ថ្លែងនៅក្នុងកិច្ចប្រជុំមួយកាលពីពេលថ្មីៗនេះ នៅទីក្រុងហ្សកាតា លោក Amran បានលើកឡើងថា ប្រទេសឥណ្ឌូនេស៊ី នឹងអភិវឌ្ឍតំបន់វាលភក់ ឲ្យចូលទៅជាប្រភេទដីកសិកម្ម ជាមួយនឹងគោលដៅធ្វើឱ្យបានចំនួន ១ លានហិកតា នៅឆ្នាំក្រោយ។

លោក Amran បានមានប្រសាសន៍ទៀតថា តំបន់នេះ អាចនឹងជួយឲ្យឥណ្ឌូនេស៊ី ផលិតអង្ករបានចំនួន ២,៥លានតោន ក្នុងមួយឆ្នាំ សម្រាប់កិច្ចខិតខំប្រឹងប្រែងកាត់បន្ថយការនាំចូល ដើម្បីអាចកែប្រែប្រទេសឥណ្ឌូនេស៊ី ឲ្យក្លាយទៅជាជង្រុកស្បៀងអាហាររបស់ពិភពលោក នៅអំឡុងឆ្នាំ ២០២៩-២០៣០។

យោងតាមអគ្គនាយកនៃ​នាយកដ្ឋាន​​ Food Crops Suwandi បានបង្ហាញឲ្យដឹងថា ប្រទេសឥណ្ឌូណេស៊ី ពិតជាមានសក្តានុពលខ្លាំង ក្នុងការប្រើប្រាស់ដីវាលភក់ ដែលភាគច្រើននៅក្នុងខេត្ត South Sumatra, South Kalimantan, West Kalimantan និង Central Kalimantan ឲ្យក្លាយទៅជាដីកសិកម្ម ៕

The post ឥណ្ឌូនេស៊ី ដាក់គោលដៅឲ្យក្លាយជាប្រទេសជង្រុកស្បៀងអាហារពិភពលោក នៅឆ្នាំ ២០២៨ appeared first on .

ថ្លែងទៅកាន់ប្រព័ន្ធផ្សព្វផ្សាយបន្ទាប់ពីកិច្ចប្រជុំ រដ្ឋមន្ត្រីក្រសួងពាណិជ្ជកម្មឥណ្ឌូនេស៊ី លោក Zulkifli Hasan បានសង្កត់ធ្ងន់ថា តម្លៃស្ករ និងពោត នៅក្នុងស្រុក កំពុងមានការកើនឡើងជាលំដាប់ ដោយសារស្ថានភាពពិភពលោកបច្ចុប្បន្ន ដូចជាជម្លោះ និងបាតុភូត​រាំងស្ងួត ​El Nino ជាដើម។

លោក​ Zulkifli បានបន្តទៀត​ថា ឥណ្ឌូនេស៊ី មានផែនការ​​នាំ​ចូល​ពោត​ចំនួន ២៥០ ០០០ តោន​សម្រាប់​ប្រើប្រាស់ នៅក្នុងឧស្សាហកម្ម​ចំណី​សត្វ ស្របពេលការនាំចូលស្ករ នឹងត្រូវរង់ចាំ​ឱ្យតម្លៃ​ធ្លាក់​ចុះ​បន្តិចសិន មុន​នឹង​សម្រេច​ចិត្ត​នាំចូលបន្ថែម។

ទន្ទឹមនឹងនេះ រដ្ឋាភិបាលឥណ្ឌូនេស៊ី ​ក៏​កំពុង​សហការ​ជាមួយ​ប្រទេស​មួយ​ចំនួន ​ក្នុង​ការ​ទិញចូល​អង្ករ​បន្ថែមទៀតផងដែរ ប្រសិនបើ​ចាំបាច់ ដោយប្រទេសនៅតំបន់អាស៊ីអាគ្នេយ៍មួយនេះ គ្រោងនឹងនាំចូលអង្ករបន្ថែមចំនួន ១,៥ លានតោន ដើម្បីបង្កើនទុនបម្រុងអង្ករជាតិរបស់ខ្លួន ដែលមានត្រឹមតែ ១,៧ លានតោន គិតត្រឹមថ្ងៃទី៦ ខែតុលានេះ៕

The post ឥណ្ឌូនេស៊ី គ្រោងបង្កើនការនាំចូលស្បៀងអាហារបន្ថែម ដើម្បីទប់ស្កាត់ការឡើងថ្លៃក្នុងស្រុក appeared first on .

តាមរយ:ការផ្តល់មូលនិធិនេះ ADB ក៏មានគោលបំណងធ្វើឱ្យប្រសើឡើងនូវសន្តិសុខស្បៀងអាហាររយ:ពេលវែង ជាមួយនឹងការពង្រឹងប្រព័ន្ធស្បៀងអាហារ ប្រឆាំងទៅនឹងផលប៉ះពាល់ ដោយសារការប្រែប្រួលអាកាសធាតុ និងការបាត់បង់ជីវចម្រុះផងដែរ ។ នេះបើយោងតាមការចេញផ្សាយដោយ ADB ផ្ទាល់ នៅដើមសប្តាហ៍នេះ ។

មិនតែប៉ុណ្ណោះ ជំនួយនេះផងដែរ នឹងអាចពង្រីកដល់ការគាំទ្ររបស់ ADB សម្រាប់សន្តិសុខស្បៀងអាហារក្នុងតំបន់ ដែលមានមនុស្សជិត ១,១ ពាន់លាននាក់ កំពុងប្រឈមមុខ ជាមួយនឹងការខ្វះរបបអាហារ ដោយសារតែភាពក្រីក្រ និងតម្លៃស្បៀងអាហារ ដែលបានហក់ឡើងដល់កម្រិតខ្ពស់បំផុត នៅឆ្នាំនេះ ។

លើសពីនេះ ADB បាននិយាយថា មូលនិធិនេះ នឹងត្រូវបញ្ជូនតាមរយ:គម្រោងដែលមានស្រាប់ និងគម្រោងថ្មី នៅក្នុងវិស័យជាច្រើន ដូចជា កសិកម្ម ការផលិត និងចែកចាយស្បៀងអាហារ ការការពារសង្គម ប្រព័ន្ធធារាសាស្រ្ត ការគ្រប់គ្រងធនធានទឹក និងគម្រោងដោះស្រាយផ្នែកលើធម្មជាតិ។

បន្ថែមពីនេះ ADB នឹងបន្តវិនិយោគក្នុងសកម្មភាពផ្សេងទៀត ដែលរួមចំណែកដល់សន្តិសុខស្បៀង ដូចជាការផ្លាស់ប្តូរថាមពល ការដឹកជញ្ជូន លទ្ធភាពទទួលបានហិរញ្ញវត្ថុនៅតាមទីជនបទ ការគ្រប់គ្រងបរិស្ថាន សុខភាព និងការអប់រំ ជាដើម ។

គួរបញ្ជាក់ផងដែរថា ការលុកលុយរបស់រុស្ស៊ី ទៅលើប្រទេសអ៊ុយក្រែន បានបង្អាក់ដល់ការផ្គត់ផ្គង់ស្បៀងអាហារ និងជីកសិកម្ម ដែលជាហេតុធ្វើឱ្យប្រព័ន្ធស្បៀងអាហារសកលចុះទន់ខ្សោយ ដោយបន្ថែមពីលើផលប៉ះពាល់ដោយសារការប្រែប្រួលអាកាសធាតុ ភាពរអាក់រអួលនៃការផ្គត់ផ្គង់ដែលទាក់ទងនឹងជំងឺរាតត្បាតកូវីដ-១៩ និងការអនុវត្តកសិកម្មដែលគ្មាននិរន្តរភាពផងដែរ ៕

The post ADB ប្រកាសផែនការផ្តល់ជំនួយ ១៤ ពាន់លានដុល្លារ ដើម្បីកាត់បន្ថយវិបត្តិស្បៀងអាហារ នៅអាស៊ីប៉ាស៊ីហ្វិក appeared first on .

យោងតាមប្រភពដែលបានសុំមិនបញ្ចេញឈ្មោះ បាននិយាយថា វិធានការនេះ អាចនឹងអនុញ្ញាតឱ្យ IMF ជួយអ៊ុយក្រែន និងប្រទេសផ្សេងទៀត ដែលទទួលរងគ្រោះខ្លាំង ដោយសារតែបញ្ហាសង្គ្រាមបន្តអូសបន្លាយ រវាងរុស្ស៊ី និងអ៊ុយក្រែន ដោយមិនកំណត់លក្ខខណ្ឌតម្រូវការ ដូចទៅនឹងកម្មវិធីមូលនិធិធម្មតានោះឡើយ។ ប៉ុន្តែបើតាមប្រភព ដែលបានប្រាប់ទៅកាន់សារព័ត៌មាន Reuters បានបញ្ជាក់ថា វិធានការនេះ នៅតែស្ថិតនៅក្រោមការត្រួតពិនិត្យ ដោយទំហំ និងវិសាលភាពនៃវិធានការ នៅមិនទាន់ដឹងច្បាស់នៅឡើយ ។

ប្រភពដដែលបានបង្ហាញទៀតថា នឹងមានការបោះឆ្នោតជាផ្លូវការ ដើម្បីគាំទ្រដល់វិធានការនេះ ហើយវាត្រូវបានគេរំពឹងទុកថា នឹងធ្វើឡើង នៅពេលកិច្ចប្រជុំប្រចាំឆ្នាំរបស់ IMF មកដល់ នៅក្នុងខែតុលាខាងមុខ ។

ប្រសិនបើមានការយល់ព្រមលើវិធានការនេះ នោះវានឹងអាចបង្កើនដែនកំណត់នៃការចូលប្រើប្រាស់មូលនិធិដែលមានស្រាប់ជាបណ្តោះអាសន្ន ហើយនិងអាចអនុញ្ញាតឱ្យប្រទេសជាសមាជិកទាំងអស់ ខ្ចីប្រាក់បានរហូតដល់ ៥០% នៃកូតា IMF របស់ពួកគេ ដែលស្ថិតនៅក្រោមឧបករណ៍ហិរញ្ញវត្ថុរហ័សរបស់ IMF និងឧបករណ៍ឥណទានរហ័ស ដែលបម្រើដល់ប្រទេសមានប្រាក់ចំណូលទាប ។

បើតាមអង្គការ ដែលមានមូលដ្ឋាននៅទីក្រុងវ៉ាស៊ីនតោន បានព្យាករក្នុងខែកក្កដាថា អតិផរណានឹងអាចឈានដល់ ៦,៦% នៅក្នុងប្រទេសដែលមានសេដ្ឋកិច្ចជឿនលឿននៅឆ្នាំនេះ និង ៩,៥% នៅក្នុងប្រទេសដែលកំពុងរីកចម្រើន និងកំពុងអភិវឌ្ឍន៍ ដែលនេះបានបង្ហាញពីហានិភ័យយ៉ាងច្បាស់លាស់ ចំពោះស្ថិរភាពម៉ាក្រូសេដ្ឋកិច្ចបច្ចុប្បន្ន និងពេលអនាគត។

គួរឱ្យដឹងថា ប្រទេសជាច្រើននៅទ្វីបអាហ្រ្វិក និងប្រទេសក្រីក្រផ្សេងទៀត ដែលទទួលរងការខ្វះខាតស្បៀងអាហារ និងការស្រេកឃ្លានយ៉ាងធ្ងន់ធ្ងរ បានទាមទារឱ្យមានការកើនឡើងនៃប្រាក់មូលនិធិបន្ថែម ប៉ុន្តែវាមិនច្បាស់ទេថា តើប្រទេសប៉ុន្មាន នឹងស្វែងរកជំនួយហិរញ្ញប្បទានបន្ថែមនោះ ៕

The post IMF ត្រៀមពង្រីកលទ្ធភាពផ្តល់ជំនួយសង្គ្រោះបន្ទាន់ សម្រាប់ប្រទេសជួបវិបត្តិស្បៀងអាហារ appeared first on .

ការឆ្លងឆ្លើយរវាងប្រជាជននិងនាយករដ្ឋមន្ត្រីបានធ្វើឱយវេទិការមានជោគជ័យដែលយើងបានដោះស្រាយសំណូមពររបស់ប្រជាជនមិនត្រឹមតែវិស័យកសិកម្មប៉ុណ្ណោះទេតែយើងបានដោះស្រាយ សាលារៀន ផ្លូវ ស្ពាន ស្រះទឹក អណ្តូងទឹក វត្តអារាម។ល។ បានយ៉ាងច្រើនទៀតផង។

ពីប្រទេសដែលខ្វះស្រូវប្រម៉ាន១លាន តោននាទសវត្សរ៍១៩៩០និងដើមឆ្នាំ២០០០ ពេលនេះយើងសល់ស្រូវជាង៦លានតោនជាមួយដំណាំកសិកម្មផ្សេងទៀត មានការរីកចំរើនយ៉ាងខ្លាំងដែលធ្វើឱយ យើងដោះស្រាយបានតម្រូវការក្នុងស្រុក និងការនាំចេញផងដែរ។

វេទិការតាមវាលស្រែធ្វើមិនតិចជាង១០ដង នោះទេដែលមាននៅខេត្តកណ្តាល កំពង់ស្ពឺ តាកែវ កំពង់ឆ្នាំង ពោសាត់ កំពង់ធំ។ កូនស្រីច្បងរបស់ខ្ញុំមានទម្លាប់ដើរតាម ឪពុកតាំងពីតូច គេធ្លាប់ទៅតាមខ្ញុំបាន ប៉ុន្មានកន្លែងដែរក្នុងវេទិការតាមភ្លឺស្រែនេះ។

ស្តាប់ប្រជាជននិយាយទទួលដោះស្រាយ សំណូមពរសមហេតុ សមផលរបស់ ប្រជាជនទើបយើងរៀបចំគោលនយោបាយបានត្រឹមត្រូវ។ ត្រូវធ្វើមន្ត្រីជើងពីរមិនត្រូវធ្វើមន្ត្រីជើង១០នោះឡើយ និងត្រូវរត់ទៅរកការងារធ្វើ កុំរង់ចាំការងាររត់មករកយើង៕

The post សម្ដេចតេជោ ហ៊ុន សែន៖ ដើម្បីមានស្បៀងគ្រប់គ្រាន់សម្រាប់ចិញ្ចឹមប្រជាជន យើងត្រូវធ្វើវេទិការតាមភ្លឺស្រែជាមួយប្រជាជន appeared first on .

ជាក់ស្តែង លោក Visit Limlurcha ប្រធានកិត្តិយសនៃសមាគមអ្នកកែច្នៃចំណីអាហារថៃ បាននិយាយថា សង្គ្រាម បានបង្ករឱ្យមានក្តីព្រួយបារម្ភកាន់តែខ្លាំងឡើង ចំពោះសន្តិសុខស្បៀងអាហារ នៅក្នុងប្រទេសជាច្រើន ដែលនាំឱ្យអ្នកនាំចូល ត្រូវពន្លឿនការដឹកជញ្ជូនស្បៀងអាហារ ដើម្បីចៀសវាងការខ្វះខាត ។

លើសពីនេះ លោក Visit បានសង្កត់ធ្ងន់ទៀតថា ” ក្នុងនាមជាប្រទេសនាំចេញអាហារដ៏ធំបំផុតមួយរបស់ពិភពលោក ប្រទេសថៃ ទទួលបានអត្ថប្រយោជន៍ច្រើនពីសង្គ្រាម។ ការនាំចេញអាហារ បានធ្វើឱ្យថៃរកបានប្រាក់ចំណូលប្រមាណ ៣២៤ ពាន់លានបាត ក្នុងត្រីមាសទីមួយ ឆ្នាំនេះ ” ។

ទន្ទឹមនឹងនេះ លោកបាននិយាយទៀតថា ភាពទន់ខ្សោយរបស់ប្រាក់បាត គឺជាកត្តាជំរុញដ៏សំខាន់មួយផ្សេងទៀត នៃការនាំចេញស្បៀងអាហារ នៅក្នុងត្រីមាសទីមួយនេះ ។

ក្នុងចំណោមផលិតផលម្ហូបអាហារឧស្សាហកម្ម ដែលថៃនាំចេញ មានចំនួសសរុប ១៨៧ ពាន់លានបាត កើនឡើង ៤០​,៥% ពីឆ្នាំមុន ​ខណ:ផលិតផលអាហារកសិកម្មមានចំនួន ១៣៨ ពាន់លានបាត កើនឡើង ១០% ។

បញ្ជាក់ថា ផលិតផលស្បៀងអាហារកំពូលទាំង ១០ សម្រាប់កំណើននៃការនាំចេញនេះ មានដូចជា ៖ ខ្លាញ់ និងប្រេងពីរុក្ខជាតិ និងសត្វ ដែលអាចបរិភោគបាន រួមទាំង ស្ករ , គ្រាប់ធញ្ញជាតិ , ពោត , សាច់ , មឹក , អាហារសម្រាប់សត្វចិញ្ចឹម , អង្ករ , ត្រី , និងគ្រឿងទេសអាហារ ៕

ប្រភព: Bangkok Post

The post សង្គ្រាមរុស្ស៊ី-អ៊ុយក្រែន អាចធ្វើឱ្យប្រទេសថៃ កើនឡើងការនាំចេញស្បៀងអាហារដល់ ៥% appeared first on .

ជាក់ស្តែង យោងតាមលោក Anong Paijitprapaporn នាយកវិទ្យាស្ថានអាហារជាតិ បានលើកឡើងថា ការនាំចេញស្បៀងអាហារ ត្រូវបានរំពឹងថានឹងទទួលបានការកើនឡើងដល់តម្លៃ ១,២ ទ្រីលានបាត ឬ ជាង ៣៦ ពាន់លានដុល្លារ នៅឆ្នាំនេះ ហើយចំនួននេះ ទំនងជាកំណត់ត្រាថ្មីមួយ សម្រាប់ការនាំចេញអាហាររបស់ប្រទេសថៃផងដែរ ។

យ៉ាងណា ការព្យាករនេះត្រូវបានធ្វើឡើង តាមរយ:ការសន្មត់ ទៅលើតម្លៃប្រាក់បាតជាមធ្យម ៣៣,៥០ បាត់ក្នុងមួយដុល្លារអាមេរិក រួមជាមួយនឹងកំណើនសេដ្ឋកិច្ចពិភពលោក ៤% , ក៏ដូចជាតម្លៃប្រេងឆៅ ១០០ ដុល្លារ ក្នុងមួយបារ៉ែល និងតម្លៃស្បៀងអាហារពិភពលោក ដែលបានកើនឡើង ៣,៥% ទៀតផង ។

បន្ថែមពីនេះ សភាពាណិជ្ជកម្មថៃ , វិទ្យាស្ថានអាហារជាតិ និងសហពន្ធឧស្សាហកម្មថៃ (FTI) បានចេញសេចក្តីប្រកាសរួមគ្នាមួយកាលពីម្សិលមិញ ដែលលើកឡើងថា ការនាំចេញអាហារបានកើនឡើងដល់ ១១,៨% កាលពីឆ្នាំមុន ដល់តម្លៃប្រមាណ ១,១០៧ ទ្រីលានបាត ឬ ៣៤,៨៩ ពាន់លានដុល្លារ ហើយជាចំនួនដែលបានកើនឡើង ១១,៥% កាលពីឆ្នាំមុនមួយទៀត ។

គួរឱ្យដឹងផងដែរថា ថៃនៅតែប្រទេស ដែលបាននាំចេញស្បៀងអាហារធំជាងគេទី ១៣ របស់ពិភពលោក ដែលចំណាត់ថ្នាក់នេះមិនបានប្រែប្រួលពីឆ្នាំមុនៗនោះឡើយ ៕

ប្រភព: Bangkok Post

The post ប្រទេសថៃ រំពឹងខ្ពស់ថាការនាំចេញស្បៀងអាហាររបស់ខ្លួនកើនដល់ជាង ៣៦ ពាន់លានដុល្លារ ក្នុងឆ្នាំនេះ appeared first on .