យោងតាមលោក Lorenzo Scarazzato អ្នកជំនាញប្រចាំនៅវិទ្យាស្ថានស្រាវជ្រាវសន្តិភាពអន្តរជាតិស្តុកហូម (SIPRI) ដែលមានមូលដ្ឋាននៅប្រទេសស៊ុយអែត បានឲ្យដឹងនៅថ្ងៃទី៣០ ខែវិច្ឆិកាថា ៖”ការលក់អាវុធជាសកលកាលពីឆ្នាំមុន បានឈានដល់កម្រិតខ្ពស់បំផុតដែលយើងធ្លាប់បានកត់ត្រាទុក ខណៈដែលក្រុមហ៊ុនផលិតអាវុធធំៗបានទាញយកអត្ថប្រយោជន៍នៃតម្រូវការខ្ពស់”។

ទន្ទឺមនឹងនេះ​ ​​SIPRI បានរាយការណ៍ទៀតថា ការលក់របស់ក្រុមហ៊ុនផលិតអាវុធកំពូលទាំង១០០ របស់ពិភពលោកក្នុងឆ្នាំ២០២៤ បានឈានដល់កម្រិតខ្ពស់បំផុតមិនធ្លាប់មាន ៦៧៩ពាន់លានដុល្លារ ពោលគឺកើនឡើង ៥,៩% ពីឆ្នាំ២០២៣។ ប្រាក់ចំណូលរបស់ក្រុមទាំងនេះក៏បានកើនឡើង ២៦% ផងដែរ។

គួរឲ្យដឹងថា ក្រុមហ៊ុនអាមេរិកចំនួន ៣៩ ស្ថិតក្នុងចំណោមក្រុមហ៊ុនផលិតអាវុធកំពូលទាំង១០០ របស់ពិភពលោក ដែលមានប្រាក់ចំណូលសរុបចំនួន ៣៣៤ពាន់លានដុល្លារ ក្នុងឆ្នាំ២០២៤ និងស្ទើរតែពាក់កណ្តាលនៃការលក់ជាសកល។

ដោយឡែក ក្រុមហ៊ុនចំនួន ២៦ មកពីអឺរ៉ុប ក៏បានបង្ហាញពីការកើនឡើង ១៣% នៃការលក់របស់ខ្លួនផងដែរ ពោលគឺឈានដល់តម្លៃចំនួន ១៥១ពាន់លានដុល្លារ។

ជម្រាបជូនថា សាជីវកម្មរុស្ស៊ីពីរ ក៏ស្ថិតនៅក្នុងបញ្ជីនោះផងដែរ ជាមួយនឹងប្រាក់ចំណូលសរុបចំនួន ៣១,២ពាន់លានដុល្លារ ដែលបានកើនឡើង ២៣%៕

The post ការលក់សព្វាវុធលើសកលលោក ឈានដល់តម្លៃ ៦៧៩ពាន់លានដុល្លារ កាលពីឆ្នាំមុន appeared first on .

CEO រូបនេះបានបន្តទៀតថា សហភាពអឺរ៉ុបកំពុងទិញសព្វាវុធតិចជាងសហរដ្ឋអាមេរិកដល់ទៅប្រាំដងឯណោះ ហើយបីភាគបួននៃអាវុធទាំងនោះមិនត្រូវបានផលិតនៅអឺរ៉ុបទេ ភាគច្រើននៅអាមេរិក។ មូលហេតុដូច្នេះក៏ដោយសារតែ ការបណ្តាក់ទុនចំពោះការផលិតសព្វាវុធនៅអឺរ៉ុបមានតិចតួចពេក ហើយចុងបញ្ចប់សព្វាវុធដែលអាចទៅរកទិញបានយ៉ាងឆាប់រហ័ស គឺមានតែនៅសហរដ្ឋអាមេរិកប៉ុណ្ណោះ។ ម្យ៉ាងវិញទៀត អ្នកនយោបាយមិនត្រូវមានចក្ខុវិស័យគិតត្រឹមរយៈពេលខ្លីនោះទេ ពោលត្រូវគិតគូឲ្យបានវែងឆ្ងាយ។

មិនត្រឹមតែប៉ុណ្ណោះ លោក Faury ក៏បានអំពាវនាវឲ្យមានកិច្ចសហប្រតិបត្តិការការពារជាតិជាមួយអង់គ្លេស ដ្បិតអីប្រទេសមួយនេះកំពុងអភិវឌ្ឍលើគម្រោងយន្តហោះចម្បាំង GCAP ជាមួយអ៊ីតាលី និងជប៉ុន ខណៈប្រទេសបារាំង អាល្លឺម៉ង់ និងអេស្បាញ កំពុងបន្តអភិវឌ្ឍន៍គម្រោងយន្តហោះចម្បាំង FCAS ៕

The post អឺរ៉ុបត្រូវផ្តោតសំខាន់ លើការវិនិយោគក្នុងវិស័យការពារជាតិ appeared first on .

វិទ្យាស្ថានស្រាវជ្រាវសន្តិភាពអន្តរជាតិ Stockholm បាននិយាយនៅក្នុងរបាយការណ៍របស់ខ្លួនថា ទោះជាយ៉ាងណាក៏ដោយ ក្នុងអំឡុងពេលដូចគ្នានេះ ការនាំចូលអាវុធសំខាន់ៗទៅកាន់បណ្តាប្រទេសអឺរ៉ុបបានកើនឡើង៩៤% ប៉ុន្តែរដ្ឋនៅក្នុងតំបន់អាស៊ី អូសេអានី និងមជ្ឈិមបូព៌ាបានបន្តនាំចូលអាវុធក្នុងបរិមាណធំជាងនៅអឺរ៉ុបទៅទៀត។

តាមរបាយ​ការណ៍​បាន​បង្ហាញ​ថា ប្រទេស​នាំ​ចេញ​អាវុធ​លំដាប់កំពូល​ទាំង​បី​គឺមានប្រទេស​ឥណ្ឌា អារ៉ាប៊ីសាអូឌីត និង​កាតា ខណៈ​អ៊ុយក្រែន​ក៏ជា​ប្រទេសដែលនាំចេញអាវុធ​ធំលំដាប់​ទី​បួនផងដែរ ម្យ៉ាងវិញទៀតអ៊ុយក្រែនជាប្រទេសដែលមានការកើនឡើងនៃការនាំចូលអាវុធដល់ទៅចំនួន៦,៦៣៣% នៅអំឡុងឆ្នាំ២០១៩ ដល់ឆ្នាំ២០២៣ ធៀបនឹងរយៈពេលប្រាំឆ្នាំមុន ស្របពេលដែលប្រទេសប៉ាគីស្ថាន ជប៉ុន អេហ្ស៊ីប អូស្ត្រាលី កូរ៉េខាងត្បូង និងចិន គឺជាប្រទេសនាំចូលអាវុធធំជាងគេក្នុងចំណោមប្រទេសនាំចូលអាវុធធំបំផុតទាំង១០ របស់ពិភពលោកនៅរយៈពេល ៥ឆ្នាំមកនេះ។

មិនត្រឹមតែប៉ុណ្ណោះ នៅរយៈពេលប្រាំឆ្នាំចុងក្រោយមកនេះ ការនាំចេញអាវុធរបស់សហរដ្ឋអាមេរិកមានចំនួន៤២% ខណៈដែលប្រទេសបារាំងវិញបានកើនឡើងនៃការនាំចេញចំនួន៤៧% វ៉ាដាច់រុស្ស៊ីដែលធ្លាប់មានឈ្មោះថា ជាប្រទេសផ្គត់ផ្គង់អាវុធធំបំផុតទីពីររបស់ពិភពលោក ពោលប្រទេសដែលកំពុងជាប់ដៃធ្វើសង្គ្រាមជាមួយអ៊ុយក្រែនមួយនេះ បានធ្លាក់ចុះនៃការចេញដល់ទៅចំនួន៥៣% ឯណោះ៕

The post ការជួញដូរសព្វាវុធសកលធ្លាក់ចុះ៣,៣% នៅចន្លោះឆ្នាំ២០១៩​ និង២០២៣ appeared first on .

បើតាមប្រភពដដែលនេះ បានបង្ហាញឲ្យដឹងទៀតថា អ៊ុយក្រែន បានក្លាយជាប្រទេសនាំចូលអាវុធធំបំផុតទី៤ របស់ពិភពលោក ខណ:ពេលដែលបារាំង បានជំនួសតំណែងរបស់រុស្ស៊ី ក្នុងនាមជាប្រទេសនាំចេញអាវុធធំជាងគេបំផុតទី២ របស់ពិភពលោក បន្ទាប់ពីសហរដ្ឋអាមេរិក។

ទន្ទឹមនឹងនេះ យោងតាមរបាយការណ៍របស់វិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI) បានបង្ហាញឲ្យដឹងទៀតថា ការនាំចូលអាវុធទៅកាន់តំបន់អឺរ៉ុបបានកើនឡើង ៩៤% គិតចន្លោះពីឆ្នាំ២០១៩ ដល់ឆ្នាំ២០២៣ បើធៀបទៅនឹងរយៈពេល ៥ឆ្នាំមុន។

របាយការណ៍ពី SIPRI បានកត់សម្គាល់ទៀតថា យ៉ាងហោចណាស់មានប្រទេសចំនួន ៣០ បានផ្គត់ផ្គង់សព្វាវុធសំខាន់ៗ ដូចជាជំនួយយោធាដល់ប្រទេសអ៊ុយក្រែន ចាប់តាំងពីរុស្ស៊ីបានចូលឈ្លានពាន ក្នុងខែកុម្ភៈ ឆ្នាំ២០២២ មក។

ប៉ុន្តែ​ជាមួយគ្នានោះ ប្រទេស​ក្នុងតំបន់អឺរ៉ុប​ផ្សេងទៀត​ក៏បាន​បង្កើន​ការ​នាំចូលអាវុធ​ផងដែរ ដោយភាគច្រើននាំយក​ពីសហរដ្ឋអាមេរិក ដែលជាប្រទេសនាំចេញ​អាវុធ​លំដាប់​ថ្នាក់លេខ​មួយ​របស់​ពិភពលោក៕

The post ការនាំចូលសព្វាវុធទៅកាន់តំបន់អឺរ៉ុប កើនឡើងជិតទ្វេដង ក្នុងរយ:ពេល ៥ឆ្នាំចុងក្រោយ appeared first on .

ថ្លែងក្នុងពិធីបុកគ្រឹះសាងសង់រោងចក្រផលិតអាវុធដ៏ធំមួយនៅរដ្ឋ Lower Saxony លោក Papperger បានលើកឡើងថា ខ្លួននឹងវិនិយោគជាង ៣០០លានដុល្លារនៅក្នុងរោងចក្រថ្មីនេះ ខណៈវាត្រូវបានគេរំពឹងថា នឹងផលិតគ្រាប់កាំភ្លើងធំឲ្យបានចំនួន ២០០ ០០០គ្រាប់ក្នុងមួយឆ្នាំៗ។

មិនត្រឹមតែប៉ុណ្ណោះ លោកបានបន្ថែមថា គ្រាប់រំសេវដ៏ច្រើនសន្ធឹកសន្ធាប់របស់អឺរ៉ុបត្រូវបានបញ្ជូនទៅកាន់ប្រទេសអ៊ុយក្រែន ដោយបន្សល់ទុកក្នុងឃ្លាំងមានចំនួនតិចតួចប៉ុណ្ណោះ ដូច្នេះហើយយើងត្រូវផលិតគ្រាប់រំសេវឲ្យបានចំនួន ១,៥លានគ្រាប់នៅអឺរ៉ុប។ ដ៏រាបណានៅមានសង្គ្រាម យើងត្រូវជួយអ៊ុយក្រែន ប៉ុន្តែពួកយើងក៏ត្រូវការពេលវេលា ៥ឆ្នាំយ៉ាងតិច ហើយបើចង់ឲ្យគ្រាប់រំសេវមាននៅក្នុងស្តុកគ្រប់គ្រាន់នោះ គឺត្រូវការរយៈពេលរហូតដល់ ១០ឆ្នាំ។

ជាមួយគ្នានេះ អធិការបតីអាឡឺម៉ង់លោក Olaf Scholz បានលើកឡើង ក៏ដូចជាចង្អុលបង្ហាញផងដែរថា បណ្តាប្រទេសនៅអឺរ៉ុបត្រូវតែប្រមូលផ្តុំការបញ្ជាទិញ និងហិរញ្ញប្បទានរួមគ្នា ដើម្បីផ្តល់ការធានាចំពោះការទិញឧបករណ៍ការពារសម្រាប់ទសវត្សរ៍ខាងមុខ។ ម្យ៉ាងវិញទៀត វាជារឿងបន្ទាន់ចាំបាច់ ពីព្រោះយើងមិនរស់នៅក្នុងគ្រាដែលមានសន្តិភាពពេញលេញនោះទេ តួយ៉ាងដូចសង្គ្រាមរបស់រុស្ស៊ីនៅអ៊ុយក្រែនជាដើម៕

ជាងនេះទៅទៀត លោកបានសង្កត់ធ្ងន់ថា យើងត្រូវតែផ្លាស់ប្តូរពីការផលិតធម្មតាទៅជាការផលិតសព្វាវុធបែបទ្រុងទ្រាយធំ ដោយលើកហេតុផលថា អ្នកដែលចង់បានសន្តិភាព ទាល់តែអាចរារាំងពួកដែលឈ្លានពានអ្នកដ៏ទៃ បានដោយជោគជ័យ៕

The post អឺរ៉ុបត្រូវការពេលមួយទសវត្សរ៍ទៀត ដើម្បីបំពេញឃ្លាំងអាវុធទប់ទល់សង្គ្រាម appeared first on .

សារព័ត៌មាន Reuters បានចុះផ្សាយថា ការលក់ និងការផ្ទេរសព្វាវុធត្រូវបានចាត់ទុកថាជាឧបករណ៍គោលនយោបាយការបរទេសដ៏សំខាន់របស់សហរដ្ឋអាមេរិក ជាមួយនឹងផលប៉ះពាល់រយៈពេលវែង ដ៏មានសក្តានុពលសម្រាប់សន្តិសុខក្នុងតំបន់ និងពិភពលោក។ នេះបើតាមសេចក្តីថ្លែងការណ៍មួយដែលក្រសួងការបរទេសអាមេរិកបានលើកឡើង។

ក្នុងនោះ ការលក់សព្វាវុធទៅកាន់រដ្ឋាភិបាលបរទេសរួមមានប្រព័ន្ធគ្រាប់រ៉ុក្កែតចល័តខ្ពស់ (HIMARS) ដែលមានតម្លៃ ១០ពាន់លានដុល្លារទៅកាន់ប្រទេសប៉ូឡូញ ហើយចំណែកឯកាំជ្រួច (AMRAAM) តម្លៃ ២,៩ពាន់លានដុល្លារទៅកាន់ប្រទេសអាឡឺម៉ង់ និងប្រព័ន្ធមីស៊ីលអាកាស (NASAMS) ទៅកាន់ប្រទេសអ៊ុយក្រែន។

ទន្ទឹមនឹងនោះ ការលក់អាវុធយោធាដោយផ្ទាល់ពីក្រុមហ៊ុនអាមេរិកបានកើនឡើងពីចំនួន ១៥៣,៦ពាន់លានដុល្លារក្នុងឆ្នាំសារពើពន្ធ២០២២ ដល់ចំនួន ១៥៧,៥ពាន់លានដុល្លារក្នុងឆ្នាំសារពើពន្ធ២០២៣ ខណៈឯការលក់តាមរយៈការទូតជាមួយមន្ត្រីការពារជាតិនៅស្ថានទូតអាមេរិកបានកើនដល់ ៨០,៩ពាន់លានដុល្លារក្នុងឆ្នាំ២០២៣ ពីចំនួន ៥១,៩ពាន់លានដុល្លារកាលពីឆ្នាំ២០២២ ។

គួរជម្រាបថា មានវិធីសាស្ត្រធំៗពីរយ៉ាងដែលរដ្ឋាភិបាលបរទេស អាចបញ្ជាទិញអាវុធពីសហរដ្ឋអាមេរិកបាន ដោយទីមួយនោះគឺតាមរយៈការចរចារជាមួយក្រុមហ៊ុនផលិតដោយផ្ទាល់ ហើយវិធីមួយផ្សេងទៀតរដ្ឋាភិបាលបរទេសតម្រូវធ្វើការទាក់ទងទៅកាន់មន្ត្រីក្រសួងការពារជាតិនៅស្ថានទូតអាមេរិកក្នុងរដ្ឋធានីរបស់ខ្លួន ក៏ប៉ុន្តែវិធីទាំងពីរនេះក៏ត្រូវទាមទារឲ្យមានការយល់ព្រមពីរដ្ឋាភិបាលសហរដ្ឋអាមេរិកជាមុនសិនផងដែរ៕

The post អាមេរិកលក់សព្វាវុធបានលុយ ២៣៨ពាន់លានដុល្លារនៅឆ្នាំ២០២៣ appeared first on .

មន្ត្រីយោធាកូរ៉េខាងត្បូងម្នាក់បានរាយការណ៍ថា អាវុធប្រហែល ២ពាន់កុងតឺន័រ ត្រូវបានដឹកជញ្ជូនចេញពីកំពង់ផែ Rason នៅភាគឦសាននៃប្រទេសកូរ៉េខាងជើង ទៅកាន់ទីក្រុង Vladivostok នៅចុងបូព៌ានៃប្រទេសរុស្ស៊ី។

មន្ត្រីយោធាកូរ៉េខាងត្បូងម្នាក់នោះក៏បានបន្ថែមផងដែរថា ការដឹកជញ្ជូនសព្វាវុធរបស់កូរ៉េខាងជើង ទៅកាន់ប្រទេសរុស្ស៊ីហាក់ដូចជាកាន់តែញឹកញាប់នៅក្នុងខែតុលា។

ដោយឡែក ការលើកឡើងនេះ បានកើតឡើងមួយថ្ងៃបន្ទាប់ពីសេវាស៊ើបការណ៍សម្ងាត់ជាតិរបស់កូរ៉េខាងត្បូង បានជូនដំណឹងទៅកាន់គណៈកម្មាធិការសភាថា កូរ៉េខាងជើងហាក់ដូចជាបានបញ្ជូនកាំភ្លើងធំជាងមួយលានដើម និងអាវុធផ្សេងៗទៀត ទៅកាន់ប្រទេសរុស្ស៊ីប្រហែលជា ១០លើក ចាប់តាំងពីដើមខែសីហាមក។

ជាមួយគ្នានោះ ប្រទេសកូរ៉េខាងជើង ក៏ត្រូវបានគេចង្អុលបង្ហាញថា បានផ្គត់ផ្គង់សព្វាវុធដល់រុស្ស៊ីចាប់តាំងពីពាក់កណ្តាលឆ្នាំ ២០២២ មកម្លេះ ដោយបន្ថែមថាការផ្គត់ផ្គង់នោះ កាន់តែកើនឡើងបន្ទាប់ពីមេដឹកនាំកូរ៉េខាងជើងលោក Kim Jong Un បានជួបជាមួយប្រធានាធិបតីរុស្ស៊ីលោក Vladimir Putin នៅប្រទេសរុស្ស៊ីកាលពីខែកញ្ញាកន្លងទៅ។

គួររម្លឹកដែរថា នៅក្នុងអំឡុងខែតុលា សហរដ្ឋអាមេរិកក៏បានចោទកូរ៉េខាងជើងថា បានបញ្ជូនឧបករណ៍យោធា និងគ្រាប់បែកប្រមាណជាជាង ១ពាន់កុងតឺន័រទៅកាន់ប្រទេសរុស្ស៊ីផងដែរ៕

The post កូរ៉េខាងត្បូង៖ កូរ៉េខាងជើង បញ្ជូនសព្វាវុធជាង ២ពាន់កុងតឺន័រទៅកាន់ប្រទេសរុស្ស៊ី appeared first on .