The post ឧកញ៉ា លីម លាង ផ្ញើសារអបអរសាទរ និងថ្វាយព្រះពរសម្តេចព្រះនរោត្តម ច័ក្រពង្ស់ ដែលត្រូវបានព្រះមហាក្សត្រ ដំឡើងព្រះឋានៈជា «សម្តេចក្រុមព្រះ» appeared first on .

សូមជម្រាបជូនថា ព្រះឋានៈសម្តេចក្រុមព្រះដើមឡើយ គឺព្រះមហាក្សត្រត្រាស់បង្គាប់ដល់អតីតនាយករដ្ឋមន្រ្តី ព្រះអង្គម្ចាស់នរោត្តម រណឫទ្ធិ។ ព្រះអង្គគឺជាព្រះរាជបុត្រទីពីររបស់ព្រះបាទនរោត្តម សីហនុ និងត្រូវជាព្រះរាមនៃព្រះមហាក្សត្របច្ចុប្បន្ន។ សម្តេចក្រុមព្រះ ព្រះអង្គចូលព្រះទិវង្គតថ្ងៃទី២៨ ខែវិច្ឆិកា ឆ្នាំ២០២១។

សម្តេចព្រះនរោត្តម ចក្រពង្ស ប្រសូត​នៅ​ថ្ងៃ​ទី ២១ ខែ តុលា ឆ្នាំ ១៩៤៥ គឺ​ជា​អ្នក​នយោបាយ អ្នក​ជំនួញ និង​ជា​អតីតឧត្តម​សេនីយ៍នៃ ​កង​យោធពល​ខេមរភូមិន្ទ ដែលជាអ្នកបើកយន្តហោះយោធា។ ព្រះអង្គ​ជា​ព្រះរាជបុត្រ​ទី ៤ របស់ព្រះបរមរតនកោដ្ឋិ ព្រះបាទ​នរោត្តម សីហនុ ហើយ​ក៏​ជា​បង​ប្អូន​បង្កើត​របស់​ព្រះ​មហាក្សត្រ​បច្ចុប្បន្ន​។ 

ព្រះនរោត្តម ចក្រពង្ស អតីតជាម្ចាស់ក្រុមហ៊ុន​អាកាសចរណ៍​ឯកជន​មួយ​គឺ​ក្រុមហ៊ុន​អាកាសចរណ៍ រ៉ូយ៉ាល់ភ្នំពេញ ដែលបញ្ឈប់ប្រតិបត្តិការទាំងអស់នៅដើមឆ្នាំ ២០០៦។ នៅឆ្នាំ ២០០២ ចក្រពង្ស បានបង្កើតគណបក្សរាជានិយមមួយ គឺគណបក្សព្រលឹងខ្មែរ។ នៅពេលដែលគណបក្សព្រលឹងខ្មែរបរាជ័យក្នុងការទទួលបានអាសនៈសភាតែមួយនៅក្នុងការបោះឆ្នោតសកលឆ្នាំ ២០០៣ ព្រះ នរោត្តម ចក្រពង្ស បានចូលរួមជាមួយគណបក្សហ៊្វុនស៊ិនប៉ិច ហើយបានបម្រើការជាសមាជិកព្រឹទ្ធសភាក្នុងរយៈពេលខ្លីក្នុងឆ្នាំ ២០០៥។

នៅ​ឆ្នាំ​២០០៦ ព្រះនរោត្តម ចក្រពង្ស ត្រូវ​បាន​បណ្ដេញ​ចេញ​ពី​គណបក្ស​ហ៊្វុនស៊ិនប៉ិច ហើយ​បាន​ចូល​រួម​ជាមួយគណបក្ស​នរោត្តម រណឫទ្ធិ ។ នៅពេលដែលរដ្ឋាភិបាលកម្ពុជាបន្តការស៊ើបអង្កេតផ្លូវច្បាប់លើបំណុលដែលព្រះអង្គប្រមូលពីក្រុមហ៊ុនអាកាសចរណ៍ទ្រង់ បានលាឈប់ពីឆាកនយោបាយក្នុងឆ្នាំ ២០០៧។ នៅឆ្នាំ ២០១៣ ព្រះអង្គត្រូវបានតែងតាំងជាសមាជិកក្រុមប្រឹក្សាធម្មនុញ្ញនៃប្រទេសកម្ពុជា៕

The post ព្រះរាជបុត្រ​ទី៤របស់សម្តេច​ នរោត្តម សីហនុ ដំឡើងព្រះឋានៈជា «សម្តេចក្រុមព្រះ» appeared first on .

តាមរយៈព្រះរាជក្រឹត្យមួយទំព័រឡាយព្រះហត្ថលេខាដោយព្រះមហាក្សត្រកម្ពុជា កាលពីថ្ងៃទី ៣ ខែឧសភា ឆ្នាំ២០២២នេះ ក៏សម្រេចតែងតំាង ព្រះអង្គម្ចាស់ នរោត្តម សុធាឫទ្ធិ ជាទីប្រឹក្សាអមព្រះរាជលេខាធិការដ្ឋាន ព្រះមហាក្សត្រ មានឋានៈស្មើ អនុរដ្ឋលេខាធិការផងដែរ។

អ្នកអង្គម្ចាស់ នរោត្តម សុធាឫទ្ធិ ព្រះបុត្រារបស់សម្ដេចក្រុមព្រះ នរោត្ដម រណឫទ្ធិ និង អ្នកម្នាង អ៊ុក ផល្លា ជាមួយនឹងអ្នកអង្គម្ចាស់ នរោត្ដម រណវង្ស ព្រះបុត្រាពៅ។

សូមបញ្ជាក់ថា ព្រះរាជបុត្រា-បុត្រី របស់សម្ដេចក្រុមព្រះ ទាំង ៥ព្រះអង្គ គឺមាន ២ព្រះអង្គ បាននិងកំពុងប្រឡូកក្នុងឆាកនយោបាយ នោះគឺព្រះអង្គម្ចាស់ នរោត្តម ចក្រាវុឌ្ឍ បច្ចុប្បន្នជាប្រធានស្ដីទី គណបក្សហ៊្វុនស៊ិនប៉ិច និងព្រះអង្គម្ចាស់ក្ស​ត្រីយ៍ នរោត្តម រតនាទេវី ធ្លាប់ជាសមាជិករដ្ឋសភា និងធ្លាប់ជាមន្ត្រីជាន់ខ្ពស់ក្រសួងមួយផងដែរ។

បន្ទាប់ពីសម្ដេចក្រុមព្រះ នរោត្តម រណឫទ្ធិ បានយាងចូលព្រះទិវង្គត គឺព្រះអង្គម្ចាស់ក្សត្រិយ៍ ម៉ារី រណ​ឫទ្ធិ ដែលជាព្រះមាតាជាអ្នកគ្រប់គ្រង មើលថែរក្សា និងផ្គត់ផ្គង់គ្រប់យ៉ាង ទៅលើបុត្រា-បុត្រី ទាំង ៥ព្រះអង្គ ហើយបើទោះជាអ្នកអង្គម្ចាស់ នរោត្តម សុធាឫទ្ធិ និងអ្នកអង្គម្ចាស់ នរោត្ដម រណវង្ស ជាបុត្រារបស់សម្ដេចក្រុមព្រះ នរោត្ដម រណឫទ្ធិ ជាមួយអ្នកម្នាង អ៊ុក ផល្លា ក៏ដោយ ក៏អង្គម្ចាស់ក្សត្រិយ៍ ម៉ារី រណ​ឫទ្ធិ នឹងមើលថែរក្សាឲ្យបានល្អ ព្រមទាំងចំណាយទៅលើការរស់នៅ និងការសិក្សារបស់ព្រះអង្គទាំង ២ផងដែរ។

សម្ដេចក្រុមព្រះ មានបុត្រា-បុត្រី ចំនួន ៥ ព្រះអង្គ ដែលរួមមាន៖
ទី១. ព្រះអង្គម្ចាស់ នរោត្តម ចក្រាវុឌ្ឍ ជាព្រះរាជបុត្រច្បង របស់សម្តេចក្រុមព្រះ នរោត្តម រណឫទ្ធិ ជាមួយព្រះអង្គម្ចាស់ក្សត្រិយ៍ ម៉ារី រណឫទ្ធិ។

ទី២. ព្រះអង្គម្ចាស់ នរោត្ដម សីហឫទ្ធិ ជាព្រះរាជបុត្រ របស់សម្តេចក្រុមព្រះ នរោត្តម រណឫទ្ធិ ជាមួយព្រះអង្គម្ចាស់ក្សត្រិយ៍ ម៉ារី រណឫទ្ធិ។

ទី៣. ព្រះអង្គម្ចាស់ក្សត្រីយ៍ នរោត្តម រតនាទេវី ជាព្រះរាជបុត្រី របស់សម្តេចក្រុមព្រះ នរោត្តម រណឫទ្ធិ ជាមួយព្រះអង្គម្ចាស់ក្សត្រិយ៍ ម៉ារី រណឫទ្ធិ។

ទី៤. អ្នកអង្គម្ចាស់ នរោត្តម សុធាឫទ្ធិ ព្រះរាជបុត្រា របស់សម្ដេចក្រុមព្រះ នរោត្ដម រណឫទ្ធិ ជាមួយអ្នកម្នាង អ៊ុក ផល្លា។

ទី៥. អ្នកអង្គម្ចាស់ នរោត្ដម រណវង្ស ជាព្រះរាជបុត្រាពៅ របស់សម្ដេចក្រុមព្រះ នរោត្ដម រណឫទ្ធិ ជា​មួយអ្នកម្នាង អ៊ុក ផល្លា។

សម្ដេចក្រុមព្រះ នរោត្តម រណឫទ្ធិ ប្រធានក្រុមឧត្ដមប្រឹក្សាផ្ទាល់ព្រះមហាក្សត្រ និងជាព្រះប្រធានគណបក្សហ៊្វុនស៊ិនប៉ិច បានយាងចូលព្រះទិវង្គត នៅថ្ងៃទី ២៨ ខែវិច្ឆិកា ឆ្នាំ ២០២១ នៅប្រទេសបារាំង ក្នុងព្រះជន្មាយុ ៧៧ព្រះវស្សា ដោយព្រះរោគាពាធ៕

The post បុត្រាទី៤ សម្តេចក្រុមព្រះនរោត្តម រណឫទ្ធិ ត្រូវបានតម្លើងឋានៈ appeared first on .

តាម​រយៈ​សារាចរ​ណែនាំ ដើម្បី​កាន់​ទុក្ខ​ថ្វាយ​​ព្រះ​សព​សម្ដេច​ក្រុម​ព្រះ នរោត្តម រណឫទ្ធិ រដ្ឋាភិបាល​កម្ពុជា​បាន​ណែនាំ​ឲ្យ​គ្រប់​ក្រសួង ស្ថាប័ន សាលារៀន វត្ត​អារាម មន្ទីរ​ពេទ្យ​រដ្ឋ​និង​ឯកជន​ ​មន្ដ្រី​រាជការ កង​កម្លាំង​ប្រដាប់​អាវុធ​គ្រប់​ប្រភេទ និង​ប្រជាជន​ទូទាំង​ប្រទេស ត្រូវ​បង្ហូត​ទង់​ជាតិ​ត្រឹម​ពាក់​កណ្ដាល​នៃ​ដង​ទង់​ជាតិ​។ ចំណែក​គ្រប់​ស្ថានីយ៍​វិទ្យុ និង​ទូរទស្សន៍ ត្រូវ​ផ្អាក​ការ​សម្ដែង និង​ចាក់​ផ្សាយ​នូវ​ទស្សនីយភាព​ផ្សេង​ៗ ដែល​មាន​លក្ខណៈ​សប្បាយ​គគ្រឹក​គគ្រេង​។

ក្នុងន័យនេះ រដ្ឋាភិបាល​កម្ពុជា​ឲ្យ​ជន​រួម​ជាតិ ចូល​រួម​អនុវត្ត​តាម​ការ​ណែនាំ​នេះ ដើម្បី​ជា​កិច្ច​ចូល​រួម​មរណទុក្ខ​ដ៏​ក្រៀម​ក្រំ​បំផុត ចំពោះ​ព្រះ​សព​សម្ដេច​ក្រុម​ព្រះ នរោត្តម រណឫទ្ធិ ដែល​ព្រះ​អង្គ​មាន​គុណ​បំណាច់​ដ៏​ធំ​ធេង​ចំពោះ ជាតិ សាសនា ព្រះ​មហាក្សត្រ​។

ជាមួយគ្នានេះ រដ្ឋាភិបាល​កម្ពុជា​ក៏​បានបង្កើត​ឲ្យ​មាន​គណៈកម្មការ​រៀបចំ​ព្រះ​ពិធី​បុណ្យ​ព្រះ​សព សម្ដេច​ក្រុម​ព្រះ​។ បើ​តាម​គម្រោង ក្រោយ​ពេល​ដែល​​យាង​ដង្ហែ​មក​ដល់​កម្ពុជា​នា​ថ្ងៃ​អាទិត្យ​ទី​០៥​ខែ​ធ្នូ ព្រះ​សព​របស់​សម្ដេច​ក្រុម​ព្រះ នឹង​ត្រូវ​តម្កល់​ធ្វើ​បុណ្យ​រយៈ​ពេល​០៣​ថ្ងៃ​នៅ​អតីត​ព្រះ​ដំណាក់​ចាស់​នៅ​ផ្លូវ​សម្ដេច​ប៉ាន មុន​ពេល​ប្រារព្ធ​ពិធី​បូជា​ថ្វាយ​ព្រះ​ភ្លើង នៅ​ទីលាន​មុខ​វត្ត​បទុមវតី ​រាជធានី​ភ្នំពេញ​។ សម្ដេច​ក្រុមព្រះ នរោត្តម រណឫទ្ធិ បាន​យាង​សោយ​ទិវង្គត​នៅ​ប្រទេស​បារាំង កាល​ពី​ថ្ងៃ​អាទិត្យ ទី​២៨​វិច្ឆិកា ក្នុង​ព្រះ​ជន្មាយុ​៧៧​ព្រះ​វស្សា ដោយ​ព្រះ​រោគាពាធ​។

សូមរម្លឹកដែរថា ស្ថិត​ក្នុង​ព្រះ​រាជ​ហឫទ័យ​សោក​ស្ដាយ​ដ៏​ជ្រាល​ជ្រៅ​ចំពោះ​ការ​យាង​ចូល​ទិវង្គត​នៃ​សម្ដេច​ក្រុម​ព្រះ នរោត្តម រណឫទ្ធិ ព្រះករុណា ព្រះមហាក្សត្រកម្ពុជា និងព្រះមហាក្សត្រី ហ្លួងម៉ែ ទ្រង់​សព្វ​ព្រះ​រាជហឫទ័យ ប្រោស​ព្រះ​រាជទាន​ព្រះ​រាជ​ទ្រព្យ​ផ្ទាល់​ព្រះ​អង្គ ចំនួន​១២​ម៉ឺន​ដុល្លារ ជូនដល់​ព្រះ​បុត្រា​បុត្រី​សម្ដេច​ក្រុម​ព្រះ​ សម្រាប់​រៀបចំ​ពិធី​បុណ្យ​ព្រះសព​​។ ក្នុងនោះ ហ្លួងព្រះមហាក្សត្រ ព្រះ​រាជ​ទានព្រះរាជទ្រព្យ​ចំនួន ​២​ម៉ឺន​ដុល្លារ និងហ្លួងម៉ែ ចំនួន ១០ម៉ឺនដុល្លារ៕

The post រដ្ឋកំណត់យកថ្ងៃទី៨ ធ្នូ ដើម្បីកាន់​ទុក្ខថ្នាក់​ជាតិ​ផ្លូវ​ការ ថ្វាយ​ចំពោះ​ព្រះ​សព សម្ដេច​ក្រុមព្រះ នរោត្តម រណឫទ្ធិ appeared first on .