សម្ដេចក្រឡាហោម

រាជរដ្ឋាភិបាល សម្រេចផ្តល់ទីប្រឹក្សាផ្ទាល់បន្ថែមជូនសម្តេចក្រឡាហោម ស ខេង

ឧកញ៉ាតូច — Sun, 14 Aug 2022 06:05:54 +0000

លោក តហ៊ើរ អ៊ូម៊ើរ ត្រូវបានរាជរដ្ឋាភិបាលស្នើព្រះមហាក្សត្រ តែងតាំងជាទីប្រឹក្សាសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ នេះបើយោងតាមព្រះរាជក្រឹត្យ ឡាយព្រះហត្ថលេខាដោយសម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ចុះថ្ងៃទី១៣ ខែសីហា ឆ្នាំ២០២២។

លោក តហ៊ើរ អ៊ូអ៊ើរ ខាងស្តាំ

ការតែងតាំង លោក តហ៊ើរ អ៊ូអ៊ើរ ជាទីប្រឹក្សាផ្ទាល់សម្តេចក្រឡាហោម ស ខេង ត្រូវបានផ្តល់ឋានៈស្មើអគ្គនាយកដោយពុំទទួលយកប្រាក់បំណាច់មុខងារ។

លោក តហ៊ើរ អ៊ូម៊ើរ បច្ចុប្បន្នកាន់តួនាទីជាប្រធានសមាគមប្រភពល្អកម្ពុជា និងសហស្ថាបនិកថ្នាក់ដឹកនាំសាសនាឥស្លាមដ៏ឆ្នើមនៅកម្ពុជាម្នាក់ផងដែរ៕

The post រាជរដ្ឋាភិបាល សម្រេចផ្តល់ទីប្រឹក្សាផ្ទាល់បន្ថែមជូនសម្តេចក្រឡាហោម ស ខេង appeared first on .

ប្រទេសអាស៊ាន ៣ ស្នើសម្តេចតេជោ ហ៊ុន សែន ប្តូរពេលវេលាកិច្ចប្រជុំពិសេសជាមួយអាមេរិក

ឧកញ៉ាកោះក្របី — Mon, 07 Mar 2022 04:25:13 +0000

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងពិធីសម្ពោធដាក់ឱ្យប្រើប្រាស់ មន្ទីរពេទ្យមិត្តភាពកម្ពុជា-ចិនត្បូងឃ្មុំ នាព្រឹកថ្ងៃទី ៧ ខែមីនានេះ មានប្រសាសន៍ថា សម្តេចមិនទាន់មានការឯកភាពគ្នាលើពេលវេលាសម្រាប់កិច្ចប្រជុំពិសេសអាស៊ាន-អាមេរិកនៅឡើយទេដោយសារសមាជិកអាស៊ានមួយចំនួនចង់ឱ្យដូរពេលវេលា។

ការបញ្ជាក់របស់ សម្តេចតេជោ បានធ្វើឡើងបន្ទាប់ពីសេតវិមានប្រធានាធិបតីសហរដ្ឋអាមេរិក បានប្រកាសថា កិច្ចប្រជុំកំពូលពិសេសអាស៊ាន-អាមេរិក ដែលអាមេរិកធ្វើជាម្ចាស់ផ្ទះ នឹងរៀបចំឡើងនៅថ្ងៃទី២៨ ដល់ថ្ងៃទី២៩ ខែមីនា ខាងមុខនេះ។

សម្តេចតេជោ បានថ្លែងថា អាស៊ាន-អាមេរិក មិនទាន់ឯកភាពគ្នាលើពេលវេលាសម្រាប់កិច្ចប្រជុំពិសេសរវាងអាស៊ាន និងអាមេរិកនៅឡើយ ដោយក្នុងនោះមានប្រទេសអាស៊ានចំនួន៣ ស្នើឱ្យប្តូរពេលវេលា ក្នុងនោះ ប្រទេសឥណ្ឌូនេស៊ី ដែលជាប្រទេសសម្របសម្រួលមិនទាន់បានសម្របសម្រួលពេលវេលា នៅឡើយទេ ហើយមេដឹកនាំអាស៊ានជាច្រើន ទាមទារឱ្យមានការប្រជុំ នៅថ្ងៃទី២៦-២៧ ខែមីនា ហើយខាងសហរដ្ឋអាមេរិកបញ្ជាក់ថា ថ្ងៃទី២៦-២៧ សហរដ្ឋអាមេរិក មិនអាចទទួលពេលវេលានោះបានទេ ឯមេដឹកនាំអាស៊ានចំនួន៣ថា មិនអាចចូលរួមប្រជុំ នៅថ្ងៃទី២៦-២៧ បានទេ ដូច្នេះត្រូវចាំមើលសិន។

ទន្ទឹមនឹងនេះ សម្តេចតេជោ សង្ឃឹមថា អាស៊ាន-អាមេរិកនឹងរកបាននូវពេលវេលាសមស្របតាមការសម្រុះសម្រួលគ្នា ប៉ុន្តែសម្រាប់សម្តេច គឺស្វាគមន៍នៅពេលវេលាណាមួយក៏បាន លើកលែងតែចាប់ពីពាក់កណ្តាលខែឧសភា រហូតដល់ពាក់កណ្តាលខែមិថុនា ឆ្នាំ២០២២ នេះ ដែលកម្ពុជាត្រូវរៀបចំការបោះឆ្នោតជ្រើសរើសក្រុមប្រឹក្សាឃុំសង្កាត់ ដែលសម្តេចមិនអាចចេញទៅក្រៅប្រទេសបាន៕

The post ប្រទេសអាស៊ាន ៣ ស្នើសម្តេចតេជោ ហ៊ុន សែន ប្តូរពេលវេលាកិច្ចប្រជុំពិសេសជាមួយអាមេរិក appeared first on .

សម្ដេច ស ខេង ចេញបញ្ជាក្តៅដល់មន្ត្រីរាជការក្រសួងមហាផ្ទៃ ណាមានអាជីពមេធាវីត្រូវជ្រើសរើសផ្លូវតែមួយគត់

ឧកញ៉ាតូច — Fri, 04 Mar 2022 14:17:49 +0000

សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ចាត់វិធានការចំពោះមន្ដ្រីរាជការ នៃក្រសួងមហាផ្ទៃ ដែលមានវិសមិតភាព ក្នុងការបំពេញមុខងារសាធារណៈ និងការប្រកបវិជ្ជាជីវៈមេធាវី។

តាមរយៈលិខិតចំនួន ២ ទំព័រ កាលពីថ្ងៃទី២៨ ខែកុម្ភៈ ឆ្នាំ២០២២ សម្ដេចក្រឡាហោម ស ខេង បានបញ្ជាក់ថា មន្ត្រីរាជការក្រសួងមហាផ្ទៃដែលមានវិសមិតភាពក្នុងការបំពេញមុខងារសាធារណៈ និងការប្រកបវិជ្ជាជីវៈជាមេធាវី ត្រូវតែជ្រើសរើសយកវិជ្ជាជីវៈតែមួយដោយត្រូវរៀបចំនីតិវិធី ដើម្បីស្ថិតក្នុងស្ថានភាពសុំមិនប្រកបវិជ្ជាជីវៈណាមួយ ឬសុំនៅក្រៅបញ្ជីនៃគណៈមេធាវី។

ក្នុងន័យនេះ សម្តេចក្រឡាហោម សំដៅពង្រឹងការអនុវត្តច្បាប់ ពង្រឹងការអនុវត្តតួនាទី ភារកិច្ចរបស់មន្ត្រីក្រោមឱវាទក្រសួងមហាផ្ទៃ និងជៀសវាងមន្ត្រីរាជការមានវិសមិតភាព ក្នុងការបំពេញមុខងារសាធារណៈ និងការប្រកបវិជ្ជាជីវៈជាមេធាវី ក្រសួងមហាផ្ទៃ។

ក្នុងលិខិតដដែលបានសង្កត់ធ្ងន់ថា មន្ត្រីរាជការដែលមានវិសមិតភាពត្រូវជ្រើសរើសយកវិជ្ជាជីវៈតែមួយ ដោយទុករយៈពេល០៣ ខែ ចាប់ថ្ងៃទី២៨ ខែកុម្ភៈ។ ហើយបើសាមីខ្លួននៅតែពុំជ្រើសរើសយកវិជ្ជាជីវៈតែមួយនោះទេ ក្រសួងមហាផ្ទៃនឹងចាត់វិធានការដោយលុបឈ្មោះចេញពីក្របខណ្ឌក្រសួងមហាផ្ទៃ៕

The post សម្ដេច ស ខេង ចេញបញ្ជាក្តៅដល់មន្ត្រីរាជការក្រសួងមហាផ្ទៃ ណាមានអាជីពមេធាវីត្រូវជ្រើសរើសផ្លូវតែមួយគត់ appeared first on .

សម្តេច ស ខេង សម្រេចផ្ទេរភារកិច្ចនិងតែងតាំងនាយប៉ុស្តិ៍ច្រកទ្វារព្រំដែនអន្តរជាតិបាវិតថ្មី

ឧកញ៉ាកោះក្របី — Mon, 21 Feb 2022 15:44:22 +0000

ឧត្តមសេនីយ៍ត្រី ខាត់ សារ័ត្ន ត្រូវបានប្រគល់ផ្ទេរភារកិច្ច និងតែងតាំងមុខតំណែង ជានាយប៉ុស្តិ៍នគរបាលច្រកទ្វារព្រំដែនអន្តរជាតិបាវិត ក្រោមវត្តមាននាយឧត្តមសេនីយ៍ ពិន ពិសិដ្ឋ អគ្គនាយករងអន្តោប្រវេសន៍ និង ឧត្តមសេនីយ៍ឯក សារិន សារីណូ ប្រធាននាយកដ្ឋានច្រកទ្វារទី២ នៅថ្ងៃចន្ទ ទី២១ ខែកុម្ភៈនេះ។

ការប្រគល់ និងផ្ទេរភារកិច្ចនេះ ធ្វើឡើងបន្ទាប់ពីសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃទី៦ ខែកុម្ភៈ ឆ្នាំ២០២២ បានសម្រេចផ្ទេរ និងតែងតាំង លោកឧត្តមសេនីយ៍ត្រី ខាត់ សារ័ត្ន ពីអនុប្រធាននាយកដ្ឋានច្រកទ្វារទី១ ទៅជានាយប៉ុស្តិ៍នគរបាលច្រកទ្វារព្រំដែនអន្តរជាតិបាវិត ការិយាល័យច្រកទ្វារព្រំដែនអន្តរជាតិ នាយកដ្ឋានច្រកទ្វារទី២ នៃអគ្គនាយកដ្ឋានអន្តោប្រវេសន៍ ជំនួសលោកវរសេនីយ៍ឯក ម៉ម យ៉យ ដែលត្រូវចូលនិវត្តន៍។

បច្ចុប្បន្ន ច្រកទ្វារព្រំដែនអន្តរជាតិបាវិត ដែលតភ្ជាប់ជាមួយច្រកព្រំដែនម៉ុកបៃ ក្នុងខេត្តតៃនិញប្រទេសវៀតណាម ជាច្រករបៀងសេដ្ឋកិច្ចដ៏សំខាន់ក្នុងការបម្រើដល់វិស័យដឹកជញ្ជូនទំនិញ និងភ្ញៀវទេសចរ។

ច្រកទ្វារព្រំដែនអន្តរជាតិមួយនេះ ក៏ជាការតភ្ជាប់រវាងរាជធានីភ្នំពេញរបស់កម្ពុជា ជាមួយទីក្រុងហូជីមិញរបស់វៀតណាម ហើយឆ្ពោះទៅដល់កំពង់ផែ ខាត់ឡៃ (Cat Lai) ជាកំពង់ផែធំជាងគេរបស់វៀតណាម។ ទំនិញនាំចេញ-ចូលមួយចំនួនពីកម្ពុជា ជាពិសេសជាមួយប្រទេសចិនក៏មានចរាចរណ៍ឆ្លងកាត់តាមកំពង់ផងផែនេះផងដែរ៕

The post សម្តេច ស ខេង សម្រេចផ្ទេរភារកិច្ចនិងតែងតាំងនាយប៉ុស្តិ៍ច្រកទ្វារព្រំដែនអន្តរជាតិបាវិតថ្មី appeared first on .

សម្ដេចក្រឡាហោម ស ខេង ឧបត្ថម្ភថវិកាចំនួន ២០០លានរៀល ដល់រដ្ឋបាលខេត្តបាត់ដំបងទុកដោះស្រាយបញ្ហាចំពោះមុខ ២យ៉ាង

អ្នកឧកញ៉ាវត្តភ្នំ — Sat, 24 Apr 2021 14:04:18 +0000

សម្ដេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រី ក្រសួងមហាផ្ទៃ កាលពីថ្ងៃទី ២៣ ខែមេសា ២០២១ នេះ បានសម្រេចឧបត្ថម្ភថវិកា ចំនួន ២០០លានរៀល ដល់រដ្ឋបាលខេត្តបាត់ដំបង ក្នុងការដោះស្រាយបញ្ហាប្រឈមចំពោះមុខ ២យ៉ាង។

ថវិកា ២០០លានរៀលនេះ នឹងយកទៅដោះស្រាយមុខព្រួញ ទី១ គឺប្រើប្រាស់សម្រាប់ជួយប្រជាពលរដ្ឋ ដែលកំពុងរងផលប៉ះពាល់ដោយគ្រោះធម្មជាតិ (ជាពិសេសជនរងគ្រោះដោយសារខ្យល់កន្ត្រាក់) និងមុខព្រួញទី២ សម្រួលការខ្វះខាតបណ្ដោះអាសន្នរបស់ប្រជាពលរដ្ឋក្នុងខេត្ត ដែលរងផលប៉ះពាល់ដោយសារការរីករាលដាលកូវីដ-១៩៕

The post សម្ដេចក្រឡាហោម ស ខេង ឧបត្ថម្ភថវិកាចំនួន ២០០លានរៀល ដល់រដ្ឋបាលខេត្តបាត់ដំបងទុកដោះស្រាយបញ្ហាចំពោះមុខ ២យ៉ាង appeared first on .

មន្ត្រីនគរបាលចំនួន ១,២៤៤នាក់ នឹងទទួលបានថវិកាលើកទឹកចិត្តក្នុងម្នាក់ ២៨ម៉ឺនរៀល ពីសម្ដេចក្រឡាហោម ស ខេង

អ្នកឧកញ៉ាវត្តភ្នំ — Thu, 22 Apr 2021 12:30:05 +0000

សម្ដេចក្រឡាហោម ស ខេង នៅថ្ងៃទី២២ ខែមេសានេះ បានសម្រេចផ្ដល់នូវថវិកាលើកទឹកចិត្តដល់កងកម្លាំងនគរបាលជាតិ សរុបចំនួន ១,២៤៤នាក់ ដែលកំពុងប្រចាំការតាមគោលដៅ ក្នុងភូមិសាស្ត្របិទខ្ទប់ក្នុងរាជធានីភ្នំពេញ និងក្រុងតាខ្មៅ ខេត្តកណ្ដាល សរុបចំនួន ៣៤៨,៣២០,០០០រៀល បន្ថែមពីលើរបបឧបត្ថម្ភគោល និងប្រាក់ឧបត្ថមផ្សេងៗដែលមានកន្លងមក។

តាមចំនួននៃថវិកាលើកទឹកចិត្តរបស់សម្ដេចក្រឡាហោម ស ខេង នេះ បងប្អូនកងកម្លាំង នឹងទទួលបានបានថវិកា ក្នុងម្នាក់ចំនួន ២៨០,០០០រៀល៕

The post មន្ត្រីនគរបាលចំនួន ១,២៤៤នាក់ នឹងទទួលបានថវិកាលើកទឹកចិត្តក្នុងម្នាក់ ២៨ម៉ឺនរៀល ពីសម្ដេចក្រឡាហោម ស ខេង appeared first on .

កាន់តែងាយស្រួលហើយ!ក្រសួងមហាផ្ទៃ ផ្ទេរសមត្ថកិច្ចក្នុងការផ្តល់សៀវភៅ ស្នាក់នៅនិងសៀវភៅគ្រួសារពីអធិការនគរបាលក្រុង ស្រុក ខណ្ឌទៅប៉ុស្ដិ៍នគរបាលរដ្ឋបាលឃុំ សង្កាត់

កូនចៅឧកញ៉ា — Thu, 02 Jul 2020 05:26:12 +0000

សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានប្រកាស ស្ដីពីការផ្ទេរសមត្ថកិច្ចក្នុងការផ្តល់សៀវភៅស្នាក់នៅ និងសៀវភៅគ្រួសារពីអធិការនគរបាលក្រុង ស្រុក ខណ្ឌ ជូនទៅនាយប៉ុស្ដិ៍នគរបាលរដ្ឋបាលឃុំ សង្កាត់។

យោងតាមសេចក្ដីប្រកាសរបស់ ក្រសួងមហាផ្ទៃ កាលពីថ្ងៃទី១ ខែកក្កដា ឆ្នាំ២០២០២ បានឲ្យដឹងថា ប្រកាសនេះមានគោលដៅកំណត់ អំពី ការផ្ទេរសមត្ថកិច្ច ក្នុងការពិនិត្យ សម្រេចផ្ដល់សៀវភៅស្នាក់នៅ និងសៀវភៅគ្រួសារ ដើម្បីបង្កលក្ខណៈងាយស្រួល និងឆាប់រហ័សលើការចុះបញ្ជីស្នាក់នៅ និងបញ្ជីគ្រួសារជូនប្រជាជនដែលលំនៅឋាននៅកម្ពុជា។

ប្រភពដដែល បញ្ជាក់ថា ការផ្ទេរសមត្ថកិច្ចពី អធិការនគរបាលក្រុង ស្រុក ខណ្ឌ ជូនទៅនាយប៉ុស្ដិ៍នគរបាលរដ្ឋបាលឃុំ សង្កាត់ ក្នុងការពិនិត្យ សម្រេចផ្ដល់សៀវភៅស្នាក់នៅ ទុតិយតាសៀវស្នាក់នៅ លិខិតបញ្ជាក់ទីលំនៅ ការប្រែប្រួលនៃសមាជិកគ្រួសារ ការផ្លាស់ប្ដូរទីលំនៅ និងរាល់ការកែតម្រូវទិន្នន័យក្នុងបញ្ជីស្នាក់នៅស្របតាមលិខិតបទដ្ឋាន គិតយុត្តកំណត់៕ខាងក្រោមនេះជាសេចក្ដីប្រកាសរបស់ ក្រសួងមហាផ្ទៃ ៖

The post កាន់តែងាយស្រួលហើយ!ក្រសួងមហាផ្ទៃ ផ្ទេរសមត្ថកិច្ចក្នុងការផ្តល់សៀវភៅ ស្នាក់នៅនិងសៀវភៅគ្រួសារពីអធិការនគរបាលក្រុង ស្រុក ខណ្ឌទៅប៉ុស្ដិ៍នគរបាលរដ្ឋបាលឃុំ សង្កាត់ appeared first on .

ផ្ទុះការកោតសរសើរជាខ្លាំង នាយ ក្រឹម សុំប្រាក់ពីសម្ដេចក្រឡាហោម ស ខេង បានជាច្រើនយកទៅដល់មិត្តសិល្បករ២រូបកំពុងធ្លាក់ខ្លួនឈឺ

កូនចៅឧកញ៉ា — Wed, 01 Jul 2020 01:59:40 +0000

នាយក្រឹម បានធ្វើឲ្យមហាជនក៏ដូចជាអ្នកគាំទ្រលោក កោតសរសើរជាខ្លាំងបន្ទាប់ពី តារាកំប្លែង ចាសវង្សា រូបនេះ ជំនួបមួយជាមួយសម្ដេចក្រឡាហោម ស ខេង ហើយនាយបាន រៀបរាប់ពីទុក្ខលំបាក របស់សិល្បករ ដែលកំពុងធ្លាក់ខ្លួនឈឺ ។ ក្នុងជំនួបនេះ នាយទទួលប្រាក់ជាច្រើនដុល្លារយកមកជួយសិល្បករដែលបាត់បង់សមត្ថភាពសម្ដែងដោយសារតែជំងឺ មាន លោក សួស សងវាចានិងនាយ ក្ដឹប ។

ជាទូទៅ នាយក្រឹម បើទោះជាលើឆាកសម្តែងភាពរីករាយអោយគេបានសើច ក៏លោកនៅតែយកអារម្មណ៍គិតគូបងប្អូនសិល្បៈ ដែលមានទុក្ខព្រួយទៅតាមលទ្ធភាព។ ជាក់ស្តែក ពេលនេះរូបភាពថ្មីមួយដែល នាយក្រឹប បានធ្វើ ក្រោយពីជួបជំនួបមួយជាមួយថ្នាក់ដឹកនាំលំដាប់ប្រទេស។ នៅលើបណ្ដាញសង្គមរបស់ នាយក្រឹម បានធ្វើអោយគេចាប់អារម្មណ៏ខ្លាំង បន្ទាប់ពីតារាកំប្លែងជើងចាស់មួយនេះ ធ្វើការបង្ហោះខ្លឹមសារអរគុណ ថ្នាក់ដឹកនាំ ដែលគិតគូសិល្បករ។ជាក់ស្ដែងក្រោយជំនួបមួយជាមួយសម្តេច ស ខេង នាយក្រឹម បានលាភជ័យទទួលប្រាក់ជាច្រើនដុល្លារយកមកជួយសិល្បករបាត់បង់សមត្ថភាព សម្ដែងដោយសារតែជំងឺ។

ក្នុងបណ្ដាញសង្គមរបស់នាយក្រឹម បានបង្ហោះថា « ថ្ងែទី២៩ ខែមិថុនា ឆ្នាំ២០២០ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ញ៉ែម សាខន ស ខេង ព្រមទាំងក្រុមគ្រួសារ បានផ្ដល់ថវិកាជួយដល់សិល្បករ តារាចំរៀង និងតារាកំប្លែង ដែលបាត់បង់សមត្ថភាព ១ .លោក សួស សងវាចា (ចំនួន2000$) ២. លោក ឃុន ចាន់ក្ដឹប (ចំនួន1000$) តាមរយៈ ខ្ញុំបាទ អ៊ូ ប៉ុណ្ណារ៉ាត់ (នាយក្រឹម) បានយកទៅឱ្យដោយផ្ទាល់ដៃដល់លោកទាំងពីរ»។

ជាមួយគ្នានោះដែរនាយ ក្រឹម សូមប្រសិទ្ធិពរជ័យជូនដល់សម្ដេច និងលោកជំទាវ ព្រមទាំងបុត្រាបុត្រី និងចៅប្រុសចៅស្រីជាទីស្រឡាញ់ ជួបប្រទះតែសចក្ដីចម្រុងចម្រើន សុខដុមរមនា វិបុលសុខបវរមហាប្រសើរ សិរីមង្គល និងប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

បន្ទាប់ពីនាំប្រាក់ទាំងនោះទៅជូនដល់ សិល្បៈករទាំងពីរដែលកំពុងធ្លាក់ខ្លួនឈឺ ហើយបង្ហោះពីសកម្មភាពលើបណ្ដាញសង្គមភ្លាម បានធ្វើឲ្យអ្នកគាំទ្រនាយ ក៏ដូចជា មហាជនកោតសរសើរនៅ ទឹកចិត្តតារាកំប្លែងនេះជាខ្លាំង។

សូមបញ្ជាក់ផងដែរថា លោក សួស សងវាចានិងនាយ ក្ដឹប ត្រូវបានគេដឹងថា មានជំងឺរងសម្ពាធឈាន ងាប់១ចំហៀងខ្លួនជាច្រើនឆ្នាំមកហើយដូចគ្នា បច្ចុប្បន្នកំពុងសម្រាកព្យាបាលនៅផ្ទះ៕

The post ផ្ទុះការកោតសរសើរជាខ្លាំង នាយ ក្រឹម សុំប្រាក់ពីសម្ដេចក្រឡាហោម ស ខេង បានជាច្រើនយកទៅដល់មិត្តសិល្បករ២រូបកំពុងធ្លាក់ខ្លួនឈឺ appeared first on .