ឧកញ៉ា​ ហេង ឡុង ប្រធានសមាគមមិត្តសិល្បៈស្មគ្រចិត្តជួយសង្គម បានលើកឡើងថា កម្មវិធីនេះរៀបចំឡេីងក្នុងគោលបំណង​ ដើម្បីជាការលើកទឹកចិត្ត និងបង្កើនភាពស្និទស្នាលដល់សិល្បកររៀមច្បងចាស់ជរា​ ដែលបានបាត់បង់សមត្ថភាពសិល្បៈទាំងស្រុងទៅហេីយ ក៏ដូចជាសិល្បករ-សិល្បការិនីដែលបានធ្លាប់បានចូលរួមសកម្មភាពជាមួយសមាគមនាពេលកន្លងមកប៉ុណ្ណោះ។

អញ្ជើញថ្លែងសន្ទរកថា ឯកឧត្តម ហ៊ុន ម៉ានី បានកោតសរសើរ និងវាយតម្លៃខ្ពស់ចំពោះ សមាគមមិត្តសិល្បៈស្ម័គ្រចិត្តជួយសង្គម ដែលបានផ្តួចផ្តើមគំនិតរៀបចំកម្មវិធីនេះឡើងហើយបានអញ្ជើញ សិល្បករ សិល្បការិនីរៀមច្បងមកចូលរួមអាហារសាមគ្គីដ៏មានអត្ថន័យនេះ។ ជាមួយគ្នានេះ ឯកឧត្តបានថ្លែងអំណរគុណយ៉ាងជ្រាលជ្រៅចំពោះកិច្ចខិតខំប្រឹងប្រែងដោយមិនខ្លាចនឿយហត់របស់លោកគ្រូ អ្នកគ្រូ ព្រឹទ្ធាចារ្យ សិល្បករ សិល្បការិនីខ្មែរគ្រប់រូប គ្រប់ជំនាន់ និងគ្រប់ទម្រង់នៃសិល្បៈខ្មែរទាំងអស់ ដែលតែងតែលើកស្ទួយសិល្បៈ និងវប្បធម៌ខ្មែរ។

ឯកឧត្តមបានលើកឡើងថា ការចូលរួមចំណែករបស់លោកគ្រូ អ្នកគ្រូ ព្រឹទ្ធាចារ្យ សិល្បករ សិល្បការិនីខ្មែរគ្រប់រូបនាពិតជាបានចូលរួមចំណែកយ៉ាងធំធេងសម្រាប់សង្គមជាតិ ក្នុងការការពារ ថែរក្សា ស្តារ និងកសាងឡើងវិញ នូវសិល្បៈខ្មែរ ដែលត្រូវបានបំផ្លិចបំផ្លាញស្ទើរទាំងស្រុងក្នុងរបបខ្មែរក្រហម ឲ្យក្លាយទៅជាវិស័យដ៏ពេញនិយមរបស់ប្រជាជនកម្ពុជាឡើងវិញ ក្នុងដំណាក់កាលសុខសន្តិភាព នាពេលបច្ចុប្បន្ន។ 

ឯកឧត្តមបានគូសបញ្ជាក់ថា លោកគ្រូ អ្នកគ្រូ ព្រឹទ្ធាចារ្យ សិល្បករ សិល្បការិនីទាំងអស់ មិនត្រឹមតែជា អ្នកបង្ហាត់បង្ហាញ និងជាអ្នកសម្ដែងជូនទស្សនិកជនទស្សនាប៉ុណ្ណោះទេ ប៉ុន្តែ គឺជាអ្នករក្សា ព្រលឹងរបស់ជាតិខ្មែរ ឲ្យនៅឋិតថេរជាមួយប្រជាជនខ្មែរគ្រប់រូប គ្រប់ស្រទាប់ទាំងក្នុង និងក្រៅប្រទេសផងដែរ។

សូមជម្រាបជូនថា ក្រុមហ៊ុនធំៗ ៤ដែលបានចូលរួមសហការជាមួយសមាគមមិត្តសិល្បៈស្ម័គ្រចិត្តជួយសង្គម មានដូចជា ក្រុមហ៊ុន ជីបម៉ុង គ្រុប របស់អ្នកឧកញ៉ា លាង ម៉េង ក្រុមហ៊ុន ហ្គាឡាក់ស៊ី ណាវ៉ាត្រា របស់អ្នកឧកញ៉ា ឡេង ណាវ៉ាត្រា ក្រុមហ៊ុន ស្រាបៀរ ហនុមាន របស់លោកស្រី ខៀវ សស៊ីលៀប និងក្រុមហ៊ុន ស្រាវិស្គី Royal Salute ៕

The post ឧកញ៉ា ហេង ឡុង សហការជាមួយក្រុមហ៊ុនធំៗ៤ រៀបចំពិធីពិសារអាហារសាមគ្គីជាមួយសិល្បករ សិល្បការិនីរៀមច្បងប្រមាណ ៥០០នាក់ appeared first on .

ក្នុងឱកាសនោះ ឧកញ៉ា ឡេង ប្រុស ក៏បានអញ្ជើញថ្លែង​​សន្ទរកថាដ៏មានអត្ថន័យខ្លឹមសារជ្រាលជ្រៅដែលរំលេចអំពីបេតិកភណ្ឌវប្បធម៌ដ៏សម្បូរបែបទាំងរូបី និនិងអរូបីដែលបុព្វបុរសខ្មែរបានបន្សល់ទុករហូតដល់សព្វថ្ងៃមិនត្រឹមតែ ជាសក្ខីភាពបង្ហាញពីភាពរុងរឿងថ្កុំថ្កើង​គួរជាទីស្ញប់ស្ញែង​នៃ​មនុស្សជាតិ​ប៉ុណ្ណោះទេ  ថែមទាំងមានតួនាទីដ៏សំខាន់ក្នុងការផ្សារភា្ជប់ទំនាក់ទំនងរវាងមនុស្សនិងមនុស្ស សង្គម​និងសង្គម ព្រមទាំងរួមចំណែកក្នុងការលើកកម្ពស់សេដ្ឋកិច្ចជាតិ និងភាពសុខសាន្តរបស់ប្រជាពលរដ្ឋ​ប្រកប​ដោយប្រសិទ្ធភាពទៀតផង។

លោកឧកញ៉ាថ្លែងគូសបញ្ជាក់ថា ក្នុងចរន្តនៃសាកលភាវូបនីយកម្ម សម័យបច្ចេកវិទ្យាទំនើបបានញ៉ាំង​ឱ្យ​សង្គម​មានការវិវត្តយ៉ាងគំហុក ដែលជាហេតុធ្វើឱ្យ​មរតកវប្បធម៌ដ៏មានតម្លៃមួយចំនួនទទួលរងនូវការប្រឈមយ៉ាងខ្លាំង រហូតអាចនឹងឈានទៅបាត់បង់ដោយអន្លើៗ។ ការណ៍នេះ យើងទាំងអស់គ្នា ត្រូវតែចូលរួមក្នុងការថែរក្សា ការការពារ ការអភិរក្សបេតិកភណ្ឌវប្បធម៌ជាតិឲ្យបានគង់វង្ស។

ថ្លែងនៅចំពោះមុខសិល្បៈករ ឧកញ៉ា ឡេង ប្រុស បានបញ្ជាក់​បន្ថែមថា៖ “ក្នុងនាមខ្ញុំបាទជាជនជាតិខ្មែរ ស្រឡាញ់និងឱ្យតម្លៃខ្ពស់ចំពោះវប្បធម៌​អរិយធម៌​ដ៏ល្អ​ផូផង់ ដែលដូនតាខ្មែរយើងបានបន្សល់ទុកជាទ្រព្យដ៏មានតម្លៃមិនអាចកាត់ថ្លៃបាន សម្រាប់ជូនដល់​ប្រជាជាតិ​ខ្មែរ​យើងសព្វថ្ងៃនេះ។ ខ្ញុំសង្ឃឹមនិងជឿជាក់យ៉ាងមុតមាំថា កម្មវិធីដ៏មានអន្ថន័យនេះ គឺជាផ្នែកមួយ ដែលនឹងបន្តបំផុសការចូលរួមរបស់យុវជន ឱ្យ​ស្វែងយល់កាន់តែច្បាស់អំពីទម្រង់សិល្បៈបុរាណ ជាពិសេសល្ខោន​ខោលខ្មែរ ដើម្បីបន្តសាមគ្គីគ្នា មិនត្រឹមតែថែរក្សាការពារ ឱ្យ​បានស្ថិតស្ថេរគង់វង្សប៉ុណ្ណោះទេ តែត្រូវជំរុញលើក​ស្ទួយ​ផ្សព្វផ្សាយ​សិល្បៈវប្បធម៌ខ្មែរ ឱ្យកាន់តែល្បីរន្ទឺបន្ថែមទៀត ទាំងក្នុងតំបន់ និងសកលលោក ដូចទៅនឹង​ពាក្យ​ស្លោកបុរាណយើងតែងលើកថា «វប្បធម៌រលត់ជាតិរលាយ វប្បធម៌ពណ្ណរាយ ជាតិថ្កើងថ្កាង»”។

នៅក្នុងឱកាសនេះដែរ ឧកញ៉ា ឡេង ប្រុស ដំណាងអ្នកឧកញ៉ា ឡេង ណាវ៉ាត់ត្រា ក៏បាន​នាំយក​ថវិកា​​ចំនួន ៣​ពាន់​ដុល្លារ​អាមេរិក ​​ឧបត្ថម្ភ​ជូន​ដល់កម្មវិធី ទិវាបេតិកភណ្ឌលើកទី៥ ផងដែរ។ សូមជម្រាបថា កម្មវិធីនេះរៀបចំ​ដោយ សាលាសិល្បៈហ៊្វូណន និងសាលារបាំបុប្ផាទេ ដើម្បីអបអរសាទរខួប០៤ឆ្នាំ​នៃ​ល្ខោនខោល ខួប១៩ឆ្នាំនៃរបាំព្រះរាជទ្រព្យ ខួប១៧ឆ្នាំនៃល្ខោនស្រមោលស្បែកធំ ខួប០៥ឆ្នាំនៃចាប៉ីដងវែងខ្មែរ ដែលចូលជាសម្បត្តិបេតិកភណ្ឌអរូបីនៃមនុស្សជាតិ ដោយអង្គការយូណេស្កូ (UNESCO)៕

The post ឧកញ៉ា ឡេង ប្រុស៖ សិល្បៈជាដួងប្រលឹង និងរួមចំណែកក្នុងការលើកកម្ពស់សេដ្ឋកិច្ចជាតិ appeared first on .

តើយុវជន ណាក់ ណយ ជានរណា ហើយគាត់នឹងនាំយកនូវស្នាដៃអ្វីមកតាំងពិព័រណ៌លក់ជូនភ្ញៀវ នៅសណ្ឋាគារលំដាប់ផ្កាយ ៥ ហៃយ៉ាត់ រីជីនស៊ី ភ្នំពេញ?

ណាក់ ណយ ជាយុវជន មានអាយុ ២២ ឆ្នាំ ជា​វិចិត្រករគូរគំនូសហសម័យ ហើយមានដើមកំណើតនៅខេត្តសៀមរាប​។ បច្ចុប្បន្ន ណយ គឺជានិស្សិតអាហារូបករណ៍ ថ្នាក់ឆ្នាំទី១ ផ្នែកគូរគំនូនៅសាលា ហ្វាពន្លឺសិល្បៈខេត្តបាត់ដំបង ហើយលោកបានបង្កើត​ស្នាដៃ​គំនូជាច្រើន និងត្រូវបានទទួលស្គាល់យ៉ាងឆាប់រហ័សពីមហាជន។

ពីកុមារភាព ក្នុងវ័យ ៦ឆ្នាំ ណយ ចាប់ផ្ដើមចេះគូគំនូ រហូតមានសមត្ថភាព គំនូរផ្ទាល់ខ្លួន​លក់ជូនមិត្តភ័ក្តិ និងអ្នកស្រលាញ់ស្នាដៃសិល្បៈគំនូបែបច្នៃប្រឌិតស្រមើស្រមៃនេះ តាំងពីឆ្នាំ ២០១៥។ ការណ៍នេះ  បានជំរុញទឹកចិត្ត​លោក ឱ្យស្រលាញ់សិល្បៈគំនូនេះកាន់តែខ្លាំងឡើងៗ។

ភាពជោគជ័យរបស់ លោក​ ណយ ក្នុងនាមជាសិល្បករខ្មែរវ័យក្មេង កើតឡើងពីការកែច្នៃគំនូ រូបភាពដូចសុបិន និងកំពុងកើតឡើងក្នុងពិភពមួយថ្មីដាច់ដោយឡែក។ រាល់រូបគំនូរបស់ ណយ សុទ្ធតែកើតចេញពីការបំផុសគំនិតរបស់ខ្លួន និងដើម្បីស្វែងរកទិដ្ឋភាពថ្មីៗឲ្យកាន់តែអស្ចារ្យសម្រាប់អ្នកទស្សនារូបភាព។

ស្ទីលប្លែកៗនៃសិល្បៈគំនូររបស់ ណាក់ ណយ កើតឡើងពីការស្រមើលស្រមៃរបស់គាត់តាមរយៈមជ្ឈដ្ឋានជាច្រើន។ របៀនៃការគូររូប ជាចម្បងគឺចាប់ផ្តើមនៅលើអាគ្រីលីក ជាមួយផ្ទាំងក្រណាត់ដាក់ពីលើ បន្ទាប់មកការលាយទឹកថ្នាំនៅលើក្រដាសអមដោយការស្រមៃ​និងរបៀបនៃការប្រើឧបករណ៍នីមួយៗ។ គ្រឿងអលង្កា និងសំលៀកបំពាក់ដ៏ប្រណិត លើរូបគំនូរបស់ ណាក់ ណយ គឺយោងទៅលើស្ថាបត្យកម្មខ្មែរបុរាណបង្ហាញពីភាពស្រស់ស្អាត និងក្តីសង្ឃឹម រួមបញ្ចូលជាមួយធម្មជាតិដែលនៅជុំវិញខ្លួន។​

តម្លៃសំបុត្រចូលរួមពិព័រណ៌ខាងលើ ត្រឹមតែ 55ដុល្លារ ក្នុងម្នាក់ (រួមបញ្ចូលការទស្សនាការគូរគំនូរផ្ទាល់នៅលើកញ្ចក់របស់លោក ណាក់ ណយ ភេសជ្ជៈ អាហារសម្រន់ និងចង្វាក់ DJ កំណរអារម្មណ៍ នារាត្រីដ៏សែនមនោរម្យ នៅសណ្ឋាគារ ហៃយ៉ាត់ រីជីនស៊ី ភ្នំពេញ ៕

The post ណាក់ ណយ ម្ចាស់គំនូបែបវេទមន្តចង់ឱ្យតួអង្គគំនូខ្លួនញញឹមក្នុងពិភពមួយថ្មីខុសពីគេ appeared first on .

សម្តេចតេជោ ហ៊ុន សែន បានជំរុញឲ្យក្រសួងវប្បធម៌ និងវិចិត្រសិល្បៈ រួមជាមួយក្រ​សួងស្ថាប័នពាក់ព័ន្ធ និងឤជ្ញាធរដែនដី គ្រប់ជាន់ថ្នាក់ត្រូវបន្តយក ចិត្តទុកដាក់ថែ​រក្សាការពារ និងបង្ក្រាបរាល់ បទល្មើសឱ្យបានទាន់ ពេលវេលា និងប្រកបដោយ​ប្រសិទ្ធភាពនៅតាម ទីតាំងតំបន់ប្រាសាទ រមណីយដ្ឋាន ប្រវត្តិសា្រស្ត វត្តឤរាម សំណង់ប្រវត្តិសាស្ត្រ និងសំណង់ ដែលមានឤយុកាលរាប់ រយឆ្នាំនៅតាម មូលដ្ឋាននៅទូទាំងប្រទេស។

សម្តេចក៏បានណែនាំឲ្យក្រសួងវប្បធម៌ ត្រូវបន្តរួមគ្នាធ្វើបញ្ជីសារពើ​ភណ្ឌគ្រប់ទីតាំង​នៃបេតិកភណ្ឌរូបី ទាំងនោះឱ្យបានសព្វគ្រប់ ដើម្បីចៀសវាងការ រំលោភបំពាន ហើយត្រូវបន្តទាមទារយកមកវិញ នូវបដិមានានា របស់ជាតិ ដែលបាន​បាត់បង់កន្លង​មកក្នុងអំឡុងសម័យសង្គ្រាម៕

The post សម្តេចតេជោ ហ៊ុន​ សែន​៖ ត្រូវ​ប​ញ្ឈប់​​ជា​បន្ទាន់ ការរំលោ​ភ​បំពាន​លើ​សិទ្ធិអ្នកនិពន្ធ និង​យកស្នាដៃ​គេមក​ធ្វើឡើង​វិញដោយគ្មានការ​អនុញ្ញាត appeared first on .

សម្តេចតេជោ ហ៊ុន សែន លើកឡើងនាពេលនេះ ធ្វើឡើងនៅក្នុងពិធីអបអរសាទរទិវា «វប្បធម៌ជាតិ ៣មីនា» លើកទី២២ និងផ្តល់កិត្តិយសប្រគល់បណ្ណសរសើរដល់មន្ត្រី និងសិល្បៈករមានស្នាដៃក្នុងការថែរក្សាការពារវប្បធម៌ជាតិ នារសៀលថ្ងៃទី០៣ ខែមីនា ឆ្នាំ២០២០ នៅមជ្ឈមណ្ឌលកោះពេជ្រ កាលពីរសៀលថ្ងៃទី៣ ខែ មីនា ឆ្នាំ២០២០។

ក្នុងឪកាសនោះ សម្តេច នៅតែបន្តអំពាវនាវអោយប្រជាពលរដ្ឋទាំងអស់ចូលរួមទប់​ស្កាត់ព័ត៌មានក្លែងក្លាយ ព័ត៌មិនពិត(Fake News)ដែលបានផ្សព្វផ្សាយ​បំពុល​សង្គម​ពីការឆ្លងជំងឺនេះ។

សូមជម្រាបថា ការស្នើសុំទៅកាន់សិល្បៈករ សិល្បៈការរិនី ពីសំណាក់សម្តេច ហ៊ុន សែន ជាថ្មីម្តង​ទៀតនេះ ធ្វើឡើង​បន្ទាប់​ពីសង្កេតឃើញមួយរយៈចុងក្រោយនេះ មានការផ្សព្វផ្សាយព័ត៌មាន​ក្លែងក្លាយ តាមរយៈ​បណ្តាញ​សង្គម ដែលបានផ្សព្វផ្សាយ​បំពុលសង្គមពីការឆ្លងជម្ងឺកូរ៉ូណា​កម្ពុជា កាន់តែច្រើន បើទោះជាមានការអះអាង​ពីក្រសួង​​សុខាភិបាលកម្ពុជា ថាគ្មានអ្នក​កើតជំងឺនេះ​នៅ​កម្ពុជា​ក៏ដោយ៕ អត្ថបទ៖ សិរីកា

The post សម្តេច ហ៊ុន ​សែន ​ស្នើសិ​ល្បៈករ ធ្វើជា​សកម្មជនចូ​ល​រួម​ទប់ស្កាត់​ការ​ផ្សព្វផ្សាយ​ព័ត៌មាន​មិនពិតនៃ​ជំ​ងឺ​ឆ្លង COVID-19 appeared first on .