កិច្ចពិភាក្សាខាងលើ បានធ្វើឡើងកាលថ្ងៃទី២៥ ខែឧសភា ឆ្នាំ២០២៦ នៅទីស្ដីការក្រសួងពាណិជ្ជកម្ម ក្រោមវត្តមានលោកស្រី ចម និម្មល រដ្ឋមន្រ្តីក្រសួងពាណិជ្ជកម្ម ជាមួយគណៈប្រតិភូសមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) ដឹកនាំដោយលោក Enjoy Ho ប្រធានសមាគម។

ក្នុងជំនួបនេះ ភាគីទាំងពីរ បានចែករំលែកព័ត៌មានគ្នាទៅវិញទៅមក និងបានពិភាក្សាស៊ីជម្រៅដើម្បីពិនិត្យលើយន្តការលើកទឹកចិត្តវិនិយោគិនបរទេស និងការជំរុញអភិវឌ្ឍបន្ថែមលើវិស័យឧស្សាហកម្មកាត់ដេរ សម្លៀកបំពាក់ ស្បែកជើង និងផលិតផលធ្វើដំណើរនិងកាបូបនៅកម្ពុជាឱ្យកាន់តែប្រសើរឡើងថែមទៀត។

នាឱកាសនោះ លោកស្រីរដ្ឋមន្រ្តី បានសម្តែងការស្វាគមន៍យ៉ាងកក់ក្តៅចំពោះលោកប្រធានគណៈប្រតិភូ និងសមាជិកនៃក្រុមប្រឹក្សាភិបាលរបស់សមាគម។

ជាមួយគ្នានេះ លោកប្រធានសមាគម ក៏បានថ្លែងអំណរគុណចំពោះលោកស្រីរដ្ឋមន្រ្តី ក៏ដូចជាថ្នាក់ដឹកនាំក្រសួងពាណិជ្ជកម្ម ដែលតែងតែគាំទ្រ និងផ្តល់កិច្ចសហប្រតិបត្តិការក្នុងការបន្តធ្វើការរួមគ្នា ដើម្បីជំរុញកំណើននៃការនាំចេញរបស់កម្ពុជា។

សូមរម្លឹកដែរថា កម្ពុជាបាននាំចេញផលិតផលសម្លៀកបំពាក់ វាយនភ័ណ្ឌ ស្បែកជើង និងសម្ភារធ្វើដំណើរ ក្នុងឆ្នាំ២០២៥ មានទឹកប្រាក់ជាង ១៦ពាន់លានដុល្លារ កើនឡើងជាង១៦% បើធៀបនឹងរយៈពេលដូចគ្នាកាលពីឆ្នាំ២០២៤ ដែលមានទឹកប្រាក់ប្រមាណជិត ១៤ពាន់លានដុល្លារ។

យោងតាមរបាយការណ៍នាំចេញទំនិញសំខាន់ៗក្នុងឆ្នាំ២០២៥ របស់ក្រសួងពាណិជ្ជកម្ម បានឱ្យដឹងថា ក្នុងឆ្នាំ២០២៥ ការនាំចេញសម្លៀកបំពាក់សម្រេចបានជាង ១១ពាន់លានដុល្លារ កើនឡើងជាង ១៦.៥២% បើធៀបនឹងរយៈពេលដូចគ្នាកាលពីឆ្នាំ២០២៤ ដែលមានទឹកប្រាក់ជាង ៩.៧លានដុល្លារ។ ចំណែកការនាំចេញស្បែកជើងវិញ មានទឹកប្រាក់ជាង ២ពាន់លានដុល្លារ កើនឡើង២៤.៥៣% ខណៈការនាំចេញសម្ភារធ្វើដំណើរ និងកាបូប ទទួលបានចំណូលជាង ២ពាន់ដុល្លារ កើនឡើង៣.៨៧%។

ដោយឡែកនាំចេញទំនិញវាយនភណ្ឌ ទទួលបានទឹកប្រាក់ ៦៧៨លានដុល្លារ កើនឡើង៣៥.៨៦%​ បើធៀបនឹងកាលពីឆ្នាំ២០២៤ ដែលមានទឹកប្រាក់ ៤៩៩លានដុល្លារ៕អត្ថបទ៖ហ្សាលីន

The post ក្រសួងពាណិជ្ជកម្ម និងTAFTAC រួមគ្នាជំរុញអភិវឌ្ឍបន្ថែមលើវិស័យឧស្សាហកម្មកាត់ដេរនៅកម្ពុជា appeared first on .

ក្នុងជំនួបនោះ ភាគីទាំងពីរ បានចែករំលែកព័ត៌មានគ្នាទៅវិញទៅមក ក្នុងគោលបំណងស្វែងរកដំណោះស្រាយលើបញ្ហាប្រឈមនានា ពាក់ព័ន្ធនឹងការនាំចេញវិស័យវាយនភ័ណ្ឌកាត់ដេរ ក្នុងបរិបទដែលពិភពលោកកំពុងតែមានភាពមិនប្រកដប្រជា និងក្នុងពេលដែលកម្ពុជាកំពុងត្រៀមខ្លួនក្នុងការចាកចេញពីចំណាត់ថ្នាក់ប្រទេសអភិវឌ្ឍតិចតួចនៅឆ្នាំ២០២៩ ខាងមុខនេះ។

សូមបញ្ជាក់ថា យោងតាមរបាយការណ៍របស់ក្រសួងពាណិជ្ជកម្ម ក្នុងឆ្នាំ២០២៥ កម្ពុជាបាននាំចេញសម្លៀកបំពាក់ ជាង ១១ពាន់លានដុល្លារ កើនឡើងជាង ១៦.៥២% បើធៀបនឹងរយៈពេលដូចគ្នាកាលពីឆ្នាំ២០២៤ ដែលមានទឹកប្រាក់ជាង ៩.៧លានដុល្លារ។ ចំណែកការនាំចេញស្បែកជើងវិញ មានទឹកប្រាក់ជាង ២ពាន់លានដុល្លារ កើនឡើង២៤.៥៣% ខណៈការនាំចេញសម្ភារធ្វើដំណើរ និងកាបូប ទទួលបានចំណូលជាង ២ពាន់ដុល្លារ កើនឡើង៣.៨៧%។ ដោយឡែកនាំចេញទំនិញវាយនភណ្ឌ មានទឹកប្រាក់ ៦៧៨លានដុល្លារ កើនឡើង៣៥.៨៦%​ បើធៀប ពីឆ្នាំ២០២៤ ដែលមានទឹកប្រាក់ ៤៩៩លានដុល្លារ៕

The post ក្រសួងពាណិជ្ជកម្ម ទទួលជួបជាមួយសមាគម TAFTAC ដើម្បីរកដំណោះស្រាយលើបញ្ហាពាក់ព័ន្ធការនាំចេញវិស័យវាយនភ័ណ្ឌកាត់ដេរ ក្នុងបរិបទពិភពលោកមិនប្រកដប្រជា appeared first on .

ការឱ្យដឹងរបស់ TAFTAC នៅក្នុងទទួលដំណើរទស្សនកិច្ចរបស់គណៈប្រតិភូរដ្ឋាភិបាលនៃរដ្ឋ Tamil Nadu និងសហភាពឧស្សាហកម្ម កម្មន្តសាល និងផ្គត់ផ្គង់អំបោះ ក្រណាត់ និងវាយនភណ្ឌឥណ្ឌា ដែលទទួលដំណើរដោយលោក Albert Tan អនុប្រធាន TAFTAC នៅថ្ងៃទី៧ ខែមេសា ឆ្នាំ២០២៥។

ក្នុងជំនួបនោះ សមាគម TAFTAC បានឱ្យដឹងថា បច្ចុប្បន្ននេះ វិនិយោគិនវិស័យកាត់ដេររបស់កម្ពុជាបាននាំចូលប្រហែល ៦៥% នៃវត្ថុធាតុដើមពីប្រទេសចិន ១៥% ពីប្រទេសវៀតណាម និងពីប្រទេសផ្សេងៗទៀត។

TAFTAC បានលើកឡើងថា ពេលវេលា lead time ខ្លីជាងមុនក្នុងការទិញគឺចាំបាច់ ដើម្បីឱ្យមានសក្តានុពលក្នុងការវិនិយោគលើវត្ថុធាតុដើមដល់រោងចក្រនៅកម្ពុជា ជាពិសេសនៅក្នុងពេលត្រៀមចាកចេញពីស្ថានភាពជាប្រទេសអភិវឌ្ឍន៍តិចតួចនៅឆ្នាំ២០២៩ ដែលតម្រូវឱ្យប្រទេសកម្ពុជាធ្វើដំណើរការបរិវត្តកម្មទ្វេដើម្បីទទួលបានការអនុគ្រោះ។

TAFTAC បានគូសបញ្ជាក់ថា ការកសាងសមត្ថភាព និងការអភិវឌ្ឍជំនាញ គឺជាការវិនិយោគរបស់យើងលើធនធានមនុស្ស ហើយយើងអាចធ្វើការជាមួយគ្នាដើម្បីបង្កើនជំនាញបន្ថែមទៀតនៅក្នុងវិស័យពាក់ព័ន្ធ។

ជាការឆ្លើយតប គណៈប្រតិភូវិនិយោគផ្នែកអំបោះ និងក្រណាត់ឥណ្ឌា បានបង្ហាញការយល់ឃើញថា ប្រទេសកម្ពុជាជាទីផ្សារសក្តានុពលថ្មីមួយសម្រាប់អាជីវកម្ម និងការវិនិយោគ ហើយនឹងធ្វើការយ៉ាងជិតស្និទ្ធជាមួយ TAFTAC ដើម្បីលើកកម្ពស់ពាណិជ្ជកម្មរវាងប្រទេសទាំងពីរ ដោយសារមានគុណសម្បត្តិប្រកួតប្រជែងមួយចំនួន។

សូមជម្រាបជូនថា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ធ្លាប់បានគូសបញ្ជាក់ក្នុងវេទិកាសាធារណៈស្តីពី «ការគ្រប់គ្រងម៉ាក្រូសេដ្ឋកិច្ច និងច្បាប់ថវិកាជាតិឆ្នាំ ២០២៥»ថា ការនាំចូលវត្ថុធាតុដើមសម្រាប់វិស័យកាត់ដេរ កើនឡើងជាង ២២% ក្នុងឆ្នាំ ២០២៤ រួមជាមួយនឹងការកើនឡើងនៃទុនវិនិយោគ និងការកើនឡើងនៃការបញ្ជាទិញពីសហរដ្ឋអាមេរិក និងសហភាពអឺរ៉ុប។ ជាមួយគ្នានេះ កម្ពុជារំពឹងថា ការនាំចេញនឹងមានកំណើនដ៏រឹងមាំនឹងបន្តពេញមួយឆ្នាំ ២០២៥នេះផងដែរ៕

The post TAFTAC៖ បច្ចុប្បន្ន វិនិយោគិនវិស័យកាត់ដេររបស់កម្ពុជានាំចូលវត្ថុធាតុដើមពីចិន ៦៥%  ខណៈ១៥% ពីវៀតណាម appeared first on .