ស្ពានអាកាសមរតកតេជោ

សម្តេចធិបតី ហ៊ុន ម៉ាណែត ចំណារយល់ព្រមដាក់ឈ្មោះស្ពានថ្មីកំពុងស្ថាបនាដោយក្រុមហ៊ុនអ្នកឧកញ៉ា ពុង ឃាវសែ ជា«ស្ពានអាកាស មរតកតេជោ»

ឧកញ៉ាកោះក្របី — Sun, 11 Feb 2024 04:04:28 +0000

សម្តេចធិបតី ហ៊ុន ម៉ាណែត នាយករដ្ឋមន្រ្តី បានចំណារយល់ព្រមដាក់ឈ្មោះស្ពានអាកាសថ្មីដែលក្រុមហ៊ុន OCIC របស់អ្នកឧកញ៉ា ពុង ឃាវសែ កំពុងស្ថាបនាត្រង់ចំណុចប្រសព្វរវាងមហាវិថីសម្តេចតេជោ ហ៊ុន សែន ៦០ម៉ែត្រ មហាវិថីព្រះមុនីង្ស និងមហាវិថីកងយោធពលខេមរភូមិន្ទ ដោយប្រសិទ្ធនាមជា «ស្ពានអាកាស មរតកតេជោ»។

លិខិតរបស់ទីស្តីការគណៈរដ្ឋមន្រ្តីប្រាប់ទៅអភិបាលរាជធានីភ្នំពេញ ចុះថ្ងៃទី១ ខែកុម្ភៈ ឆ្នាំ២០២៤ បានបញ្ជាក់ថា រាជរដ្ឋាភិបាលយល់ព្រមឲ្យប្រសិទ្ធនាមស្ពានអាកាសត្រង់ចំណុចប្រសព្វរវាងសម្តេចតេជោ ហ៊ុន សែន ៦០ម៉ែត្រ មហាវិថីព្រះមុនីង្ស និងមហាវិថីកងយោធពលខេមរភូមិន្ទ ស្ថិតនៅខណ្ឌមានជ័យ និងខណ្ឌចំការមន រាជធានីភ្នំពេញ ជា «ស្ពានអាកាស មរតកតេជោ»។

សូមជម្រាបជូនថា ក្នុងពិធីតភ្ជាប់ស្ពានអាកាសថ្មីនេះ កាលថ្ងៃទី២៩ ខែមករាកន្លងទៅ លោក ឃួង ស្រេង អភិបាលរាជធានីភ្នំពេញ បានបង្ហើបពីការស្នើសុំទៅប្រមុខរាជរដ្ឋាភិបាល សម្ដេចធិបតី ហ៊ុន ម៉ាណែត ដើម្បីប្រសិទ្ធនាមស្ពាអាកាសនេះ ជា«ស្ពានអាកាសមរតកតេជោ»។

មន្ទីរសាធារណការ និងដឹកជញ្ជួនក្រុងភ្នំពេញ បានឲ្យដឹងថា ស្ពានអាកាសមរតកតេជោ តភ្ជាប់មហាវិថី ព្រះមុនីវង្ស និងមហាវិថី សម្តេចតេជោ ហ៊ុន សែន (ស្ពានអាកាសមេផ្នែកខាងលើ) សម្រេចបានលទ្ធផល ៨០%ហើយ នៅដើមខែមេសាខាងមុខនេះមុនពិធីបុណ្យចូលថ្មីប្រពៃណីខ្មែរ រាជរដ្ឋាភិបាលនឹងបើកឲ្យដំណើរការជាបណ្តោះអាសន្ន ដើម្បីឲ្យប្រជាពលរដ្ឋបានធ្វើដំណើរឆ្លងកាត់កាត់បន្ថយបាននូវការកកស្ទះចរារចរ។

The post សម្តេចធិបតី ហ៊ុន ម៉ាណែត ចំណារយល់ព្រមដាក់ឈ្មោះស្ពានថ្មីកំពុងស្ថាបនាដោយក្រុមហ៊ុនអ្នកឧកញ៉ា ពុង ឃាវសែ ជា«ស្ពានអាកាស មរតកតេជោ» appeared first on .

អ្នកឧកញ៉ា ពុង ឃាវសែ កាន់បែលចូកស៊ីម៉ងត៍តភ្ជាប់«ស្ពានអាកាសមរតកតេជោ» តម្លៃជាង៣៦លានដុល្លារ

ឧកញ៉ាកោះក្របី — Mon, 29 Jan 2024 08:48:47 +0000

អ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC ដែលជាអ្នកទទួលបន្ទុកសាងសង់គម្រោងស្ពានអាកាសព្រះមុនីវង្ស បានចូលរួមភ្ជាប់«ស្ពានអាកាសមរតកតេជោ» ស្ថិតនៅចំណុចប្រសព្វរវាងមហាវិថីសម្តេចតេជោ ហ៊ុន សែន ៦០ម៉ែត្រ, មហាវិថីព្រះមុនីវង្ស និងមហាវិថីយោធពលខេមរភូមិន្ទ (ផ្លូវ២៧១) ស្ថិតនៅខណ្ឌមានជ័យ និងខណ្ឌចំការមន រាជធានីភ្នំពេញ។

ពិធីតភ្ជាប់«ស្ពានអាកាសមរតកតេជោ» ធ្វើឡើងនៅព្រឹកថ្ងៃចន្ទ ទី២៩ ខែមករា ឆ្នាំ២០២៤ ក្រោមវត្តមានលោក ឃួង ស្រេង អភិបាលរាជធានីភ្នំពេញ។ មន្ទីរសាធារណការ និងដឹកជញ្ជួនក្រុងភ្នំពេញ បានឲ្យដឹងថាស្ពានអាកាសមរតកតេជោ តភ្ជាប់មហាវិថី ព្រះមុនីវង្ស និងមហាវិថី សម្តេចតេជោ ហ៊ុន សែន (ស្ពានអាកាសមេផ្នែកខាងលើ) សម្រេចបានលទ្ធផល ៨០%ហើយ។

បើតាមលោក ឃួង ស្រេង ការប្រសិទ្ធនាមស្ពាអាកាសនេះ ជាស្ពានអាកាសមរតកតេជោគ្រាន់តែជាគម្រោងដែលលោកនឹងសុំទៅប្រមុខរាជរដ្ឋាភិបាលសម្ដេចធិបតី ហ៊ុន ម៉ាណែត នាយករដ្ឋមន្រ្តី។

លោកបន្តថា ស្ពានអាកាសមរតកតេជោ សម្រេចបានលើការសាងសង់ ក្នុងដំណាក់កាលទី១ ហើយ៧៤ថ្ងៃទៀត យើងនឹងសុំទៅសម្ដេច ហ៊ុន ម៉ាណែត ដើម្បីប្រកាសដាក់ឲ្យប្រើប្រាស់ស្ពានអាកាសនេះ ជាបណ្តោះអាសន្ន ដើម្បីឲ្យប្រជាពលរដ្ឋបានធ្វើដំណើរឆ្លងកាត់កាត់បន្ថយបាននូវការកកស្ទះចរារចរ។

គម្រោងសាងសង់ស្ពានអាកាសទី៨នេះ ដែលនឹងប្រសិទ្ធនាម «ស្ពានអាកាសមរតកតេជោ» ស្ថាបនាដោយក្រុមហ៊ុនវិនិយោគទុនអាណិកជនកម្ពុជា OCIC គ្រោងចំណាយថវិកាជាង ៣៦លានដុល្លារ និងចំណាយពេលវេលាសាងសង់ ៣៦ខែ។ សូមជម្រាបជូនថា គិតមកពេលនេះ រាជធានីភ្នំពេញមានស្ពានដែលបានឲ្យដំណើការចំនួន៧ហើយ។ ជារួមបើគិតទាំងស្ពានអាកាសដែលបានដាក់ឱ្យដំណើរការរួចរាល់ហើយ ចាយថវិកាប្រមាណ ៨៥,៦៤៨,៥០៩.៧ដុល្លារ ខណៈដែលកំពុងសាងសង់ និងត្រៀមបើកការដ្ឋានសាងសង់នៅរាជធានីភ្នំពេញមិនទាន់រាប់បញ្ចូលនោះទេ៕

The post អ្នកឧកញ៉ា ពុង ឃាវសែ កាន់បែលចូកស៊ីម៉ងត៍តភ្ជាប់«ស្ពានអាកាសមរតកតេជោ» តម្លៃជាង៣៦លានដុល្លារ appeared first on .