របាយការណ៍របស់ AMRO បានឱ្យដឹងថា៖កំណើនសេដ្ឋកិច្ចនេះ ដោយសារការងើបឡើងវិញនៃវិស័យកាត់ដេរ និងវិស័យមិនមែនកាត់ដេរ។ វិស័យទេសចរណ៍ ក៏បានដើរតួនាទីយ៉ាងសំខាន់ក្នុងការជំរុញកំណើនសេដ្ឋកិច្ចផងដែរ។
ទោះបីជាមានការព្យាករកំណើនប្រកបដោយសុទិដ្ឋិនិយមក៏ដោយ កម្ពុជាប្រឈមនឹងហានិភ័យខាងក្រៅមួយចំនួដូចជាការធ្លាក់ចុះសក្តានុពលនៅក្នុងសេដ្ឋកិច្ចធំៗដូចជា ប្រទេសចិន សហរដ្ឋអាមេរិក និងអឺរ៉ុប ដែលអាចប៉ះពាល់ដល់តម្រូវការសម្រាប់ការនាំចេញរបស់កម្ពុជា។ លើសពីនេះ ការប្រែប្រួលនៃតម្លៃទំនិញពិភពលោកបង្កហានិភ័យដល់ស្ថិរភាពសេដ្ឋកិច្ចរបស់ប្រទេស ជាពិសេសក្នុងវិស័យដូចជាអាហារ និងថាមពល។

វិស័យធនាគាររបស់កម្ពុជាកំពុងរងសម្ពាធពីការកើនឡើងនៃអត្រាឥណទានមិនដំណើរការ (NPLs) ជាពិសេសនៅក្នុងវិស័យដូចជាអចលនទ្រព្យ សណ្ឋាគារ និងភោជនីយដ្ឋាន។ ការវិភាគរបស់ AMRO បានបង្ហាញថា ខណៈពេលដែលវិស័យធនាគារនៅតែមានភាពធន់ជារួម ធនាគារមួយចំនួន ដែលងាយរងគ្រោះពីវិស័យទាំងនេះ អាចប្រឈមមុខនឹងបញ្ហាប្រឈមទាក់ទងនឹងដើមទុន។ចំណែកវិស័យអចលនទ្រព្យនៅកម្ពុជាជាវិស័យមួយទៀត ដែលបន្តមានកំណើនទាប។

ចំណែកធនាគារពិភពលោក World Bank បានព្យាករថា សេដ្ឋកិច្ចកម្ពុជាក្នុងឆ្នាំ ២០២៤ នឹងទទួលបានកំណើន ៥.៨% តែនាយករដ្ឋមន្ដ្រីកម្ពុជាសម្តេចធិបតី ហ៊ុន ម៉ាណែតថានឹងមានរហូតដល់ទៅ ៦.៦%៕

The post AMRO ព្យាករថាសេដ្ឋកិច្ចកម្ពុជា នឹងកើនឡើង ៥.៦% នៅឆ្នាំ ២០២៤ appeared first on .

បើតាមរបាយការណ៍ខាងលើ បានឲ្យដឹងថា អត្រាអតិផរណានៅកម្ពុជា ត្រូវបានប៉ាន់ស្មានថាស្ថិតក្នុងរង្វង់ ២.៧% សម្រាប់ឆ្នាំ ២០២៤ ដោយសារការបន្ត ងើបវិញនៃសកម្មភាពចាយវាយ និងប្រើប្រាស់ក្នុងស្រុក ស្របពេលដែលថ្លៃទំនិញអន្តរជាតិនៅបន្តរក្សាបានស្ថិរភាព។

ទន្ទឹមនេះ ក្នុងឆ្នាំ ២០២៤ អត្រាប្តូរប្រាក់ផ្លូវការ ត្រូវបានរំពឹងថានឹងធ្លាក់មកត្រឹមប្រមាណ ៤ ០៨៣ រៀល ក្នុងមួយដុល្លារអាម៉េរិក ដោយសារការរំពឹងទុកពីការបន្ធូរបន្ថយនូវការរឹតបន្តឹងគោលនយោបាយរូបិយវត្ថុ គួបផ្សំនឹងវិធានការអន្តរាគមន៍របស់ធនាគារជាតិនៃកម្ពុជា ក្នុងការរក្សាស្ថិរភាពប្រាក់រៀល។

របាយការណ៍ដដែលបានបន្តថា ក្នុងរយៈពេលមធ្យមខាងមុខ (ឆ្នាំ ២០២៥-២០២៧) អត្រាអតិផរណា ត្រូវបានព្យាករថានឹងស្ថិតក្នុងរង្វង់ ២,៥% ដោយសារការរក្សាបាននូវចលនការសេដ្ឋកិច្ចក្នុងស្រុក និងប្រក្រតីភាពនៃស្ថានភាព និងថ្លៃទំនិញអន្តរជាតិ។

ចំណែកឯអត្រាប្តូរប្រាក់ផ្លូវការ ត្រូវបានរំពឹងថានឹងរក្សាបានក្នុងរង្វង់ជាមធ្យម ៤ ០៦០ រៀល ក្នុងមួយដុល្លារអាម៉េរិក។ចំពោះ ឱនភាពគណនីចរន្ត (រួមបញ្ចូលបង្វែរ) រំពឹងថានឹងត្រលប់ទៅរកនិន្នាការធម្មតាវិញ ពោលគឺមានឱនភាពក្នុងរង្វង់ ១,៥% នៃ ផ.ស.ស. ដោយសារការរំពឹងទុកនូវការងើបវិញនៃការនាំចូលជារួម។ ការនាំចេញ ក៏រំពឹងថានឹងបន្តងើប និងរក្សាបាននូវចលនការ ដែលនឹងបន្តជំរុញដោយការនាំចេញផលិតផលកម្មន្តសាលមិនមែនកាត់ដេរ និងការងើបវិញនៃការនាំចេញផលិតផលកាត់ដេរ។

សម្រាប់រយៈពេលមធ្យមខាងមុខ (២០២៥-២០២៧) ឱនភាពគណនីចរន្ត ត្រូវបានព្យាករថានឹងស្ថិតក្នុងរង្វង់ជាមធ្យមប្រមាណ ៣.៧% នៃផ.ស.ស. ដោយសារការរំពឹងទុក ពីការរក្សាបាននូវសមតុល្យពាណិជ្ជកម្ម ស្របពេលដែលចំណូលពីវិស័យទេសចរណ៍ក៏នៅបន្តមាននិន្នាការល្អ។

សូមបញ្ជាក់ផងដែរថា សេដ្ឋកិច្ចកម្ពុជានៅឆ្នាំ២០២៤ រំពឹងថានឹងសម្រេចបានកំណើនក្នុងរង្វង់ ៦,៦% ដែលធ្វើឱ្យផលិតផលក្នុងស្រុកសរុប (ផ.ស.ស) ថ្លៃបច្ចុប្បន្នស្ថិតក្នុងរង្វង់ ១៤២ ៩៥៧ ប៊ីលានរៀល សមមូលនឹងប្រមាណ ៣៥ ១៦៨ លានដុល្លារ ស្របពេលដែល ផ.ស.ស សម្រាប់មនុស្សម្នាក់ត្រូវបានរំពឹងថា នឹងកើនឡើងដល់ ២ ០៧១ដុល្លារ ខណៈឆ្នាំ២០២៣ មានត្រឹម១ ៩១៧ ដុល្លារប៉ុណ្ណោះ៕

The post អត្រាអតិផរណានៅកម្ពុជាឆ្នាំ២០២៤ ប៉ាន់ស្មានថានឹងកើនដល់ ២.៧% ស្របពេលថ្លៃទំនិញអន្តរជាតិនៅបន្តរក្សាបានស្ថិរភាព appeared first on .

ទស្សនវិស័យអភិវឌ្ឍន៍អាស៊ី សម្រាប់ខែមេសា ឆ្នាំ២០២៤  បានប៉ាន់ប្រមាណកំណើនសេដ្ឋកិច្ចក្នុងកម្រិត ៥,0% ក្នុងឆ្នាំ២០២៣។ កំណើននេះ វាបានជំរុញដោយការស្ទុះឡើងវិញយ៉ាងខ្លាំងក្នុងវិស័យទេសចរណ៍ បើប្រៀបធៀបនឹងសមិទ្ធផល ដែលវិស័យនេះ សម្រេចបានក្នុងឆ្នាំ២០២២ និងកំណើនដ៏រឹងមាំដែលវិស័យកម្មន្តសាលក្រៅពី GFT បន្តសម្រេចបាន។

របាយការណ៍នេះ បានព្យាករពីកំណើនដែលនឹងមានជាបន្តទៀតសម្រាប់សេដ្ឋកិច្ចនៅឆ្នាំ២០២៤-២០២៥ ដោយមានការគាំទ្រកាន់តែខ្លាំងពីផលិតកម្មវិស័យកម្មន្តសាលសម្រាប់ការនាំចេញ។ អតិផរណាជាមធ្យមប្រចាំឆ្នាំដែលមានការថយចុះមក ២,១% នៅក្នុងឆ្នាំ២០២៣ ដោយសារមានការថយចុះនៃថ្លៃថាមពលអន្តរជាតិ ត្រូវបានព្យាករថានឹងបន្តនៅក្នុងរង្វង់ ២,០% នៅក្នុងពេល២ឆ្នាំខាងមុខនេះ។

រាជរដ្ឋាភិបាលគ្រោងអនុវត្តការពង្រឹងការគ្រប់គ្រងថវិកាជាបណ្តើរៗចាប់ពីឆ្នាំ២០២៤ ដើម្បីស្តារឡើងវិញនូវទុនបម្រុងដែលបានស្រកចុះដោយសារការរីករាលដាលជំងឺរាតត្បាត។ ប៉ុន្តែបញ្ហាប្រឈមដូចជា និន្នាការធ្លាក់ចុះនៃសេដ្ឋកិច្ចសកល កំណើនបំណុលឯកជន ការប្រែប្រួលថ្លៃថាមពល និងភាពងាយរងគ្រោះនឹងអាកាសធាតុ អាចជះឥទ្ធិពលដល់ទស្សនវិស័យរយៈពេលវែង។

លោកស្រី Jyotsana Varma មានប្រសាសន៍ថា «បញ្ហាប្រឈមទាំងនេះបន្ថែមភាពស្មុគស្មាញដល់ទស្សនវិស័យនៃសេដ្ឋកិច្ចកម្ពុជា។ ប៉ុន្តែកម្ពុជាកំពុងឈានទៅមុខ ជាមួយនឹងសុទិដ្ឋិនិយមប្រកបដោយ ភាពប្រយ័ត្នប្រយែង»៕

The post សេដ្ឋកិច្ចកម្ពុជាព្យាករណ៍ថានឹងកើន៥,៨% នៅឆ្នាំ២០២៤ និង៦% នៅឆ្នាំ២០២៥ appeared first on .

ក្នុងវេទិការសាធារណៈស្តីពីការគ្រប់គ្រងម៉ាក្រូសេដ្ឋកិច្ច និងច្បាប់ថវិកាឆ្នាំ២០២៤ នៅសណ្ឋាគារ ហៃយ៉ាត់ រីជេនស៊ី របស់អ្នកឧកញ៉ា លាង ឃុន កាលពីថ្ងៃចន្ទ ទី១៩ ខែកុម្ភៈម្សិលមិញលោក ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានលើកឡើងថា សេដ្ឋកិច្ចកម្ពុជានៅឆ្នាំ ២០២៤នេះ ត្រូវបានព្យាករណ៍ថានឹងងើបល្អប្រើសើរឡើងវិញ ហើយរំពឹងថានឹងសម្រេចបានកំណើនក្នុងរង្វង់ ៦,៦% ដែលធ្វើឱ្យផលិតផលក្នុងស្រុកសរុប ( ផសស) ថ្លៃបច្ចុប្បន្នស្ថិតក្នុងរង្វង់ ១៤២.៩៥៧ប៊ីលានរៀល ស្មើនឹងប្រមាណ ៣៥.១៦៨ លានដុល្លារអាម៉េរិក ស្របពេលដែល ផសស សម្រាប់មនុស្សម្នាក់ត្រូវបានរំពឹងថា នឹងកើនឡើងដល់ ២០៧១ដុល្លារអាម៉េរិក បើប្រៀបធៀបនឹង ១.៩១៧ល្លារអាមេរិក ក្នុងឆ្នាំ ២០២៣។

លោកបន្តថា ស្របពេលសេដ្ឋកិច្ចសកលនៅក្នុងប្រទេសដៃគូពាណិជ្ជកម្មរបស់កម្ពុជាមានភាពល្អប្រសើរជាងមុន ខណៈដែលវិស័យមួយចំនួននៅក្នុងស្រុក បានងើបឡើងល្អប្រសើរផងដែរ ដូចជាវិស័យមិនមែនកាត់ដេរ បាននិងកំពុងបន្តនិន្នការនាំចេញមានកំណើនកើនឡើង, វិស័យទេសចរណ៍ នឹងកើនឡើងជាងឆ្នាំ ២០២៣ រួមជាមួយការងើបឡើងវិញនៃវិស័យកាត់ដេរ, ជាក់ស្តែងវិស័យកាត់ដេរនៅក្នុងដើមឆ្នាំ២០២៤នេះ បាននាំចេញមានតម្លៃខ្ពស់ជាងការនាំចេញក្នុងរយៈពេលដូចគ្នាឆ្នាំ២០២៣។

សម្រាប់អត្រាប្តូរប្រាក់រៀល លោកលើកឡើងថា គឺនៅតែបន្តស្ថិតនៅក្នុងរង្វង់ ៤.០៦៥រៀល ក្នុងមួយដុល្លារអាមេរិក ក្នុងឆ្នាំ ២០២៤។ លោកបន្ថែមថា ឱនភាពគណនីចរន្ត ត្រូវបានព្យាករថា នឹងរួមតូចបន្តិចមកត្រឹម ៩,៦% នៃ ផសស ដោយសារការរំពឹងទុកលើការបន្តកើនឡើងនូវការនាំចេញ និងចំណូលពីវិស័យទេសចរណ៍។ ចំណែកឯទុនបម្រុងអន្តរជាតិសរុប ត្រូវបានរំពឹងថា នឹងកើនឡើងដល់ ២១,២៨ពាន់លានដុល្លារអាម៉េរិក និងធានាការនាំចូលបាន ៦,៦ខែ។

លើសពីនេះ បើតាមលោក ផាន់ ផល្លារ កម្ពុជាក៏បានបង្កើនការប្រុងប្រយ័ត្នខ្ពស់ផងដែរសម្រាប់ឆ្នាំ២០២៤នេះ ក្នុងបរិបទនៃការកើនឡើងនូវបញ្ហាប្រឈម និងហានិភ័យទាំងក្នុង និងក្រៅប្រទេស ដែលបាន និងកំពុងបង្កការគំរាមមកលើចីរភាព និងនិរន្តរភាពនៃការអភិវឌ្ឍ៕

The post លោក ផាន់ ផល្លារ៖ សេដ្ឋកិច្ចកម្ពុជានៅឆ្នាំ២០២៤នេះនឹងងើបល្អប្រើសើរឡើងវិញ appeared first on .

របាយការណ៍ធនាគារពិភពលោក កាលពីថ្ងៃទី២២ វិច្ឆិកា បានឱ្យដឹងថា ក្នុងឆ្នាំនេះ កត្តារួមផ្សំរវាងសម្ពាធពីខាងក្រៅនិងបញ្ហាប្រឈមផ្នែករចនាសម្ព័ន្ធ ដែលដាក់សម្ពាធលើកំណើន ទោះបីជាមានការងើបឡើងវិញក្នុងវិស័យទេសចរណ៍ និងសេវាដទៃទៀតក៏ដោយ។ប្រសិនបើការកែទម្រង់រចនាសម្ព័ន្ធដើរអមគ្នាជាមួយការវិនិយោគលើហេដ្ឋារចនាសម្ព័ន្ធ និងកាលានុវត្តភាពពាណិជ្ជកម្ម នោះវានឹងនាំឱ្យកំណើនបន្តបង្កើនល្បឿននៅក្នុងរយៈពេលមធ្យម និងរយៈពេលវែង។

លោកស្រី ម៉ារីយ៉ាម សាលីម នាយកគ្រប់គ្រងនៃធនាគារពិភពលោកប្រចាំនៅកម្ពុជា បានឱ្យដឹងថា ដើម្បីរក្សាបាននូវកំណើនសេដ្ឋកិច្ច កម្ពុជាចាំបាច់ត្រូវជួយដល់វិស័យឯកជនឱ្យបំពេញមុខងារជាក្បាលម៉ាស៊ីនកំណើនមួយ ហើយកិច្ចការនេះអាចសម្រេចបាន ដោយធ្វើសកម្មភាពភ្លាមៗក្នុងការកែលម្អការបំពេញកិច្ចរបស់វិស័យសាធារណៈ”។លើសពីនោះ ការរក្សាស្ថេរភាពហិរញ្ញវត្ថុក៏ជាអាទិភាពមួយដែរ ហើយចាំបាច់ត្រូវតែខិតខំថែមទៀតក្នុងស្តារលំហសារពើពន្ធឡើងវិញ។

បើទោះជាមានការវិនិយោគច្រើនទៅលើហេដ្ឋារចនាសម្ព័ន្ធសាធារណៈកន្លងមកក្តី ផ្នែកដឹកជញ្ជូននិងប្រព័ន្ធឡូហ្ស៊ីស្ទិកដែលសមត្ថភាពនៅមានកម្រិត និងការផ្គត់ផ្គង់ថាមពល នៅតែបន្តជាបន្ទុកខ្ពស់លើចំណាយថ្លៃដើមរបស់ធុរកិច្ច និងរបស់អ្នកប្រើប្រាស់ទូទៅ។

ចំណែកវិស័យទេសចរណ៍ ទោះបីជាមានភ្ញៀវទេសចរអន្តរជាតិចូលប្រទេសវិញជាហូរហែក៏ដោយ ក៏ប្រាក់ចំណូលនៅតាមគោលដៅទេសចរណ៍សំខាន់ៗមួយចំនួន នៅតែមានចំនួនទាបជាងកម្រិតមុនការផ្ទុះជំងឺរាតត្បាតនៅឡើយ។រីឯការវិនិយោគលើការផលិតទំនិញ រួមទាំងសម្លៀកបំពាក់ និងការនាំចេញទំនិញសម្រេចក៏បានធ្លាក់ចុះ ដែលឆ្លុះបញ្ចាំងឱ្យឃើញអំពីតម្រូវការទាបនៅលើទីផ្សារពិភពលោក។ជាលទ្ធផល ការងារនៅផ្នែកឧស្សាហកម្មផលិតកម្មបានធ្លាក់ចុះ ៥% ដែលញ៉ាំងឱ្យអាជ្ញាធរធ្វើអន្តរាគមន៍ផ្តល់ការគាំទ្រផ្នែកហិរញ្ញវត្ថុដល់កម្មករដែលត្រូវបានបញ្ឈប់ពីការងារ។

បើតាមធនាគារពិភពលោក កំណែទម្រង់រចនាសម្ព័ន្ធដែលអាចជួយកម្ពុជាជំរុញឱ្យមានកំណើនប្រកបដោយចីរភាព និងតាមលំនាំដែលមានផលិតភាពនាំមុខ គឺត្រូវធ្វើកំណែទម្រង់មួយចំនួនដូចជា ការកែលម្អបរិយាកាសធុរកិច្ចដើម្បីបង្កើនផលិតភាព និងការប្រកួតប្រជែង, ការធ្វើឱ្យប្រសើរឡើងនូវហេដ្ឋារចនាសម្ព័ន្ធ និងបណ្តាញតភ្ជាប់ផ្លូវ និងការធ្វើឱ្យប្រសើរឡើងនូវជំនាញរបស់កម្លាំងពលកម្ម៕

The post World Bank៖ ឆ្នាំ២០២៤ សេដ្ឋកិច្ចកម្ពុជាឡើងដល់ ៥,៨% និង៦,១% ក្នុងឆ្នាំ២០២៥ ដោយសារកើនឡើងការវិនិយោគហេដ្ឋារចនាសម្ព័ន្ធ និងកិច្ចព្រមព្រៀងពាណិជ្ជកម្មនានា appeared first on .