តួលេខចំណូលដ៏ច្រើននេះ ត្រូវបានរួមបញ្ចូលគ្នាដោយចំណូលពន្ធពីទំនិញឌីជីថល បច្ចេកវិទ្យាហិរញ្ញវត្ថុ (Fintech) ទ្រព្យសកម្មឌីជីថល ក៏ដូចជាប្រព័ន្ធព័ត៌មានលទ្ធកម្មរបស់រដ្ឋាភិបាល (SIPP) ផងដែរ។

ទន្ទឹមនឹងនេះ​ បើតាមមន្ត្រីពន្ធដារជាន់ខ្ពស់ លោក Rosmauli បាននិយាយថា ចំណូលពន្ធចំនួនប្រមាណជាង ៤៤,៥ទ្រីលានរូពីនេះ បានបង្ហាញពីទំហំនៃសេដ្ឋកិច្ចឌីជីថលដែលកំពុងរួមចំណែកយ៉ាងច្រើនដល់ប្រាក់ចំណូលរបស់រដ្ឋ។

ជម្រាបជូនថា ប្រទេសឥណ្ឌូណេស៊ីបានចាប់ផ្តើមប្រមូលពន្ធលើតម្លៃបន្ថែម (VAT) ពីទំនិញ និងសេវាកម្មឌីជីថល នៅក្នុងខែកក្កដា ឆ្នាំ២០២០។ ចំណូលពីវិស័យនេះមានចំនួនសរុប ៣៤,៥៤ទ្រីលានរូពី គិតត្រឹមឆ្នាំ២០២៥ ដែលរួមចំណែកដោយក្រុមហ៊ុនបច្ចេកវិទ្យាចំនួន ២១៥៕​

The post ឥណ្ឌូណេស៊ី កើបចំណូលពន្ធបានជិត ៣ពាន់លានដុល្លារ ពីវិស័យឌីជីថល appeared first on .

តាមការឱ្យដឹងពីក្រសងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានបង្ហាញថា នៅទូទាំងពិភពលោក សេដ្ឋកិច្ចច្នៃប្រឌិតមានតម្លៃប្រមាណ ២,២ ទ្រីលានដុល្លារអាមេរិក ដែលរួមចំណែកប្រហែល ៣% នៃសេដ្ឋកិច្ចពិភពលោក និងផ្តល់ការងារប្រមាណ ៣០ លានកន្លែងនៅក្នុងឧស្សាហកម្មនានា ដូចជាភាពយន្ត ភាពយន្តជីវចល ហ្គេម ការរចនា និងប្រព័ន្ធផ្សព្វផ្សាយឌីជីថល។

តំបន់អាស៊ីបានក្លាយជាមហាអំណាចមួយក្នុងវិស័យនេះ ដោយកូរ៉េខាងត្បូងបានកសាងឧស្សាហកម្មមាតិកាវប្បធម៌ដែលមានតម្លៃប្រមាណ ១១៣ ពាន់លានដុល្លារអាមេរិកក្នុងរយៈពេលត្រឹមតែ៣ទសវត្សរ៍ ដោយផ្តល់ការងារជាង ៦០០.០០០ កន្លែង។ ប្រទេសជប៉ុនក៏មានភាពលេចធ្លោជាសកលផងដែរ ជាមួយនឹងឧស្សាហកម្មគំនូរជីវចល ហ្គេម ការរចនា ការតែងនិពន្ធ និងប្រព័ន្ធផ្សព្វផ្សាយ ដែលបង្កើតចំណូលរាប់ពាន់លានដុល្លារ និងកំពុងមានឥទ្ធិពលលើវប្បធម៌ពិភពលោក។

នៅកម្ពុជា ភាពខ្លាំងនៃភាគលាភប្រជាសាស្ត្រជាមូលដ្ឋានគ្រឹះនៃការអភិវឌ្ឍឡើងវិញនូវឧស្សាហកម្មច្នៃប្រឌិតរបស់ខ្លួន ដោយសេដ្ឋកិច្ចឌីជីថលត្រូវបានព្យាករណ៍ថានឹងកើនឡើងពី ១,៦២ ពាន់លានដុល្លារនៅឆ្នាំ២០២៥ ដល់ ៤,៥ ពាន់លានដុល្លារនៅឆ្នាំ២០៣០ ហើយនឹងផ្តល់កំណើនការងារទ្វេដងពីប្រមាណ ១៤.០០០ កន្លែងនាពេលបច្ចុប្បន្ន៕

The post សេដ្ឋកិច្ចឌីជីថលកម្ពុជាត្រូវបានព្យាករណ៍ថានឹងកើនឡើងពី ១,៦២ ពាន់លានដុល្លារនៅឆ្នាំ២០២៥ ដល់ ៤,៥ ពាន់លានដុល្លារនៅឆ្នាំ២០៣០ appeared first on .

សមាគមបាននិយាយថា វិស័យឌីជីថលរបស់អាឡឺម៉ង់គឺកំពុងស្ថិតនៅក្នុងគន្លងឆ្ពោះទៅរកកំណើនសេដ្ឋកិច្ច តួយ៉ាងបន្ទាប់ពីការកើនឡើង២% កាលពីឆ្នាំ២០២៣ វិស័យបច្ចេកវិទ្យាព័ត៌មាន និងទំនាក់ទំនង (ICT) ត្រូវបានគេរំពឹងថា នឹងកើនឡើងលឿនជាងសេដ្ឋកិច្ចទាំងមូលចាប់ពី៣ ទី៤ដងឯណោះ។

ក្នុងនោះ ប្រធានសមាគម Bitkom លោក Ralf Wintergerst បាននិយាយថា ក្រុមហ៊ុនភាគច្រើនដែលរកស៊ីក្នុងវិស័យឌីជីថលគឺជួបនឹងវិបត្តិ ទោះបីស្ថិតក្រោមលក្ខខណ្ឌសេដ្ឋកិច្ចដ៏លំបាក ដែលត្រូវបានកំណត់ដោយវិបត្តិភូមិសាស្ត្រនយោបាយ ការកាត់បន្ថយថវិកា ការលក់ ក៏ដូចជាការងារដែលកំពុងកើនឡើងក៏ដោយ។

ប្រធានសមាគមរូបនេះបានលើកឡើងបន្ថែមថា ដើម្បីឱ្យអាឡឺម៉ង់អាចក្តោបក្តាប់លក្ខខណ្ឌនៃឌីជីថលនីយកម្មបាន ក្រុមហ៊ុន និងរដ្ឋបាលចាំបាច់ត្រូវបង្កើនការវិនិយោគរបស់ពួកគេឱ្យបានកាន់តែច្បាស់ មួយវិញទៀតល្បឿននៃគោលនយោបាយឌីជីថល ត្រូវតែមានច្រើនជាងទ្វេដង។ រូបលោកក៏បានសង្កត់ធ្ងន់ទៀតថា កំណើនការងារអាចនឹងខ្ពស់ជាងនេះ បើទោះបីជាកង្វះខាតកម្មករជំនាញ កំពុងបង្ហាញឱ្យឃើញពីការជំពប់ជើងដួលក៏ដោយចុះ។

ដូចអ្វីដែលលោក Wintergerst បានលើកឡើងអញ្ចឹង ដោយសារកង្វះខាតនូវកម្លាំងពលកម្ម នៅក្នុងការងារវិជ្ជាជីវៈជាច្រើន រដ្ឋាភិបាលអាឡឺម៉ង់បានផ្តួចផ្តើមវិធានការច្បាប់ផ្សេងៗកាលពីឆ្នាំ២០២៣ ដើម្បីបង្កភាពងាយស្រួលដល់កម្មករជំនាញ ក្នុងការចូលទៅកាន់ទីផ្សារការងាររបស់ប្រទេសអាឡឺម៉ង់ ដែលរាប់ទាំងកិច្ចព្រមព្រៀងការធ្វើចំណាកស្រុកជាមួយប្រទេសនីមួយៗ និងការចេញប័ណ្ណស្នាក់នៅប្រទេសអាឡឺម៉ង់សម្រាប់ការងារបណ្តោះអាសន្នជាដើម។

គួរបញ្ជាក់បន្ថែមទៀតថា សមាគមឌីជីថលរបស់ប្រទេសអាល្លឺម៉ង់ក៏រំពឹងពីការលក់ក្នុងវិស័យ ICT នឹងកើនឡើង៥,៦% នៅឆ្នាំ២០២៤នេះ ដល់ចំនួន ៤,៩១ពាន់ពាន់លានអឺរ៉ូ ស្របពេលប្រទេសឥណ្ឌាត្រូវបានគេព្យាករណ៍ថា នឹងមានកំណើនខ្ពស់បំផុតក្នុងអត្រា៧,៩% តាមពីក្រោយដោយសហរដ្ឋអាមេរិកដែលមានចំនួន៦,៣% និងប្រទេសចិនមានចំនួន៥,៧% ៕

The post អាឡឺម៉ង់រំពឹងកើបប្រាក់ជាង ២៤៥ពាន់លានដុល្លារ ពីវិស័យឌីជីថលនៅក្នុងឆ្នាំនេះ appeared first on .

ដោយថ្លែងក្នុងសន្និសីទសារព័ត៌មាន ក្រោយកិច្ចប្រជុំនេះ រដ្ឋមន្ត្រីសម្របសម្រួលកិច្ចសេដ្ឋកិច្ចឥណ្ឌូនេស៊ី លោក Airlangga Hartarto បាននិយាយថា វាគឺជាព្រឹត្តិការណ៍ប្រវត្តិសាស្រ្ត និងជាជំហានដ៏សំខាន់ ក្នុងកិច្ចសហប្រតិបត្តិការរវាងប្រទេសសមាជិកអាស៊ាន ដើម្បីទាញយកក្តានុពលដ៏អស្ចារ្យនៃសេដ្ឋកិច្ចឌីជីថល។

លោក Airlangga បានសង្កត់ធ្ងន់ថា កិច្ចព្រមព្រៀងនេះ ត្រូវបានព្យាករថា អាចនឹងបង្កើនទំហំសេដ្ឋកិច្ចឌីជីថលក្នុងតំបន់ទ្វេដង ពី ១ទ្រីលានដុល្លារ ដល់ ២ទ្រីលានដុល្លារ នៅក្នុងឆ្នាំ ២០៣០ ខាងមុខ ។

រដ្ឋមន្ត្រីរូបនេះ បានកត់សម្គាល់ទៀតថា កិច្ចព្រមព្រៀង DEFA នេះ នឹងជាវឌ្ឍនភាពក្នុងកិច្ចខិតខំប្រឹងប្រែង ដើម្បីធ្វើសមាហរណកម្មសេដ្ឋកិច្ចឌីជីថល ក្នុងតំបន់ ហើយវានឹងជួយប្រទេសក្នុងតំបន់អាស៊ាន ក្នុងការបង្កើតភាពច្នៃប្រឌិតបន្ថែមទៀត ដើម្បីទាក់ទាញការវិនិយោគ និងជំរុញផលិតភាពរបស់ខ្លួន៕

The post អាស៊ាន ចាប់ផ្តើមបើកកិច្ចចរចាលើកិច្ចព្រមព្រៀងសេដ្ឋកិច្ចឌីជីថលតម្លៃរាប់ពាន់លានដុល្លារ appeared first on .

លោកបានបន្តថា សេដ្ឋកិច្ចឌីជីថល​បានដើរតួយ៉ាងសំខាន់ក្នុងក្របខណ្ឌសេដ្ឋកិច្ច MADANI និងទិសដៅអនាគតនៃសេដ្ឋកិច្ចរបស់ប្រទេស ក្នុងគោលបំណងបង្កើតទីផ្សារកាន់តែទូលំទូលាយសម្រាប់ប្រជាជនម៉ាឡេស៊ី មួយវិញទៀតលោកថា ការផ្តោតសំខាន់របស់ក្រសួងគឺផ្តល់នូវហេដ្ឋារចនាសម្ព័ន្ធពេញលេញដែលត្រូវការដើម្បីបង្រួមការបែងចែកឌីជីថល និងផ្តល់នូវកញ្ចប់អ៊ីនធឺណិតដែលមានស្ថេរភាព តម្លៃថោក បន្ថែមពីលើការចាត់វិធានការលើការកែលម្អជំនាញអក្ខរកម្មឌីជីថលផងដែរ។

ដោយគិតត្រឹមថ្ងៃទី ៣១ ខែកក្កដា បណ្តាញអ៊ីនធឺណិត 5G សរុបចំនួន ៥,៥១៥នៃគម្រោង ៧,៥០៩​ ត្រូវបានបញ្ចប់ដើម្បីឈានដល់ការគ្របដណ្តប់ ៦៦,៨%នៃតំបន់ប្រជុំជន ខណៈដែលការគ្របដណ្តប់ 4G បានឈានដល់ទៅ ៩៦,២% នៃទីប្រជុំជនទូទាំងប្រទេសផងដែរ៕

The post ម៉ាឡេស៊ីរំពឹងថាសេដ្ឋកិច្ចឌីជីថលនឹងរួមចំណែកកំណើន GDPរបស់ខ្លួននៅឆ្នាំ ២០២៥ appeared first on .

ជាមួយគ្នានេះផងដែរ លោក Fahmi បាននិយាយទៀតថា ជាមួយនឹងកំណើនវិជ្ជមាននាពេលបច្ចុប្បន្ននៃសេដ្ឋកិច្ច និងការវិនិយោគនាពេលខាងមុខ នឹងផ្តល់ឱ្យម៉ាឡេស៊ី អាចសម្រេចបាននូវគោលដៅរបស់ខ្លួន លឿនជាងការរំពឹងទុក ។

យ៉ាងណាមិញ ការដាក់ក្តីរំពឹងទុកខ្ពស់បែបនេះ គឺត្រូវបានកើតឡើង បន្ទាប់ពីក្រុមហ៊ុន Vantage Data Centers ដែលជាក្រុមហ៊ុនផ្តល់សេវាផ្ទុកទិន្នន័យខ្នាតយក្សលំដាប់ពិភពលោក និងឈានមុខគេនៅសហរដ្ឋអាមេរិក បានប្រកាសអំពីការអភិវឌ្ឍទៅលើមជ្ឈមណ្ឌលទិន្នន័យរបស់ខ្លួនចំនួន ២ នៅក្នុងប្រទេសម៉ាឡេស៊ី ជាមួយនឹងការបោះទុនវិនិយោគបន្ថែមរហូតដល់ ១៣,៣២ពាន់លានរីងហ្គីត ឬស្មើនឹង ៣ពាន់លានដុល្លារអាមេរិក ។

គួរឱ្យដឹងផងដែរថា ចំពោះមជ្ឈមណ្ឌលទាំងពីរនេះ នឹងក្លាយជាទីតាំងផ្ទុកទិន្នន័យដ៏ធំបំផុតរបស់ក្រុមហ៊ុន Vantage នៅអាស៊ីអាគ្នេយ៍ និងនៅក្នុងតំបន់។ ហើយស្របពេលជាមួយគ្នានេះផងដែរ ក្រុមហ៊ុន Leave A Nest ដែលជាអាជីវកម្មផ្តោតទៅលើការច្នៃប្រឌិត ក៏បានប្រកាសដាក់ទុនវិនិយោគ ២០លានរីងហ្គីត នៅក្នុងប្រទេសម៉ាឡេស៊ី ផងដែរ​ ។

មិនតែប៉ុណ្ណោះ លោក Fahmi បានសង្កត់ធ្ងន់ទៀតថា ចំពោះការប្រកាសបែបនេះ គឺបង្ហាញពីសញ្ញាវិជ្ជមាន ដែលក្រុមហ៊ុនវិនិយោគបរទេស នៅតែជ្រើសរើសយកប្រទេសម៉ាឡេស៊ី ជាគោលដៅធំរបស់ពួកគេ ដើម្បីមកធ្វើការវិនិយោគ ដោយក្តីពេញចិត្ត ។

រដ្ឋមន្ត្រីរូបនេះ បានបន្ថែមទៀតថា វាមានសារ:សំខាន់ខ្លាំងណាស់ ក្នុងការធានាបាននូវការវិនិយោគ ប្រកបដោយនិរន្តរភាព និងអាចផ្តល់ឱកាសដើម្បីពង្រីកបន្ថែមទៀតសម្រាប់ក្រុមហ៊ុនក្នុងស្រុក រួមទាំងអ្នកសរសេរកម្មវិធី អ្នកបង្កើតគំនូរជីវចល និងសហគ្រិន នៅក្នុងវិស័យឌីជីថលល ផងដែរ ៕

The post ម៉ាឡេស៊ី រំពឹងទុកថាសេដ្ឋកិច្ចឌីជីថល នឹងជួយរួមចំណែកធំ ដល់ GPD របស់ខ្លួន ក្នុងឆ្នាំ ២០២៥ appeared first on .

លើសពីនេះ លោក Hartarto បានដកស្រង់របាយការណ៍ចេញពីក្រុមហ៊ុនធំៗ ដូចជា Google , Temasek និង Bain & Company ដែលបង្ហាញឱ្យឃើញថាតម្លៃនៃសេដ្ឋកិច្ចឌីជីថល ក្នុងប្រទេសឥណ្ឌូនេស៊ី ក្នុងឆ្នាំ ២០២២ មានចំនួនសរុបរហូតដល់ ៧៧ពាន់លានដុល្លារ ។

យ៉ាងណាមិញ លោក Hartarto ក៏បានធ្វើការព្យាករផងដែរថា សេដ្ឋកិច្ចឌីជីផលរបស់ប្រទេសខ្លួន អាចនឹងមានការកើនឡើងទ្វេដង នៅក្នុងឆ្នាំ ២០២៥ ខាងមុខ ជាមួយនឹងចំនួនប៉ាន់ស្មានដល់ ១៣០ពាន់លានដុល្លារ ។

រដ្ឋមន្ត្រីរូបនេះ បាននិយាយថា ៖ ” ជាមួយនឹងការអនុវត្តការងារវិជ្ជមាន និងមូលដ្ឋានគ្រឹះសេដ្ឋកិច្ចដ៏រឹងមាំ តម្លៃនៃសេដ្ឋកិច្ចឌីជីថល អាចនឹងកើនឡើងទ្វេដង រហូតដល់ ១៣០លានដុល្លារ នៅក្នុងឆ្នាំ ២០២៥ ហើយនៅឆ្នាំ ២០៣០ អាចនឹងកើនឡើងដល់ ៣៦០ពាន់លានដុល្លារ ” ។

គួរឱ្យដឹងផងដែរថា ឥណ្ឌូនេស៊ី បានក្លាយជាប្រទេសដែលមានទំហំសេដ្ឋកិច្ចឌីជីថលធំបំផុតមួយ នៅក្នុងតំបន់អាស៊ាន ដោយ ៤០% នៃប្រតិបត្តិការសរុប នៅក្នុងតំបន់នេះ គឺទទួលបានពីប្រទេសឥណ្ឌូនេស៊ីផ្ទាល់តែម្តង។

ទន្ទឹមនឹងនេះ លោក Hartarto បានបន្ថែមទៀតថា ៖ ” ឥណ្ឌូនេស៊ី មានប្រជាជន ដែលរស់នៅក្នុងយុគសម័យផលិតភាព ដោយក្នុងនោះមានអាជីវកម្មចាប់ផ្តើមថ្មីៗ ចំនួន ២ ៤០០ ហើយអត្រានៃការជ្រៀតចូលទៅក្នុងប្រព័ន្ធអ៊ីនធឺណែត មានរហូតដល់ទៅ ៧៧% ឯណោះ ” ។

ជម្រាបជូនផងដែរថា នៅក្នុងឆ្នាំ ២០២២ សេដ្ឋកិច្ចឥណ្ឌូនេស៊ីទាំងមូល បានកើនឡើង ៥,៣១% ហើយវាត្រូវបានគេប៉ាន់ប្រមាណថា សម្រាប់ឆ្នាំ ២០២៣ នេះ ទំហំសេដ្ឋកិច្ចអាចនឹងបន្តកើនឡើង ៥,៣% ផងដែរ ។

បើតាមលោក Hartarto បានសង្កត់ធ្ងន់ផងដែរថា កំណើនសេដ្ឋកិច្ចឥណ្ឌូនេស៊ី គឺត្រូវបានជំរុញយ៉ាងខ្លាំង ដោយសេដ្ឋកិច្ចឌីជីថល ក៏ដូចជាសេវាកម្ម ដែលមានមូលដ្ឋាននៅលើប្រព័ន្ធអ៊ីនធឺណែតផ្សេងទៀត ដូចជាការកម្ម៉ង់អាហារ និងហៅតាក់ស៊ីលើអនឡាញ ជាដើម ៕

The post ឥណ្ឌូនេស៊ី ព្យាករថាទំហំសេដ្ឋកិច្ចឌីជីថលខ្លួន អាចកើនដល់ ១៣០ពាន់លានដុល្លារ នៅឆ្នាំ ២០២៥ appeared first on .