លោក Chaiwat Luangamornlert ដែលជាស្ថាបនិក និងជាប្រតិបត្តិរបស់ Siam Amazing Park បានថ្លែងថា លោកសុខចិត្តលក់អាជីវកម្មមួយនេះចោល ប្រសិនបើមានអ្នកចាប់អារម្មណ៍ទិញ និងបន្តការគ្រប់គ្រង។

គួរឲ្យដឹងថាសួនកម្សាន្តដ៏ធំបំផុតមួយនេះត្រូវបង្ខំចិត្តបិទទ្វាររយៈពេលប្រហែល ៦ខែ ចាប់តាំងពីថ្ងៃទី២៦ ខែកញ្ញា មក ក្រោយពេលទឹកជំនន់បានលិចលង់តំបន់សួនទឹក និងកន្លែងលេងកម្សាន្តផ្សេងៗ នៅក្នុងសួនទាំងស្រុង។

យ៉ាងណាមិញ​ លោក Chaiwat បានចាត់ទុកគ្រោះទឹកជំនន់លើកនេះថាជាវិបត្តិដ៏ធំបំផុតក្នុងជីវិតរបស់លោក ដោយបានវាយតម្លៃការខូចខាតបឋមមិនតិចជាង ៥០០លានបាតនោះឡើយ។

ជម្រាបជូនថា ដោយបើកដំណើរការតាំងពីឆ្នាំ១៩៨០ Siam Amazing Park មានឧបករណ៍លេងកម្សាន្តជាង ៣០ ប្រភេទ។ កាលពីឆ្នាំមុន សួនកម្សាន្តនេះទទួលបានភ្ញៀវទេសចរប្រមាណ ៥០០ ០០០ នាក់ ប៉ុន្តែបន្ទាប់មកចំនួនអ្នកចូលទស្សនាបានធ្លាក់ចុះ ៤០% ទៅ ៥០% ក្នុងកំឡុង ៧ខែដំបូងនៃឆ្នាំនេះ៕​

The post ទប់ទល់លែងជាប់!​ សួនកម្សាន្តអាយុកាលជិត ៥០ឆ្នាំនៅទីក្រុងបាងកក ត្រូវម្ចាស់ដាក់លក់ក្នុងតម្លៃ ៣០០លានដុល្លារ appeared first on .