ពិធីចុះ MOUនេះធ្វើឡើងរវាងអ្នកឧកញ៉ា គួច ម៉េងលី ស្ថាបនិកប្រធានក្រុមប្រឹក្សាភិបាល និងអគ្គនាយកប្រតិបត្តិនៃក្រុមហ៊ុន ម៉េង លី ជេ.គួច អេឌ្យូខេសិន និងឯកឧត្ដមសាស្ត្រាចារ្យ ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ នៅថ្ងៃទី១២ ខែមីនា ឆ្នាំ២០២៤។

ការចុះ MOU លើកិច្ចសហប្រតិបត្តិការរវាងភាគីទាំងពីររួមមាន៖
១, ក្រុមហ៊ុន ម៉េង លី ជេ.គួច អេឌ្យូខេសិនផ្តល់ថវិកាប្រមាណ១ម៉ឺនដុល្លារ ក្នុងមួយឆ្នាំ ដល់សាកលវិទ្យាល័យភូមិន្ទភ្នំពេញសម្រាប់រយៈពេល៣ឆ្នាំ លើមូលនិធិទស្សនវិជ្ជាខ្មែរ។
២, ផ្តល់ថវិកាប្រមាណ១ម៉ឺនដុល្លារ ក្នុងមួយឆ្នាំ សម្រាប់រយៈពេល៣ឆ្នាំដូចគ្នា ដល់មហាវិទ្យាល័យវិស្វកម្ម។
និង៣, ក្រុមហ៊ុនមានឱកាសរៀបចំព្រឹត្តិការណ៍ ផ្សព្វផ្សាយជ្រើសរើសបុគ្គលិក និងផ្តល់កិច្ចពិភាក្សាការងារដល់និស្សិតនៅសាកលវិទ្យាល័យភូមិន្ទភ្នំពេញ។

ថ្លែងក្នុងពិធីខាងលើ អ្នកឧកញ៉ា គួច ម៉េងលី បានលើកឡើងថាមូលហេតុដែលចុះ MOUនាពេលនេះ ព្រោះសាលារៀន និងវិទ្យាស្ថានរបស់អ្នកឧកញ៉ា តែងតែស្វែងរកអង្គការ សហគមន៍ណាដែលបានជួយលើកស្ទួយក្នុងអក្សរសាស្រ្ត អក្សរសិល្ប៍ឬមុខវិជ្ជាដែលអាចជួយដល់និស្សិតខ្មែរដើម្បីពង្រឹងនូវការសិក្សា ហើយដោយឃើញថានៅ RUPP មានកម្មវិធីពីរ ទី១,ការពង្រឹងទៅលើសំស្រ្កឹត ទី២,ពង្រឹងលើការរៀនសូត្រផ្នែកវិស្វកម្ម។

អ្នកឧកញ៉ាបន្តថា គោលដៅរបស់ក្រុមហ៊ុនគឺចូលរួមជាមួយរាជរដ្ឋាភិបាលដើម្បីពង្រឹងវិស័យអប់រំតាមខ្សែរយៈគម្រោងផ្សេងៗ ដើម្បីលើកស្ទួយវិស័យអប់រំ ហើយដើម្បីឱ្យក្មេងៗមានឱកាសស្វែងយល់ផងដែរ។

អ្នកឧកញ៉ាបានសង្កត់ធ្ងន់ថា «ពិធីចុះMOUនេះមួយឆ្នាំខ្ញុំនឹងផ្តល់២ម៉ឺនដុល្លារជូនទៅ RUPPខាងវិស័យសំស្រ្កឹតលើការលើកស្ទួយស្រាវជ្រាវពង្រឹងថែមទៀត ក្នុងរយៈពេល៣ឆ្នាំ។ការផ្តល់ថវិកានេះជាការផ្តល់ថវិកាដោយសប្បាយចិត្ត ព្រោះនឹងបង្កើនធនធានមនុស្ស ចំណេះដឹងច្រើនទៅដល់យុវសិស្ស បញ្ញាវនថ្ងៃក្រោយ។ការផ្តល់ថវិកាជាការចម្រើនឱ្យកើនចំណេះដឹងដល់បញ្ញវនខ្មែរយើងគឺជាចំណុចមួយស្មើនឹងការធ្វើបុណ្យធ្វើទានមួយធំ។ហើយសង្ឈឹមមានការកើនជាង២ម៉ឺនដុល្លារទៀតនៅក្នុងមួយឆ្នាំ»៕

The post ក្រុមហ៊ុនអ្នកឧកញ៉ា គួច ម៉េងលី ចុះ MOU ជាមួយសាកលវិទ្យាល័យភូមិន្ទភ្នំពេញផ្តល់ថវិកា ២ម៉ឺនដុល្លារក្នុងមួយឆ្នាំលើកម្មវិធីពីរ appeared first on .

នៅក្នុងពិធីសំណេះសំណាលជាមួយនិស្សិតត្រៀមចេញដំណើរទៅសិក្សានៅសហរដ្ឋអាមេរិក កាលពីព្រឹក​ថ្ងៃទី២៣ វិច្ឆិកា ២០២៣ ឯកឧត្តមបណ្ឌិត ជេត ជាលី សាកលវិទ្យាធិការនៃសាកលវិទ្យាល័យភូមិន្ទភ្នំពេញ បានមានប្រសាសន៍ថាសាកលវិទ្យាល័យភូមិន្ទភ្នំពេញបានសហការជាមួយសាកលវិទ្យាល័យជាច្រើននៅក្រៅប្រទេស និងមានការទទួលស្គាល់ពីក្រសួងអប់រំយុវជននិងកីឡា ជាក់ស្ដែងក្នុងកិច្ចសហប្រតិបត្តិការ​ជាមួយសាកល​វិទ្យាល័យ Angelo State សហរដ្ឋអាមេរិកនេះ គឺក្រសួងអប់រំយុវជននិងកីឡាកម្ពុជា ទទួលស្គាល់និងអនុញ្ញាត​ឱ្យសាកលវិទ្យាល័យភូមិន្ទភ្នំពេញបញ្ជូននិស្សិតទៅសិក្សាបន្តនៅសហរដ្ឋអាមេរិក។

ឯកឧត្តមបណ្ឌិតបន្តថា នៅក្នុងពេលដំបូងសាកលវិទ្យាល័យសហរដ្ឋអាមេរិកមួយនេះ បានធ្វើការជាមួយ​សាកល​វិទ្យាល័យភូមិន្ទតែលើមុខវិជ្ជាវិទ្យាសាស្ត្រពិតទេ ដូចជារូបវិទ្យា គណិតវិទ្យា ជីវៈវិទ្យា និងព័ត៌មានវិទ្យា ប៉ុន្តែក្រោយ​មកទៀត ដោយសារតែយើងធ្វើការងារបានល្អ គ្រូបង្រៀនបានយកចិត្តទុកដាក់ខ្ពស់ ទើបធ្វើឱ្យសាកលវិទ្យាល័យ​សហរដ្ឋអាមេរិកមួយនេះ បានពង្រីកទៅដល់វិទ្យាសាស្ត្រសង្គមបន្ថែមទៀត។

លោកបញ្ជាក់ថា កម្មវិធីសិក្សានេះ យើងហៅថា ១+៣ ដែលមានន័យថា១ឆ្នាំសិក្សានៅសាកលវិទ្យាល័យ​ភូមិន្ទ​ភ្នំពេញ និង៣ឆ្នាំ សិក្សានៅសាកលវិទ្យាល័យ Angelo State សហរដ្ឋអាមេរិក តែនិស្សិតដែលក្នុងកម្មវិធីនេះ ទទួលបានសញ្ញាបត្រដល់ទៅ២ គឺ១ពីសាកលវិទ្យាល័យភូមិន្ទភ្នំពេញ និង១ទៀតពីសាកលវិទ្យាល័យ Angelo State។

ឯកឧត្តមបន្តថា ក្រៅពីសាកលវិទ្យាល័យនៅសហរដ្ឋអាមេរិក សាកលវិទ្យាល័យភូមិន្ទភ្នំពេញ មានកិច្ចសហ​ប្រតិបត្តិ​ជាមួយសាកលវិទ្យាល័យនៅក្រៅប្រទេសជាង២៥០សាកលវិទ្យាល័យ ដូចជានៅអាស៊ី អឺរ៉ុប សហរដ្ឋ​អាមេរិក។

កញ្ញា គៀង គុនថារ៉ូឡែន និស្សិតម្នាក់ដែលជាប់ទៅបន្តការសិក្សានៅសហរដ្ឋអាមេរិក ៣ឆ្នាំជំនាញវិស្វកម្ម​មេកានិក បានឱ្យដឹងថា កម្មវិធីសិក្សាដែលមានកិច្ចសហការរវា​សាកលវិទ្យាល័យភូមិន្ទភ្នំពេញនិង​សាកលវិទ្យា​ល័យ Angelo State សហរដ្ឋអាមេរិក នឹងផ្ដល់ឱកាសដល់និស្សិតខ្មែរអាចបន្តការសិក្សានៅក្រៅប្រទេស បាន​កាន់តែច្រើន។ អ្វីដែលពិសេសតាមរយៈពេលកម្មវិធីសិក្សា១+៣ នឹងធ្វើឱ្យនិស្សិតអាចសន្សំសំចៃ​ថវិកាបាន​មួយ​ចំនួន ដោយសារតែក្នុងឆ្នាំដំបូងយើងរៀននៅក្នុងស្រុក ហើយចាប់ពីឆ្នាំទី២ទៅ ទើបយើងឡើងទៅរៀន​នៅ​សហរដ្ឋ​អាមេរិក។

កញ្ញាបន្តថាអ្វីដែលនិស្សិតត្រូវត្រៀមមុននឹងប្រឡងទៅរៀននៅសហរដ្ឋអាមេរិកគឺមុខវិជ្ជាជំនាញរបស់យើង និងជាពិសេសនោះគឺ ភាសាអង់គ្លេស ពីព្រោះថាពេលទៅរៀននៅអាមេរិក យើងអត់ប្រើភាសាខ្មែរជាតិយើងទេ គឺត្រូវប្រើអង់គ្លេស ហើយបើសិនជាយើងចេះអង់គ្លេសមិនដល់កម្រិតគឺមិនមានឱកាសទៅរៀននៅទីនោះទេ។

យុវជនឡេក ប៊ុនសេង និស្សិតដែលនឹងទៅសិក្សានៅសាកលវិទ្យាល័យ​អាមេរិកមួយនេះដែរលើជំនាញ​វិទ្យាសាស្ត្រ​កុំព្យូទ័រ ក៏បាននិយាយឱ្យដឹងថា ជាមោទនភាពមួយដែលលោកបានទៅសិក្សានៅក្រៅ ប្រទេសរហូតដល់សហរដ្ឋអាមេរិករយៈពេល៣ឆ្នាំ។

គួរបញ្ជាក់ថានិស្សិតទាំង៦នាក់ដែលបានសិក្សានៅសាកលវិទ្យាល័យ Angelo State រួមមាន១.កញ្ញា គៀង គុនថារ៉ូឡែន ជំនាញវិស្វកម្មមេកានិក ២. លោកឡេក ប៊ុនសេង ជំនាញវិទ្យាសាស្ត្រ កុំព្យូទ័រ ៣. លោកណក់ រតនៈ ជំនាញវិទ្យាសាស្ត្រកុំព្យូទ័រ ៤. លោក សារុត ចេស្ដា ជំនាញវិទ្យាសាស្ត្រកុំព្យូទ័រ ៥. លោកជឹម សិក្ខាយុត្ត ជំនាញ Business Administration និង ៦. លោកវ៉ាន រាជវន្ត ជំនាញវិស្វកម្មសំណង់ស៊ីវិល។

តម្លៃសិក្សានៅសាកលវិទ្យាល័យត្រូវបានបង្ហើបឱ្យដឹងថាប្រមាណ ៩០០០ដុល្លារអាមេរិកក្នុងមួយឆ្នាំ ដោយមិន​ទាន់​រាប់បញ្ចូលការស្នាក់នៅ ហូបចុក និងការចំណាយក្នុងអំឡុងពេលសិក្សាឡើយ។ ហើយតម្លៃនេះគឺ​ពិសេស​សម្រាប់​និស្សិតកម្ពុជាដែលចេញពីសាកលវិទ្យាល័យភូមិន្ទភ្នំពេញ។

The post និស្សិតសាកលវិទ្យាល័យភូមិន្ទភ្នំពេញ៦រូប ជាប់ទៅបន្តការសិក្សានៅសាកលវិទ្យាល័យជាតិសហរដ្ឋអាមេរិក appeared first on .

កម្មវិធីចុះ MOU នេះត្រូវបានធ្វើឡើងដំណាលគ្នា និងពិធីសម្ពោធដាក់ឱ្យប្រើប្រាស់ជាផ្លូវការនូវ “កម្មវិធីនវានុវត្តន៍របស់ក្រុមហ៊ុនសាមសុង” (SAMSUNG Innovation Campus) ដែលបានប្រព្រឹត្តិទៅកាលថ្ងៃទី២៣ ខែសីហា ឆ្នាំ២០២២ ក្រោមវត្តមានឯកឧត្តម ឈួន ដារ៉ា រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងពាណិជ្ជកម្ម។

នាពេលនោះ ឯកឧត្តម ឈួន ដារ៉ា បានជំរុញលើកទឹកចិត្តដល់សិស្សនិស្សិតកម្ពុជា ខិតខំសិក្សាស្រាវជ្រាវលើបច្ចេកវិទ្យាឌីជីថល និងនវានុវត្តន៍ ដើម្បីឆ្លើយតបទៅនឹងបដិវត្តន៍ឧស្សាហកម្ម៤.០ និងការធ្វើពាណិជ្ជកម្មតាមប្រព័ន្ធអេឡិចត្រូនិក។ឯកឧត្តម បន្តថា ក្នុងបរិបទនៃបដិវត្តន៍ឧស្សាហកម្ម៤.០ បច្ចេកវិទ្យាឌីជីថល គឺជាគន្លឹះដ៏សំខាន់ក្នុងការជំរុញភាពប្រកួតប្រជែងរបស់វិស័យសាធារណៈនិងឯកជន ព្រោះវិស័យនេះបានរួមចំណែកក្នុងការលើកកម្ពស់ប្រសិទ្ធភាពការងារ លើកកម្ពស់ផលិតភាពផលិតកម្ម បង្កើតការងារថ្មី និងជំរុញការនាំចេញ។

ជាមួយគ្នានេះ ឯកឧត្តមក៏ បានឲ្យដឹងថា ក្រសួងពាណិជ្ជកម្មបាននឹងកំពុងចូលរួមយ៉ាងសកម្មក្នុងការអភិវឌ្ឍក្របខ័ណ្ឌច្បាប់ និងបទដ្ឋានគតិយុតមួយចំនួន រួមទាំងការចូលរួមកសាងក្របខ័ណ្ឌកិច្ចព្រមព្រៀងតំបន់ និងអន្តរជាតិពាក់ព័ន្ធនឹងវិស័យពាណិជ្ជកម្មតាមប្រព័ន្ធអេឡិចត្រូនិក ដូចជា កិច្ចព្រមព្រៀងអាស៊ាន ស្តីពីពាណិជ្ជកម្មតាមប្រព័ន្ធអេឡិចត្រូនិក កិច្ចព្រមព្រៀងកិច្ចសហប្រតិបត្តិការសេដ្ឋកិច្ចគ្រប់ជ្រុងជ្រោយតំបន់ កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន និងកម្ពុជា-កូរ៉េ ដោយបានដាក់បញ្ចូលជំពូកខ្លះស្តីពីការជំរុញធុរកិច្ចឌីជីថល និងឌីជីថលអេកូឡូហ្ស៊ី។

គួរបញ្ជាក់ដែរថា តាមរយៈកិច្ចសហការគ្នាចុះ MOU រវាងសាកលវិទ្យាល័យភូមិន្ទភ្នំពេញ និងក្រុមហ៊ុនសាមសុង គឺបង្កើតកម្មវិធីនវានុវត្តន៍នេះឡើង ដើម្បីជាថ្នាលបណ្តុះសិស្សនិស្សិតកម្ពុជាឱ្យចាប់យកជំនាញពីវិស័យបច្ចេកវិទ្យាឌីជីថល និងទំនាក់ទំនងព័ត៌មានវិទ្យា(ICT) ដើម្បីដើរឱ្យទាន់របត់នៃបដិវត្តឧស្សាហកម្ម៤.០ ព្រោះថាកម្ពុជាកំពុងត្រូវការជាចាំបាច់នូវធនធានមនុស្សដែលមានជំនាញលើវិស័យបច្ចេកវិទ្យាឌីជីថល និងទំនាក់ទំនងព័ត៌មានវិទ្យា ដើម្បីឆ្លើយតបទៅនឹងតម្រូវការទីផ្សារពលកម្មដែលមានជំនាញនាពេលខាងមុខ។

ដោយឡែក “កម្មវិធីនវានុវត្តន៍របស់ក្រុមហ៊ុនសាមសុង” (SAMSUNG Innovation Campus) ជាកម្មវិធីមនុស្សធម៌របស់សាមសុងទូទាំងពិភពលោក ផ្តល់នូវការអប់រំ លើកកម្ពស់សមត្ថភាពបច្ចេកវិទ្យាទំនាក់ទំនងព័ត៌មាន (ICT) ដល់និស្សិត និងយុវជន។ ក្រៅពីជំនាញចំបងៗដូចជា AI, IoT, Big Data, Coding និងprogramming, internet of things កម្មវិធីនេះក៏បានបណ្តុះបណ្តាលជំនាញផ្នែកទន់ជាច្រើនដល់យុវជន ដើម្បីជំរុញយុវជនឱ្យកាន់តែមានទេពកោសល្យដែលនាំការរីចម្រើនដល់សង្គមនាពេលអនាគតផងដែរ៕

The post សាកលវិទ្យាល័យភូមិន្ទភ្នំពេញ និងក្រុមហ៊ុនសាមសុង ចុះMOU ពង្រឹងវិស័យព័ត៌មានវិទ្យា appeared first on .

លោក ឈួន ដារ៉ា រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងពាណិជ្ជកម្ម បានជំរុញលើកទឹកចិត្តដល់សិស្សនិស្សិតកម្ពុជា ខិតខំសិក្សាស្រាវជ្រាវលើបច្ចេកវិទ្យាឌីជីថល និងនវានុវត្តន៍ ដើម្បីឆ្លើយតបទៅនឹងបដិវត្តន៍ឧស្សាហកម្ម៤.០ និងការធ្វើពាណិជ្ជកម្មតាមប្រព័ន្ធអេឡិចត្រូនិក។ លោកបន្តថា ក្នុងបរិបទនៃបដិវត្តន៍ឧស្សាហកម្ម៤.០ បច្ចេកវិទ្យាឌីជីថល គឺជាគន្លឹះដ៏សំខាន់ក្នុងការជំរុញភាពប្រកួតប្រជែងរបស់វិស័យសាធារណៈនិងឯកជន ព្រោះវិស័យនេះបានរួមចំណែកក្នុងការលើកកម្ពស់ប្រសិទ្ធភាពការងារ លើកកម្ពស់ផលិតភាពផលិតកម្ម បង្កើតការងារថ្មី និងជំរុញការនាំចេញ។

ជាមួយគ្នានេះ លោកក៏បានឲ្យដឹងដែរថា ក្រសួងពាណិជ្ជកម្មបាននឹងកំពុងចូលរួមយ៉ាងសកម្មក្នុងការអភិវឌ្ឍក្របខ័ណ្ឌច្បាប់ និងបទដ្ឋានគតិយុតមួយចំនួន រួមទាំងការចូលរួមកសាងក្របខ័ណ្ឌកិច្ចព្រមព្រៀងតំបន់ និងអន្តរជាតិពាក់ព័ន្ធនឹងវិស័យពាណិជ្ជកម្មតាមប្រព័ន្ធអេឡិចត្រូនិក ដូចជា កិច្ចព្រមព្រៀងអាស៊ាន ស្តីពីពាណិជ្ជកម្មតាមប្រព័ន្ធអេឡិចត្រូនិក កិច្ចព្រមព្រៀងកិច្ចសហប្រតិបត្តិការសេដ្ឋកិច្ចគ្រប់ជ្រុងជ្រោយតំបន់ កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន និងកម្ពុជា-កូរ៉េ ដោយបានដាក់បញ្ចូលជំពូកខ្លះស្តីពីការជំរុញធុរកិច្ចឌីជីថល និងឌីជីថលអេកូឡូហ្ស៊ី។

គួរបញ្ជាក់ដែរថា តាមរយៈកិច្ចសហការគ្នាចុះ MOU រវាងសាកលវិទ្យាល័យភូមិន្ទភ្នំពេញ និងក្រុមហ៊ុនសាមសុង គឺបង្កើតកម្មវិធីនវានុវត្តន៍នេះឡើង ដើម្បីជាថ្នាលបណ្តុះសិស្សនិស្សិតកម្ពុជាឱ្យចាប់យកជំនាញពីវិស័យបច្ចេកវិទ្យាឌីជីថល និងទំនាក់ទំនងព័ត៌មានវិទ្យា(ICT) ដើម្បីដើរឱ្យទាន់របត់នៃបដិវត្តឧស្សាហកម្ម៤.០ ព្រោះថាកម្ពុជាកំពុងត្រូវការជាចាំបាច់នូវធនធានមនុស្សដែលមានជំនាញលើវិស័យបច្ចេកវិទ្យាឌីជីថល និងទំនាក់ទំនងព័ត៌មានវិទ្យា ដើម្បីឆ្លើយតបទៅនឹងតម្រូវការទីផ្សារពលកម្មដែលមានជំនាញនាពេលខាងមុខ។

ដោយឡែក “កម្មវិធីនវានុវត្តន៍របស់ក្រុមហ៊ុនសាមសុង” (SAMSUNG Innovation Campus) ជាកម្មវិធីមនុស្សធម៌របស់សាមសុងទូទាំងពិភពលោក ផ្តល់នូវការអប់រំ លើកកម្ពស់សមត្ថភាពបច្ចេកវិទ្យាទំនាក់ទំនងព័ត៌មាន (ICT) ដល់និស្សិត និងយុវជន។ ក្រៅពីជំនាញចំបងៗដូចជា AI, IoT, Big Data, Coding និងprogramming, internet of things កម្មវិធីនេះក៏បានបណ្តុះបណ្តាលជំនាញផ្នែកទន់ជាច្រើនដល់យុវជន ដើម្បីជំរុញយុវជនឱ្យកាន់តែមានទេពកោសល្យដែលនាំការរីចម្រើនដល់សង្គមនាពេលអនាគតផងដែរ៕ អត្ថបទ៖ រង្សី

The post សាកលវិទ្យាល័យភូមិន្ទភ្នំពេញ និងក្រុមហ៊ុន Samsung ចុះMOU ពង្រឹងវិស័យព័ត៌មានវិទ្យា appeared first on .

បណ្ឌិត សាន វឌ្ឍនា អនុរដ្ឋលេខាធិការ​ក្រសួង​អប់រំ យុវជន និង​កីឡា និង​ជា​ប្រធាន​ក្រុមប្រឹក្សាភិបាល​នៃ​សាកលវិទ្យាល័យ​ភូមិន្ទ​ភ្នំពេញ បាន​ដឹកនាំ​ប្រតិភូ​នៃ​គណៈ​គ្រប់គ្រង​សាកលវិទ្យាល័យ​ភូមិន្ទ​ភ្នំពេញ និង​មហាវិទ្យាល័យ​វិស្វកម្ម និង​មហាវិទ្យាល័យ​សិក្សា​អភិវឌ្ឍ ដើម្បី​ជួប​ពិភាក្សា​ជាមួយ​សមភាគី​កូរ៉េ នៅអំឡុងថ្ងៃទី១៧ដល់ទី២២ ខែ​សីហា ឆ្នាំ២០២២នេះ នៅ​ក្រុងក្វាងជូ នៅប្រទេសកូរ៉េ។

ដំណើរ​ទស្សន​កិច្ច​លើកនេះ កម្ពុជានិងជួបជាមួយ​សមភាគី​កូរ៉ និងសិក្សាពិនិត្យ​មន្ទីរ​ពិសោធន៍ ប្រព័ន្ធ​គ្រប់គ្រង​ការសិក្សា បណ្ណាល័យនៅក្រុងក្វាងជូ។

សូមជម្រាបថា មហាវិទ្យាល័យ​វិស្វកម្ម នៃ​សាកល​វិទ្យាល័យ​ភូមិន្ទ​ភ្នំពេញ បាន​ទទួល និង​ត្រៀម​អនុវត្ត​គម្រោង​អភិវឌ្ឍ​ថថ្មីនេះ ដោយ​មាន​ការ​គាំ​ទ្រ​ពី​ទី​ភ្នាក់ងារ KOICA នៃប្រទេសកូរ៉េ ដោយ​មាន​កិច្ច​សហការ​ជាមួយ​វិទ្យាស្ថាន​វិទ្យាសាស្ត្រ​និង​បច្ចេកវិទ្យា​ក្វាងជូ ដើម្បី​បង្កើត​កម្មវិធីសិក្សា​ស្តី​ពី “វិស្វកម្ម​បរិស្ថាន”។

តាម​រយៈ​គម្រោង​អភិវឌ្ឍ​ថ្មី​មួយ​នេះ សាកលវិទ្យាល័យ​ភូមិន្ទ​ភ្នំពេញ​នឹង​មាន​កម្មវិធីសិក្សា​ថ្នាក់​បរិញ្ញាបត្រ និង​អនុបណ្ឌិត​ជំនាញ​វិស្វកម្ម​បរិស្ថាន មន្ទីរ​ពិសោធន៍​វិទ្យាសាស្រ្ត ការ​កសាង​សមត្ថភាព​សាស្ត្រាចារ្យ ការ​ស្រាវជ្រាវ​រួមគ្នា ក៏​ដូចជា​ឱកាស​សម្រាប់​ការ​ផ្លាស់​ប្តូរ​និស្សិតផងដែរ៕

The post សាកលវិទ្យាល័យភូមិន្ទភ្នំពេញ ត្រៀមបើកថ្នាក់បរិញ្ញាបត្រ និងអនុបណ្ឌិតជំនាញវិស្វកម្មបរិស្ថាន គាំទ្រដោយកូរ៉េ appeared first on .

ជំនួបពិភាក្សាការងារនេះ ដើម្បីរឹតចំណងមិត្តភាពលើវិស័យអប់រំ ក៏ដូចជាការពិភាក្សាលើការងារសិក្សាថ្នាក់ឧត្តមសិក្សា និងការផ្តល់អាហារ រូបករណ៍រវាងប្រទេសកម្ពុជា និងវៀតណាម។ ពិសេសនោះ ដើម្បីពិភាក្សាឱ្យកាន់តែបានលម្អិតថែមទៀត និងពន្លឿនការសម្រេចឱ្យបានក្នុងពេលឆាប់ៗនេះ សម្រាប់ការស្នើសុំពីភាគីវៀតណាម ដើម្បីបង្កើតដេប៉ាតឺម៉ង់ភាសាវៀតណាម នៅក្នុងសាលកវិទ្យាល័យភូមិន្ទភ្នំពេញ។

ពាក់ព័ន្ធនឹងការស្នើចង់បង្កើតដេប៉ាតឺម៉ង់ ភាសាវៀតណាម ក្នុងសាកលវិទ្យាល័យភូមិន្ទភ្នំពេញ លោក ពិត ចំណាន បានបញ្ជាក់ថា ក្រសួងអប់រំកម្ពុជាមិនមានការជំទាស់នោះទេ ដោយហេតុថាក្នុងសាកលវិទ្យាល័យ ភាសាទាំអស់គឺមិនមានការប្រកាន់គ្នានោះទេ ហើយវាក៏មានសារសំខាន់សម្រាប់ប្រទេសជិតខាងគ្នា ដែលអាចជួយឱ្យនិស្សិតអាចចេះភាសាមួយបន្ថែមទៀតផងដែរ។

សូមជម្រាបថា វិទ្យាស្ថានភាសាបរទេសនៃសាកលវិទ្យាល័យភូមិន្ទភ្នំពេញ មានបង្រៀនថ្នាក់ បរិញ្ញាបត្រ និង បរិញ្ញាបត្រជាន់ខ្ពស់ មាន ៧ ដេប៉ាតតឺមង់ គឺ ១- ដេប៉ាតឺម៉ង់ ភាសាអង់គ្លេស ២- ដេប៉ាតឺម៉ង់ ភាសាបារាំង ៣- ដេប៉ាតឺម៉ង់ ភាសាជប៉ុន ៤- ដេប៉ាតឺម៉ង់ ភាសាកូរ៉េ ៥- ដេប៉ាតឺម៉ង់ សិក្សាអន្តរជាតិ ៦- ដេប៉ាតឺម៉ង់ ភាសាចិន ៧- ដេប៉ាតឺម៉ង់ ភាសាថៃ៕

The post វៀតណាម ស្នើសុំកម្ពុជា ពន្លឿនបង្កើតដេប៉ាតតឺមង់ភាសាវៀតណាមនៅសាកលវិទ្យាល័យភូមិន្ទភ្នំពេញ appeared first on .

សាកលវិទ្យាល័យភូមិន្ទភ្នំពេញជាគ្រឹះស្ថានឧត្តមសិក្សាដែលប្រើពាក្យ “សាកលវិទ្យាល័យ” មុនគេ ក្នុងសម័យសង្គមរាស្រ្តនិយម បន្ទាប់ពីរដ្ឋសភាកម្ពុជាបានអនុម័តឱ្យប្រើពាក្យ “សាកលវិទ្យាល័យ” កាលពីថ្ងៃទី០៤ ខែមករា ឆ្នាំ១៩៦០។ សាកលវិទ្យាល័យភូមិន្ទភ្នំពេញមានឈ្មោះដើម “សាកលវិទ្យាល័យខេមរៈភូមិន្ទ” ឬត្រូវបានគេនិយមហៅថា “សាកលវិទ្យាល័យសង្គមរាស្រ្តនិយម” ក្រោមការដឹកនាំរបស់សម្តេច នរោត្តម សីហនុ ព្រះបរមរតនកោដ្ឋ។

សាកលវិទ្យាល័យរដ្ឋដ៏ចំណាស់មួយនេះ ត្រូវបានបង្កើតឡើងដោយ ព្រះរាជក្រមលេខ៣៦៧-ន.ស ចុះថ្ងៃទី១៣ ខែមករា ឆ្នាំ១៩៦០ ដែលមាន៖

១.មហាវិទ្យាល័យច្បាប់ និងវិទ្យាសាស្រ្តសេដ្ឋកិច្ច
២. មហាវិទ្យាល័យវេជ្ជវិទ្យាឱសថកម្ម និងវិទ្យាសាស្រ្តរណបវេជ្ជវិទ្យា
៣. មហាវិទ្យាល័យវិទ្យាស្រ្ត និងបច្ចេកទេស
៤. មហាវិទ្យាល័យអក្សរសាស្រ្ត និងវិទ្យាសាស្រ្តមនុស្សជាតិ
៥. វិទ្យាស្ថានជាតិគរុកោសល្យ។

នៅក្នុងសម័យសាធារណរដ្ឋខ្មែរ សាកលវិទ្យាល័យបានប្តូរឈ្មោះមកជា “សាកលវិទ្យាល័យភ្នំពេញ” ដែលមាន៖
១.មហាវិទ្យាល័យច្បាប់ និងវិទ្យាសាស្រ្តសេដ្ឋកិច្ច
២.មហាវិទ្យាល័យសុខាភិបាល
៣.មហាវិទ្យាល័យគរុកោសល្យ
៤.មហាវិទ្យាល័យអក្សរសាស្រ្ត និងមនុស្សសាស្រ្ត
៥.មហាវិទ្យាល័យវិទ្យាសាស្រ្ត
៦.មហាវិទ្យាល័យវិទ្យាសាស្រ្តពាណិជ្ជកម្ម
៧.មហាវិទ្យាល័យឱសថ
៨.សាលាគរុវិជ្ជាជាន់ខ្ពស់
៩.វិទ្យាស្ថានភាសាបរទេស។

សម័យកម្ពុជាប្រជាធិបតេយ្យសាកលវិទ្យាល័យត្រូវបានបិទទ្វាចោលទាំងស្រុង ហើយបរិវេណរបស់សាកលវិទ្យាល័យបានក្លាយជាទីតាំងធ្វើស្រែ។

ក្រោយថ្ងៃរំដោះ ៧ មករា ១៩៧៩ សាលាភាសា និងសាលាគរុវិជ្ជាជាន់ខ្ពស់បានបង្កើតឡើង។ សាកលវិទ្យាល័យរដ្ឋដ៏ចំណាស់ជាងគេមួយនេះ បានបង្កើតឡើងវិញដោយមានឈ្មោះថា “សាកលវិទ្យាល័យភ្នំពេញ” តាមរយៈអនុក្រឹត្យលេខ០៤ អនក្រ ចុះថ្ងៃទី០៣ ខែកុម្ភៈ ឆ្នាំ១៩៨៨ របស់ប្រធានក្រុមប្រឹក្សារដ្ឋមន្រ្តី (ចុះហត្ថលេខាដោយសម្តេចអគ្គមហាសេនាបតីតេជោ ហ៊ុន សែន)។

សាកលវិទ្យាល័យមាន៖

១.មហាវិទ្យាល័យគណិតវិទ្យា
២.មហាវិទ្យាល័យរូបវិទ្យា
៣.មហាវិទ្យាល័យគីមីវិទ្យា
៤.មហាវិទ្យាល័យជីវវិទ្យា
៥.មហាវិទ្យាល័យភូមិវិទ្យា
៦.មហាវិទ្យាល័យទស្សនវិជ្ជា
៧.មហាវិទ្យាល័យចិត្តគរុកោសល្យ
៨.មហាវិទ្យាល័យប្រវត្តិវិទ្យា
៩.មហាវិទ្យាល័យភាសានិងអក្សរសិល្ប៍ខ្មែរ
១០.មហាវិទ្យាល័យភាសានិងអក្សរសិល្ប៍រូស្ស៊ីនិងភាសាបស្ចិបប្រទេស
១១.មហាវិទ្យាល័យភាសានិងអក្សរសិល្ប៍ វៀតណាមនិងភាសាបូព៌ាប្រទេស។

សាកលវិទ្យាល័យបានប្តូរឈ្មោះមកជា “សាកលវិទ្យាល័យភូមិន្ទភ្នំពេញ “ តាមរយៈអនុក្រឹត្យលេខ៣១ អនក្រ.បក ចុះថ្ងៃទី២១ ខែមិថុនា ឆ្នាំ១៩៩៦ ដោយគិតចាប់ពីឆ្នាំសិក្សា១៩៩៥-១៩៩៦។

បច្ចុប្បន្ន សាកលវិទ្យាល័យភូមិន្ទភ្នំពេញមាន៖

១.មហាវិទ្យាល័យវិទ្យាសាស្រ្ត(៦ដេប៉ាតឺម៉ង់)
២.មហាវិទ្យាល័យសង្គមសាស្រ្តនិងមនុស្សសាស្រ្ត(១១ដេប៉ាតឺម៉ង់)
៣.វិទ្យាស្ថានភាសាបរទេស(៧ដេប៉ាតឺម៉ង់)
៤.មហាវិទ្យាល័យសិក្សាអភិវឌ្ឍន៍(៣ដេប៉ាតឺម៉ង់)
៥.មហាវិទ្យាល័យវិស្វកម្ម(៣ដេប៉ាតឺម៉ង់)
៦.មហាវិទ្យាល័យអប់រំ(៣ដេប៉ាតឺម៉ង់)
៧.មជ្ឈមណ្ឌលសហប្រតិបត្តិការកម្ពុជា-ជប៉ុន
៨.មជ្ឈមណ្ឌលសហប្រតិបត្តិការកម្ពុជា-កូរ៉េ។

សាកលវិទ្យាល័យភូមិន្ទភ្នំពេញធ្វើការបណ្តុះបណ្តាលចាប់ពីកម្រិតបរិញ្ញាបត្រដល់បណ្ឌិត។

ចាប់តាំងពីថ្ងៃបង្កើតរហូតមកដល់បច្ចុប្បន្ន សាកលវិទ្យាល័យភូមិន្ទភ្នំពេញមានសាកលវិទ្យាធិការចំនួន០៦រូប៖

១.សាស្រ្តាចារ្យមហាបរិញ្ញា ភឹង តុន (១៩៦៥-១៩៦៨, ១៩៧០-១៩៧៥)
២.សាស្រ្តាចារ្យមហាបរិញ្ញា ង៉ោ ហ៊ូប៊ុណ្ណវឌ្ឍន៍ (១៩៦៨-១៩៧០)
៣.ឯកឧត្តម វ៉ាស៊ឹម សំរិទ្ធ (១៩៩៣-២០០០)
៤.ឯកឧត្តម ពិត ចំណាន (២០០០-២០០៥)
៥.ឯកឧត្តម ឡៅ ឈីវអ៊ាវ (២០០៥-២០១៣)
៦.ឯកឧត្តមបណ្ឌិត ជេត ជាលី(២០១៣ ដល់បច្ចុប្បន្ន)

The post ទម្លាយ​អាថ៌កំបាំង​សាកលវិទ្យាល័យ​ភូមិន្ទភ្នំពេញ ​និស្សិត​រៀនរាប់​ជំនាន់​មិន​សូវ​បាន​ដឹង​ appeared first on .