ក្នុងឱកាសដ៏វិសេសវិសាលនេះ សម្តេចធិបតីនាយករដ្ឋមន្ត្រី បានមានប្រសាសន៍ ថ្លែងអំណរគុណដល់វិស័យឯកជន តាមរយ:សមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា ដែលបានចូលរួមចំណែកជាមួយមូលនិធិកសាងហេដ្ឋារចនាសម្ព័ន្ធតាមព្រំដែនផ្តោតលើការកសាងផ្លូវក្រវាត់ព្រំដែនក្រោមស្មារតីវប្បធម៌ចែករំលែក។

សម្តេចបានបន្ថែមថា៖ «នេះជាប្រវត្តិសាស្ត្ររបស់យើងដែលបានខិតខំកសាងហេដ្ឋារចនាសម្ព័ន្ធ និងរុញការអភិវឌ្ឍទៅដល់ភូមិសាស្ត្រកន្ទុយនាគ និងកសាងបានខឿនការពារជាតិទៅដល់គ្រប់ទីកន្លែងនៃទឹកដីកម្ពុជា តាមរយ:ការអភិវឌ្ឍផង និងប្រជាជនផង»។

សូមបញ្ជាក់ថា តបតាមការប្រកាសរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ដោយបានសម្រេចបង្កើត «មូលនិធិកសាងហេដ្ឋារចនាសម្ព័ន្ធតាមព្រំដែន» ក្នុងគោលបំណងដើម្បីកៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធតាមបណ្ដោយព្រំដែនដោយផ្ដោតលើការកសាងផ្លូវក្រវាត់ព្រំដែននោះ ថ្នាក់ដឹកនាំ ក៏ដូចជាសមាជិក នៃសមាគមឧកញ៉ាកម្ពុជា ជាច្រើនរូបបានចូលរួមបរិច្ចាគធនធានផ្ទាល់ខ្លួន ដើម្បីចូលរួមចំណែកជាមួយរាជរដ្ឋាភិបាលកម្ពុជានៅក្នុងបុព្វហេតុការពារ និងអភិវឌ្ឍជាតិក្នុងស្មារតីមហាសាមគ្គីជាតិខ្មែរ ដើម្បីថែរក្សា សុខសន្តិភាព អធិបតេយ្យ និងបូរណភាពទឹកដី ក៏ដូចជាការជំរុញការអភិវឌ្ឍនៅតាមតំបន់ព្រំដែនឱ្យបានកាន់តែរឹងមាំ និងប្រកបដោយចីរភាព៕

The post លោកអ្នកឧកញ៉ា អ្នកឧកញ៉ា ឧកញ៉ា នៃសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា ចូលជួបសម្តែងការគួរសម សម្តេចធិបតី ហ៊ុន ម៉ាណែត appeared first on .

ពិធី​សន្និបាត​ប្រចាំឆ្នាំ​ខាង​លើ​នេះ​ ធ្វើឡើង​នៅបុរី ប៉េង ហួត បឹងស្នោ របស់​អ្នកឧកញ៉ា ថៃ ជាហួត ​អនុប្រធាន​សមាគម​អ្នកអភិវឌ្ឍន៍លំនៅឋានកម្ពុជា ដោយ​មាន​ការ​ចូលរួម​ពី​ថ្នាក់ដឹកនាំ​ក្រសួងរៀបចំដែនដី និង​សមាជិក-សមាជិកា​សមាគម ព្រម​ទាំង​ភ្ញៀវកិត្តិយស​ជា​ច្រើន​នាក់​ទៀត។

កម្មវិធី​​សន្និបាត​នេះ រៀបចំឡើង​​មាន​គោលបំណង​ដើម្បី​ពិនិត្យ​ពី​សកម្មភាព និងវឌ្ឍនភាពការងាររបស់​សមាគម ដែល​សម្រេច​លទ្ធផលបាននៅឆ្នាំ២០២៣ និង​រៀបចំផែនការការងារ​សម្រាប់ឆ្នាំ២០២៤។ ជាពិសេសគឺ ការ​ពិភាក្សា​​អំពី​ផលប៉ះ​ពាល់ និង​បញ្ហា​មួយចំនួន​លើ​វិស័យ​អចលនទ្រព្យ និង​វិស័យសំណង់ ដូចជា​បញ្ហា​វិបត្តិសេដ្ឋកិច្ច និង​បញ្ហាសកល​នៃ​សង្គ្រាម​នៅ​បណ្តា​ប្រទេស​មួយ​ចំនួន។

អ្នកឧកញ៉ា លី ហួរ បាន​លើកឡើង​ថា បញ្ហាសេដ្ឋកិច្ច​ធ្លាក់ចុះ​ជាសកល ​​បាន​ជះឥទ្ធិពលយ៉ាងខ្លាំង​ដល់​សេដ្ឋកិច្ច​កម្ពុជា​ទាំង​មូល ជាពិសេស​លើ​វិស័យ​អចលនទ្រព្យ ​ខណៈ​ដែល​បច្ចុប្បន្ន​នេះ​ គម្រោង​បុរី និងខុនដូ ការលក់​មាន​ការ​ធ្លាក់​ចុះ​យ៉ាង​ខ្លាំង។ អ្នកឧកញ៉ា​ប្រធានសមាគម បាន​បន្ថែម​ដូច្នេះ​ថា៖ “ជាក់ស្តែង ​អតិថិជនពន្យាពេលបង់ប្រាក់ រហូតដល់អតិថិជនមួយចំនួន​មិនមានលទ្ធភាព មិនបានបង់ប្រាក់ត្រឡប់មកក្រុមហ៊ុនវិញ ព្រមទាំងទាមទារឱ្យ​ក្រុមហ៊ុនទិញផ្ទះត្រឡប់មកវិញ ធនាគារ​ពាណិជ្ជក៏បានតម្លើងអត្រាការប្រាក់ និងរឹតបន្តឹងការផ្ដល់ឥណទានលំនៅឋានជូនអតិថិជន ផ្អាកផ្តល់ឥណទានលើការ​វិនិយោគ​លើវិស័យសំណង់ ក្រសួងស្ថានប័នរដ្ឋ ដែលពាក់ព័ន្ធមានការយឺតយ៉ាវក្នុងការផ្តល់សេវាកម្ម រឹតបន្តឹងលើការ​អនុវត្តផ្លូវច្បាប់ និងមានការផាកពិន័យជាប្រាក់ដល់ក្រុមហ៊ុនអភិវឌ្ឍន៍ផងដែរ ធ្វើឱ្យ​ក្រុមហ៊ុនមួយចំនួនមាន​វិបត្តិហិរញ្ញវត្ថុ​យ៉ាងធ្ងន់ធ្ងរ ក្រុមហ៊ុនមួយចំនួនផ្អាកការសាងសង់ បិទគម្រោងទាំងមូល និងឈានទៅដល់ក្ស័យធនតែម្ដង”។

ឆ្លើយតប​នឹង​បញ្ហា​ខាង​លើ ឧបនាយករដ្ឋមន្ដ្រី សាយ សំអាល់ ក្នុងនាម​ជា​ប្រធានស្ថាប័ន​​ដែលជា​អាណាព្យាបាល បាន​ថ្លែងថា កង្វល់របស់សមាគម ក៏ជាកង្វល់របស់ក្រសួងដូចគ្នា​ ដូច្នេះ​ក្រសួងនិងសមាគម​យកឱកាសនេះ ដើម្បីស្វែងរក​យុទ្ធសាស្ដ្ររួម សម្រាប់ដើរទៅមុខទាំងអស់គ្នា ដោយពួតដៃគ្នាឈរលើវិថីមួយដ៏ត្រឹមត្រូវ ដើម្បីកុំឱ្យមានការលំបាក​ទៅថ្ងៃ​ខាងមុខទៀត ពិសេសការខាតបង់ទាំងពេលវេលា និងថវិកា។

​​​គួររំឭក​ថា កាលថ្ងៃ២៣ ខែតុលា ឆ្នាំ២០២៣ អ្នកឧកញ៉ា លី ហួរ បានដឹកនាំ​ប្រតិភូ​សមាគមអ្នកអភិវឌ្ឍន៍លំនៅឋានកម្ពុជា ​​ចូលជួប​ប្រជុំ​ជាមួយ ឧបនាយករដ្ឋមន្ត្រី សាយ សំអាល់ នៅ​ទីស្តីការក្រសួងរៀបចំដែនដី និង​បាន​លើក​សំណើ​​សុំ​ដល់​រាជរដ្ឋាភិបាល ឱ្យ​ជួយ​ដោះស្រាយ​បញ្ហា​ប្រឈម​​​មួយចំនួន​ ដើម្បី​ជួយ​សង្គ្រោះ​វិស័យ​សំណង់ និង​វិស័យ​អចលនទ្រព្យ​ឱ្យ​ងើប​ឡើង​វិញ៕

The post អ្នកឧកញ៉ា លី ហួរ ដឹកនាំអ្នកឧកញ៉ា ឧកញ៉ាម្ចាស់បុរីធំៗនៅស្រុកខ្មែរ រៀបចំសន្និបាតប្រចាំឆ្នាំរបស់សមាគមអ្នកអភិវឌ្ឍន៍លំនៅឋានកម្ពុជា appeared first on .

ក្នុងជំនួប​នេះ​ដែរ ​​​ភាគី​ទាំង​ពីរ​បាន​​ពិភាក្សា​គ្នា​លើខ្លឹមសារសំខាន់ៗចំនួន ៥ចំណុច​ដូចខាងក្រោម៖

១.ការស្វែងយល់ពីវឌ្ឍនភាព និងសមាជិករបស់សមាគមអ្នក​អភិវឌ្ឍន៍លំនៅឋានកម្ពុជា និងឱកាស​នៃការ​វិនិយោគ​នៅកម្ពុជា។

២.ការធ្វើបទបង្ហាញអំពីរចនាសម្ព័ន្ធដឹកនាំរបស់សភាពាណិជ្ជកម្មម៉ាឡេស៊ី-កម្ពុជា និងផែនការយុទ្ធសាស្រ្ត​របស់ខ្លួន។

៣.កិច្ចសហប្រតិបត្តិការរវាងសមាគមអ្នក​អភិវឌ្ឍន៍លំនៅឋានកម្ពុជា ជាមួយសភាពាណិជ្ជកម្មម៉ាឡេស៊ី-កម្ពុជា ក្នុងគោលបំណងលើកកម្ពស់ការធ្វើពាណិជ្ជកម្មអន្តរជាតិរវាងប្រទេសទាំងពីរ ប្រកបដោយគុណភាព និង​ចីរភាព។

៤.ការរៀបចំអញ្ជើញគណៈប្រតិភូរបស់សមាគមអ្នកអភិវឌ្ឍន៍លំនៅឋានកម្ពុជា អ្នកវិនិយោគនៅកម្ពុជា ទៅ​ទស្សនាកិច្ចនៅប្រទេសម៉ាស៊ីឡេស៊ី និងកៀរគរអ្នកវិនិយោគម៉ាឡេស៊ីមកវិនិយោគនៅកម្ពុជាវិញ។

៥.ការកសាងកាលានុវត្តភាពជាអតិបរមាក្នុង ការជំរុញវិនិយោគឱ្យកាន់តែមានសន្ទុះទៅមុខជាបន្តបន្ទាប់។

សូមជម្រាបថា សមាគមអ្នកអភិវឌ្ឍន៍លំនៅឋានកម្ពុជា ត្រូវបាន​ទទួលស្គាល់ជាផ្លូវការពីរាជរដ្ឋាភិបាល​កម្ពុជា តាមរយៈសេចក្តីសម្រេចរបស់ក្រសួងមហាផ្ទៃលេខ ៩៨៥៧ប្រក ចុះថ្ងៃទី១៣ ខែវិច្ឆិកា ឆ្នាំ២០១៥។ ក្រោមការ​ដឹកនាំ​របស់​អ្នកឧកញ៉ា លី ហួរ ជា​ប្រធាន​ ​សមាគម​នេះ​កំពុង​ទទួលបានការគាំទ្រយ៉ាងខ្លាំង​ពីសំណាក់ក្រុមហ៊ុន​ និង​អ្នកវិនិយោគលើ​វិស័យអភិវឌ្ឍន៍លំនៅឋាន ទាំង​នៅ​ក្នុង​ប្រទេស​និង​ក្រៅ​ប្រទេស៕

The post សមាគមអ្នកអភិវឌ្ឍន៍លំនៅឋានកម្ពុជា ជួបពិភាក្សាការងារជាមួយប្រតិភូសភាពាណិជ្ជកម្មម៉ាឡេស៊ី-កម្ពុជា appeared first on .

កិច្ចប្រជុំខាងលើនេះ ដឹកនាំដោយអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា ដំណាងវិស័យឯកជនជាមួយដំណាងរាជរដ្ឋាភិបាលមកពីនិយ័តករអាជីវកម្មអចលនវត្ថុ និងបញ្ចាំ, ក្រុមប្រឹក្សាអភិវឌ្ឍន៍កម្ពុជា និងមន្រ្តីពាក់ព័ន្ធ។ ក្នុងនោះក៏មានការអញើញចូលរួមពីអ្នកឧកញ៉ា ហុង ពីវ ប្រធានកិត្តិយសសមាគមអ្នកអភិវឌ្ឍន៍លំនៅឋានកម្ពុជា ជាម្ចាស់បុរី ពិភពថ្មី អ្នកឧកញ៉ា លាង ម៉េង អនុប្រធានសមាគម ជាម្ចាស់បុរី ជីបម៉ុង លែន អ្នកឧកញ៉ា សៀ ឫទ្ធី អនុប្រធា ជាម្ចាស់អគារខ្ពស់កប់ពក The Park ឧកញ៉ា ថៃ ជាហួត អនុប្រធាន ជាម្ចាស់បុរី ប៉េង ហួត ព្រមទាំងម្ចាស់បុរីមួយចំនួនទៀត។

កិច្ចប្រជុំស្វែងរកដំណោះស្រាយបន្ទាន់នេះ គឺកើតឡើងក្រោយមានក្រុមហ៊ុនអភិវឌ្ឍន៍លំនៅឋានមួយចំនួន ធ្វើការរឹបអូសផ្ទះរបស់អតិថិជនដែលធ្វើការបង់ប្រាក់យឺតយ៉ាវ ហើយរឿងវ៉ាងនេះត្រូវបានប្រមុខរាជរដ្ឋាភិបាលសម្តេចតេជោ ហ៊ុន សែន អំពាវនាវឲ្យបញ្ឈប់ធ្វើការរឹបអូសផ្ទះ ដោយបង្វែមករៀបចំនិតិវិធីធ្វើឥណទានឡើងវិញ។

បើតាមសមាគមអ្នកអភិវឌ្ឍន៍លំនៅដ្ឋានកម្ពុជា កិច្ចប្រជុំនេះផ្តោតទៅលើរបៀបវារៈចំនួន៥ គឺទី១ សមាជិក-សមាជិកាធ្វើរបាយការណ៍អំពីក្រុមហ៊ុនអភិវឌ្ឍន៍លំនៅឋាន និងបុរី របស់ខ្លួនអំពីការរឹបអូសផ្ទះរបស់អតិថិជន ២.វិធានការ និងដំណោះស្រាយសម្រាប់ក្រុមហ៊ុន និងអតិថិជន អំពីការរឹបអូសផ្ទះរបស់អតិថិជន ៣.ចំណាត់ការរបស់សមាគមអ្នកអភិវឌ្ឍន៍លំនៅឋានកម្ពុជាដើម្បីឆ្លើយតបទៅនឹងសេចក្តីអំពាវនាវរបស់ប្រមុខរាជរដ្ឋាភិបាលកម្ពុជា ៤.បញ្ហាប្រឈម និងទី៥.សំណូមពរផ្សេងៗ៕

The post អ្នកឧកញ៉ា លី ហួរ​, អ្នកឧកញ៉ា ហុង ពីវ ចូលរួមប្រជុំបន្ទាន់រវាងវិស័យឯកជន និងរដ្ឋាភិបាល​ ស្តីពីការផ្អាករឹបអូសផ្ទះអតិថិជន appeared first on .

ការប្រកាសអំពាវនាវ និងគាំទ្ររបស់អ្នកឧកញ៉ា លី​ ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា គឺប៉ុន្មានម៉ោងក្រោយប្រមុខរាជរដ្ឋាភិបាលបានប្រកាសឲ្យផ្អាកបណ្ដោះអាសន្នការរឹបអូសផ្ទះរបស់អតិថិជនមិនទាន់បានបង់ប្រាក់ និងដោះស្រាយតាមនីតិវិធីដោយធ្វើឥណទានឡើងវិញ ដែលបានថ្លែងក្នុងពិធីសំណេះសំណាលជាមួយ កម្មករ-កម្មការិនី នៅស្រុកកំពង់ត្រឡាច និងស្រុកសាមគ្គីមានជ័យ ខេត្តកំពង់ឆ្នាំង(លើកទី២) នាថ្ងៃទី០៩ ខែមិថុនានេះ។

យោងតាមលិខិតមួយទំព័រចុះហត្ថលេខាដោយអ្នកឧកញ៉ា លី ហួរ បានបញ្ជាក់ថា សមាគមអ្នកអភិវឌ្ឍន៍លំនៅឋានកម្ពុជា នឹងចាត់វិធានការបន្ទាន់ដោយធ្វើការផ្សព្វផ្សាយ និងអំពាវនាវដល់ក្រុមហ៊ុនអភិវឌ្ឍន៍លំនៅឋានដែលជាសមាជិកនៃសមាគម ពិនិត្យលទ្ធភាព និងអនុវត្តន៍ដូចខាងក្រោម៖ ទី១ ធ្វើការសិក្សាលម្អិត និងឲ្យបានស៊ីជម្រៅអំពីស្ថានភាពអតិថិជនដែលមានបំណុល និងមានបញ្ហាលទ្ធភាពបង់ពិតប្រាកដ។​ ទី២ ផ្ដល់ភាពទន់ភ្លន់អំពីលក្ខខណ្ឌបង់ប្រាក់ និងផ្អាកការរឹបអូសផ្ទះអតិថិជនដែលកំពុងជួបវិបត្តិសេដ្ឋកិច្ចផ្ទាល់ខ្លួន និង បញ្ហា ប្រឈមនានាពិតប្រាកដ។ ទី៣ ផ្តល់ភាពទន់ភ្លន់ និងជួយសម្របសម្រួលជូនដល់អតិថិជនដែលជួបបញ្ហាប្រឈមបង់រំលស់ជាមួយក្រុមហ៊ុនបុរី និង រៀប ចំការធ្វើឥណទានឡើងវិញ។ ទី៤ ករណីក្រុមហ៊ុនដែលមានការរឹបអូសផ្ទះ ឬដាច់ប្រាក់ដែលអតិថិជនបានបង់ សូមក្រុមហ៊ុនធ្វើការពិនិត្យឡើងវិញដើម្បី ប្រគល់ប្រាក់ ឬសងលុយទៅអតិថិជនវិញ ឬរកដំណោះស្រាយសមរម្យណាមួយជូនអតិថិជន ដោយភាពទន់ភ្លន់។

ដើម្បីសម្រួលដល់ការអនុវត្តសេចក្តីអំពាវនាវខាងលើ សមាគមអ្នកអភិវឌ្ឍន៍លំនៅឋានកម្ពុជា នឹងរៀបចំយន្តការការងារ និង សហការជាមួយស្ថាប័ន្នដែលពាក់ព័ន្ធ ដើម្បីតាមដាន ពិនិត្យ និងវាយតម្លៃជាប្រចាំលើស្ថានភាព លទ្ធភាពរបស់អតិថិជន និង ក្រុមហ៊ុន អភិវឌ្ឍន៍លំនៅឋាន ព្រមទាំងត្រៀមខ្លួនរួចជាស្រេចក្នុងការសម្របសម្រួលតាមការចាំបាច់៕

The post អ្នកឧកញ៉ា លី ហួរ អំពាវនាវ៤ចំណុចដល់ក្រុមហ៊ុនអភិវឌ្ឍន៍លំនៅឋានពិនិត្យដោះស្រាយបញ្ហាការរឹបអូសផ្ទះអតិថិជនមិនទាន់បានបង់ប្រាក់ appeared first on .

កិច្ចសហប្រតិបត្តិការនេះ បានឆ្លុះបញ្ចាំងអំពីសារសំខាន់ និងការយកចិត្តទុកយ៉ាងខ្លាំង​ពីសំណាក់រាជរដ្ឋាភិបាល តាមរយៈនិយ័តករ ដែលស្ថិតនៅក្រោម​អាជ្ញាធរសេវាហិរញ្ញវត្ថុមិនមែនធនាគារ ក្រោមការដឹកនាំរបស់​លោក​ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សា​អាជ្ញាធរសេវា​ហិរញ្ញវត្ថុ​មិនមែនធនាគារ និងលោក​ ម៉ី វ៉ាន់ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការ​នៃអាជ្ញាធរសេវាហិរញ្ញវត្ថុមិនមែនធនាគារ ក្នុងការជួយជ្រោមជ្រែងដល់វិស័យឯកជន ដើម្បីបង្កើតយន្តការ​វិនិយោគថ្មីៗ ជាពិសេសការវិនិយោគលើវិស័យអចលនទ្រព្យ តាមរយៈវិស័យបរធនបាលកិច្ចនេះ។

ការអភិវឌ្ឍវិស័យបរធនបាលកិច្ច នៅព្រះរាជាណាចក្រកម្ពុជា ជារបត់ថ្មីមួយ​ នៃការអភិវឌ្ឍន៍សេដ្ឋកិច្ចកម្ពុជា និង​កំពុងបោះជំហានជាលំដាប់ ដែលធ្វើឱ្យ​សាធារណៈជន និងវិស័យឯកជនមានការចាប់អារម្មណ៍ និងយកចិត្ត​ទុក​ដាក់ខ្លាំងក្នុងការស្វែងយល់ ក៏ដូចជាការចូលរួមក្នុងវិស័យបរធនបាលកិច្ចនេះផងដែរ។

សម្រាប់​កិច្ចសហប្រតិបត្តិការ​ខាង​លើ​នេះ សមាគមអ្នកអភិវឌ្ឍន៍លំនៅឋានកម្ពុជា នឹងសូមចូលរួម​ជាមួយ​និយ័តករ​បរធនបាលកិច្ចដូច​ជា៖ (១)ចូលរួមផ្សព្វផ្សាយ​ឱ្យ​បានទូលំទូលាយអំពីវិស័យបរធនបាលកិច្ច​នៅកម្ពុជា ជាពិសេស​ឱ្យ​បានទៅដល់សមាជិក-សមាជិកា និងដៃគូរសហប្រតិបត្តិការរបស់ខ្លួន ពាក់ព័ន្ធទៅនឹងប្រតិបត្តិការ​បរធនបាលកិច្ច ច្បាប់ និងបទបញ្ញត្តិជាធរមាន ក៏ដូចជាក្រមសីលធម៌វិជ្ជាជីវៈក្នុងវិស័យបរធនបាលកិច្ច។ (២)​ចូល​រួម​និងជំរុញសមាជិករបស់ខ្លួន​ឱ្យ​ចូលរួមកម្មវិធីសិក្ខាសាលាផ្សព្វផ្សាយ វេទិកា កិច្ចប្រជុំពិភាក្សា ពិគ្រោះ យោបល់ និងព្រឹត្តិការណ៍នានាដែលរៀបចំដោយ ន.ប.ធ តបតាមការអញ្ជើញរបស់ ន.ប.ធ និង (៣)ផ្តល់កិច្ចសហប្រតិបត្តិការរៀបចំកម្មវិធីសិក្ខាសាលាផ្សព្វផ្សាយ វេទិកាពិភាក្សា កិច្ចសន្ទនា ឬព្រឹត្តិការណ៍​ប្រចាំឆ្នាំលើប្រធានបទជាក់លាក់ណាមួយ ដែលពាក់ព័ន្ធនឹងវិស័យបរធនបាលកិច្ចក្នុងករណីមានការស្នើសុំពី ន.ប.ធ។

និយ័តករ​បរធនបាលកិច្ច ជាអាជ្ញាធរ​គ្រប់គ្រង ត្រួតពិនិត្យ និង​អភិវឌ្ឍ​វិស័យបរធនបាលកិច្ច​ក្នុង​ព្រះរាជាណា​ចក្រកម្ពុជា ​ក្នុង​គោល​បំណង​ចូល​រួម​ចំណែក​ដល់​ការ​អភិវឌ្ឍ​សេដ្ឋកិច្ចជាតិ និង​សង្គម តាម​រយៈ​ការ​បង្កើន​ការ​វិនិយោគ​ក្នុង​ស្រុក ដែល​ជា​ប្រភព​នៃ​ការ​បន្ថែម​ចំណូល​ពន្ធជាតិ, ជំរុញ​ការ​ធ្វើ​ពិពិធកម្ម​ហិរញ្ញវត្ថុ ដើម្បី​ជា​ប្រយោជន៍​​ដល់​ប្រជាពលរដ្ឋ​កម្ពុជា និង​ផ្តល់​លទ្ធភាព​ដល់ការ​​តាមដាន និង​គ្រប់គ្រង​នូវ​លំហូរ​ទុន​លើ​គ្រប់​វិស័យ ដែល​កំពុង​ធ្វើ​ប្រតិបត្តិការ​នៅ​កម្ពុជា សំដៅ​ទាក់ទាញ​ទំនុកចិត្ត​បន្ថែម​ពី​ដៃគូ​អភិវឌ្ឍ​នានា និង​ដើម្បី​ឆ្លើយ​តប​ទៅ​នឹង​តម្រូវការ​​ហិរញ្ញវត្ថុ សម្រាប់​វិនិយោគ​នៅ​កម្ពុជា៕
​

The post អ្នកឧកញ៉ា លី ហួរ តំណាងសមាគមអ្នកអភិវឌ្ឍន៍លំនៅឋានកម្ពុជា ចុះ MoU ជាមួយនិយ័តករបរធនបាលកិច្ច appeared first on .

កិច្ចប្រជុំវិសាមញ្ញនេះ ក៏មានការចូលរួមពីអ្នកឧកញ៉ា ឧកញ៉ា ពាណិជ្ជករក្នុងវិស័យសំណង់ជាច្រើនរូប។ នៅអាណត្តិទី៣ ឆ្នាំ២០២២ ក្រោមការដឹកនាំរបស់ អ្នកឧកញ៉ា លី ហួរ សមាគមអ្នកអភិវឌ្ឍន៍លំនៅឋានកម្ពុជា បានបន្តខិតខំប្រឹងប្រែងកសាងសមិទ្ធផលធំៗជាច្រើន ប្រកបដោយឧត្តមប្រយោជន៍ជូនសមាជិក-សមាជិកា សមាគមគ្រប់កាលៈទេសៈ ក្នុងស្ថានភាពលំបាកនៃវិបត្តិជំងឺឆ្លងកូវីដ-១៩ ជាឧបសគ្គដ៏ធំនៃវឌ្ឍនភាពរបស់វិស័យ សំណង់ និងអចលនទ្រព្យ ដែលធ្វើឲ្យវិស័យនេះជួបប្រទះបញ្ហាប្រឈម ការធ្លាក់ចុះជាគំហុក។ 

ទន្ទឹមនឹងនោះដែរ សមាគមអ្នកអភិវឌ្ឍន៍លំនៅឋានកម្ពុជា បានចូលរួមសហការយ៉ាងសកម្មជាមួយស្ថាប័នពាក់ព័ន្ធផ្សេងៗដូចជា ក្រសួងសេដ្ឋកិច្ច និងហិរញ្ញវត្ថុ ក្រសួងរៀបចំដែនដី នគរូបនីយកម្ម និងសំណង់ ក្រសួងប្រៃសណ៍យ៍ និងទូរគមនាគមន៍ និយ័តករទូរគមនាគមន៍កម្ពុជា អគ្គនាយដ្ឋានពន្ធដារ និយ័តករគណនេយ្យ និងសវនកម្ម និយ័តករអចលនទ្រព្យ និងបញ្ចាំ និយ័តករបរធនបាល អគ្គិសនីកម្ពុជា រដ្ឋាករទឹក ស្វយ័តក្រុងភ្នំពេញ សាលារាជធានីភ្នំពេញ និងអាជ្ញាធរពាក់ព័ន្ធផ្សេងទៀត ក្រោមយន្តការប្រែក្លាយវិបត្តិនេះទៅជា កាលានុវត្តភាព និងស្តារវិស័យសំណង់ និងអចលនទ្រព្យឡើងវិញ។

សមាគមអ្នកអភិវឌ្ឍន៍លំនៅឋានកម្ពុជា បានបន្តអនុវត្តការងារយ៉ាងសកម្ម ស្របតាមទស្សនវិស័យរួមរបស់សមាគម និងសេចក្តីត្រូវការរបស់សមាជិក-សមាជិកា។ ការបន្តគាំទ្រ និង ការលើកទឹកចិត្ត របស់ សមាជិក-សមាជិកាសមាគម បានជម្រុញឲ្យសមាគមអ្នកអភិវឌ្ឍន៍លំនៅឋានកម្ពុជា កាន់តែរឹងមាំ និងរីកចម្រើន មួយកម្រិត។

គួរ​បញ្ជាក់​ថា សមាគម​អ្នកអភិវឌ្ឍន៍លំនៅឋានកម្ពុជានេះ ត្រូវបាន​ក្រសួង​មហាផ្ទៃ​បាន​ចុះ​បញ្ជី​ទទួល​ស្គាល់​ជាផ្លូវ​ការ នៅ​ថ្ងៃ​ទី​២៦ ខែមីនា ឆ្នាំ២០១៦។ ការបង្កើតនេះមាន​សុទ្ធតែ​ឧកញ៉ា​លោក​ជំទាវ​គ្រាក់ៗ ធ្វើ​ជា​ថ្នាក់​ដឹក​ ក្នុង​នោះ អ្នកឧកញ៉ា លី ហួរ ​ម្ចាស់​បុរីវិមានភ្នំពេញ ជា​ប្រធាន​សមាគម និង​​អនុប្រធាន៧រូបទៀត​ ដែល​សុទ្ធតែ​ជា​ប្រធាន​បុរីនិង​ផ្ទះ​ល្វែង ដូចជា បុរីពិភពថ្មី, បុរីប៉េងហ៊ួត, បុរីជីបម៉ុងគ្រុប, បុរីអ័រគីដេរ, បុរីវិមានចរណៃ ជា​ដើម៕

The post អ្នកឧកញ៉ា លី ហួរ ហៅអ្នកជំនួញមកជួបដោះស្រាយបញ្ហាប្រឈមរួមក្នុងវិស័យសំណង់ appeared first on .

ក្រុមការងារគម្រោង Build4People នេះបានចុះអនុសារណៈកិច្ច​សហប្រតិបត្តិការជាមួយសាលារាជធានី​ភ្នំពេញ និងបានសហការជាមួយមហាវិទ្យាល័យ គណិតវិទ្យា វិទ្យាសាស្ដ្រកុំព្យូទ័រ និងវិទ្យាសាស្ដ្រធម្មជាតិ​នៃសាកលវិទ្យាល័យហេមបឺក លើការអនុវត្តគម្រោងលំនៅដ្ឋានដែលមានចីរភាព សម្រាប់ប្រជាជន-បង្កើត​គុណភាពការរស់នៅនៃប្រជាជនទីក្រុងតាមរយៈគម្រោង Build4People។

កិច្ចប្រជុំនេះ មានខ្លឹមសារដូចជា៖ លើកកម្ពស់គុណភាពនៃជីវិត តាមរយៈការប្រែមុខមាត់នៃគម្រោងទីក្រុង, ការអភិវឌ្ឍទីក្រុងប្រកបដោយចីរភាពតាមបែបចម្រុះ, ការកសាងអគារប្រកបដោយចីរភាព ដោយពង្រីក​ហេដ្ឋារចនាសម្ព័ន្ធបៃតង, គម្រោងថាមពលកកើតឡើងវិញនៃរចនាស្ថាបត្យកម្មបន្សាំទៅនឹងអាកាសធាតុ។

សម្រាប់​គោលបំណង ដែលក្រុមការងារគម្រោង Build4People ស្នើសុំជួបពិភាក្សាជាមួយសមាគម គឺ​ដើម្បីស្នើសុំយោបល់ និងអនុសាសន៍ពីការអភិវឌ្ឍន៍លំនៅឋាន ផ្តល់មតិយោបល់ពីការអនុវត្តគម្រោង Build4People លើការអនុវត្តគម្រោងនេះ និងបង្កើនកិច្ចសហប្រតិបត្តការជាមួយ​សមាគមអ្នកអភិវឌ្ឍន៍​លំនៅឋាន​កម្ពុជា។

សូមបញ្ជាក់ថា សមាគមអ្នកអភិវឌ្ឍន៍លំនៅឋានកម្ពុជា ត្រូវបានចុះបញ្ជីសមាគម និងទទួលស្គាល់ជាផ្លូវការ​ពីរាជរដ្ឋាភិបាលកម្ពុជា កាលពី​ថ្ងៃទី១៣ ខែវិច្ឆិកា ឆ្នាំ២០១៥។ គោលបំណង និងបេសកម្មរបស់សមាគម​អ្នកអភិវឌ្ឍន៍លំនៅឋានកម្ពុជា គឺដើម្បី៖

១.ផ្ដល់ជាវេទិកាផ្លាស់ប្ដូរ បទពិសោធន៍គ្នាទៅវិញទៅមក រវាងអ្នកវិនិយោគល់វិស័យ សំណង់ បុរី និង លំនៅឋាន។

២.ជួយដោះស្រាយបញ្ហារួម និងបញ្ហាដោយឡែករបស់ សមាជិក-សមាជិកា ព្រមទាំងផ្ដល់ការប្រឹក្សាយោ​បល់​លើបញ្ហាហិរញ្ញវត្ថុ ពន្ធដារ ច្បាប់លើវិស័យសំណង់ បុរី និង លំនៅឋាន។

៣.ផ្សព្វផ្សាយផលិតផល និងសេវាកម្មរបស់ក្រុមហ៊ុន ស្វែងរកដៃគូរវិនិយោគ និងបណ្ដាក់ទុនក្នុងការ​ធ្វើ​ជំនួញ​តាមរយៈសមាគម ។

៤.តួនាទីរួមចំណែកមួយផ្នែកទៀត គឺសមាគម ក៏នឹងចូលរួមចំណែកសហការផ្ដល់ព័ត៌មាន ជូនដល់​រាជរដ្ឋា​ភិបាលពាក់ព័ន្ធ នឹងការអភិវឌ្ឍន៍ នៃវិស័យសំណង់លំនៅឋាន នៅកម្ពុជា និងទប់ស្កាត់រាល់ការវិនិយោគ ដែលមានភាពមិនច្បាស់លាស់ ឬបង្ករភាពចលាចលដល់ទីផ្សារលំនៅឋាននៅកម្ពុជា ។

សកម្មភាពទាំងអស់ ក្នុងបំណងជារួម គឺដើម្បីរួមចំណែកអភិវឌ្ឍន៍លំនៅដ្ឋាននៅកម្ពុជា ព្រមទាំងចូលរួម​ចំណែក​លើកស្ទួយសេដ្ឋកិច្ចជាតិ និងឧត្តមភាពនៃមាតុភូមិកម្ពុជា៕

The post អ្នកឧកញ៉ា លី ហួរ ដឹកនាំសមាគមអ្នកអភិវឌ្ឍន៍លំនៅឋានកម្ពុជា ជួបក្រុមការងារមកពីអាល្លឺម៉ង់ appeared first on .

សមាគមអ្នកអភិវឌ្ឍន៍លំនៅឋានកម្ពុជា បាននឹងកំពុងបំពេញបេសកកម្ម និងគោលដៅសំខាន់មួយចំនួន ដើម្បីការពារសិទ្ធិស្របច្បាប់ និងសុចរិតភាពរបស់សមាជិកក្នុងវិស័យសំណង់ និងអចលនទ្រព្យនៅកម្ពុជា ដែលផ្តល់នូវវេទិកាសម្រាប់ផ្លាស់ប្តូរបទពិសោធន៍គ្នាទៅវិញទៅមក រវាងអ្នកអភិវឌ្ឍន៍លំនៅឋានដូចគ្នា និងអាជ្ញាធរពាក់ព័ន្ធ។

ជាមួយគ្នានេះ សមាគមក៏នឹងផ្ដល់ការប្រឹក្សាយោបល់លើបញ្ហាផ្លូវច្បាប់ និងនីតិវិធីផ្សេងៗក្នុងវិស័យសំណង់ និងអចលនទ្រព្យ
ការជួយកសាងបណ្ដាញទំនាក់ទំនងដ៏រឹងមាំជូនសមាជិក ក្នុងវិស័យសំណង់ និងអចលនទ្រព្យ ព្រមទាំងជាអន្ដរការី សម្របសម្រួល ដោះស្រាយ ទំនាស់ វិវាទ និងភាពរាំងស្ទះផ្សេងៗ របស់សមាជិកក្នុង វិស័យសំណង់ និងអចលនទ្រព្យផងដែរ។

បន្ថែមទៀតនោះ ក៏មានបេសកកម្មជួយផ្សព្វផ្សាយ ផលិតផល ឬសេវារបស់សមាជិក តាមរយៈគេហទំព័ររបស់សមាគម កម្មវិធី កិច្ចប្រជុំ និងការតាំងពិព័រណផ្សេងៗ ក្នុងក្របខ័ណ្ឌជាតិ និងអន្ដរជាតិ និងការបង្កើនដៃគូរសហការលើមុខរបរ របស់សមាជិក ដូចជា អ្នកផ្គត់ផ្គង់ អ្នកផ្សព្វផ្សាយ ប្រភពដើមទុន និងការស្វែងរកទីផ្សារជូនសមាជិក។

លើសពីនេះ ចូលរួមសហការជាមួយរាជរដ្ឋាភិបាលដើម្បីទប់ស្កាត់ នូវរាល់ការវិនិយោគដែលមានភាពមិនច្បាស់លាស់ ឬ ការបង្កភាពចលាចលដល់ទីផ្សារសំណង់លំនៅឋាន និងអចលនទ្រព្យជាដើម។

ឧកញ៉ាញូស៍ Oknha news សូមណែនាំលោកអ្នកមកស្គាល់ប្រធាន និងអនុប្រធានសមាគមអ្នកអភិវឌ្ឍន៍លំនៅដ្ឋានកម្ពុជា ដូចខាងក្រោម៖

១/ អ្នកឧកញ៉ា ហុង​ ពីវ​ ប្រធានកិត្តិយស

​មាន​ស្រុក​កំណើត​​​នៅ​រាជធានីភ្នំពេញ​ អ្នកឧកញ៉ា ហុង ពីវ ជាអគ្គនាយកគ្រឹះ​ស្ថាន​មីក្រូហិរញ្ញវត្ថុ​ ពិភពថ្មី និងបុរី​​ ពិភពថ្មី

២/ អ្នកឧកញ៉ា លី ហួរ ប្រធាន

អ្នកឧកញ៉ា​ មាន​​ស្រុក​កំណើត​នៅ​ខេត្តកំពង់​ចាម​ ជាអគ្គនាយក​ក្រុមហ៊ុន​​ លី ហួរ​ គ្រុប​ និងជាអនុ​​ប្រធាន​សភា​ពាណិជ្ជកម្ម​កម្ពុជា

៣/ ឧកញ៉ា ថៃ ជាហួត អនុប្រធាន

អគ្គនាយកក្រុមហ៊ុន បុរី​ ប៉េង ​ហួត គ្រុប។ លោកមានស្រុកកំណើតនៅស្រុកស្រីសន្ធរ ខេត្តកំពង់ចាម

៤/ អ្នក​ឧកញ៉ា លាង ម៉េង ​អនុប្រធាន

សហស្ថាបនិក និងជាប្រធាន​អគ្គនាយក​​ក្រុមហ៊ុន ជីប​ ម៉ុង ​គ្រុប។ លោកជាកូនប្រុសទី ២ របស់អ្នកឧកញ៉ា ភាព ហៀក ដែលមានឈាមជ័រជាអ្នកខេត្តកំពង់ចាម ស្រុកស្រីសន្ធរ។

៥/ ឧកញ៉ា តេង ហឿង អនុប្រធាន

លោកមាន​ស្រុក​កំណើត​នៅ​ខេត្ត​កំពត។ លោកឧកញ៉ា ជាម្ចាស់បុរី ហ្គោលដេន ផាក និងជាអ្នកគ្រប់គ្រង​ទូទៅរបស់ ក្រុមហ៊ុនដឹកជញ្ជូន​ តេ​ង​ ឡាយ គ្រុប។

៦/ លោកជំទាវ ខា ឡេង អនុប្រធាន

ជា​អគ្គនាយិការង​ អាល់ហ្វា ប្រផឹធី ខនស្ត្រាក់សិន។ លោកជំទាវ​ បានបញ្ចប់ថ្នាក់អនុបណ្ឌិត និង កំពុងសិក្សាថ្នាក់បណ្ឌិត ផ្នែកច្បាប់។ ក្រុមហ៊ុន អាល់ហ្វា ប្រផឹធី ខនស្ត្រាក់សិន ជា​ក្រុមហ៊ុន​មានបទពិសោធន៍​ជាច្រើន​ឆ្នាំ​ ខាង​ផ្នែក​អចលនទ្រព្យ​ និង​សំណង់​ផងដែរ​ដែ​ល​ក្រុមហ៊ុន​​បាន​កំពុង​វិនិយោគ​​គម្រោង​ធំ​ៗជា​ច្រើន​ដូចជា គម្រោង​ The Gate Way ជាដើម។

៧/ ឧកញ៉ា លី សេងឃាង អនុប្រធាន

ជាអគ្គនាយកក្រុមហ៊ុន BS Land and Home ជា​ក្រុមហ៊ុន​វិនិយោគ​ផ្នែក​សំណង់​​ផ្ទះ​ល្វែង វិឡា និង​ខុនដូ បើគិត​មក​សព្វថ្ងៃ​ ក្រុមហ៊ុន BS Land and Home បានវិនិយោគ​លើគម្រោង ៣​ធំៗ រួមមាន៖ គម្រោង ចតុ​មុខ​ ស៊ី​ធី​វីយូ ខុនដូ, គម្រោង ចតុ​មុខ​ ស៊ី​ធីទី១ និង គម្រោង ចតុ​មុខ​ ស៊ី​ធីទី២ ក្នុង​តំបន់​ស្វាយជ្រុំ ខេត្តកណ្តាល។

៨/ ឧកញ៉ា តាំង គួង អនុប្រធាន

អគ្គនាយក ក្រុមហ៊ុន TANG KUNG GROUP Co.,Ltd ។ លោកមានស្រុកកំណើតខេត្តកំពង់ចាម។ ក្រុមហ៊ុន តាំង គួង គ្រុប ក៏បានវិនិយោគលើវិស័យអចលនទ្រព្យ និងសំណង់ផងដែរ ដូចជា គម្រោង CENTER CITY TA KHMAO ស្ថិតក្នុងក្រុងតាខ្មៅ ខេត្តកណ្តាល។

៩/ ឧកញ៉ា លាង សាំង អនុប្រធាន

ជានាយកក្រុមហ៊ុ​ន ហាយ ធិច និងជាអគ្គនាយក បុរី ហាយធិច។ ក្រុមហ៊ុន​ បុរី​ហាយធិច បាន​វិនិយោគ​សំណង់​លំនៅឋាន​ជា វិឡា​ប្រណិត​ និង​ក្លឹប​ហាត់​ប្រាណ​ជា​ដើម។ បើ​គិត​មក​ដល់​សព្វថ្ងៃ​ ក្រុមហ៊ុន ហាយធិច មានគម្រោង​​បុរី ហាយ ធិច, បុរី ហាយ ធិច ២, បុរី ហាយ​ ធិច​លុច្សសារី , ​​អាគារ​ពណ៌​ស៦ជាន់ ​និង​ក្រុមហ៊ុន​បុត្រ​សម្ព័ន្ធ​មួយចំនួនទៀត។

១០/ អ្នកឧកញ៉ា សៀ ឫទ្ធី អនុប្រធាន

ប្រធានក្រុមប្រឹក្សាភិបាលក្រុមហ៊ុន វើលប្រ៊ីដ គ្រុប។ អ្នកឧកញ៉ា មានស្រុកកំណើតនៅទីក្រុងភ្នំពេញ។ បច្ចុប្បន្នជាវិនិយោគិន និងជាអ្នកអភិវឌ្ឍន៍អចលទ្រព្យជោគជ័យមួយរូបនៅកម្ពុជា ដូចជា ខុនដូរខ្នាតអន្តរជាតិ The Peak & The Bridge។

១១/ ឧកញ៉ា ប៊ុន ហៃ អនុប្រធាន

ប្រធានក្រុមហ៊ុន បុរី ភ្នំពេញថ្មី និងជាសមាជិកសភាពាណិជ្ជកម្មកម្ពុជា។ លោកឧកញ៉ា មានស្រុកកំណើតនៅខេត្តកំពង់ចាម។ ក្រុមហ៊ុន បុរី ភ្នំពេញថ្មី គឺជាក្រុមហ៊ុនវិនិយោគសំណង់លំនៅឋាន ដែលមានបទពិសោធន៍ជាច្រើនឆ្នាំ និងមានកេរ្ត៍ឈ្មោះល្បីល្បាញផងដែរ។

១២/ ឧកញ៉ា សេង ញ៉ក់ អនុប្រធាន

មានស្រុកកំណើតនៅទីក្រុងភ្នំពេញ។ បច្ចុប្បន្នជាអគ្គនាយកក្រុមហ៊ុន ដឹ ព្រេមៀលែន ឯ.ក និងជាអ្នកជំនួញក្នុងស្រុក និងក្រៅប្រទេសផងដែរ។

The post តើមហាសេដ្ឋី និងសហគ្រិនរូបណាខ្លះជាប្រធាន-អនុប្រធានសមាគមអ្នកអភិវឌ្ឍន៍លំនៅដ្ឋានកម្ពុជា? appeared first on .