អ្នកឧកញ៉ា គិត ម៉េង ផ្ញើលិខិតអបអរសាទរ ឧកញ៉ា អ៉ឹង វណ្ណម៉ៅ ដែលបានជាប់ឆ្នោតជាប្រធានសភាពាណិជ្ជកម្ម ខេត្តបន្ទាយមានជ័យ

ឧកញ៉ាដែនដី — Fri, 28 Jun 2024 02:03:10 +0000

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា កាលថ្ងៃទី២៦ ខែមិថុនា ឆ្នាំ២០២៤ បានផ្ញើលិខិតអបអរសាទរជូន ឧកញ៉ា អ៉ឹង វណ្ណម៉ៅ ដែលត្រូវបានសមាជិកបោះឆ្នោតគាំទ្រជាប្រធានសភាពាណិជ្ជកម្ម ខេត្តបន្ទាយមានជ័យ អាណត្តិទី៣ លើកទី១។

ខ្លឹមសារលិខិតរបស់អ្នកឧកញ៉ា គិត ម៉េង បានបញ្ជាក់ថា អ្នកឧកញ៉ា និងភរិយា ព្រមទាំងអនុប្រធាន សមាជិក សមាជិកា អគ្គនាយក បុគ្គលិក សភាពាណិជ្ជកម្មទាំងអស់ សូមសម្តែងនូវមនោសញ្ចេតនាអបអរសាទរ និងរីករាយយ៉ាងក្រៃលែងជូនចំពោះ ឧកញ៉ា អ៉ឹង វណ្ណម៉ៅ ដែលបានជាប់ឆ្នោតជា ប្រធានសភាពាណិជ្ជកម្មខេត្តបន្ទាយមានជ័យ អាណត្តិទី៣ លើកទី១ ដោយទទួលបានការទុកចិត្តពីសមាជិក សមាជិកា បោះឆ្នោតគាំទ្រ ១០០% កាលពីរសៀលថ្ងៃទី២៤ ខែមិថុនា ឆ្នាំ២០២៤។

លិខិតដដែល បានបន្ថែមទៀតថា ជោគជ័យដ៏ត្រចះត្រចង់នេះ ជាសក្ខីភាពសរបញ្ជាក់ថា សមាជិក សមាជិកា ពិតជាមានជំនឿចិត្តលើការដឹកនាំប្រកបដោយភាពឈ្លាសវៃ ប៉ិនប្រសព្វ និងការទទួលខុសត្រូវខ្ពស់របស់ ឧកញ៉ា ដើម្បីផ្តល់ភាពកក់ក្តៅជូនដល់គ្រប់ពាណិជ្ជករ អាជីវករនៅក្នុងខេត្ត ញ៉ាំងឱ្យស្ថាប័នសភាពាណិជ្ជកម្មខេត្តបន្ទាយមានជ័យ ដើរតួនាទីរួមជាមួយសភាពាណិជ្ជកម្មកម្ពុជា មិនអាចខ្វះបានក្នុងការចូលរួមយ៉ាងសកម្មជាមួយរដ្ឋបាលខេត្ត ក៏ដូចជារាជរដ្ឋាភិបាលកម្ពុជា ធ្វើឱ្យសេដ្ឋកិច្ចជាតិមានការអភិវឌ្ឍន៍រីកចម្រើនជាលំដាប់គួរជាទីមោទនៈ។

គួរបញ្ជាក់ថា លោកឧកញ៉ា អ៉ឹង វណ្ណម៉ៅ បានជាប់ឆ្នោតជាប្រធានសភាពាណិជ្ជកម្មខេត្តបន្ទាយមានជ័យថ្មី ជំនួសប្រធានចាស់ លោក ឈឿន ឈីវអៀន។ ឧកញ៉ា អ៉ឹង វណ្ណម៉ៅ ត្រូវបានគេដឹងថា ជាប្រធានសមាគមខ្មែរ-ចិនស្រុកមង្គលបុរី, ម្ចាស់សាលារៀនចុងវ៉ា និងជាអតីតសមាជិកក្រុមប្រឹក្សាស្រុកមង្គលបូរី ខេត្តបន្ទាយមានជ័យ ផងដែរ៕

The post អ្នកឧកញ៉ា គិត ម៉េង ផ្ញើលិខិតអបអរសាទរ ឧកញ៉ា អ៉ឹង វណ្ណម៉ៅ ដែលបានជាប់ឆ្នោតជាប្រធានសភាពាណិជ្ជកម្ម ខេត្តបន្ទាយមានជ័យ appeared first on .

មកស្គាល់ក្រុមហ៊ុន៤ ដែលកំពុងលេចធ្លោរ នៅខេត្តបន្ទាយមានជ័យ

ឧកញ៉ាដែនដី — Mon, 06 Jun 2022 02:53:33 +0000

បន្ទាយមានជ័យ ជាខេត្តដ៏មានសេដ្ឋកិច្ចសំខាន់មួយរបស់ប្រទេសកម្ពុជា។ ខេត្តនៅភាគពាយ័ព្យមួយនេះ មានព្រំប្រទល់ជាប់នឹងខេត្តឧត្តរមានជ័យ សៀមរាប បាត់ដំបង និងមានព្រំដែនជាប់នឹងប្រទេសថៃ។ បន្ទាយមានជ័យ មានក្រុងចំនួន២គឺ ក្រុងសិរិសោភ័ណ (ទីរួមខេត្ត) និងក្រុងប៉ោយប៉ែត ដែលជាចរន្តសេដ្ឋកិច្ចដ៏ខ្លាំងក្លាបំផុតមួយ។ ដោយសារមានច្រកអន្តរជាតិប៉ោយប៉ែត ភ្ជាប់មកក្រុងសិរិសោភ័ណ បានធ្វើឱ្យខេត្តមួយនេះ មានក្រុមហ៊ុន និងការវិនិយោគជាច្រើន។

ថ្ងៃនេះ ឧកញ៉ាញូស៍ សូមបង្ហាញក្រុមហ៊ុន ឬមុខជំនួញចំនួន ៤ ដែលកំពុងមានសកម្មភាពលេចធ្លោរ នៅខេត្តបន្ទាយមានជ័យ ដូចខាងក្រោម៖

១. ក្រុមហ៊ុន Talk2 Solution & Talk2 Coffee | ម្ចាស់ក្រុមហ៊ុន លោក ឈឿង ឈីវអៀន ប្រធានសភាពាណិជ្ជកម្មខេត្តបន្ទាយមានជ័យ

២. ក្រុមហ៊ុន ហ៊ុយ ឡេង ជោគជ័យ១ (ផ្សារ ហ៊ុយ ឡេង) | ប្រធានក្រុមហ៊ុន លោក ហ៊ុយ ឡេង អនុប្រធានសភាពាណិជ្ជកម្មខេត្តបន្ទាយមានជ័យ

៣. ក្រុមហ៊ុនអន្តរជាតិ សៀងហ៊ី លក់គ្រឿងយន្ត Kubota និងជីគ្រប់ប្រភេទ | ប្រធានក្រុមហ៊ុន លោក ស៊ាង តូហ៊ី អនុប្រធានសភាពាណិជ្ជកម្មខេត្តបន្ទាយមានជ័យ

៤. ក្រុមហ៊ុនដូរប្រាក់ ឆាន់ ម៉ាន់ហេង | ម្ចាស់ក្រុមហ៊ុន លោក ឆាន់ ប៊ុនម៉ាន់ អនុប្រធានសភាពាណិជ្ជកម្មខេត្តបន្ទាយមានជ័យ។

The post មកស្គាល់ក្រុមហ៊ុន៤ ដែលកំពុងលេចធ្លោរ នៅខេត្តបន្ទាយមានជ័យ appeared first on .