទ្ធសាស្រ្តមួយ ដែលកាត់បន្ថយតាមរបៀបស្ងប់ស្ងាត់ ធ្វើ ឱ្យក្រុមហ៊ុនមានសភាពធន់ និងមិនក្ស័យធន៕

The post អ្នកជំនាញមើលឃើញថា កម្ពុជានៅមានតម្លៃដឹកជញ្ជូនខ្ពស់ជាងគេ បើធៀបនឹងបណ្តាប្រទេសអាស៊ាន appeared first on .

រាជរដ្ឋាភិបាលបង្ហាញផែនការមេស្តីពីប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា២០២៣-២០៣៣ ទុនវិនិយោគប្រមាណជាង៣៦ពាន់លានដុល្លារ។ តើផែនការនេះធ្វើឱ្យវិស័យដឹកជញ្ជូនប្រែប្រួល ឬអាចក្លាយជាប្រទេសឈានមុខក្នុងអាស៊ានលើវិស័យដឹកជញ្ជូនទេ?

សូមទស្សនាវីដេអូខាងក្រោម៖

The post កិច្ចសម្ភាសពិសេស៖ តើវិស័យដឹកជញ្ជូនកម្ពុជាពេលបច្ចុប្បន្នមានជួបនូវបញ្ហាប្រឈមអ្វី? appeared first on .

ការព្យាករណ៍នេះ ត្រូវបានបង្ហាញឡើងតាមរយៈវេទិកាដឹកជញ្ជូនអន្តរជាតិក្រោមប្រធានបទ “វិស័យដឹកជញ្ជូន ដើរតួជាគន្លឹះក្នុងការបង្កើតឱ្យមានចីរភាពសេដ្ឋកិច្ច” ជាឱកាសក្នុងការឆ្លុះញ្ចាំង និងចែករំលែកទស្សនៈស្តីពីតួនាទីនៃការដឹកជញ្ជូន ជំរុញកំណើនសេដ្ឋកិច្ច ស្របជាមួយការគិតគូរពីបរិស្ថាន និងសង្គម ដែលប្រព្រឹត្តទៅនៅទីក្រុង Leipzig (ឡាពហ្សិក) ប្រទេសអាល្លឺម៉ង់ ចាប់ពីថ្ងៃទី២៤ ដល់ថ្ងៃទី២៦ ខែឧសភា ឆ្នាំ២០២៣។

លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ដែលបានអញ្ជើញដឹកនាំគណៈប្រតិភូក្រសួង ចូលរួមកិច្ចប្រជុំកំពូល នៃវេទិកាដឹកជញ្ជូនអន្តរជាតិនេះ បានឱ្យដឹងថា នៅក្នុងកិច្ចប្រជុំពេញអង្គនេះ រដ្ឋមន្រ្តីដឹកជញ្ជូននៃចក្រភពអង់គ្លេស លោក Mark Harper និងជាប្រធានវិលជុំ ឆ្នាំ២០២៣ របស់ ITF បានលើកឡើងថា៖ វិស័យដឹកជញ្ជូនគឺជាឆ្អឹងខ្នងនៃការអភិវឌ្ឍសេដ្ឋកិច្ច និងសង្គម ហើយការអភិវឌ្ឍវិស័យដឹកជញ្ជូនបៃតង (Green Transport)។

លោក ស៊ុ ចាន់ ថុល ក៏បានលើកបន្តពីប្រសាសន៍របស់លោក Mark Harper ទៀតថា  វិស័យដឹកជញ្ជូន ក៏បានរួមចំណែកយ៉ាងសំខាន់ ក្នុងការការពារបរិស្ថាន បង្កើតឱកាសការងារ និងការអភិវឌ្ឍសេដ្ឋកិច្ច-សង្គម ប្រកបដោយចីរភាពុ។ជាមួយគ្នានេះ ដោយយល់ឃើញអំពីសារសំខាន់ នៃការកាត់បន្ថយកាបូនក្នុងវិស័យដឹកជញ្ជូន ប្រទេសអង់គ្លេសបានធ្វើការវិនិយោគយ៉ាងច្រើនសន្ធឹកសន្ធាប់ទៅលើ១.ស្ថានីយបញ្ចូលថាមពលយានយន្តអគ្គិសនី ២. រថយន្តក្រុងដែលមិនបញ្ចេញឧស្ម័ន ៣. រថភ្លើងល្បឿនលឿនដោយប្រើថាមពលអគ្គិសនី ៤. ស្ថិរភាពប្រេងសាំងយន្តហោះ ៥. ផ្លូវសម្រាប់កង់ និងផ្លូវសម្រាប់ថ្មើជើង ហើយប្រទេសអង់គ្លេស ក៏បានកំណត់គោលដៅ Net Zero Emission នៅត្រឹមឆ្នាំ២០៥០។

លោក ស៊ុន ចាន់ថុល ក៏បាន្យដឹងទៀត ក្នុងពេលនោះដែរអគ្គលេខាធិការវេទិកាដឹកជញ្ជូនអន្តរជាតិ ITF ឯកឧត្តម Young Tae Kim បានលើកឡើងថា យោងតាមការព្យាករណ៍វិស័យដឹកជញ្ជូនឆ្នាំ២០២៣ ដោយ ITF (Transport Outlook 2023) តម្រូវការក្នុងការដឹកជញ្ជូនបន្តមានកំណើន សម្រាប់អ្នកដំណើរនឹងមានការកើនឡើងជិត៨០% ខ្ពស់ជាងឆ្នាំ២០៥០, ហើយសម្រាប់ទំនិញតម្រូវការនឹងកើនឡើង ០២ ដង ធៀបនឹងឆ្នាំ២០១៩។

ដោយក្នុងនោះ អគ្គលេខាធិការ ITF ក៏បានសង្កត់ធ្ងន់ថា ការកាត់បន្ថយកាបូនក្នុងវិស័យដឹកជញ្ជូន នឹងធ្វើឱ្យទីក្រុងកាន់តែមានភាពងាយស្រួលក្នុងការរស់នៅ ធ្វើឱ្យការធ្វើដំណើរតាមផ្លូវថ្នល់មានសុវត្ថិភាពជាងមុន ធ្វើឱ្យគុណភាពខ្យល់ដកដង្ហើមល្អជាងមុន ធ្វើឱ្យខ្សែច្រវាក់ផ្គត់ផ្គង់កាន់តែមានប្រសិទ្ធភាព និងមានភាពស៊ាំ ក៏ដូចជាផ្តល់ជម្រើសច្រើនសម្រាប់អ្នកធ្វើដំណើរផងដែរ ខណៈលោកក៏បានអំពាវនាវឱ្យប្រទេសទាំងអស់ ចាត់វិធានការ និងអនុវត្តឱ្យបានព្រមៗគ្នានូវការកាត់បន្ថយកាបូនក្នុងវិស័យដឹកជញ្ជូនជាដើម។

គួរបញ្ជាក់ដែរ កិច្ចប្រជុំកំពូល ITF-2023 Summit មានអ្នកចូលរួមជាង ១១០០នាក់ និងរដ្ឋមន្រ្តី/អនុរដ្ឋមន្រ្តីដឹកជញ្ជូនជាង ៥០នាក់ ដែលអញ្ជើញមកពីបណ្តាប្រទសជាសមាជិកនៃ ITF ទាំង ៦៤ ក្រុមហ៊ុនវិនិយោគធំៗ និងសាជីវកម្មអន្តរជាតិ, ស្ថាប័នហិរញ្ញវត្ថុអន្តរជាតិ, តំណាងអង្គការសហប្រជាតិផ្នែកសេដ្ឋកិច្ចអឺរ៉ុប UNECE (United Nations Economic Commission for Europe) និងបណ្តាប្រទេសជាអ្នកសង្កេតការណ៍។ នៅក្នុងកិច្ចប្រជុំពេញអង្គនេះ អ្នកចូលរួមបានផ្លាស់ប្តូរទស្សនៈ និងចែករំលែកនូវបទពិសោធន៍ ក្នុងការអភិវឌ្ឍវិស័យដឹកជញ្ជូន និងភស្តុភារកម្ម និងបានពិគ្រោះពិភាក្សាគ្នាយ៉ាងផុលផុស អំពីស្ថានភាពប្រឈមក្នុងពេលបច្ចុប្បន្ន និងអនាគត ព្រមទាំងឱកាសនៅក្នុងវិស័យដឹកជញ្ជូន និងចល័តភាព (Mobility) ដើម្បីការអភិវឌ្ឍសេដ្ឋកិច្ច បរិស្ថាន និងយុត្តិធម៌សង្គម ផងដែរ។នេះបើតាមការឱ្យដឹងបន្ថែម ពីលោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូនកម្ពុជា៕

The post ITF ព្យាករណ៍ថា តម្រូវការដឹកជញ្ជូនសម្រាប់អ្នកដំណើរ នឹងកើនឡើងជិត៨០% នៅឆ្នាំ២០៥០ appeared first on .

របាយការណ៍នៃការសិក្សានេះ ត្រូវបានផ្តួចផ្តើមដោយឧត្តមក្រុមប្រឹក្សាសេដ្ឋកិច្ចជាតិ ស្ថិតនៅក្រោមជំនួយហរិញ្ញប្បទានឥតសំណងពីរដ្ឋាភិបាលចិន និងសិក្សាស្រាវជ្រាវដោយឧត្តមក្រុមប្រឹក្សាសេដ្ឋកិច្ចជាតិ សហការជាមួយនឹងក្រុមការងារ CIECC ដៃគូអភិវឌ្ឍន៍នានា និងវិស័យឯកជន ដើម្បីជំរុញការអនុវត្ត “ផែនការមេគ្រប់ជ្រុងជ្រោយស្តីពីប្រព័ន្ធដឹក-ជញ្ជូនអន្តរមធ្យោបាយកម្ពុជា ២០២២-២០៣០” ឱ្យទទួលបានជោគជ័យ។

ឈរលើមូលដ្ឋាននៃរបាយការណ៍នៃការសិក្សានេះ ឧត្តមក្រុមប្រឹក្សាសេដ្ឋកិច្ចជាតិ រួមជាមួយ ក្រុមប្រឹក្សាជាតិភស្តុភារកម្ម និងក្រសួងសាធារណការ បាននិងកំពុងធ្វើការសំយោគជាមួយ ផែនការមេអន្តរកាលស្តីពីការតភ្ជាប់ប្រព័ន្ធដឹកជញ្ជូន និងឡូជីស្ទីក ២០២១-២០៣០ និងរបាយការណ៍នៃការសិក្សាដោយស្ថាប័ន និងដៃគូ-អភិវឌ្ឍន៍ផ្សេងទៀត នាពេលកន្លងមក សំដៅកសាងនូវ “ផែនការមេគ្រប់ជ្រុងជ្រោយស្តីពីប្រព័ន្ធដឹកជញ្ជូនអន្តរមធ្យោបាយកម្ពុជា ២០២២-២០៣០”។

គួររម្លឹកថា ផែនការមេគ្រប់ជ្រុងជ្រោយដែលរំពឹងថានឹងទទួលបានការអនុម័តពីរាជរដ្ឋាភិបាលកម្ពុជានាចុងឆ្នាំ២០២២ ឬត្រឹមដើមឆ្នាំ២០២៣ នឹងក្លាយជាផែនទីចង្អុលផ្លូវក្នុងការតម្រង់ទិសសម្រាប់ការអភិវឌ្ឍប្រព័ន្ធដឹកជញ្ជូន និងឡូជីស្ទីកនៅកម្ពុជាឱ្យកាន់តែមានប្រសិទ្ធភាព។

The post ចិន ប្រគល់ផែនការមេគ្រប់ជ្រុងជ្រោយស្តីពីប្រព័ន្ធដឹកជញ្ជូនអន្តរមធ្យោបាយ មកឲ្យកម្ពុជា appeared first on .

គួរឱ្យដឹងថាថៅកែរបស់ Euronav នឹងកាន់កាប់ ៥៩% នៃក្រុមហ៊ុនដឹកជញ្ជូនប្រេងតាមនាវានេះ ខណ:ពេលដែលម្ចាស់ក្រុមហ៊ុន Frontline នឹងកាន់កាប់ភាគហ៊ុន ៤១% ដែលនៅសេសសល់ផ្សេងទៀត ។

ជាក់ស្តែង ក្រុមហ៊ុនថ្មីដែលរួមបញ្ចូលគ្នា រវាងក្រុមហ៊ុនធំទាំង ២ នេះ នឹងត្រូវប្រើប្រាស់ឈ្មោះផ្លូវការតែមួយ Frontline ហើយត្រូវដឹកនាំដោយនាយកប្រតិបត្តិ Euronav លោក Hugo De Stoop ។

មិនតែប៉ុណ្ណោះ បើទោះពីជាមានការរួមបញ្ចូលគ្នាក៏ដោយ ប៉ុន្តែម្ចាស់ក្រុមហ៊ុនទាំង ២ បាននិយាយថា អាជីវកម្មមមួយនេះ នឹងនៅតែស្ថិតក្រោមកិច្ចព្រមព្រៀង លើរចនាសម្ព័ន្ធប្រតិបត្តិការ និងលក្ខខណ្ឌ រួមជាមួយការឧស្សាហ៍ព្យាយាម និងការអនុម័តបទប្បញ្ញត្តិ ផងដែរ ៕

ប្រភព: Hellenicshippingnews

The post ធ្លាប់តែគូប្រជែង ឥឡូវ Euronav និង Frontline បែរ​ជាមកចាប់ដៃគ្នារកស៊ីរួមគ្នា លើវិស័យដឹកជញ្ជូនប្រេង appeared first on .

ដោយឡែក ក្រៅពី​វិស័យ​បច្ចេកវិទ្យា ការ​វិនិយោគ​លើ​វិស័យ​អចលនទ្រព្យ​គឺ​ជា​មុខជំនួញ​ត​ជំនាន់​ដែល​មហាសេដ្ឋី​ស្ទើរ​តែ​គ្រប់គ្នា​មាន​អាជីវកម្ម​លើ​វិស័យ​មួយ​នេះ​តិច​បំផុត​ក៏​មួយ​កន្លែង​ដែរ។ អាជីវកម្ម​មួយ​ប្រភេទ​ទៀត​ដែល​មិនសូវ​មាន​អ្នក​ចាប់អារម្មណ៍​គឺ វិស័យ​ដឹកជញ្ជូន។

ថ្វី​បើ​ការ​ដឹកជញ្ជូន​ហាក់​ត្រូវការ​ចំណាយ​ទុន​ច្រើន​ក្នុង​ការ​ទិញ​កប៉ាល់ និង​ជួប​ហានិភ័យ​បន្តិច​ក៏​ដោយ តែ​អាជីវកម្ម​ប្រភេទ​នេះ​គឺ​ពិត​ជា​ដើរ​តួ​យ៉ាង​សំខាន់​សម្រាប់​វិស័យ​សេដ្ឋកិច្ច និង​ពាណិជ្ជកម្ម​ទូទាំង​ពិភពលោក។

បើ​ទោះ​ជា​មិន​សូវ​មាន​មហាសេដ្ឋី​ច្រើន​រកស៊ី​លើ​វិស័យ​មួយ​នេះ ក៏​នូវ​មាន​មហាសេដ្ឋី​ខ្លះ​ជោគជ័យ​ជាមួយ​នឹង​អាជីវកម្ម​ចាយទុន​ច្រើន​មួយ​នេះ​ដូចគ្នា ដោយ​ត​ទៅ​នេះ​គឺ​ជា​បញ្ជី​ឈ្មោះ​ស្ដេចត្រាញ់ ១០ រូប​ជា​ម្ចាស់​កប៉ាល់​ដឹកជញ្ជូន​ធំ​បំផុត​លើ​លោក​ ហើយ​មាន​ជនជាតិ​អាស៊ីអាគ្នេយ៍​តែ​ម្នាក់​គត់៖

1. លោក Li Ka Shing និង​គ្រួសារ មាន​ទ្រព្យសម្បត្តិ​ប្រមាណ ៣៦ ពាន់​លាន​ដុល្លារ នៅ​ហុងកុង
2. គ្រួសារ​ត្រកូល Moller ដែល​គ្រប់គ្រង​ក្រុមហ៊ុន A.P. Moller-Maersk មាន​ទ្រព្យសម្បត្តិ​ប្រមាណ ២១ ពាន់​លាន​ដុល្លារ នៅ​ប្រទេស​ដាណឺម៉ាក
3. លោកស្រី Iris Fontbona និង​គ្រួសារ​ត្រកូល Luksic មាន​ទ្រព្យសម្បត្តិ​ប្រមាណ ១៧,៤ ពាន់​លាន​ដុល្លារ នៅ​ប្រទេស​ឈីលី
4. លោក Robert Kuok មាន​ទ្រព្យសម្បត្តិ​ប្រមាណ ១២,៣ ពាន់​លាន​ដុល្លារ នៅ​ប្រទេស​ម៉ាឡេស៊ី
5. John Fredriksen មាន​ទ្រព្យសម្បត្តិ​ប្រមាណ ១១,៥ ពាន់​លាន​ដុល្លារ នៅ​ប្រទេស​ស៊ីប
6. គ្រួសារ​ត្រកូល Oetker មាន​ទ្រព្យសម្បត្តិ​ប្រមាណ ៩,២ ពាន់​លាន​ដុល្លារ នៅ​ប្រទេស​អាល្លឺម៉ង់
7. Klaus-Michael Kuhne មាន​ទ្រព្យសម្បត្តិ​ប្រមាណ ៩ ពាន់​លាន​ដុល្លារ នៅ​ប្រទេស​អាល្លឺម៉ង់
8. Gianluigi Aponte និង​គ្រួសារ មាន​ទ្រព្យសម្បត្តិ​ប្រមាណ ៨ ពាន់​លាន​ដុល្លារ​ នៅ​ប្រទេស​ស្វីស​
9. Idan Ofer មាន​ទ្រព្យសម្បត្តិ​ប្រមាណ​៦,៥ ពាន់​លាន​ដុល្លារ នៅ​ប្រទេស​អ៊ីស្រាអែល
10. Eyal Ofer មាន​ទ្រព្យសម្បត្តិ​ប្រមាណ ៦ ពាន់​លាន​ដុល្លារ នៅ​ប្រទេស​អ៊ីស្រាអែល៕

​ប្រភព: movehub

The post តោះ! មក​ស្គាល់​បុគ្គល ១០ រូប​ជា​ស្ដេចត្រាញ់​ផ្នែក​ដឹកជញ្ជូន​តាម​កប៉ាល់ មាន​មហាសេដ្ឋី​អាស៊ីអាគ្នេយ៍​ម្នាក់​គត់ appeared first on .

នេះបើតាមជំនួបទ្វេភាគីរវាងលោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងលោក Pablo Kang ឯកអគ្គរដ្ឋទូត អូស្ត្រាលីប្រចាំកម្ពុជា នៅសណ្ឋាគារ Raffles Le Royal នាថ្ងៃទី១៧ ខែវិច្ឆិកា ឆ្នាំ២០២១នេះ។

លោក ស៊ុន ចាន់ថុល បានថ្លែងថា៖ “កម្ពុជាត្រូវការថវិកាប្រមាណ ៤៨ ពាន់លានដុល្លារអាមេរិក ដើម្បីអនុវត្តគម្រោងចំនួន ៣៣០ ដែលត្រូវបានកំណត់នៅក្នុងផែនការមេប្រព័ន្ធដឹកជញ្ជូនពហុមធ្យោបាយ និងការតភ្ជាប់ក្នុងរយៈពេល១០ឆ្នាំខាងមុខ”។

ទាក់ទងនឹងការអភិវឌ្ឍហេដ្ឋារចនាសម្ព័ន្ធ លោកទេសរដ្ឋមន្ត្រី ក៏បានលើកឡើងផងដែរ នូវគម្រោងស្ថាបនាកំពង់ផែនៅស្រុកដងទង់ ខេត្តកោះកុង ដោយប្រើប្រាស់ថវិកាជាតិ កំពង់ផែខេត្តកំពតនិង ខេត្តកែប គម្រោងពង្រីកនិងលើកកម្ពស់គុណភាពផ្លូវជាតិសំខាន់ៗពីពីរគន្លងទៅបួនគន្លង ពីកៅស៊ូពីរ ស្រទាប់ស្តើង(DBST)ទៅបេតុងកៅស៊ូ(AC) ដើម្បីឱ្យសមស្របនឹងកំណើនសេដ្ឋកិច្ច និងកំណើនដឹក ជញ្ជូន។

ជាការឆ្លើយតប លោក Pablo Kang ឯកអគ្គរដ្ឋទូត អូស្ត្រាលីប្រចាំកម្ពុជា បានធ្វើការកត់សម្គាល់សំណើរទាំងឡាយដែលបានលើកឡើងដោយលោកទេសរដ្ឋមន្ត្រី និងសន្យាឆ្លើយតបប្រកបដោយវិជ្ជមាន។

បន្ថែមពីលើនេះ លោកបានចំណាប់អារម្មណ៍របស់ខ្លួនលើការអភិវឌ្ឍវិស័យដឹកជញ្ជូនបៃតង ដើម្បីកាត់បន្ថយបម្រែបម្រួលអាកាសធាតុ និងការអភិវឌ្ឍហេដ្ឋារចនាសម្ព័ន្ធផ្លូវថ្នល់នៅកម្ពុជា៕

The post កម្ពុជា ត្រូវការថវិកាប្រមាណ ៤៨ ពាន់លានដុល្លារ ដើម្បីអនុវត្តផែនការមេប្រព័ន្ធដឹកជញ្ជូនពហុមធ្យោបាយ appeared first on .