សមិទ្ធផលត្រចះត្រចង់នេះ គឺឆ្លុះបញ្ចាំងពីការប្តេជ្ញាចិត្តយ៉ាងមុតមាំ និងកិច្ចខិតខំប្រឹងប្រែងឥតឈប់ឈររបស់គណៈគ្រប់គ្រង លោកគ្រូ អ្នកគ្រូដែលមានគរុកោសល្យខ្ពស់ ព្រមទាំងការខិតខំប្រឹងប្រែងរៀនសូត្ររបស់សិស្សានុសិស្ស ដោយមានការគាំទ្រយ៉ាងពេញទំហឹងពីសំណាក់មាតាបិតា និងអ្នកអាណាព្យាបាលទាំងអស់។

សាលារៀនសុវណ្ណភូមិ មិនត្រឹមតែផ្តោតលើការទទួលបានលទ្ធផលប្រឡងដ៏ល្អប្រសើរប៉ុណ្ណោះទេ ប៉ុន្តែថែមទាំងបានរៀបចំនូវកម្មវិធីសិក្សាដ៏សម្បូរបែប ឆ្លើយតបទៅនឹងតម្រូវការអប់រំបែបឌីជីថល និងសម័យកាលទំនើបរួមមាន៖

១. កម្មវិធីចំណេះទូទៅខ្មែរ (KGE – Khmer General Education): ចាប់ពីកម្រិតមត្តេយ្យ ដល់ថ្នាក់ទី១២ ដែលស្របតាមស្តង់ដារក្រសួងអប់រំ យុវជន និងកីឡា។

២. កម្មវិធីភាសាអង់គ្លេសទូទៅ (GEP – General English Program): បង្កើតឡើងដើម្បីពង្រឹងសមត្ថភាពប្រើប្រាស់ភាសាបរទេសរបស់សិស្សឱ្យបានស្ទាត់ជំនាញ និងមានទំនុកចិត្តខ្ពស់ ដែលបច្ចុប្បន្នមានការទទួលស្គាល់ជាផ្លូវការពី Cambridge ចក្រភពអង់គ្លេសជា Cambridge English Educational Partner (CEEP)។

៣. កម្មវិធីអន្តរជាតិបីភាសា ខ្មែរ-អង់គ្លេស-ចិន (ITP – International Trilingual Program): ជាកម្មវិធីស្ដង់ដារអន្ដរជាតិដែលមានការទទួលស្គាល់ជាផ្លូវការពី SACE International។ កម្មវិធីអន្ដរជាតិបីភាសា ផ្ដល់ការអបរំដ៏មានគុណភាពដែលសិស្សានុសិស្សនឹងទទួលបានសញ្ញាបត្រ២គឺ បាក់ឌុបខ្មែរ១ដែលចេញដោយក្រសួងអប់រំ យុវជន និងកីឡា និងបាក់ឌុបអូស្រ្ដលី១ដែលចេញដោយ SACE International នៃរដ្ឋអូស្រ្ដលីខាងត្បូង នៅពេលបញ្ចប់ការសិក្សាថ្នាក់ទី១២។ សញ្ញាបត្រដែលទទួលស្គាល់ជាអន្ដរជាតិនេះ អនុញ្ញាតិឱ្យសិស្សានុសិស្សទៅបន្ដការសិក្សានៅជុំវិញពិភពលោកបានដោយពុំចាំបាច់ធ្វើតេស្ដចូលរៀន និងពុំចាំបាច់រៀនឆ្នាំមូលដ្ឋានឡើងវិញផងដែរ។  

ទាំងនេះគឺជាមោទនភាពដ៏ធំធេង និងជាសញ្ញាណបញ្ជាក់ថា សាលារៀនសុវណ្ណភូមិ នៅតែបន្តបេសកកម្មរបស់ខ្លួនយ៉ាងសកម្ម ក្នុងការចូលរួមចំណែកអភិវឌ្ឍធនធានមនុស្សនៅកម្ពុជា ឱ្យមានទាំងចំណេះដឹង សមត្ថភាព ចរិយាសម្បត្តិ និងបំណិនជីវិតពិតប្រាកដ ដើម្បីក្លាយជាសសរទ្រូងដ៏រឹងមាំសម្រាប់អភិវឌ្ឍប្រទេសជាតិទៅថ្ងៃអនាគត៕

The post សាលារៀនសុវណ្ណភូមិ របស់ឧកញ៉ា ជា ធីឡាយ បំបែកកំណត់ត្រានាំមុខគេក្នុងអត្រាប្រឡងជាប់ថ្នាក់ជាតិខ្ពស់បំផុតទូទាំងប្រទេស ៩៨% និងមានកំណើនសិស្សនិទ្ទេស A ក្នុងរយៈពេល ១១ឆ្នាំ ជាប់គ្នាសរុបចំនួន ៥៦២នាក់ appeared first on .

បើតាមសាលារៀនសុវណ្ណភូមិ បានបញ្ជាក់បែបនេះថា សាលារៀនសុវណ្ណភូមិ សូមជម្រាបជូនដំណឹងដល់ក្រុមគ្រួសារវីរយុទ្ធជនដែលបានពលីជីវិតក្នុងបុព្វហេតុការពារជាតិមាតុភូមិពីការឈ្លានពានរបស់កងទ័ពសៀមឱ្យបានជ្រាបថា ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារវីរយុទ្ធជនដែលបានពលី សាលារៀនសុវណ្ណភូមិ បានសម្រេចផ្ដល់ អាហារូបករណ៍១០០%រហូតដល់ចប់ថ្នាក់ទី១២ ទាំងកម្មវិធីចំណេះទូទៅខ្មែរ និងភាសាអង់គ្លេសទូទៅ ជូនដល់កូនៗរបស់វីរយុទ្ធជនដែលបានពលីនាពេលកន្លងមក។

សូមក្រុមគ្រួសាររបស់វីរយុទ្ធជនដែលបានពលីធ្វើការទំនាក់ទំនងមកកាន់ សាលារៀនសុវណ្ណភូមិតាមរយៈលេខ 015 838 902
ស្វែងរកទីតាំងដែលនៅជិតបំផុតដោយគ្រាន់តែចុចតំណរភ្ជាប់ ៖
https://www.google.com/maps/d/u/5/edit?mid=14hYtP0pIbacARQXTsaLohcEaY9xOLmtn&usp=sharing

សាលារៀនសុវណ្ណភូមិរួមគ្នាដើម្បីប្រទេសជាតិយើង

សាលារៀនសុវណ្ណភូមិនៅជាមួយអ្នក (https://www.sovannaphumi.edu.kh/)

The post សាលារៀនសុវណ្ណភូមិ ប្រកាសផ្ដល់ជូនអាហារូបករណ៍១០០% ជូនដល់កូនៗរបស់វីរយុទ្ធជនដែលបានពលីជីវិតដើម្បីបុព្វហេតុការពារជាតិមាតុភូមិ appeared first on .