ប្រភពដដែលបន្ថែមថា ប្រទេសដែលនឹងដណ្ដើមតំណែងរបស់អាមេរិក ក្លាយជាមហាអំណាចសេដ្ឋកិច្ចធំបំផុតលើលោក គឺប្រទេសចិន ស្របពេលអាមេរិកគឺខ្ទាតដល់លេខ ៣ ជាប្រទេសមានសេដ្ឋកិច្ចធំបំផុតលើលោក។

ការអះអាងរបស់ OECD គឺធ្វើឡើងផ្អែកតាមការស្រាវជ្រាវ និងព្យាករណ៍ទុក ដោយសំអាងលើការគណនា GDP សកលលោក និង GDP របស់ប្រទេសមានសេដ្ឋកិច្ចធំបំផុតលើលោកទាំង២០ សន្ទុះនៃកំណើនប្រជាជន និងកំណើនសេដ្ឋកិច្ច នៃមហាអំណាចសេដ្ឋកិច្ចទាំងនោះ ក៏ដូចជាភាពតានតឹងនៃភូមិសាស្ត្រនយោបាយ ដែលកំពុងកើតមានសព្វថ្ងៃផងដែរ។

ខាងក្រោមនេះ គឺជាមហាអំណាចសេដ្ឋកិច្ចធំបំផុតលើលោកទាំង ៥ ដែល OECD បានព្យាករណ៍ទុកសម្រាប់ឆ្នាំ២០៥០៖

1/ប្រទេសចិន មានការព្យាករណ៍ទុកថា GDP សរុបអាចកើនដល់ ៤២,៩៦ទ្រីលានដុល្លារ ស្របពេលកំណើនប្រជាជន អាចឈានដល់ ១,៣១ពាន់លាននាក់

2/ប្រទេសឥណ្ឌា មានការព្យាករណ៍ទុកថា GDP សរុបអាចកើនដល់ ៣៨,៦៨ទ្រីលានដុល្លារ ស្របពេលកំណើនប្រជាជន អាចឈានដល់ ១,៦៧ពាន់លាននាក់

3/សហរដ្ឋអាមេរិក មានការព្យាករណ៍ទុកថា GDP សរុបអាចកើនដល់ ២៦,៥៨ទ្រីលានដុល្លារ ស្របពេលកំណើនប្រជាជន អាចឈានដល់ ៣៧៥,៣៩លាននាក់

4/ប្រទេសឥណ្ឌូណេស៊ី មានការព្យាករណ៍ទុកថា GDP សរុបអាចកើនដល់ ៦,៦ទ្រីលានដុល្លារ ស្របពេលកំណើនប្រជាជន អាចឈានដល់ ៣១៧,២៣លាននាក់

5/ប្រទេសរុស្ស៊ី មានការព្យាករណ៍ទុកថា GDP សរុបអាចកើនដល់ ៥,៦៩ទ្រីលានដុល្លារ ស្របពេលកំណើនប្រជាជន អាចឈានដល់ ១៣៣,១៣លាននាក់

សូមជម្រាបដែរថា បច្ចុប្បន្ននេះ សហរដ្ឋអាមេរិកគឺជាមហាអំណាចសេដ្ឋកិច្ចធំបំផុតលើលោក ដោយមាន GDP សរុប ២៥,៤ទ្រីលានដុល្លារ តាមពីក្រោយដោយមហាអំណាចចិន ដែលមាន GDP សរុប ១៧,៩ទ្រីលានដុល្លារ៕

The post OECD ព្យាករថា ជាង ២០ឆ្នាំទៀត អាមេរិកនឹងលែងក្លាយជាមហាសេដ្ឋកិច្ចធំបំផុតលើលោក appeared first on .

ក្នុងជំនួបរយៈពេលខ្លីនេះ លោកស្រី ចម និម្មល និងលោក លោក Matthew Stephenson បានពិភាក្សាការងារអំពីការពង្រឹង និងពង្រីកកិច្ចសហប្រតិបត្តិការរវាងប្រទេសកម្ពុជា និងវេទិកាសេដ្ឋកិច្ចពិភពលោក ដែលភាគីទាំងពីរបានជជែករំលឹកអំពីកិច្ចសហប្រតិបត្តិក្នុងការបង្កើតប្រព័ន្ធទិន្នន័យ ស្តីពីសន្ធានកម្មខ្សែច្រវាក់ផ្គត់ផ្គង់ សំដៅផ្តល់ កិច្ចសម្រួលវិនិយោគសម្រាប់អភិវឌ្ឍន៍ចីរភាព (SD2) សហការរៀបចំព្រឹត្តិការណ៍ផ្សេងៗនៅ អង្គការពាណិជ្ជកម្មពិភពលោក និងនៅកម្ពុជា។

នៅក្នុងជំនួបនេះដែរ ភាគីទាំងពីរក៏បានពិភាក្សាអំពីកិច្ចគាំទ្ររបស់វេទិកាសេដ្ឋកិច្ចពិភពលោក ដល់ការជំរុញការវិនិយោគបន្ថែមទៀតនៅក្នុងវិស័យមួយចំនួន រួមទាំងការរៀបចំវេទិកាកសិ-ចំណីអាហារក្នុងតំបន់ ឬទម្រង់ផ្សេងទៀតនៃព្រឹត្តិការណ៍ដែលប្រមូលផ្តុំតួអង្គទាំងអស់នៅក្នុងឧស្សាហកម្មកសិ-ចំណីអាហារ។

កិច្ចប្រជុំប្រចាំឆ្នាំលើកទី៥៤ នៃវេទិកាសេដ្ឋកិច្ចពិភពលោកឆ្នាំនេះ ធ្វើឡើងក្រោមមូលបទ «ការកសាង ឡើង វិញនូវទំនុកចិត្ត» ដោយផ្តោតលើគោលការណ៍ជាមូលដ្ឋានដែលជំរុញឱ្យមានទំនុកចិត្ត រួមទាំងតម្លា ភាព សង្គតិភាព និងគណនេយ្យភាព។ ក្នុងកិច្ចប្រជុំនេះថ្នាក់ដឹកនាំពិភពលោក និងនាយកប្រតិបត្តិក្រុមហ៊ុនធំៗ ព្រមទាំងប្រធានអង្គការអន្តរជាតិ សំខាន់ៗ ថ្នាក់ដឹកនាំសង្គមស៊ីវិល តំណាងយុវជន សហគ្រិនសង្គម និងអង្គភាពសារព័ត៌មាននានា នឹង ចូល រួមក្នុងកិច្ចប្រជុំនេះ៕

The post តើរដ្ឋមន្រ្តីស្រ្តីវ័យក្មេងកម្ពុជា ជជែករឿងរ៉ាវការងារអ្វីខ្លះជាមួយប្រធានផ្នែកវិនិយោគ និងសេវាកម្មនៃវេទិកាសេដ្ឋកិច្ចពិភពលោក? appeared first on .

សេដ្ឋកិច្ចវិទូជាន់ខ្ពស់របស់ធនាគារពិភពលោក World Bank លោក Indermit Gill បាននិយាយថា បើទោះជាមានវិធានការទប់ស្កាត់វិបត្តិអតិផរណាសកល តាមរយៈការដំឡើងអត្រាការប្រាក់ខ្ពស់ ដើម្បីរារាំងអត្រាកំណើនគ្មានការងារ និងវិបត្តិហិរញ្ញវត្ថុ បានល្អបែបណាក៏ដោយ ប៉ុន្តែប្រតិបត្តិការ​ជារួមនៃកំណើនសេដ្ឋកិច្ចសកលលោក បែរជានៅជាប់គាំង គ្មានការប្រែប្រួលល្អ​ជាងមុនដដែល។

បន្ទាប់ពីរងផលប៉ះពាល់ពីជំងឺរាតត្បាត សេដ្ឋកិច្ចសកលលោកមានកំណើនល្អវិញនៅក្នុងឆ្នាំ២០២១ ដោយបន្តកើនឡើងប្រហែល ៣% នៅក្នុងឆ្នាំ២០២២ ប៉ុន្តែកាលពីឆ្នាំទៅ វាបានធ្លាក់មកនៅត្រឹម ២,៦% ស្របពេលធនាគារពិភពលោក ដាក់ក្ដីរំពឹងថា នៅក្នុងឆ្នាំ២០២៤នេះ អាចបន្តធ្លាក់មកនៅត្រឹម ២,៤%។ ការថយចុះនៃកំណើនសេដ្ឋកិច្ចជាបន្តបន្ទាប់បែបនេះ នឹងធ្វើឲ្យប្រទេសមហាអ​ំណាចជាសមាជិក​នៃអង្គការសហប្រជាជាតិទាំង ១៩៣ប្រទេស មិនអាចសម្រេចផែនការអភិវឌ្ឍន៍ជាសកល​ត្រឹមឆ្នាំ២០៣០ ដូចទៅនឹងអ្វីដែលពួកគេធ្លាប់បានដាក់គោលដៅកាលពីឆ្នាំ២០១៥ បានឡើយ។

សូមជម្រាបជូនរំលឹកថា ផែនការដែលក្រុមប្រទេសទាំង ១៩៣ ចង់សម្រេចបាននៅចុងទសវត្សនេះគឺមានដូចជា៖ លុបបំបាត់ភាពក្រីក្រ, កាត់បន្ថយការបំភាយឧស្ម័នផ្ទះកញ្ចក់ឲ្យបានពាក់កណ្ដាល, ពង្រីកការអប់រំដល់ប្រជាជនក្រីក្រ និងលុបចោលឲ្យអស់នូវវិបត្តិកង្វះខាតចំណីអាហារជាដើម។។

ប៉ុន្តែបើមើលទៅតាមស្ថានភាពសេដ្ឋកិច្ចពេលនេះ ផែនការទាំងអស់នោះហាក់មិនអាចសម្រេចបានឡើយ នៅត្រឹមឆ្នាំ២០៣០ លុះត្រាតែសេដ្ឋកិច្ចនាប៉ុន្មានឆ្នាំខាងមុខ មានសន្ទុះល្អខ្លាំង ដ្បិតរយៈពេល ៣ឆ្នាំនេះ កំណើនសេដ្ឋកិច្ចសកល បង្ហាញសញ្ញាមិនសូវល្អទាល់តែសោះ។

ជាមួយគ្នានេះដែរ ធនាគារពិភពលោកក៏បានព្យាករណ៍ថា កំណើនសេដ្ឋកិច្ចសហរដ្ឋអាមេរិកនាឆ្នាំនេះ នឹងមានលឿនជាងសហភាពអឺរ៉ុប និងជប៉ុនទ្វេដង ប្រមាណ ១,៦% ស្របពេលកំណើនសេដ្ឋកិច្ច​ប្រទេសចិនអាចសម្រេចបាន ៤,៥% ទាបជាងការព្យាករទុកកាលពីឆ្នាំកន្លងទៅដែលមានត្រឹម ៥,២%។

ទោះជាយ៉ាងណា ធនាគារពិភពលោកក៏បានព្រមានថា ការព្យាករទាំងនេះអាចនឹងមានការប្រែប្រួល ពោលស្ថានការណ៍អាចនឹងកាន់តែអាក្រក់ជាងការព្យាករទុកទៀត ដ្បិតបច្ចុប្បន្នសង្គ្រាមនៅតំបន់ហ្គាហ្សា និងសង្គ្រាមនៅអ៊ុយក្រែន គឺកំពុងបង្ក​ភាពរាំងស្ទះជាខ្លាំង ដល់កំណើនសេដ្ឋកិច្ចសកល៕

The post ធនាគារពិភពលោកព្យាករណ៍ថា សេដ្ឋកិច្ចពិភពលោកក្នុងឆ្នាំ២០២៤ បន្តមានកំណើនទាបចាញ់ឆ្នាំមុន appeared first on .

ដោយឡែក របាយការណ៍ស្ថានភាពសេដ្ឋកិច្ចពិភពលោក និងទស្សនវិស័យចេញដោយនាយកដ្ឋានកិច្ចការសេដ្ឋកិច្ច និងសង្គមរបស់អង្គការសហប្រជាជាតិ បាន​បង្ហាញថា ការព្យាករណ៍ខាងលើគឺនៅទាបជាង​ ​កំណើនសេដ្ឋកិច្ចជាមធ្យម​ក្នុង​រយៈពេល ២ទសវត្សចុងក្រោយ​ដែលធ្លាប់មាន ៣,១% មុនកើតមានជំងឺរាតត្បាត។

យ៉ាងណា ការព្យាករណ៍របស់ UN គឺទាបជាងការរំពឹងទុក​ពីមូលនិធិរូបិយប័ណ្ណអន្តរជាតិ IMF ដែល​ទស្សន៍ទាយ​ថា កំណើនសេដ្ឋកិច្ចនាឆ្នាំ ២០២៣ នឹងមាន ២,៩% ខណៈអាចនឹងកើនដល់ ៣,១% នៅឆ្នាំ ២០២៤។

សូមជម្រាបថា អង្គការសហប្រជាជាតិបាននិយាយថា ខណៈពេលដែលទស្សនវិស័យសម្រាប់សហរដ្ឋអាមេរិក សហភាពអឺរ៉ុប និងប្រទេសចិនមានភាពប្រសើរឡើង ប៉ុន្តែសម្រាប់ប្រទេសកំពុងអភិវឌ្ឍន៍ជាច្រើន កំណើនសេដ្ឋកិច្ចបានធ្លាក់ចុះ ចំពេលមានការរឹតបន្តឹងលក្ខខណ្ឌឥណទាន និងការកើនឡើងនៃការចំណាយហិរញ្ញវត្ថុពីខាងក្រៅ៕

The post ការព្យាករណ៍កំណើនសេដ្ឋកិច្ចពិភពលោករបស់ UN ទាបជាងការរំពឹងទុកពី IMF appeared first on .

យោងតាមការចុះផ្សាយពី RT បាន​បន្ថែមទៀតថា IMF បានទម្លាក់ការព្យាករណ៍របស់ខ្លួន និងបង្ហើប​ថា ប្រទេសជាច្រើនអាចនឹងធ្លាក់ក្នុងរណ្ដៅវិបត្តិសេដ្ឋកិច្ចនាឆ្នាំក្រោយ។

“មហាអំណាចសេដ្ឋកិច្ចទាំង ៣ មានសហរដ្ឋអាមេរិក ចិន និងសហភាពអឺរ៉ុប នឹងនៅតែ​ស្ថិតក្នុង​ស្ថានភាពសេដ្ឋកិច្ចនឹងថ្កល់។ ស្ថានការណ៍អាក្រក់បំផុតនោះគឺ មនុស្សជាច្រើននឹងទទួលបាន​អារម្មណ៍ថា ឆ្នាំ ២០២៣នេះ គឺបានស្ថិតក្នុងវិបត្តិសេដ្ឋកិច្ច”។ នេះបើតាមសម្ដីប្រធានផ្នែកសេដ្ឋកិច្ច Pierre-Oliver Gourinchas បាន​អះអាង។

សូមជម្រាបដែរថា IMF បានព្យាករថា GDP សកលនឹងងើបឡើងយឺតប្រមាណ ២,៧% ប៉ុណ្ណោះនា​ឆ្នាំក្រោយ ដែលទាបជាងការរំពឹងទុកកាលពីខែកក្កដា ដែលមានប្រមាណ ២,៩%៕

The post IMF ព្រមានពីកំណើនសេដ្ឋកិច្ចសកល មានការងើបឡើងយឺត appeared first on .

ធនាគារជាតិនៃកម្ពុជា បានឱ្យដឹងថា កម្ពុជាបានរួមចំណែកយ៉ាងសកម្មក្នុងកិច្ចការពារបរិស្ថាន និងទប់ស្កាត់ការប្រែប្រួលអាកាសធាតុ ទាំងនៅក្នុងប្រទេសព្រមទាំងក្របខណ្ឌពីភពលោកនិងតំបន់ ក្នុងនោះ រាជរដ្ឋាភិបាលកម្ពុជាបាននិង កំពុងអនុវត្តផែនការយុទ្ធសាស្រ្តការប្រែប្រួសអាកាសធាតុឆ្នាំ២០១៤-២០២៣ ដើម្បីកំណត់ទស្សនវិស័យ សម្រាប់កម្ពុជាឆ្ពោះទៅកាន់សេដ្ឋកិច្ចបៃតង។

ជាងនេះទៀត ធនាគារជាតិនៃកម្ពុជា ក៏បានវិនិយោគមួយផ្នែកនៃទុនបម្រុងរបស់ខ្លួនលើសញ្ញាប័ណ្ណបៃតង និងបានក្លាយជាសមាជិកនៃគណៈកម្មការមូលនិធិ សញ្ញាប័ណ្ណបៃតងក្នុងតំបន់អាស៊ី។ អន្តរកាលឆ្ពោះទៅកាន់សេដ្ឋកិច្ចបៃតង ត្រូវបានគេឱ្យនិយមន័យ ថាជាការផ្លាស់ប្ដូរសង្គមនិងសេដ្ឋកិច្ច ក្នុងបរិបទនៃការរក្សាភាពបរិស្ថាន ដើម្បីជំរុញកំណើនសេដ្ឋកិច្ច ប្រកបដោយភាពធន់ រក្សាបាននូវសុខុមាលភាពសង្គម និងបង្កើនកម្រិតជីវភាពរបស់ប្រជាពលរដ្ឋ។

យ៉ាងណាមិញ ដើម្បីលើក កម្ពស់ការស្រាវជ្រាវស៊ើបខាងលើ ធនាគារជាតិនៃកម្ពុជាបានជ្រើសរើស ប្រធានបទស្រាវជ្រាវសម្រាប់សន្និសីទម៉ាក្រូសេដ្ឋកិច្ចលើកទី១០ ឆ្នាំ២០២៣ ស្តីពី៖ “ហាវិភ័យ អាកាសធាតុ និងអន្តរកាលឆ្ពោះទៅកាន់សេដ្ឋកិច្ចបៃតង»។ បេក្ខជនដែលមានចំណាប់អារម្មណ៍ អាចផ្ញើសំណើស្រាវជ្រាវជុំវិញប្រធានបទគោលនេះមកកាន់នាយកដ្ឋានស្រាវជ្រាវសេដ្ឋកិច្ច និង សហប្រតិបត្តិការអន្តរជាតិ។ ប្រធានបទស្រាវជ្រាវអាចស្នើឡើងដោយបេក្ខជនដើម្បីឱ្យការសិក្សា មានភាពសម្បូរបែបសម្រាប់វិស័យនានា ដោយធនាគារជាតិនៃកម្ពុជានឹងផ្តល់ការគាំទ្រ ព្រមទាំងការប្រឹក្សា យោបល់ក្នុងដំណើរការស្រាវជ្រាវផងដែរ។

លើសពីនេះ បន្ទាប់ពីការស្រាវជ្រាវត្រូវបានបញ្ចប់ ធនាគារជាតិនៃកម្ពុជា នឹងរៀបចំសន្និសីទម៉ាក្រូសេដ្ឋកិច្ចលើកទី១០ នៅដើមខែវិច្ឆិកា ឆ្នាំ២០២៣ ដើម្បីផ្សព្វផ្សាយលទ្ធផល ស្រាវជ្រាវ និងពង្រឹងបណ្ដាញទំនាក់ទំនងក្នុងការងារស្រាវជ្រាវ ខណៈសន្និសិទនេះ នឹងមានការចូលរួមពីអ្នកជំនាញ អ្នកស្រាវជ្រាវ និងភាគីពាក់ព័ន្ធជាតិនិងអន្តរជាតិផងដែរ៕

អត្ថបទ៖ ពិសី

The post ឆ្នាំ២០២២៖ សេដ្ឋកិច្ចពិភពលោក​ខាតបង់ប្រមាណ​ ៣១៣ ប៊ីលានដុល្លារ ដោយសារការប្រែប្រួលអាកាសធាតុ appeared first on .

យោងតាម​របាយការណ៍ស្រាវជ្រាវដោយវិទ្យាស្ថានសេដ្ឋកិច្ចអាល្លឺម៉ង់ ហៅកាត់ IW បានទម្លាយថា សេដ្ឋកិច្ចពិភពលោកក្នុងឆ្នាំ ២០២២ បានខាតបង់ប្រហែល ១,៣ ទ្រីលានដុល្លារ ស្របពេលទំហំសេដ្ឋកិច្ចលោកខាងលិចបាត់បង់រហូតដល់ ២/៣ នៃផលិតកម្មសកលរបស់ពួកគេ។

មូលហេតុដែលធ្វើឲ្យសេដ្ឋកិច្ចពិភពលោកខាតបង់ធ្ងន់ធ្ងរបែបនេះ ដោយសារការកើនឡើងនៃតម្លៃថាមពល វត្ថុធាតុដើមមួយចំនួន និងទំនិញ ដែលធ្វើឲ្យប្រទេសជាច្រើនប្រឈមនឹងវិបត្តិអតិផរណា តួយ៉ាងអត្រាអតិផរណាបណ្ដោះអាសន្ននៅអាល្លឺម៉ង់ ដែលជាប្រទេសមានសេដ្ឋកិច្ចធំបំផុតនៅអឺរ៉ុប កើនខ្ពស់ជាង ១០% ដោយសារការកើនឡើងនៃតម្លៃថាមពល។

បន្ថែមពីនោះ IW ក៏បានបង្ហើបដែរថា សេដ្ឋកិច្ចនៃពិភពលោកក៏នឹងអាចជួបផលវិបាកនាឆ្នាំ ២០២៣ នេះផងដែរ ដោយវាអាចនឹងរបូតលុយប្រហែល ១ ទ្រីលានដុល្លារទៀត បើសិនជាស្ថានការណ៍សង្គ្រាមនៅតែមិនមានភាពថមថយ។

ផ្ទុយពី IW មូលនិធិរូបិយវត្ថុអន្តរជាតិ ហៅកាត់ IMF បែរជាព្យាករណ៍កាលពីខែមុនថា កំណើនសេដ្ឋកិច្ចសកលនាឆ្នាំ ២០២៣ អាចកើនឡើងដល់ ២,៩% ខ្ពស់ជាងការរំពឹងទុកមុនៗដែលមានត្រឹម ២,៧%៕

The post មួយឆ្នាំនៃសង្គ្រាមរុស្ស៊ី-អ៊ុយក្រែន ធ្វើឲ្យសេដ្ឋកិច្ចពិភពលោកខាតបង់ ១,៣ ទ្រីលានដុល្លារ appeared first on .

 បើនិយាយដល់​បងធំ​ពិភពលោក គេ​នឹង​នឹកឃើញដល់សហរដ្ឋអាមេរិក និងចិន ដែលជា​ប្រទេសមហាអំណាចពិភពលោក​មាន​ទំហំ​សេដ្ឋកិច្ច​ធំ​បំផុត ខណៈមហាអំណាចទាំង២នេះ​ក៏​ធ្លាប់​មាន​សង្គ្រាមពាណិជ្ជកម្ម​តាំងពីឆ្នាំ២០១៨ ផងដែរ។

មូលនិធិ​រូបិយវត្ថុ​អន្តរជាតិ IMF ធ្លាប់បាន​ចេញ​ផ្សាយ​ការ​វាយ​តម្លៃ​របស់​ខ្លួន​ថា សហរដ្ឋអាមេរិក​លែង​គ្រប​ដណ្តប់​ពិភព​សេដ្ឋកិច្ច​ទៀត​ហើយ ស្របពេលដែលប្រទេស​ចិន​ដែល​យក​ឥទ្ធិពល​របស់​ខ្លួន​នៅ​អាស៊ី​មក​ធ្វើ​ជា​ឈ្នាន់​ជាន់​ឡើង​ទៅ​ក្រសោប​យកលក្ខន្តិកៈ​ជា​មហា​អំណាច​ពិភពលោកមួយដែរ។

យ៉ាងណា សម្រាប់អត្ថបទមួយនេះ សូមលើកបង្ហាញ​នូវ​បងធំ​ពិភពលោក​ទាំង១០ ដែល​មានទំហំ​សេដ្ឋកិច្ច​ធំ​បំផុត​លើ​លោក ផ្អែកតាម​របាយការណ៍​ចុះផ្សាយ​ដោយគេហទំព័រ Wisevoter ដូចតទៅ៖ 

១/ សហរដ្ឋអាមេរិក មានទំហំសេដ្ឋកិច្ច ២៣ ទ្រីលានដុល្លារ 

២/ ប្រទេសចិន មានទំហំសេដ្ឋកិច្ច ១៧ ទ្រីលានដុល្លារ 

៣/ ប្រទេសជប៉ុន មានទំហំសេដ្ឋកិច្ច ៤,៩ ទ្រីលានដុល្លារ 

៤/ ប្រទេសអាល្លឺម៉ង់ មានទំហំសេដ្ឋកិច្ច ៤,២ ទ្រីលានដុល្លារ 

៥/ ប្រទេសឥណ្ឌា មានទំហំសេដ្ឋកិច្ច ៣,១៧ ទ្រីលានដុល្លារ 

៦/ ចក្រភពអង់គ្លេស មានទំហំសេដ្ឋកិច្ច ៣,១៣ ទ្រីលានដុល្លារ 

៧/ប្រទេសបារាំង មានទំហំសេដ្ឋកិច្ច ២,៩ ទ្រីលានដុល្លារ 

៨/ ប្រទេសអ៊ីតាលី មានទំហំសេដ្ឋកិច្ច ២,១ ទ្រីលានដុល្លារ 

៩/ ប្រទេសកាណាដា មានទំហំសេដ្ឋកិច្ច ១,៩៨ ទ្រីលានដុល្លារ 

១០/ ប្រទេសកូរ៉េខាងត្បូង មានទំហំសេដ្ឋកិច្ច ១,៨១ ទ្រីលានដុល្លារ

សូមជម្រាបដែរថា កម្ពុជាស្ថិតនៅលេខរៀងទី ១០៧ ជាប្រទេសមាន​ទំហំសេដ្ឋកិច្ច​ធំ​បំផុត ជាមួយ​ទំហំ​សេដ្ឋកិច្ច​ប្រមាណ​ជិត ២៧ពាន់​លានដុល្លារ៕

The post បងធំពិភពលោកមួយណា ដែលមានទំហំសេដ្ឋកិច្ចច្រើនជាងគេ ខណៈឥណ្ឌាលេខ៥ appeared first on .

យោងតាម​ការ​ចុះផ្សាយពី CNA បាន​ឲ្យដឹងថា ​សេដ្ឋកិច្ច​នៃ​ប្រទេស​ហ្វីលីពីន នឹង​រំពឹង​កើនឡើង​ចន្លោះពី ៦ ដល់ ៧% នាឆ្នាំក្រោយ ទាបជាង​គោលដៅ​ដែល​ធ្លាប់​រំពឹងទុក​កាលពី​ពេលមុន​ដែល​ធ្លាប់​សង្ឃឹម​ថា អាច​កើនឡើងពី ៦,៥ ដល់ ៨%។

“​ដោយសារ​តែ​កំណើនសេដ្ឋកិច្ច​ពិភពលោក​មាន​ការ​ធ្លាក់ចុះ ដូច្នេះ​វា​បាន​បង្ក​ផល​ប៉ះពាល់​ដល់​ការ​រំពឹងទុក​នា​ពេលកន្លង”។​ នេះ​បើតាម​សម្ដី​របស់​លេខាធិការ​ហិរញ្ញវត្ថុ Benjamin Diokno បាន​និយាយ។

សូមជម្រាបដែរថា កាលពី​សប្ដាហ៍មុន IMF ធ្លាប់​ទម្លាយថា ​កំណើនសេដ្ឋកិច្ច​សកល​នឹង​មាន​ការ​ធ្លាក់ចុះ​រហូត​ក្រោម ២% នា​ឆ្នាំក្រោយ ប៉ុន្តែ​គណៈកម្មាធិការសម្របសម្រួលថវិកាអភិវឌ្ឍន៍ (DBCC) បាន​អះអាងថា គោលដៅ​កំណើន​សេដ្ឋកិច្ច​ហ្វីលីពីន​ពីឆ្នាំ ២០២៤-២០២៨ នឹង​អាច​មាន​ចន្លោះពី ៦,៥% ដល់ ៨%៕

The post ហ្វីលីពីន កាត់បន្ថយគោលដៅកំណើន GDP នាឆ្នាំក្រោយ ដោយសារវិបត្តិសេដ្ឋកិច្ចសកល appeared first on .

ទន្ទឹមនឹងនោះ កំណើននៃការដឹកជញ្ជូនជាសកល​ អាចនឹងជួបហានិភ័យនាឆ្នាំក្រោយ ស្របពេលវិបត្តិសេដ្ឋកិច្ចពិភពលោកអាចកើតមានគ្រប់ពេល។ នេះបើតាម​ការ​ឲ្យដឹង​ពីភ្នាក់ងារ​អង្គការសហប្រជាជាតិ UNCTAD បាន​និយាយ​កាលពី​ថ្ងៃអង្គារ៍។

កំណើន​នៃ​ការដឹកជញ្ជូន​សកល​ពីឆ្នាំ ២០២៣-២០២៧ អាច​នៅ​នឹងថ្កល់​ ២,១% ជា​មធ្យម យឺត​ជាង ៣ ទសវត្ស​ចុងក្រោយ​ ដែល​មាន​ការ​ដឹកជញ្ជូន​ជា​មធ្យម​មាន​ប្រមាណ ៣,៣% ស្របពេល​ធនាគារ​ធំៗ​ទូទាំង​សកលលោក​ព្យាករណ៍​ថា បណ្ដាល​មក​ពី​វិបត្តិសេដ្ឋកិច្ច​ដែល​ប៉ះពាល់​ដល់​ការដឹកជញ្ជូន​រហូត ៨០%។

ដើម្បីសម្រួល​ដល់​បញ្ហា​នា​ថ្ងៃអនាគត UNCTAD បានអំពាវនាវ​សុំ​ឲ្យ​បង្កើន​ការ​វិនិយោគ​លើ​សង្វាក់ផ្គត់ផ្គង់តាម​ផ្លូវទឹក ​បើកច្រក​ការ​ដឹកជញ្ជូនតាមនាវា ក៏ដូចជា​ការ​តភ្ជាប់​ផ្លូវទឹក​នានា ដើម្បី​ត្រៀម​ទប់ទល់​នឹង​វិបត្តិ​សេដ្ឋកិច្ច​ជា​សកល​ផ្សេងៗ៕

The post ការដឹកជញ្ជូនសកលអាចជួបហានិភ័យ ដោយសារភាពអាប់អួរនៃសេដ្ឋកិច្ចពិភពលោក appeared first on .