ក្នុង​កម្មវិធី​ដ៏​វិសេសវិសាល​នោះ​ដែរ ក៏​មាន​វត្តមាន​របស់​សម្ដេច​អគ្គ​មហា​ពញា​ចក្រី ហេង សំរិន ជា​ប្រធាន​កិត្តិយស​ក្រុម​​ឧត្ដម​ប្រឹក្សា​ផ្ទាល់​ព្រះមហាក្សត្រ ឋានៈ​ស្មើ នាយក​រដ្ឋមន្ត្រី ផង​ដែរ។ អាច​ថា​នេះ​ជា​ការ​បង្ហាញ​មុខ​ដ៏​កម្រ ដោយ​មួយ​រយៈ​ចុង​នេះ ​សម្ដេច​មិន​សូវ​លេច​មុខ​តាម​កម្មវិធី​ជប់លៀង ឬ​មង្គលការ​ឡើយ លើកលែង​តែ​កម្មវិធី​ថ្នាក់​ជាតិ ឬ​កម្មវិធី​ធំដុំ​ដែល​ជា​អធិបតី ទើប​មាន​វត្តមាន​សម្ដេច។

ក្រៅ​ពី​សម្ដេច​អគ្គ​មហា​ពញា​ចក្រី ហេង សំរិន ក៏​មាន​វត្តមាន​សម្ដេច​តេជោ ហ៊ុន សែន ប្រធាន​ឧត្ដម​ប្រឹក្សា​ផ្ទាល់​ព្រះមហាក្សត្រ, សម្ដេច​ធិបតី ហ៊ុន ម៉ាណែត នាយករដ្ឋមន្ត្រី​កម្ពុជា, សម្តេច ទៀ បាញ់ ឯកឧត្តម ហ៊ុន ម៉ានី ឯកឧត្តម អ្នកមុខអ្នកការ មន្រ្តីរាជការ​ជាន់​ខ្ពស់ អ្នកឧកញ៉ា និង​អ្នក​ជំនួញ​ធំ​ៗ​ជាច្រើន​រូប។

កូន​កំលោះ​របស់​អ្នកឧកញ៉ា លី យ៉ុងផាត់ មាន​ឈ្មោះ​ថា លី ភូនរ៉ាត់ និង​កូន​ក្រមុំ​ឈ្មោះ លីវ ប៉ឆេង ដែល​ជា​កូន​ស្រី​អ្នក​អភិជន​មួយ​ក្នុង​ក្នុង​រាជធានី​ភ្នំពេញ ហើយ លី ភូនរ៉ាត់ ក៏​ទទួល​បាន​គោរមងារ​ជា «ឧកញ៉ា» ដែរ​កាលពី​ឆ្នាំ ២០២២ ​កន្លង​ទៅ​នេះ៕

រូបភាព៖ Stellar Pictures

The post វត្តមានដ៏កម្ររបស់សម្តេចអគ្គមហាពញាចក្រី ហេង សំរិន ចូលរួមមង្គលការកូនប្រុសអ្នកឧកញ៉ា លី យ៉ុងផាត់ appeared first on .

រដ្ឋសភាបានឲ្យដឹងថា វិស័យការទូតសភា​ជាកិច្ចការមួយរបស់រដ្ឋសភានៅលើឆាកអន្តរជាតិ ក្នុងចំណោមកិច្ចការជាច្រើនរបស់រដ្ឋសភា ក្នុងការបម្រើប្រទេសជាតិនិងប្រជាពលរដ្ឋ មានដូចជាការតាក់តែងច្បាប់ ភាពជាតំណាងរបស់ប្រជាពលរដ្ឋ និងការតាមដានការអនុវត្តច្បាប់ជាដើម។

សៀវភៅ សម្តេច ហេង សំរិន ក្នុងវិស័យការទូតសភា បានលើកឡើងថា ជាទូទៅកិច្ចការងារការទូត​ត្រូវគេយល់ឃើញថាការងាររបស់ស្ថាប័ននីតិប្រតិបត្តិ ដែលអនុវត្តតាមរយៈក្រសួងការបរទេស​ និងប្រមុខការទូតប្រចាំប្រទេសនីមួយៗ។ ប៉ុន្តែនៅក្នុងទស្សវត្សចុងក្រោយនេះ ស្ថាប័ននីតិប្បញត្តិដែលមានតួនាទីស្នូលជាតំណាងប្រជាជាតិ និងប្រជាពលរដ្ឋទំាងមូល បានចូលរួមយ៉ាងសកម្មនៅក្នុងសកម្មភាពកិច្ចសហប្រតិបត្តិការអន្តរជាតិ ទំាងក្នុងក្របខ័ណ្ឌទ្វេភាគី​ និងពហុភាគី។

លោក កែវ ពិសិដ្ឋ នាយកខុទ្ទកាល័យសម្តេចប្រធានរដ្ឋសភា បានលើកឡើងនៅក្នុងសៀវភៅនោះថា ទោះបីមិនបានរៀបរាប់អស់ពីសកម្មភាពរបស់ សម្តេចប្រធានរដ្ឋសភា នៅក្នុងការដឹកនាំរដ្ឋសភា ប្រមាណជាងបីអាណត្តិមកនេះក្តី តែសៀវភៅមួយក្បាលនេះ បានបង្ហាញពីផ្នែកខ្លះ នៃបេសកកម្មដ៏ឧត្តុងឧត្តមរបស់សម្តេច ក្នុងការលើកកម្ពស់កិត្តិយស កិត្យានុភាពរបស់រដ្ឋសភាកម្ពុជា ក៏ដូចជាប្រទេសជាតិទំាងមូល នៅលើឆាកអន្តរជាតិ។

សៀវភៅ សម្តេច ហេង សំរិន ក្នុងវិស័យការទូតសភា មានកម្រាស់ជិត៣០០ទំព័រ បានចែកជា៥ជំពូកធំៗ។ ក្រៅពីការផ្តោតជាសំខាន់លើកិច្ចការទូតសភា សៀវភៅក៏បានរំលេចផងដែរពីប្រវត្តិនិងស្នាដៃបម្រើជាតិនិងប្រជាជនជាច្រើនទៀត របស់សម្តេចអគ្គមហាពញាចក្រី ហេង សំរិន តំាងពីដើមមក។

សូមជម្រាបថា ក្រោមការដឹកនាំរបស់​សម្តេចអគ្គមហាពញាចក្រី ហេង សំរិន សភានៃព្រះរាជាណាចក្រកម្ពុជា បានចូលរួមយ៉ាងសកម្មនៅក្នុងការជំរុញនិងលើកកម្ពស់វិស័យការទូតសភា សំដៅលើកកម្ពស់និងជំរុញដល់កិច្ចសន្ទនា កិច្ចសហប្រតិបត្តិការ និងការអភិវឌ្ឍប្រកបដោយចីរភាពនៅលេីឆាកអន្តរជាតិ៕

The post ចេញផ្សាយសាធារណៈក្នុងខែកក្កដានេះ សៀវភៅ «សម្តេច ហេង សំរិន ក្នុងវិស័យការទូតសភា» appeared first on .

ក្នុងនីតិកាលទី៦នេះ រដ្ឋសភាដឹកនាំដោយសម្តេចអគ្គមហាពញាចក្រី ហេង សំរិន ជាប្រធាន និងអនុប្រធាន២រូប គឺលោក ជាម យៀប អនុប្រធានទី១ ចូលកាន់ដំណែងជំនួសលោក ងួន ញិល ដែលបានទទួលមណភាព និងលោកស្រី ឃួន សុដារី អនុប្រធានទី២។

សារព័ត៌មានឧកញ៉ាញូស៍ (Oknha News) សូមណែនាំមកស្គាល់ឥស្សរជនជាប្រធានគណៈកម្មការនៃរដ្ឋសភានីតិកាលទី៦ រាប់ពីឆ្នាំ២០១៨ ដល់ឆ្នាំ២០២៣នេះ ទាំង១០រូប ដូចខាងក្រោម៖

១.លោក ស ចំរុង ប្រធានគណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា។ លោកចូលកាន់ដំណែងនេះជំនួសលោក ប្រាជ្ញ ចន្ទ ដែលទៅកាន់មុខតំណែងជាប្រធាន គ.ជ.ប កាលឆ្នាំ២០២១។

២.លោក ឈាង វុន ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម។ លោកមកកាន់មុខតំណែងជំនួសលោក ជាម យៀប ដែលទៅកាន់មុខតំណែងជាអនុប្រធានទី១រដ្ឋសភា។ មុនកាន់ដំណែងប្រធានគណៈកម្មការនេះលោកជាអតីតប្រធានគណៈកម្មការព័ត៌មាន។

៣.លោក ឡូយ សុផាត ប្រធានគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក។

៤.លោក កែប ជុតិមា ប្រធានគណៈកម្មការមហាផ្ទៃ ការពារជាតិ និងមុខងារសាធារណៈ ជំនួសសម្ដេចឧត្តមទេពញាណ ហ៊ុន ណេង ក្រោយមរណភាពកាលពីខែឧសភា ឆ្នាំ២០២២។

៥.លោក សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការ ឃោសនាការ និងព័ត៌មាន ជំនួសលោក ឈាង វុន ដែលទៅកាន់មុខតំណែងជាប្រធានគណៈកម្មការសេដ្ឋកិច្ច។

៦.លោក ប៉ែន បញ្ញា ប្រធានគណៈកម្មការនីតិកម្ម និងយុត្តិធម៌។

៧.លោក ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍។

៨.លោកស្រី ឡោក ខេង ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្ដុះបណ្ដាលវិជ្ជាជីវៈ និងកិច្ចការនារី។

៩.លោកស្រី និន សាផុន ប្រធានគណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់។

១០. លោក​ ប៉ែន ស៊ីម៉ន ប្រធានគណៈកម្មការអង្កេត បោសសំអាត និងប្រឆាំងអំពើពុករលួយ។

ចំណែក លោក ឡេង ប៉េងឡុង ជាអគ្គលេខាធិការនៃអគ្គលេខាធិការដ្ឋានរដ្ឋសភា ក្នុងការដើរតួនាទីសម្របសម្រួលការងារផ្សេងៗ៕

The post តើប្រធានគណៈកម្មការទាំង១០រូប នៃរដ្ឋសភានីតិកាលទី៦ ឥស្សរជនណាខ្លះ? appeared first on .

សម្តេចប្រធានរដ្ឋសភាកម្ពុជា បានលើកឡើងថា សាធារណរដ្ឋកូរ៉េបានដើរតួនាទីយ៉ាងសំខាន់ក្នុងដំណើរ ស្វែងរកសន្តិភាព និងការអភិវឌ្ឍនៅកម្ពុជា តាមរយៈការផ្តល់ជំនួយឥតសំណង កម្ចីឥណទានសម្បទាន ហើយគម្រោងនានាជាច្រើន បាននិងកំពុងអនុវត្ត។ ហើយក៏ជាការឆ្លុះបញ្ចាំងឱ្យឃើញពីការបន្តយកចិត្តទុកដាក់របស់ថ្នាក់ដឹកនាំកូរ៉េ ក្នុងការពង្រឹង និងពង្រីកទំនាក់ទំនង ចំណងមិត្តភាព និងកិច្ចសហប្រតិបត្តិការគ្រប់វិស័យរវាងប្រទេសទាំងពីរ ពិសេសវិស័យកាទូតសភា។

ជាការឆ្លើយតប ភាគីកូរ៉េបានព្រមទទួលយកសំណើ និងបានលើកឡើងថា រដ្ឋសភាបានតួនាទី យ៉ាងសំខាន់ក្នុងការលើកកម្ពស់ទំនាក់ទំនងរដ្ឋសភាប្រទេសទាំងពីរ ដោយលោកសង្កត់ធ្ងន់ថា តាមរយៈកិច្ចព្រមព្រៀងពាណិជ្ជកម្មដែលទើបនឹងចូលជាធរមាន ការវិនិយោគ និងពាណិជ្ជកម្មរវាងកម្ពុជា និងកូរ៉េនឹងមានការកើនឡើង ជាពិសេសនៅឆ្នាំនេះ សាធារណរដ្ឋកូរ៉េបានបង្កើនចំនួនកូតាពលករខ្មែរទៅធ្វើការនៅកូរ៉េចំនួន៤០ភាគរយបន្ថែមទៀត។

គួរជម្រាបថា ទំហំពាណិជ្ជកម្មរវាងកម្ពុជា និងកូរ៉េ មានការកើនឡើងដល់ ៥ពាន់លានដុល្លារអាមេរិក ដោយសាធារណរដ្ឋកូរ៉េជាប្រទេសឈរក្នុងលំដាប់ទី២ ដែលបោះទុនវិនិយោគនៅកម្ពុជាបន្ទាប់ពីប្រទេសចិន៕

The post កម្ពុជាស្នើឱ្យកូរ៉េ ជួយកៀរគរវិនិយោគិន មកវិនិយោគនៅកម្ពុជាឱ្យកាន់តែច្រើនបន្ថែមទៀត appeared first on .

ជាមួយគ្នានេះ សម្តេចបានស្នើដល់ក្រុមការងារនិងក្រុមហ៊ុនទាំងអស់ បន្តអនុវត្តឱ្យបានត្រឹមត្រូវ ម៉ត់ចត់ ប្រកបដោយតម្លាភាព និងគណនេយ្យភាព ។

សំណង់អគាររដ្ឋបាលថ្មី ដែលជាជំនួយរបស់ប្រទេសវៀតណាម ក្នុងទឹកប្រាក់ចំនួន២៥លានដុល្លារ បានផ្តើមបើកការដ្ឋានសាងសង់ផ្លូវការកាលពីចុងឆ្នាំ២០២១ ក្រោមអធិបតីភាពសម្តេចអគ្គមហាពញាចក្រី ហេង សំរិន ប្រធានរដ្ឋសភា និងលោក ង្វៀង ស៊ួនហ្វុក ប្រធានាធិបតីវៀតណាម។ 

គម្រោងសាងសង់អគាររដ្ឋបាលនេះ មានក្រុមហ៊ុនទីប្រឹក្សាអន្តរជាតិ អារឆេថាយ និងក្រុមហ៊ុនសាងសង់វៀតណាម ធី ស៊ី វី ហើយតាមគម្រោងអគាររដ្ឋបាលថ្មីនេះនឹងបញ្ចប់ការសាងសង់នៅក្នុងឆ្នាំ២០២៤ខាងមុខ៕

The post សម្តេច ហេង សំរិន ស្នើក្រុមហ៊ុនវៀតណាមសាងសង់អគាររដ្ឋបាលថ្មីរដ្ឋសភា ធ្វើឱ្យបានត្រឹមត្រូវតាមបទដ្ឋានបច្ចេកទេស appeared first on .

នៅព្រឹកថ្ងៃសុក្រ ទី១៤នេះដែរ រដ្ឋសភាបានបន្តសម័យប្រជុំរដ្ឋសភាលើកទី៨ នីតិកាលទី៦ ក្រោមវត្តមានសម្ដេចអគ្គមហាពញាចក្រី ហេង សំរិន ប្រធានរដ្ឋសភា ដើម្បីធ្វើការបោះឆ្នោតផ្តល់សេចក្តីទុកចិត្ត លើការបំពេញបន្ថែមសមាសភាពសមាជិកនៃរាជរដ្ឋាភិបាលដល់ លោក ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីថ្ងៃទី០៨ ខែតុលា ឆ្នាំ២០២២ បានស្នើទៅកាន់ សម្តេចអគ្គមហាពញាចក្រី ហេង សំរិន ប្រធានរដ្ឋសភា ស្នើរដ្ឋសភា បោះឆ្នោតផ្តល់សេចក្តីទុកចិត្តឲ្យលោក ឌិត ទីណា រដ្ឋលេខាធិការក្រសួងរ៉ែ និងថាមពល ធ្វើជារដ្ឋមន្ត្រីក្រសួងកសិកម្ម ជំនួស លោក វេង សាខុន ដែលត្រូវបានបញ្ឈប់មុខតំណែង។

ក្រោយបញ្ចប់មុខតំណែងលោក វេង សាខុន រាជរដ្ឋាភិបាលកម្ពុជាក៏ចាត់តាំងឧបនាយករដ្ឋមន្រ្តី អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច ជារដ្ឋមន្រ្តីស្តីទីជំនួសរហូតមានការតែងតាំងរដ្ឋមន្រ្តីកសិកម្មថ្មី។

រដ្ឋមន្ត្រីវ័យក្មេង លោក ទីណា ធ្លាប់បានទទួលការសិក្សាពីសាលាជាតិជាន់ខ្ពស់ផ្នែករ៉ែ នៅទីក្រុងប៉ារីសប្រទេសបារាំង ត្រូវបាន​គេ​ស្គាល់ថាជាកូនរបស់លោក ឌិត មុន្ទី ប្រធានតុលាការ​កំពូល៕

The post រដ្ឋសភាជាតិ អនុម័តយល់ព្រមសំណើរសុំបំពេញបន្ថែមដល់លោក ឌិត ទីណា ជារដ្ឋមន្រ្តីក្រសួងកសិកម្ម appeared first on .

សមាជិក​សភា លោក ហ៊ុន ម៉ានី ដែលជា​ប្រធាន​គណៈកម្មការ​ទី​៧ នៃ​រដ្ឋសភា​ បានបញ្ជាក់នៅក្រោយកិច្ចប្រជុំនាព្រឹកនេះថា ការអនុម័តនេះ បានបង្ហាញពីឆន្ទៈរួមរបស់រដ្ឋសភា ដែលចង់ឃើញនូវដំណើរការរបស់ស្ថាប័នកំពូលរបស់ជាតិបានប្រព្រឹត្តទៅធាបក្រតី ជាពិសេស របស់អំណាចនិតីប្រតិបត្តិដែលមានបេសកកម្មចម្បងក្នុងការដឹកនាំការងារទូទៅរបស់រដ្ឋ មានដំណើរការប្រព្រឹត្តទៅដោយរលូន និងប្រកបដោយនិរន្តរភាពនៅគ្រប់កាលៈទេសៈ និងការធានា ការពារ និងថែរក្សាឱ្យបាននូវសន្តិភាព សន្តិសុខសង្គម សណ្តាប់ធ្នាប់សាធារណៈ និងស្ថិរភាពនយោបាយរបស់ប្រទេសជាតិនៅគ្រប់កាលៈទេសៈ ដើម្បីជាគ្រឹះសម្រាប់ការអភិវឌ្ឍប្រទេសជាតិលើគ្រប់វិស័យ និងសេចក្តីសុខសាន្តរបស់ប្រជាជនកម្ពុជា។

លោកថ្លែងក្នុងន័យដើមយ៉ាងដូច្នេះថា៖ «ក្នុងនាមជាសមាជិករដ្ឋសភាមួយរូប ដែលតំណាងឱ្យប្រជាពលរដ្ឋម្ចាស់ឆ្នោត ខ្ញុំសូមគាំទ្រទាំងស្រុងនូវគំនិតផ្តួចផ្តើមមួយនេះ»។

លោកបន្តថា យើងទាំងអស់គ្នាចង់ឃើញប្រទេសជាតិមានការអភិវឌ្ឍបន្តទៅមុខឥតឈប់ឈរ ជាពិសេសបរិយាកាសនយោបាយល្អប្រសើរ មានស្ថិរភាពដែលជាកត្តាចាំបាច់សម្រាប់ការប្រកបរបរចិញ្ចឹមជីវិត ឱកាសរៀនសូត្ររបស់កូនចៅ ការទទួលបានការការពារសិទ្ធិសេរីភាពគ្រប់បែបយ៉ាង និងការកសាងហេដ្ឋារចនាសម្ព័ន្ធរូបវន្តជាបន្តបន្ទាប់។

បើតាមលោក ហ៊ុន ម៉ានី វិសោធនកម្មនេះ នឹងធ្វើឱ្យដំណើរប្រព្រឹត្តទៅរបស់ស្ថាប័នជាតិអាចបន្តបានដោយឥតមានការរាំងស្ទះ និងឧបសគ្គដែលបង្ករនូវការភិតភ័យរបស់ប្រជាពលរដ្ឋ ក្តីបារម្ភរបស់វិនិយោគិន និងធុរជនទាំងឡាយ នៅពេលក្រោយការបោះឆ្នោតជ្រើសតាំងតំណាងរាស្រ្ត ឬនៅក្នុងកាលៈទេសៈដែលមានការទម្លាក់រាជរដ្ឋាភិបាល។

ជាថ្មីម្តងទៀត ការធានាបាននូវ សន្តិភាព ស្ថិរភាព និងការអភិវឌ្ឍគឺជាក្តីប្រាថ្នាចម្បងរបស់យើងទាំងអស់គ្នា ដែល មាននីតិរដ្ឋ និងលទ្ធិប្រជាធិបតេយ្យជាខឿនទ្រទ្រង់។ លោក ហ៊ុន ម៉ានី បន្ថែម៕

សូមជម្រាបជូនថា របៀបវារៈ សម័យប្រជុំរដ្ឋសភានាឱកាសនេះ មានចំនួន៥ គឺ៖
១. ការសម្រេចអំពីសុពលភាពនៃអាណត្តិរបស់ ឯកឧត្តម ចាប ម៉ុច ជាតំណាងរាស្រ្តមណ្ឌលខេត្តកណ្តាល ជំនួស ឯកឧត្តមសន្តិបណ្ឌិត ឌុល គឿន ដែលបានទទួលមរណភាព។
២. ការពិភាក្សា និងអនុម័តសេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រា១៩ ថ្មី (មួយ) មាត្រា៨៩ មាត្រា៩៨ ថ្មី មាត្រា១០២ ថ្មី មាត្រា១១៩ ថ្មី (មួយ) និងមាត្រា១២៥ ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា៣ ថ្មី និងមាត្រា៤ ថ្មី នៃច្បាប់ធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ។
៣. ការពិភាក្សា និងអនុម័តសេចក្តីព្រាងច្បាប់ ស្តីពីការគ្រប់គ្រងចំណូលមិនមែនសារពើពន្ធ។
៤. ការពិភាក្សា និងអនុម័តសេចក្តីព្រាងច្បាប់ស្តីពី ការអនុម័តយល់ព្រមលើ៖
៤-១. កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃតំបន់សេដ្ឋកិច្ចពិសេសម៉ាកាវ នៃសាធារណរដ្ឋប្រជាមានិតចិន ស្តីពីការលុបបំបាត់ការយកពន្ធត្រួតគ្នាពាក់ព័ន្ធនឹងពន្ធលើប្រាក់ចំណូល និងការបង្ការការគេចវេះពន្ធ និងការចៀសវាងពន្ធ
៤-២. កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋតួកគី ស្តីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូល។
៥. ការពិភាក្សា និងអនុម័តសេចក្តីព្រាងច្បាប់ ស្តីពីការអនុម័តយល់ព្រមឱ្យព្រះរាជាណាចក្រកម្ពុជាចូលជាភាគី នៃអនុសញ្ញាស្តីពីជំនួយក្នុងករណីមានគ្រោះមហន្តរាយនុយក្លេអ៊ែរ ឬគ្រោះអាសន្ន វិទ្យុសកម្ម៕

The post រដ្ឋសភា អនុម័តទាំងស្រុងនូវសេចក្តីព្រាងច្បាប់វិសោធនកម្មរដ្ឋធម្មនុញ្ញ និងច្បាប់ធម្មនុញ្ញបន្ថែមដើម្បីធានានូវដំណើរការជាប្រក្រតីនៃស្ថាប័នជាតិ  appeared first on .

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន​ បាន​អញ្ជើញបោះឆ្នោតនៅសាលាគរុកោសល្យ និង វិក្រឹត្យការ ក្រុងតាខ្មៅ ខេត្តកណ្តាល

សម្តេចអគ្គមហាពញាចក្រី ហេង សំរិន ប្រធានរដ្ឋសភា អញ្ជើញបោះឆ្នោតជ្រើសរើសក្រុមប្រឹក្សាឃុំ-សង្កាត់នៅខេត្តត្បូងឃ្មុំ

សម្តេចវិបុលសេនាភក្តី សាយ ឈុំ ប្រធានព្រឹទ្ធសភានិងលោកជំទាវ បាន​អញ្ជើញបោះឆ្នោតនៅមណ្ឌលវិទ្យាល័យវត្តកោះ ស្ថិតក្នុងវិទ្យាល័យវត្តកោះ  សង្កាត់បឹងរាំង  ខណ្ឌដូនពេញ រាជធានីភ្នំពេញ

សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអ្នកតំណាងរាស្ត្រមណ្ឌលបាត់ដំបង បានអញ្ជើញបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នៅការិយាល័យបោះឆ្នោតស្ថិតក្នុងអនុវិទ្យាល័យសោហឺ សង្កាត់ស្វាយប៉ោ ក្រុងបាត់ដំបង។

លោកជំទាវកិត្តិសង្គហបណ្ឌិត ម៉ែន សំអន អញ្ជើញទៅចូលរួមបោះឆ្នោតនៅសាលាសាលាបឋមសិក្សាព្រះសីហនុ ខេត្តស្វាយរៀង

The post ថ្នាក់ដឹកនាំ​កំពូលៗ​កម្ពុជា ​ចេញ​ទៅ​បោះឆ្នោត​នៅ​មណ្ឌល​​ណា​ខ្លះ? appeared first on .

ខ្លឹមសារនៃសេចក្តីសម្រេច មានដូចខាងក្រោម៖

ឯកឧត្តម ហ៊ុន ណេង ដែលជាបងប្រុសបង្កើត​របស់​សម្តេច​​តេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា ​​បាន​ទទួល​មរណៈភាព កាល​ពី​ថ្ងៃ​ព្រហស្បតិ៍ ទី​០៥ ខែ​ឧសភា ឆ្នាំ​២០២២ ក្នុង​ជន្មាយុ ៧២​ឆ្នាំ ​​ដោយសារ​គាំង​បេះដូង៕

The post ប្រធានរដ្ឋសភា សម្រេចបង្កើតគណៈកម្មការ សម្រាប់រៀបចំបុណ្យសពលោក ហ៊ុន ណេង appeared first on .

សម្តេច ហេង សំរិន បានលើកឡើងបែបនេះ នៅព្រឹកថ្ងៃទី៤ ខែមករានេះ ក្នុងជំនួបជាមួយឯកអគ្គរាជទូតកម្ពុជាចំនួនបីរូប ដែលទើបត្រូវបានរាជរដ្ឋាភិបាលតែងតាំងឱ្យបំពេញបេសកកម្មការទូតនៅតាមប្រទេសមួយចំនួន គឺ លោក ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន លោក កែវ ឈា ឯកអគ្គរាជទូតកម្ពុជា ប្រចាំសហរដ្ឋអាមេរិក និងម៉ិកស៊ីកូ ដែលមាននិវេសនដ្ឋាននៅទីក្រុងវ៉ាស៊ីនតោន និងលោក ផន ពៅ ឯកអគ្គរាជទូតកម្ពុជា ប្រចាំសាធារណរដ្ឋហ្វីលីពីន។

សម្តេច ហេង សំរិន បានសង្កត់ធ្ងន់ថា៖ “ក្នុងនាមជាឯកអគ្គរាជទូត ត្រូវបង្ហាញនិងប្រកាន់ខ្ជាប់នូវអត្តសញ្ញាណជាតិ និងសេចក្តីថ្លៃថ្នូរ ដោយត្រូវបន្តលើកកម្ពស់ផ្សព្វផ្សាយឱ្យបរទេសស្គាល់កម្ពុជាឱ្យបានច្បាស់ ទាំងផ្នែកសិល្បៈ វប្បធម៌ និងប្រពៃណីខ្មែរ ដែលជាប្រជាជាតិមួយ មានវប្បធម៌រុងរឿង តាំងពីសម័យអង្គរមក”។

លើសពីនេះ សម្តេចប្រធានរដ្ឋសភាកម្ពុជា ក៏បានណែនាំឱ្យឯកអគ្គរាជទូតទាំងអស់ ត្រូវយកចិត្តទុកដាក់ ជួយសម្របសម្រួល និងដោះស្រាយបញ្ហានានារបស់ពលរដ្ឋខ្មែរ នៅតាមប្រទេសនីមួយៗ។

សម្តេចបន្ថែមទៀតថា ត្រូវតែបំពេញការងារឱ្យមានប្រសិទ្ធភាព និងទាន់ពេលវេលានិងត្រូវចុះស្វែងយល់សុខទុក្ខ និងក្តាប់ព័ត៌មានឱ្យបានច្បាស់លាស់ ជាក់ស្តែង អំពីប្រជាពលរដ្ឋ សិស្ស-និស្សិត និងពលករខ្មែរ ដែលកំពុងរស់នៅក្រៅប្រទេស ហើយបង្កលក្ខណៈងាយស្រួលលើសេវាកម្មនានារបស់ស្ថានទូត លើកកម្ពស់ សុខុមាលភាព និងការពារផលប្រយោជន៍របស់ពួកគាត់៕

The post សម្តេច ហេង សំរិន ជំរុញឱ្យមន្រ្តីការទូតខ្មែរនៅក្រៅប្រទេស កៀរគរអ្នកទេសចរនិងអ្នកវិនិយោគមកកាន់កម្ពុជា appeared first on .