ក្នុងឱកាសយាង និងអញ្ជើញថ្វាយព្រះរាជដំណើរព្រះករុណា ព្រះមហាក្សត្រ និងសម្ដេចព្រះមហាក្សត្រី នៅព្រលានយន្តហោះអន្តរជាតិភ្នំពេញ មានវត្តមានរបស់ សម្ដេចធិបតី ហ៊ុន ម៉ាណែត នាយករដ្ឋមន្ត្រី សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា ព្រមទាំងសម្ដេច ឯកឧត្ដម លោកជំទាវ ជាសមាជិកសមាជិកា ឧត្ដមប្រឹក្សាផ្ទាល់ព្រះមហាក្សត្រ និងមន្ត្រីអ្នកមុខ អ្នកការជាច្រើនរូបទៀត។ ដោយឡែកឯកអគ្គរដ្ឋទូតចិនប្រចាំកម្ពុជា  និងមន្ត្រីស្ថានទូត ក៏មានវត្តមានក្នុងឱកាសនោះផងដែរ។

នាអំឡុងពេលព្រះមហាក្សត្រ ស្ដេចយាងចេញក្រៅប្រទេសនេះដែរ សម្ដេចតេជោ ហ៊ុន សែន ប្រធានព្រឹទ្ធសភា ទទួលរាជានុសិទ្ធិជាប្រមុខរដ្ឋស្ដីទី៕ អត្ថបទ៖ ហ្សាលីន

The post ព្រះមហាក្សត្រ និងសម្តេចម៉ែ យាងចាកចេញទៅពិនិត្យព្រះរាជសុខភាព នៅប្រទេសចិន appeared first on .

ក្នុងព្រះរាជសារាឡាយព្រះហស្ថលេខាថ្ងៃទី២៩ ខែមេសា ឆ្នាំ២០២៤ សម្ដេចព្រះ បរមនាថ នរោត្តម សីហមុនី មានព្រះទ័យរន្ធត់ឥតឧបមាចំពោះឧបទ្ទវហេតុនេះ និងបានចាត់ទុកការពលីរបស់យោធិនគឺជាសកម្មភាពក្នុងបេសកម្មបម្រើជាតិ មាតុភូមិ និងសូមឱ្យវិញ្ញាណក្ខន្ធយោធិនទាំងអស់ បានទៅកាន់សុគតិភពកុំបីឃ្លៀងឃ្លាតឡើយ។

ជាមួយគ្នានេះព្រះអង្គក៏បានជូនពរដល់យោធិនដែលរងរបួសកំពុងសម្រាកព្យាបាលនៅមន្ទីរពេទ្យទាំងអស់ សូមឱ្យឆាប់ជាសះស្បើយផងដែរ។

សូមរំលឹកដែរថា ឧបទ្ទវហេតុផ្ទុះគ្រាប់ នៅយោធភូមិភាគទី៣ ក្នុងខេត្តកំពង់ស្ពឺ កាលពីរសៀលថ្ងៃសៅរ៍ ទី២៧ ខែមេសា ឆ្នាំ២០២៤ ដែលបានបង្កឱ្យយោធិនចំនួន ២០ នាក់ បានពលីជីវិត និងយោធិនមួយចំនួនទៀតបានរបួស នឹងកំពុងសម្រាកព្យាបាលនៅមន្ទីពេទ្យ៕

The post ព្រះមហាក្សត្រ និងសម្តេចម៉ែ ផ្ញើព្រះរាជសាររំលែកទុក្ខដល់គ្រួសារសពយោធិនពលី ក្នុងហេតុការណ៍ផ្ទុះឃ្លាំងអាវុធនៅបន្ទាយភូមិភាគ៣ appeared first on .

ព្រះរាជអំណោយរបស់សម្តេចឪ សម្តេចម៉ែ មានស្តូបព្រះបរមឆាយាលក្ខ័ព្រះករុណា ព្រះបរមរតនកោដ្ឋ, មណ្ឌលសុខភាពព្រះនរោត្តម សីហនុរាជា និងសម្តេចព្រះវររាជមាតា នរោត្តម មុនិនាថ សីហនុ អូរស្វាយ, សាលាបឋមសិក្សាព្រះនរោត្តម សីហនុរាជា និងសម្តេចព្រះវររាជមាតា នរោត្តម មុនិនាថ សីហនុ អូរស្វាយ នៅឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង, វិទ្យាល័យព្រះនរោត្តម សីហនុរាជា និងសម្តេចព្រះវររាជមាតា នរោត្តម មុនិនាថ សីហនុ តុំ ស្ថិតក្នុងសង្កាត់រក្រៅ ក្រុងដូនកែវ ខេត្តតាកែវ, ផ្លូវលំក្រាលគ្រួសក្រហម មួយខ្សែ ប្រវែង ៣ពាន់ម៉ែត្រ ស្ថិតក្នុងឃុំត្រពាំងចាន់ ស្រុកបរិបូរណ៍ ខេត្តកំពង់ឆ្នាំង និងស្រះទឹក១កន្លែង មានទំហំបណ្តោយ ១០០ម ទទឹង ៧៥ម ជម្រៅ៣ម នៅឃុំទ័ពមាន ស្រុកថ្ពង ខេត្តកំពង់ស្ពឺ។

របាយការណ៍ក្រសួងព្រះបរមរាជវាំង ព្រះរាជសមិទ្ធិផលទាំង៤កន្លែងខាងលើ មានតម្លៃសរុប ១១ ០៩២ ៨១៣ ២៥០ រៀល ស្មើនឹង ២ ៧៧៣ ២០៣ ដុល្លារសហរដ្ឋអាមេរិក។ ព្រះរាជអំណោយទាំង៤កន្លែងនេះ សម្តេចព្រះមហាក្សត្រី ព្រះអង្គប្រោសព្រះរាជទានជាឧត្តមប្រយោជន៍របស់ប្រជារាស្ត្រ ពិសេសសិស្សានុសិស្សនៅក្នុងខេត្តទាំង៤ បានប្រើប្រាស់ក្នុងការទទួលយកចំណេះដឹង ដើម្បីប្រែក្លាយទៅជាពលរដ្ឋដ៏ប្រសើរ ប្រកបដោយចំណេះដឹង និងសីលធម៌ខ្ពង់ខ្ពស់ក្នុងការចូលរួមចំណែកបម្រើប្រទេសជាតិយើងនៅពេលអនាគត។

ក្រសួងព្រះបរមរាជវាំង គូសបញ្ជាក់ថា ព្រះរាជសកម្មភាពដ៏ថ្លៃថ្លានេះ គឺបានបង្ហាញអំពីព្រះរាជហប្ញទ័យដ៏ខ្ពង់ខ្ពស់ថែមទៀត នៃសម្តេចព្រះមហក្សត្រី ដែលព្រះអង្គបានគោរពដង្ហែតាមព្រះរាជគំរូវិរភាពដ៏ឧដុង្គឧត្តម របស់ព្រះករុណាព្រះបរមរតនកោដ្ឋ ប្រោសព្រះរាជទាននូវព្រះរាជទ្រព្យដ៏ច្រើនសន្ធឹកសន្ធាប់ថ្លៃថ្លាជាបន្តបន្ទាប់ ដើម្បីជាឧត្តមប្រយោជន៍នៃការជួយសង្គ្រោះអាយុជីវិត ការថែបំប៉នសុខភាពប្រជារាស្ត្រទូទៅ ជាកូនចៅ ចៅទូតរបស់ព្រះអង្គ អោយមានសុខភាពមាំមួន៕

The post សម្តេចព្រះមហាក្សត្រី យាងកាត់ខ្សែបូរនិមិត្តរូបសម្ពោធអគារសិក្សា និងហេដ្ឋារចនាសម្ព័ន្ធចំនួន៤កន្លែងតម្លៃជាង ២លានដុល្លារ appeared first on .

សូមទស្សនាកម្ររូបភាពខាងក្រោម៖

រូបភាព៖ ផ្តល់ដោយមន្រ្តីព្រះបរមរាជវាំង

The post កម្របានឃើញ ព្រះក្រយានៃអង្គម្ចាស់ក្សត្រីហ្លួងម៉ែ រៀបចំនឹករលឹកដល់សម្តេចឪព្រះនរោត្តម សីហនុ appeared first on .

សម្តេច​ព្រះមហាក្សត្រី​ នរោត្តម​ មុនិនាថ​ សីហនុ​ ព្រះ​វររាជ​មាតា​ជាតិ​ខ្មែរ​ ​សព្វ​ព្រះរាជ​ហឫទ័យ​ប្រោស​ព្រះ​រាជទាន​ព្រះរាជទ្រព្យផ្ទាល់ចំនួន ១.១៦៩.៥៥០ដុល្លារអាមេរិក ដើម្បីជួសជុលកែលម្អ និងសាងសង់បន្ថែមនូវព្រះរាជសមិទ្ធផលនានា ក្នុងបរិវេណសាលាបឋមសិក្សា និងអនុវិទ្យាល័យ សម្តេចឪ សម្តេចម៉ែ ភ្នំសំពៅ ស្ថិតនៅក្នុងភូមិសំពៅកើត ឃុំភ្នំសំពៅ ស្រុកបាណន់ ខេត្តបាត់ដំបង សម្រាប់តម្កល់ជាឧត្តមប្រយោជន៍ជាតិ និងប្រជាជនកម្ពុជា។

The post ហ្លួងម៉ែព្រះរាជទានថវិកា ១លាន ១៦មុឺនដុល្លារសាងសង់សាលារៀនសម្តេចឪ សម្តេចម៉ែ ភ្នំសំពៅ appeared first on .

តាមរយៈទំព័រហ្វេសប៊ុក Royal Du Cambodge នៅយប់ថ្ងៃពុធ ទី១២ មករានេះ បានឱ្យដឹងថា ស្ថិតក្នុងព្រះ​រាជ​ហឫទ័យ​ខ្វាយខ្វល់​ និងទុក​ដាក់​ខ្ពស់​ចំពោះ​សុខទុក្ខ​របស់​ប្រជានុរាស្រ្តជាកូន​ចៅ​ ចៅទួត​ ព្រមទាំង​ព្រះរាជតម្រិៈគោរព​ដង្ហែ​តាម​ព្រះរាជ​លំអាន​ដ៏​ឧត្តុង្គ​ឧត្តម​ នៃ​ព្រះ​ករុណា​ ព្រះ​វររាជបិតាសុខាភិបាលជាតិ ព្រះ​បរមរតនកោដ្ឋ​ ដែលចាប់តាំងពីសម័យសង្គមរាស្រ្តនិយមដ៏រុងរឿងនៃប្រវត្តិសាស្រ្តកម្ពុជា អង្គសម្តេចព្រះវររាជបិតាសុខាភិបាលជាតិ ស្តេចបានដឹកនាំកសាងអភិវឌ្ឍជាតិខ្មែរ រីកចម្រើនជឿនលឿន​​លើគ្រប់វិស័យ ជាពិសេសវិស័យសុខាភិបាលជាតិ ដែលបានបម្រើឲ្យការរស់នៅរបស់ប្រជានុរាស្រ្តមានភាពល្អប្រសើរខ្ពង់ខ្ពស់ឧត្តុង្គឧត្តម សម្តេច​ព្រះមហាក្សត្រី​ នរោត្តម​ មុនិនាថ​ សីហនុ​ ព្រះ​វររាជ​មាតា​ជាតិ​ខ្មែរ​ ក្នុង​សេរីភាព​ សេចក្ដី​ថ្លៃថ្នូរ​ និង​សុភមង្គល​ ព្រះអង្គ​ស្តេច​សព្វ​ព្រះរាជ​ហឫទ័យ​ប្រោស​ព្រះ​រាជទាន​ព្រះរាជទ្រព្យផ្ទាល់ដ៏ឧត្តុង្គឧត្តមចំនួន ១០មុឺនដុល្លារអាមេរិក ជូនដល់មន្ទីរពេទ្យគន្ធបុប្ផា ដើម្បីបម្រើសេវាព្យាបាល និងថែទាំជូនដល់កុមារនៅកម្ពុជា ដោយឥតគិតថ្លៃស្របតាមព្រះរាជតម្រិៈនៃអង្គសម្តេចឪ។


យោង​តាម​ការ​ប្រកាស​ព័ត៌មាន​របស់​មូលនិធិ​គន្ធបុប្ផា​កម្ពុជា​ កាល​ពី​ខែ​កក្កដា ​គិត​ត្រឹម​ឆមាស​ទី១​ ឆ្នាំ ២០២១​ មូល​និធិ​គន្ធបុប្ផា​កម្ពុជា​ បានទទួល​ថវិកា​បរិច្ចាគ​​ប្រមាណ ​១៥,៧ លាន​ដុល្លារអាមេរិក ​គឺ​កើនឡើង​ប្រមាណ​៩,៧ភាគរយ ​បើ​ធៀប​ទៅ​នឹង​រយៈពេល​ ៦ ខែ​ដំបូង ​ក្នុង​ឆ្នាំ ២០២០។

ក្នុង​រយៈពេល​៦ខែ ​ឆ្នាំ២០២១ ​មន្ទីរ​ពេទ្យ​គន្ធបុប្ផា​បានទទួល​ព្យាបាល​អ្នក​ជំងឺ​ចំនួន​ ២២៦ ១៩៤ នាក់។ ក្នុង​នោះ​ករណី​ជំងឺ​ធ្ងន់​មាន​ចំនួន​ ៤៥ ០៧៥ នាក់ ​បាន​សម្រាក​ព្យាបាល ​និង​ចំនួន​១០ ១៩០ នាក់ ​ទទួល​ការវះ​កាត់។ ចំពោះ​ផ្នែក​សម្ភព​មន្ទីរ​ពេទ្យ​គន្ធបុប្ផា​សៀមរាប ​ឬ​មន្ទីរ​ពេទ្យ​ជ័យ​វរ្ម័ន​ទី៧ ​បានទទួល​ពិនិត្យ​និង​ព្យាបាល​ស្ត្រី​មាន​ផ្ទៃពោះ​ចំនួន​ ៤១ ៨៥៥ នាក់​ និង​បាន​ទទួល​សម្រាល​កូន​ចំនួន​ ១០ ៣២៣ នាក់​ក្នុង​រយៈ​ពេល​នេះ។

មន្ទីរ​ពេទ្យ​គន្ធបុប្ផា​ បានបញ្ជាក់​ក្នុង​របាយ​ការណ៍​ថា​៖ «រាល់​ការព្យាបាល​ទាំងអស់​ គឺ​ឥត​គិត​ថ្លៃ ​សម្រាប់​គ្រប់ៗ​គ្នា ដោយ​ពុំមាន​ការ​រើស​អើង»៕

The post ហ្លួងម៉ែ ប្រោសព្រះរាជទានទឹកប្រាក់ ១០មុឺនដុល្លារ ជូនមន្ទីរពេទ្យគន្ធបុប្ផា appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ការព្រះរាជទាន​ព្រះរាជ​ទ្រព្យ​ផ្ទាល់​ដ៏​ឧត្តុង្គឧត្តមនេះ មិនមែនជាលើកទីមួយនោះទេ ខណៈកាលអំឡុងខែមីនាឆ្នាំនេះ សម្តេចម៉ែ សព្វព្រះរាជហឫទ័យ​ប្រោសប្រទានព្រះរាជទ្រព្យ ២០ម៉ឺនដុល្លារ ចូលរួមជួយវិភាគទានសម្រាប់រៀបចំមន្ទីរពេទ្យ ហ្លួងម៉ែ ជូនចំពោះរាជរដ្ឋាភិបាលកម្ពុជា ដើម្បីទ្រង់ដល់ដំណើរការទិញយកមន្ទីរពេទ្យ នគរទេព ហើយប្តូរឈ្មោះថាជាមន្ទីរពេទ្យ ហ្លួងម៉ែ វិញ។

គួររម្លឹកថា ​​ប្រមុខ​រដ្ឋាភិបាល​កម្ពុជា បានសម្រេចទិញ​យក​មន្ទីរពេទ្យ «នគរទេព» មកធ្វើជាសម្បត្តិរដ្ឋ និងបម្រើការព្យាបាលអ្នកជំងឺកូវីដ១៩ នឹងប្តូរឈ្មោះជាមន្ទីរពេទ្យ «ហ្លួងម៉ែ»។ ​មន្ទីរពេទ្យ «នគរទេព» មានផ្ទៃដីទំហំ១ហិកតា ៥០អា ដែលមានអគារទំហំ ២៥,០០០ម៉ែត្រការេ កំពស់៥ជាន់ មានប្រព័ន្ធ ទឹក ភ្លើងល្អដែលបំពាក់ដោយប្រព័ន្ធសទ្បា (solar) និងមានម៉ាស៊ីនភ្លើងបំរុងកម្លាំង ៣៥០ KWA បំពាក់ដោយម៉ាស៊ីនផ្លាស់ប្ដូរភ្លើងដោយស្វ័យប្រវត្តិទៀតផង៕

The post សម្តេចម៉ែ ​សព្វព្រះរាជហឫទ័យ​ប្រោស​ព្រះរាជទាន​ព្រះរាជ​ទ្រព្យ​ផ្ទាល់​ដ៏​ឧត្តុង្គឧត្តម ចំនួន ៣​ម៉ឺន​ដុល្លារ​ ដល់មន្ទីរពេទ្យហ្លួងម៉ែ appeared first on .

ការរៀបចំមន្ទីរពេទ្យ «នគរទេព» មានផ្ទៃដីទំហំ១ហិកតា ៥០អា ដែលមានអគារទំហំ ២៥,០០០ម៉ែត្រការេ កំពស់៥ជាន់ មានប្រព័ន្ធ ទឹក ភ្លើងល្អដែលបំពាក់ដោយប្រព័ន្ធសទ្បា (solar) និងមានម៉ាស៊ីនភ្លើងបំរុងកម្លាំង ៣៥០ KWA បំពាក់ដោយម៉ាស៊ីនផ្លាស់ប្ដូរភ្លើងដោយស្វ័យប្រវត្តិទៀតផង។

ក្រោយពេល​​ប្រមុខ​រដ្ឋាភិបាល​សម្រេចទិញ​យក​មន្ទីរពេទ្យ «នគរទេព» មកធ្វើជាសម្បត្តិរដ្ឋ និងបម្រើការព្យាបាលអ្នកជំងឺកូវីដ១៩ នឹងប្តូរឈ្មោះជាមន្ទីរពេទ្យ «ហ្លួងម៉ែ» វិញ។ ​មក​ដល់​ពេល​នេះ​មាន​សប្បុរសជន​និង​ឧកញ៉ា​គ្រាក់ៗ បាន​ចូលរួម​បរិច្ចាក​ថវិកា​រាប់សិប​លាន​ដុល្លារ​ក្នុង​យុទ្ធនាការនេះ៕

The post សម្ដេចម៉ែ ប្រទានព្រះរាជទ្រព្យ ២០ម៉ឺនដុល្លារ ចូលរួមជួយវិភាគទានសម្រាប់រៀបចំមន្ទីរពេទ្យ ហ្លួងម៉ែ appeared first on .

អគារមន្ទីរពេទ្យដ៏ធំស្កឹមស្កៃដែលមានឈ្មោះថា មន្ទីរពេទ្យស្រ្តីនគរទេព នឹងត្រូវប្រែក្លាយឈ្មោះទៅជា «មន្ទីរពេទ្យ ហ្លួងម៉ែ » បន្ទាប់ពី សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ស្តេចសព្វព្រះរាជហឫទ័យព្រះបរមរាជានុញ្ញាតប្រោសព្រះរាជទានតបតាមសេចក្តីក្រាបបង្គំទូលថ្វាយ នៃសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងការប្រសិទ្ធនាមមន្ទីរពេទ្យស្រ្តីនគរទេព ទៅជា មន្ទីរពេទ្យ ហ្លួងម៉ែ បន្ទាប់ពីរាជរដ្ឋាភិបាលកម្ពុជា បញ្ចប់ការចរចារក្នុងការទិញយកមន្ទីរពេទ្យនេះនាពេលខាងមុខ ហើយប្រែក្លាយទៅជាកន្លែងសម្រាប់ពិនិត្យព្យាបាលអ្នកជំងឺកូវីត១៩ ។ បើតាមទំព័រហ្វេសបុក Royal du Cambodge បានឲ្យដឹងមុននេះ។

ប្រភពខាងលើបន្តថា អង្គសម្តេចព្រះមហាក្សត្រី ព្រះវររជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គតែងតែមានព្រះរាជតម្រិៈដង្ហែតាមជានិច្ចចំពោះព្រះរាជសកម្មភាពដ៏ឧត្តុង្គឧត្តម នៃព្រះករុណា ព្រះវររាជបិតាសុខាភិបាលជាតិ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត ចាប់តាំងពីសម័យសង្គមរាស្រ្តនិយមដ៏រុងរឿងនៃយើង ដែលព្រះអង្គតែងតែមានព្រះរាជហឫទ័យទុកដាក់ខ្ពស់ចំពោះវិស័យសុខាភិបាល ជាពិសេសបញ្ហាសុខភាពរបស់បងប្អូនប្រជានុរាស្រ្តជាកូនចៅ តាមរយៈការប្រោសព្រះរាជទានព្រះរាជអំណោយជាព្រះរាជសមិទ្ធផលនានាជាច្រើនដែលបម្រើឲ្យវិស័យសុខាភិបាលទូទាំងព្រះរាជាណាចក្រកម្ពុជា និងប្រោសព្រះរាជទានព្រះរាជទ្រព្យជូនដល់តាមបណ្តាមន្ទីរពេទ្យនានា ដើម្បីគាំទ្រដំណើរការពិនិត្យព្យាបាលជូនដល់ប្រជានុរាស្រ្តជាកូនចៅ ព្រមទាំងព្រះរាជសកម្មភាពជាច្រើនឥតគណនាផ្សេងទៀត៕

The post អគារមន្ទីរពេទ្យដ៏ធំស្កឹមស្កៃដែលមានឈ្មោះថា មន្ទីរពេទ្យស្រ្តីនគរទេព នឹងត្រូវប្រែក្លាយឈ្មោះទៅជា «មន្ទីរពេទ្យ ហ្លួងម៉ែ » appeared first on .