ជំនួបនេះ បានផ្ដោតសំខាន់លើការចែករំលែកបទពិសោធន៍ប្រកួតនៅក្រៅប្រទេស ព្រមទាំងឲ្យឲ្យបវរកញ្ញាទាំង៤រូប បង្ហាញស្នាមអនុស្សាវរីយ៍ខ្លួនទាំងនៅក្នុងការប្រកួតថ្នាក់ជាតិ និងអន្ដរជាតិ ក្រោមការ ជួយ ជ្រោមជ្រែង ពី លោក ចិន សំណាង ម្ចាស់ ហាងពេជ្រ CSNJ លោក ចិន សំណាង ដើម្បីជួយ លើក កម្ពស់ វិស័យ បវរកញ្ញានៅកម្ពុជាឱ្យកាន់តែ លេចធ្លោបន្ថែមទៀត លើឆាកអន្តរជាតិ ។

បវរកញ្ញាចក្រវាឡទាំង៤ជំនាន់ដូចជា កញ្ញា រឿន ណាត កញ្ញា សំណាង អេលីណា កញ្ញា រ៉េត ហ្សារីតា និងកញ្ញា ងិន ម៉ារ៉ាឌី បានបង្ហាញបទពិសោធមន៍ និងអនុស្សសាវរីយ៍រៀងៗខ្លួន។ ប៉ុន្ដែដែលអ្នកចូលរួមចាប់អារម្មណ៍ខ្លាំងនោះ គឺបវរកញ្ញារាងតូចច្រឡឹងទាំង៤រូប បានបង្ហាញភាពជោគជ័យរបស់ខ្លួនលើវិថីសិល្បៈលើសពីការរំពឹងទុក ក្រោយពីបានគ្រងមកុដតំណាងជាតិ។

បវរកញ្ញាចក្រវាលតំណាងជាតិកម្ពុជាឆ្នាំ២០១៨ កញ្ញា រឿន ណាត និយាយថា ដំបូងឡើងកញ្ញា ត្រឹមជាពិធីការិនី និងសម្ដែងក្នុងស្ពតពាណិជ្ជកម្មម្ដងម្កាល ប៉ុន្ដែបច្ចុប្បន្នកញ្ញាមានមុខមានមាត់ក្នុងសង្គមសិល្បៈ រហូតទទួលបានការងារសិល្បៈជាច្រើនទាំងការងារថតខ្សែភាពយន្ដ និងថតស្ពតពាណិជ្ជកម្ម។

កញ្ញា រឿន ណាត៖ “អ្វីដែលនាងខ្ញុំចងចាំបំផុត គឺថ្ងៃជួបជុំប្រកួតជាមួយប្រទេសដទៃៗ ហើយយើងបានចែករំលែកបទពិសោធន៍គ្នា បង្ហាញពីប្រពៃណីគ្នាទៅវិញទៅមក ហើយខ្ញុំបានយល់កាន់តែច្បាស់ពីប្រពៃណីរបស់យើង និងជាតិសាសន៍ដទៃកាន់តែច្បាស់ តាមរយៈឈុតស្លៀកពាក់របស់គាត់”។

ចំណែកនាយកប្រតិបត្ដិក្រុមហ៊ុន CIM និងជាអ្នករៀបចំកម្មវិធីMiss Universe Cambodiaលោក ម៉ែន និមលរតន៍ លើកឡើងថា នេះជាឱកាសមិនធ្លាប់មានសម្រាប់បវរកញ្ញាចក្រវាលកម្ពុជាទាំង៤ជំនាន់ ជួបជជែកគ្នា ដើម្បីចែករំលែកបទពិសោធន៍ និងអនុស្សវរីយ៍ទៅកាន់អ្នកបេក្ខភាពតំណាងកម្ពុជាសម្រាប់ឆ្នាំក្រោយទៀតៗ ព្រមទាំងប្រាប់ទៅកាន់អ្នកគាំទ្រពួកគេ តាមរយៈការLive ផ្ទាល់របស់Page Miss Universe Cambodia និងតាមបណ្ដាញសារព័ត៌មានជាច្រើនទៀត។

បើតាមលោក ម៉ែន និមលរតន៍ ម្ចាស់មកុដតំណាងជាតិទាំង៤រូប នឹងចូលរួមយ៉ាងសកម្មជាមួយកម្មវិធីលើកក្រោយៗទៀត ជាពិសេសពួកគេនឹងធ្វើជាគណៈកម្មការជ្រើសរើសបេក្ខភាពក្រោយៗ ព្រមទាំងចូលរួមផ្ដល់បទពិសោធន៍ដែលខ្លួនធ្លាប់ទទួលបានទាំងការប្រកួតនៅក្នុងប្រទេស និងក្រៅប្រទេស ដើម្បីចែករំលែកដល់បេក្ខភាពតំណាងជាតិក្រោយទៀត។

រីឯលោក ចិន សំណាង ដែល ជា អ្នក ម្ចាស់ ហាងពេជ្រ CSNJ និង ជា អ្នក ជួយជ្រោមជ្រែង កម្មវិធី បាននិយាយ ថាលោកពិតជាកិត្តិយសបាន ចូលរួមកម្មវិធីជួបជាមួយ បវរកញ្ញាចក្រវាឡ ទាំង៤ជំនាន់ ដែលជាការជួបជុំដើម្បីពិភាគ្សានិងស្វែងយល់បន្ថែមពីការប្រកួតលើឆាកអន្តរជាតិ និង ការផ្លាស់ប្តូបទពិសោធន៌ថ្មី រវាង Miss Universe ទាំងអស់ ដែលកម្មវិធីនេះ គឺឧបត្ថម្ភគាំទ្រដោយ ហាពេជ្រ CSNJ ។

បន្ថែមពីនោះគឺការបង្ហាញពីគម្រោងការធ្វើម្កុដជូនដល់បវកញ្ញាចក្រវាឡ 2022 ដែលមានតម្លៃរហូត ជាង 10មុឺនដុលារ ដើម្បីលើកស្ទួយដល់វិស័យកញ្ញាឯកចក្រវាឡកម្ពុជា និងលើកកំពស់ពីតម្លៃត្បូងរតនៈគីរីដ៏មានតម្លៃរបស់កម្ពុជា ។

ក្រៅពីនោះបើកញ្ញាឯកចក្រវាឡចេញទៅប្រកួតនៅបរទេសលើឆាកអន្តរជាតិ គឺ កញ្ញាឯក ទទួលបានចិញ្ច្រៀនពេជ្រ១វង់ និងថវិការ 5000$ ចំនែកអ្នកជាប់ប្រកួតក្នុងស្រុកជាប់ចំណាត់ថ្នាក់ទាំង20នាក់ គឺទទួលបានចិញ្ចៀនពេជ្រម្នាក់ៗ ១វង់ផងដែរ ហើយហាងពេជ្រCSNJ នៅតែជួយជ្រំជ្រែងដល់ការប្រកួត Miss Universe ជារៀងរហូត ។

លោក បន្ត ថា ក្នុងនាម ជាម្ចាស់ហាងពេជ្រ CSNJ ក៏សូមអរគុណដល់បងប្អូនទាំងអស់ដែលបានគាំទ្រដល់ហាងពេជ្រ CSNJ នាពេលកន្លងមក និងសូមអោយបងប្អូនជួយគាំទ្រហាងពេជ្រ CSNJ

សូមរំលឹកថា កញ្ញា រឿន ណាត គឺជាបវរកញ្ញាចក្រវាលតំណាងជាតិកម្ពុជាឆ្នាំ២០១៨ ហើយធ្លាប់ចេញទៅប្រកួតថ្នាក់អន្ដរជាតិនៅប្រទេសថៃ។ កញ្ញា សំណាង អេលីណា គឺជាបវរកញ្ញាចក្រវាលតំណាងជាតិកម្ពុជាឆ្នាំ២០១៩ ហើយធ្លាប់ចេញទៅប្រកួតកម្រិតអន្ដរជាតិដូចកញ្ញា រឿន ណាត ដែរ។ រីឯកញ្ញា រ៉េត សារីតា ជាបវរកញ្ញាចក្រវាលតំណាងឲ្យជាតិកម្ពុជាឆ្នាំ២០២០ ធ្លាប់ចេញទៅប្រកួតនៅសហរដ្ឋអាមេរិក។

ចំណែកកញ្ញា ងិន ម៉ារ៉ាឌី វិញ គឺជាបវរកញ្ញាចក្រវាលឆ្នាំ២០២១ ធ្លាប់ចេញទៅប្រកួតនៅប្រទេសអ៊ីស្រាអែល។ ប៉ុន្ដែបវរកញ្ញាទាំង៤ដួង មិនទទួលបានជយលាភីថ្នាក់អន្ដរជាតិនោះទេ តែពួកគេបានយកឈ្នះបេះដូងកូនខ្មែរជាច្រើន តាមរយៈកិច្ចខិតខំប្រឹងប្រែងរបស់ពួកគេ ដើម្បីបង្ហាញពីអស្ចារ្យរបស់កម្ពុជា ទៅកាន់ពិភពលោក៕ អត្ថបទ៖ ពាណិជ្ជកម្ម

The post ជំនួបមិនធ្លាប់មានបវរកញ្ញាចក្រវាលទាំង៤ជំនាន់លើកកម្ពស់វិស័យ បវរកញ្ញាកម្ពុជា កាន់តែលេចធ្លោលើឆាកអន្តរជាតិ appeared first on .

ស្ថានទូត​ជប៉ុន​ប្រចាំ​នៅ​កម្ពុជា បាន​ប្រកាស​កម្មវិធី​នេះ​កាល​ពី​ថ្មី​ៗ​នេះ ដោយ​ការ​អះអាង​ថា កម្មវិធី​នឹង​ដំណើរ​ឆាប់​ៗ ដើម្បី​ផ្ដល់​ពិសោធន៍​ថ្មី​មួយ​ដល់​ប្រជាជន​កម្ពុជា អាច​កម្សាន្ត​ជាមួយ​កម្មវិធី​តន្ត្រី​ប្រមូល​ផ្ដុំ​ដោយ​កំពូល​តារា​ចម្រៀង​ប្រទេស​ក្នុង​តំបន់​អាស៊ាន​ជា​ច្រើន ដោយ​មិន​ចាំ​បាច់​ចេញ​ពី​ផ្ទះ​នោះ​ឡើយ ហើយ​នោះ​គឺ “មហោស្រពតន្ត្រីជប៉ុន-អាស៊ានតាមអនឡាញ”។

កម្មវិធី​នេះ កើត​ឡើង​ដើម្បី​រឹត​ចំណង​ទាក់​ទង​របស់ ជប៉ុន ជាមួយ​បណ្ដា​ប្រទេស​ក្នុង​តំបន់​អាស៊ាន ក្នុង​បរិបថ ពិភព​លោក​គម្រាម​គំហែងដោយ​សារ កូវីដ ១៩។
ស្ថានទូត​ជប៉ុន​នៅ​កម្ពុជា បាន​គូស​បញ្ជាក់​ថា “តារាចម្រៀងតំណាងមកពីបណ្តាប្រទេសអាស៊ាន និងជប៉ុនបានចូលរួមក្នុងមហោស្រពតន្រ្តីជប៉ុន-អាស៊ាននេះ ក្នុងនោះតំណាងប្រទេសកម្ពុជា គឺលោក ព្រាប​សុវត្ថិដែលជាតារាចម្រៀងម្នាក់ដ៏មានប្រជាប្រិយបំផុតនៅកម្ពុជាក៏មានវត្តមានផងដែរ”។

ការ​ចាក់​ផ្សាយ កម្មវិធី​នេះ បាន​ចាប់​ផ្ដើម​កាល​ពីថ្ងៃសៅរ៍ ទី៥ ខែមិថុនា ដល់ថ្ងៃសុក្រ ទី១១ ខែមិថុនា តាមគេហទំព័រយូធូបផ្លូវការ​របស់​កម្ពុជា។ ក្រៅ​ពី​នេះ លោក លោកស្រី​ក៏អាចស្វែងរកនិងរីករាយទស្សនាវីដេអូពីមុនៗតាមគេហទំព័រនេះផងដែរ។ នៅ​វីដេអូ​ចម្រៀង​ប្រមូល​ផ្ដុំ​ដោយ​តារា​ចម្រៀង​ល្បី​ៗ​ប្រចាំ​តំបន់​អាស៊ាន លោក ព្រាប សុវត្ថិ បាន​នាំ​យក​បទ​ចម្រៀង​មួយ​បទ​ក្នុង​ផលិតកម្ម Galaxy Navatra ទៅ​ចូល​រួម​ជាមួយ​កម្មវិធី។ តោះ…ទស្សនា​វីដេអូ​ខាង​ក្រោម​នេះ៖

The post ជប៉ុន រើស ព្រាប សុវត្ថិ តំណាង​កម្ពុជា​​ចូល​ក្នុង​កម្មវិធី​មួយ​ប្រជុំ​សុទ្ធ​កំពូល​តារា​អាស៊ាន appeared first on .

តារាចម្រៀង អេណា បានបញ្ជាក់ថា បានស្គាល់ស្វាមីកាលពីជាង១ឆ្នាំមុនក្រោយពីបានការណែនាំពីមិត្តភ័ក្កិ ហើយបានស្វែងយល់ចិត្តគ្នារហូតសម្រេចចិត្តចូលរោងការក្រោមការទទួលស្គាល់ពីឪពុកម្តាយទាំងសងខាង។ អតីតតារាចម្រៀងវ័យ៣២ឆ្នាំរូបនេះបន្តថាក្រោយពីផុតកុងត្រាជាមួយផលិតកម្មMរយៈពេល២ឆ្នាំកន្លងមកនាងបានងាកទៅមើលការខុសត្រូវមុខរបររកស៊ីនៅខេត្តព្រះសីហុគឺការបើកដំណើរការផ្ទះសំណាក់នៅទីនោះ ហើយស្វាមីនាងក៏នឹងបើកដំណើរការក្រុមហ៊ុនថ្មីនៅទីនោះផងដែរក្រោយពេលរៀបការរួច។ នាងថាការងារសិល្បៈអាចនិងមិនបោះបង់ចោលទាំងស្រុងទេ នឹងឆ្លៀតពេលប្រសិនបើអាច។

(កាត់បទសម្ភាសន៍អេណាចូលបន្តិច កន្លែងចំណុចពិសេសដែលអេណាស្រលាញ់ខាងប្រុស)
អេណាបញ្ជាក់ដែរថា នាងនឹងទទួលយកកំណើតកូនភ្លាមៗតែម្តងក្រោយពេលការរួចសម្រាប់ឆ្នាំនេះ។

លោកសុខ ជា ដែលជាស្វាមីរបស់អ្នកនាង Anna បានលើកឡើងថា មុនពេលចូលរោងការលោកក៏ធ្លាប់ធ្វើការសាកល្បងចិត្តដើម្បីឲ្យដឹងពីចិត្តគំនិត ហើយឃើញថានាងពិតនារីដែលលោកស្រលាញ់ពេញចិត្ត។ លោកមានការងារជាអ្នកបើកជំនួញផ្នែកដឹកជញ្ជូនតាមផ្លូវទឹក ដែលការងារនេះនឹងបន្តបើកដំណើរការនៅខេត្តព្រះសីហនុផងដែរ៕

The post ក្រោយរៀបមង្គលការផ្អើលខេត្តព្រះសីហនុ តារាចម្រៀង Anna បន្តមកកាត់ចំណងដៃនៅភ្នំពេញទៀត appeared first on .

នៅទីបំផុតកណៈកម្មការរៀបចំការប្រកួត Miss Grand Cambodia បានសម្រេចជ្រើសរើសកញ្ញា លីវ ជីលី ជាអ្នកទទួលមកុដជំនួស កញ្ញា សេង រដ្ឋា និងកញ្ញា លឹម សុធាវី បន្ទាប់បរវកកញ្ញាទាំងពីរដួងនេះត្រូវគណៈកម្មការសម្រេចដកហូតតំណែងជាផ្លូវការកាលពីពេលថ្មីៗ។

សេង រដ្ឋា ត្រូវដកតំណែងព្រោះមានរឿងរកាំរកូសទាក់ទងបញ្ហាផលប្រយោជន៍ជាមួយក្រុមហ៊ុន ហើយកញ្ញា លឹម សុធាវី ត្រូវទទួលតំណែងនេះតែនាងបដិសេធន៍ ដោយលើកហេតុផលថាមិនបានត្រៀមខ្លួនរួចរាល់ ដែលជាហេតុធ្វើឱ្យតំណែងនេះធ្លាក់ទៅដល់ដៃកញ្ញា លីវ ជីលី។លោក អ៊ិន សុភិន អគ្គនាយកក្រុមហ៊ុន មហាហង្ស និងជាអ្នករៀបចំការប្រកួត Miss Grand Cambodia បានលើកឡើងថា នេះជាកម្មវិធីលំដាប់ពិភពលោក ដូច្នេះត្រូវធ្វើអ្វីតាមស្តង់ដារ សូម្បីតែកម្មវិធីផ្ទេរតំណែងក៏ត្រូវតែរៀបចំឱ្យបានត្រឹមត្រូវដែរ គ្រាន់តែការរៀបចំមានពេលខ្លីពេកទើប មានកំហុសខុសឆ្គងបន្តិចបន្តួច តែទោះជាយ៉ាងណាកម្មវិធីផ្ទេរតំណែងនេះបានបញ្ចប់ទៅយ៉ាងរលូន ដោយបានជ្រើសរើសយកកញ្ញា លីវ ជីលី ដើម្បីចូលរួមប្រកួតប្រជែង Miss Grand នៅលើឆាកអន្តរជាតិ ។

លោក បានបន្ថែមទៀតថាក្រៅពីប្រឹងប្រែង ហ្វឹកហាត់កញ្ញា លីវ ជីលី ឱ្យកាន់តែមានការជឿជាក់លើខ្លួនឯងក្នុងពេលប្រលង លោកនិងក្រុមការងារ ក៏បានរៀបចំឈុតសម្លៀកបំពាក់ជាតិទុកសម្រាប់កញ្ញា លីវ ជីលី គ្រងក្នុងថ្ងៃប្រកួតផងដែរ ។

ថ្វីដ្បិតតែ មានកំហុសខុសឆ្គងខ្លះសម្រាប់ Miss Grand 2020 តែលោកសង្ឃឹមថា Miss Grand 2021 លោកនឹងធ្វើឱ្យបានល្អ និង រលូន ដោយលោកចាត់ទុកថា Miss Grand 2020 ជាបទពិសេធមួយសម្រាប់ការប្រកួតប្រជែង ។

កញ្ញា លីវ ជីលី បានបង្ហាញនូវអារម្មណ៍របស់ខ្លួនថា ថ្វីដ្បិតតែតំណែង Miss Grand Cambodia 2020 មិនមែនជា របស់នាង តែនាងរីករាយដែលបានជំនួស កញ្ញា សេង រដ្ឋា ដើម្បីចេញទៅប្រកួតប្រជែង ។

កញ្ញា លីវ ជីលី បានសំណូមពរឱ្យអ្នកគាំទ្រទាំងអស់ ចូលរួមគាំទ្រ Miss Grand Cambodia ឱ្យបានច្រើន ពីព្រោះការប្រកួតនេះគឺដើម្បីប្រទេស កុំយករឿង បុគ្គលមកលាយឡំគ្នា ។

ជយលាភី Miss Grand Cambodia 2020 លីវ ជីលី នឹងចេញទៅប្រកួតនៅលើឆាកអន្តរជាតិដែលរៀបចំឡើងនៅ ប្រទេស ថៃ នៅក្នុងខែ មីនា ខាងមុខ ៕

The post  លីវ ជីលី ស្នងមកុដ Miss Grand Cambodia 2020 ពី សេង រដ្ឋា appeared first on .

សម្ដេចតេជោបានធ្វើការចុច Share នោះ ខាន់ ជេមស៍ ពុំទាន់បានដឹងនោះឡើយ ក្រោយ​ដឹង​ភ្លាមលោក​ក៏បាន​ច្រៀងចម្រៀងមួយបទមានចំណងជើងថា «ស្ពាន​សាង​ស្នេហ៍​» ​ជូន សម្ដេចតេជោ សណ្ដាប់ និងទស្សនាភ្លាមៗ។

អ្វី​ដែល ខាន់ ជេមស៍ ភ្ញាក់ផ្អើលនោះ​ត្រូវបាន សម្ដេចតេជោ ធ្វើការ​ខមិន​​ធ្វើឲ្យលោកស្រក់ទឹកភ្នែកថា ៖ «អរគុណកូនដែលបា​ន​ច្រៀងបទពុក»។ សម្ដេចតេជោ ក៏បាន​ខមិនទៀតថា៖ «​ជូន​ពរកូន​មានជោគជ័យ»។

ក្រោយបញ្ចប់ការ Live ភ្លាមៗលោក ខាន់ ជេមស៍ សបានថ្លែងឲ្យ​ថា លោកពិត​ជារំភើបណាស់រំភើប​ដល់​ហូរ​ទឹកភ្នែក។ លោកបានចាត់ទុកថ្ងៃនោះ​ជាថ្ងៃដែលជោគជ័យបំផុតក្នុងជីវិតរបស់លោក​ធំ បំផុត​លើសអ្វីៗទាំងអស់។”កូនពិតជាមានមហាកិត្តិយសខ្លាំងណាស់!!!ដែលកាល​ពីយប់​មិញ​(សម្ដេចពុក)ដែលបានចូលcomment និងshare នូវវីដេអូរបស់កូន កូនសូមគោរព​ជូនពរសម្ដេចពុក​និង​សម្ដេចម៉ែ សូមប្រកបដោយសុខភាពល្អបរិបូរណ៌.!! កម្លាំងខ្លាំងក្លាបញ្ញាឈ្លាសវៃជន្មាយុ​យឺនយូរដើម្បីនៅជាម្លប់ដ៏ត្រជាក់របស់ប្រទេសកម្ពុជា និង​ប្រជាពលរដ្ឋខ្មែរ​គ្រប់រូបសូម​គោរពអរគុណ​សម្តេច​ពុក​អរគុណសន្តិភាព។”៕

The post ខាន់ ជេមស៍ រំភើប​ស្ទើរ​ហោះ សម្ដេចតេជោ ចូល​Share នឹង​ខមិន ពេល​កំពុង​Live វីដេអូ​ appeared first on .

កុមារី​រូប​នេះ ត្រូវ​បាន​គេ​ដឹង​ថា ជា​អ្នក​មាន​ទេពកោសល្យ​សិល្បៈ​មិន​ធម្មតា ដូច្នេះ​ហើយ ជា​រឿយ​ៗ គេ​ឃើញ​វីដេអូ​សិល្បៈ​របស់​គេ​ត្រូវ​បាន​បង្ហោះ​ឡើង​លើ​បណ្ដាញ​សង្គម​បន្តបន្ទាប់។ មាន​បទ​ចម្រៀង​ជា​ច្រើន​ត្រូវ​បាន​កុមារី​មិន​ទាន់ស្គាល់​ឈ្មោះ​នេះ យក​មក​ច្រៀង ក៏​ដូច​ជា​បញ្ចេញ​ទេពកោសល្យ។ យ៉ាង​ណា​ក្នុង​ចំណោម​នោះ មាន​តែ​១​បទ​ប៉ុណ្ណោះ ដែល​ទទួល​បាន​ការ​ចាប់​អារម្មណ៍​ជាង​គេ​បំផុត។

នោះ​គឺ​ឃ្លិប​ចម្រៀង​ខ្លី​បទ “ចង់​សុំ Wifi” របស់​លោក ខេម និង តន់ ចន្ទសីម៉ា។ វីដេអូ​នេះ ត្រូវ​បាន​បង្ហោះ​ចូល​លើ​បណ្ដាញ​សង្គម​របស់​ចិន ដោយ​យុវតី​ម្នាក់​ជា​ម្ដាយ​មីង​កុមារី កាល​ពី​ពាក់​កណ្ដាល​ខែ​កក្កដា រួម​ជាមួយ​វីដេអូ​ជា​ច្រើន​ទៀត។ យ៉ាង​ណា​ក៏​ដោយ ឃ្លិប​ចម្រៀង​ខាង​លើ​នេះ ទទួល​បាន​អ្នក​មើល​យ៉ាង​គំហុក គិត​មក​ដល់​បច្ចុប្បន្ន​មាន​ចំនួន ជិត​៦លាន​ដង​មក​ហើយ។

មិន​ត្រឹម​ប៉ុណ្ណឹង នៅ​មាន​អ្នក​ចុច Like ច្រើន​ជាង​គេ​ថែម​ទៀត ដល់​ទៅ ជិត​១លាន និង Comment ជិត ៣ពាន់​ថែម​ទៀត ដែល​ភាគ​ច្រើន គឺ​សរសើរ​កុមារី​ថា ឆ្លាត មាន​ភាព​ក្លាហាន និង​មាន​ទេពកោសល្យ​សិល្បៈ​ល្អ​មិន​ធម្មតា​ថែម​ទៀត។

ងាក​ទៅ​បទ “ចង់​សុំ Wifi” ដើម​របស់​តារា​ចម្រៀង​ស្រី​ប្រុស​មួយ​គូ​ខាង​លើ ក៏​មាន​ការ​ពេញ​និយម​ខ្លាំង​សម្បើម​ដែរ។ បន្ទាប់​ពី​បាន​ចេញ​ផ្សាយ​នៅ​លើ​ឆាណែល​យូធូប​របស់ Galaxy Navatra កាល​ពី​ពាក់​កណ្ដាល​ខែ​កក្កដា ២០២០ រហូត​មក​ដល់​ពេល​នេះ មាន​តួលេខ​ចុច​ចូល​ទស្សនា​ដល់​ទៅ ២៤លាន​ដង​រួច​មក​ហើយ។ តួលេខ​នេះ ខ្ពស់​បំផុត​ក្នុង​ចំណោម​បទ​ចម្រៀង​ឆ្លងឆ្លើយ​របស់​ផលិតកម្ម​ខាង​លើ។

The post Wowក្មេងស្រីម្នាក់នេះ សម្ដែងបទ ចង់សុំ wifi មានអ្នកទស្សនាជិត 6 លាននាក់អ្នកឱ្យបេះដូង 77 ម៉ឺន 3 ពាន់ នាក់​ appeared first on .

ភាព​ប្រែប្រួល​នៃ​សិល្បៈ​ក្នុង​ទសវត្សរ៍​ថ្មី​នេះ បាន​បញ្ជាក់​ឲ្យ​ឃើញ​ថា ប្រជាប្រិយភាព​ពិត​របស់​តារា​ចម្រៀង​ គឺ​ស្ថិត​នៅ​លើ​សមត្ថភាព​ ការ​តស៊ូ ការ​ព្យាយាម​ និង​អត្តចរិត​ល្អ​នៅ​ក្នុង​ការងារ ។ ផ្អែក​លើ​ផេក​ផ្លូវ​ការ​​របស់​ផលិតកម្ម​Galaxy Navatra អាច​និយាយ​បាន​ថា តន់ ចន្ទសីម៉ា គឺ​ជា​កំពូល​តារា​ចម្រៀង​ក្មេង​ម្នាក់​ ដែល​មាន​អ្នក​ទស្សនា​ច្រើន​ជាង​គេ​នៅ​កម្ពុជា​នៅ​ឆ្នាំ២០២០នេះ មាន​រហូត​ដល់​ទៅ​441លាន​ដង​ឯណោះ ។

បែប​ណា​ក្ដី អ្នក​គាំទ្រ​ក៏​ដូច​ជា​អ្នក​សិល្បៈ​ទាំង​អស់​កំពុង​តែ​ចាំ​មើល​ ថា​តើ​​អាច​មាន​តារា​ចម្រៀង​ណា​ ដែល​អាច​ដណ្ដើម​តំណែង​តន់ ចន្ទសីម៉ា​បាន​ក្នុង​ទសវត្សរ៍​ថ្មី​នេះ ។

តន់ ចន្ទសីម៉ា ត្រូវ​បាន​គេ​មើល​ឃើញ​ថា គឺ​ជា​តារា​ចម្រៀង​មិន​ចេះ​ប្រកាន់ ទោះ​បី​បទ​ចម្រៀង​នោះ​ក្រុមហ៊ុន​តម្រូវ​ឲ្យ​ច្រៀង​ក្រោយ​តារា​ចម្រៀង​​ប្រុស​ក៏​ដោយ ក្នុង​នោះ​​បទ​ចម្រៀង​ទាំង​អស់​សុទ្ធ​តែ​ទទួល​បាន​ការ​គាំទ្រ​យ៉ាង​ខ្លាំង។

បច្ចុប្បន្ន​នាង​ស្ទើរ​តែ​គ្មាន​ពេល​សម្រាប់​ខ្លួន​ឯង ដោយ​តារា​ចម្រៀង​ស្រី​ល្បី​ឈ្មោះ​រូប​នេះ បាន​​​ធ្វើ​​ការងារ​ស្ទើរ​តែ​ទាំង​ស្រុង​​ជា​មួយ​​ផលិតកម្ម​Galaxy Navatra វា​ពិត​ជា​គួរឲ្យ​ស្ងើចសរសើរ​និង​ការ​ប្រឹងប្រែង​តស៊ូ​របស់​គាត់​ណាស់ ។

The post ផ្ទុះ​សាហាវ តន់ ចន្ទសីម៉ា មាន​អ្នក​មើល​រហូត​ដល់441លាន​ដង ស្ថិត​នៅ​កំពូល​វ៉ា​ដាច់​គេ​ប៉ាត់​ appeared first on .

​ផ្អែក​តាម​ផេក​ផ្លូវ​ការ​សមាគមសហភាពយន្តនៃកម្ពុជា សសភក បាន​សរសេរ​ដែល​មាន​ខ្លឹម​សារ​ទាំង​ស្រុង​បែប​នេះ​ថា” សមាគមសហភាពយន្តនៃកម្ពុជា សូមគោរពថ្លែងអំណរគុណ​យ៉ាងជ្រាលជ្រៅ​បំផុត ជូនចំពោះ លោកឧកញា ហ៊ួត ជា ប្រធានក្រុមហ៊ុន ហ៊ួត ជា ផ្គត់ផ្គង់សម្ភារៈសំណង់ ដែល​បាន​ជួយគាំទ្រ ក៏ដូចជាការចូលរួមឧបត្ថម្ភថវិកា ចំនួន ២.០០០.០០០៛ (ពីរលានរៀល) ដល់សមាគម ក្នុងពេលផលិតភាពយន្តខ្នាតខ្លី ប្រភេទអប់រំ ទាំងអស់គ្នាដើម្បីសុវត្ថិភាពចរាចរណ៍ផ្លូវគោក ។

សមាគមសហភាពយន្តនៃកម្ពុជា យើងខ្ញុំមានមោទកភាព និងសេចក្តីរីករាយឥតឧបមា ចំពោះ​សណ្តាន​ចិត្ត ដ៏ល្អប្រសើរ របស់ លោកឧកញា ហ៊ួត ជា ។ ជាការពិតណាស់ ការជួយគាំទ្រ របស់ លោកឧកញា គឺជាគុណបំណាច់មួយ ក្នុងការជួយសង្គមជាតិ ជួយផ្សព្វផ្សាយអោយប្រជាជន យល់ច្បាស់អំពីច្បាប់ចរាចរណ៍ផ្លូវគោក កាត់បន្ថយគ្រោះថ្នាក់ ការពារអាយុជីវិតប្រជាជន ។

ជាទីបញ្ចប់ សមាគម សហភាពយន្តនៃកម្ពុជា សូមគោរពជូនពរ បវរមហាប្រសើរ សូមជួបតែសេចក្តីសុខចម្រើន សុភមង្គល និង ទទួលជោគជ័យគ្រប់ភារកិច្ចទាំងអស់ ជាពិសេសសូមបួងសួង ដល់គុណព្រះរតនត្រៃ កែវទាំងបី សូមមេត្តាប្រោសប្រទាន ដល់ លោកឧកញា ហ៊ួត ជា សូមទទួលបាននូវពុទ្ធពរ ទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ សូមអរគុណ”។

ប្រភព៖សមាគមសហភាពយន្តនៃកម្ពុជា សសភក

The post រឿង​​អប់រំ​ខ្លី​ដែល​មាន ព្រាប សុវត្ថិ ចូល​រួម​សម្ដែង​នេះ ឧកញ៉ា ហ៊ួត ជា ឧបត្ថម្ភ​ចំនួន​…. appeared first on .

ឯកឧត្ដម ទេសរដ្ឋមន្ត្រី គន់ គីម បាន​ចាត់​ទុក​កាយវិការ​របស់​លោក​ឧកញ៉ា ដែល​ មាន​អតីតភាព​ជា​ក្មេង​ទីជនបទ​ក្រីក្រ និង​ជា​ពលករ​ប្រទេសកូរ៉េ​ខាង​ត្បូង​រូបនេះ​ថា​ ជា​កាយវិការ​ដ៏​ល្អ​ប្រសើរ​ និង​ជាគំរូ​មួយ​នៅ​ក្នុង​សង្គម​កម្ពុជា។ ឯកឧត្តម ទេសរដ្ឋមន្ត្រី ថ្លែង​ទៅ​កាន់​លោក​ឧកញ៉ា ឡេង ណាវ៉ាត្រា ថា”​ការរួមចំណែក​របស់​លោកឧកញ៉ា ឆ្លើយ​តប​ចំសភាពការណ៍ និង​តម្រូវការ​របស់​បងប្អូន​ប្រជាពលរដ្ឋ ដែល​គាត់​កំពុងជួបការលំបាក និង​ខ្វះខាត ព្រោះ​តែទឹកជំនន់។នេះ​ជា​កាយវិការ​ល្អ​ណាស់​សម្រាប់​សង្គមយើង។ យើង​មាន​បាន យើង​ថ្កុំថ្កើង​ ក៏​ដោយ​សារ​បាន​ការ​គាំទ្រ​ពី​ប្រជាជន​ ដូច្នេះ​ពេល​ប្រជាជន​មាន​ទុក្ខលំបាក​ យើង​ត្រូវ​ជួយ​រំលែក​ការលំបាករបស់គាត់។ទង្វើល្អ​ដែល​យើង​បាន​ធ្វើ​ចំពោះ​គាត់​នឹង​ធ្វើ​ឱ្យ​ជីវិត​យើង​មិន​សាបសូន្យ​នោះ​ឡើយ”​។

លោកឧកញ៉ា ឡេង ណាវ៉ាត្រា​បាន​​លើក​ឡើង​​នោះ​ចំពោះ​មុខ​ក្រុម​អ្នក​សារព័ត៌មាន​ដែល​បាន​ចុះ​ទៅ​ព័ត៌មាន​ដោយ​ផ្ទាល់​​ក្នុង​សកម្មភាព​មនុស្សធម៌​នេះ​​ថា «នៅពេលដែលឃើញបងប្អូនខ្មែរមានទុក្ខ ខ្ញុំ​តែង​តែមានទុក្ខជាមួយគាត់។ អ៊ីចឹងយើងមានសេចក្តីសុខ នៅ​ពេល​យើង​បាន​ចែករំលែក​ទៅ​ដល់​គាត់ ព្រោះ​យើង​គិតថា ជីវិតយើងរស់មិនវែងទេ ១០ឆ្នាំ, ២០ឆ្នាំ, ៣០ឆ្នាំទៀត យើង​មិន​ចឹង​ថា​នៅ​ពេល​ណា? អ៊ី​ចឹង​យើង​មានឱកាសហ្នឹង អាចជួយគ្នាបាន យើងគួរតែជួយ ព្រោះ​គាត់ក៏​ចង់រស់​នៅបានស្រួល គាត់ក៏ចង់មានសេចក្តីសុខ អ៊ីចឹងយើងអាចចែករំលែកទៅគាត់ខ្លះទៅ។ ខ្ញុំគិតថា វាមិនចម្លែកសម្រាប់ខ្ញុំទេ»។

ទទឹម​គ្នា​នោះ​ដែរ​លោក ឡេង ណាវ៉ាត្រា ក៏បានបង្ហាញការគាំទ្រពេញទំហឹង​ចំពោះសកម្មភាពរបស់​ថ្នាក់​ដឹកនាំរាជរដ្ឋាភិបាល និង​អាជ្ញាធរ ដែល​បានយកចិត្តទុកដាក់​ចំពោះ​ពលរដ្ឋ​ដែល​កំពុង​ជួប​ទុក្ខ​ជំនន់​ទឹក​ភ្លៀងនៅប្រទេសកម្ពុជា។

សូម​បញ្ជាក់​ផង​ដែរ​​ថា ក្នុង​តួលេខ​បង្ហាញ​ដោយ​សម្ដេច​តេជោ​ហ៊ុន សែន ​នាយក​រដ្ឋមន្ត្រី​នៃ​​ព្រះរាជា​ណាចក្រ​កម្ពុជា កាល​ពី​ពេល​ថ្មីៗ​នេះ សប្បុរស​ជន​ដែល​បាន​ចូល​រួម​ជួយ​​ប្រជាជន​ក្នុង​គ្រោះ​ជំនន់​ទឹកភ្លៀង​ដែល​កំពុង​កើត​មាន​នៅ​ក្នុង​ប្រទេស​​​ គិតត្រឹមម៉ោង 11:34 នាទី​ថ្ងៃ​ត្រង់ ថ្ងៃទី១៩ តុលា ២០២០ ថវិកា​ទទួល​បាន 6,867,524 ដុល្លារ , 396,525,000 រៀល និង ៥.០០០€ (ប្រាំពាន់អឺរ៉ូ)។ ក្នុង​ចំណោម ឧកញ៉ា​ល្បី​ៗ​​​ដែល​ជា​ម្ចាស់​ក្រុមហ៊ុន​ជា​ច្រើន​រូប​​បាន​ចូល​រួម​បរិច្ចាគ​ថវិកា គេ​ឃើញ​​ថា លោក​ឧកញ៉ា ឡេង ណាវ៉ាត្រា នាយក​ក្រុមហ៊ុន ​ឡេង​ណាវ៉ាត្រា​ ​គ្រុប បាន​ចូល​រួម​បរិច្ចាគ​ថវិកា​​ជូន​​ ៦០ម៉ឺន​ដុល្លារ ​ជា​​ចំនួន​ដែល​ច្រើន​ជាង​គេ ខណៈ​ដែល​អ្នក​ដែល​ឈរ​លេខ​រៀង​ទី​២​បាន​ចូល​ចំនួន​៥០ម៉ឺន​ដុល្លារ៕

The post ឯកឧត្ដម​ទេស​រដ្ឋ​មន្ត្រី​គន់ គីម កោតសរសើរ​នៅ​ទឹក​ចិត្ត​មនុស្សធម៌​ដ៏​ធំ​ធេង​ របស់​ ឧកញ៉ា​ឡេង ណា​វ៉ាត់ត្រា​ appeared first on .

លោក យឹម តាស្រង់ នាយក​គ្រប់​គ្រង​ផលិតកម្ម​ខាង​លើ បាន​បញ្ចេញ​ពី​រឿង​នេះ នៅ​លើ​បណ្ដាញ​សង្គម​របស់​នា​ថ្ងៃ​ម្សិលមិញ ដោយ​ទទួល​បាន​សាទរ​ជា​ច្រើន​ពី​ប្រិយមិត្ត​អ្នក​គាំទ្រ​របស់​ផលិតកម្ម។ តា​ស្រង់ បញ្ជាក់​ថា អ្វី​ដែល​លោក​បាន និង​កំពុង​ធ្វើ គឺ​ចង់​លើក​ទឹក​ចិត្ត ក៏​ដូច​ជា​ផ្ដល់​ឱកាស​ដល់​អ្នក​និពន្ធ​វ័យ​ក្មេង និង​មាន​ស្នាដៃ ឲ្យ​មាន​ឱកាស​ទទួល​បាន​ភាព​រីក​ចម្រើន​បន្ថែម​ទៀត ទាំង​សមត្ថភាព​ផ្ទាល់​ខ្លួន កេរ្តិ៍ឈ្មោះ និង​ឈាន​ទៅ​ធ្វើ​ឲ្យ​រីក​ចម្រើន​ខាង​ផ្នែក​ជីវភាព​ផង។

“ចាប់​ផ្តើម​ឲ្យ​ឱកាស​អ្នក​ភ្លេង​ថ្មី​ទៀត​ហើយ ខ្ញុំ​តែង​តែ​ឲ្យ​ឱកាស​អ្នក​និពន្ធ​បទភ្លេង និង​រួម​សហការ​ក្នុង​ការ​ធ្វើ​ចម្រៀង​រួម​គ្នា​ជានិច្ច​នា​ពេល​កន្លង​មក!”។ តាស្រង់ បញ្ជាក់​ថា ទាំង​លោក និង​អ្នក​និពន្ធ សុទ្ធ​តែ​មាន​បទ​ពិសោធន៍​ដូច​គ្នា ដូច្នេះ​ហើយ ទាំង​សង្ខាង​អាច​បំពេញ​ឲ្យ​គ្នា​ទៅ​វិញ​ទៅ​មក នូវ​ចំណុច​ណា​ដែល​ទាំង​សង្ខាង​នៅ​ខ្វះ​ចន្លោះ។ លោក ថ្លែង​ដូច្នេះ​ថា “ពួក​គាត់​ព្រម​ទាំង​ខ្ញុំ​ក៏​មាន​បទ​ដែល​ទទួល​ជោគជ័យ​ដោយ​ការ​រួម​គ្នា​ផង​ដែរ ពួក​គាត់​ខ្វះ​ខ្ញុំ​ជួយ​បន្ថែម ខ្ញុំ​ខ្វះ​ក៏​បើក​ចិត្ត​ឱ្យ​ពួក​គាត់​ជួយ​បំពេញ នេះ​ជា​ជីវិត​ការងារ!”។

អ្នក​និពន្ធ​ចំណូល​ថ្មី​របស់ Galaxy រូប​នេះ ត្រូវ​បាន​គេ​ស្គាល់​ឈ្មោះ​ថា ឃ្លាំង កុម្ភៈ ដែល​មាន​ស្នាដៃ​ជា​ច្រើន​នៅ​ផលិតកម្ម​ចាស់​របស់​ខ្លួន និង​នៅ​ខាង​ក្រៅ​ផលិតកម្ម។ តាម​លោក យឹម តា​ស្រង់ កុម្ភៈ គឺ​ជា​អតីត​អ្នក​និពន្ធ​របស់​ផលិតកម្ម​សាន់ដេ ហើយ​ចំពោះ​អ្វី​ដែល​ប្រិយមិត្ត​បាន​ឃើញ បាន​ដឹង​លឺ​ថា រូប​គេ​បាន​មក​ចូល​ជាមួយ Galaxy នា​ពេល​នេះ ក៏​ព្រោះ​តែ អ្នកនិពន្ធ​បទ​ភ្លេង​រូប​នេះ បាន​អនុវត្ត​ចប់​កិច្ចសន្យា​ការងារ​ជាមួយ​ផលិតកម្ម​ចាស់​ហើយ។

តាម​ការ​បង្ហើប ឃ្លាំង កុម្ភៈ បាន​ចុះ​កិច្ច​សន្យា​រយៈ​ពេល ៥ឆ្នាំ ជាមួយ​ផលិតកម្ម Galaxy Navatra រួច​រាល់​ហើយ។ យ៉ាង​ណា គេ​មិន​ទាន់​ដឹង​ថា កុម្ភៈ នឹង​បញ្ចេញ​ស្នាដៃ​ដំបូង​របស់​គេ​នៅ​ពេល​ណា​នៅ​ឡើយ។ បក​ទៅ​ស្នាដៃ​លេច​ធ្លោ​របស់ កុម្ភៈ​មុន​មក​ចូល​រួម​ជាមួយ​ផលិតកម្ម​របស់​ឧកញ៉ា​វ័យ​ក្មេង ឡេង ណាវ៉ាត្រា វិញ មាន​បទ “បេះដូង​ចេះ​ស្រវឹង!” របស់ នាង គន្ធា “អ្នក​ខាង​នេះ នឹក​អ្នក​ខាង​នោះ” និង​បទ “មនុស្ស​ដូច​ខ្ញុំ” របស់ តន់ ច័ន្ទ​សីម៉ា ជា​ដើម ដែល​សុទ្ធ​បទ​ផ្ទុះ​ខ្លាំង​នៅ​ក្នុង​ចង្កោម​យុវវ័យ៕
ប្រភព៖ Sabay

The post Galaxy Navatra ប្រកាស​ ​អ្នក​និពន្ធ​មាន​ស្នាដៃ​ម្នាក់​ទៀត​ចូល​ផលិតកម្ម​របស់​ខ្លួន appeared first on .