លោក ហូ វណ្ឌី ប្រធានក្រុមប្រឹក្សានៃសមាគមទេសចរណ៍កម្ពុជា បានឱ្យដឹងថា ក្នុងអំឡុងពេលមានវិបត្តិជំងឺកូវីដ១៩ មិនមែនមានតែប្រទេសកម្ពុជានោះទេ ប្រទេសផ្សេងទៀតក៏មានក្តីបារម្ភខ្លំាងក្លាដូចគ្នាទាក់ទងសង្គមនិងសង្គម។ប៉ុន្តែនៅពេលព្រឹត្តិការណ៍វិបត្តិជំងឺកូវីដ១៩សាបរលាបបាត់ទៅបណ្តាប្រទេសនៅជុំវិញកម្ពុជាសម្រាប់វិស័យទេសចរណ៍ គេមមាញឹក្នុងការទទួលយកភ្ញៀវទេសចរដ៏ច្រើនតាមរយៈអ្នកប្រើប្រាស់បណ្តាញទំនាក់ទំនងសង្គមបានបង្ហោះរូបភាពភ្ញៀវទេសចរចូលទៅលេងនៅប្រទេសថៃ វៀតណាម និងសឹង្ហបុរីជាដើម។ប៉ុន្តែងាកមកខាងកម្ពុជាវិញព្រឹត្តិការណ៍នេះវាខុសប្លែកគ្នា។ក្នុងវិស័ទេសចរណ៍របស់កម្ពុជាស្ថិតនៅក្នុងដំណាក់កាលចាប់ផ្តើមទទួលបានភ្ញៀវទេសចរមានសន្ទុះយឺត បើប្រៀបធៀបនិងបណ្តាប្រទេសជិតខាង។

ដើម្បីទាក់ទាញភ្ញៀវទេសចរ លោក ហូ វណ្ឌី លើកឡើងថា មានកត្តាមួយចំនួនដែលត្រូវជំរុញឱ្យកម្ពុជាមានការផ្លាស់ប្តូរ ទាមទារឱ្យយើងជជែកគ្នាទៅសម្រាប់វិស័យសាធារណៈនិងវិស័យឯកជន។ការដោះស្រាយនេះយើងមិនមែននិយាយអំពីការទូតទេគឺយើងនិយាយអំពីការពិតដើម្បីឱ្យវិស័យទេសចរណ៍មួយនេះបានដើរទៅលឿនប្រកបដោយភាពរលូន។

លោកសង្កត់ធ្ងន់ថា«បើយើងនិយាយអំពីការទូតយើងពិបាកនិងដោះស្រាយបញ្ចប់បញ្ហាណាស់ ព្រោះការងារមួយចំនួនយើងត្រូវប្រើរយៈពេលខ្លី បើយើងនិយាយអំពីការទូតទោះមួយជីវិតក៏យើងដោះស្រាយមិនចេញដែរ។ប៉ុន្តែបើយើងនិយាយអំពីការពិត ហើយរួមគ្នាដោះស្រាយទើបធ្វើឱ្យវិស័យមួយនេះទទួលបានភ្ញៀវទេសចរចូលមកទស្សនាកម្ពុជាច្រើនឬប្រហាក់ប្រហែលនិងប្រទេសជិតខាង»។

លោក ធឿន វុឌ្ឍី មគ្គទេសក៍ ទេសចរណ៍ប្រចំាខេត្តសៀមរាប យល់ឃើញថា«បើសិនជាយើងព្យាយាមធ្វើរបាយការណ៍បង្ហាញអំពីវឌ្ឍនភាពនៃវិស័យទេសចរណ៍ក្រោមការដឹកនំារបស់រាជរដ្ឋាភិបាល តែបើសិនយើងប្តូរពីការប្រឹងកែលម្អរបាយការណ៍ មកជួបជជែកជាមួយអ្នកកំពុងតែប្រកបអាជីវកម្មផ្ទាល់ រស់នៅផ្ទាល់ជាមួយទេសចរប្រហែលឆាប់រកដំណោះស្រាយឃើញ»។

សម្រាប់វិស័យទេសចរណ៍កម្ពុជា លោក ធឿន វុឌ្ឍី សង្កត់ធ្ងន់ថា«បច្ចុប្បន្ននេះយើងគិតថាវិស័យទេសចរណ៍កម្ពុជាកំពុងតែចាប់ផ្តើមទាក់ទាញភ្ញៀវទេសចរទៅចុះ។បើកាលណាទាក់ទាញទាល់តែយើងឃើញមានភ្ញៀវបានកក់កន្លែងមកមុនមានច្រើន តែមកដល់ពេលនេះវានៅមានចំនួនតិចតួចនៅឡើយ។មានន័យថាវាកំពុងស្ថិតក្នុងដំណាក់ការមួយយើងកំពុងដំណើរការផ្សព្វផ្សាយនិងរៀបចំឡើងវិញ»។

បើតាមមគ្គទេសក៏ ទេសចរណ៍ខាងលើរូបនេះ គិតត្រឹមតែរយៈពេល៩ខែឆ្នំា២០២៣នេះថៃអាចរកប្រាក់ចំណូលរាប់ពាន់លានដុល្លារអាមេរិកពីវិស័យទេសចរណ៍។ តែសម្រាប់យើងកាលណាខេត្តសៀមរាបស្ងប់ស្ងាត់ភ្ញៀវទេសចរហើយ ច្បាស់ណាស់កន្លែងផ្សេងទៀតក៏ស្ងាត់ដែរ ព្រោះគោលដៅទេសចរណ៍សំខាន់មកកាន់កម្ពុជាគឺខេត្តសៀមរាប។

ដើម្បីទាក់ទាញភ្ញៀវទេសចរ លោក ហូ វណ្ឌី ទី (១)ភាពប្រទាក់ក្រឡាគ្នាគឺជាសរសរស្តម្ភមួយសំខាន់ណាស់សម្រាប់ទេសចរណ៍កម្ពុជាហើយនៅក្នុងនោះការលើកលែងទិដ្ឋការទៅដល់ភ្ញៀវទេសចរគោលនិងទេសចរបន្ទាប់បន្សំ។(២)ការលើកទឹកចិត្តដល់ការវិនិយោគ យើងឃើញហើយបន្ទាប់វិបត្តិជំងឺកូវីដ១៩សាបរលាបបាត់ទៅ អ្នកផ្គត់ផ្គង់នៅក្នុងវិស័យទេសចរឬអ្នកអាជីពទេសចរណ៍បានបាត់បង់ច្រើនទំាងធនធានមនុស្សនិងធនធានថវិកា។ដូចនេះអ្នកណាជាអ្នកជួយទំនុកបម្រុងនេះគឺ មានតែវិស័យសាធារណៈទេអាជួយដល់វិស័យនេះបាន។ (៣)ប្រព័ន្ធហេដ្ឋារចនាសម្ព័ន្ធនៅមានកម្រិត ហើយការផ្គត់ផ្គង់អាកាសចរណ៍នៅក្នុងស្រុកត្រូវការថែមទៀត ព្រោះការធ្វើដំណើរតាមរថយន្តត្រូវប្រើរយៈពេលយូរទម្រំាដល់គោលដៅ។

លើសពីនេះសូមឱ្យស្ថាប័នគ្រប់ជំនាញរឹតបន្តឹងទៅលើឥរិយាបទ ក្រមសីលធម៌របស់មន្ត្រីជំនាញ។យើងត្រូវដឹងថាភ្ញៀវទេចរចូលមកកម្ពុជាគឺជាមនុស្សដែលមានលាភ ផ្តល់ប្រយោជន៍ដល់យើងទំាងអស់គ្នា កុំគិតថាភ្ញៀវទេសចចូលមកគឺជាសាច់ជ្រូកត្រូវកាប់គេ វាមិនមែនអីចឹងទេ។ការលើកលែងអ្វីមួយ វាអាចផ្តល់ផលប្រយោជន៍អ្វីមួយទៅដល់ប្រជាពលរដ្ឋ។ឧទារហ៍ការលើកលែងទិដ្ឋកា។ ប៉ុន្តែភ្ញៀវចូលមកកម្ពុជាគាត់សម្បាយចិត្ត ហើយការសប្បាយចិត្តរបស់ភ្ញៀវទេរសចរនេះ អាចធ្វើឱ្យគាត់ចាយវាយលើសពីតម្លៃទិដ្ឋការ៕អត្ថបទ៖សារេត

The post អ្នកជំនាញ៖ ការដោះស្រាយក្នុងវិស័យទេសចណ៍មិនមែននិយាយអំពីការទូតគឺនិយាយការពិត appeared first on .

ប្រធានសមាគមទេសចរណ៍កម្ពុជា លោកស្រី ឆាយ ស៊ីវលីន បានឱ្យដឹងថា សម្រាប់ភ្ញៀវទេសចរក្នុងស្រុកដែលគាត់ សម្រេចចិត្តចេញទៅដើរលេងខាងក្រៅ ខណៈដែលនៅក្នុងប្រទេសក៏មានការប្រារព្ធរៀបចំទទួលទេព្តាឆ្នំាថ្មីមានច្រើន​ខេត្ត​និង​មានលក្ខណៈប្លែកៗ ហើយពួកគាត់នៅតែសម្រេចចេញដើរទៅក្រៅ ដោយសារគាត់មានការកក់សំបុត្រយូរហើយ។

លោក​ស្រី បន្តថា ស្ថិតនៅក្នុងកំឡុងពេលបិទខ្ទប់នៃជំងឺកូវីដ១៩រយៈពេល៣ឆ្នំា ខកខានចេញដើរទៅខាងក្រៅយូរឆ្នំា អ៊ីចឹង​ធ្វើឱ្យ​គាត់មានការពុះកញ្ច្រូលចង់ទៅដើរលេងនៅក្រៅប្រទេស ។

លើសពីនេះការចេញដើរទៅក្រៅប្រទេសសព្វថ្ងៃនេះតម្លៃសំបុត្រយន្តក៏មានការធូរថ្លៃតំាងពីមានការកើនឡើងក្នុងវិស័យអាកាសចរណ៍ បានធ្វើឱ្យតម្លៃសំបុត្រយន្តធ្លាក់ចុះនិងមានការប្រកួតប្រជែងគ្នា។តួយ៉ាងដូចជាទៅខាងវៀតណាម(កោះត្រល់)ថ្លៃជាង៣០០ដុល្លារអាមេរិក,ម៉ាឡេស៊ី សំាងហ្គាពួថ្លៃជាង៤០០ដុល្លារអាមេរិក។

លោកស្រី ឆាយ ស៊ីវលីន មានប្រសាសន៍ថា«មុនបរិបទជំងឺកូវីដ១៩ប្រជាពលរដ្ឋខ្មែរចូលចិត្តធ្វើដំណើរទៅកម្សាន្តដូចជា​នៅប្រទេសចិន,ម៉ាឡេស៊ី សំាងហ្គាពួនិង វៀតណាម ប៉ុន្តែនៅឆ្នំា២០២៣នេះដោយសារតែប្រទេសចិនទើបបើកចំហ​ប្រ​ទេ​ស​​​ឡើងវិញ ធ្វើឱ្យការបើកទទួលយកភ្ញៀវទេសចរយឺតបន្តិចធ្វើឱ្យខាងទីភ្នាក់ងារទេសចរណ៍យើង ដែល​ជាអ្នក​រៀប​ចំកញ្ចប់ទៅទស្សនៈកិច្ចនៅខាងក្រៅប្រទេសគាត់រៀបចំមិនទាន់ អ៊ីចឹង​ឃើញថាកំឡុងពេលនេះទេសចរក្នុងស្រុក​គ្រោង​ចេញ​ទៅកម្សាន្តនៅប្រទេសម៉ាឡេស៊ី សាំងហ្គាពូ(ច្រើន) វៀតណាម(កោះត្រល់),ជប៉ុន(ច្រើន), ថៃ(ច្រើន)ជាដើម»។

តំណាងបុគ្គលិកលក់សំបុត្រយន្តហោះរបស់ក្រុមហ៊ុនCambodia Angkor Air បានឱ្យដឹងថាក្រុមហ៊ុនទទួលបានការកក់​ឬទិញសំបុត្រយន្តសម្រាប់ធ្វើដំណើរទៅតំបន់គោលដៅក្នុងប្រទេសមានការកើនឡើងគួរឱ្យកត់សម្គាល់។

តាមតំណាង Cambodia Angkor Air ផ្អែកទៅតាមការវាយតម្លៃនៃការទទួលបានភ្ញៀវទេសចរកក់ឬទិញសំបុត្រយន្តមាន​ការ​កើនឡើង សម្រាប់ក្រុមហ៊ុនអាកាសចរណ៍ដទៃទៀតក៏អាចទទួលបានភ្ញៀវច្រើនដែរ ព្រោះជនជាតិខ្មែរ​បន្ទាប់ពីជំងឺ​កូវីដ​១៩​ហើយ ពួកគាត់ចេញដើរលេងក្រៅប្រទេសច្រើន ដូចនេះតម្រូវការចេញទៅក្រៅប្រទេសនៅថ្ងៃ​បុណ្យចូល​ឆ្នំាខ្មែរ​ខាងមុខអាចនឹងមានការកើន​ឡើងនៅគ្រប់ក្រុមហ៊ុនអាកាសចរណ៍៕ អត្ថបទ៖ សារេត

The post ប្រទេស៥ អាចនឹងក្លាយជាគោលដៅទេសចរណ៍ របស់ ពលរដ្ឋខ្មែរ នៅថ្ងៃចូល​ឆ្នំា appeared first on .