បើតាមលោកស្រី កម្លាំងពលកម្មស្រ្តីមានប្រមាណ ៨៤ % ហើយស្រ្តីប្រមាណ ៦១% ជាម្ចាស់អាជីកម្ម ឬ អ្នកធ្វើធុរកិច្ច ដែលជាអត្រាខ្ពស់ក្នុងតំបន់។ នៅឆ្នាំ២០២២ ស្ត្រីជាម្ចាស់ក្រុមហ៊ុន មានកើនឡើងចន្លោះពី ២០%ទៅ ២២% និងស្ត្រីជាម្ចាស់សហគ្រាសកើនពីចន្លោះពី ៣០% ទៅ ៣២%។

ទោះជាយ៉ាងណា លោកស្រី អ៉ឹង កន្ថាផាវី បញ្ជាក់ថា ទន្ទឹមនឹងលទ្ធផលសម្រេចបាននេះ នៅមានបញ្ហាប្រឈម និងកង្វល់មួយចំនួនដែលត្រូវបន្តរួមគ្នាដោះស្រាយ តាមរយះយន្តការបញ្ជ្រាបយេនឌ័រនៅថ្នាក់ជាតិ និងក្រោមជាតិ កិច្ចការពារសិទ្ធិស្ត្រី តម្រូវឱ្យមានការអភិវឌ្ឍធនធានមនុស្ស និងការធ្វើទំនើបកម្មស្ថាប័ន ពង្រីកវិសាល ភាពការងារ ដើម្បីឆ្លើយតបទៅការវិវត្តន៍ថ្មីៗ និងបញ្ហារបស់ស្ត្រី និងក្មេងស្រី មានជាអាទិ៍ បទពិសោធន៍ ចំណេះដឹង ជំនាញ ទីផ្សារការងារ និងមុខរបរ និងសុវត្ថិភាពពាក់ព័ន្ធបច្ចេកវិទ្យាឌីជីថលដើម។ 

ជាមួយគ្នានោះ លោកស្រីបានបញ្ជាក់បន្ថែមថា ឆ្នាំ២០២២ មន្ត្រីរាជការស្ត្រី មានចំនួន ៦៨២២ នាក់ នៃមន្ត្រីរាជការសរុប ២៨៥៤២នាក់ បានទទួលការពង្រឹងសមត្ថភាពលើចំណេះដឹង និងជំនាញផ្សេងៗ ទាំងនៅក្នុងប្រទេស និងក្រៅប្រទេស។

ទន្ទឹមនឹងនោះដែរ លោកស្រីក៏បានគូសបញ្ជាក់អំពីការយកចិត្តទុករបស់ប្រមុខរាជរដ្ឋាភិបាលកម្ពុជា ដែលបានផ្តល់អាទិភាពខ្ពស់ក្នុងការជំរុញ និងលើកកម្ពស់សមភាពយេនឌ័រ និងស្ថានភាពស្រ្តីលើគ្រប់វិស័យ និងគ្រប់កម្រិត ក្នុងការអនុវត្តច្បាប់ គោលនយោបាយ និងវិធានការនានា តាមរយៈយន្តការថ្នាក់ជាតិ និងថ្នាក់ក្រោមជាតិ ជាពិសេស សម្តេចតេជោនាយករដ្ឋមន្ត្រី ដែលជានិច្ចកាលតែងផ្តល់នូវការគាំទ្រយ៉ាងពេញទំហឹងទាំងស្មារតី និងថវិកាដល់ដំណើរការសកម្មភាពរបស់ក្រុមប្រឹក្សាជាតិកម្ពុជាដើម្បីស្ត្រី ឱ្យសម្រេចបាននូវវឌ្ឍនភាពជាទីមោទនៈ ក្រោមសុខសន្តិភាពជាតិ៕

The post ចំនួនស្ត្រីជាម្ចាស់អាជីវកម្មនៅកម្ពុជា មានអត្រាខ្ពស់ជាងគេក្នុងតំបន់ appeared first on .

សម្តេច ហ៊ុន សែន បានលើកឡើងថា បច្ចុប្បន្ន ស្ត្រីបានចូលរួមចំណែកក្នុងកិច្ចការ​ងារជាច្រើនក្នុងវិស័យផ្សេងៗ ដូចជាវិស័យសុខាភិបាល , វិស័យសេវាកម្ម ដូចជា ធនាគា សណ្ឋាគារ, ភោជនីដ្ឋាន និងគ្រូបង្រៀន រួមទាំងវិស័យយោធាផងដែរ។

ទន្ទឹមគ្នានេះ សម្តេច បានកោត​សសើរផងដែរ ចំពោះការចូលរួមរួមរបស់ស្ត្រីយ៉ាង​សកម្មដែលបង្ហាញនូវភាពក្លាហាន មិនចាញ់បុរសនោះឡើយ។

ជាងនេះទៀត សម្តេច ហ៊ុន សែន បានជំរុញឲ្យមានការបង្កើនសមត្ថភាព​មន្ត្រីរាជការ​ស៊ីវិល ជាស្ត្រីតាមរយៈការបណ្តុះបណ្តាលសមត្ថភាព ដើម្បីឲ្យស្ត្រីបានកាន់​តួនាទីផ្សេង​ៗក្នុងក្រសួងស្ថាប័ន។ សម្តេច ក៏បានលើកទឹកចិត្ត និងជំរុញឲ្យស្ត្រីបានបន្តការ​សិក្សាឲ្យបានច្រើន ដើម្បីឲ្យធនធានមនុស្សរបស់យើងកាន់តែសំបូរបែប៕

 អត្ថបទ៖ សិរីកា

The post សម្តេច​ ហ៊ុន សែន ជំរុញ​ឲ្យមាន​ការ​​បង្កើន​សមត្ថភាព​​មន្ត្រីរា​ជ​ការ​ស៊ីវិល​​ជាស្ត្រី appeared first on .