យោងតាមការចុះផ្សាយពីសារព័ត៌មាន Reuters បានបង្ហាញថា អ្នកនាំពាក្យរុស្ស៊ី លោក Dmitry Peskov បាននិយាយថា ប្រធានាធិបតីរុស្ស៊ី លោក វ៉្លាឌីមៀ ពូទីន នឹងបើកកិច្ចប្រជុំទ្វេភាគីជាមួយ អនុប្រធានាធិបតីឡាវ លោកស្រី Pany Yathotou ខណៈឧបនាយករដ្ឋមន្ត្រីចិន លោក Zhang Guoqing ក៏នឹងមានវត្តមាននៅក្នុងវេទិកាសេដ្ឋកិច្ចនោះផងដែរ។

ជាមួយគ្នានោះ រុស្ស៊ីមិនបាននិយាយអ្វីទាក់ទងនឹងព័ត៌មាននៃដំណើរទស្សនកិច្ចរបស់​មេដឹកនាំ​កំពូលកូរ៉េខាងជើង លោក គីម ជុងអ៊ុន ដែលកន្លងមកលេចលឺថា លោកនឹងទៅជួបជាមួយ ពូទីន ចរចារឿងការផ្គត់ផ្គង់អាវុធ សម្រាប់ការធ្វើសង្គ្រាមជាមួយអ៊ុយក្រែនឡើយ។

សូមជម្រាបបន្ថែមថា វេទិកាសេដ្ឋកិច្ចប្រចាំឆ្នាំដែលធ្វើឡើងនៅរុស្ស៊ី គឺមានបំណងអភិវឌ្ឍកិច្ចសហប្រតិបត្តិការសេដ្ឋកិច្ចក្នុងតំបន់ និងជំរុញការវិនិយោគបរទេស៕

The post រុស្ស៊ីចាត់ទុកសមាជិកអាស៊ានមួយ ជាភ្ញៀវសំខាន់បំផុត ក្នុងវេទិកាសេដ្ឋកិច្ចបូព៌ាលើកទី៨ appeared first on .