លោក ពូទីន បាននិយាយថា រុស្ស៊ី ដែលជាប្រទេសនាំចេញប្រេងធំជាងគេទីពីររបស់ពិភពលោក និងជាម្ចាស់ទុនបំរុងឧស្ម័នធម្មជាតិធំជាងគេ បានត្រៀមខ្លួនរួចជាស្រេចដើម្បីធ្វើការជាមួយអតិថិជនអឺរ៉ុបម្តងទៀត ប្រសិនបើពួកគេចង់ត្រលប់ទៅរកកិច្ចសហប្រតិបត្តិការរយៈពេលវែងវិញ។

ដោយថ្លែងនៅក្នុងកិច្ចប្រជុំតាមទូរទស្សន៍ជាមួយមន្ត្រីរដ្ឋាភិបាល និងប្រធានក្រុមហ៊ុនផលិតប្រេង និងឧស្ម័នឈានមុខគេរបស់រុស្ស៊ី លោក ពូទីន បាននិយាយថា រុស្ស៊ីបានព្រមានម្តងហើយម្តងទៀតថា ការធ្វើឲ្យមជ្ឈិមបូព៌ាអស្ថិរភាពអាចនាំឲ្យមានវិបត្តិថាមពលដែលមានផលវិបាកធ្ងន់ធ្ងរដល់សេដ្ឋកិច្ចពិភពលោក និងជាអ្វីដែលលោកធ្លាប់បាននិយាយរួចមកហើយ។

តែទោះជាយ៉ាងណាក៏ដោយ EU បានចំណាយពេលបួនឆ្នាំកន្លងមកនេះ ដើម្បីព្យាយាមកាត់បន្ថយការពឹងផ្អែកលើប្រេង និងឧស្ម័នរបស់រុស្ស៊ីយ៉ាងខ្លាំង ដើម្បីឆ្លើយតបទៅនឹងសង្គ្រាមរបស់ទីក្រុងមូស្គូនៅអ៊ុយក្រែន និងទណ្ឌកម្មជាបន្តបន្ទាប់របស់សហភាពអឺរ៉ុប និង G7។

យ៉ាងណាមិញ ការបាត់បង់ទីផ្សារអឺរ៉ុប បានធ្វើឲ្យរុស្ស៊ីថយចុះចំណូលយ៉ាងច្រើនដោយសារតែជាអតិជិថនកំពូលរបស់ខ្លួន និងបានបង្ខំឲ្យរុស្ស៊ីលក់ប្រេង និងឧស្ម័នក្នុងតម្លៃទាបទៅកាន់ប្រទេសក្នុងតំបន់អាស៊ីវិញ។

ជម្រាបជូនថា តម្លៃប្រេងបានកើនឡើងលើសពី ១០០ ដុល្លារក្នុងមួយបារ៉ែលនៅថ្ងៃចន្ទ ដើម្បីឈានដល់កម្រិតកំពូលដែលមិនធ្លាប់មានចាប់តាំងពីឆ្នាំ២០២២ មក ខណៈពេលដែលច្រកសមុទ្រ Hormuz ដែលមានប្រហែលមួយភាគប្រាំនៃលំហូរប្រេង និងឧស្ម័នធម្មជាតិរាវទូទាំងពិភពលោក ត្រូវបានបិទដោយសារតែសង្គ្រាមអ៊ីរ៉ង់៕​

The post លោក ពូទីន ថារុស្ស៊ីត្រៀមលក់ប្រេងឲ្យអឺរ៉ុបឡើងវិញ ចំពេលកំពុងមានវិបត្តិថាមពល appeared first on .

នៅក្នុងលិខិតមួយដែលត្រូវបានបង្ហោះនៅលើបណ្តាសង្គម Truth Social កាលពីថ្ងៃទី១២ ខែកក្កដា លោក ត្រាំ​ បាននិយាយថាអត្រាពន្ធគយថ្មីនេះ​ នឹងត្រូវចូលជាធរមាន​ ចាប់ពីថ្ងៃទី១ ខែសីហាតទៅ​ ដោយទំនិញដែលមានប្រភពមកពីប្រទេសម៉ិកស៊ិក និង EU ចូលមកសហសហរដ្ឋអាមេរិក នឹងរងពន្ធគយ ៣០%។

ទន្ទឹមនឹងនេះ​ លោក ត្រាំ​ ក៏បានសង្កត់ធ្ងន់ទៀតថា ចំពោះទំនិញរបស់ម៉ិកស៊ិក និង EU ដែលដឹកជញ្ជូនតាមរយ:ភាគីទីបី​ ដើម្បីចៀសវាងនូវវិធានការពន្ធគយថ្មី នឹងត្រូវទទួលរងនូវអត្រាពន្ធគយខ្ពស់ជាងនេះ ។

យ៉ាងណាមិញ ដូចគ្នាទៅនឹងលិខិតមុនៗដែរ ប្រធានាធិបតីអាមេរិករូបនេះ បាននិយាយថា ក្រុមហ៊ុនអាជីវកម្មនៅក្នុងប្រទេសទាំងនោះ នឹងមិនចាំបាច់ត្រូវបង់ពន្ធនោះឡើយ ប្រសិនបើពួកគេសម្រេចចិត្តមកសាងសង់រោងចក្រ ផលិត នៅក្នុងសហរដ្ឋអាមេរិកនោះ។ លោក ត្រាំ ក៏បានព្រមានទៀតផងដែរថា ប្រសិនបើ EU ឬម៉ិកស៊ិក ដាក់ចេញវិធានការសងសឹកវិញ នោះពន្ធថ្មីនេះ ក៏នឹងត្រូវបង្កើនតាមនោះដែរ។

លោក ត្រាំ​ ក៏បាននិយាយផងដែរថា ទាំងម៉ិកស៊ិក និងសហភាពអឺរ៉ុប នៅតែមានបញ្ហាជាច្រើនទៀតដែលហួសពីពន្ធ រាប់ចាប់ពីរនាំងមិនមែនពន្ធ រហូតដល់គោលនយោបាយដែលមិនអំណោយផលដល់អាជីវកម្មអាមេរិក។

ជម្រាបជូនថា ម៉ិកស៊ិក និង EU គឺជាដៃគូពាណិជ្ជកម្មដ៏សំខាន់របស់អាមេរិក។ នៅឆ្នាំ ២០២៤ ពាណិជ្ជកម្មសរុបរវាងសហរដ្ឋអាមេរិក និងសហភាពអឺរ៉ុប​ មានចំនួនប្រហែល ១,៦ទ្រីលានអឺរ៉ូ (១,៩ទ្រីលានដុល្លារ)៕​

The post លោក ត្រាំ​ ប្រកាសដាក់ពន្ធដល់ ៣០%​ លើសហភាពអឺរ៉ុប និងប្រទេសម៉ិកស៊ិក appeared first on .

សហភាពអឺរ៉ុបបាននិយាយកាលពីថ្ងៃចន្ទដើមសប្តាហ៍នេះថា ខ្លួនបានបញ្ចប់ផែនការសាងសង់បណ្តាញផ្កាយរណបដែលមានតម្លៃរហូតដល់ទៅ ១០,៦ពាន់លានអឺរ៉ូ (១១,១ពាន់លានដុល្លារ) ដែលនឹងត្រូវដាក់ឲ្យប្រើប្រាស់ជំនួសប្រព័ន្ធ Starlink របស់ក្រុមហ៊ុន SpaceX ។ ប្លុកនេះ បាននិយាយទៀតថាក្រុមហ៊ុនបង្កើតថ្មីឈ្មោះថា Iris² នឹងដាក់ពង្រាយផ្កាយរណបចំនួន ២៩០ ទៅក្នុងគន្លងផែនដីកម្រិតទាប និងមធ្យម ខណ:សេវាកម្មផ្តល់អ៊ីនធើណិតតាមរយ:ផ្កាយរណបនេះ រំពឹងថានឹងដំណើរការនៅឆ្នាំ២០៣០ ។

ជុំវិញផែនការដ៏ធំនេះ អ្នកនយោបាយរបស់សហភាពអ៊ឺរ៉ុប កន្លងមកធ្លាប់បានសម្តែងការព្រួយបារម្ភយ៉ាងខ្លាំងអំពីគ្រោះថ្នាក់នៃការពឹងផ្អែកខ្លាំងទៅលើប្រព័ន្ធ Starlink របស់មហាសេដ្ឋី Elon Musk ដែលអាចផ្តល់ផលប៉ះពាល់ចំពោះសន្តិសុខជាតិ។

គួរឲ្យដឹងផងដែរថា បើយោងតាមការប៉ាន់ស្មានរបស់អ្នកជំនាញ បានបង្ហាញឲ្យដឹងថា បច្ចុប្បន្ន សេវាអ៊ីនធើណិតតាមផ្កាយរណបរបស់ SpaceX មានផ្កាយរណបសរុបប្រហែល ៧ ០០០ នៅក្នុងគន្លង ហើយកំពុងមានការកើនឡើងបន្ថែមទៀត បន្ទាប់ពីបានពង្រីកសេវាកម្មប្រតិបត្តិការរបស់ខ្លួនទៅកាន់ប្រទេសជាង ១០០ នៅទូទាំងពិភពលោក។

ជម្រាបជូនផងដែរថា អឺរ៉ុបក៏បានព្យាយាមកាត់បន្ថយការពឹងផ្អែកលើគ្រាប់រ៉ុក្កែតរបស់ក្រុមហ៊ុន SpaceX ផងដែរ ជាមួយនឹងការបង្កើតរ៉ុក្កែតផ្ទាល់ខ្លួន ឈ្មោះថា Ariane 6 ហើយវាត្រូវបានគេរំពឹងទុកថានឹងក្លាយជាដៃគូប្រជែងថ្មី ទៅនឹងរ៉ុក្កែត Falcon 9 របស់ SpaceX បន្ទាប់ពីការហោះហើរសាកល្បងជាលើកដំបូងដោយជោគជ័យ ក្នុងខែកក្កដា។

យ៉ាងណាមិញ សហភាពអឺរ៉ុបមិនមែនជាដៃគូប្រកួតប្រជែងតែមួយរបស់ Starlink នោះឡើយ ដោយក្រុមហ៊ុន Amazon កាលពីពេលថ្មីៗនេះ ក៏កំពុងធ្វើការលើបណ្តាញផ្កាយរណបផ្តល់សេវាកម្មអ៊ីនធើណេតរបស់ខ្លួនដែលមានឈ្មោះថា Project Kuiper ដែលរំពឹងថានឹងដាក់ពង្រាយនៅឆ្នាំនេះក្រោយ ផងដែរ៕

The post សហភាពអឺរ៉ុប គ្រោងបង្កើតសេវាកម្មអ៊ីនធើណិតផ្កាយរណបផ្ទាល់ខ្លួន ដើម្បីប្រជែងក្រុមហ៊ុនមហាសេដ្ឋី Elon Musk appeared first on .

ក្នុងឱកាសនៃជំនួបនេះ លោក ឌ្រីសម៉ាន់ អ៉ីហ្គោរ៍ បានលើកទ្បើងអំពីចំណងការទូតដ៏រឹងមាំ និងកិច្ចសហប្រតិបត្តិការប្រកបដោយផ្លែផ្ការវាងកម្ពុជា-សហភាពអឺរ៉ុប លើវិស័យជាច្រើន រួមមានជាអាទិ៍៖ ពាណិជ្ជកម្ម វិនិយោគ និងទំនាក់ទំនងប្រជាជន និងប្រជាជន។

ជាមួយគ្នានេះ លោកក៏បានបេ្តជ្ញាចិត្តក្នុងអាណតិ្តបេសកកម្មការទូតរបស់លោកក្នុងការជួយលើកកម្ពស់កិច្ចសហប្រតិបត្តិការរវាងកម្ពុជា-សហភាពអឺរ៉ុប ឱ្យបានកាន់តែរីកចម្រើនខ្លាំងក្លាលើគ្រប់វិស័យបន្ថែមទៀត ជាពិសេសក្នុងការពាំនាំនូវការពិតស្តីពីកិច្ចខិតខំប្រឹងប្រែងរបស់រាជរដ្ឋាភិបាល ក្នុងការកែទម្រង់មុតស្រួច និង ភាពប្រកួតប្រជែងរបស់កម្ពុជា ជូនចំពោះពាណិជ្ជករ និងវិនិយោគិនសហភាពអឺរ៉ុប ក្នុងទិសដៅទាក់ទាញ និងជំរុញពាណិជ្ជកម្ម និងការវិនិយោគ នៅកម្ពុជា។

ជាការឆ្លើយតប សម្តេចធិបតីនាយករដ្ឋមន្រ្តីបានវាយតម្លៃខ្ពស់ចំពោះការគាំទ្ររបស់សហភាពអឺរ៉ុបចំពោះកម្ពុជា និងបានបង្ហាញនូវក្តីសង្ឃឹមចំពោះការជំរុញកិច្ចសហប្រតិបត្តិការបន្ថែមទៀតនៅក្នុងវិស័យពាណិជ្ជកម្ម និងវិនិយោគ។

សូមជម្រាបជូនថា ទីផ្សារសំខាន់របស់កម្ពុជាភាគច្រើននៅសហរដ្ឋអាមេរិក និងសហភាពអឺរ៉ុប ក្នុងនោះអឺរ៉ុបជាទីផ្សារសំខាន់របស់កម្ពុជា ដែលមានចំណែករហូតដល់ ២៥%នៃការនាំចេញសរុបរបស់កម្ពុជា។ ប៉ុន្តែរឿងកិច្ចព្រមព្រៀងពាណិជ្ជកម្មអឺរ៉ុប និងកម្ពុជានេះ ជាប្រធានបទមួយ ដែលជជែកមិនចេះដាច់រវាងអ្នកនយោបាយនៅប្រទេសកម្ពុជា។ ជួនកាលអ្នកនយោបាយប្រឆាំង ចង់ឱ្យអឺរ៉ុបឈប់ផ្ដល់ការអនុវគ្រោះពន្ធគយសម្រាប់ទំនិញកម្ពុជាទៀតផង។

បច្ចុប្បន្នច្រកសំខាន់លើការនាំចេញទំនិញរបស់កម្ពុជា ទៅសហភាពអឺរ៉ុបមានពីរសំខាន់ ទី១ ប្រព័ន្ធអនុគ្រោះពន្ធគ្រប់យ៉ាងលើកលែងតែអាវុធ ៨០% (EBA) ដែលចាប់អនុវត្តន៍ឆ្នាំ២០២០ និងទី២ កម្មវិធីប្រព័ន្ធអនុគ្រោះពន្ធទូទៅ ផ្ដល់ក្រោមក្របខ័ណ្ឌអង្គការពាណិជ្ជកម្មពិភពលោក (WTO) ដែលកម្ពុជាបានក្លាយជាសមាជិកកាលពីឆ្នាំ២០០៤។ សហភាពអឺរ៉ុប ជាដៃគូពាណិជ្ជកម្មធំជាងគេរបស់កម្ពុជា លេខរៀងទី៤ និងជាទីផ្សាររបស់កម្ពុជា លេខរៀងទី២៕

The post សហភាពអឺរ៉ុប ប្តេជ្ញាចិត្តពាំនាំនូវការពិតពីកិច្ចខិតខំប្រឹងប្រែងរបស់កម្ពុជាផ្សព្វផ្សាយទៅកាន់វិនិយោគិនលើពិភពលោក appeared first on .