រដ្ឋមន្ត្រីក្រសួងរតនាគារអាមេរិក លោក Scott Bessent បាននិយាយកាលពីថ្ងៃទី២៣ ខែឧសភាថា ស៊ីរីត្រូវតែបន្តធ្វើការដើម្បីឆ្ពោះទៅរកការក្លាយជាប្រទេសដែលមានស្ថិរភាព និងសន្តិភាពពេញលេញ។ លោកក៏បានបង្ហាញក្តីសង្ឃឹមទៀតថា ការសម្រេចដកទណ្ឌកម្មទាំងអស់នៅថ្ងៃនេះ នឹងធ្វើឲ្យស៊ីរីដើរលើផ្លូវត្រូវឆ្ពោះទៅរកអនាគតដ៏ភ្លឺស្វាង វិបុលភាព និងស្ថិរភាព។

មិនតែប៉ុណ្ណោះ រដ្ឋមន្ត្រីរូបនេះ បានសង្កត់ធ្ងន់ទៀតថា ការសម្រេចចិត្តដកទណ្ឌកម្មនេះ នឹងអនុវត្តចំពោះរដ្ឋាភិបាលស៊ីរីថ្មី ដោយបានផ្តល់ទំនុកចិត្តថារដ្ឋាភិបាលទីក្រុង Damascus នឹងមិនផ្តល់ជម្រកដល់អង្គការភេរវករ ក៏ដូចជាធានាដល់សន្តិសុខនៃសាសនា និងជនជាតិភាគតិច។

ទន្ទឹមនឹងនេះ ក្រសួងការបរទេសសហរដ្ឋអាមេរិក បានចេញសេចក្តីប្រកាសអំពីការលើកលែងនៅថ្ងៃតែមួយ ដើម្បីអនុញ្ញាតឲ្យដៃគូបរទេស និងសម្ព័ន្ធមិត្តចូលរួមក្នុងការកសាងប្រទេសស៊ីរីឡើងវិញ ដោយផ្តល់ភ្លើងខៀវឲ្យបណ្តាក្រុមហ៊ុនធំៗចូលរួម ដើម្បីធ្វើអាជីវកម្មនៅក្នុងប្រទេសនេះ។ រដ្ឋលេខាធិការ លោក Marco Rubio បាននិយាយថា វិធានការនេះនឹង ជួយសម្រួលដល់ការផ្តល់សេវាថាមពល ទឹក និងអនាម័យ ក៏ដូចជាធានាឲ្យមានការឆ្លើយតបផ្នែកមនុស្សធម៌ដ៏មានប្រសិទ្ធភាព នៅទូទាំងប្រទេសស៊ីរី។

ជម្រាបជូនផងដែរថា សហរដ្ឋអាមេរិកបានដាក់កំហិតលើប្រតិបត្តិការហិរញ្ញវត្ថុស៊ីរី ចាប់តាំងពីសង្រ្គាមស៊ីវិល​រ៉ាំរ៉ៃ​ផ្ទុះឡើង រយៈពេល ១៤ឆ្នាំ ដោយប្តេជ្ញាប្រើទណ្ឌកម្មប្រឆាំងដាច់ខាតទៅលើប្រទេសស៊ីរី ប្រសិនបើអតីតប្រធានាធិបតី លោក Bashar al-Assad នៅតែកាន់អំណាច។

ប៉ុន្តែទោះជាយ៉ាងណាក៏ដោយ បន្ទាប់ពីរបបអាសាដត្រូវបានផ្ដួលរំលំកាលពីឆ្នាំមុន រដ្ឋាភិបាលថ្មីរបស់ស៊ីរី កំពុងសម្លឹងរកមើលការកសាងទំនាក់ទំនងឡើងវិញជាមួយលោកខាងលិច និងទទួលបានការដកទណ្ឌកម្មជាបន្តបន្ទាប់៕

The post សហរដ្ឋអាមេរិក សម្រេចដកទណ្ឌកម្មលើប្រទេសស៊ីរី ក្រោយដាក់អស់រយ:ពេល ១៤ឆ្នាំ appeared first on .

យោងតាមការចុះផ្សាយពី TASS បានបង្ហាញថា វិមានក្រឹមឡាំងបានបញ្ជាក់ថា លោក ពូទីន នឹងជួបជជែកជាមួយលោក Assad នៅថ្ងៃពុធ ចំថ្ងៃគម្រប់ខួប១២ឆ្នាំនៃសង្គ្រាមស៊ីវិលនៅប្រទេស​ស៊ីរី។

ថ្នាក់ដឹកនាំទាំង ២ នឹងអាចជជែកគ្នាពីគម្រោងអភិវឌ្ឍន៍ និងកិច្ចសហប្រតិបត្តិការរវាងរុស្ស៊ី និងស៊ីរី ទាំងលើផ្នែកនយោបាយ ពាណិជ្ជកម្ម សេដ្ឋកិច្ច ក៏ដូចជាផ្នែកមនុស្សធម៌ជាដើម។

គួររំលឹកដែរថា កិច្ចប្រជុំនេះធ្វើឡើងមុនកាលកំណត់កិច្ចប្រជុំអនុរដ្ឋមន្ត្រីការបរទេសនៃប្រទេស​ទាំង ២ ខណៈតួកគី និងអ៊ីរ៉ង់​នឹងជជែកគ្នាពីបញ្ហា “ប្រយុទ្ធប្រឆាំងនឹងក្រុមភារវកម្ម”។

ដំបូងឡើងកិច្ចប្រជុំនេះកំណត់ធ្វើឡើងតែត្រីភាគីប៉ុណ្ណោះ ប៉ុន្តែដោយសារអ៊ីរ៉ង់ទាមទារចង់ក្លាយ​ជា​ផ្នែកមួយនេះកិច្ចប្រជុំដែរ ទើបរុស្ស៊ីអនុញ្ញាតិឲ្យចូលរួមតាមក្រោយ។

សូមជម្រាបដែរថា រយៈពេល ១២ឆ្នាំនៃសង្គ្រាមស៊ីវិលនេះ ស៊ីរីទទួលរងការខាតបង់ខ្លាំងទូទាំង​ប្រទេស ពោលមនុស្សច្រើនជាងកន្លះលាននាក់ត្រូវបានស្លាប់ ដោយសារសង្គ្រាម និងមានប្រជាជនបានផ្លាស់ទីលំនៅច្រើនជាងពាក់កណ្តាល នៃចំនួនប្រជាជន មុនសង្គ្រាមបានផ្ទុះឡើង៕

The post ប្រធានាធិបតីស៊ីរី គ្រោងជួបប្រធានាធិបតីរុស្ស៊ី ចំថ្ងៃគម្រប់ខួប១២ឆ្នាំនៃសង្គ្រាមស៊ីវិល appeared first on .

មុនកិច្ចប្រជុំនេះកើតឡើង រុស្ស៊ីបានព្យាយាមដើរតួរជាអ្នកផ្សះផ្សាទំនាក់ទំនងរវាងតួកគី និងស៊ីរី ដ្បិតប្រទេសទាំង ២ កំពុងមានភាពល្អក់កករជាមួយគ្នា ដោយភាគីស៊ីរីទាមទារឲ្យតួកគីដកកម្លាំង​ចេញពីទឹកដីរបស់ខ្លួន និងបញ្ឈប់ការគាំទ្រដល់ក្រុមភារវកម្ម។

ដោយឡែក ប្រធានាធិបតីតួកគី Recep Tayyip Erdogan បានបញ្ជាក់ថា លោកនឹងយល់ព្រម​អង្គុយ​តុចរចា​គ្នា ជាមួយប្រធានាធិបតីស៊ីរី Bashar al-Assad ដើម្បីស្វែងរកសន្តិភាពនៅក្នុងតំបន់ឡើងវិញ។

សូមជម្រាបដែរថា ទំនាក់ទំនងរវាងស៊ីរី និងតួកគី ដែលគាំទ្រក្រុមឧទ្ទាមប្រយុទ្ធនឹងលោក Assad ក្នុងសង្រ្គាមដែលបានចាប់ផ្តើមក្នុងឆ្នាំ ២០១១ ត្រូវបានជំរុញដោយអ្នកគាំទ្រយោធាដ៏សំខាន់ គឺរុស្ស៊ី និងអេមីរ៉ាតអារ៉ាប់រួម។

ស៊ីរីនៅតែស្ថិតនៅក្រោមការដាក់ទណ្ឌកម្មយ៉ាងតឹងរឹងពីបស្ចិមប្រទេស ហើយត្រូវបានផ្អាកពីសម្ព័ន្ធអារ៉ាប់ ដែលធ្វើឱ្យវាពឹងផ្អែកលើអ៊ីរ៉ង់ ដែលបានបញ្ជូនអ្នកប្រយុទ្ធទៅគាំទ្រលោក Assad ក្នុងជម្លោះផងដែរ។

ចំណុចជាប់គាំងដ៏សំខាន់មួយរហូតមកដល់ពេលនេះនៅតែមានវត្តមានរបស់ទាហានតួកគីនៅភាគខាងជើងស៊ីរី និងការគាំទ្ររបស់ទីក្រុងអង់ការ៉ាសម្រាប់ក្រុមប្រដាប់អាវុធស៊ីរី។

The post រុស្ស៊ី ព្យាយាមដើរតួរជាអ្នកផ្សះផ្សាទំនាក់ទំនងតួកគី-ស៊ីរី មុនបើកកិច្ចប្រជុំជាមួយសម្ព័ន្ធមិត្ត appeared first on .