ថ្លែងនៅក្នុងឱកាសអញ្ជើញចូលរួមជាអធិបតីភាពក្នុងពិធីបើកសិក្ខាសាលាថ្នាក់ជាតិ ផ្សព្វផ្សាយអនុក្រឹត្យ ស្តីពីការគ្រប់គ្រងទារកដ្ឋាន នៅថ្ងៃទី១២ ខែមីនា ឆ្នាំ២០២៦ ឧបនាយករដ្ឋមន្ត្រី ហង់ជួន ណារ៉ុន បានបញ្ជាក់យ៉ាងដូច្នេះថា «បើសិនជាយើងចង់ឲ្យកម្ពុជា មានធនធានមនុស្ស មានគុណភាព ត្រូវតែវិនិយោគចាប់ពីកុមារទៅ ចាប់ពីអាយុ១០០០ថ្ងៃដំបូង ទាំងទារកដ្ឋាន ទាំងអនាម័យ ផ្លាស់ប្ដូរទម្លាប់ហូបចុក របស់មាតាបិតា និងផ្ដល់ការគាំទ្រថែទាំដល់កុមារ»។

បន្ថែមពីនោះទៀត ឧបនាយករដ្ឋមន្ត្រី ហង់ជួន ណារ៉ុន ក៏បានអំពាវនាវដល់អាណាព្យាបាលទាំងអស់ ត្រូវយកចិត្ដទុកដាក់ទៅលើទារកដ្ឋាន និងការថែទាំនៅពេលកុមារតូច មុនអាយុ៣ឆ្នាំ និងបង្កើនអត្រាចូលរៀនរបស់កុមារនៅក្នុងអាយុ៣ឆ្នាំ ៤ឆ្នាំ និង៥ឆ្នាំ ឲ្យបានកាន់តែច្រើនបន្ថែមទៀត។

ឧបនាយករដ្ឋមន្ត្រី ហង់ជួន ណារ៉ុន បានបន្ថែមថា ក្នុងបរិបទនេះ ការគាំពារ និងអភិវឌ្ឍកុមារតូច បានដើរតួនាទីយ៉ាងសំខាន់ ក្នុងការផ្តល់នូវមូលដ្ឋានគ្រឹះដ៏រឹងមាំ និងមិនអាចខ្វះបាន ក្នុងការអភិវឌ្ឍធនធានមនុស្ស ដោយផ្តើមចេញពីការគាំទ្រ ការអនុវត្តតាមបែបពហុវិស័យបញ្ចូលគ្នា។

ជាក់ស្តែងការស្រាវជ្រាវជាច្រើន បានឱ្យដឹងថា កុមារដែលបានទទួលសេវាថែទាំគាំពារប្រកបដោយវិជ្ជមាន និងឆ្លងកាត់ថ្នាក់មត្តេយ្យសិក្សា តែងតែបានចូលរៀន នៅសាលាបឋមសិក្សាដោយជោគជ័យ ដោយពុំមានការត្រួតថ្នាក់ និងបោះបង់ការសិក្សាឡើយ។ ជាពិសេសចាប់ពីកំណើតរហូត ដល់អាយុក្រោម៣ឆ្នាំ គឺជាអំឡុងពេលដែលមាតាបិតា និងអ្នកមើលថែកុមារតូច ត្រូវផ្តល់អាហារូបត្ថម្ភឱ្យបានគ្រប់គ្រាន់ ដើម្បីឱ្យកោសិកាខួរក្បាល មានការលូតលាស់បានល្អ ពីព្រោះក្នុងដំណាក់កាល ដំបូងនេះ កោសិកាខួរក្បាលកុមារ មានការលូតលាស់យ៉ាងឆាប់រហ័ស រហូតដល់៧០%៕

The post រដ្ឋមន្ត្រីក្រសួងអប់រំ៖ ប្រសិនបើចង់ឱ្យកម្ពុជាមានធនធានមនុស្សដែលសំបូរដោយគុណភាព ត្រូវចាប់ផ្តើមវិនិយោគចាប់ពីកុមារតូចទៅ appeared first on .

លោកជារដ្ឋមន្ត្រី ដែលមាន​មហិច្ឆតា​ធ្វើកំណែ​ទម្រង់​ការ​អប់រំ​ដ៏​ពុក​ផុយ​នៅ​កម្ពុជា ឲ្យ​មាន​សក្ដានុភាព​​ឡើង​វិញ​។ ពង្រឹង​គុណភាព​អប់រំ រឹតបន្តឹង​ការ​ប្រឡង ដំឡើង​ប្រាក់​បៀវត្សរ៍​ឲ្យ​គ្រូ​បង្រៀន សុទ្ធ​សឹង​ជា​អ្វី​ដែល​លោក​រដ្ឋ​មន្ដ្រី​រូប​នេះ​បាន​ធ្វើ​រួច​ហើយ បើ​ទោះ​បី​ជា​ត្រូវ​រង​ការ​សង្ស័យ​ចំពោះ​សមត្ថភាព​ពី​ដំបូង​ក៏​ដោយ​ចុះ​។

ទន្ទឹមនឹងនោះ លោក ហង់ជួនណារ៉ុន គឺជាមន្ត្រីដែលចេះរហូតដល់ទៅ ៥ភាសា ឯណោះ ក្រៅពីភាសាខ្មែរ គឺភាសាអឺរ៉ុប ចំនួន ៣ភាសា និងភាសាអាស៉ី ចំនួន ៣ភាសា។

ជុំវិញបញ្ហាភាសានេះដែរ កាលពីពេលថ្មីៗនេះ លោក ហង់ជួន ណារ៉ុន បានបញ្ជាក់ថា៖ «តាមការស្រាវជ្រាវ ការចេះភាសាច្រើន ធ្វើឲ្យខួរក្បាលគិតបានល្អ ជាងអ្នកចេះភាសាតែមួយ និងមានការយល់ដឹងខាងផ្នែកវប្បធម៌ វិទ្យាសាស្ត្រ និងមានបំណិនទំនាក់ទំនងបានល្អជាង។ ក្នុងន័យនេះ លោក ហង់ជួនណារ៉ុន លើកទឹកចិត្តឲ្យយុវជនខ្មែរ រៀនភាសាខ្មែរឲ្យច្បាស់»៕

The post ក្រៅពីសាភាខ្មែរ រដ្ឋមន្ត្រីក្រសួងអប់រំ ហង់ជួន ណារ៉ុន ចេះភាសាចំនួន ៥ ឯណោះ appeared first on .

ថ្លែងក្នុងកម្មវិធីជជែកដេញដោលយុវជនថ្នាក់ជាតិ ២០២២ វគ្គផ្តាច់ព្រ័ត្រ លើប្រធានបទ៖ «យុវជនត្រូវមានចំណេះដឹង បំណិន និងចរិយាធម៌ជាពលរដ្ឋល្អ ដើម្បីក្លាយជាសសរទ្រូងពិតប្រាកដរបស់ប្រទេសជាតិ» នៅថ្ងៃទី១២ ខែសីហានេះ លោក ហង់ជួន ណារ៉ុន បានគូសបញ្ជាក់ថា ប្រសិនបើយុវជនយើងប្រើប្រាស់ខ្លាំងព​េកតែដំណឹង ឬក៏ចំណេះដឹងដែលបានមកពីអិនធើណេត ដោយមិនយកចិត្តទុកដាក់ទៅលើចំណេះដឹងកម្រិតខ្ពស់ក៏មិនអាចសម្រេចបាននូវគោលដៅបានឡើយ។

ទាក់ទងនឹងចំណេះដឹងកម្រិតខ្ពស់ លោករដ្ឋមន្រ្តី បានពន្យល់យ៉ាងដូច្នេះថា៖ «ជាចំណេះដឹងខាងផ្នែកទ្រឹស្តី ទស្សនវិជ្ជា និងអានសៀវភៅ ទើបអាចទទួលចំណេះដឹងបាន ព្រោះថា នៅលើអិនធើណេតជាការពិតមានព័ត៌មានជាច្រើន ប៉ុន្តែប្រសិនដឹងតែចំណេះដឹងមូលដ្ឋានដោយមិនបានយកចិត្តទុកដាក់ដល់ចំណេះដឹងកម្រិតខ្ពស់ ហើយមិនមានសមត្ថភាពនៅក្នុងការត្រិះរិះពិចារណា វិភាគ សំយោគនោះទេ គឺចំណេះនោះមិនគ្រប់គ្រាន់ឡើយ»។

យ៉ាងណា លោករដ្ឋមន្រ្តីក្រសួងអប់រំ បានផ្តល់នូវយុទ្ធសាស្រ្តគន្លឹះដល់យុវជន ត្រូវតែគិតគូរដល់ចំណេះដឹងបច្ចេកទេសដែលកំពុងមានសារៈសំខាន់ខ្លាំងនៅក្នុងបរិបទបច្ចេកវិទ្យាដោយកំពុងរីកលូតលាស់លឿន។ លោកថា បំណិនចាស់ៗនឹងបាត់បងទៅយ៉ាងលឿន ហើយបំណិនថ្មីៗនឹងកើតឡើងយ៉ាងច្រើន។

លោក ហង់ជួន ណារ៉ុន បានលើកយកការទស្សទាយថា ក្នុងរយៈពេល ១៥ឆ្នាំទៀត មានបំណិតប្រមាណ ៤០% នឹងកើតឡើង ដូច្នេះតើយើងត្រូវបណ្តុះបណ្តាលយុវជនណាដូចម្តេចដើម្បីត្រៀមខ្លួនសម្រាប់ពិភពលោកមួយដែលបើប្រាស់នៅបច្ចេកវិទ្យា ហើយទាមទារនូវបំណិនថ្មីៗ ខណៈដែលបំណិននេះវិវត្តន៍យ៉ាងលឿន។ លោកលើកឧទាហរណ៍ថា ទូរសព្ទក្នុងមួយឆ្នាំត្រូវធ្វើទំនើបកម្មម្តង ដូច្នេះបច្ចេកវិទ្យាដើរលឿនណាស់ ហើយបំណិនថ្មីៗកាន់តែអភិវឌ្ឍនៅក្នុងសម័យឌីជីថល។

កម្ពុជាគួរតែពិចារណា លើការអភិវឌ្ឍផែនទីនៃការផ្លាស់ប្តូរឧស្សាហកម្ម សម្រាប់វិស័យសំខាន់ៗ ដើម្បីជួយដល់ការផ្លាស់ប្តូរទៅរក បដិវត្តឧស្សាហកម្មទី៤ ជាមួយនឹងការវិនិយោគគ្រប់គ្រាន់ ក្នុងការពង្រឹងជំនាញសម្រាប់ការងារថ្មី និង ការងារដែលត្រូវផ្លាស់ប្តូរ។ នេះបើតាមការសិក្សាថ្មីមួយដោយធនាគារអភិវឌ្ឍន៍អាស៊ី ADB កាលពីពេលកន្លងទៅ។

ការសិក្សានេះពិនិត្យទៅលើ ឧស្សាហកម្មកាត់ដេរសម្លៀកបំពាក់ និងទេសចរណ៍នៅកម្ពុជា ព្រោះ វិស័យទាំងពីរមានសារៈសំខាន់សម្រាប់កំណើន ការងារ ភាពប្រកួតប្រជែងអន្តរជាតិ និងបដិវត្តឧស្សាហកម្មទី៤។

ការសិក្សាដដែលនេះ ក៏បានលើកទឹកចិត្តឱ្យប្រទេសកម្ពុជា អភិវឌ្ឍកម្មវិធីអប់រំ និងបណ្តុះបណ្តាលបច្ចេកទេស និងវិជ្ជាជីវៈ​ (TVET) ដោយផ្តោតលើការទទួលស្គាល់ 4IR ក្នុងវិស័យផលិតកម្មសម្លៀកបំពាក់ និង ទេសចរណ៍ និងផ្តោតលើកម្មវិធីវិញ្ញាបនប័ត្រជំនាញ ប្រកបដោយភាពបត់បែន ដែលអាចទទួលស្គាល់ ការបំពេញជំនាញ ក្រៅប្រពន្ធ័អប់រំប្រពៃណី។

ទន្ទឹមនឹងនេះ អ្នកជំនាញជាន់ខ្ពស់ផ្នែកអប់រំរបស់ ADB លោកស្រី Shanti Jagannathan មានប្រសាសន៍ ថា “នៅពេលបច្ចេកវិទ្យារីកចម្រើនយ៉ាងឆាប់រហ័ស  ការវិនិយោគយ៉ាងច្រើនលើជំនាញឌីជីថលនឹងជួយបង្កើនឱកាសរបស់យុវជននិងមនុស្សចំណាស់ក្នុងការទទួលបានការងារដែលមានគុណភាពខ្ពស់និងបន្ថយហានិភ័យនៃការបាត់បង់ការងារ ។ ឥឡូវនេះ គឺជាពេលវេលា ដើម្បីគិតឡើងវិញ នូវការផ្តល់ជំនាញដោយប្រើ វេទិកានិម្មិតនិងបច្ចេកវិទ្យាទូរស័ព្ទចល័ត ព្រមទាំងអភិវឌ្ឍស្ថាប័នបណ្តុះបណ្តាលឱ្យភាពរហ័សរហួនក្នុងការផ្តល់នូវវគ្គសិក្សានិងសញ្ញាបត្រដែលត្រូវនឹងតម្រូវការទីផ្សារ៕

The post រដ្ឋមន្រ្តី ហង់ជួន ណារ៉ុន៖ យុវជនត្រូវមានមូលដ្ឋានគ្រឹះរឹងមាំ រៀនឲ្យចេះច្បាស់ទាំងខាងបច្ចេកទេស និងជំនាញទន់ appeared first on .

លោក ហង់ ជួនណារ៉ុន បានស្វាគមន៍ចំពោះភាពជាដៃគូថ្មី ជាមួយក្រុមហ៊ុនសែលកាត ដែលជាសក្ខីភាពនៃការកើនឡើង នៃការវិនិយោគពីដៃគូវិស័យឯកជន ក្នុងការលើកកម្ពស់គុណភាពអប់រំនៅកម្ពុជា។ លោកបានលើកឡើងថា៖ «ការពង្រឹងជំនាញឌីជីថលរបស់គ្រូបង្រៀន បុគ្គលិកអប់រំ និងយុវជនរបស់យើង គឺជាអាទិភាពសំខាន់មួយ ក្នុងការអភិវឌ្ឍធនធានមនុស្ស ដែលមានជំនាញក្នុងសតវត្សរ៍ទី ២១ ដើម្បីគាំទ្រដល់ការផ្លាស់ប្តូរឌីជីថលរបស់កម្ពុជា»។

លោកបន្តថា៖ «ភាពជាដៃគូយុទ្ធសាស្ត្រថ្មី ជាមួយសែលកាតនឹងគាំទ្រដល់ការប្រើប្រាស់បច្ចេកវិទ្យាឌីជីថល នៅកម្រិតផ្សេងៗនៃប្រព័ន្ធអប់រំ ដើម្បីបង្កើតប្រព័ន្ធរួមបញ្ចូលបន្ថែមទៀត ដែលផ្តល់ការអប់រំប្រកបដោយគុណភាពសម្រាប់កុមារ និងយុវជនទាំងអស់នៅក្នុងប្រទេសកម្ពុជា»។

តាមរយៈកិច្ចសហប្រតិបត្តិការឧបត្ថម្ភជាយុទ្ធសាស្ត្រ  សែលកាត ត្រូវបានប្រសិទ្ធនាមជា «ដៃគូទូរគមនាគមន៍ផ្លូវការ» សម្រាប់កម្មវិធីចំនួន៣ ក្រោមផ្នែកមួយនៃសកម្មភាពរបស់សែលកាត ទាក់ទងនឹងមូលនិធិកសាងសមត្ថភាព និងការស្រាវជ្រាវ និងការអភិវឌ្ឍន៍លើវិស័យ ទូរគមនាគមន៍ និង បច្ចេកវិទ្យាគមនាគមន៍ និងព័ត៌មាន ដែលហៅកាត់ថា មូលនិធិស.អ.។

កម្មវិធីទាំងនេះ ត្រូវបានរៀបចំឡើងជាពិសេស ដើម្បីដោះស្រាយតម្រូវការសម្រាប់ការអប់រំប្រកបដោយនវានុវត្តន៍ ផ្តោតលើជំនាញ និង រួមបញ្ចូលការអប់រំឌីជីថល ក៏ដូចជាបណ្តុះចំណាប់អារម្មណ៍ ផ្នែកបច្ចេកវិទ្យាឌីជីថលក្នុងចំណោមស្ត្រី ដែលមានដូចជា កម្មវិធីពង្រឹងកម្មវិធីអប់រំគ្រូបង្រៀននៅកម្ពុជា ដែលហៅកាត់ថា (STEPCam) កម្មវិធីសមមូល អប់រំកម្រិតមូលដ្ឋានតាមអ៊ីនធឺណិត ហៅកាត់ថា (BEEP) និងកម្មវិធីអក្ខរកម្មនៅរោងចក្រ ហៅកាត់ថា (FLP) ជាដើម៕

The post អ្នកឧកញ៉ា គិត ម៉េង ចុះហត្ថលេខាជាមួយរដ្ឋមន្រ្តីអប់រំ ផ្តល់យុទ្ធសាស្រ្តដោះស្រាយតម្រូវការការអប់រំផ្តោតលើជំនាញ និងឌីជីថល appeared first on .

លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថា ការអភិវឌ្ឍន៍ធនធានមនុស្សគឺជាការវិនិយោគរយៈពេលវែងរបស់សង្គមជាតិ។ទន្ទឹមគ្នានេះ លោកថា ក៏ត្រូវការចូលរួមជាចាំបាច់នូវការការពារថែទាំ និងជ្រោមជ្រែងពីគ្រប់មជ្ឈដ្ឋាន ដើម្បីធានាថា ធនធានមនុស្សដែលផលិតយើងផលិតបានឆ្លើយតបទៅនឹងតម្រូវការនៃការអភិវឌ្ឍសង្គមសេដ្ឋកិច្ច និងការប្រកួតប្រជែងនៅក្នុងតំបន់ និងសាកលលោក។

ទាក់ទិននឹងការលើកឡើងនេះដែរថា ឧកញ៉ា ប៉ិច បូ​ឡែ​ន ប្រធាន​សហព័ន្ធ​សេវា​អប់រំ​នៅ​កម្ពុជា បាន​លើកឡើងថា សហព័ន្ធ​សេវា​អប់រំ​នៅ​កម្ពុជា ដែលមាន​អាយុកាល​ជាង ​ ២​ឆ្នាំនេះ​មានការ​ទទួលស្គាល់​ពី​ក្រសួងមហាផ្ទៃ និង​កំពុងធ្វើការ​ជិតស្និទ្ធ​ជាមួយ​ក្រសួង​អបរំ យុវជន និង​កីឡា និង​ក្រសួង​ការងារ​បណ្តុះបណ្តាល​និង​វិជ្ជាជីវៈ​។​លោក​ ​បញ្ជាក់ថា​ ​បេសកកម្ម​របស់​សហ​ព័ន្ធ​សេវា​អប់រំ​នៅ​កម្ពុជា​គឺ​លើកកម្ពស់​គុណភាព​វិស័យ​អប់រំ​ ជាពិសេស​វិស័យ​ឯកជន​ឱ្យ​កាន់តែ​ប្រសើរឡើង។

គួរបញ្ជាក់ដែថា តាមរយៈសន្និបាត និងសិក្ខាសាលាអប់រំខាងលើនេះ រដ្ឋមន្ត្រីអប់រំកម្ពុជា ក៏បានលើកទឹកចិត្តឱ្យសហព័ន្ធសេវាអប់រំនៅកម្ពុជា និងសមាជិកទាំងអស់បន្តបង្កើនការចូលរួមអភិវឌ្ឍវិស័យអប់រំ ជាមួយរដ្ឋាភិបាល និងក្រសួងអប់រំ តាមរយៈការបង្កើតការវិនិយោគលើការអប់រំឱ្យកាន់តែច្រើន ដើម្បីកសាងប្រព័ន្ធអប់រំឆ្លើយតបទៅនឹងតម្រូវការនៃការអភិវឌ្ឍ របស់កម្ពុជា និងសាកលលោក៕

The post រដ្ឋមន្ត្រីអប់រំ៖ ការអភិវឌ្ឍន៍ធនធានមនុស្ស គឺជាការវិនិយោគលើការអប់រំរយៈពេលវែងរបស់សង្គមជាតិ appeared first on .

គណៈកម្មការនេះដឹកនាំដោយលោក អូន ព័ន្ធមុនីរ័ត្ន ឧបនាយករដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងអនុប្រធានចំនួន ៥រូប ដែលជារដ្ឋមន្រ្តីបច្ចុប្បន្ន ដូចជា លោកទេសរដ្ឋមន្រ្តី ចម ប្រសិទ្ធ លោក ហង់ ជួនណារ៉ុន លោក ប៉ាន សូរស័ក្តិ លោក ជា វ៉ាន់ដេត និងលោក វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី។

ជាមួយគ្នានេះ លោក គង់ វិបុល អគ្គនាយកនៃអគ្គនាយកដ្ឋានពន្ធដារ និងលោក គុណ ញឹម អគ្គនាយកនៃអគ្គនាយករដ្ឋានគយ និងរដ្ឋាករកម្ពុជា ជាសមាជិក អមនឹងសមាជិកចំនួន ២៧រូបផ្សេងទៀត។

សូមអានសេចក្តីសម្រេចតែងតាំងខាង៖

The post រដ្ឋមន្រ្តីនៅតាមក្រសួង ៥រូប ជាអនុប្រធានក្នុងគណៈកម្មាធិការសេដ្ឋកិច្ច និងធុរកិច្ចឌីជីថល ទើបបង្កើតថ្មី appeared first on .

សូមចុច Subscribe Telegram oknha_news ដើម្បីទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

សាលាលំដាប់ពិភពលោក ISPP ជាសាលាអន្តរជាតិសម្រាប់កូនអ្នកឧកញ៉ា លោកឧកញ៉ា កូនអ្នកមាន​ កូន​ទូត កូនបរទេស ជាមួយនឹងកម្មវិធីសិក្សាផ្តោតទៅលើការ​អប់រំ​ប្រកបដោយ​គុណភាព ដែលទទួលសិស្សចូលរៀនចាប់ពី​ថ្នាក់​ដំបូង​រហូត​ដល់​ថ្នាក់​ទី ១២ ដោយ​​បំពាក់​បរិក្ខា​សិក្សា​ទំនើប​បំផុតនៅក្នុងទីក្រុងភ្នំពេញ បើ​ប្រៀប​នឹង​​សាលាអន្តរជាតិមួយចំនួនកំពុងឈរជើងវិនិយោគលើវិស័យអប់រំនៅប្រទេសកម្ពុជា។

សាលាអន្តរជាតិភ្នំពេញ ISPP ត្រូវបានកាត់ខ្សែបូសម្ពោធអគារសិក្សាថ្មីសន្លាងរបស់ខ្លួនជាផ្លូវកាល នៅ​ថ្ងៃទី​១៩ ខែកញ្ញា ឆ្នាំ ២០១៥ ក្រោមវត្តមានសម្ដេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី​នៃ​ប្រទេស​កម្ពុជា។ ​អគារសិក្សា​ថ្មី​នេះ មាន​អាង​ហែល​ទឹក​ខ្នាត​អូ​ឡាំ​ពិ​ក ទីលានកីឡា​ដ៏​ចែងចាំង និង​រោងល្ខោន Black Box ដ៏​ទំនើប​គួរ​ជាទី​មោ​ទ​នៈ​ផងដែរ​។

មែនទែនទៅសាលាអន្តរជាតិភ្នំពេញ ISPP មិនមែនទើបតែបង្កើតឡើងនៅនោះទេ តាមពិតសាលាបាន​បង្កើត​ឡើង​តាំងពី​ឆ្នាំ ​១៩៨៩ មកម្លេះ ហើយ​ត្រូវបាន​បង្រៀនសិស្សានុសិស្ស​ជាង​ ៨២៥ នាក់ ដែល​មាន​សញ្ជាតិ​ចំនួន ​៤៣ សញ្ជាតិ​។ សាលា​នេះ​ត្រូវ​បាន​បង្កើត​ឡើង និង​បន្ត​ជា​សាលា​ដែល​គ្រប់គ្រង​ដោយ​ឪពុក​ម្ដាយ​សិស្ស និង​ជា​សាលា​មិន​រក​ប្រាក់​ចំណេញ​។

សម្រាប់គោលដៅលើកស្ទួយក្នុងវិស័យអប់រំនៅប្រទេសកម្ពុជាវិញ លោក Barry Sutherland ​នាយក​សាលាអន្តរជាតិភ្នំពេញ ISPP បានឲ្យដឹងថា  «​នៅ​ថ្ងៃ​អនាគត យើង​ក៏​នឹង​មានឱកាស​ធ្វើ​ជា​ដៃគូរ​ជាមួយ​ក្រសួង​អប់រំ ដើម្បី​ធ្វើការ​ងារ​លើ​ចំណែក​របស់​យើង​ក្នុង​ការ​ជួយ​អភិវឌ្ឍ​ឱកាស​អប់រំ​សម្រាប់​ប្រជាជន​កម្ពុជា។ ខ្ញុំ​ក៏​សង្ឃឹមថា យើង​នឹង​អាច​បង្កើន​ចំនួន​អាហារូបករណ៍ ដើម្បី​ផ្ដល់​ជូន​សិស្ស​ក្រីក្រ​កម្ពុជា​ដែល​មាន​សមត្ថភាព​ផង​ដែរ​»​។

បើតាមលោក  Sutherland ថា យើង​មិន​ត្រូវ​ភ្លេច​ទេ​ថា សាលា ISPP គឺជា​ភ្ញៀវ​របស់​ប្រទេស​កម្ពុជា ហើយ​យើង​មាន​ទំនួល​ខុស​ត្រូវ​ក្នុង​ការ​ធ្វើ​ការងារ​ជាមួយ​រដ្ឋាភិបាល ដើម្បី​គាំទ្រ​ដល់​ចក្ខុវិស័យ​ជា​យុទ្ធសាស្ត្រ​របស់​លោក ហង់ ជួនណា​រ៉ុ​ន រដ្ឋមន្រ្តីក្រសួងអប់រំ យុវជន និងកីឡា ក្នុង​ការ​ធ្វើ​កំណែ​ទម្រង់ការ​អប់រំ​នៅ​ប្រទេស​កម្ពុជា​។

លើសពីនេះ ISPP ត្រូវបានផ្តល់សិទ្ធិពេញលេញឲ្យបង្រៀន​តាម​កម្រិត​ស្តង់ដារ​អន្តរជាតិ IB ( International Baccalaureate ) ព្រមទាំងមានការទទួលស្គាល់ដោយ Western Association of Schools a Colleges (WASC) រួមនឹងក្រុមប្រឹក្សាសាលាអន្តរជាតិ (CIS) ។ សាលាអន្តរជាតិ ISPP ក៏ជាសមាជិកនៃក្រុមប្រឹក្សាសាលាអន្តរជាតិអឺរ៉ុប (ECIS) ក្រុមប្រឹក្សាតំបន់អាស៊ីបូព៌ានៃសាលាក្រៅប្រទេស (EARCOS) និងសមាគមសាលាអន្តរជាតិមេគង្គមេគង្គ (MRISA) ។

យោងតាមការចុះផ្សាយរបស់ស្ថាប័នអន្តរជាតិមួយបង្ហាញថា ប្រព័ន្ធ​សិក្សា​អន្តរជាតិ IB បច្ចុប្បន្នត្រូវ​បាន​សាលា​ជាង​ ៥​ ពាន់​ក្នុង​ចំណោម​ជាង ​៤១​ ប្រទេស​លើ​សកលលោកកំពុងផ្តល់សិទ្ធពេញលេញ​ដាក់​ឲ្យ​ប្រើប្រាស់ ខណៈដែល​សហរដ្ឋ​អាមេរិក​នាំមុខ​គេ​ខាង​អនុវត្ត​កម្មវិធី​នេះ តាម​ពី​ក្រោយ​ដោយ​កាណាដា និង​អូស្ត្រាលី  ចិន ឥណ្ឌា និង​ប្រទេស​ក្នុង​តំបន់​អឺរ៉ុប អាស៊ី ក្នុងនោះកម្ពុជាមានកម្ពុជាមួយផងដែរ៕ 

The post សាលា​សម្រាប់កូនសេដ្ឋី កូន​ទូត កូនបរទេស ISPP នៅភ្នំពេញក្នុងមួយឆ្នាំបង់ថ្លៃសិក្សាមិនក្រោម ២ ម៉ឺនដុល្លារ appeared first on .

មជ្ឈមណ្ឌល​ NICC គឺ​ជា​កន្លែង​បណ្តុះបណ្តាលនិង​ផ្តល់​ប្រឹក្សាដល់និស្សិតនិង​យុវជន​កម្ពុជាដើម្បី​ជួយ​ពួកគេបញ្ចេញ​សក្កា​នុព​ល​របស់​ពួកគេឆ្ពោះទៅយុគសម័យ​ឌីជីថលនិង​ជា​កន្លែង​ជួបជុំរវាង​វិនិយោគិននិង​និស្សិតឬ​សហគ្រិន​វ័យក្មេងនាពេល​អនាគត​នោះ។

លោកបណ្ឌិត ហង់ ជួន ណា​រ៉ុ​ន មានប្រសាសន៍ថា​ រាជរដ្ឋាភិបាល​កម្ពុជាកំពុង​ស្វែងរក​ឱកាសនិង​វិសាលភាពនៃ​អត្ថប្រយោជន៍​សេដ្ឋកិច្ចនៅក្នុង​វិស័យ​ឌីជីថល ដែលមាន​សក្តា​នុពលមិន​ត្រឹមតែ​ក្លាយជា​ប្រភព​ថ្មីនៃ​កំណើនសេដ្ឋកិច្ច​ប៉ុណ្ណោះ​ទេ ​ថែមទាំង​ជួយលើកកម្ពស់​ផលិតភាពនៅក្នុង​ប្រទេស ពលរដ្ឋ និងអាជីវកម្ម​។

លោករដ្ឋមន្រ្តីថ្លែងក្នុងពេលចូលរួមជាអធិបតីក្នុងពិធីបញ្ចុះបឋមសិលា​ និងបើកការដ្ឋានសា​ង​សង់មជ្ឈ​​មណ្ឌល​ជាតិបណ្តុះ​ធុរកិច្ចថ្មីនៃកម្ពុជា (NICC) ដែលជា​ជំនួយ​របស់សាធារណរដ្ឋ​កូរ៉េ នា​ព្រឹក​ថ្ងៃទី​៣ ខែសីហានេះ​។

ក្នុងនាម​រាជរដ្ឋាភិបាល​កម្ពុជា លោក​រដ្ឋមន្ត្រីបាន​ថ្លែងអំណរគុណចំពោះ​រដ្ឋាភិបាល នៃ​សាធារណរដ្ឋ​កូរ៉េ KOICA និង KPC ដែល​បាន​ផ្តល់ជំនួយ បច្ចេកទេស និង​ហិរញ្ញវត្ថុ ក្នុង​ការបង្កើត​មជ្ឈមណ្ឌល​ជាតិបណ្តុះ​ធុរកិច្ច​ថ្មី​នៃ​កម្ពុជា នៅ​សាកលវិទ្យាល័យ ភូមិន្ទ​ភ្នំពេញ​។​

លោក​បណ្ឌិត ផាក ហ៊ឹង​ខ្យ​ង់ ​មានប្រសាសន៍​ថា​ ប្រទេស​កម្ពុជាគឺជា​ប្រទេសមួយក្នុងចំណោមប្រទេស​ដៃគូ ODA សំខាន់ៗរបស់​ប្រទេស​កូរ៉េ​។ គម្រោង​នេះនឹង​ក្លាយជា​គម្រោង​គំរូ​ដ៏​ល្អ​មួយសម្រាប់​ការសហការរវាង​វិស័យ​ឧស្សាហកម្មនិង​វិស័យ​អប់រំនៅ​ប្រទេស​កម្ពុជា​។

លោក​បន្ថែមទៀតថា៖ “គម្រោង​នេះនឹង​ក្លាយជា​គំរូ​ដ៏​ល្អនៃ​កិច្ចសហការពាណិជ្ជកម្មប្រកបដោយ​ជោគជ័យរវាង​កម្ពុជានិង​សាធារណរដ្ឋ​កូរ៉េ​​”។

The post រដ្ឋាភិបាលកូរ៉េផ្តល់ទឹកប្រាក់ ២,៧ លាន ដុល្លារ​អាមេរិក បង្កើត​មជ្ឈមណ្ឌល​ជាតិបណ្តុះ​ធុរកិច្ច​ថ្មី​នៃ​កម្ពុជា appeared first on .

សេចក្តីជូនដំណឹងរបស់ក្រសួងអប់រំ ផ្សព្វផ្សាយនាពេលថ្មីៗនេះ ឲ្យដឹងថា ផ្អែកតាមរ​បាយការណ៍ស្ថានភាពរាតត្បាតនៃជំងឺកូវីដ១៩ របស់ក្រសួងសុខាភិបាល ដែល​តម្រូវឲ្យបន្តអនុវត្តវិធានការបង្ការ និងទប់ស្កាត់ការរីករាលដាល និងតាមការ​ណែនាំ​របស់​រាជរដ្ឋាភិបាលកម្ពុជា ក្រសួងអប់រំយុវជន និងកីឡា សម្រេចពន្យា​ពេលនៃការ​ចូលរៀនឡើងវិញ រហូតដក់ការជូនដំណឹងជាថ្មីទៀត។

ទន្ទឹមនឹងនេះ ក្រសួងជំរុញបន្តផ្សព្វផ្សាយ និងសហការល្អជាមួយមាតាបិតា អាណាព្យាបាលសិស្ស អាជ្ញាធរដែនដី ដើម្បីគាំទ្រការសិក្សាពីចម្ងាយ និងសិក្សាតាមប្រព័ន្ធអេឡិចត្រូនិក ដល់សិស្សានុសិស្សនៅតាមលំនៅដ្ឋាន និងសហគមន៍ តាមមធ្យោបាយ និងលទ្ធភាពជាក់ស្តែង។

ជាមួយគ្នានេះ ក្រសួងព័ត៌មាន ប្រកាសថា នឹងសហការជាមួយក្រសួងអប់រំ នឹងចាប់ផ្តើមចាក់ផ្សាយ ការបង្រៀនលើកញ្ចក់ទូរទស្សន៍ជាតិកម្ពុជា និងApp ក្រសួងព័ត៌មាន នៅថ្ងៃទី២០ មេសា ឆ្នាំ ២០២០។

ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានបញ្ជាក់នៅក្នុងកិច្ចប្រជុំ​ជាមួយក្រ​សួងអប់រំ កាលពីថ្ងៃ សុក្រថា នៅក្នុងដំណាក់កាលដែលមានការបិទ​សាលារៀននៅ​ទូទាំង​ប្រទេស ដោយសារការព្រួយបារម្ភពីការឆ្លងនៃ មេរោគកូវីត១៩ ហើយសិស្សា​នុសិស្ស មិនបានមករៀននៅសាលានោះ ក្រសួងព័ត៌មាន សហការជាមួយក្រសួងអប់រំ យុវជន និងកីឡា បានរៀបចំជាកម្មវិធីបង្រៀនពីចម្ងាយ E-LEARNING DISTANCE LEARNING នូវចំណេះដឹងទូទៅសម្រាប់កុមារតូច រហូតដល់ធំ តាមរយៈការចាក់​ផ្សាយតាមប្រព័ន្ធ Internet App ក្រសួងព័ត៌មាន តាមរយៈប្រព័ន្ធទូរទស្សន៍​ផ្កាយរណបតេជោ ឌីធីវី ប៉ុស្តិ៍ TVK2 ដែលអាចឱ្យសិស្សានុសិស្សបើកមើលបាន ដោយឥតគិតថ្លៃ ហើយជាជំហ៊ានទៅមុខទៀត ក៏គ្រោងទៅស្ថានីយទូរទស្សន៍​ខ្សែកាបនៅ​ភ្នំពេញ និងតាមបណ្តាខេត្តផងដែរ៕

The post ក្រសួងអប់រំ ប្រកាស​ពន្យារ​ពេល​កា​រ​ចូល​រៀន សម្រាប់​គ្រឹះស្ថាន​​សិ​ក្សា បណ្តុះ​​បណ្តាល គ្រប់​កម្រិត ទាំ​ង​សាធារណៈ និងឯកជន ទូ​ទាំ​ង​ប្រទេស appeared first on .