សម្តេចតេជោ ហ៊ុន សែន បានជិះឧទ្ធម្ភាចក្រ ដែលអមដំណើរដោយលោក ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដីនគរូបនីយកម្ម និងសំណង់ នាព្រឹកថ្ងៃទី១១សីហានេះ។ ក្នុងនោះផងដែរ សម្តេចតេជោ ក៏បានអញ្ជើញទៅពិនិត្យមើលវឌ្ឍនភាពនៃការសាងសង់ចេតីយ៍តម្កល់សម្តេចឧត្តមទេពញាណ ហ៊ុន ណេង ខណៈមកដល់ពេលនេះចេតីយ៍នេះ ស្ថាបនាហើយប្រមាណ ៣០ភារយ ដោយគ្រោងបញ្ចប់រយៈពេល១ឆ្នាំ។

 សូមជម្រាបជូនថា ចេតីយ៍តម្កល់សម្តេចឧត្តមទេពញាណ ហ៊ុន ណេង ត្រូវបានកសាងឡើងក្រោមរចនាបថសម័យទំនើបមានទំហំ១១ម៉ែត្របួនជ្រុង និងកម្ពស់៣៣ម៉ែត្រ បំពាក់ទៅដោយគ្រឿងរចនាបថខ្មែរ និងការស្ថាបនាសួនឧទ្យានភ្លើងបំពាក់ផ្លូវថ្នល់ និងហេដ្ឋារចនាសម្ព័ន្ធដទៃទៀត។ 

គួររម្លឹកបន្តិចថា ប៉ុន្មានថ្ងៃក្រោយទទួលមរណភាពលោកព្រឹទ្ធាចារ្យ ហ៊ុន ណេង បងប្រុសសម្ដេចតេជោ ហ៊ុន សែន នាយករដ្ឋមន្ត្រី ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រកម្ពុជា នៅថ្ងៃទី០៧ ខែឧសភា ឆ្នាំ២០២២នេះ ត្រាស់បង្គាប់តែងតាំង ជា«សម្ដេចឧត្ដមទេពញាណ»។

សម្ដេចឧត្ដមទេពញាណ ហ៊ុន ណេង គឺជាអតីតអ្នកដំណាងរាស្រ្តមណ្ឌលកំពង់ចាម ហើយជាប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា។ សម្តេចក៏ធ្លាប់កាន់តំណែងជាអភិបាលខេត្តកំពង់ចាម។

ក្នុងពលិកម្មដើម្បីជាតិ សាសនា និងព្រះមហាក្សត្រ សម្តេចឧត្តមទេពញាណ ហ៊ុន ណេង ក៏ត្រូវបានប្រទាននូវគ្រឿងឥស្សរិយយសជាច្រើនពីព្រះមហាក្សត្រ ក្នុងនោះ គ្រឿងឥស្សរិយយសខ្ពស់បំផុតរបស់ព្រះរាជាណាចក្រកម្ពុជា គឺ ថ្នាក់ជាតូបការ។ 

ពេញមួយជីវិតរបស់សម្តេច ពិសេសពេលវេលាដែលលោកបានមកដឹកនាំនៅខេត្តកំពង់ចាម តែងតែបំពេញការងារសង្គម ការងារមនុស្សធម៌ ជាអ្នកកសាងមូលដ្ឋាននៃការអភិវឌ្ឍ នៅខេត្តកំពង់ចាម។ តាមរយៈសកម្មភាពទាំងអស់នេះ បានធ្វើឲ្យលោកទទួលបាននូវការ គោរពស្រឡាញ់ពីមន្ត្រីរាជការ កងកម្លាំងប្រដាប់អាវុធ ព្រះសង្ឃ និងប្រជាពលរដ្ឋគ្រប់មជ្ឈដ្ឋាន៕

The post ចេតីយ៍តម្កល់សព បិតាបង្កើតអ្នកឧកញ៉ា ហ៊ុន តូ សម្រេចបានប្រមាណ ៣០% appeared first on .

នៅយប់ថ្ងៃទី ៤ នៃមរណភាពរបស់បងប្រុសទី២ សម្តេចតេជោ ហ៊ុន សែន បានថ្លែងថា៖ ព្រឹកថ្ងៃស្អែក ៩ ឧសភា ២០២២ ដល់ពេលកំណត់ដែលបងប្រុសទីពីរនិងត្រូវបានបញ្ចុះទៅក្នុងព្រះធរណីដែលជាកន្លែង
សម្រាកចុងក្រោយរបស់គាត់។ បងប្អូនយើងបែកគ្នាដោយមិនបានលាគ្នានិងនិយាយជាមួយគ្នាសូម្បីមួយម៉ាត់ ទោះបីជាខ្ញុំបានមកទាន់ដណ្ហើមចុងក្រោយ
របស់គាត់ស្រែកហៅគាត់យកដៃទាញអង្រួនជើងរបស់គាត់តែមិនមានលទ្ធផល ក្រៅតែពីសម្រក់ទឹកភ្នែកទាំងអស់សង្ឃឹម។

សម្ដេចតេជោបន្តថា នៅមានរឿងសោកសៅជាងនេះសម្រាប់បងប្អូនប្រុសស្រីទាំង៦នាក់របស់យើងនោះគឺអវត្តមានបងប្រុសទីមួយក្នុងពិធីបញ្ចុះសពបងប្រុសទីពីរ។ បងប្រុសទីមួយមិនត្រឹមតែមិនបានចូលរួមក្នុងពិធីបញ្ចុះសពបងទីពីរប៉ុណ្ណោះទេ តែមកដល់ពេលនេះគាត់មិនទាន់ដឹងថាប្អូនប្រុសរបស់គាត់បាត់បង់ជីវិតទៀតផង។

សម្តេចថ្លៃងបន្ថែមថា ខ្ញុំបានហាមកូនៗរបស់គាត់មិនឱ្យនិយាយប្រាប់គាត់ពីមរណភាពប្អូនរបស់គាត់ដោយបងទីមួយទើបចេញពីបន្ទប់វះកាត់នៅក្រុងបាងកក ប្រទេសថៃ សុខភាពគាត់នៅខ្សោយ។ ខ្ញុំមិនដឹងថានឹងមានអ្វីកើតឡើងក្រោយពេលគាត់ទទួលដំណឹងថាប្អូនរបស់គាត់បាត់បងជីវិតដោយគ្មានអ្នកណាផ្តល់ដំណឹងឱ្យគាត់? នេះហើយជារឿងសោកសៅនាប៉ុន្មានថ្ងៃខាងមុខ។

សពរបស់សម្តេចឧត្តមទេពញាណ ហ៊ុន ណេង កំពុងតម្កល់ធ្វើបុណ្យនៅគេហដ្ឋាន ភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម ទៅតាមប្រពៃណីព្រះពុទ្ធសាសនា។

នៅថ្ងៃចន្ទស្អែកនេះ សពសម្តេច ហ៊ុន ណេង នឹងត្រូវដង្ហែទៅបញ្ចុះនៅវត្តសុវណ្ណគិរីរតនៈ ភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម៕

The post បងប្រុសទី១សម្តេចតេជោ មិនបានចូលរួមបញ្ចុះសពសម្តេចឧត្តមទេពញាណ ដោយសារជាប់វះកាត់នៅបាងកក appeared first on .

នៅព្រឹក​ថ្ងៃ​សៅរ៍​ ទី​៧​ ខែឧសភា​ ឆ្នាំ​២០២២​ អ្នកឧកញ៉ា ម៉ុង ឬទ្ធី អគ្គនាយកក្រុមហ៊ុន ម៉ុងឬទ្ធី គ្រុប បានចូលរួមគោរពវិញ្ញាណក្ខន្ធសពលោក ហ៊ុន ណេង បន្ទាប់ចេញមកពី​គោរព​វិញ្ញាណក្ខន្ធ​​វិញ លោកបាន​ឆ្លងកាត់ខាងមុខ​អតីត​សណ្ឋាគារ​មេគង្គ ហើយក៏រំលឹកនឹកដល់អនុស្សាវរីយ៍ជាមួយលោក ហ៊ុន ណេង ក្នុងការផ្តួចផ្តើមកសាងសង់សណ្ឋាគារនេះឡើង។

អ្នកឧកញ៉ា ម៉ុង ឬទ្ធី បានថ្លែងថា៖ «​អតីត​សណ្ឋាគារ​មេគង្គខ្ញុំ​បានសាងសង់​ក្នុង​ឆ្នាំ​១៩៨៧​ ហេីយរួចរាល់​ជាស្ថាពរ​ចុងឆ្នាំ​១៩៨៩ គិតមកដល់ពេលនេះមានអាយុកាល​ ៣៣ឆ្នាំ​កន្លងផុតទៅហេីយ​ ក្នុង​តម្លៃ​​៩៧លានរៀល​ កាលណោះលោក ​ហ៊ុន​ ណេង​ ជា​អភិបាល​ខេត្ត​កំពង់ចាម លោក​ជាអ្នក​​ផ្តួចផ្តើម​គំនិត​សាងសង់​សណ្ឋាគារ​នេះឡេីង​ ​ដែល​បច្ចុប្បន្ន​បាន​ប្រែក្លាយ​ទៅជា​ (មន្ទីពេទ្យ​មេគង្គ​កំពង់ចាម​)​»។

លោកបានសង្កត់ធ្ងន់ថា បេីទោះបី​គ្រានោះ​មានការ​លំបាក​គ្រប់បែបយ៉ាង​ ក៏លោក​បាន​ឲ្យ​សាងសង់​សាលាខេត្ត​ និង​ពេទ្យ​កុមា​។ល។ នេះលោកគ្រាន់តែ​រំលឹក​ពី​គុណូបការគុណ​ដែល​លោក ហ៊ុន ណេង​ បាន​បន្សល់ស្នាដៃ​មួយចំណែក​តូច​ ក្នុង​ចំណោម​ស្នាដៃ​ជាច្រើន​ឥតគណនា​ឲ្យកូនចៅ​ជំនាន់​ក្រោយៗ​បានដឹងខ្លះៗ​តែ​ប៉ុណ្ណោះ​។

គួររម្លឹកថា រដ្ឋបាលខេត្តកំពង់ចាម សម្រេចតាមការណែនាំរបស់រដ្ឋាភិបាលឲ្យយកសណ្ឋាគារមេគង្គ ស្ថិតក្នុងក្រុងកំពង់ចាម ធ្វើជាមន្ទីរពេទ្យសម្រាប់ព្យាបាលអ្នកជំងឺកូវីដ-១៩ ក្នុងខេត្តកំពង់ចាម និងមកពីខេត្តត្បូងឃ្មុំ។ ក្រោយមកអតីតសណ្ឋាគារនេះត្រូវបានប្តូរមកជាមន្ទីរពេទ្យមេគង្គខេត្តកំពង់ចាមវិញ។

សូមជម្រាបជូនថា លោក ហ៊ុន ណេង បានទទួលមរណភាព នៅថ្ងៃព្រហស្បតិ៍ ទី៥ ខែឧសភា ឆ្នាំ២០២២ វេលាម៉ោង១៨:២៥ នាទី ក្នុងជន្មាយុ៧២ឆ្នាំ ដោយរោគាពាធ។ លោកត្រូវបានព្រះមហាក្សត្រខ្មែរ កាលពីថ្ងៃទី៧ ខែឧសភាម្សិលមិញ ត្រាស់បង្គាប់ផ្តល់គោរមងារជា «សម្តេចឧត្តមទេពញាណ ហ៊ុន ណេង»។

សម្តេចឧត្តមទេពញាណ ហ៊ុន ណេង តំណាងរាស្រ្តមណ្ឌលខេត្តកំពង់ចាម និងជាសមាជិកគណៈកម្មាធិការអចិន្រ្តៃយ៍រដ្ឋសភា ដែលកំពុងតម្កល់ធ្វើបុណ្យតាមប្រពៃណីសាសនា នៅគេហដ្ឋានសព នាក្រុង/ខេត្តកំពង់ចាម។  នៅថ្ងៃចន្ទស្អែកនេះ សពសម្តេច ហ៊ុន ណេង នឹងត្រូវដង្ហែទៅបញ្ចុះនៅវត្តសុវណ្ណគិរីរតនៈ ភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម៕

The post អ្នកឧកញ៉ា ម៉ុង ឬទ្ធី រម្លឹកអនុស្សាវរីយ៍សម្តេចឧត្តមទេពញាណ ហ៊ុន ណេង ជំនាន់រកស៊ីនៅខេត្តកំពង់ចាម appeared first on .

នៅរសៀលថ្ងៃទី ៧ ខែឧសភាម្សិលមិញ អ្នកឧកញ៉ា ភាព ហៀក អ្នកឧកញ៉ា លាង ឃុន អ្នកឧកញ៉ា លាង ម៉េង និងសហការី អ្នកឧកញ៉ា ឡេង ណាវ៉ាត្រា ឧកញ៉ា ហេង ឡុង និងសហការី ឧកញ៉ា សៀង ចាន់ហេង និងសហការីអញ្ជើញដាក់កម្រងផ្កា និងគោរពវិញ្ញាណក្ខន្ធសពសម្តេចឧត្តមទេពញាណ ហ៊ុន ណេង។

នៅថ្ងៃអាទិត្យទី៨នេះ ឧកញ៉ា តែ តាំងប៉រ ប្រធានសម្ព័ន្ធសមាគម សហគ្រានធុនតូច​ និងមធ្យមកម្ពុជា​ បានដឹកនាំសមាជិកសមាគមជាច្រើនរូបបានចូលរួម។ ខណៈប្រតិភូដឹកនាំដោយឧកញ៉ា ម៉ម វណ្ឌី ឧកញ៉ា ផន វណ្ណិត ឧកញ៉ា សឿ សុវណ្ណ ឧកញ៉ា យ៉ន សេងហាន ឧកញ៉ា ម៉ន សុខា និងសហការីអញ្ជើញដាក់កម្រងផ្កា និងគោរពវិញ្ញាណក្ខន្ធសពសម្តេចឧត្តមទេពញាណ ហ៊ុន ណេង។

នៅថ្ងៃដដែលនេះ ប្រតិភូក្រសួងព័ត៌មាន ដឹកនាំដោយ​ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានអញ្ជើញគោរពវិញ្ញាណក្ខន្ធសពសម្តេច ឧត្តមទេពញាណ ហ៊ុន ណេង ផងដែរ។

ក្នុងការអញ្ជើញដាក់កម្រផ្កា និងគោរពវិញ្ញាណក្ខន្ធរបស់អ្នកឧកញ៉ា ឧកញ៉ា និងមន្រ្តីរាជការ សុទ្ធតែសម្តែងនូវសេចក្តីរន្ធត់ក្នុងចិត្តយ៉ាងក្រៃលែង និងសោកស្តាយជាទីបំផុត ចំពោះមរណភាពរបស់សម្តេចឧត្តមទេពញាណ ហ៊ុន ណេង ដោយបានចូលរួមសមានទុក្ខដ៏សែនក្រៀមក្រំ និងសោកស្ដាយអាឡោះអាល័យ ជាទីបំផុតជាមួយក្រុមគ្រួសារ នៃសពទាំងអស់ ក្នុងការបាត់បង់ស្វាមី ឪពុក ឪពុកក្មេក និងជាជីតា ដែលជាទីគោរពស្រឡាញ់បំផុត។

មរណភាពសម្តេចឧត្តមទេពញាណ ហ៊ុន ណេង គឺជាការបាត់បង់នូវធនធានមនុស្សដ៏គំរូមួយ ដែលជាឥស្សរជន ដ៏ឆ្នើមមួយរូប ដែលបានលះបង់កម្លាំងកាយ ចិត្ត ធនធាន និងបញ្ញា បម្រើប្រទេសជាតិ មាតិភូមិរហូតមក។

សម្តេចឧត្តមទេពញាណ ហ៊ុន ណេង បានទទួលមរណភាព នៅថ្ងៃព្រហស្បតិ៍ ទី៥ ខែឧសភា ឆ្នាំ២០២២ វេលាម៉ោង១៨:២៥ នាទី ក្នុងជន្មាយុ៧២ឆ្នាំ ដោយរោគាពាធ។

សពរបស់ ឯកឧត្តម ហ៊ុន ណេង កំពុងតម្កល់ធ្វើបុណ្យនៅគេហដ្ឋាន ភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម ទៅតាមប្រពៃណីព្រះពុទ្ធសាសនា ហើយនៅថ្ងៃចន្ទស្អែកនេះ សពសម្តេច ហ៊ុន ណេង នឹងត្រូវដង្ហែទៅបញ្ចុះនៅវត្តសុវណ្ណគិរីរតនៈ ភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម៕

The post អ្នកឧកញ៉ា ឧកញ៉ា មន្រ្តីជាន់ខ្ពស់រដ្ឋាភិបាលបន្តដាក់កម្រងផ្កា និងគោរពវិញ្ញាណក្ខន្ធសព សម្តេចឧត្តមទេពញាណ ហ៊ុន ណេង appeared first on .

ប៉ុន្មានម៉ោងបន្ទាប់ពីព្រះរាជក្រឹត្យតែងតែបងប្រុសបង្កើតជាសម្តេចឧត្តមទេពញាណ សម្តេចតេជោ ហ៊ុន សែន តាមរយៈទំព័រហ្វេសប៊ុកនាយប់ថ្ងៃសៅរ៍ ទី៧ ខែឧសភានេះ បានលើកឡើងក្នុងន័យដើមយ៉ាងដូច្នេះថា៖ «បងប្រុសទោះបីបងបានចែកឋានទៅហើយក្តីតែកេរ្តិ៍ឈ្មោះរបស់បងបានស្ថិតនៅជាមួយជាតិ សាសនានិងព្រះមហាក្សត្រជានិច្ច»។

សម្តេចបន្តថា មុននេះបន្តិចព្រះមហាក្សត្រជាទីគោរព
សក្ដារៈរបស់យើងបានប្រោសប្រទាននូវគោរមងារសម្រាប់បងគឺជា(សម្តេចឧត្តមទេពញាណ ហ៊ុន ណេង)។ តើបងនៅចាំទេគឺក្បែរកន្លែងតំកល់សពបងនេះហើយដែលបងនិងខ្ញុំចូលរួមធ្វើបាតុកម្មប្រឆាំងពួកធ្វើរដ្ឋប្រហារនិងទាមទារប្រគល់តំណែងថ្វាយសម្តេចឪយើងវិញកាលពីថ្ងៃ២៣មិនា១៩៧០ ដែលពេលនោះបងអាយុ២០ឆ្នាំឯខ្ញុំអាយុ១៨ឆ្នាំ។

សម្តេចតេជោនាយករដ្ឋមន្រ្តីបានថ្លែងគូសបញ្ជាក់ថា ត្រកូលហ៊ុនរបស់យើងគ្រប់ជំនាន់តាំងពីជីដូនជីតា ឪពុកម្តាយយើងរហូតដល់ខ្លួនយើងតែងមានការស្មោះត្រង់ចំពោះព្រះមហាក្សត្រចំពោះរាជបល្ល័ង្គនិងរបបរាជានិយម។

«ប្អូនជឿជាក់ថាកូនចៅយើងទាំងអស់នឹងដើរតាមផ្លូវដែលយើងបានដើរកន្លងមកដោយធានាដល់កិច្ចការពាររបបរាជានិយមការពារព្រះមហាក្សត្រនិងព្រះរាជបល្ល័ង្កដោយការស្មោះត្រង់»។ សម្តេចថ្លែងបន្ថែម។

សូមជម្រាបថា សម្ដេចឧត្ដមទេពញាណ ហ៊ុន ណេង គឺជាអ្នកដំណាងរាស្រ្តមណ្ឌលកំពង់ចាម ហើយជាប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា។ សម្តេចក៏ធ្លាប់កាន់តំណែងជាអភិបាលខេត្តកំពង់ចាម បានទទួលមរណភាព ដោយជំងឺបេះដូង នៅរសៀលថ្ងៃទី៥ ខែឧសភា ឆ្នាំ២០២២នេះ។

ក្នុងពលិកម្មដើម្បីជាតិ សាសនា និងព្រះមហាក្សត្រ សម្តេចឧត្តមទេពញាណ ហ៊ុន ណេង ក៏ត្រូវបានប្រទាននូវគ្រឿងឥស្សរិយយសជាច្រើនពីព្រះមហាក្សត្រ ក្នុងនោះ គ្រឿងឥស្សរិយយសខ្ពស់បំផុតរបស់ព្រះរាជាណាចក្រកម្ពុជា គឺ ថ្នាក់ជាតូបការ។

ពេញមួយជីវិតរបស់សម្តេច ពិសេសពេលវេលាដែលលោកបានមកដឹកនាំនៅខេត្តកំពង់ចាម លោកតែងតែបំពេញការងារសង្គម ការងារមនុស្សធម៌ ជាអ្នកកសាងមូលដ្ឋាននៃការអភិវឌ្ឍ នៅខេត្តកំពង់ចាម។ តាមរយៈសកម្មភាពទាំងអស់នេះ បានធ្វើឲ្យលោកទទួលបាននូវការ គោរពស្រឡាញ់ពីមន្ត្រីរាជការ កងកម្លាំងប្រដាប់អាវុធ ព្រះសង្ឃ និងប្រជាពលរដ្ឋគ្រប់មជ្ឈដ្ឋាន៕

The post ប៉ុន្មានម៉ោងបន្ទាប់ពីបងប្រុសបង្កើតទទួលងារ«សម្ដេចឧត្ដមទេពញាណ» សម្តេចតេជោរម្លឹកអតីតកាលការពាររាជបល្ល័ង្គ appeared first on .