សាកលវិទ្យាល័យវេស្ទើន

ឧកញ៉ា តែ ឡូរិន៖ មានសញ្ញាបត្រមួយសន្លឹកគួបផ្សំជាមួយខ្លួនឯងខ្លាំង ៣យ៉ាង ឱកាសការងារនឹងមានច្រើន

ឧកញ៉ាដែនដី — Wed, 02 Sep 2026 07:02:39 +0000

ឧកញ៉ា តែ ឡូរិន ប្រធានក្រុមប្រឹក្សាភិបាល នៃសាកលវិទ្យាល័យវេស្ទើន (Western University) យល់ឃើញថា ការមានសញ្ញាបត្រមួយសន្លឹកគួបផ្សំជាមួយខ្លួនឯងខ្លាំង ៣យ៉ាង នោះឱកាសការងារនឹងមានច្រើន ដែលខ្លាំង៣នោះរួមមាន ខ្លាំងខាងរើសសាលា ខ្លាំងរើសជំនាញ និងខ្លាំងជំនាញទន់។

តាមរយៈបណ្តាញសង្គមហ្វេសប៊ុក លោកឧកញ៉ាម្ចាស់សាកលវិទ្យាល័យវេស្ទើនរូបនេះ ធ្លាប់បានបញ្ជាក់ថា រើសសាលា (រើសឲ្យត្រូវ រើសឲ្យល្អ រើសឲ្យមានស្តង់ដា) គឺរើសសាលាណាដែលមានគ្រូល្អ កម្មវិធីសិក្សាល្អ និងគណៈគ្រប់គ្រងច្បាស់លាស់ ត្រឹមត្រូវ និងមានគុណវឌ្ឍ។

លោកឧកញ៉ាបន្តថា រើសជំនាញ (រើសឲ្យចំជាខ្លួនឯង រើសដោយបំណងខ្លួនឯង និងរើសកុំបង្ខំ) គឹរើសជំនាញត្រូវបរិបទសង្គម ជំនាញដែលមានទីផ្សារខ្ពស់ ទោះប្រកួតប្រជែង ប៉ុន្តែយើងមានគ្រឹះល្អបន្ថែម (បទពិសោធន៍ការងារ និងឱកាសហាត់ការពីសាលាកាលនៅរៀន)។

បន្ថែមពីនេះ លោកឧកញ៉ាយល់ថា ខ្លាំងជំនាញទន់ ត្រូវចេះទំនាក់ទំនង ចេះការទូត ចេះយកចំណេះឯងទៅលក់ ចេះទាក់ទង ចេះស្គាល់ឱកាស និងចេះចាប់ឱកាសយកទៅលេងប្រលែង ដើម្បីបង្កើនឱកាស។

គួរបញ្ជាក់ថា សាកលវិទ្យាល័យវេស្ទើន ត្រូវបានបង្កើតឡើងដោយអនុក្រឹត្យ នាថ្ងៃទី១៧ ខែវិច្ឆិកា ឆ្នាំ២០០៣ ដោយលោកឧកញ៉ា តែ ឡូរិន។ បច្ចុប្បន្ន សាកលវិទ្យាល័យមួយនេះ ជាសាកលវិទ្យាល័យដ៏ល្បីមួយនៅកម្ពុជា មានទីតាំងនៅខណ្ឌទួលគោក ខណ្ឌមានជ័យ រាជធានីភ្នំពេញ និងខេត្តកំពង់ចាម ដែលមានបើកបង្រៀនសិស្សនិស្សិត ចាប់ពីកម្រិតបរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ រហូតដល់បណ្ឌិត ខណៈដែលថ្នាក់បរិញ្ញាបត្រ មានជំនាញជាច្រើនដូចជា ទេសចរណ៍និងសណ្ឋាគារ ភាសាអង់គ្លេសសម្រាប់ការបង្រៀន ភាសាអង់គ្លេសសម្រាប់ទំនាក់ទំនង វិទ្យាសាស្ត្រកុំព្យូទ័រ គ្រប់គ្រង ទីផ្សារ គណនេយ្យ ហិរញ្ញវត្ថុនិងធនាគារ ច្បាប់ និងវិស្វករ៕

The post ឧកញ៉ា តែ ឡូរិន៖ មានសញ្ញាបត្រមួយសន្លឹកគួបផ្សំជាមួយខ្លួនឯងខ្លាំង ៣យ៉ាង ឱកាសការងារនឹងមានច្រើន appeared first on .

សាកលវិទ្យាល័យវេស្ទើន របស់ឧកញ៉ា តែ ឡូរិន ប្រកាសផ្តល់អាហារូបករណ៍សិក្សារយៈពេល៤ឆ្នាំពេញ សម្រាប់សិក្សាថ្នាក់បរិញ្ញាបត្រ/រង គ្រប់ជំនាញ

ឧកញ៉ាដែនដី — Mon, 31 Aug 2026 08:53:00 +0000

ដើម្បីសម្រួលដល់ជីវភាពរបស់សិស្សក្រីក្រដែលពុំមានលទ្ធភាពបង់ថ្លៃសិក្សា សាកលវិទ្យាល័យវេស្ទើន (Western University) បាននិងកំពុងរៀបចំការប្រឡងអាហារូបករណ៍ផ្តល់ជូនសម្រាប់សិក្សារយៈពេល ៤ឆ្នាំពេញ ដែលអាចជ្រើសរើសបានគ្រប់ជំនាញ និងគ្រប់ទីតាំង។

កាលបរិច្ឆេទប្រឡងគឺនៅថ្ងៃទី២៦ ខែកញ្ញា ឆ្នាំ២០២៦ ខាងមុខនេះ នៅគ្រប់ទីតាំងសាកលវិទ្យាល័យវេស្ទើនទាំងអស់។ សិស្សនិស្សិតអាចដាក់ពាក្យស្នើសុំប្រឡងតាមរយៈប្រព័ន្ធអនឡាញ ឬអញ្ជើញទៅសាកសួរព័ត៌មានដោយផ្ទាល់នៅសាកលវិទ្យាល័យវេស្ទើនដែលជិតអ្នក។ ដាក់ពាក្យប្រឡងថ្ងៃនេះ តាមរយៈតំណរភ្ជាប់ខាងក្រោម៖ https://wusvc.westernuniversity.digital/scholarship?type=bachelor

ចំពោះបវេសនកាលឆ្នាំសិក្សាថ្មី សាកលវិទ្យាល័យវេស្ទើន នឹងចាប់ផ្តើមចូលរៀននៅថ្ងៃទី២៦ ខែតុលា ឆ្នាំ២០២៦។ព័ត៌មានបន្ថែម៖ https://t.me/+Jq1FJKms3x45ODBl

គួរបញ្ជាក់ថា សាកលវិទ្យាល័យវេស្ទើន ត្រូវបានបង្កើតឡើងដោយអនុក្រឹត្យ នាថ្ងៃទី១៧ ខែវិច្ឆិកា ឆ្នាំ២០០៣ ដោយលោកឧកញ៉ា តែ ឡូរិន។ បច្ចុប្បន្ន សាកលវិទ្យាល័យមួយនេះ មានបើកបង្រៀនសិស្សនិស្សិត ចាប់ពីកម្រិតបរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ រហូតដល់បណ្ឌិត ខណៈដែលថ្នាក់បរិញ្ញាបត្រ មានជំនាញជាច្រើនដូចជា ទេសចរណ៍និងសណ្ឋាគារ ភាសាអង់គ្លេសសម្រាប់ការបង្រៀន ភាសាអង់គ្លេសសម្រាប់ទំនាក់ទំនង វិទ្យាសាស្ត្រកុំព្យូទ័រ គ្រប់គ្រង ទីផ្សារ គណនេយ្យ ហិរញ្ញវត្ថុនិងធនាគារ ច្បាប់ និងវិស្វករ៕

The post សាកលវិទ្យាល័យវេស្ទើន របស់ឧកញ៉ា តែ ឡូរិន ប្រកាសផ្តល់អាហារូបករណ៍សិក្សារយៈពេល៤ឆ្នាំពេញ សម្រាប់សិក្សាថ្នាក់បរិញ្ញាបត្រ/រង គ្រប់ជំនាញ appeared first on .

តើឧកញ៉ា តែ ឡូរិន បង្កើតសាកលវិទ្យាល័យវេស្ទើន តាំងពីពេលណា?

ឧកញ៉ាដែនដី — Thu, 26 Jan 2023 02:37:31 +0000

នៅព្រឹកថ្ងៃទី២៦ ខែមករា ឆ្នាំ២០២៣នេះ សាកលវិទ្យាល័យវេស្ទើន (WU) បានរៀបចំពិធីចែកសញ្ញាបត្រ ជូននិស្សិតជ័យលាភីថ្នាក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត សរុបប្រមាណជាង ៣ពាន់នាក់ នៅមណ្ឌលសន្និបាត និងពិព័រណ៍អន្តរជាតិជ្រោយចង្វារ (OCIC) ក្រោមអធិបតីដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

លោកឧកញ៉ា តែ ឡូរិន គឺជាស្ថាបនិកសាកលវិទ្យាល័យវេស្ទើន និងសាលាវេស្ទើនអន្តរជាតិ ខណៈដែលបច្ចុប្បន្នលោកជាប្រធានក្រុមប្រឹក្សាភិបាល នៃសាកលវិទ្យាល័យវេស្ទើន។ សាកលវិទ្យាល័យវេស្ទើន ត្រូវបានបង្កើតឡើងដោយអនុក្រឹត្យ នាថ្ងៃទី១៧ ខែវិច្ឆិកា ឆ្នាំ២០០៣ ដោយឧកញ៉ា តែ ឡូរិន ហើយក្នុងឆ្នាំនោះដែរ លោកឧកញ៉ា ក៏បានបង្កើតសាលាវេស្ទើនអន្តរជាតិដំណាលគ្នាផងដែរ។

នៅឆ្នាំ២០០៥ បន្ទាប់ពីទទួលបានគោលការណ៍ឯកភាពពីក្រសួងអប់រំ យុវជន និងកីឡា សាកលវិទ្យាល័យវេស្ទើន បានបង្កើតសាខាមួយទៀត នៅខេត្តកំពង់ចាម។ លោកឧកញ៉ា តែ ឡូរិន ជាស្ថាបនិករបស់សាលាវេស្ទើន បានបញ្ចប់ការសិក្សាផ្នែកវិទ្យាសាស្ត្រសេដ្ឋកិច្ច លើជំនាញហិរញ្ញវត្ថុ និងធនាគារ ពីសាកលវិទ្យាល័យ Sorbonne ទីក្រុងប៉ារីស ប្រទេសបារាំង។

សាកលវិទ្យាល័យវេស្ទើន មានទីតាំងនៅដីឡូត៍លេខ១៤៥ ផ្លូវ៦០៨ កែង ៣១៣ សង្កាត់បឹងកក់២ ខណ្ឌទួលគោក រាជធានីភ្នំពេញ។ បច្ចុប្បន្ន សាកលវិទ្យាល័យមួយនេះ មានបើកបង្រៀននិស្សិត ចាប់ពីកម្រិតបរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ រហូតដល់បណ្ឌិត ខណៈដែលថ្នាក់បរិញ្ញាបត្រ មានជំនាញជាច្រើនដូចជា ទេសចរណ៍និងសណ្ឋាគារ ភាសាអង់គ្លេសសម្រាប់ការបង្រៀន ភាសាអង់គ្លេសសម្រាប់ទំនាក់ទំនង វិទ្យាសាស្ត្រកុំព្យូទ័រ គ្រប់គ្រង ទីផ្សារ គណនេយ្យ ហិរញ្ញវត្ថុនិងធនាគារ ច្បាប់ និងវិស្វករ។

សូមជម្រាបជូនថា បច្ចុប្បន្នសាកលវិទ្យាល័យវេស្ទើន មានថ្នាក់ដឹកនាំសំខាន់ៗដូចជា ឧកញ៉ា តែ ឡូរិន ស្ថាបនិកនិងជាប្រធានក្រុមប្រឹក្សាភិបាល, បណ្ឌិត កៀង រតនា សាកលវិទ្យាធិការ, លោកសាស្ត្រាចារ្យ សរ សត្យា ព្រឹទ្ធសាកលវិទ្យាធិការរង, បណ្ឌិត ទ្រី សុធារឹទ្ធ និងបណ្ឌិត ហុក ថាវុធ ជាសាកលវិទ្យាធិការរង៕

The post តើឧកញ៉ា តែ ឡូរិន បង្កើតសាកលវិទ្យាល័យវេស្ទើន តាំងពីពេលណា? appeared first on .