លោក សុខ រ៉ាដែន មានប្រសាសន៍ថា ប្រទេសចិន នៅពេលគាត់ទទួលញំាផលិតផលអ្វីហើយ មានតែខ្វះរបស់ផ្គត់ផ្គង់ឱ្យគាត់ ព្រោះចិនមានប្រជាពលរដ្ឋច្រើនរាប់ពាន់លាននាក់រស់នៅក្នុងប្រទេស។ដូច្នេះបងប្អូនយើងអាចចិញ្ចឹមអ្វីដែលទីផ្សារចិនមានតម្រូវការ។

លោក សង្កត់ធ្ងន់ថា «រដ្ឋាភិបាលចិនអនុញ្ញាតឱ្យមានការនាំចូល បង្កងប៉ាក អន្ទង់ ត្រីដំរី និងខ្យងនេះគឺជាតម្រុយដ៏ល្អ ហើយក៏ជាសញ្ញាល្អដើម្បីផ្តល់ឱកាសឱ្យក្រុមវារីវប្បករក្នុងស្រុកយកចិតទុកដាក់ ផ្តោតទៅលើការចិញ្ចឹមទៅតាមអ្វីដែលប្រជាពលរដ្ឋចិនចង់បាន ហើយចិញ្ចឹមឱ្យមានគុណភាពខ្ពស់ ដើម្បីអាចលក់បានតម្លៃខ្ពស់»។

បើតាមប្រធានសមាគមខាងលើ ផលិតផលជលទំាង៤ប្រភេទនេះ បើភាគីចិនប្រាកដ ហើយតម្រូវឱ្យក្រុមវារីវប្បករកម្ពុជាផលិតយ៉ាងម៉េចគឺខាងអ្នកចិញ្ចឹមអាចធ្វើបាន សំខាន់ឱ្យរាជរដ្ឋាភិបាលខ្មែរមានយន្តការច្បាស់លាស់ ដើម្បីឱ្យអ្នកចិញ្ចឹមមានភាពកក់ក្តៅក្នុងចិត្ត នៅពេលចិញ្ចឹមបានមានការធានាទិញ។

លោកបន្តថា «ប្រជាពលរដ្ឋក្នុងស្រុកដែលជាក្រុមវារីវប្បករ អាចចិញ្ចឹមត្រីដំរី អន្ទង់ និងខ្យង បានវាមិនមានការលំបាក។តែសំខាន់យើងត្រូវការពូជ ដែលភាគីពាក់ព័ន្ធធ្វើការលើវិស័យនេះ ពិសេសក្រសួងកសិកម្ម និងរដ្ឋបាលជលផល ដែលជាអ្នកជំនាញត្រូវស្វែងរកពូជ ចិញ្ចឹមទៅវាត្រូវទីផ្សារចិនចង់បាន។ដើម្បីជំរុញឱ្យវាដើរនិងមាននិរន្តរភាពយូរអង្វែងគឺរដ្ឋាភិបាលចិន ធ្វើការជាមួយរាជរដ្ឋាភិបាលខ្មែរ ហើយក្រោយមកទៀតគាត់អាចដាក់ជាគោលការណ៍ឬជាយន្តការមួយដាក់ឱ្យយើងចិញ្ចឹម ពូជត្រូវមានអត្តសញ្ញាណច្បាស់លាស់»៕

អត្ថបទ៖សារេត

The post ប្រធានសមាគមវារីវប្បករ ចាត់ទុកការអនុញ្ញាតឱ្យមានការនាំចូលផលិតផលជលផល៤ប្រភេទ ទៅទីផ្សារចិនជាសញ្ញាល្អសម្រាប់កសិករក្នុងស្រុក appeared first on .

លោក សុខ រ៉ាដែន ប្រធានសមាគមវារីវប្បករកម្ពុជាបានឱ្យដឹងថា មកដល់បច្ចុប្បន្ននេះ ការចិញ្ចឹមត្រីនៅក្នុងស្រុកអត់មានការកើនឡើងទេ មានតែនៅទ្រឹង និងថយចុះ ដោយសារចំណីត្រីឡើងថ្លៃទៅតាមទំនោរទីផ្សាអន្តរជាតិ។

លោកបន្តថា ស្ថិតក្នុងកាលៈទេសៈលំបាកនេះ កសិករដែលជាអ្នកចិញ្ចឹមត្រី គាត់មិននឿយណាយទេ គាត់នៅតស៊ូព្យាយាម ហើយយកចិត្តទុកដាក់ទៅលើមុខរបររបស់ពួកគាត់ ដោយមិនមានការដកថយបើទោះបីតម្លៃចំណីត្រីលើទីផ្សារនៅថ្លៃ ធ្វើឱ្យអ្នកចិញ្ចឹមត្រីពិបាករកប្រាក់ចំណេញក៏ដោយ។

បើតាមប្រធានសមាគម បច្ចុប្បន្នកសិករមានការនិយមចិញ្ចឹមត្រីប្រា ត្រីទីឡាប់យ៉ា ត្រីអណ្តែង ត្រីក្រាញ់និងកង្កែប ខណៈសមាជិករបស់សមាគមបានចិញ្ចឹមត្រីនៅទូទំាងប្រទេសប្រមាណ៦០០កសិដ្ឋានតូចនិងធំ។

លោកលើកឡើងថា ចិនជាប្រទេសមានទីផ្សារធំ ហើយខាងភាគីចិនមានគោលបំណងពិតប្រាកដក្នុងការជំរុញការនាំចេញរបស់កម្ពុជា ដោយភាគីចិនបានចុះមកសិក្សាជាបន្តបន្ទាប់។ តួយ៉ាងថ្មីៗនេះ ភាគីចិនបាននំាក្រុមហ៊ុនធំៗចំនួន២ចុះមកសិក្សានិងនាំចេញផលិតផលវារីវប្បកម្មនិងផលិតផលកសិកម្មទៅប្រទេសចិន។

លោក សុខ រ៉ាដែន មានប្រសាសន៍ថាក្នុងនាមខ្ញុំផ្ទាល់ ជាអ្នកចិញ្ចឹមឬផលិតត្រី ហើយតំណាងឱ្យប្រជាពលរដ្ឋដែលជាក្រុមវារីវប្បករឬអ្នកចិញ្ចឹមត្រីនៅក្នុងស្រុកនាពេលសព្វថ្ងៃ យើងនៅមានក្តីសង្ឃឹមធំជាប់ជានិច្ច។យើងមិនដែលបោះបង់ក្តីសង្ឃឹមរបស់ខ្លួននោះទេ យើងនៅតែធ្វើនិងតស៊ូ ដល់ថ្ងៃណាមួយអ្វីៗនិងអាចបានល្អ។

លោកសង្កត់ធ្ងន់ថា «សព្វថ្ងៃប្រជាពលរដ្ឋ ពិសេសបងប្អូនដែលជាវារីវប្បករមិនដែលបោះបង់សេចក្តីសង្ឃឹម ហើយខ្ញុំគិតថាមិនយូរទៀតទេ រាជរដ្ឋាភិបាលយើងជាមួយរដ្ឋាភិបាលចិនរួមនិងអ្នកវិនិយោគក្នុងស្រុកនិងក្រៅស្រុកនិងគិតគូរដាក់ទុនវិនិយោគនៅក្នុងវិស័យមួយនេះ ព្រោះវាសំខាន់។ដូច្នេះខ្ញុំក៏ដូចទៅនិងក្រុមអ្នកចិញ្ចឹមត្រីក្នុងស្រុកផ្សេងទៀតនៅសង្ឃឹមជាប់ជានិច្ចក្នុងការផលិតត្រីសម្រាប់នាំចេញទៅទីផ្សារខាងក្រៅ»៕
អត្ថបទ៖សារេត

The post ក្រុមវារីវប្បករមិនបោះបង់សេចក្តីសង្ឃឹមក្នុងការផលិតត្រីសម្រាប់នាំចេញទៅទីផ្សារចិន appeared first on .