កិច្ចប្រជុំនេះក៏មានការចូលរួមផងដែរពីសំណាក់អនុសហប្រធានក្រុមការងារ”ឋ”ផ្នែកឯកជន, តំណាងសមាគមអ្នកចែកចាយឱសថនៅកម្ពុជា, តំណាងសមាគមអ្នកលក់គ្រឿងសម្អាងនៅកម្ពុជា, តំណាងសមាគមសម្ព័ន្ធភាពកសិកម្ម និងបរិស្ថានកម្ពុជា, តំណាងមន្ទីរពេទ្យ គ្លីនិក មន្ទីរសម្រាកព្យាបាលឯកជន,និងសមាជិក សមាជិកានៃក្រុមការងារ “ឋ” ផ្នែកឯកជនជាច្រើនទៀតផងដែរ។

សភាពាណិជ្ជកម្មកម្ពុជា បានឱ្យដឹងថា៖ កិច្ចប្រជុំនេះមានគោលបំណងដើម្បីពិគ្រោះ ពិនិត្យ ពិភាក្សា និងលើកឡើងនូវបញ្ហាប្រឈម ដែលជាកង្វល់របស់ផ្នែកឯកជនក្នុងវិស័យសុខាភិាបល ដើម្បីដាក់ស្នើសុំដំណោះស្រាយពីសំណាក់ដៃគូ គឺក្រសួងសុខាភិបាលនាពេលខាងមុខនេះ។ គួរបញ្ជាក់ថាកិច្ចប្រជុំក្រុមការងារផ្នែកឯកជននេះ គឺជាលើកដំបូងនៃដើមឆ្នាំ២០២៥។

ជាលទ្ធផលកិច្ចប្រជុំបានដំណើរការពិនិត្យ ពិភាក្សាទៅលើបញ្ហាប្រឈមរបស់ផ្នែកឯកជនរួមមាន៖ ១. វិញ្ញាបនបត្រ័អនាម័យផលិតផលចំណីអាហារ, ២. ការប្តូរវិញ្ញាបនបត្រ័បន្តសុពលភាពទិដ្ឋាការឱសថទៅជាវិញ្ញាបនបត្រ័ផលិតផលបំប៉នសុខភាព, ៣. ការលុបលេខទិដ្ឋាករឱសថដោយបានជូនដំណឹងដល់ក្រុមហ៊ុន, ៤.សេចក្តីជូនដំណឹងស្តីពីការមិនអនុញ្ញាត្តិឱ្យចុះទិដ្ឋាការឱសថដែលផ្សំពីសារធាតុសកម្មដែលស្ថិតក្នុងបញ្ជីហាមប្រើនៅប្រទេសឥណ្ឌា, ៥.នីតិវិធីក្នុងការបើកសាលា និងមុខជំនាញវិជ្ជាជីវៈថ្មីក្នុងវិស័យសុខាភិបាល, រួមនិងបញ្ហាប្រឈមមួយចំនួនទៀតផងដែរ៕

The post វេទិការាជរដ្ឋាភិបាល-ផ្នែកឯកជន ប្រជុំពិនិត្យពិភាក្សានិងលើកឡើងនូវបញ្ហាប្រឈម ដែលជាកង្វល់របស់ផ្នែកឯកជនក្នុងវិស័យសុខាភិបាល appeared first on .

ពិធីផ្សព្វផ្សាយនេះ មានការចូលរួមពីក្រសួងស្ថាប័នរដ្ឋាភិបាល វិស័យឯកជន និងភាគីពាក់ព័ន្ធសរុប ២៥០នាក់ ពិធីផ្សព្វផ្សាយ “របាយការណ៍វឌ្ឍនភាពនៃការអនុវត្តវិធានការកែទម្រង់មុតស្រួច ជាកញ្ចប់ដែលបានដាក់ចេញក្នុងវេទិការាជរដ្ឋាភិបាល-ផ្នែកឯកជន លើកទី១៩ ប្រចាំឆមាសទី១ ឆ្នាំ២០២៤

លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានគណកម្មការសម្របសម្រួល នៃវេទិការាជរដ្ឋាភិបាល-ផ្នែកឯកជន បានលើកឡើងថា ពិធីផ្សព្វផ្សាយនេះ ធ្វើឡើងក្នុងគោលបំណងដើម្បីផ្សព្វផ្សាយឱ្យបានកាន់តែទូលំទូលាយនូវរបាយការណ៍ខាងលើ ដោយបានផ្តោតជាចម្បងលើវិធីសាស្ត្រក្នុងការរៀបចំ, វឌ្ឍនភាពនៃការអនុវត្តវិធានការ, យន្តការស្ថាប័ន, បញ្ហាប្រឈម, អនុសាសន៍, និងទិសដៅការងារបន្ត។

លោកបន្តថា របាយការណ៍នេះ គឺជាឯកសារមូលដ្ឋានសម្រាប់ជូនរាជរដ្ឋាភិបាលពិនិត្យពិចារណាក្នុងការតម្រង់ទិស និងពន្លឿនការអនុវត្តវិធានការដែលនៅសេសសល់ ព្រមទាំងដាក់ចេញវិធានការបន្ថែមដើម្បីឆ្លើយតបនឹងបញ្ហាប្រឈមដែលបានលើកឡើង ហើយក៏នឹងផ្តល់ព័ត៌មានជូនវិស័យឯកជនពីវឌ្ឍនភាព គណនេយ្យភាពរបស់ក្រសួងស្ថាប័ន ក្នុងការអនុវត្តវិធានការក្រោមដែនសមត្ថកិច្ចរបស់ខ្លួនផងដែរ។

ក្នុងនាមជាតំណាងផ្នែកឯកជន អ្នកឧកញ៉ា គិត ម៉េង បានសម្តែងនូវសេចក្តីសោមនស្សចំពោះវឌ្ឍនភាព ដែលវេទិការាជរដ្ឋាភិបាល-ផ្នែកឯកជន (G-PSF) សម្រេចបានកន្លងមក ហើយការណ៍នេះបានសបញ្ជាក់ជាថ្មីនូវការប្តេជ្ញាចិត្តរួមគ្នារវាងរដ្ឋាភិបាល និងវិស័យឯកជន ក្នុងការជំរុញកំណើនសេដ្ឋកិច្ចកម្ពុជា តាមរយៈកិច្ចសហប្រតិបត្តិការ និងកំណែទម្រង់សំខាន់ៗ ដែលនាំមកនូវអត្ថប្រយោជន៍ជាក់ស្តែងសម្រាប់ធុរកិច្ច និងការវិនិយោគទូទាំងប្រទេស។

សូមបញ្ជាក់ថា វេទិកា G-PSF លើកទី១៩ កាលពីថ្ងៃទី១៣ ខែវិច្ឆិកា ឆ្នាំ២០២៣ ដែលធ្វើឡើងក្រោមអធិបតីភាពរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ ជាលទ្ធផល តាមរយៈ វេទិកា G-PSF លើកទី១៩នេះ រាជរដ្ឋាភិបាល បានដាក់ចេញនូវវិធានការកែទម្រង់មុតស្រួចជាកញ្ចប់ចម្បងៗចំនួន១១។

លើសពីនេះ លទ្ធផលដែលប្រសូត្រចេញពីពិធីផ្សព្វផ្សាយនេះ បានឆ្លុះបញ្ចាំងយ៉ាងប្រត្យក្សពីការប្តេជ្ញាចិត្តខ្ពស់ របស់ប្រមុខរាជរដ្ឋាភិបាល ដែលតែងតែចាត់ទុកវិស័យឯកជនជាដៃគូដ៏សំខាន់ និងជាក្បាលម៉ាស៊ីននៃ កំណើនសេដ្ឋកិច្ចជាតិ ដោយបានទទួលយកនូវសំណូមពរនិងបញ្ហាប្រឈមរបស់វិស័យឯកជន មកពិនិត្យ ដោះស្រាយ និងអន្តរាគមន៍ ដើម្បីលើកកម្ពស់បរិយាកាសធុរកិច្ចនិងវិនិយោគ ឱ្យកាន់តែមានជីវភាព អំណោយផល ទាក់ទាញ ប្រកបដោយភាពប្រកួតប្រជែងខ្ពស់ សំដៅជំរុញការអភិវឌ្ឍសង្គម-សេដ្ឋកិច្ច នៅកម្ពុជា៕ អត្ថបទ៖ ហ្សាលីន

The post រដ្ឋាភិបាល ផ្សព្វផ្សាយ “របាយការណ៍វឌ្ឍនភាពនៃការអនុវត្តវិធានការកែទម្រង់មុតស្រួច” ដើម្បីលើកកម្ពស់បរិយាកាសធុរកិច្ចនិងវិនិយោគនៅកម្ពុជា appeared first on .

កិច្ចប្រជុំនេះក៏មានការចូលរួមពីសំណាក់មន្ត្រីពាក់ព័ន្ធនៃក្រសួងរៀបចំដែនដី នគរូបនីយកម្ម និងសំណង់, តំណាងសមាគមអ្នកអភិវឌ្ឍន៍លំនៅដ្ឋាន, តំណាងសមាគមអ្នកសាងសង់កម្ពុជា, តំណាងសមាគមមីក្រូហិរញ្ញវត្ថុកម្ពុជា, និងអ្នកពាក់ព័ន្ធជាច្រើនទៀតផងដែរ។

គួរឱ្យដឹងថា កិច្ចប្រជុំនេះគឺដើម្បី ពិនិត្យ ពិគ្រោះ ពិភាក្សា និងដោះស្រាយទៅលើបញ្ហាប្រឈម និងទទួលធាតុចូល សំណើសំណូមពរ ពីវិស័យឯកជន ពាក់ព័ន្ធនឹងវិស័យសំណង់ និងអចលនទ្រព្យនៅក្នុងប្រទេសកម្ពុជា។បញ្ហាប្រឈម ដែលវិស័យឯកជនបានលើកឡើង នៅក្នុងកិច្ចប្រជុំនោះ រួមមាន ១.ការកំណត់ទីផ្សារ និងតម្រូវការទីផ្សារក្នុងវិស័យសំណង់ដោយការផ្តល់ជូនទិន្នន័យសំណង់ជូនផ្នែកឯកជន, ២.ការបង្កើតអនុគណៈកម្មការគាំទ្រដល់ក្រុមការងារ, ៣. ការប្រើប្រាស់ប្រព័ន្ធគ្រប់គ្រងហានិភ័យ និងការថែទាំប្រព័ន្ធនេះនៅក្នុងសំណង់អាគារ, ៤. ការសាងសង់សំណង់ដោយកំណត់នីវ៉ូបាតសូន្យ, ៥.  សំណើសុំបង្កើតក្រុមការងារ ដើម្បីពិគ្រោះយោបល់លើវិស័យសំណង់ និងអចលនទ្រព្យ ជាដើម ។

នៅក្នុងជំនួបនោះ លោក សាយ សំអាល់ បានបញ្ជាក់ជូនតំណាងវិស័យឯកជនថា« រាល់បញ្ហាប្រឈម និងសំណូមពរ នានា ដែលលើកឡើងដោយវិស័យឯកជន ទទួលយកទាំងអស់ នឹងពិនិត្យដោះស្រាយ»៕

The post វេទិការាជរដ្ឋាភិបាល-ផ្នែកឯកជន ពិនិត្យ ដោះស្រាយទៅលើបញ្ហាប្រឈម និងទទួលធាតុចូលពាក់ព័ន្ធនឹងវិស័យសំណង់ និងអចលនទ្រព្យ appeared first on .

កិច្ចប្រជុំនេះ ក៏មានការចូលរួមពីលោកឧកញ៉ា ងួន ម៉េងតិច អគ្គនាយកសភាពាណិជ្ចកម្មកម្ពុជា និងវត្តមានតំណាងសមាគមសហគ្រិនវ័យក្មេងកម្ពុជា, តំណាងសមាគមសហគ្រិនស្ត្រីកម្ពុជា, តំណាងសមាគមអ្នកផលិតម៉ាកសំគាល់ភូមិសាស្រ្ត ទំនិញអំបិលកំពត កែប, តំណាងសហគ្រាសធុនតូច និងមធ្យមផ្នែកឯកជន និងសមាជិក សមាជិកានៃក្រុមការងារផ្នែកឯកជនជាច្រើនទៀតផងដែរ។

សូមបញ្ជាក់ថា គោលបំណងនៃកិច្ចប្រជុំខាងលើនេះ គឺដើម្បីពិគ្រោះ ពិភាក្សាលើបញ្ហាប្រឈមចាស់ៗរបស់ផ្នែកឯកជនពាក់ព័ន្ធនឹងវិស័យកម្មន្តសាល សហគ្រាសធុនតូច និងមធ្យម និងសេវា ក៏ដូចជាទទួលយកសំណើរ សំណូមពរថ្មីៗបន្ថែមទៀត រួមមាន៖១. ការប្រកួតប្រជែងមិនស្មើភាពគ្នា ២. កង្វះខាតជំនាញ និងបច្ចេកទេស ៣. និតិវិធីស្នើសុំប័ណ្ណប៉ាតង់របស់សិប្បកម្មក្នុងស្រុក ៤. នឹងបញ្ហាផ្សេងៗទៀត ដើម្បីស្នើសុំដំណោះស្រាយពីសំណាក់ដៃគូ គឺក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍នាពេលខាងមុខនេះ។

សូមជម្រាបជូនថា ក្នុងអាណត្តិទី៧នេះ សម្តេចធិបតី ហ៊ុន ម៉ាណែត បានចេញសេចក្តីសម្រេចទទួលស្គាល់ជាផ្លូវការ នូវសមាសភាពក្រុមការងារទាំង១៤ ផ្នែកឯកជននៃវេទិការាជរដ្ឋាភិបាល-ផ្នែកជន កាលពីថ្ងៃទី១២ ខែតុលា ឆ្នាំ២០២៣។ សម្រាប់ក្រុម “គ” “ផ្នែកកម្មន្តសាល សហគ្រាសធុនតូច និងមធ្យម និងសេវា” គឺមានលោកឧកញ៉ា តែ តាំងប៉ ជាសហប្រធាន និងមានអនុប្រធាន និងសមាជិក ១៤នាក់ផ្សេងទៀត៕

The post ឧកញ៉ា តែ តាំងប៉ ដឹកនាំកិច្ចប្រជុំផ្នែកឯកជន «ផ្នែកកម្មន្តសាល សហគ្រាសធុនតូច និងមធ្យម និងសេវា» នៃវេទិការាជរដ្ឋាភិបាល-ផ្នែកឯកជន appeared first on .

វេទិការាជរដ្ឋាភិបាល-ផ្នែកឯកជននៅពេលនេះ មានការអញ្ជើញចូលរួមពីក្រុមការងារទាំង១៤ ផ្នែកឯកជន នៃវេទិការាជរដ្ឋាភិបាល-ផ្នែកឯកជន អង្គទូតននា និងភ្ញៀវកិត្តិសយជាច្រើនរយនាក់ ដោយវិស័យឯកជនមានអ្នកឧកញ៉ា គិត ម៉េង ជាប្រធានសម្របសម្រួលក្រុមការងារទាំង១៤ ផ្នែកឯកជន នៃវេទិការាជរដ្ឋាភិបាល-ផ្នែកឯកជន។

ថ្លែងចេញវិមានសន្តិភាព សម្ដេចធិបតី ហ៊ុន ម៉ាណែត បានដាក់ចេញនូវវិធានការកែទម្រង់គន្លឹះមុតស្រួចមួយចំនួនថែមទៀត ​ដើម្បី ជួយដល់វិស័យឯកជន ក្នុងការលើកកម្ពស់ភាពប្រកួតប្រជែង និងជំរុញកំណើនសេដ្ឋកិច្ច។ បន្ថែមលើនេះ សម្តេចធិបតីក៏បានប្រកាសដាក់ចេញកិច្ច​អន្តរាគមន៍​ជាច្រើន​ ដើម្បីលើកកម្ពស់ការធ្វើធុរកិច្ចនៅកម្ពុជា ​ឆ្លើយតបនឹងវិបត្តិទាំងឡាយ ក៏ដូចជា​រក្សាបានភាពធន់នៃសេដ្ឋកិច្ចរបស់កម្ពុជាផងដែរ។

លោក  ​អូន ព័ន្ធមុនីរ័ត្ន ​ឧបនាយករដ្ឋមន្រ្ដី ​រដ្ឋមន្រ្ដីក្រសួងសេដ្ឋកិច្ច និង​ហិរញ្ញវត្ថុ បានលើកឡើងថា ​ក្នុងដំណើរការនៃការរៀបចំវេទិកា «រាជរដ្ឋាភិបាលផ្នែកឯកជន» លើកទី១៩ នេះ ក្រុមការងាររាជរដ្ឋាភិបាល និងវិស័យឯកជន បាន​ជួបប្រជុំ និងលើកឡើងពីបញ្ហាប្រឈមរបស់វិស័យឯកជនជិត ២០០ បញ្ហាប្រឈម សម្រាប់​រាជរដ្ឋាភិបាល​ពិនិត្យ និង​សម្រេច​ដោះស្រាយ​ក្នុងនោះបញ្ហាប្រឈមភាគច្រើន​ត្រូវបាន​ឯកភាពគ្នាដោះស្រាយរួចរាល់ហើយ។

សម្រាប់បញ្ហាប្រឈម និងកង្វល់​ ដែលនៅសេសសល់ ក៏ដូចជាការគិតគូ សម្របសម្រួល​បន្ថែមសម្រាប់វិស័យ ឯកជន ក្នុងការកាត់បន្ថយថ្លៃប្រកួតប្រជែង ​លើកកម្ពស់ ភាពប្រកួតប្រជែង និងជំរុញ​កំណើនសេដ្ឋកិច្ច សម្ដេចធិបតីនាយករដ្ឋមន្រ្ដីបាន​ដាក់ចេញនូវវិធានការកែទម្រង់គន្លឹះមុតស្រួចមួយចំនួនថែមទៀត ដើម្បីជួយដល់វិស័យឯកជន។

ថ្លែងក្នុងវេទិកានោះដែរ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងប្រធានសម្របសម្រួលក្រុមការងារទាំង១៤ ផ្នែកឯកជន នៃវេទិការាជរដ្ឋាភិបាល-ផ្នែកឯកជន បានស្នើសុំដល់រាជរដ្ឋាភិបាលកម្ពុជាចំនួន៣ចំណុច ជាពិសេសប្រព័ន្ធពន្ធដារ និងការបកស្រាយខ្លឹមសារនានា។

សំណើរចំនួន៣ចំណុចដែលអ្នកឧកញ៉ា គិត ម៉េង ស្នើសុំដល់រាជរដ្ឋាភិបាលជួយពិនិត្យសម្រួលដល់វិស័យឯកជនមានជាអាទិ៍ ទី១ ការជួយសម្រួលដល់វិស័យហិរញ្ញវត្ថុដែលកំពុងប្រឈមនៅពេលបច្ចុប្បន្ន, ទី២ បទបញ្ញាតិមួយចំនួនដែលបង្កើតឡើងត្រួតសុីគ្នា ហើយនាំដល់ប៉ះពាល់ដល់វិស័យឯកជន និងទី៣ ការប្រមូលពន្ធដារដែលទាមទារពង្រីកលើគ្រប់វិស័យ និងពន្យល់ខ្លឹមសារឱ្យបានច្បាស់លាស់។

សូមជម្រាបជូនថា វេទិការាជរដ្ឋាភិបាល-ផ្នែកឯកជនលើកទី១៩ ឆ្នាំ២០២៣ ត្រូវបានចាត់ទុកជាកិច្ចប្រជុំពេញអង្គគណៈរដ្ឋមន្ត្រីបើកទូលាយ។ ក្នុងន័យនេះ រាល់សេចក្តីសម្រេចនានារបស់អង្គវេទិកា នឹងមានអានុភាពជាសេចក្ដីសម្រេច​របស់​គណៈរដ្ឋមន្ត្រីផងដែរ៕

The post ថ្លែងចេញពីវិមានសន្តិភាព សម្តេចធិបតី ហ៊ុន ម៉ាណែត ដាក់ចេញវិធានការគន្លឹះជួយដល់វិស័យឯកជន appeared first on .

លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ក្រុមប្រឹក្សាអភិវឌ្ឍន៍កម្ពុជា  ប្រធានគណៈកម្មាធិការសម្របសម្រួលការងារ សម្រាប់យន្តការេវទិការាជរដ្ឋាភិបាល-ផ្នែកឯកជនថ្លែងក្នុងវេទិការាជរដ្ឋាភិបាល-ផ្នែកឯកជនលើកទី១៩ នៅថ្ងៃទី១៣វិច្ឆិកាឆ្នំា២០២៣ បញ្ជាក់ថា «ព្រឹត្តិការណ៍នេះ សបញ្ជាក់អំពីការយកចិត្តទុកដាក់យ៉ាងពេញទំហឹងរបស់រាជរដ្ឋាភិបាល និងការផ្តល់អាទិភាពខ្ពស់លើការអភិវឌ្ឍវិស័យឯកជន ដែលជាក្បាលម៉ាស៊ីននៃកំណើនសេដ្ឋកិច្ច តាមរយៈការស្តាប់នឹងទទួលយកនូវបញ្ហាប្រឈម មតិកែលម្អនិងសំណើអនុសាសន៍គោលនយោបាយពីមជ្ឈដ្ឋានធុរកិច្ចនិងស្ថាប័នស្រាវជ្រាវពាក់ព័ន្ធ ហើយពិចារណាផ្តល់ជូនដំណោះស្រាយជាគន្លឹះដ៏សមរម្យនាពេលនេះ»។

លោកលើកឡើងថា បន្ទាប់ពីវេទិកាលើកទី១៨ រាជរដ្ឋាភិបាលកម្ពុជា នីតិកាលទី៦ នៃរដ្ឋសភាកន្លងមក បានគ្រោងរៀបចំវេទិកាលើកទី១៩ នៅក្នុងឆ្នាំ២០២០ ប៉ុន្តែត្រូវបានពន្យារពេលរហូតមកដល់ថ្ងៃនេះ ដោយសារកម្ពុជា ក៏ដូចជាសកលលោក បានប្រឈមនឹងវិបត្តិនៃជំងឺកវីដ ១៩។ ទោះជាយ៉ាងនេះក្តី រាជរដ្ឋាភិបាលពុំបានទុកវិស័យឯកជនឱ្យនៅឯកោនោះឡើយ ពោលគឺតែងតែគិតគូរ បារម្ភ និងឈឺឆ្អាលអំពីសុខុមាលភាព និងការរីកចម្រើនរបស់វិស័យឯកជនជាប់ជាប្រចាំ។ កាយវិការទាំងនេះស្តែងចេញតាមរយៈការដាក់ចេញនូវយន្តការ និងវិធានការនានា យ៉ាងមានប្រសិទ្ធភាពរបស់រាជរដ្ឋាភិបាលនាពេលកន្លងមក ដើម្បីឆ្លើយតបទៅនឹងនិន្នាការធំៗ ដែលអាចជះឥទ្ធិពលដល់ការសម្រេចចិត្ត និងប្រតិបត្តិការអាជីវកម្មរបស់ធជន និងវិនិយោគិនមានជាអាទិ៍ ភាពរង្គោះរង្គើនៃសេដ្ឋកិច្ចសកល ការរៀបចំឡើងវិញនូវខ្សែច្រវាក់ផ្គត់ផ្គង់សកល ការបង្កើនការយកចិត្តទុកដាក់លើការអភិវឌ្ឍប្រកបដោយចីរភាពនិងបដិវត្តន៍ឧស្សាហកម្មជំនាន់ទី៤ ព្រមទាំងភាពតានតឹងនៃភូមិសាស្ត្រនយោបាយជាពិសេស វិបត្តិសង្គ្រាមនៅអ៊ុយក្រែន និងនៅមជ្ឈិមបូព៌ា ជាដើម។

លោកឧបនាយករដ្ឋមន្ត្រី គូសបញ្ជាក់ថា «វេទិការាជរដ្ឋាភិបាល ផ្នែកឯកជន ត្រូវបានបង្កើតឡើងក្នុងឆ្នាំ១៩៩៩ ក្រោមគំនិតផ្តួចផ្តើមដ៏ខ្ពង់ខ្ពស់របស់សម្តេចតេជោហ៊ុន សែន អតីតនាយករដ្ឋមន្ត្រី។ ឆ្លៀតក្នុងឱកាសនេះ ខ្ញុំសូមគោរពសម្ដែងនូវកតញ្ញូតាធម៌ដ៏ជ្រាលជ្រៅបំផុតជូនចំពោះសម្តេចតេជោ ដែលជាស្ថាបនិកនៃយន្តការនេះ និងជាអគ្គមគ្គុទ្ទេសក៍ដ៍ឆ្នើមក្នុងការដឹកនាំវេទិកាកន្លងៗមក ព្រមទាំងបានផ្តល់ចក្ខុវិស័យជាយុទ្ធសាស្ត្រ វិធានការ និងការសម្រេចដ៏ខ្ពង់ខ្ពស់ ប្រកបដោយគតិបណ្ឌិត សំដៅលើកកម្ពស់បរិស្ថានធុរកិច្ចនិងវិនិយោគ និងពង្រឹងតួនាទីរបស់វិស័យឯកជនក្នុងការរួមចំណែកកាត់បន្ថយភាពក្រីក្រ បង្កើតការងារ និងពង្រឹងប្រព័ន្ធសុវត្ថិភាពសង្គមជូនដល់ប្រជាពលរដ្ឋ»។

កេរ្តិ៍ឈ្មោះដ៏ល្អនៃវេទិកា ត្រូវបានលើកសរសើរក្នុងរបាយការណ៍វាយតម្លរបស់ធនាគារពិភពលោក កាលពីឆ្នាំ២០០៩ ដោយត្រូវបានទទួលស្គាល់ថាជាយន្តការកិច្ចសន្ទនារវាងរដ្ឋ និងផ្នែកឯកជន ដែលមានប្រសិទ្ធភាពខ្ពស់ និងទទួលបានពិន្ទុវាយតម្លៃសមិទ្ធកម្មខ្ពស់ជាងគេក្នុងចំណោមប្រទេសចំនួនជាង២០ផ្សេងទៀត។នេះជាសក្ខីកម្ម ដែលបង្ហាញអំពីសារៈសំខាន់នៃការបន្តនិរន្តរភាពក្នុងការរៀបចំយន្តការវេទិកានេះ ដូចដែលបានកំណត់ផងដែរនៅក្នុងកម្មវិធីនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា និងយុទ្ធសាស្ត្របញ្ចកោណដំណាក់កាលទី១។ ពីមួយលើកទៅមួយលើក យន្តការវេទិកានេះ បានពង្រីកវិសាលភាពរបស់ខ្លួនកាន់តែធំឡើងៗពីចំនួន៧ក្រុមការងារ កើនឡើងដល់ ១៤ក្រុមការងារតាមវិស័យសម្រាប់វេទិកាលើកទី១៩នេះ៕ អត្ថបទ៖សារេត

The post វេទិការាជរដ្ឋាភិបាល-ផ្នែកឯកជនបញ្ជាក់ពីការយកចិត្តទុកដាក់យ៉ាងពេញទំហឹងពីប្រមុខរដ្ឋាភិបាល appeared first on .

វេទិកានេះក៏នឹងមានការចូលរួមវិស័យឯកជនស្ទើរគ្រប់ផ្នែក ដៃគូអភិវឌ្ឍ និងតំណាងអង្គទូតនានាចូលរួមដែលជាវេទិកាដ៏សំខាន់សម្រាប់សម្របសម្រួលកិច្ចសន្ទនារវាងភាគីពាក់ព័ន្ធនិងវិស័យឯកជន។ ជាមួយគ្នានេះអ្នកឧកញ៉ា ឧកញ៉ា ដែលជាម្ចាស់អាជីវកម្មគ្រាក់ៗនៅក្នុងស្រុកពីសមាគមឧកញ៉ាកម្ពុជាប្រមាណ ៧០រូបនឹងអញ្ជើញចូលរួម។

បើតាមបញ្ជីឈ្មោះអ្នកឧកញ៉ា ឧកញ៉ា ដែលគេហទំព័រឧកញ៉ាញូស៍ ទទួលបានពេលថ្មីៗនេះ អ្នកឧកញ៉ា លី យ៉ុងផាត់ ប្រធានក្រុមប្រឹក្សាភិបាលសមាកមឧកញ៉ាកម្ពុជា នឹងដឹកនាំសមាជិក សមាជិកាដោយផ្ទាល់ចូលរួមក្នុងវេទិការាជរដ្ឋាភិបាល-ផ្នែកឯកជន ដើម្បីដើម្បីស្តាប់នូវការដោះស្រាយបញ្ហាប្រឈមរបស់វិស័យឯកជន។

បើតាមបញ្ជីឈ្មោះ អ្នកឧកញ៉ា លី ហួរ, អ្នកឧកញ៉ា សៀ ឬទ្ធី, អ្នកឧកញ៉ា លាង ម៉េង, អ្នកឧកញ៉ា ហាន់ ឃាង, អ្នកឧកញ៉ា ប៊ុន ហៃ ដែលជាអនុប្រធានក្រុមប្រឹក្សាភិបាលសមាគមឧកញ៉ាកម្ពុជាក៏នឹងមានវត្តមានក្នុងវេទិកានេះផងដែរ។

សេចក្តីប្រកាសព័ត៌មានលទ្ធផលនៃសម័យប្រជុំពេញអង្គគណៈរដ្ឋមន្រ្តីដំបូង នីតិកាលទី៧ នៃរដ្ឋសភា កាលខែសីហា ឆ្នាំ២០២៣ បានឲ្យដឹងថា «សម្តេចធិបតីនាយករដ្ឋមន្ត្រី នឹងដឹកនាំវេទិការាជរដ្ឋាភិបាល-ផ្នែកឯកជន លើកទី១៩ នៅខែវិច្ឆិកា ឆ្នាំ២០២៣ ខាងមុខ ដើម្បីស្តាប់នូវមតិយោបល់ និងសំណូមពរផ្សេងៗ ក៏ដូចជាដាក់ចេញនូវវិធានការមុតស្រួចនិងជាក់ស្ដែង ដើម្បីបន្តជំរុញគាំទ្រដល់វិស័យឯកជនដែលជា កម្លាំងចលករនៃកំណើនសេដ្ឋកិច្ច»៕

The post អ្នកឧកញ៉ា ឧកញ៉ា ៧០រូបពីសមាគមឧកញ៉ាកម្ពុជា នឹងចូលរួមវេទិការាជរដ្ឋាភិបាល-វិស័យឯកជនជាមួយសម្តេចធិបតី ហ៊ុន ម៉ាណែត appeared first on .

ក្នុងកិច្ចប្រជុំនេះ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៤ ផ្នែកឯកជន នៃវេទិការាជរដ្ឋាភិបាល-ផ្នែកឯកជន បានដឹកនាំសមាគមផ្នែកទសចរណ៍វិស័យឯកជននៅកម្ពុជា និងសហប្រធានក្រុមការងារ “ខ” “ផ្នែកទេសចរណ៍” នៃវេទិការាជរដ្ឋាភិបាល-ផ្នែកឯកជន (G-PSF) ចូលរួម “កិច្ចប្រជុំដោះស្រាយបញ្ហាក្នុងវិស័យទេសចរណ៍នៅកម្ពុជា” ជាមួយសម្តេចធិបតី ហ៊ុន ម៉ាណែត ព្រមទាំងវត្តមានថ្នាក់ដឹកនាំសំខាន់ៗ ពីក្រសួង-ស្ថាប័នរដ្ឋាភិបាល និងមានការចូលរួមពី អភិបាលខេត្តមួយចំនួន។

សភាពាណិជ្ជកម្មកម្ពុជា បានឲ្យដឹងថា គោលបំណងនៃកិច្ចប្រជុំនេះ គឺដើម្បីស្តាប់ពីការលើកឡើងរបស់វិស័យឯកជន ក្នុងវិស័យទេសចរណ៍ទាំងមូលនៅកម្ពុជា ជាពិសេស ផ្តោតសំខាន់នេះគឺស្វែងរកដំណោះស្រាយ និងការសម្របសម្រួលរវាងវិស័យរដ្ឋាភិបាលនិងវិស័យឯកជន រកទិសដៅរួមមួយ ដើម្បីធ្វើយ៉ាងណាឲ្យវិស័យទេសចរណ៍នៅកម្ពុជា កាន់តែជឿនលឿន អភិវឌ្ឍន៍ អនុវត្តបានយ៉ាងងាយស្រួលសម្រាប់ធុរជន អ្នកវិនិយោគ ក្នុងទីផ្សារទេសចរណ៍ក្នុងនិងក្រៅតំបន់ស្របជាមួយ បទបញ្ញាត និងច្បាប់ផ្សេងៗពាក់ព័ន្ធនិងវិស័យទេសចរណ៍នៅកម្ពុជា។

កិច្ចប្រជុំនេះ សម្តេចធិបតីនាយករដ្ឋមន្ត្រី បានកំណត់ទិសដៅ ឈ្នះ ឈ្នះ ទាំងអស់គ្នាទាំងវិស័យរដ្ឋាភិបាល និងវិស័យឯកជន ចំពោះដំណោះស្រាយលើវិស័យទេសចរណ៍ផងដែរ។

សូមជម្រាបថា វេទិការាជរដ្ឋាភិបាល-ផ្នែកឯកជន លើកទី១៩ នឹងប្រព្រឹត្តទៅនៅថ្ងៃទី១៣ ខែវិច្ឆិកា ឆ្នាំ២០២៣ខាងមុខនេះ ដើម្បីស្តាប់នូវមតិយោបល់ និងសំណូមពរផ្សេងៗពីវិស័យឯកជន។ វេទិកានេះ ត្រូវបានរាជរដ្ឋាភិបាលកម្ពុជា ធ្វើឡើងក្នុងរយៈពេល១ឆ្នាំម្តង ជាយន្តការសន្ទនាមួយ ដែលមាននាយករដ្ឋមន្ត្រីនៃកម្ពុជា ជាអ្នកដឹកនាំផ្ទាល់ និងដោយមានការចូលរួមពីរដ្ឋមន្ត្រីគ្រប់ក្រសួង ស្ថាប័ន អភិបាលគ្រប់រាជធានី-ខេត្ត តំណាងផ្នែកឯកជនគ្រប់វិស័យ ឯកអគ្គរដ្ឋទូតប្រចាំកម្ពុជា និងតំណាងស្ថាប័នអន្តរជាតិមួយចំនួន។

វេទិការាជរដ្ឋាភិបាល-ផ្នែកឯកជននេះ ផ្តល់ឱកាសឱ្យផ្នែកឯកជន លើកឡើងនូវបញ្ហាប្រឈម និងសំណូមពរជូនរាជរដ្ឋាភិបាលពិនិត្យ និងចាត់វិធាន ការសមស្របដើម្បីដោះស្រាយ ហើយរាល់ការសម្រេចនៅក្នុងវេទិកានេះ ត្រូវបានចាត់ទុកជាការសម្រេចរបស់គណៈរដ្ឋមន្ត្រី៕

The post អ្នកឧកញ៉ា គិត ម៉េង ដឹកនាំសមាគមផ្នែកទេសចរណ៍ ប្រជុំដោះស្រាយបញ្ហាជាមួយសម្តេចធិបតី ហ៊ុន ម៉ាណែត appeared first on .

កិច្ចប្រជុំកាលពីថ្ងៃពុធ ទី២៥ ខែតុលាម្សិលមិញនៃវេទិការាជរដ្ឋាភិបាល-ផ្នែកឯកជន ដឹកនាំដោយលោក សុខ សុកេន រដ្ឋមន្ត្រីក្រសួងទេសចរណ៍ និងជាសហប្រធានក្រុមការងារ «ខ» តំណាងផ្នែករដ្ឋាភិបាល និងឧកញ៉ា លូ ម៉េង សហប្រធានក្រុមការងារ «ខ» តំណាងផ្នែកឯកជន។

បើតាមសភាពាណិជ្ជកម្ម គោលបំណងនៃកិច្ចប្រជុំនេះ គឺដើម្បីពិគ្រោះ ពិភាក្សា និងដោះស្រាយទៅលើបញ្ហាប្រឈមដែលពាក់ព័ន្ធនឹងវិស័យទេសចរណ៍ នៅក្នុងប្រទេសកម្ពុជាដែលលើកឡើងដោយ ផ្នែកឯកជន មាន១៩បញ្ហា ដូចជា៖ ១. យុទ្ធសាស្រ្តទីផ្សារ (A strong innovative offer), ២. ការក្រុមប្រឹក្សាទេសចរណ៍ឯករាជ្យ, ៣. ការពង្រឹងទៅលើបទប្បញ្ញត្តិ(អនុលោមតាមស្របច្បាប់), ៤. មគ្គុទេសចរណ៍ភាគច្រើន បានទិញផ្ទះក្នុងបុរីបង់រំលោះ ប្រឈមនឹងការផាកពិន័យ ឬការយកវិញពីម្ចាស់បុរី, ៥. សុវត្ថិភាព ភ្ញៀវទេសចរនៅក្នុង រាជធានីភ្នំពេញ, ៦. ការបណ្តុះបណ្តាល ជាដើម។

នៅក្នុងកិច្ចប្រជុំនេះសហប្រធានទាំងពីរបានសម្រេចយក ៧បញ្ហា ត្រូវបានអង្គប្រជុំពិភាក្សា នឹងសម្រេចយកធ្វើលទ្ធផល ដើម្បីធ្វើរបាយការណ៍រួមរវាងវិស័យឯកជន និងរដ្ឋាភិបាល នឹងរាយការណ៍ក្នុងវេទិការាជរដ្ឋាភិបាល-ផ្នែកឯកជន លើកទី១៩ ក្នុងវិច្ឆិកា នាពេលឆាប់ៗខាងមុខនេះផងដែរ។ លទ្ធផលពីការសម្រេចស្វែងរកចំណុចរួមគ្នាមួយ លើបញ្ហាដែលមាន ត្រូវបានវិស័យឯកជន ឯកភាពនិងទទួលយកអំណះអំណាងត្រឹមពីអង្គប្រជុំក្រុមការងារ «ខ»នេះ៕

The post ឧកញ៉ា លូ ម៉េង បើកកិច្ចប្រជុំពិភាក្សា និងដោះស្រាយបញ្ហាប្រឈមវិស័យទេសចរណ៍ appeared first on .